| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪੮. ਥੇਯ੍ਯਸਂવਾਸਕવਤ੍ਥੁਕਥਾ
48. Theyyasaṃvāsakavatthukathā
੧੧੦. ਪਾਰਿਜਞ੍ਞਪਤ੍ਤਸ੍ਸਾਤਿ ਪਰਿਹਾਯਤੀਤਿ ਪਰਿਜਾਨਿ, ਇਸ੍ਸਰਿਯਭੋਗਾਦਿ, ਤਸ੍ਸ ਭਾવੋ ਪਾਰਿਜਞ੍ਞਂ, ਇਸ੍ਸਰਿਯਭੋਗਾਦਿਕ੍ਖਯੋ, ਤਂ ਪਤ੍ਤੋਤਿ ਪਾਰਿਜਞ੍ਞਪਤ੍ਤੋ, ਤਸ੍ਸ। ‘‘ਪਾਰਿਜੁਞ੍ਞਪਤ੍ਤਸ੍ਸਾ’’ਤਿਪਿ ਉਕਾਰੇਨ ਸਹ ਪਾਠੋ ਅਤ੍ਥਿ। ਖੀਣਕੋਲਞ੍ਞੋਤਿ ਏਤ੍ਥ ਕੁਲੇ ਜਾਤਾ ਕੋਲਞ੍ਞਾ, ਣ੍ਯਪਚ੍ਚਯੋ, ਨਕਾਰਾਗਮੋ। ਖੀਣਾ ਕੋਲਞ੍ਞਾ ਅਸ੍ਸਾਤਿ ਖੀਣਕੋਲਞ੍ਞੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਮਾਤਿਪਕ੍ਖਪਿਤਿਪਕ੍ਖਤੋ’’ਤਿਆਦਿ। ਤਤ੍ਥ ਮਾਤਿਪਕ੍ਖਪਿਤਿਪਕ੍ਖਤੋਤਿ ਮਾਤੁਯਾ ਪਕ੍ਖੋ ਮਾਤਿਪਕ੍ਖੋ, ਪਿਤੁਨੋ ਪਕ੍ਖੋ ਪਿਤਿਪਕ੍ਖੋ, ਮਾਤਿਪਕ੍ਖੋ ਚ ਪਿਤਿਪਕ੍ਖੋ ਚ ਮਾਤਿਪਕ੍ਖਪਿਤਿਪਕ੍ਖਾ। ਫਾਤਿਂ ਕਾਤੁਨ੍ਤਿ ਏਤ੍ਥ ਫਾ-ਧਾਤੁ વਡ੍ਢਨਤ੍ਥੋਤਿ ਆਹ ‘‘વਡ੍ਢੇਤੁ’’ਨ੍ਤਿ। ‘‘ਪੁਚ੍ਛਿਯਮਾਨੋ’’ਤਿ ਇਮਿਨਾ ਅਨੁਯੁਞ੍ਜਿਯਮਾਨੋਤਿ ਏਤ੍ਥ ਅਨੁਤ੍ਯੂਪਸਗ੍ਗવਸੇਨ ਯੁਜਸਦ੍ਦੋ ਪੁਚ੍ਛਨਤ੍ਥੋਤਿ ਦਸ੍ਸੇਤਿ।
110.Pārijaññapattassāti parihāyatīti parijāni, issariyabhogādi, tassa bhāvo pārijaññaṃ, issariyabhogādikkhayo, taṃ pattoti pārijaññapatto, tassa. ‘‘Pārijuññapattassā’’tipi ukārena saha pāṭho atthi. Khīṇakolaññoti ettha kule jātā kolaññā, ṇyapaccayo, nakārāgamo. Khīṇā kolaññā assāti khīṇakolaññoti vacanatthaṃ dassento āha ‘‘mātipakkhapitipakkhato’’tiādi. Tattha mātipakkhapitipakkhatoti mātuyā pakkho mātipakkho, pituno pakkho pitipakkho, mātipakkho ca pitipakkho ca mātipakkhapitipakkhā. Phātiṃ kātunti ettha phā-dhātu vaḍḍhanatthoti āha ‘‘vaḍḍhetu’’nti. ‘‘Pucchiyamāno’’ti iminā anuyuñjiyamānoti ettha anutyūpasaggavasena yujasaddo pucchanatthoti dasseti.
ਥੇਯ੍ਯਸਂવਾਸਕੋਤਿ ਥੇਨਨਂ ਥੇਯ੍ਯਂ ਨਕਾਰਸ੍ਸ ਯਕਾਰਂ ਕਤ੍વਾ, ਥੇਯ੍ਯਾਯ ਸਂવਾਸਕੋ ਇਮਸ੍ਸਾਤਿ ਥੇਯ੍ਯਸਂવਾਸਕੋ। ਏਤ੍ਥ ਚ ਨ ਕੇવਲਂ વਸ੍ਸਗਣਨਾਦਿਕੋਯੇવ ਸਂવਾਸੋ ਨਾਮ ਹੋਤਿ, ਅਥ ਖੋ ਥੇਯ੍ਯਾਯ ਲਿਙ੍ਗਗਹਣਮ੍ਪਿ ਸਂવਾਸੋਯੇવ ਨਾਮ। ਤਸ੍ਮਾ ਤਸ੍ਸ ਤਿવਿਧਭਾવਂ ਦਸ੍ਸੇਨ੍ਤੋ ਆਹ ‘‘ਤਯੋ’’ਤਿਆਦਿ। ਤਤ੍ਥ ਲਿਙ੍ਗਂ ਥੇਨੇਤੀਤਿ ਲਿਙ੍ਗਥੇਨਕੋ, ਏਸੇવ ਨਯੋ ਇਤਰੇਸੁਪਿ। ਤਮਤ੍ਥਂ વਿਤ੍ਥਾਰੇਨ੍ਤੋ ਆਹ ‘‘ਤਤ੍ਥਾ’’ਤਿਆਦਿ। ਤਤ੍ਥ ਯੋਤਿ ਥੇਯ੍ਯਸਂવਾਸਕੋ। ਲਿਙ੍ਗਮਤ੍ਤਸ੍ਸੇવਾਤਿ ਏਤ੍ਥ ਮਤ੍ਤਸਦ੍ਦੇਨ ਸਂવਾਸਾਦਯੋ ਨਿવਤ੍ਤੇਤਿ।
Theyyasaṃvāsakoti thenanaṃ theyyaṃ nakārassa yakāraṃ katvā, theyyāya saṃvāsako imassāti theyyasaṃvāsako. Ettha ca na kevalaṃ vassagaṇanādikoyeva saṃvāso nāma hoti, atha kho theyyāya liṅgagahaṇampi saṃvāsoyeva nāma. Tasmā tassa tividhabhāvaṃ dassento āha ‘‘tayo’’tiādi. Tattha liṅgaṃ thenetīti liṅgathenako, eseva nayo itaresupi. Tamatthaṃ vitthārento āha ‘‘tatthā’’tiādi. Tattha yoti theyyasaṃvāsako. Liṅgamattassevāti ettha mattasaddena saṃvāsādayo nivatteti.
વਿਦੇਸਨ੍ਤਿ ਅਤ੍ਤਨੋ ਦੇਸਤੋ વਿਯੋਗਂ ਦੇਸਂ। વਿਸਦ੍ਦੋ ਹੇਤ੍ਥ વਿਯੋਗਤ੍ਥવਾਚਕੋ। ਅਥ વਾ વਿ ਦੂਰਂ ਦੇਸਂ। વਿਸਦ੍ਦੋ ਹੇਤ੍ਥ ਦੂਰਤ੍ਥવਾਚਕੋ। ਮੁਸਾਤਿ ਅਭੂਤਤ੍ਥੇ ਦੁਤਿਯਨ੍ਤਨਿਪਾਤੋ, ਅਭੂਤਂ વਚਨਨ੍ਤਿ ਅਤ੍ਥੋ। ਪਟਿਬਾਹਤੀਤਿ ਅਞ੍ਞੇ ਨਿવਾਰੇਤਿ। ਸਂવਾਸਥੇਨਕੋ ਨਾਮਾਤਿ ਏਤ੍ਥ ਕੋ ਸਂવਾਸੋ ਨਾਮ, ਨਨੁ ਏਕਕਮ੍ਮਾਦਿਕੋਤਿ ਆਹ ‘‘ਭਿਕ੍ਖੁવਸ੍ਸਗਣਨਾਦਿਕੋ’’ਤਿਆਦਿ। ਭਿਕ੍ਖੁવਸ੍ਸਗਣਨਾਦਿਕੋਤਿ ਆਦਿਸਦ੍ਦੇਨ ਯਥਾવੁਡ੍ਢਂ વਨ੍ਦਨਸਾਦਿਯਨਂ ਆਸਨਪਟਿਬਾਹਨਂ ਉਪੋਸਥਪવਾਰਣਾਦੀਸੁ ਸਨ੍ਦਿਸ੍ਸਨਨ੍ਤਿ ਇਮਾਨਿ ਸਙ੍ਗਣ੍ਹਾਤਿ। ‘‘ਕਿਰਿਯਭੇਦੋ’’ਤਿ ਇਮਿਨਾ ਸਂ ਏਕਤੋ વਸਿਯਤਿ ਅਨੇਨਾਤਿ ਸਂવਾਸੋਤਿ વਚਨਤ੍ਥੇਨ ਕਿਰਿਯਭੇਦੋ ਸਂવਾਸੋ ਨਾਮਾਤਿ ਦਸ੍ਸੇਤਿ। ਇਮਸ੍ਮਿਂ ਅਤ੍ਥੇਤਿ ਇਮਸ੍ਮਿਂ વਤ੍ਥੁਮ੍ਹਿ, ਇਮਸ੍ਮਿਂ ਠਾਨੇਤਿ ਅਤ੍ਥੋ। ਇਮਿਨਾ ਪਾਰਾਜਿਕਾਦਿਟ੍ਠਾਨੇ ਪਨ ਏਕਕਮ੍ਮਾਦਿਕੋ ਸਂવਾਸੋ ਨਾਮਾਤਿ ਦਸ੍ਸੇਤਿ।
Videsanti attano desato viyogaṃ desaṃ. Visaddo hettha viyogatthavācako. Atha vā vi dūraṃ desaṃ. Visaddo hettha dūratthavācako. Musāti abhūtatthe dutiyantanipāto, abhūtaṃ vacananti attho. Paṭibāhatīti aññe nivāreti. Saṃvāsathenako nāmāti ettha ko saṃvāso nāma, nanu ekakammādikoti āha ‘‘bhikkhuvassagaṇanādiko’’tiādi. Bhikkhuvassagaṇanādikoti ādisaddena yathāvuḍḍhaṃ vandanasādiyanaṃ āsanapaṭibāhanaṃ uposathapavāraṇādīsu sandissananti imāni saṅgaṇhāti. ‘‘Kiriyabhedo’’ti iminā saṃ ekato vasiyati anenāti saṃvāsoti vacanatthena kiriyabhedo saṃvāso nāmāti dasseti. Imasmiṃ attheti imasmiṃ vatthumhi, imasmiṃ ṭhāneti attho. Iminā pārājikādiṭṭhāne pana ekakammādiko saṃvāso nāmāti dasseti.
‘‘ਲਿਙ੍ਗਸ੍ਸ ਚੇવ ਸਂવਾਸਸ੍ਸ ਚਾ’’ਤਿ ਇਮਿਨਾ ਉਭਯਥੇਨਕੋਤਿ ਏਤ੍ਥ ਉਭਯਸਰੂਪਂ ਦਸ੍ਸੇਤਿ।
‘‘Liṅgassa ceva saṃvāsassa cā’’ti iminā ubhayathenakoti ettha ubhayasarūpaṃ dasseti.
ਏਤ੍ਥਾਤਿ ਥੇਯ੍ਯਸਂવਾਸਕਟ੍ਠਾਨੇ। ਰਾਜ…ਪੇ॰… ਭਯੇਹਿ વਾਤਿ ਏਤ੍ਥ ਭਯਸਦ੍ਦੋ ਪਚ੍ਚੇਕਂ ਯੋਜੇਤਬ੍ਬੋ। ਰਾਜਭਯੇਨ ਚ ਦੁਬ੍ਭਿਕ੍ਖਭਯੇਨ ਚ ਕਨ੍ਤਾਰਭਯੇਨ ਚ ਰੋਗਭਯੇਨ ਚ વੇਰਿਭਯੇਨ ਚਾਤਿ ਹਿ ਅਤ੍ਥੋ। ਚੀવਰਗਹਣਤ੍ਥਨ੍ਤਿ ਚੀવਰਾਹਰਣਤ੍ਥਂ, ਅਯਮੇવ વਾ ਪਾਠੋ। વਾਸਦ੍ਦੋ ਹੇਤ੍વਤ੍ਥਂ વਾ ਸਮ੍ਪਦਾਨਤ੍ਥਂ વਾ ਸਮ੍ਪਿਣ੍ਡੇਤਿ। ਅਯਂ ਗਾਥਾ વਿਭਤ੍ਤਿਯਾ ਉਪ੍ਪਟਿਪਾਟਿਤ੍ਤਾ ਭਗ੍ਗਰੀਤਿਸਙ੍ਖਾਤਾ ਅਲਙ੍ਕਾਰਦੋਸਾ ਨ ਮੁਤ੍ਤਾ। ਲਿਙ੍ਗਨ੍ਤਿ ਸਮਣਲਿਙ੍ਗਂ। ਇਧਾਤਿ ਇਮਸ੍ਮਿਂ ਸਾਸਨੇ।
Etthāti theyyasaṃvāsakaṭṭhāne. Rāja…pe… bhayehi vāti ettha bhayasaddo paccekaṃ yojetabbo. Rājabhayena ca dubbhikkhabhayena ca kantārabhayena ca rogabhayena ca veribhayena cāti hi attho. Cīvaragahaṇatthanti cīvarāharaṇatthaṃ, ayameva vā pāṭho. Vāsaddo hetvatthaṃ vā sampadānatthaṃ vā sampiṇḍeti. Ayaṃ gāthā vibhattiyā uppaṭipāṭittā bhaggarītisaṅkhātā alaṅkāradosā na muttā. Liṅganti samaṇaliṅgaṃ. Idhāti imasmiṃ sāsane.
ਨਾਧਿવਾਸੇਤੀਤਿ ਨ ਸਮ੍ਪਟਿਚ੍ਛਤਿ। ਯਾવਾਤਿ ਯਤ੍ਤਕਂ ਕਾਲਂ, ਅਯਂ ਪਨੇਤ੍ਥ ਯੋਜਨਾ – ਇਧ ਯੋ ਰਾਜ…ਪੇ॰… ਭਯੇਨ વਾ ਚੀવਰਗਹਣਤ੍ਥਂ વਾ ਲਿਙ੍ਗਂ ਆਦਿਯਤਿ, ਸੋ ਸੁਦ੍ਧਮਾਨਸੋ ਹੁਤ੍વਾ ਯਾવ ਸਂવਾਸਂ ਨਾਧਿવਾਸੇਤਿ, ਤਾવ ਏਸੋ ‘‘ਥੇਯ੍ਯਸਂવਾਸਕੋ ਨਾਮਾ’’ਤਿ ਨ વੁਚ੍ਚਤੀਤਿ।
Nādhivāsetīti na sampaṭicchati. Yāvāti yattakaṃ kālaṃ, ayaṃ panettha yojanā – idha yo rāja…pe… bhayena vā cīvaragahaṇatthaṃ vā liṅgaṃ ādiyati, so suddhamānaso hutvā yāva saṃvāsaṃ nādhivāseti, tāva eso ‘‘theyyasaṃvāsako nāmā’’ti na vuccatīti.
ਤਤ੍ਰਾਤਿ ਤਾਸੁ ਗਾਥਾਸੁ। ਇਧਾਤਿ ਇਮਸ੍ਮਿਂ ਸਾਸਨੇ। ਏવਨ੍ਤਿ ਲਿਙ੍ਗੇ ਗਹਿਯਮਾਨੇ। ਤਸ੍ਮਿਨ੍ਤਿ ਜਨੇ। ਅਨੋਸਰਿਤ੍વਾવਾਤਿ ਅਨੋਕ੍ਕਮਿਤ੍વਾવ। ਲਿਙ੍ਗਂ ਅਪਨੇਤ੍વਾਤਿ ਸਯਂ ਗਹਿਤਂ ਸਮਣਲਿਙ੍ਗਂ વਿਨਾਸੇਤ੍વਾ। ਪਬ੍ਬਜਿਤਾਲਯਨ੍ਤਿ ਪਬ੍ਬਜਿਤਛਾਯਂ। ਪੁਬ੍ਬੇਤਿ ਸਂવਾਸਥੇਨਕੇ।
Tatrāti tāsu gāthāsu. Idhāti imasmiṃ sāsane. Evanti liṅge gahiyamāne. Tasminti jane. Anosaritvāvāti anokkamitvāva. Liṅgaṃ apanetvāti sayaṃ gahitaṃ samaṇaliṅgaṃ vināsetvā. Pabbajitālayanti pabbajitachāyaṃ. Pubbeti saṃvāsathenake.
ਸਬ੍ਬਪਾਸਣ੍ਡਿਯਭਤ੍ਤਾਨੀਤਿ ਸਬ੍ਬਾਨਿ ਪਾਸਣ੍ਡਂ ਉਦ੍ਦਿਸ੍ਸ ਦਿਨ੍ਨਾਨਿ ਭਤ੍ਤਾਨਿ।
Sabbapāsaṇḍiyabhattānīti sabbāni pāsaṇḍaṃ uddissa dinnāni bhattāni.
ਸਤ੍ਤੇ વਹਤੀਤਿ ਸਤ੍ਤવਾਹੋ। વਿਰਮਿਤਬ੍ਬਨ੍ਤਿ વੇਰਂ, ਤਂ ਪવਤ੍ਤੇਤੀਤਿ વੇਰਿਕੋ। ਕਾਯੇਨ ਪਰਿਹਰਿਤਬ੍ਬਾਨੀਤਿ ਕਾਯਪਰਿਹਾਰਿਯਾਨਿ। ਤਨ੍ਤਿ ਤੁવਂ। ਹੀਨਾਯਾવਤ੍ਤਭਾવਨ੍ਤਿ ਹੀਨਾਯ ਗਿਹਿਭਾવਾਯ ਆવਤ੍ਤਭਾવਂ।
Satte vahatīti sattavāho. Viramitabbanti veraṃ, taṃ pavattetīti veriko. Kāyena pariharitabbānīti kāyaparihāriyāni. Tanti tuvaṃ. Hīnāyāvattabhāvanti hīnāya gihibhāvāya āvattabhāvaṃ.
ਉਪ੍ਪਬ੍ਬਜਿਤ੍વਾਤਿ ਪਬ੍ਬਜવਿਯੋਗਂ ਕਤ੍વਾ। ਤਮਤ੍ਥਨ੍ਤਿ ਉਪ੍ਪਬ੍ਬਜਿਤਸਙ੍ਖਾਤਮਤ੍ਥਂ। ਅਸ੍ਸਾਤਿ ਮਹਾਸਾਮਣੇਰਸ੍ਸ।
Uppabbajitvāti pabbajaviyogaṃ katvā. Tamatthanti uppabbajitasaṅkhātamatthaṃ. Assāti mahāsāmaṇerassa.
ਮਹਨ੍ਤੋ વਾਤਿ ਏਤ੍ਥ વਾਸਦ੍ਦੋ ਗਰਹਤ੍ਥੋ। ਪਗੇવ ਦਹਰੋਤਿ ਦਸ੍ਸੇਤਿ। ਅਬ੍ਯਤ੍ਤੋ ਹੋਤੀਤਿ ਯੋਜਨਾ। ਸੋਤਿ ਸਾਮਣੇਰੋ।
Mahanto vāti ettha vāsaddo garahattho. Pageva daharoti dasseti. Abyatto hotīti yojanā. Soti sāmaṇero.
વਚ੍ਛਗੋਰਕ੍ਖਾਦੀਨੀਤਿ ਏਤ੍ਥ વਚ੍ਛੋਤਿ ਤਰੁਣਗੋਣੋ। ਸੋ ਹਿ ਮਾਤੁਸਨ੍ਤਿਕੇ વਸਤੀਤਿ વਚ੍ਛੋ। ਮਾਤੁਯਾ વਿਯੋਗਕਾਲੇ વਾ વਸ੍ਸਤੀਤਿ વਚ੍ਛੋਤਿ વੁਚ੍ਚਤਿ। ਇਮਿਨਾ ਦਮ੍ਮਗવਜਰਗ੍ਗવਾਪਿ ਸਾਮਞ੍ਞਤੋ ਗਹਿਤਾ। ਗੋ વੁਚ੍ਚਤਿ ਖੇਤ੍ਤਭੂਮਿ। વਚ੍ਛੋ ਚ ਗੋ ਚ વਚ੍ਛਗવਾ, ਤੇਸਂ ਰਕ੍ਖਨਂ વਚ੍ਛਗੋਰਕ੍ਖੋ, ਸੋ ਆਦਿ ਯੇਸਂ ਕਸਿਕਮ੍ਮਾਦੀਨਨ੍ਤਿ વਚ੍ਛਗੋਰਕ੍ਖਾਦੀਨਿ। ‘‘ਸੂਪਸਮ੍ਪਨ੍ਨੋ’’ਤਿ ਇਮਿਨਾ ਗਹਟ੍ਠਮ੍ਪਿ ਸਚੇ ਉਪਸਮ੍ਪਾਦੇਤਿ, ਸੂਪਸਮ੍ਪਨ੍ਨੋਤਿ ਦਸ੍ਸੇਤਿ। ਅਨੁਪਸਮ੍ਪਨ੍ਨਕਾਲੇਯੇવਾਤਿ ਸਾਮਣੇਰਕਾਲੇਯੇવ। વਿਨਯવਿਨਿਚ੍ਛਯੇਤਿ વਿਨਯੇ વੁਤ੍ਤਸ੍ਸ ਥੇਯ੍ਯਸਂવਾਸਕਸ੍ਸ વਿਨਿਚ੍ਛਯੇ। ਥੇਯ੍ਯਸਂવਾਸਕੋ ਹੋਤਿ ਲਿਙ੍ਗਸ੍ਸ ਅਪਨੀਤਤ੍ਤਾ।
Vacchagorakkhādīnīti ettha vacchoti taruṇagoṇo. So hi mātusantike vasatīti vaccho. Mātuyā viyogakāle vā vassatīti vacchoti vuccati. Iminā dammagavajaraggavāpi sāmaññato gahitā. Go vuccati khettabhūmi. Vaccho ca go ca vacchagavā, tesaṃ rakkhanaṃ vacchagorakkho, so ādi yesaṃ kasikammādīnanti vacchagorakkhādīni. ‘‘Sūpasampanno’’ti iminā gahaṭṭhampi sace upasampādeti, sūpasampannoti dasseti. Anupasampannakāleyevāti sāmaṇerakāleyeva. Vinayavinicchayeti vinaye vuttassa theyyasaṃvāsakassa vinicchaye. Theyyasaṃvāsako hoti liṅgassa apanītattā.
ਥੇਯ੍ਯਸਂવਾਸਕੋ ਨ ਹੋਤਿ ਸਲਿਙ੍ਗੇ ਠਿਤਤ੍ਤਾ। ਅਯਮ੍ਪਿ ਥੇਯ੍ਯਸਂવਾਸਕੋ ਨ ਹੋਤਿ ਕਾਸਾਯੇ ਸਉਸ੍ਸਾਹਤ੍ਤਾ। ਥੇਯ੍ਯਸਂવਾਸਕੋ ਹੋਤਿ ਕਾਸਾਯੇ ਧੁਰਸ੍ਸ ਨਿਕ੍ਖਿਤ੍ਤਤ੍ਤਾ।
Theyyasaṃvāsako na hoti saliṅge ṭhitattā. Ayampi theyyasaṃvāsako na hoti kāsāye saussāhattā. Theyyasaṃvāsako hoti kāsāye dhurassa nikkhittattā.
ਥੇਯ੍ਯਸਂવਾਸਕੋ ਨ ਹੋਤਿ ਸਲਿਙ੍ਗੇ ਠਿਤਤ੍ਤਾ। ਨੇવ ਥੇਯ੍ਯਸਂવਾਸਕੋ ਹੋਤਿ ਕਾਸਾਯੇ ਸਉਸ੍ਸਾਹਤ੍ਤਾ। ਮੇਥੁਨਸੇવਨਾਦੀਹੀਤਿਆਦਿਸਦ੍ਦੇਨ ਪਾਣਾਤਿਪਾਤਾਦਯੋ ਸਙ੍ਗਣ੍ਹਾਤਿ। ਥੇਯ੍ਯਸਂવਾਸਕੋ ਹੋਤਿ ਕਾਸਾਯੇ ਧੁਰਸ੍ਸ ਨਿਕ੍ਖਿਤ੍ਤਤ੍ਤਾ। ਓવਟ੍ਟਿਕਨ੍ਤਿ ਅਧੋવਟ੍ਟੇਨ ਕਰਣਂ। ਰਕ੍ਖਤਿ ਤਾવਾਤਿ ਤਾવ ਰਕ੍ਖਤਿ વੀਮਂਸਨੇਨ ਨਿવਾਸਿਤਤ੍ਤਾ। ਲਿਙ੍ਗਨ੍ਤਿ ਸਮਣਲਿਙ੍ਗਂ। ਥੇਯ੍ਯਸਂવਾਸਕੋ ਹੋਤਿ ਗਿਹਿਲਿਙ੍ਗਸ੍ਸ ਸਮ੍ਪਟਿਚ੍ਛਿਤਤ੍ਤਾ।
Theyyasaṃvāsako na hoti saliṅge ṭhitattā. Neva theyyasaṃvāsako hoti kāsāye saussāhattā. Methunasevanādīhītiādisaddena pāṇātipātādayo saṅgaṇhāti. Theyyasaṃvāsako hoti kāsāye dhurassa nikkhittattā. Ovaṭṭikanti adhovaṭṭena karaṇaṃ. Rakkhati tāvāti tāva rakkhati vīmaṃsanena nivāsitattā. Liṅganti samaṇaliṅgaṃ. Theyyasaṃvāsako hoti gihiliṅgassa sampaṭicchitattā.
વੀਮਂਸਤਿ વਾ ਸਮ੍ਪਟਿਚ੍ਛਤਿ વਾ ਰਕ੍ਖਤਿਯੇવ ਓਦਾਤવਤ੍ਥਸ੍ਸ ਅਨ੍ਤੋਕਾਸਾਯਭਾવਤੋ। ‘‘ਭਿਕ੍ਖੁਨਿਯਾਪਿ ਏਸੇવ ਨਯੋ’’ਤਿ વੁਤ੍ਤਮੇવਤ੍ਥਂ વਿਭਾવੇਨ੍ਤੋ ਆਹ ‘‘ਸਾਪੀ’’ਤਿਆਦਿ।
Vīmaṃsati vā sampaṭicchati vā rakkhatiyeva odātavatthassa antokāsāyabhāvato. ‘‘Bhikkhuniyāpi eseva nayo’’ti vuttamevatthaṃ vibhāvento āha ‘‘sāpī’’tiādi.
વੁਡ੍ਢਪਬ੍ਬਜਿਤੋ ਸਾਮਣੇਰੋਤਿ ਸਮ੍ਬਨ੍ਧੋ। ਪਾਲ਼ਿਯਮ੍ਪੀਤਿ ਪਨ੍ਤਿਯਮ੍ਪਿ। ਸੇਨੋ ਮਂਸਪੇਸਿਂ ਗਹੇਤ੍વਾ ਗਚ੍ਛਤਿ વਿਯ ਭਤ੍ਤਪਿਣ੍ਡੇ ਪਤ੍ਤਂ ਉਪਨਾਮੇਤ੍વਾ ਗਹੇਤ੍વਾ ਗਚ੍ਛਤਿ। ਥੇਯ੍ਯਸਂવਾਸਕੋ ਨ ਹੋਤਿ વਸ੍ਸਾਨਂ ਅਗਣਨਤ੍ਤਾ।
Vuḍḍhapabbajito sāmaṇeroti sambandho. Pāḷiyampīti pantiyampi. Seno maṃsapesiṃ gahetvā gacchati viya bhattapiṇḍe pattaṃ upanāmetvā gahetvā gacchati. Theyyasaṃvāsako na hoti vassānaṃ agaṇanattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੪੮. ਥੇਯ੍ਯਸਂવਾਸਕવਤ੍ਥੁ • 48. Theyyasaṃvāsakavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਥੇਯ੍ਯਸਂવਾਸਕવਤ੍ਥੁਕਥਾ • Theyyasaṃvāsakavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਥੇਯ੍ਯਸਂવਾਸਕવਤ੍ਥੁਕਥਾવਣ੍ਣਨਾ • Theyyasaṃvāsakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਥੇਯ੍ਯਸਂવਾਸਕવਤ੍ਥੁਕਥਾવਣ੍ਣਨਾ • Theyyasaṃvāsakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਥੇਯ੍ਯਸਂવਾਸਕવਤ੍ਥੁਕਥਾવਣ੍ਣਨਾ • Theyyasaṃvāsakavatthukathāvaṇṇanā
