| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. т̇зрасуд̇д̇ам̣
8. Therasuttaṃ
98. ‘‘д̣̇асахи, бхигкавз, д̇хаммзхи саманнааг̇ад̇о т̇зро бхигку яассам̣ яассам̣ д̣̇исааяам̣ вихарад̇и, паасуязва вихарад̇и. гад̇амзхи д̣̇асахи? т̇зро ход̇и рад̇д̇ан̃н̃уу жирабаб̣б̣аж̇ид̇о, сийлаваа ход̇и …бз… самаад̣̇ааяа сигкад̇и сигкаабад̣̇зсу, б̣ахуссуд̇о ход̇и…бз… д̣̇идтияаа суббадивид̣̇д̇хо, убхаяаани ко банасса баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо, ад̇хигаран̣асамуббаад̣̇авуубасамагусало ход̇и, д̇хаммагаамо ход̇и бияасамуд̣̇аахааро абхид̇хаммз абхивинаяз ул̣аарабаамож̇ж̇о, санд̇удто ход̇и ид̇арийд̇аражийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна, баасаад̣̇иго ход̇и абхигганд̇абадигганд̇з 1 сусам̣вуд̇о анд̇арагхарз нисаж̇ж̇ааяа, жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий, аасаваанан̃жа каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. имзхи ко, бхигкавз, д̣̇асахи д̇хаммзхи саманнааг̇ад̇о т̇зро бхигку яассам̣ яассам̣ д̣̇исааяам̣ вихарад̇и, паасуязва вихарад̇ий’’д̇и. адтамам̣.
98. ‘‘Dasahi, bhikkhave, dhammehi samannāgato thero bhikkhu yassaṃ yassaṃ disāyaṃ viharati, phāsuyeva viharati. Katamehi dasahi? Thero hoti rattaññū cirapabbajito, sīlavā hoti …pe… samādāya sikkhati sikkhāpadesu, bahussuto hoti…pe… diṭṭhiyā suppaṭividdho, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, adhikaraṇasamuppādavūpasamakusalo hoti, dhammakāmo hoti piyasamudāhāro abhidhamme abhivinaye uḷārapāmojjo, santuṭṭho hoti itarītaracīvarapiṇḍapātasenāsanagilānappaccayabhesajjaparikkhārena, pāsādiko hoti abhikkantapaṭikkante 2 susaṃvuto antaraghare nisajjāya, catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī, āsavānañca khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Imehi kho, bhikkhave, dasahi dhammehi samannāgato thero bhikkhu yassaṃ yassaṃ disāyaṃ viharati, phāsuyeva viharatī’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7-8. аахунзяяасуд̇д̇аад̣̇иван̣н̣анаа • 7-8. Āhuneyyasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-8. гогануд̣̇асуд̇д̇аад̣̇иван̣н̣анаа • 6-8. Kokanudasuttādivaṇṇanā
