| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༧. ཐེརཔཊིསནྡཧནཱཔཊིསནྡཧནཔཉྷོ
7. Therapaṭisandahanāpaṭisandahanapañho
༧. རཱཛཱ ཨཱཧ ‘‘བྷནྟེ ནཱགསེན, ཏྭཾ པན པཊིསནྡཧིསྶསཱི’’ཏི? ‘‘ཨལཾ, མཧཱརཱཛ, ཀིཾ ཏེ ཏེན པུཙྪིཏེན, ནནུ མཡཱ པཊིཀཙྩེཝ ཨཀྑཱཏཾ ‘སཙེ, མཧཱརཱཛ, སཨུཔཱདཱནོ བྷཝིསྶཱམི , པཊིསནྡཧིསྶཱམི, སཙེ ཨནུཔཱདཱནོ བྷཝིསྶཱམི, ན པཊིསནྡཧིསྶཱམཱི’’’ཏི།
7. Rājā āha ‘‘bhante nāgasena, tvaṃ pana paṭisandahissasī’’ti? ‘‘Alaṃ, mahārāja, kiṃ te tena pucchitena, nanu mayā paṭikacceva akkhātaṃ ‘sace, mahārāja, saupādāno bhavissāmi , paṭisandahissāmi, sace anupādāno bhavissāmi, na paṭisandahissāmī’’’ti.
‘‘ཨོཔམྨཾ ཀརོཧཱི’’ཏི། ‘‘ཡཐཱ, མཧཱརཱཛ, ཀོཙིདེཝ པུརིསོ རཉྙོ ཨདྷིཀཱརཾ ཀརེཡྻ། རཱཛཱ ཏུཊྛོ ཨདྷིཀཱརཾ དདེཡྻ, སོ ཏེན ཨདྷིཀཱརེན པཉྩཧི ཀཱམགུཎེཧི སམཔྤིཏོ སམངྒིབྷཱུཏོ པརིཙརེཡྻ, སོ ཙེ ཛནསྶ ཨཱརོཙེཡྻ ‘ན མེ རཱཛཱ ཀིཉྩི པཊིཀརོཏཱི’ ཏི། ཀིཾ ནུ ཁོ སོ, མཧཱརཱཛ, པུརིསོ ཡུཏྟཀཱརཱི བྷཝེཡྻཱ’’ཏི? ‘‘ན ཧི བྷནྟེ’’ཏི། ‘‘ཨེཝམེཝ ཁོ, མཧཱརཱཛ , ཀིཾ ཏེ ཏེན པུཙྪིཏེན, ནནུ མཡཱ པཊིཀཙྩེཝ ཨཀྑཱཏཾ ‘སཙེ སཨུཔཱདཱནོ བྷཝིསྶཱམི, པཊིསནྡཧིསྶཱམི, སཙེ ཨནུཔཱདཱནོ བྷཝིསྶཱམི, ན པཊིསནྡཧིསྶཱམཱི’’’ཏི།
‘‘Opammaṃ karohī’’ti. ‘‘Yathā, mahārāja, kocideva puriso rañño adhikāraṃ kareyya. Rājā tuṭṭho adhikāraṃ dadeyya, so tena adhikārena pañcahi kāmaguṇehi samappito samaṅgibhūto paricareyya, so ce janassa āroceyya ‘na me rājā kiñci paṭikarotī’ ti. Kiṃ nu kho so, mahārāja, puriso yuttakārī bhaveyyā’’ti? ‘‘Na hi bhante’’ti. ‘‘Evameva kho, mahārāja , kiṃ te tena pucchitena, nanu mayā paṭikacceva akkhātaṃ ‘sace saupādāno bhavissāmi, paṭisandahissāmi, sace anupādāno bhavissāmi, na paṭisandahissāmī’’’ti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
ཐེརཔཊིསནྡཧནཱཔཊིསནྡཧནཔཉྷོ སཏྟམོ།
Therapaṭisandahanāpaṭisandahanapañho sattamo.
