| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౧౦. థేరనామకసుత్తవణ్ణనా
10. Theranāmakasuttavaṇṇanā
౨౪౪. దసమే వణ్ణవాదీతి ఆనిసంసవాదీ. యం అతీతం తం పహీనన్తి అతీతే ఖన్ధపఞ్చకే ఛన్దరాగప్పహానేన తం పహీనం నామ హోతి. అనాగతన్తి అనాగతమ్పి ఖన్ధపఞ్చకం తత్థ ఛన్దరాగపటినిస్సగ్గేన పటినిస్సట్ఠం నామ హోతి . సబ్బాభిభున్తి సబ్బా ఖన్ధాయతనధాతుయో చ తయో భవే చ అభిభవిత్వా ఠితం. సబ్బవిదున్తి తం వుత్తప్పకారం సబ్బం విదితం పాకటం కత్వా ఠితం. సబ్బేసు ధమ్మేసూతి తేస్వేవ ధమ్మేసు తణ్హాదిట్ఠిలేపేహి అనుపలిత్తం. సబ్బఞ్జహన్తి తదేవ సబ్బం తత్థ ఛన్దరాగప్పహానేన జహిత్వా ఠితం. తణ్హక్ఖయే విముత్తన్తి తణ్హక్ఖయసఙ్ఖాతే నిబ్బానే తదారమ్మణాయ విముత్తియా విముత్తం. దసమం.
244. Dasame vaṇṇavādīti ānisaṃsavādī. Yaṃ atītaṃ taṃ pahīnanti atīte khandhapañcake chandarāgappahānena taṃ pahīnaṃ nāma hoti. Anāgatanti anāgatampi khandhapañcakaṃ tattha chandarāgapaṭinissaggena paṭinissaṭṭhaṃ nāma hoti . Sabbābhibhunti sabbā khandhāyatanadhātuyo ca tayo bhave ca abhibhavitvā ṭhitaṃ. Sabbavidunti taṃ vuttappakāraṃ sabbaṃ viditaṃ pākaṭaṃ katvā ṭhitaṃ. Sabbesu dhammesūti tesveva dhammesu taṇhādiṭṭhilepehi anupalittaṃ. Sabbañjahanti tadeva sabbaṃ tattha chandarāgappahānena jahitvā ṭhitaṃ. Taṇhakkhaye vimuttanti taṇhakkhayasaṅkhāte nibbāne tadārammaṇāya vimuttiyā vimuttaṃ. Dasamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧౦. థేరనామకసుత్తం • 10. Theranāmakasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧౦. థేరనామకసుత్తవణ్ణనా • 10. Theranāmakasuttavaṇṇanā
