| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๐. เถรนามกสุตฺตวณฺณนา
10. Theranāmakasuttavaṇṇanā
๒๔๔. อตีเต ขนฺธปญฺจเกติ อตีเต อตฺตภาเวฯ ฉนฺทราคปฺปหาเนนาติ ฉนฺทราคสฺส อจฺจนฺตเมว ชหเนนฯ ปหีนํ นาม โหติ อนเปกฺขปริจฺจาคโตฯ ปฎินิสฺสฎฺฐํ นาม โหติ สพฺพโส ฉฑฺฑิตตฺตาฯ ตโย ภเวติ อิมินา อุปาทิณฺณกธมฺมานํเยว คหณํฯ สพฺพา ขนฺธายตนธาตุโย จาติ อิมินา อุปาทิณฺณานมฺปิ อนุปาทิณฺณานมฺปิ ทฺวิธา ปวตฺตโลกิยธมฺมานํ คหณํ อวิเสเสตฺวา วุตฺตตฺตาฯ วิทิตํ ปากฎํ กตฺวา ฐิตํ ปริญฺญาภิสมยวเสนฯ เตเสฺววาติ เตภูมกธเมฺมสุ เอวฯ อนุปลิตฺตํ อมถิตํ อสํกิลิฎฺฐํ ตณฺหาทิฎฺฐิสํกิเลสาภาวโตฯ ตเทว สพฺพนฺติ เหฎฺฐา ตีสุปิ ปเทสุ อิธ สพฺพคฺคหเณน คหิตํ เตภูมกวฎฺฎํฯ ชหิตฺวาติ ปหานาภิสมยวเสนฯ ตณฺหา ขียติ เอตฺถาติ ตณฺหกฺขยสงฺขาเต นิพฺพาเน วิมุตฺตํฯ ตมหนฺติ ตํ อุตฺตมปุคฺคลํ เอกวิหาริํ พฺรูมิ ตณฺหาทุติยสฺส อภาวโตฯ เอตฺถ จ ปริญฺญาปหานาภิสมยกถเนน อิตรมฺปิ อภิสมยํ อตฺถโต กถิตเมวาติ ทฎฺฐพฺพํฯ
244.Atīte khandhapañcaketi atīte attabhāve. Chandarāgappahānenāti chandarāgassa accantameva jahanena. Pahīnaṃ nāma hoti anapekkhapariccāgato. Paṭinissaṭṭhaṃ nāma hoti sabbaso chaḍḍitattā. Tayobhaveti iminā upādiṇṇakadhammānaṃyeva gahaṇaṃ. Sabbā khandhāyatanadhātuyo cāti iminā upādiṇṇānampi anupādiṇṇānampi dvidhā pavattalokiyadhammānaṃ gahaṇaṃ avisesetvā vuttattā. Viditaṃ pākaṭaṃ katvā ṭhitaṃ pariññābhisamayavasena. Tesvevāti tebhūmakadhammesu eva. Anupalittaṃ amathitaṃ asaṃkiliṭṭhaṃ taṇhādiṭṭhisaṃkilesābhāvato. Tadeva sabbanti heṭṭhā tīsupi padesu idha sabbaggahaṇena gahitaṃ tebhūmakavaṭṭaṃ. Jahitvāti pahānābhisamayavasena. Taṇhā khīyati etthāti taṇhakkhayasaṅkhāte nibbāne vimuttaṃ. Tamahanti taṃ uttamapuggalaṃ ekavihāriṃ brūmi taṇhādutiyassa abhāvato. Ettha ca pariññāpahānābhisamayakathanena itarampi abhisamayaṃ atthato kathitamevāti daṭṭhabbaṃ.
เถรนามกสุตฺตวณฺณนา นิฎฺฐิตาฯ
Theranāmakasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. เถรนามกสุตฺตํ • 10. Theranāmakasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. เถรนามกสุตฺตวณฺณนา • 10. Theranāmakasuttavaṇṇanā
