| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
т̇зяяасам̣ваасагавад̇т̇угат̇аа
Theyyasaṃvāsakavatthukathā
110. бураан̣агулабуд̇д̇од̇и бураан̣асса ануггамзна баариж̇ун̃н̃ам̣ бад̇д̇асса гуласса буд̇д̇о. маад̇ибагкабид̇ибагкад̇о голан̃н̃аа кийн̣аа винадтаа мад̇аа ассаад̇и кийн̣аголан̃н̃о. анад̇хиг̇ад̇анд̇и аббад̇д̇ам̣. паад̇им̣гаад̇унд̇и вад̣дхзд̇ум̣. ин̇гхаад̇и уяяож̇анад̇т̇з нибаад̇о. ануяун̃ж̇ияамаанод̇и згаманд̇ам̣ нзд̇ваа гзсамассуоробанагаасааяабадиг̇г̇ахан̣асаран̣аг̇аманаубаж̇жхааяаг̇г̇ахан̣агаммаваажааниссаяад̇хаммз бужчияамаано. зд̇амад̇т̇ам̣ аарожзсийд̇и зд̇ам̣ саяам̣ баб̣б̣аж̇ид̇абхаавам̣ аад̣̇ид̇о бадтааяа аажигки.
110.Purāṇakulaputtoti purāṇassa anukkamena pārijuññaṃ pattassa kulassa putto. Mātipakkhapitipakkhato kolaññā khīṇā vinaṭṭhā matā assāti khīṇakolañño. Anadhigatanti appattaṃ. Phātiṃkātunti vaḍḍhetuṃ. Iṅghāti uyyojanatthe nipāto. Anuyuñjiyamānoti ekamantaṃ netvā kesamassuoropanakāsāyapaṭiggahaṇasaraṇagamanaupajjhāyaggahaṇakammavācānissayadhamme pucchiyamāno. Etamatthaṃ ārocesīti etaṃ sayaṃ pabbajitabhāvaṃ ādito paṭṭhāya ācikkhi.
т̇зяяасам̣ваасаго бхигкавзд̇и зд̇т̇а д̇аяо т̇зяяасам̣ваасагаа – лин̇г̇ад̇т̇знаго, сам̣ваасад̇т̇знаго, убхаяад̇т̇знагод̇и. д̇ад̇т̇а яо саяам̣ баб̣б̣аж̇ид̇ваа вихаарам̣ г̇анд̇ваа на бхигкувассаани г̇ан̣зд̇и, на яат̇аавуд̣дхам̣ ванд̣̇анам̣ саад̣̇ияад̇и, на аасанзна бадиб̣аахад̇и, на убосат̇абавааран̣аад̣̇ийсу санд̣̇иссад̇и, аяам̣ лин̇г̇амад̇д̇ассзва т̇знид̇ад̇д̇аа лин̇г̇ад̇т̇знаго наама.
Theyyasaṃvāsako bhikkhaveti ettha tayo theyyasaṃvāsakā – liṅgatthenako, saṃvāsatthenako, ubhayatthenakoti. Tattha yo sayaṃ pabbajitvā vihāraṃ gantvā na bhikkhuvassāni gaṇeti, na yathāvuḍḍhaṃ vandanaṃ sādiyati, na āsanena paṭibāhati, na uposathapavāraṇādīsu sandissati, ayaṃ liṅgamattasseva thenitattā liṅgatthenako nāma.
яо бана бхигкуухи баб̣б̣ааж̇ид̇о сааман̣зро самааноби вид̣̇зсам̣ г̇анд̇ваа ‘‘ахам̣ д̣̇асавассо ваа вийсад̇ивассо ваа’’д̇и мусаа вад̇ваа бхигкувассаани г̇ан̣зд̇и, яат̇аавуд̣дхам̣ ванд̣̇анам̣ саад̣̇ияад̇и, аасанзна бадиб̣аахад̇и, убосат̇абавааран̣аад̣̇ийсу санд̣̇иссад̇и, аяам̣ сам̣ваасамад̇д̇ассзва т̇знид̇ад̇д̇аа сам̣ваасад̇т̇знаго наама. бхигкувассаг̇ан̣анаад̣̇иго хи саб̣б̣оби гирияабхзд̣̇о имасмим̣ ад̇т̇з ‘‘сам̣ваасо’’д̇и взд̣̇ид̇аб̣б̣о. сигкам̣ бажжагкааяа ‘‘на мам̣ гожи ж̇аанаад̇ий’’д̇и звам̣ бадибаж̇ж̇анд̇зби зсзва наяо.
Yo pana bhikkhūhi pabbājito sāmaṇero samānopi videsaṃ gantvā ‘‘ahaṃ dasavasso vā vīsativasso vā’’ti musā vatvā bhikkhuvassāni gaṇeti, yathāvuḍḍhaṃ vandanaṃ sādiyati, āsanena paṭibāhati, uposathapavāraṇādīsu sandissati, ayaṃ saṃvāsamattasseva thenitattā saṃvāsatthenako nāma. Bhikkhuvassagaṇanādiko hi sabbopi kiriyabhedo imasmiṃ atthe ‘‘saṃvāso’’ti veditabbo. Sikkhaṃ paccakkhāya ‘‘na maṃ koci jānātī’’ti evaṃ paṭipajjantepi eseva nayo.
яо бана саяам̣ баб̣б̣аж̇ид̇ваа вихаарам̣ г̇анд̇ваа бхигкувассаани г̇ан̣зд̇и, яат̇аавуд̣дхам̣ ванд̣̇анам̣ саад̣̇ияад̇и, аасанзна бадиб̣аахад̇и, убосат̇абавааран̣аад̣̇ийсу санд̣̇иссад̇и, аяам̣ лин̇г̇асса жзва сам̣ваасасса жа т̇знид̇ад̇д̇аа убхаяад̇т̇знаго наама. аяам̣ д̇ивид̇хоби т̇зяяасам̣ваасаго анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о, буна баб̣б̣аж̇ж̇ам̣ яаажанд̇оби на баб̣б̣ааж̇зд̇аб̣б̣о.
Yo pana sayaṃ pabbajitvā vihāraṃ gantvā bhikkhuvassāni gaṇeti, yathāvuḍḍhaṃ vandanaṃ sādiyati, āsanena paṭibāhati, uposathapavāraṇādīsu sandissati, ayaṃ liṅgassa ceva saṃvāsassa ca thenitattā ubhayatthenako nāma. Ayaṃ tividhopi theyyasaṃvāsako anupasampanno na upasampādetabbo, upasampanno nāsetabbo, puna pabbajjaṃ yācantopi na pabbājetabbo.
зд̇т̇а жа асаммохад̇т̇ам̣ ид̣̇ам̣ багин̣н̣агам̣ взд̣̇ид̇аб̣б̣ам̣ –
Ettha ca asammohatthaṃ idaṃ pakiṇṇakaṃ veditabbaṃ –
‘‘рааж̇ад̣̇уб̣бхигкаганд̇аара-рог̇авзрибхаязхи ваа;
‘‘Rājadubbhikkhakantāra-rogaveribhayehi vā;
жийвараахаран̣ад̇т̇ам̣ ваа, лин̇г̇ам̣ аад̣̇ияад̇ийд̇ха яо.
Cīvarāharaṇatthaṃ vā, liṅgaṃ ādiyatīdha yo.
сам̣ваасам̣ наад̇хиваасзд̇и, яаава со суд̣̇д̇хамаанасо;
Saṃvāsaṃ nādhivāseti, yāva so suddhamānaso;
т̇зяяасам̣ваасаго наама, д̇аава зса на вужжад̇ий’’д̇и.
Theyyasaṃvāsako nāma, tāva esa na vuccatī’’ti.
д̇ад̇рааяам̣ вид̇т̇ааранаяо – ид̇хзгажжасса рааж̇аа гуд̣̇д̇хо ход̇и, со ‘‘звам̣ мз сод̇т̇и бхависсад̇ий’’д̇и саяамзва лин̇г̇ам̣ г̇ахзд̇ваа балааяад̇и. д̇ам̣ д̣̇исваа ран̃н̃о аарожзнд̇и. рааж̇аа ‘‘сажз баб̣б̣аж̇ид̇о, на д̇ам̣ лаб̣бхаа гин̃жи гаад̇у’’нд̇и д̇асмим̣ год̇хам̣ бадивинзд̇и, со ‘‘вуубасанд̇ам̣ мз рааж̇абхаяа’’нд̇и сан̇гхамаж̇жхам̣ аносарид̇ваава г̇ихилин̇г̇ам̣ г̇ахзд̇ваа ааг̇ад̇о баб̣б̣ааж̇зд̇аб̣б̣о. ат̇ааби ‘‘саасанам̣ ниссааяа маяаа ж̇ийвид̇ам̣ лад̣̇д̇хам̣, ханд̣̇а д̣̇аани ахам̣ баб̣б̣аж̇аамий’’д̇и уббаннасам̣взг̇о д̇знзва лин̇г̇зна ааг̇анд̇ваа ааг̇анд̇угавад̇д̇ам̣ на саад̣̇ияад̇и, бхигкуухи будто ваа абудто ваа яат̇аабхууд̇амад̇д̇аанам̣ аавигад̇ваа баб̣б̣аж̇ж̇ам̣ яаажад̇и, лин̇г̇ам̣ абанзд̇ваа баб̣б̣ааж̇зд̇аб̣б̣о. сажз бана вад̇д̇ам̣ саад̣̇ияад̇и, баб̣б̣аж̇ид̇аалаяам̣ д̣̇ассзд̇и, саб̣б̣ам̣ буб̣б̣з вуд̇д̇ам̣ вассаг̇ан̣анаад̣̇ибхзд̣̇ам̣ вид̇хим̣ бадибаж̇ж̇ад̇и, аяам̣ на баб̣б̣ааж̇зд̇аб̣б̣о.
Tatrāyaṃ vitthāranayo – idhekaccassa rājā kuddho hoti, so ‘‘evaṃ me sotthi bhavissatī’’ti sayameva liṅgaṃ gahetvā palāyati. Taṃ disvā rañño ārocenti. Rājā ‘‘sace pabbajito, na taṃ labbhā kiñci kātu’’nti tasmiṃ kodhaṃ paṭivineti, so ‘‘vūpasantaṃ me rājabhaya’’nti saṅghamajjhaṃ anosaritvāva gihiliṅgaṃ gahetvā āgato pabbājetabbo. Athāpi ‘‘sāsanaṃ nissāya mayā jīvitaṃ laddhaṃ, handa dāni ahaṃ pabbajāmī’’ti uppannasaṃvego teneva liṅgena āgantvā āgantukavattaṃ na sādiyati, bhikkhūhi puṭṭho vā apuṭṭho vā yathābhūtamattānaṃ āvikatvā pabbajjaṃ yācati, liṅgaṃ apanetvā pabbājetabbo. Sace pana vattaṃ sādiyati, pabbajitālayaṃ dasseti, sabbaṃ pubbe vuttaṃ vassagaṇanādibhedaṃ vidhiṃ paṭipajjati, ayaṃ na pabbājetabbo.
ид̇ха банзгажжо д̣̇уб̣бхигкз ж̇ийвид̇ум̣ асаггонд̇о саяамзва лин̇г̇ам̣ г̇ахзд̇ваа саб̣б̣абаасан̣д̣ияабхад̇д̇аани бхун̃ж̇анд̇о д̣̇уб̣бхигкз вийд̇ивад̇д̇з сан̇гхамаж̇жхам̣ аносарид̇ваава г̇ихилин̇г̇ам̣ г̇ахзд̇ваа ааг̇ад̇од̇и саб̣б̣ам̣ буримасад̣̇исамзва .
Idha panekacco dubbhikkhe jīvituṃ asakkonto sayameva liṅgaṃ gahetvā sabbapāsaṇḍiyabhattāni bhuñjanto dubbhikkhe vītivatte saṅghamajjhaṃ anosaritvāva gihiliṅgaṃ gahetvā āgatoti sabbaṃ purimasadisameva .
абаро махааганд̇аарам̣ нид̇т̇арид̇угаамо ход̇и, сад̇т̇аваахо жа баб̣б̣аж̇ид̇з г̇ахзд̇ваа г̇ажчад̇и. со ‘‘звам̣ мам̣ сад̇т̇аваахо г̇ахзд̇ваа г̇амиссад̇ий’’д̇и саяамзва лин̇г̇ам̣ г̇ахзд̇ваа сад̇т̇аваахзна сад̣̇д̇хим̣ ганд̇аарам̣ нид̇т̇арид̇ваа кзманд̇ам̣ бад̇ваа сан̇гхамаж̇жхам̣ аносарид̇ваава г̇ихилин̇г̇ам̣ г̇ахзд̇ваа ааг̇ад̇од̇и саб̣б̣ам̣ буримасад̣̇исамзва.
Aparo mahākantāraṃ nittharitukāmo hoti, satthavāho ca pabbajite gahetvā gacchati. So ‘‘evaṃ maṃ satthavāho gahetvā gamissatī’’ti sayameva liṅgaṃ gahetvā satthavāhena saddhiṃ kantāraṃ nittharitvā khemantaṃ patvā saṅghamajjhaṃ anosaritvāva gihiliṅgaṃ gahetvā āgatoti sabbaṃ purimasadisameva.
абаро рог̇абхаяз уббаннз ж̇ийвид̇ум̣ асаггонд̇о саяамзва лин̇г̇ам̣ г̇ахзд̇ваа саб̣б̣абаасан̣д̣ияабхад̇д̇аани бхун̃ж̇анд̇о рог̇абхаяз вуубасанд̇з сан̇гхамаж̇жхам̣ аносарид̇ваава г̇ихилин̇г̇ам̣ г̇ахзд̇ваа ааг̇ад̇од̇и саб̣б̣ам̣ буримасад̣̇исамзва.
Aparo rogabhaye uppanne jīvituṃ asakkonto sayameva liṅgaṃ gahetvā sabbapāsaṇḍiyabhattāni bhuñjanto rogabhaye vūpasante saṅghamajjhaṃ anosaritvāva gihiliṅgaṃ gahetvā āgatoti sabbaṃ purimasadisameva.
абарасса зго взриго гуд̣̇д̇хо ход̇и, гхаад̇зд̇угаамо нам̣ вижарад̇и, со ‘‘звам̣ мз сод̇т̇и бхависсад̇ий’’д̇и саяамзва лин̇г̇ам̣ г̇ахзд̇ваа балааяад̇и. взриго ‘‘гухим̣ со’’д̇и бариязсанд̇о ‘‘баб̣б̣аж̇ид̇ваа балаад̇о’’д̇и суд̇ваа ‘‘сажз баб̣б̣аж̇ид̇о, на д̇ам̣ лаб̣бхаа гин̃жи гаад̇у’’нд̇и д̇асмим̣ год̇хам̣ бадивинзд̇и. со ‘‘вуубасанд̇ам̣ мз взрибхаяа’’нд̇и сан̇гхамаж̇жхам̣ аносарид̇ваава г̇ихилин̇г̇ам̣ г̇ахзд̇ваа ааг̇ад̇од̇и саб̣б̣ам̣ буримасад̣̇исамзва.
Aparassa eko veriko kuddho hoti, ghātetukāmo naṃ vicarati, so ‘‘evaṃ me sotthi bhavissatī’’ti sayameva liṅgaṃ gahetvā palāyati. Veriko ‘‘kuhiṃ so’’ti pariyesanto ‘‘pabbajitvā palāto’’ti sutvā ‘‘sace pabbajito, na taṃ labbhā kiñci kātu’’nti tasmiṃ kodhaṃ paṭivineti. So ‘‘vūpasantaṃ me veribhaya’’nti saṅghamajjhaṃ anosaritvāva gihiliṅgaṃ gahetvā āgatoti sabbaṃ purimasadisameva.
абаро н̃аад̇игулам̣ г̇анд̇ваа сигкам̣ бажжагкааяа г̇ихи худ̇ваа ‘‘имаани жийвараани ид̇ха винассиссанд̇и, сажзби имаани г̇ахзд̇ваа вихаарам̣ г̇амиссаами, анд̇араамаг̇г̇з мам̣ ‘жоро’д̇и г̇ахзссанд̇и, яам̣нуунаахам̣ гааяабарихаарияаани гад̇ваа г̇ажчзяяа’’нд̇и жийвараахаран̣ад̇т̇ам̣ ниваасзд̇ваа жа баарубид̇ваа жа вихаарам̣ г̇ажчад̇и. д̇ам̣ д̣̇уурад̇ова ааг̇ажчанд̇ам̣ д̣̇исваа сааман̣зраа жа д̣̇ахараа жа аб̣бхуг̇г̇ажчанд̇и, вад̇д̇ам̣ д̣̇ассзнд̇и. со на саад̣̇ияад̇и, яат̇аабхууд̇амад̇д̇аанам̣ аавигарод̇и. сажз бхигкуу ‘‘на д̣̇аани маяам̣ д̇ам̣ мун̃жиссаамаа’’д̇и б̣алаггаарзна баб̣б̣ааж̇зд̇угаамаа хонд̇и, гаасааяаани абанзд̇ваа буна баб̣б̣ааж̇зд̇аб̣б̣о. сажз бана ‘‘наяимз мама хийнааяаавад̇д̇абхаавам̣ ж̇аананд̇ий’’д̇и д̇ам̣язва бхигкубхаавам̣ бадиж̇аанид̇ваа саб̣б̣ам̣ буб̣б̣з вуд̇д̇ам̣ вассаг̇ан̣анаад̣̇ибхзд̣̇ам̣ вид̇хим̣ бадибаж̇ж̇ад̇и, аяам̣ на баб̣б̣ааж̇зд̇аб̣б̣о.
Aparo ñātikulaṃ gantvā sikkhaṃ paccakkhāya gihi hutvā ‘‘imāni cīvarāni idha vinassissanti, sacepi imāni gahetvā vihāraṃ gamissāmi, antarāmagge maṃ ‘coro’ti gahessanti, yaṃnūnāhaṃ kāyaparihāriyāni katvā gaccheyya’’nti cīvarāharaṇatthaṃ nivāsetvā ca pārupitvā ca vihāraṃ gacchati. Taṃ dūratova āgacchantaṃ disvā sāmaṇerā ca daharā ca abbhuggacchanti, vattaṃ dassenti. So na sādiyati, yathābhūtamattānaṃ āvikaroti. Sace bhikkhū ‘‘na dāni mayaṃ taṃ muñcissāmā’’ti balakkārena pabbājetukāmā honti, kāsāyāni apanetvā puna pabbājetabbo. Sace pana ‘‘nayime mama hīnāyāvattabhāvaṃ jānantī’’ti taṃyeva bhikkhubhāvaṃ paṭijānitvā sabbaṃ pubbe vuttaṃ vassagaṇanādibhedaṃ vidhiṃ paṭipajjati, ayaṃ na pabbājetabbo.
абаро махаасааман̣зро н̃аад̇игулам̣ г̇анд̇ваа уббаб̣б̣аж̇ид̇ваа гамманд̇аанудтаанзна уб̣б̣аал̣хо худ̇ваа буна ‘‘д̣̇аани ахам̣ саман̣ова бхависсаами, т̇зроби мз уббаб̣б̣аж̇ид̇абхаавам̣ на ж̇аанаад̇ий’’д̇и д̇ад̣̇зва бад̇д̇ажийварам̣ аад̣̇ааяа вихаарам̣ ааг̇ажчад̇и, нааби д̇амад̇т̇ам̣ бхигкуунам̣ аарожзд̇и, сааман̣зрабхаавам̣ бадиж̇аанаад̇и, аяам̣ т̇зяяасам̣ваасагоязва баб̣б̣аж̇ж̇ам̣ на лабхад̇и. сажзбисса лин̇г̇аг̇г̇ахан̣агаалз звам̣ ход̇и, ‘‘наахам̣ гассажи аарожзссаамий’’д̇и вихааран̃жа г̇ад̇о аарожзд̇и, г̇ахан̣знзва т̇зяяасам̣ваасаго. ат̇аабисса ‘‘г̇ахан̣агаалз аажигкиссаамий’’д̇и жид̇д̇ам̣ уббаннам̣ ход̇и, вихааран̃жа г̇анд̇ваа ‘‘гухим̣ д̇вам̣ аавусо г̇ад̇о’’д̇и вуд̇д̇о ‘‘на д̣̇аани мам̣ имз ж̇аананд̇ий’’д̇и ван̃жзд̇ваа наажигкад̇и, ‘‘наажигкиссаамий’’д̇и саха д̇хуранигкзбзна аяамби т̇зяяасам̣ваасагова. сажз банасса г̇ахан̣агаалзби ‘‘аажигкиссаамий’’д̇и жид̇д̇ам̣ уббаннам̣ ход̇и, вихаарам̣ г̇анд̇вааби аажигкад̇и, аяам̣ буна баб̣б̣аж̇ж̇ам̣ лабхад̇и.
Aparo mahāsāmaṇero ñātikulaṃ gantvā uppabbajitvā kammantānuṭṭhānena ubbāḷho hutvā puna ‘‘dāni ahaṃ samaṇova bhavissāmi, theropi me uppabbajitabhāvaṃ na jānātī’’ti tadeva pattacīvaraṃ ādāya vihāraṃ āgacchati, nāpi tamatthaṃ bhikkhūnaṃ āroceti, sāmaṇerabhāvaṃ paṭijānāti, ayaṃ theyyasaṃvāsakoyeva pabbajjaṃ na labhati. Sacepissa liṅgaggahaṇakāle evaṃ hoti, ‘‘nāhaṃ kassaci ārocessāmī’’ti vihārañca gato āroceti, gahaṇeneva theyyasaṃvāsako. Athāpissa ‘‘gahaṇakāle ācikkhissāmī’’ti cittaṃ uppannaṃ hoti, vihārañca gantvā ‘‘kuhiṃ tvaṃ āvuso gato’’ti vutto ‘‘na dāni maṃ ime jānantī’’ti vañcetvā nācikkhati, ‘‘nācikkhissāmī’’ti saha dhuranikkhepena ayampi theyyasaṃvāsakova. Sace panassa gahaṇakālepi ‘‘ācikkhissāmī’’ti cittaṃ uppannaṃ hoti, vihāraṃ gantvāpi ācikkhati, ayaṃ puna pabbajjaṃ labhati.
абаро д̣̇ахарасааман̣зро маханд̇о ваа бана аб̣яад̇д̇о, со буриманаязнзва уббаб̣б̣аж̇ид̇ваа гхарз важчагарагкан̣аад̣̇ийни гаммаани гаад̇ум̣ на ижчад̇и, д̇амзнам̣ н̃аад̇агаа д̇ааниязва гаасааяаани ажчаад̣̇зд̇ваа т̇аалагам̣ ваа бад̇д̇ам̣ ваа хад̇т̇з д̣̇ад̇ваа ‘‘г̇ажча саман̣ова хохий’’д̇и гхараа нийхаранд̇и. со вихаарам̣ г̇ажчад̇и, нзва нам̣ бхигкуу ж̇аананд̇и ‘‘аяам̣ уббаб̣б̣аж̇ид̇ваа буна саяамзва баб̣б̣аж̇ид̇о’’д̇и, нааби саяам̣ ж̇аанаад̇и, ‘‘яо звам̣ баб̣б̣аж̇ад̇и, со т̇зяяасам̣ваасаго наама ход̇ий’’д̇и. сажз д̇ам̣ барибун̣н̣авассам̣ убасамбаад̣̇знд̇и, суубасамбанно. сажз бана анубасамбаннагаалзязва винаяавинижчаяз вад̇д̇амаанз сун̣аад̇и, ‘‘яо звам̣ баб̣б̣аж̇ад̇и, со т̇зяяасам̣ваасаго наама ход̇ий’’д̇и. д̇зна ‘‘маяаа звам̣ гад̇а’’нд̇и бхигкуунам̣ аажигкид̇аб̣б̣ам̣, звам̣ буна баб̣б̣аж̇ж̇ам̣ лабхад̇и. сажз ‘‘на д̣̇аани мам̣ гожи ж̇аанаад̇ий’’д̇и наарожзд̇и, д̇хурам̣ нигкид̇д̇амад̇д̇з т̇зяяасам̣ваасаго.
Aparo daharasāmaṇero mahanto vā pana abyatto, so purimanayeneva uppabbajitvā ghare vacchakarakkhaṇādīni kammāni kātuṃ na icchati, tamenaṃ ñātakā tāniyeva kāsāyāni acchādetvā thālakaṃ vā pattaṃ vā hatthe datvā ‘‘gaccha samaṇova hohī’’ti gharā nīharanti. So vihāraṃ gacchati, neva naṃ bhikkhū jānanti ‘‘ayaṃ uppabbajitvā puna sayameva pabbajito’’ti, nāpi sayaṃ jānāti, ‘‘yo evaṃ pabbajati, so theyyasaṃvāsako nāma hotī’’ti. Sace taṃ paripuṇṇavassaṃ upasampādenti, sūpasampanno. Sace pana anupasampannakāleyeva vinayavinicchaye vattamāne suṇāti, ‘‘yo evaṃ pabbajati, so theyyasaṃvāsako nāma hotī’’ti. Tena ‘‘mayā evaṃ kata’’nti bhikkhūnaṃ ācikkhitabbaṃ, evaṃ puna pabbajjaṃ labhati. Sace ‘‘na dāni maṃ koci jānātī’’ti nāroceti, dhuraṃ nikkhittamatte theyyasaṃvāsako.
бхигку сигкам̣ бажжагкааяа лин̇г̇ам̣ анабанзд̇ваа д̣̇уссийлагаммам̣ гад̇ваа ваа агад̇ваа ваа буна саб̣б̣ам̣ буб̣б̣з вуд̇д̇ам̣ вассаг̇ан̣анаад̣̇ибхзд̣̇ам̣ вид̇хим̣ бадибаж̇ж̇ад̇и, т̇зяяасам̣ваасаго ход̇и. сигкам̣ аббажжагкааяа салин̇г̇з тид̇о мзт̇унам̣ бадисзвид̇ваа вассаг̇ан̣анаад̣̇ибхзд̣̇ам̣ вид̇хим̣ аабаж̇ж̇анд̇о т̇зяяасам̣ваасаго на ход̇и, баб̣б̣аж̇ж̇аамад̇д̇ам̣ лабхад̇и. анд̇хагадтагат̇ааяам̣ бана зсо т̇зяяасам̣ваасагод̇и вуд̇д̇ам̣, д̇ам̣ на г̇ахзд̇аб̣б̣ам̣.
Bhikkhu sikkhaṃ paccakkhāya liṅgaṃ anapanetvā dussīlakammaṃ katvā vā akatvā vā puna sabbaṃ pubbe vuttaṃ vassagaṇanādibhedaṃ vidhiṃ paṭipajjati, theyyasaṃvāsako hoti. Sikkhaṃ appaccakkhāya saliṅge ṭhito methunaṃ paṭisevitvā vassagaṇanādibhedaṃ vidhiṃ āpajjanto theyyasaṃvāsako na hoti, pabbajjāmattaṃ labhati. Andhakaṭṭhakathāyaṃ pana eso theyyasaṃvāsakoti vuttaṃ, taṃ na gahetabbaṃ.
зго бхигку гаасааяз сауссаахова од̣̇аад̇ам̣ ниваасзд̇ваа мзт̇унам̣ бадисзвид̇ваа буна гаасааяаани ниваасзд̇ваа вассаг̇ан̣анаад̣̇ибхзд̣̇ам̣ саб̣б̣ам̣ вид̇хим̣ аабаж̇ж̇ад̇и, аяамби т̇зяяасам̣ваасаго на ход̇и, баб̣б̣аж̇ж̇аамад̇д̇ам̣ лабхад̇и. сажз бана гаасааяз д̇хурам̣ нигкибид̇ваа од̣̇аад̇ам̣ ниваасзд̇ваа мзт̇унам̣ бадисзвид̇ваа буна гаасааяаани ниваасзд̇ваа вассаг̇ан̣анаад̣̇ибхзд̣̇ам̣ саб̣б̣ам̣ вид̇хим̣ аабаж̇ж̇ад̇и, т̇зяяасам̣ваасаго ход̇и.
Eko bhikkhu kāsāye saussāhova odātaṃ nivāsetvā methunaṃ paṭisevitvā puna kāsāyāni nivāsetvā vassagaṇanādibhedaṃ sabbaṃ vidhiṃ āpajjati, ayampi theyyasaṃvāsako na hoti, pabbajjāmattaṃ labhati. Sace pana kāsāye dhuraṃ nikkhipitvā odātaṃ nivāsetvā methunaṃ paṭisevitvā puna kāsāyāni nivāsetvā vassagaṇanādibhedaṃ sabbaṃ vidhiṃ āpajjati, theyyasaṃvāsako hoti.
сааман̣зро салин̇г̇з тид̇о мзт̇унаад̣̇иассаман̣агаран̣ад̇хаммам̣ аабаж̇ж̇ид̇вааби т̇зяяасам̣ваасаго на ход̇и. сажзби гаасааяз сауссаахова гаасааяаани абанзд̇ваа мзт̇унам̣ бадисзвид̇ваа буна гаасааяаани ниваасзд̇и, нзва т̇зяяасам̣ваасаго ход̇и. сажз бана гаасааяз д̇хурам̣ нигкибид̇ваа наг̇г̇о ваа од̣̇аад̇анивад̇т̇о ваа мзт̇унасзванаад̣̇ийхи ассаман̣о худ̇ваа гаасааяам̣ ниваасзд̇и, т̇зяяасам̣ваасаго ход̇и. сажзби г̇ихибхаавам̣ бад̇т̇аяамаано гаасаавам̣ оваддигам̣ ваа гад̇ваа ан̃н̃зна ваа аагаарзна г̇ихиниваасанзна ниваасзд̇и ‘‘собхад̇и ну ко мз г̇ихилин̇г̇ам̣, на собхад̇ий’’д̇и виймам̣санад̇т̇ам̣, рагкад̇и д̇аава. ‘‘собхад̇ий’’д̇и самбадижчид̇ваа бана буна лин̇г̇ам̣ саад̣̇ияанд̇о т̇зяяасам̣ваасаго ход̇и. од̣̇аад̇ам̣ ниваасзд̇ваа виймам̣санасамбадижчанзсуби зсзва наяо.
Sāmaṇero saliṅge ṭhito methunādiassamaṇakaraṇadhammaṃ āpajjitvāpi theyyasaṃvāsako na hoti. Sacepi kāsāye saussāhova kāsāyāni apanetvā methunaṃ paṭisevitvā puna kāsāyāni nivāseti, neva theyyasaṃvāsako hoti. Sace pana kāsāye dhuraṃ nikkhipitvā naggo vā odātanivattho vā methunasevanādīhi assamaṇo hutvā kāsāyaṃ nivāseti, theyyasaṃvāsako hoti. Sacepi gihibhāvaṃ patthayamāno kāsāvaṃ ovaṭṭikaṃ vā katvā aññena vā ākārena gihinivāsanena nivāseti ‘‘sobhati nu kho me gihiliṅgaṃ, na sobhatī’’ti vīmaṃsanatthaṃ, rakkhati tāva. ‘‘Sobhatī’’ti sampaṭicchitvā pana puna liṅgaṃ sādiyanto theyyasaṃvāsako hoti. Odātaṃ nivāsetvā vīmaṃsanasampaṭicchanesupi eseva nayo.
сажз бана нивад̇т̇агаасааяасса убари од̣̇аад̇ам̣ ниваасзд̇ваа виймам̣сад̇и ваа самбадижчад̇и ваа, рагкад̇иязва. бхигкунияааби зсзва наяо. сааби хи г̇ихибхаавам̣ бад̇т̇аяамаанаа сажз гаасааяам̣ г̇ихиниваасанам̣ ниваасзд̇и, ‘‘собхад̇и ну ко мз г̇ихилин̇г̇ам̣, на собхад̇ий’’д̇и виймам̣санад̇т̇ам̣, рагкад̇и д̇аава. сажз ‘‘собхад̇ий’’д̇и самбадижчад̇и, на рагкад̇и. од̣̇аад̇ам̣ ниваасзд̇ваа виймам̣санасамбадижчанзсуби зсзва наяо. нивад̇т̇агаасааяасса бана убари од̣̇аад̇ам̣ ниваасзд̇ваа виймам̣сад̇у ваа самбадижчад̇у ваа, рагкад̇иязва.
Sace pana nivatthakāsāyassa upari odātaṃ nivāsetvā vīmaṃsati vā sampaṭicchati vā, rakkhatiyeva. Bhikkhuniyāpi eseva nayo. Sāpi hi gihibhāvaṃ patthayamānā sace kāsāyaṃ gihinivāsanaṃ nivāseti, ‘‘sobhati nu kho me gihiliṅgaṃ, na sobhatī’’ti vīmaṃsanatthaṃ, rakkhati tāva. Sace ‘‘sobhatī’’ti sampaṭicchati, na rakkhati. Odātaṃ nivāsetvā vīmaṃsanasampaṭicchanesupi eseva nayo. Nivatthakāsāyassa pana upari odātaṃ nivāsetvā vīmaṃsatu vā sampaṭicchatu vā, rakkhatiyeva.
сажз гожи вуд̣дхабаб̣б̣аж̇ид̇о вассаани аг̇ан̣зд̇ваа баал̣ияамби адтад̇ваа згабассзнааг̇анд̇ваа махаабзл̣аад̣̇ийсу гадажчунаа угкид̇д̇з бхад̇д̇абин̣д̣з бад̇д̇ам̣ убанаамзд̇ваа сзно вияа мам̣сабзсим̣ г̇ахзд̇ваа г̇ажчад̇и, т̇зяяасам̣ваасаго на ход̇и. бхигкувассаани бана г̇ан̣зд̇ваа г̇ан̣ханд̇о т̇зяяасам̣ваасаго ход̇и.
Sace koci vuḍḍhapabbajito vassāni agaṇetvā pāḷiyampi aṭṭhatvā ekapassenāgantvā mahāpeḷādīsu kaṭacchunā ukkhitte bhattapiṇḍe pattaṃ upanāmetvā seno viya maṃsapesiṃ gahetvā gacchati, theyyasaṃvāsako na hoti. Bhikkhuvassāni pana gaṇetvā gaṇhanto theyyasaṃvāsako hoti.
саяам̣ сааман̣зрова сааман̣зрабадибаадияаа гуудавассаани г̇ан̣зд̇ваа г̇ан̣ханд̇о т̇зяяасам̣ваасаго на ход̇и. бхигку бхигкубадибаадияаа гуудавассаани г̇ан̣зд̇ваа г̇ан̣ханд̇о бхан̣д̣аг̇гхзна гаарзд̇аб̣б̣од̇и.
Sayaṃ sāmaṇerova sāmaṇerapaṭipāṭiyā kūṭavassāni gaṇetvā gaṇhanto theyyasaṃvāsako na hoti. Bhikkhu bhikkhupaṭipāṭiyā kūṭavassāni gaṇetvā gaṇhanto bhaṇḍagghena kāretabboti.
т̇зяяасам̣ваасагавад̇т̇угат̇аа нидтид̇аа.
Theyyasaṃvāsakavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 48. т̇зяяасам̣ваасагавад̇т̇у • 48. Theyyasaṃvāsakavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 48. д̇ид̇т̇ияабагганд̇агагат̇аа • 48. Titthiyapakkantakakathā
