| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. т̇зрабадисанд̣̇аханаабадисанд̣̇аханабан̃хо
7. Therapaṭisandahanāpaṭisandahanapañho
7. рааж̇аа ааха ‘‘бханд̇з нааг̇асзна, д̇вам̣ бана бадисанд̣̇ахиссасий’’д̇и? ‘‘алам̣, махаарааж̇а, гим̣ д̇з д̇зна бужчид̇зна, нану маяаа бадигажжзва агкаад̇ам̣ ‘сажз, махаарааж̇а, саубаад̣̇аано бхависсаами , бадисанд̣̇ахиссаами, сажз анубаад̣̇аано бхависсаами, на бадисанд̣̇ахиссаамий’’’д̇и.
7. Rājā āha ‘‘bhante nāgasena, tvaṃ pana paṭisandahissasī’’ti? ‘‘Alaṃ, mahārāja, kiṃ te tena pucchitena, nanu mayā paṭikacceva akkhātaṃ ‘sace, mahārāja, saupādāno bhavissāmi , paṭisandahissāmi, sace anupādāno bhavissāmi, na paṭisandahissāmī’’’ti.
‘‘обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо ран̃н̃о ад̇хигаарам̣ гарзяяа. рааж̇аа д̇удто ад̇хигаарам̣ д̣̇ад̣̇зяяа, со д̇зна ад̇хигаарзна бан̃жахи гаамаг̇ун̣зхи самаббид̇о саман̇г̇ибхууд̇о барижарзяяа, со жз ж̇анасса аарожзяяа ‘на мз рааж̇аа гин̃жи бадигарод̇ий’ д̇и. гим̣ ну ко со, махаарааж̇а, бурисо яуд̇д̇агаарий бхавзяяаа’’д̇и? ‘‘на хи бханд̇з’’д̇и. ‘‘звамзва ко, махаарааж̇а , гим̣ д̇з д̇зна бужчид̇зна, нану маяаа бадигажжзва агкаад̇ам̣ ‘сажз саубаад̣̇аано бхависсаами, бадисанд̣̇ахиссаами, сажз анубаад̣̇аано бхависсаами, на бадисанд̣̇ахиссаамий’’’д̇и.
‘‘Opammaṃ karohī’’ti. ‘‘Yathā, mahārāja, kocideva puriso rañño adhikāraṃ kareyya. Rājā tuṭṭho adhikāraṃ dadeyya, so tena adhikārena pañcahi kāmaguṇehi samappito samaṅgibhūto paricareyya, so ce janassa āroceyya ‘na me rājā kiñci paṭikarotī’ ti. Kiṃ nu kho so, mahārāja, puriso yuttakārī bhaveyyā’’ti? ‘‘Na hi bhante’’ti. ‘‘Evameva kho, mahārāja , kiṃ te tena pucchitena, nanu mayā paṭikacceva akkhātaṃ ‘sace saupādāno bhavissāmi, paṭisandahissāmi, sace anupādāno bhavissāmi, na paṭisandahissāmī’’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
т̇зрабадисанд̣̇аханаабадисанд̣̇аханабан̃хо сад̇д̇амо.
Therapaṭisandahanāpaṭisandahanapañho sattamo.
