| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
т̇зяяасам̣ваасагавад̇т̇угат̇ааван̣н̣анаа
Theyyasaṃvāsakavatthukathāvaṇṇanā
110. т̇зяяасам̣ваасагавад̇т̇умхи голан̃н̃аад̇и маад̇увам̣сз бид̇увам̣сз жа ж̇аад̇аа маад̇аабид̇уббабхуд̇исаб̣б̣ан̃аад̇аяо. т̇зяяааяа сам̣ваасо зд̇ассаад̇и т̇зяяасам̣ваасаго. со жа на сам̣ваасамад̇д̇ассзва т̇знаго ид̇хаад̇хиббзд̇о, ат̇а ко лин̇г̇асса д̇ад̣̇убхаяасса жа т̇знагобийд̇и ааха ‘‘д̇аяо т̇зяяасам̣ваасагаа’’д̇иаад̣̇и. на яат̇аавуд̣дхам̣ ванд̣̇анам̣ саад̣̇ияад̇ийд̇и яат̇аавуд̣дхам̣ бхигкуунам̣ ваа сааман̣зраанам̣ ваа ванд̣̇анам̣ на саад̣̇ияад̇и. яат̇аавуд̣дхам̣ ванд̣̇анам̣ саад̣̇ияад̇ийд̇и ад̇д̇анаа мусааваад̣̇ам̣ гад̇ваа д̣̇ассид̇авассаануруубам̣ яат̇аавуд̣дхам̣ ванд̣̇анам̣ саад̣̇ияад̇и. бхигкувассаг̇ан̣анаад̣̇игод̇и иминаа на згагаммаад̣̇игова ид̇ха сам̣ваасо наамаад̇и д̣̇ассзд̇и.
110. Theyyasaṃvāsakavatthumhi kolaññāti mātuvaṃse pituvaṃse ca jātā mātāpituppabhutisabbañātayo. Theyyāya saṃvāso etassāti theyyasaṃvāsako. So ca na saṃvāsamattasseva thenako idhādhippeto, atha kho liṅgassa tadubhayassa ca thenakopīti āha ‘‘tayo theyyasaṃvāsakā’’tiādi. Na yathāvuḍḍhaṃ vandanaṃ sādiyatīti yathāvuḍḍhaṃ bhikkhūnaṃ vā sāmaṇerānaṃ vā vandanaṃ na sādiyati. Yathāvuḍḍhaṃ vandanaṃ sādiyatīti attanā musāvādaṃ katvā dassitavassānurūpaṃ yathāvuḍḍhaṃ vandanaṃ sādiyati. Bhikkhuvassagaṇanādikoti iminā na ekakammādikova idha saṃvāso nāmāti dasseti.
рааж̇а…бз… бхаязнаад̇и зд̇т̇а бхаяа-сад̣̇д̣̇о бажжзгам̣ яож̇зд̇аб̣б̣о ‘‘рааж̇абхаязна д̣̇уб̣бхигкабхаязнаа’’д̇иаад̣̇инаа . сам̣ваасам̣ наад̇хиваасзд̇и, яаава со суд̣̇д̇хамаанасод̇и рааж̇абхаяаад̣̇ийхи г̇ахид̇алин̇г̇ад̇ааяа со суд̣̇д̇хамаанасо яаава сам̣ваасам̣ наад̇хиваасзд̇ийд̇и ад̇т̇о. яо хи рааж̇абхаяаад̣̇им̣ винаа гзвалам̣ бхигкуу ван̃жзд̇ваа д̇зхи сад̣̇д̇хим̣ сам̣васид̇угаамад̇ааяа лин̇г̇ам̣ г̇ан̣хаад̇и, со асуд̣̇д̇хажид̇д̇ад̇ааяа лин̇г̇аг̇г̇ахан̣знзва т̇зяяасам̣ваасаго наама ход̇и. аяам̣ бана д̇аад̣̇исзна асуд̣̇д̇хажид̇д̇зна бхигкуу ван̃жзд̇угаамад̇ааяа абхаавад̇о яаава сам̣ваасам̣ наад̇хиваасзд̇и, д̇аава т̇зяяасам̣ваасаго наама на ход̇и. д̇знзва ‘‘рааж̇абхаяаад̣̇ийхи г̇ахид̇алин̇г̇аанам̣ ‘г̇ихий мам̣ саман̣од̇и ж̇аананд̇уу’д̇и ван̃жанаажид̇д̇з сад̇иби бхигкуунам̣ ван̃жзд̇угаамад̇ааяа абхааваа д̣̇осо на ж̇аад̇о’’д̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘вуубасанд̇абхаяад̇аа ид̇ха суд̣̇д̇хажид̇д̇ад̇аа’’д̇и вад̣̇анд̇и, зван̃жа сад̇и со вуубасанд̇абхаяо яаава сам̣ваасам̣ наад̇хиваасзд̇и, д̇аава т̇зяяасам̣ваасаго на ход̇ийд̇и аяамад̇т̇о вин̃н̃ааяад̇и. имасмин̃жа ад̇т̇з вин̃н̃ааяамаанз авуубасанд̇абхаяасса сам̣ваасасаад̣̇ияанзби т̇зяяасам̣ваасагад̇аа на ход̇ийд̇и аабаж̇ж̇зяяа, на жа адтагат̇ааяам̣ авуубасанд̇абхаяасса сам̣ваасасаад̣̇ияанзби ат̇зяяасам̣ваасагад̇аа д̣̇ассид̇аа. саб̣б̣абаасан̣д̣ияабхад̇д̇аани бхун̃ж̇анд̇од̇и жа иминаа авуубасанд̇ад̇аязнаби сам̣ваасам̣ асаад̣̇ияанд̇знзва васид̇аб̣б̣анд̇и д̣̇ийбзд̇и. д̇знзва д̇ийсуби г̇ан̣тибад̣̇зсу вуд̇д̇ам̣ ‘‘яасмаа вихаарам̣ ааг̇анд̇ваа сан̇гхигам̣ г̇ан̣ханд̇асса сам̣ваасам̣ барихарид̇ум̣ д̣̇уггарам̣, д̇асмаа саб̣б̣абаасан̣д̣ияабхад̇д̇аани бхун̃ж̇анд̇од̇и ид̣̇ам̣ вуд̇д̇а’’нд̇и, д̇асмаа рааж̇абхаяаад̣̇ийхи г̇ахид̇алин̇г̇ад̇ааязвзд̇т̇а суд̣̇д̇хажид̇д̇ад̇аад̇и г̇ахзд̇аб̣б̣ам̣.
Rāja…pe… bhayenāti ettha bhaya-saddo paccekaṃ yojetabbo ‘‘rājabhayena dubbhikkhabhayenā’’tiādinā . Saṃvāsaṃ nādhivāseti, yāva so suddhamānasoti rājabhayādīhi gahitaliṅgatāya so suddhamānaso yāva saṃvāsaṃ nādhivāsetīti attho. Yo hi rājabhayādiṃ vinā kevalaṃ bhikkhū vañcetvā tehi saddhiṃ saṃvasitukāmatāya liṅgaṃ gaṇhāti, so asuddhacittatāya liṅgaggahaṇeneva theyyasaṃvāsako nāma hoti. Ayaṃ pana tādisena asuddhacittena bhikkhū vañcetukāmatāya abhāvato yāva saṃvāsaṃ nādhivāseti, tāva theyyasaṃvāsako nāma na hoti. Teneva ‘‘rājabhayādīhi gahitaliṅgānaṃ ‘gihī maṃ samaṇoti jānantū’ti vañcanācitte satipi bhikkhūnaṃ vañcetukāmatāya abhāvā doso na jāto’’ti tīsupi gaṇṭhipadesu vuttaṃ. Keci pana ‘‘vūpasantabhayatā idha suddhacittatā’’ti vadanti, evañca sati so vūpasantabhayo yāva saṃvāsaṃ nādhivāseti, tāva theyyasaṃvāsako na hotīti ayamattho viññāyati. Imasmiñca atthe viññāyamāne avūpasantabhayassa saṃvāsasādiyanepi theyyasaṃvāsakatā na hotīti āpajjeyya, na ca aṭṭhakathāyaṃ avūpasantabhayassa saṃvāsasādiyanepi atheyyasaṃvāsakatā dassitā. Sabbapāsaṇḍiyabhattāni bhuñjantoti ca iminā avūpasantatayenapi saṃvāsaṃ asādiyanteneva vasitabbanti dīpeti. Teneva tīsupi gaṇṭhipadesu vuttaṃ ‘‘yasmā vihāraṃ āgantvā saṅghikaṃ gaṇhantassa saṃvāsaṃ pariharituṃ dukkaraṃ, tasmā sabbapāsaṇḍiyabhattāni bhuñjantoti idaṃ vutta’’nti, tasmā rājabhayādīhi gahitaliṅgatāyevettha suddhacittatāti gahetabbaṃ.
саб̣б̣абаасан̣д̣ияабхад̇д̇аанийд̇и саб̣б̣асаамаяигаанам̣ саад̇хааран̣ам̣ гад̇ваа вийт̇ижад̇уггаад̣̇ийсу табзд̇ваа д̣̇аад̇аб̣б̣абхад̇д̇аани. гааяабарихаарияаанийд̇и гааязна барихарид̇аб̣б̣аани. аб̣бхуг̇г̇ажчанд̇ийд̇и абхимукам̣ г̇ажчанд̇и. гамманд̇аанудтаанзнаад̇и гасиг̇орагкаад̣̇игаммагаран̣зна. д̇ад̣̇зва бад̇д̇ажийварам̣ аад̣̇ааяа вихаарам̣ г̇ажчад̇ийд̇и жийвараани ниваасанабаарубанавасзна аад̣̇ааяа бад̇д̇ан̃жа ам̣сагуудз лаг̇г̇зд̇ваа вихаарам̣ г̇ажчад̇и. нааби саяам̣ ж̇аанаад̇ийд̇и ‘‘яо звам̣ баб̣б̣аж̇ад̇и, со т̇зяяасам̣ваасаго наама ход̇ий’’д̇и ваа ‘‘звам̣ гаад̇ум̣ на лабхад̇ий’’д̇и ваа ‘‘звам̣ баб̣б̣аж̇ид̇о саман̣о на ход̇ий’’д̇и ваа на ж̇аанаад̇и. яо звам̣ баб̣б̣аж̇ад̇и, со т̇зяяасам̣ваасаго наама ход̇ийд̇и ид̣̇ам̣ бана нид̣̇ассанамад̇д̇ам̣. анубасамбаннагаалзязваад̇и иминаа убасамбаннагаалз суд̇ваа сажзби наарожзд̇и, т̇зяяасам̣ваасаго на ход̇ийд̇и д̣̇ийбзд̇и.
Sabbapāsaṇḍiyabhattānīti sabbasāmayikānaṃ sādhāraṇaṃ katvā vīthicatukkādīsu ṭhapetvā dātabbabhattāni. Kāyaparihāriyānīti kāyena pariharitabbāni. Abbhuggacchantīti abhimukhaṃ gacchanti. Kammantānuṭṭhānenāti kasigorakkhādikammakaraṇena. Tadeva pattacīvaraṃ ādāya vihāraṃ gacchatīti cīvarāni nivāsanapārupanavasena ādāya pattañca aṃsakūṭe laggetvā vihāraṃ gacchati. Nāpi sayaṃ jānātīti ‘‘yo evaṃ pabbajati, so theyyasaṃvāsako nāma hotī’’ti vā ‘‘evaṃ kātuṃ na labhatī’’ti vā ‘‘evaṃ pabbajito samaṇo na hotī’’ti vā na jānāti. Yo evaṃ pabbajati, so theyyasaṃvāsako nāma hotīti idaṃ pana nidassanamattaṃ. Anupasampannakāleyevāti iminā upasampannakāle sutvā sacepi nāroceti, theyyasaṃvāsako na hotīti dīpeti.
сигкам̣ аббажжагкааяа…бз… т̇зяяасам̣ваасаго на ход̇ийд̇и ид̣̇ам̣ бхигкуухи д̣̇инналин̇г̇асса абарижжад̇д̇ад̇д̇аа на лин̇г̇ат̇знаго ход̇и, лин̇г̇аануруубасса сам̣ваасасса саад̣̇ид̇ад̇д̇аа нааби сам̣ваасат̇знаго ход̇ийд̇и вуд̇д̇ам̣. зго бхигку гаасааяз сауссаахова од̣̇аад̇ам̣ ниваасзд̇ваад̇и зд̇т̇ааби ид̣̇амзва гааран̣ам̣ д̣̇адтаб̣б̣ам̣. барад̇о сааман̣зро салин̇г̇з тид̇од̇иаад̣̇инаа сааман̣зрасса вуд̇д̇авид̇хаанзсуби ат̇зяяасам̣ваасагабагкз аяамзва наяо. бхигкунияааби зсзва наяод̇и вуд̇д̇амзвад̇т̇ам̣ ‘‘сааби хи г̇ихибхаавам̣ бад̇т̇аяамаанаа’’д̇иаад̣̇инаа вибхаавзд̇и. яо гожи вуд̣дхабаб̣б̣аж̇ид̇од̇и сааман̣зрам̣ санд̇хааяа вуд̇д̇ам̣. махаабзл̣аад̣̇ийсууд̇и зд̇зна г̇ихисанд̇агам̣ д̣̇ассид̇ам̣. саяам̣ сааман̣зрова…бз… т̇зяяасам̣ваасаго на ход̇ийд̇и зд̇т̇а гин̃жааби т̇зяяасам̣ваасаго на ход̇и, баарааж̇игам̣ бана аабаж̇ж̇ад̇иязва. сзсамзд̇т̇а уд̇д̇аанамзва.
Sikkhaṃ appaccakkhāya…pe… theyyasaṃvāsako na hotīti idaṃ bhikkhūhi dinnaliṅgassa apariccattattā na liṅgathenako hoti, liṅgānurūpassa saṃvāsassa sāditattā nāpi saṃvāsathenako hotīti vuttaṃ. Eko bhikkhu kāsāye saussāhova odātaṃ nivāsetvāti etthāpi idameva kāraṇaṃ daṭṭhabbaṃ. Parato sāmaṇero saliṅge ṭhitotiādinā sāmaṇerassa vuttavidhānesupi atheyyasaṃvāsakapakkhe ayameva nayo. Bhikkhuniyāpi eseva nayoti vuttamevatthaṃ ‘‘sāpi hi gihibhāvaṃ patthayamānā’’tiādinā vibhāveti. Yo koci vuḍḍhapabbajitoti sāmaṇeraṃ sandhāya vuttaṃ. Mahāpeḷādīsūti etena gihisantakaṃ dassitaṃ. Sayaṃ sāmaṇerova…pe… theyyasaṃvāsako na hotīti ettha kiñcāpi theyyasaṃvāsako na hoti, pārājikaṃ pana āpajjatiyeva. Sesamettha uttānameva.
т̇зяяасам̣ваасагавад̇т̇угат̇ааван̣н̣анаа нидтид̇аа.
Theyyasaṃvāsakavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 48. т̇зяяасам̣ваасагавад̇т̇у • 48. Theyyasaṃvāsakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / т̇зяяасам̣ваасагавад̇т̇угат̇аа • Theyyasaṃvāsakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 48. д̇ид̇т̇ияабагганд̇агагат̇аа • 48. Titthiyapakkantakakathā
