| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੭. ਥੇਰਪਟਿਸਨ੍ਦਹਨਾਪਟਿਸਨ੍ਦਹਨਪਞ੍ਹੋ
7. Therapaṭisandahanāpaṭisandahanapañho
੭. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਤ੍વਂ ਪਨ ਪਟਿਸਨ੍ਦਹਿਸ੍ਸਸੀ’’ਤਿ? ‘‘ਅਲਂ, ਮਹਾਰਾਜ, ਕਿਂ ਤੇ ਤੇਨ ਪੁਚ੍ਛਿਤੇਨ, ਨਨੁ ਮਯਾ ਪਟਿਕਚ੍ਚੇવ ਅਕ੍ਖਾਤਂ ‘ਸਚੇ, ਮਹਾਰਾਜ, ਸਉਪਾਦਾਨੋ ਭવਿਸ੍ਸਾਮਿ , ਪਟਿਸਨ੍ਦਹਿਸ੍ਸਾਮਿ, ਸਚੇ ਅਨੁਪਾਦਾਨੋ ਭવਿਸ੍ਸਾਮਿ, ਨ ਪਟਿਸਨ੍ਦਹਿਸ੍ਸਾਮੀ’’’ਤਿ।
7. Rājā āha ‘‘bhante nāgasena, tvaṃ pana paṭisandahissasī’’ti? ‘‘Alaṃ, mahārāja, kiṃ te tena pucchitena, nanu mayā paṭikacceva akkhātaṃ ‘sace, mahārāja, saupādāno bhavissāmi , paṭisandahissāmi, sace anupādāno bhavissāmi, na paṭisandahissāmī’’’ti.
‘‘ਓਪਮ੍ਮਂ ਕਰੋਹੀ’’ਤਿ। ‘‘ਯਥਾ, ਮਹਾਰਾਜ, ਕੋਚਿਦੇવ ਪੁਰਿਸੋ ਰਞ੍ਞੋ ਅਧਿਕਾਰਂ ਕਰੇਯ੍ਯ। ਰਾਜਾ ਤੁਟ੍ਠੋ ਅਧਿਕਾਰਂ ਦਦੇਯ੍ਯ, ਸੋ ਤੇਨ ਅਧਿਕਾਰੇਨ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗਿਭੂਤੋ ਪਰਿਚਰੇਯ੍ਯ, ਸੋ ਚੇ ਜਨਸ੍ਸ ਆਰੋਚੇਯ੍ਯ ‘ਨ ਮੇ ਰਾਜਾ ਕਿਞ੍ਚਿ ਪਟਿਕਰੋਤੀ’ ਤਿ। ਕਿਂ ਨੁ ਖੋ ਸੋ, ਮਹਾਰਾਜ, ਪੁਰਿਸੋ ਯੁਤ੍ਤਕਾਰੀ ਭવੇਯ੍ਯਾ’’ਤਿ? ‘‘ਨ ਹਿ ਭਨ੍ਤੇ’’ਤਿ। ‘‘ਏવਮੇવ ਖੋ, ਮਹਾਰਾਜ , ਕਿਂ ਤੇ ਤੇਨ ਪੁਚ੍ਛਿਤੇਨ, ਨਨੁ ਮਯਾ ਪਟਿਕਚ੍ਚੇવ ਅਕ੍ਖਾਤਂ ‘ਸਚੇ ਸਉਪਾਦਾਨੋ ਭવਿਸ੍ਸਾਮਿ, ਪਟਿਸਨ੍ਦਹਿਸ੍ਸਾਮਿ, ਸਚੇ ਅਨੁਪਾਦਾਨੋ ਭવਿਸ੍ਸਾਮਿ, ਨ ਪਟਿਸਨ੍ਦਹਿਸ੍ਸਾਮੀ’’’ਤਿ।
‘‘Opammaṃ karohī’’ti. ‘‘Yathā, mahārāja, kocideva puriso rañño adhikāraṃ kareyya. Rājā tuṭṭho adhikāraṃ dadeyya, so tena adhikārena pañcahi kāmaguṇehi samappito samaṅgibhūto paricareyya, so ce janassa āroceyya ‘na me rājā kiñci paṭikarotī’ ti. Kiṃ nu kho so, mahārāja, puriso yuttakārī bhaveyyā’’ti? ‘‘Na hi bhante’’ti. ‘‘Evameva kho, mahārāja , kiṃ te tena pucchitena, nanu mayā paṭikacceva akkhātaṃ ‘sace saupādāno bhavissāmi, paṭisandahissāmi, sace anupādāno bhavissāmi, na paṭisandahissāmī’’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਥੇਰਪਟਿਸਨ੍ਦਹਨਾਪਟਿਸਨ੍ਦਹਨਪਞ੍ਹੋ ਸਤ੍ਤਮੋ।
Therapaṭisandahanāpaṭisandahanapañho sattamo.
