| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
១០. ថេរនាមកសុត្តវណ្ណនា
10. Theranāmakasuttavaṇṇanā
២៤៤. ទសមេ វណ្ណវាទីតិ អានិសំសវាទី។ យំ អតីតំ តំ បហីនន្តិ អតីតេ ខន្ធបញ្ចកេ ឆន្ទរាគប្បហានេន តំ បហីនំ នាម ហោតិ។ អនាគតន្តិ អនាគតម្បិ ខន្ធបញ្ចកំ តត្ថ ឆន្ទរាគបដិនិស្សគ្គេន បដិនិស្សដ្ឋំ នាម ហោតិ ។ សព្ពាភិភុន្តិ សព្ពា ខន្ធាយតនធាតុយោ ច តយោ ភវេ ច អភិភវិត្វា ឋិតំ។ សព្ពវិទុន្តិ តំ វុត្តប្បការំ សព្ពំ វិទិតំ បាកដំ កត្វា ឋិតំ។ សព្ពេសុ ធម្មេសូតិ តេស្វេវ ធម្មេសុ តណ្ហាទិដ្ឋិលេបេហិ អនុបលិត្តំ។ សព្ពញ្ជហន្តិ តទេវ សព្ពំ តត្ថ ឆន្ទរាគប្បហានេន ជហិត្វា ឋិតំ។ តណ្ហក្ខយេ វិមុត្តន្តិ តណ្ហក្ខយសង្ខាតេ និព្ពានេ តទារម្មណាយ វិមុត្តិយា វិមុត្តំ។ ទសមំ។
244. Dasame vaṇṇavādīti ānisaṃsavādī. Yaṃ atītaṃ taṃ pahīnanti atīte khandhapañcake chandarāgappahānena taṃ pahīnaṃ nāma hoti. Anāgatanti anāgatampi khandhapañcakaṃ tattha chandarāgapaṭinissaggena paṭinissaṭṭhaṃ nāma hoti . Sabbābhibhunti sabbā khandhāyatanadhātuyo ca tayo bhave ca abhibhavitvā ṭhitaṃ. Sabbavidunti taṃ vuttappakāraṃ sabbaṃ viditaṃ pākaṭaṃ katvā ṭhitaṃ. Sabbesu dhammesūti tesveva dhammesu taṇhādiṭṭhilepehi anupalittaṃ. Sabbañjahanti tadeva sabbaṃ tattha chandarāgappahānena jahitvā ṭhitaṃ. Taṇhakkhaye vimuttanti taṇhakkhayasaṅkhāte nibbāne tadārammaṇāya vimuttiyā vimuttaṃ. Dasamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. ថេរនាមកសុត្តំ • 10. Theranāmakasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១០. ថេរនាមកសុត្តវណ្ណនា • 10. Theranāmakasuttavaṇṇanā
