| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
т̇зяяасам̣ваасагавад̇т̇угат̇ааван̣н̣анаа
Theyyasaṃvāsakavatthukathāvaṇṇanā
110. т̇зяяасам̣ваасагод̇и зд̇т̇а гин̃жааби б̣яан̃ж̇анад̇т̇авасзна сам̣ваасад̇т̇знагова т̇зяяасам̣ваасагод̇и бан̃н̃ааяад̇и, ат̇а ко д̇аяо т̇зяяасам̣ваасагаа. сам̣ваасод̇и жзд̇т̇а на згагаммаад̣̇иго сам̣ваасо, гинд̇у бхигкувассаг̇ан̣анаад̣̇иго гирияабхзд̣̇о ид̇ха сам̣ваасо наама. иман̃хи саггаа т̇зяяааяа гаад̇ум̣, нзд̇аранд̇и адтагат̇ааяа ад̇хиббааяо. вид̣̇зсам̣ г̇анд̇ваа баб̣б̣аж̇ид̇зхи бужчид̇з ‘‘д̣̇асавассо’’д̇иаад̣̇им̣ бхан̣анд̇асса д̣̇осо. г̇ихийнам̣ вуд̇д̇з д̣̇осо над̇т̇ийд̇и гзжи. рааж̇абхаяаад̣̇ийхи г̇ахид̇алин̇г̇аанам̣ ‘‘г̇ихий мам̣ саман̣од̇и ж̇аанаад̇уу’’д̇и ван̃жанажид̇д̇з сад̇иби бхигкуунам̣ ван̃жзд̇угаамад̇ааяа, д̇зхи сам̣васид̇угаамад̇ааяа жа абхааваа д̣̇осо на ж̇аад̇о. ‘‘саб̣б̣абаасан̣д̣ияабхад̇д̇аанийд̇и вихаарам̣ ааг̇анд̇ваа сан̇гхигам̣ г̇ан̣ханд̇асса сам̣ваасам̣ барихарид̇ум̣ д̣̇уггарам̣, д̇асмаа вуд̇д̇а’’нд̇и жа ликид̇ам̣. ‘‘суубасамбанно’’д̇и вуд̇д̇ад̇д̇аа г̇ахадтамби сажз убасамбаад̣̇знд̇и, суубасамбаннод̇и аабаннам̣, ‘‘анубасамбаннагаалзязваа’’д̇и иминаа сажз убасамбаннагаалз сун̣аад̇и, суубасамбанно зва анаарожзнд̇обийд̇и д̣̇ассзд̇и. анд̇хагадтагат̇ааяам̣, бораан̣аг̇ан̣тибад̣̇зсу жа д̣̇уссийлабхигку ‘‘т̇зяяасам̣ваасаго’’д̇и вуд̇д̇о ‘‘т̇зяяааяа во, бхигкавз, радтабин̣д̣о бхуд̇д̇о’’д̇и (баараа. 195) иминаа гира барияааязнаад̇и взд̣̇ид̇аб̣б̣ам̣. д̇знзвааха ‘‘д̇ам̣ на г̇ахзд̇аб̣б̣а’’нд̇и. ‘‘махаабзл̣аад̣̇ийсуу’’д̇и зд̇зна г̇ихисанд̇агам̣ д̣̇ассид̇ам̣.
110.Theyyasaṃvāsakoti ettha kiñcāpi byañjanatthavasena saṃvāsatthenakova theyyasaṃvāsakoti paññāyati, atha kho tayo theyyasaṃvāsakā. Saṃvāsoti cettha na ekakammādiko saṃvāso, kintu bhikkhuvassagaṇanādiko kiriyabhedo idha saṃvāso nāma. Imañhi sakkā theyyāya kātuṃ, netaranti aṭṭhakathāya adhippāyo. Videsaṃ gantvā pabbajitehi pucchite ‘‘dasavasso’’tiādiṃ bhaṇantassa doso. Gihīnaṃ vutte doso natthīti keci. Rājabhayādīhi gahitaliṅgānaṃ ‘‘gihī maṃ samaṇoti jānātū’’ti vañcanacitte satipi bhikkhūnaṃ vañcetukāmatāya, tehi saṃvasitukāmatāya ca abhāvā doso na jāto. ‘‘Sabbapāsaṇḍiyabhattānīti vihāraṃ āgantvā saṅghikaṃ gaṇhantassa saṃvāsaṃ pariharituṃ dukkaraṃ, tasmā vutta’’nti ca likhitaṃ. ‘‘Sūpasampanno’’ti vuttattā gahaṭṭhampi sace upasampādenti, sūpasampannoti āpannaṃ, ‘‘anupasampannakāleyevā’’ti iminā sace upasampannakāle suṇāti, sūpasampanno eva anārocentopīti dasseti. Andhakaṭṭhakathāyaṃ, porāṇagaṇṭhipadesu ca dussīlabhikkhu ‘‘theyyasaṃvāsako’’ti vutto ‘‘theyyāya vo, bhikkhave, raṭṭhapiṇḍo bhutto’’ti (pārā. 195) iminā kira pariyāyenāti veditabbaṃ. Tenevāha ‘‘taṃ na gahetabba’’nti. ‘‘Mahāpeḷādīsū’’ti etena gihisantakaṃ dassitaṃ.
саяам̣ сааман̣зрова гуудавассаани г̇ан̣зд̇ваа г̇ан̣ханд̇о баарааж̇иго ход̇и, т̇зяяасам̣ваасаго бана на ход̇и, д̇ат̇аа бхигкуби, со бана бхан̣д̣аг̇гхзна гаарзд̇аб̣б̣од̇и иминаа ад̇хиббааязна ‘‘саяам̣ сааман̣зроваа’’д̇иаад̣̇и вуд̇д̇ам̣. аяам̣ бана т̇зяяасам̣ваасаго наама яасмаа баб̣б̣аж̇ид̇ова ход̇и, наабаб̣б̣аж̇ид̇о, д̇асмаа ‘‘т̇зяяасам̣ваасаго, бхигкавз, абаб̣б̣аж̇ид̇о на баб̣б̣ааж̇зд̇аб̣б̣о, баб̣б̣аж̇ид̇о наасзд̇аб̣б̣о’’д̇и вад̇д̇ум̣ на саггаад̇и гад̇ваа имасса васзна бан̣д̣агад̇о бадтааяа ‘‘анубасамбанно на убасамбаад̣̇зд̇аб̣б̣о’’д̇иаад̣̇инаа баал̣и табид̇аа, на убасамбад̣̇аамад̇д̇ассзва абхаб̣б̣ад̇д̇аа згаад̣̇асаннамби нзсам̣ баб̣б̣аж̇ж̇аарахабхааваббасан̇г̇ад̇о. абижа анидтад̣̇осаббасан̇г̇ад̇о д̇ат̇аа зва баал̣и табид̇аа. яасмаа д̇ид̇т̇ияабаггаманам̣, сан̇гхабхзд̣̇анан̃жа убасамбаннассзва ход̇и, наанубасамбаннасса, со д̣̇увид̇хоби баб̣б̣аж̇ид̇ова ход̇и, наабаб̣б̣аж̇ид̇о, д̇асмаа ‘‘д̇ид̇т̇ияабагганд̇аго, бхигкавз, абаб̣б̣аж̇ид̇о на баб̣б̣ааж̇зд̇аб̣б̣о’’д̇иаад̣̇ибаал̣ияаа сад̇и д̇з убхоби абаб̣б̣ааж̇зд̇аб̣б̣аа хонд̇ийд̇и анидтаббасан̇г̇о аабаж̇ж̇ад̇ийд̇и. д̇ийсу бана т̇зяяасам̣ваасагзсу сааман̣зраалаяам̣ гаронд̇о лин̇г̇ад̇т̇знаго, убасамбаннаалаяам̣ гаронд̇о сам̣ваасад̇т̇знаго, убхаяад̇т̇знаго жа. на хи сааман̣зрасам̣ваасо ид̇ха сам̣ваасо наама, д̇знзва адтагат̇ааяам̣ ‘‘бхигкувассаг̇ан̣анаад̣̇иго хи саб̣б̣оби гирияабхзд̣̇о имасмим̣ ад̇т̇з сам̣ваасо’’д̇и вуд̇д̇анд̇и згз. яат̇аавуд̣дхам̣ ванд̣̇анасаад̣̇ияанаасанабадиб̣ааханаанам̣ сааман̣зрасам̣ваасасааман̃н̃ад̇о нзваад̇и аажарияо.
Sayaṃ sāmaṇerova kūṭavassāni gaṇetvā gaṇhanto pārājiko hoti, theyyasaṃvāsako pana na hoti, tathā bhikkhupi, so pana bhaṇḍagghena kāretabboti iminā adhippāyena ‘‘sayaṃ sāmaṇerovā’’tiādi vuttaṃ. Ayaṃ pana theyyasaṃvāsako nāma yasmā pabbajitova hoti, nāpabbajito, tasmā ‘‘theyyasaṃvāsako, bhikkhave, apabbajito na pabbājetabbo, pabbajito nāsetabbo’’ti vattuṃ na sakkāti katvā imassa vasena paṇḍakato paṭṭhāya ‘‘anupasampanno na upasampādetabbo’’tiādinā pāḷi ṭhapitā, na upasampadāmattasseva abhabbattā ekādasannampi nesaṃ pabbajjārahabhāvappasaṅgato. Apica aniṭṭhadosappasaṅgato tathā eva pāḷi ṭhapitā. Yasmā titthiyapakkamanaṃ, saṅghabhedanañca upasampannasseva hoti, nānupasampannassa, so duvidhopi pabbajitova hoti, nāpabbajito, tasmā ‘‘titthiyapakkantako, bhikkhave, apabbajito na pabbājetabbo’’tiādipāḷiyā sati te ubhopi apabbājetabbā hontīti aniṭṭhappasaṅgo āpajjatīti. Tīsu pana theyyasaṃvāsakesu sāmaṇerālayaṃ karonto liṅgatthenako, upasampannālayaṃ karonto saṃvāsatthenako, ubhayatthenako ca. Na hi sāmaṇerasaṃvāso idha saṃvāso nāma, teneva aṭṭhakathāyaṃ ‘‘bhikkhuvassagaṇanādiko hi sabbopi kiriyabhedo imasmiṃ atthe saṃvāso’’ti vuttanti eke. Yathāvuḍḍhaṃ vandanasādiyanāsanapaṭibāhanānaṃ sāmaṇerasaṃvāsasāmaññato nevāti ācariyo.
т̇зяяасам̣ваасагавад̇т̇угат̇ааван̣н̣анаа нидтид̇аа.
Theyyasaṃvāsakavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 48. т̇зяяасам̣ваасагавад̇т̇у • 48. Theyyasaṃvāsakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / т̇зяяасам̣ваасагавад̇т̇угат̇аа • Theyyasaṃvāsakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 48. д̇ид̇т̇ияабагганд̇агагат̇аа • 48. Titthiyapakkantakakathā
