| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৬. থেয্যসত্থসিক্খাপদং
6. Theyyasatthasikkhāpadaṃ
৪০৭. ছট্ঠে ‘‘পটিযালোক’’ন্তি এত্থ আলোকসদ্দেন সূরিযো ৰুত্তো উপচারেন। সূরিযো হি পুরত্থিমদিসতো উগ্গন্ত্ৰা পচ্ছিমদিসং গতো, তস্মা সূরিযসঙ্খাতস্স আলোকস্স পটিমুখং ‘‘পটিযালোক’’ন্তি ৰুত্তে পচ্ছিমদিসাযেৰ গহেতব্বাতি আহ ‘‘পচ্ছিমং দিসন্তি অত্থো’’তি। কম্মিকাতি কম্মে যুত্তা পযুত্তা।
407. Chaṭṭhe ‘‘paṭiyāloka’’nti ettha ālokasaddena sūriyo vutto upacārena. Sūriyo hi puratthimadisato uggantvā pacchimadisaṃ gato, tasmā sūriyasaṅkhātassa ālokassa paṭimukhaṃ ‘‘paṭiyāloka’’nti vutte pacchimadisāyeva gahetabbāti āha ‘‘pacchimaṃ disanti attho’’ti. Kammikāti kamme yuttā payuttā.
৪০৯. রাজানন্তি এত্থ রঞ্ঞো সন্তকং ‘‘রাজা’’তি ৰুচ্চতি উপচারেন, অথ ৰা রঞ্ঞো এসো ‘‘রাজা’’তি কত্ৰা রঞ্ঞো সন্তকং ‘‘রাজা’’তি ৰুচ্চতি। থেয্যন্তি থেনেত্ৰা ‘‘সক্কচ্চ’’ন্তিআদীসু (পাচি॰ ৬০৬) ৰিয নিগ্গহীতাগমো হোতি। রাজানং, রঞ্ঞো সন্তকং ৰা থেয্যং থেনেত্ৰা গচ্ছন্তীতি অত্থো। ইতি ইমমত্থং দস্সেন্তো আহ ‘‘রাজানং ৰা থেনেত্ৰা’’তিআদি।
409.Rājānanti ettha rañño santakaṃ ‘‘rājā’’ti vuccati upacārena, atha vā rañño eso ‘‘rājā’’ti katvā rañño santakaṃ ‘‘rājā’’ti vuccati. Theyyanti thenetvā ‘‘sakkacca’’ntiādīsu (pāci. 606) viya niggahītāgamo hoti. Rājānaṃ, rañño santakaṃ vā theyyaṃ thenetvā gacchantīti attho. Iti imamatthaṃ dassento āha ‘‘rājānaṃ vā thenetvā’’tiādi.
৪১১. চতূসু ৰিসঙ্কেতেসু দ্ৰীহি অনাপত্তি, দ্ৰীহি আপত্তিযেৰাতি। ছট্ঠং।
411. Catūsu visaṅketesu dvīhi anāpatti, dvīhi āpattiyevāti. Chaṭṭhaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৭. সপ্পাণকৰগ্গো • 7. Sappāṇakavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৬. থেয্যসত্থসিক্খাপদৰণ্ণনা • 6. Theyyasatthasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. থেয্যসত্থসিক্খাপদৰণ্ণনা • 6. Theyyasatthasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. থেয্যসত্থসিক্খাপদৰণ্ণনা • 6. Theyyasatthasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৬. থেয্যসত্থসিক্খাপদৰণ্ণনা • 6. Theyyasatthasikkhāpadavaṇṇanā
