| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
ថេយ្យសត្ថសមុដ្ឋានវណ្ណនា
Theyyasatthasamuṭṭhānavaṇṇanā
២៦៦. ថេយ្យសត្ថំ ឧបស្សុតីតិ ថេយ្យសត្ថេន សទ្ធិំ សំវិធាយ ឯកទ្ធានមគ្គគមនញ្ច ឧបស្សុតិតិដ្ឋនញ្ច។ សូបវិញ្ញាបនេន ចាតិ ឥទំ សូបោទនវិញ្ញត្តិំ សន្ធាយ វុត្តំ។ រត្តិឆន្នញ្ច ឱកាសន្តិ ‘‘រត្តន្ធការេ អប្បទីបេ, បដិច្ឆន្នេ ឱកាសេ, អជ្ឈោកាសេ បុរិសេន សទ្ធិ’’ន្តិ ឯវំ វុត្តសិក្ខាបទត្តយំ។ ព្យូហេន សត្តមាតិ ឥទំ តទនន្តរមេវ ‘‘រថិកាយ វា ព្យូហេ វា សិង្ឃាដកេ វា បុរិសេន សទ្ធិ’’ន្តិ អាគតសិក្ខាបទំ សន្ធាយ វុត្តំ។
266.Theyyasatthaṃ upassutīti theyyasatthena saddhiṃ saṃvidhāya ekaddhānamaggagamanañca upassutitiṭṭhanañca. Sūpaviññāpanena cāti idaṃ sūpodanaviññattiṃ sandhāya vuttaṃ. Rattichannañca okāsanti ‘‘rattandhakāre appadīpe, paṭicchanne okāse, ajjhokāse purisena saddhi’’nti evaṃ vuttasikkhāpadattayaṃ. Byūhena sattamāti idaṃ tadanantarameva ‘‘rathikāya vā byūhe vā siṅghāṭake vā purisena saddhi’’nti āgatasikkhāpadaṃ sandhāya vuttaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ៩. ថេយ្យសត្ថសមុដ្ឋានំ • 9. Theyyasatthasamuṭṭhānaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ថេយ្យសត្ថសមុដ្ឋានវណ្ណនា • Theyyasatthasamuṭṭhānavaṇṇanā
