| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
8. ථෙරසුත්‌තවණ්‌ණනා
8. Therasuttavaṇṇanā
88. අට්‌ඨමෙ ථිරභාවප්‌පත්‌තොති සාසනෙ ථිරභාවං අනිවත්‌තිභාවං පත්‌ථො. පබ්‌බජිතො හුත්‌වා බහූ රත්‌තියො ජානාතීති රත්‌තඤ්‌ඤූ. තෙනාහ ‘‘පබ්‌බජිතදිවසතො පට්‌ඨායා’’තිආදි. පාකටොති අයථාභූතගුණෙහි චෙව යථාභූතගුණෙහි ච සමුග්‌ගතො. යසො එතස්‌ස අත්‌ථීති යසස්‌සී, යසං සිතො නිස්‌සිතො වා යසස්‌සී. තෙනාහ ‘‘යසනිස්‌සිතො’’ති. අසතං අසාධූනං ධම්‌මා අසද්‌ධම්‌මා, අසන්‌තා වා අසුන්‌දරා ගාරය්‌හා ලාමකා ධම්‌මාති අසද්‌ධම්‌මා. විපරියායෙන සද්‌ධම්‌මා වෙදිතබ්‌බා.
88. Aṭṭhame thirabhāvappattoti sāsane thirabhāvaṃ anivattibhāvaṃ pattho. Pabbajito hutvā bahū rattiyo jānātīti rattaññū. Tenāha ‘‘pabbajitadivasato paṭṭhāyā’’tiādi. Pākaṭoti ayathābhūtaguṇehi ceva yathābhūtaguṇehi ca samuggato. Yaso etassa atthīti yasassī, yasaṃ sito nissito vā yasassī. Tenāha ‘‘yasanissito’’ti. Asataṃ asādhūnaṃ dhammā asaddhammā, asantā vā asundarā gārayhā lāmakā dhammāti asaddhammā. Vipariyāyena saddhammā veditabbā.
ථෙරසුත්‌තවණ්‌ණනා නිට්‌ඨිතා.
Therasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 8. ථෙරසුත්‌තං • 8. Therasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 8. ථෙරසුත්‌තවණ්‌ණනා • 8. Therasuttavaṇṇanā
