| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
т̇зяяасам̣ваасагавад̇т̇угат̇ааван̣н̣анаа
Theyyasaṃvāsakavatthukathāvaṇṇanā
110. т̇зяяасам̣ваасагавад̇т̇умхи голан̃н̃аад̇и гулз ж̇аад̇аа, д̇ад̇т̇а ваа вид̣̇ид̇аа н̃аад̇аа басид̣̇д̇хаа, д̇ам̣ ваа ж̇аананд̇и голан̃н̃аад̇и н̃аад̇агаанам̣ наамам̣. т̇зяяааяа лин̇г̇аг̇г̇ахан̣амад̇д̇амби ид̇ха сам̣ваасо зваад̇и ааха ‘‘д̇аяо т̇зяяасам̣ваасагаа’’д̇и. на яат̇аавуд̣дхам̣ ванд̣̇ананд̇и бхигкуунам̣, сааман̣зраанам̣ ваа ванд̣̇анам̣ на саад̣̇ияад̇и.
110. Theyyasaṃvāsakavatthumhi kolaññāti kule jātā, tattha vā viditā ñātā pasiddhā, taṃ vā jānanti kolaññāti ñātakānaṃ nāmaṃ. Theyyāya liṅgaggahaṇamattampi idha saṃvāso evāti āha ‘‘tayo theyyasaṃvāsakā’’ti. Na yathāvuḍḍhaṃ vandananti bhikkhūnaṃ, sāmaṇerānaṃ vā vandanaṃ na sādiyati.
яат̇аавуд̣дхам̣ ванд̣̇ананд̇и ад̇д̇анаа мусааваад̣̇зна д̣̇ассид̇авассаггамзна бхигкуунам̣ ванд̣̇анам̣ саад̣̇ияад̇и, д̣̇ахарасааман̣зро бана вуд̣дхасааман̣зраанам̣, д̣̇ахарабхигку жа вуд̣дхаанам̣ ванд̣̇анам̣ саад̣̇ияанд̇оби т̇зяяасам̣ваасаго на ход̇и. имасмим̣ ад̇т̇зд̇и сам̣ваасад̇т̇знагад̇т̇з.
Yathāvuḍḍhaṃ vandananti attanā musāvādena dassitavassakkamena bhikkhūnaṃ vandanaṃ sādiyati, daharasāmaṇero pana vuḍḍhasāmaṇerānaṃ, daharabhikkhu ca vuḍḍhānaṃ vandanaṃ sādiyantopi theyyasaṃvāsako na hoti. Imasmiṃ attheti saṃvāsatthenakatthe.
‘‘бхигкувассааний’’д̇и ид̣̇ам̣ сам̣ваасад̇т̇знагз вуд̇д̇абаатавасзна вуд̇д̇ам̣, саяамзва бана баб̣б̣аж̇ид̇ваа сааман̣зравассаани г̇ан̣знд̇оби убхаяад̇т̇знаго зва. на гзвалан̃жа бурисова, ид̇т̇ийби бхигкунийсу звам̣ бадибаж̇ж̇ад̇и, т̇зяяасам̣ваасигаава. аад̣̇игаммигааби жзд̇т̇а на мужжанд̇и, убасамбаннзсу зва бан̃н̃ад̇д̇аабад̇д̇им̣ бадижжа аад̣̇игаммигаа вуд̇д̇аа, д̇знзвзд̇т̇а аад̣̇игаммигоби на муд̇д̇о.
‘‘Bhikkhuvassānī’’ti idaṃ saṃvāsatthenake vuttapāṭhavasena vuttaṃ, sayameva pana pabbajitvā sāmaṇeravassāni gaṇentopi ubhayatthenako eva. Na kevalañca purisova, itthīpi bhikkhunīsu evaṃ paṭipajjati, theyyasaṃvāsikāva. Ādikammikāpi cettha na muccanti, upasampannesu eva paññattāpattiṃ paṭicca ādikammikā vuttā, tenevettha ādikammikopi na mutto.
рааж̇а…бз… бхаязнаад̇и зд̇т̇а бхаяа-сад̣̇д̣̇о бажжзгам̣ яож̇зд̇аб̣б̣о. яаава со суд̣̇д̇хамаанасод̇и ‘‘иминаа лин̇г̇зна бхигкуу ван̃жзд̇ваа д̇зхи сам̣васиссаамий’’д̇и асуд̣̇д̇хажид̇д̇аабхаавзна суд̣̇д̇хажид̇д̇о. д̇зна хи асуд̣̇д̇хажид̇д̇зна лин̇г̇з г̇ахид̇амад̇д̇з бажчаа бхигкуухи саха сам̣васад̇у ваа маа ваа, лин̇г̇ад̇т̇знаго ход̇и. бажчаа сам̣васанд̇оби абхаб̣б̣о худ̇ваа сам̣васад̇и. д̇асмаа убхаяад̇т̇знагоби лин̇г̇ад̇т̇знагз зва бависад̇ийд̇и взд̣̇ид̇аб̣б̣ам̣. яо бана рааж̇аад̣̇ибхаязна суд̣̇д̇хажид̇д̇ова лин̇г̇ам̣ г̇ахзд̇ваа вижаранд̇о бажчаа ‘‘бхигкувассаани г̇ан̣зд̇ваа ж̇ийвиссаамий’’д̇и асуд̣̇д̇хажид̇д̇ам̣ уббаад̣̇зд̇и, со жид̇д̇уббаад̣̇амад̇д̇зна т̇зяяасам̣ваасагоби на ход̇и суд̣̇д̇хажид̇д̇зна г̇ахид̇алин̇г̇ад̇д̇аа. сажз бана со бхигкуунам̣ санд̇игам̣ г̇анд̇ваа сааман̣зравассаг̇ан̣анаад̣̇им̣ гарод̇и, д̇ад̣̇аа сам̣ваасад̇т̇знаго, убхаяад̇т̇знаго ваа ход̇ийд̇и д̣̇адтаб̣б̣ам̣. яам̣ бана барад̇о саха д̇хуранигкзбзна ‘‘аяамби т̇зяяасам̣ваасаго, ваа’’д̇и вуд̇д̇ам̣, д̇ам̣ бхигкуухи сан̇г̇амма сам̣ваасаад̇хиваасанавасзна д̇хуранигкзбам̣ санд̇хааяа вуд̇д̇ам̣. д̇зна вуд̇д̇ам̣ ‘‘сам̣ваасам̣ наад̇хиваасзд̇и яааваа’’д̇и. д̇асса д̇аава т̇зяяасам̣ваасаго наама на вужжад̇ийд̇и самб̣анд̇хо д̣̇адтаб̣б̣о. зд̇т̇а жа жораад̣̇ибхаяам̣ винааби гийл̣аад̇хиббааязна лин̇г̇ам̣ г̇ахзд̇ваа бхигкуунам̣ санд̇игз баб̣б̣аж̇ид̇аалаяам̣ д̣̇ассзд̇ваа ванд̣̇анаад̣̇им̣ асаад̣̇ияанд̇оби ‘‘собхад̇и ну ко мз баб̣б̣аж̇ид̇алин̇г̇а’’нд̇иаад̣̇инаа суд̣̇д̇хажид̇д̇зна г̇ан̣ханд̇оби т̇зяяасам̣ваасаго на ход̇ийд̇и д̣̇адтаб̣б̣ам̣.
Rāja…pe… bhayenāti ettha bhaya-saddo paccekaṃ yojetabbo. Yāva so suddhamānasoti ‘‘iminā liṅgena bhikkhū vañcetvā tehi saṃvasissāmī’’ti asuddhacittābhāvena suddhacitto. Tena hi asuddhacittena liṅge gahitamatte pacchā bhikkhūhi saha saṃvasatu vā mā vā, liṅgatthenako hoti. Pacchā saṃvasantopi abhabbo hutvā saṃvasati. Tasmā ubhayatthenakopi liṅgatthenake eva pavisatīti veditabbaṃ. Yo pana rājādibhayena suddhacittova liṅgaṃ gahetvā vicaranto pacchā ‘‘bhikkhuvassāni gaṇetvā jīvissāmī’’ti asuddhacittaṃ uppādeti, so cittuppādamattena theyyasaṃvāsakopi na hoti suddhacittena gahitaliṅgattā. Sace pana so bhikkhūnaṃ santikaṃ gantvā sāmaṇeravassagaṇanādiṃ karoti, tadā saṃvāsatthenako, ubhayatthenako vā hotīti daṭṭhabbaṃ. Yaṃ pana parato saha dhuranikkhepena ‘‘ayampi theyyasaṃvāsako, vā’’ti vuttaṃ, taṃ bhikkhūhi saṅgamma saṃvāsādhivāsanavasena dhuranikkhepaṃ sandhāya vuttaṃ. Tena vuttaṃ ‘‘saṃvāsaṃ nādhivāseti yāvā’’ti. Tassa tāva theyyasaṃvāsako nāma na vuccatīti sambandho daṭṭhabbo. Ettha ca corādibhayaṃ vināpi kīḷādhippāyena liṅgaṃ gahetvā bhikkhūnaṃ santike pabbajitālayaṃ dassetvā vandanādiṃ asādiyantopi ‘‘sobhati nu kho me pabbajitaliṅga’’ntiādinā suddhacittena gaṇhantopi theyyasaṃvāsako na hotīti daṭṭhabbaṃ.
саб̣б̣абаасан̣д̣ияабхад̇д̇аанийд̇и саб̣б̣асаамаяигаанам̣ саад̇хааран̣ам̣ гад̇ваа бан̃н̃ад̇д̇абхад̇д̇аани, ид̣̇ан̃жа бхигкуунан̃н̃зва нияамид̇абхад̇д̇аг̇ахан̣з сам̣ваасоби самбхавзяяаад̇и саб̣б̣асаад̇хааран̣абхад̇д̇ам̣ вуд̇д̇ам̣. сам̣ваасам̣ бана асаад̣̇ияид̇ваа абхигкугавихаараад̣̇ийсу вихаарабхад̇д̇аад̣̇ийни бхун̃ж̇анд̇оби т̇зяяасам̣ваасаго на ход̇и зва. гамманд̇аанудтаанзнаад̇и гасиаад̣̇игаммагаран̣зна. бад̇д̇ажийварам̣ аад̣̇ааяаад̇и бхигкулин̇г̇авзсзна сарийрзна д̇хаарзд̇ваа.
Sabbapāsaṇḍiyabhattānīti sabbasāmayikānaṃ sādhāraṇaṃ katvā paññattabhattāni, idañca bhikkhūnaññeva niyamitabhattagahaṇe saṃvāsopi sambhaveyyāti sabbasādhāraṇabhattaṃ vuttaṃ. Saṃvāsaṃ pana asādiyitvā abhikkhukavihārādīsu vihārabhattādīni bhuñjantopi theyyasaṃvāsako na hoti eva. Kammantānuṭṭhānenāti kasiādikammakaraṇena. Pattacīvaraṃ ādāyāti bhikkhuliṅgavesena sarīrena dhāretvā.
‘‘яо звам̣ баб̣б̣аж̇ад̇и, со т̇зяяасам̣ваасаго наама ход̇ий’’д̇и ид̣̇ам̣ нид̣̇ассанамад̇д̇ам̣, ‘‘т̇зяяасам̣ваасаго’’д̇и бана наамам̣ аж̇аананд̇оби ‘‘звам̣ гаад̇ум̣ на ваддад̇ий’’д̇и ваа ‘‘звам̣ гаронд̇о саман̣о наама на ход̇ий’’д̇и ваа ‘‘яад̣̇и аарожзссаами, чад̣д̣зссанд̇и ма’’нд̇и ваа ‘‘язна гзнажи баб̣б̣аж̇ж̇аа мз на рухад̇ий’’д̇и ж̇аанаад̇и, т̇зяяасам̣ваасаго ход̇и. яо бана батамам̣ ‘‘баб̣б̣аж̇ж̇аа звам̣ мз г̇ахид̇аа’’д̇исан̃н̃ий гзвалам̣ анд̇араа ад̇д̇ано сзд̇авад̇т̇аниваасанаад̣̇ивиббагаарам̣ багаасзд̇ум̣ лаж̇ж̇анд̇о на гат̇зд̇и, со т̇зяяасам̣ваасаго на ход̇и. анубасамбаннагаалзязваад̇и зд̇т̇а авад̇хааран̣зна убасамбаннагаалз т̇зяяасам̣ваасагалагкан̣ам̣ н̃ад̇ваа ван̃жанааяаби наарожзд̇и, т̇зяяасам̣ваасаго на ход̇ийд̇и д̣̇ийбзд̇и. со барисуд̣̇д̇хажид̇д̇зна г̇ахид̇алин̇г̇ад̇д̇аа лин̇г̇ад̇т̇знаго на ход̇и, лад̣̇д̇хуубасамбад̣̇ад̇д̇аа д̇ад̣̇ануг̇ун̣ассзва сам̣ваасасса саад̣̇ид̇ад̇д̇аа сам̣ваасад̇т̇знагоби на ход̇и. анубасамбанно бана лин̇г̇ад̇т̇знаго ход̇и, сам̣ваасаарахасса лин̇г̇асса г̇ахид̇ад̇д̇аа сам̣ваасасаад̣̇ияанамад̇д̇зна сам̣ваасад̇т̇знаго ход̇и.
‘‘Yo evaṃ pabbajati, so theyyasaṃvāsako nāma hotī’’ti idaṃ nidassanamattaṃ, ‘‘theyyasaṃvāsako’’ti pana nāmaṃ ajānantopi ‘‘evaṃ kātuṃ na vaṭṭatī’’ti vā ‘‘evaṃ karonto samaṇo nāma na hotī’’ti vā ‘‘yadi ārocessāmi, chaḍḍessanti ma’’nti vā ‘‘yena kenaci pabbajjā me na ruhatī’’ti jānāti, theyyasaṃvāsako hoti. Yo pana paṭhamaṃ ‘‘pabbajjā evaṃ me gahitā’’tisaññī kevalaṃ antarā attano setavatthanivāsanādivippakāraṃ pakāsetuṃ lajjanto na katheti, so theyyasaṃvāsako na hoti. Anupasampannakāleyevāti ettha avadhāraṇena upasampannakāle theyyasaṃvāsakalakkhaṇaṃ ñatvā vañcanāyapi nāroceti, theyyasaṃvāsako na hotīti dīpeti. So parisuddhacittena gahitaliṅgattā liṅgatthenako na hoti, laddhūpasampadattā tadanuguṇasseva saṃvāsassa sāditattā saṃvāsatthenakopi na hoti. Anupasampanno pana liṅgatthenako hoti, saṃvāsārahassa liṅgassa gahitattā saṃvāsasādiyanamattena saṃvāsatthenako hoti.
салин̇г̇з тид̇од̇и салин̇г̇абхаавз тид̇о. т̇зяяасам̣ваасаго на ход̇ийд̇и бхигкуухи д̣̇инналин̇г̇асса абарижжад̇д̇ад̇д̇аа лин̇г̇ад̇т̇знаго на ход̇и, бхигкубадин̃н̃ааяа абарижжад̇д̇ад̇д̇аа сам̣ваасад̇т̇знаго на ход̇ийд̇и. яам̣ бана маад̇игаадтагат̇ааяам̣ ‘‘лин̇г̇аануруубасса сам̣ваасасса саад̣̇ид̇ад̇д̇аа на сам̣ваасад̇т̇знаго’’д̇и (ган̇каа. адта. батамабаарааж̇игаван̣н̣анаа) гааран̣ам̣ вуд̇д̇ам̣, д̇амби ид̣̇амзва гааран̣ам̣ санд̇хааяа вуд̇д̇ам̣. ид̇арат̇аа сааман̣зрассаби бхигкувассаг̇ан̣анаад̣̇ийсу лин̇г̇аануруубасам̣ваасо зва саад̣̇ид̇од̇и сам̣ваасад̇т̇знагад̇аа на сияаа бхигкуухи д̣̇инналин̇г̇асса убхиннамби саад̇хааран̣ад̇д̇аа. яат̇аа жзд̇т̇а бхигку, звам̣ сааман̣зроби баарааж̇игам̣ самаабанно сааман̣зрабадин̃н̃ааяа абарижжад̇д̇ад̇д̇аа сам̣ваасад̇т̇знаго на ход̇ийд̇и взд̣̇ид̇аб̣б̣о. собхад̇ийд̇и самбадижчид̇ваад̇и гаасаавад̇хааран̣з д̇хурам̣ нигкибид̇ваа г̇ихибхаавам̣ самбадижчид̇ваа.
Saliṅge ṭhitoti saliṅgabhāve ṭhito. Theyyasaṃvāsako na hotīti bhikkhūhi dinnaliṅgassa apariccattattā liṅgatthenako na hoti, bhikkhupaṭiññāya apariccattattā saṃvāsatthenako na hotīti. Yaṃ pana mātikāṭṭhakathāyaṃ ‘‘liṅgānurūpassa saṃvāsassa sāditattā na saṃvāsatthenako’’ti (kaṅkhā. aṭṭha. paṭhamapārājikavaṇṇanā) kāraṇaṃ vuttaṃ, tampi idameva kāraṇaṃ sandhāya vuttaṃ. Itarathā sāmaṇerassapi bhikkhuvassagaṇanādīsu liṅgānurūpasaṃvāso eva sāditoti saṃvāsatthenakatā na siyā bhikkhūhi dinnaliṅgassa ubhinnampi sādhāraṇattā. Yathā cettha bhikkhu, evaṃ sāmaṇeropi pārājikaṃ samāpanno sāmaṇerapaṭiññāya apariccattattā saṃvāsatthenako na hotīti veditabbo. Sobhatīti sampaṭicchitvāti kāsāvadhāraṇe dhuraṃ nikkhipitvā gihibhāvaṃ sampaṭicchitvā.
яо гожи вуд̣дхабаб̣б̣аж̇ид̇од̇и сааман̣зрам̣ санд̇хааяа вуд̇д̇ам̣. махаабзл̣аад̣̇ийсууд̇и вилийваад̣̇имаязсу гхарад̣̇ваарзсу табид̇абхад̇д̇абхааж̇анависзсзсу, зд̇зна вихаарз бхигкуухи сад̣̇д̇хим̣ вассаг̇ан̣анаад̣̇ийнам̣ агаран̣ам̣ д̣̇ассзд̇и.
Yo koci vuḍḍhapabbajitoti sāmaṇeraṃ sandhāya vuttaṃ. Mahāpeḷādīsūti vilīvādimayesu gharadvāresu ṭhapitabhattabhājanavisesesu, etena vihāre bhikkhūhi saddhiṃ vassagaṇanādīnaṃ akaraṇaṃ dasseti.
т̇зяяасам̣ваасагавад̇т̇угат̇ааван̣н̣анаа нидтид̇аа.
Theyyasaṃvāsakavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 48. т̇зяяасам̣ваасагавад̇т̇у • 48. Theyyasaṃvāsakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / т̇зяяасам̣ваасагавад̇т̇угат̇аа • Theyyasaṃvāsakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / т̇зяяасам̣ваасагавад̇т̇угат̇ааван̣н̣анаа • Theyyasaṃvāsakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 48. д̇ид̇т̇ияабагганд̇агагат̇аа • 48. Titthiyapakkantakakathā
