| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೧೦. ಥೇರನಾಮಕಸುತ್ತವಣ್ಣನಾ
10. Theranāmakasuttavaṇṇanā
೨೪೪. ದಸಮೇ ವಣ್ಣವಾದೀತಿ ಆನಿಸಂಸವಾದೀ। ಯಂ ಅತೀತಂ ತಂ ಪಹೀನನ್ತಿ ಅತೀತೇ ಖನ್ಧಪಞ್ಚಕೇ ಛನ್ದರಾಗಪ್ಪಹಾನೇನ ತಂ ಪಹೀನಂ ನಾಮ ಹೋತಿ। ಅನಾಗತನ್ತಿ ಅನಾಗತಮ್ಪಿ ಖನ್ಧಪಞ್ಚಕಂ ತತ್ಥ ಛನ್ದರಾಗಪಟಿನಿಸ್ಸಗ್ಗೇನ ಪಟಿನಿಸ್ಸಟ್ಠಂ ನಾಮ ಹೋತಿ । ಸಬ್ಬಾಭಿಭುನ್ತಿ ಸಬ್ಬಾ ಖನ್ಧಾಯತನಧಾತುಯೋ ಚ ತಯೋ ಭವೇ ಚ ಅಭಿಭವಿತ್ವಾ ಠಿತಂ। ಸಬ್ಬವಿದುನ್ತಿ ತಂ ವುತ್ತಪ್ಪಕಾರಂ ಸಬ್ಬಂ ವಿದಿತಂ ಪಾಕಟಂ ಕತ್ವಾ ಠಿತಂ। ಸಬ್ಬೇಸು ಧಮ್ಮೇಸೂತಿ ತೇಸ್ವೇವ ಧಮ್ಮೇಸು ತಣ್ಹಾದಿಟ್ಠಿಲೇಪೇಹಿ ಅನುಪಲಿತ್ತಂ। ಸಬ್ಬಞ್ಜಹನ್ತಿ ತದೇವ ಸಬ್ಬಂ ತತ್ಥ ಛನ್ದರಾಗಪ್ಪಹಾನೇನ ಜಹಿತ್ವಾ ಠಿತಂ। ತಣ್ಹಕ್ಖಯೇ ವಿಮುತ್ತನ್ತಿ ತಣ್ಹಕ್ಖಯಸಙ್ಖಾತೇ ನಿಬ್ಬಾನೇ ತದಾರಮ್ಮಣಾಯ ವಿಮುತ್ತಿಯಾ ವಿಮುತ್ತಂ। ದಸಮಂ।
244. Dasame vaṇṇavādīti ānisaṃsavādī. Yaṃ atītaṃ taṃ pahīnanti atīte khandhapañcake chandarāgappahānena taṃ pahīnaṃ nāma hoti. Anāgatanti anāgatampi khandhapañcakaṃ tattha chandarāgapaṭinissaggena paṭinissaṭṭhaṃ nāma hoti . Sabbābhibhunti sabbā khandhāyatanadhātuyo ca tayo bhave ca abhibhavitvā ṭhitaṃ. Sabbavidunti taṃ vuttappakāraṃ sabbaṃ viditaṃ pākaṭaṃ katvā ṭhitaṃ. Sabbesu dhammesūti tesveva dhammesu taṇhādiṭṭhilepehi anupalittaṃ. Sabbañjahanti tadeva sabbaṃ tattha chandarāgappahānena jahitvā ṭhitaṃ. Taṇhakkhaye vimuttanti taṇhakkhayasaṅkhāte nibbāne tadārammaṇāya vimuttiyā vimuttaṃ. Dasamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೦. ಥೇರನಾಮಕಸುತ್ತಂ • 10. Theranāmakasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೦. ಥೇರನಾಮಕಸುತ್ತವಣ್ಣನಾ • 10. Theranāmakasuttavaṇṇanā
