| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
48. т̇зяяасам̣ваасагавад̇т̇у
48. Theyyasaṃvāsakavatthu
110. д̇зна ко бана самаязна ан̃н̃ад̇аро бураан̣агулабуд̇д̇о кийн̣аголан̃н̃о сукумаало ход̇и. ат̇а ко д̇асса бураан̣агулабуд̇д̇асса кийн̣аголан̃н̃асса зд̇ад̣̇ахоси – ‘‘ахам̣ ко сукумаало, на бадиб̣ало анад̇хиг̇ад̇ам̣ ваа бхог̇ам̣ ад̇хиг̇анд̇ум̣, ад̇хиг̇ад̇ам̣ ваа бхог̇ам̣ паад̇им̣ гаад̇ум̣. гзна ну ко ахам̣ убааязна сукан̃жа ж̇ийвзяяам̣, на жа гиламзяяа’’нд̇и? ат̇а ко д̇асса бураан̣агулабуд̇д̇асса кийн̣аголан̃н̃асса зд̇ад̣̇ахоси – ‘‘имз ко саман̣аа сагяабуд̇д̇ияаа сукасийлаа сукасамаажаараа, субхож̇анаани бхун̃ж̇ид̇ваа ниваад̇зсу саяанзсу саяанд̇и. яам̣нуунаахам̣ саамам̣ бад̇д̇ажийварам̣ бадияаад̣̇зд̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аараамам̣ г̇анд̇ваа бхигкуухи сад̣̇д̇хим̣ сам̣васзяяа’’нд̇и. ат̇а ко со бураан̣агулабуд̇д̇о кийн̣аголан̃н̃о саамам̣ бад̇д̇ажийварам̣ бадияаад̣̇зд̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аараамам̣ г̇анд̇ваа бхигкуу абхиваад̣̇зд̇и. бхигкуу звамаахам̣су – ‘‘гад̇ивассоси д̇вам̣, аавусо’’д̇и? гим̣ зд̇ам̣, аавусо, гад̇ивассо наамаад̇и? го бана д̇з, аавусо, убаж̇жхааяод̇и? гим̣ зд̇ам̣ , аавусо, убаж̇жхааяо наамаад̇и? бхигкуу ааяасманд̇ам̣ убаалим̣ зд̇ад̣̇авожум̣ – ‘‘ин̇гхаавусо убаали, имам̣ баб̣б̣аж̇ид̇ам̣ ануяун̃ж̇аахий’’д̇и. ат̇а ко со бураан̣агулабуд̇д̇о кийн̣аголан̃н̃о ааяасмад̇аа убаалинаа ануяун̃ж̇ияамаано зд̇амад̇т̇ам̣ аарожзси. ааяасмаа убаали бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. т̇зяяасам̣ваасаго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣од̇и. д̇ид̇т̇ияабагганд̇аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣од̇и.
110. Tena kho pana samayena aññataro purāṇakulaputto khīṇakolañño sukhumālo hoti. Atha kho tassa purāṇakulaputtassa khīṇakolaññassa etadahosi – ‘‘ahaṃ kho sukhumālo, na paṭibalo anadhigataṃ vā bhogaṃ adhigantuṃ, adhigataṃ vā bhogaṃ phātiṃ kātuṃ. Kena nu kho ahaṃ upāyena sukhañca jīveyyaṃ, na ca kilameyya’’nti? Atha kho tassa purāṇakulaputtassa khīṇakolaññassa etadahosi – ‘‘ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti. Yaṃnūnāhaṃ sāmaṃ pattacīvaraṃ paṭiyādetvā kesamassuṃ ohāretvā kāsāyāni vatthāni acchādetvā ārāmaṃ gantvā bhikkhūhi saddhiṃ saṃvaseyya’’nti. Atha kho so purāṇakulaputto khīṇakolañño sāmaṃ pattacīvaraṃ paṭiyādetvā kesamassuṃ ohāretvā kāsāyāni vatthāni acchādetvā ārāmaṃ gantvā bhikkhū abhivādeti. Bhikkhū evamāhaṃsu – ‘‘kativassosi tvaṃ, āvuso’’ti? Kiṃ etaṃ, āvuso, kativasso nāmāti? Ko pana te, āvuso, upajjhāyoti? Kiṃ etaṃ , āvuso, upajjhāyo nāmāti? Bhikkhū āyasmantaṃ upāliṃ etadavocuṃ – ‘‘iṅghāvuso upāli, imaṃ pabbajitaṃ anuyuñjāhī’’ti. Atha kho so purāṇakulaputto khīṇakolañño āyasmatā upālinā anuyuñjiyamāno etamatthaṃ ārocesi. Āyasmā upāli bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Theyyasaṃvāsako, bhikkhave, anupasampanno na upasampādetabbo, upasampanno nāsetabboti. Titthiyapakkantako, bhikkhave, anupasampanno na upasampādetabbo, upasampanno nāsetabboti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / т̇зяяасам̣ваасагавад̇т̇угат̇аа • Theyyasaṃvāsakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 48. д̇ид̇т̇ияабагганд̇агагат̇аа • 48. Titthiyapakkantakakathā
