| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
6. ථෙය්‍යසත්‌ථසික්‌ඛාපදං
6. Theyyasatthasikkhāpadaṃ
407. ඡට්‌ඨෙ ‘‘පටියාලොක’’න්‌ති එත්‌ථ ආලොකසද්‌දෙන සූරියො වුත්‌තො උපචාරෙන. සූරියො හි පුරත්‌ථිමදිසතො උග්‌ගන්‌ත්‌වා පච්‌ඡිමදිසං ගතො, තස්‌මා සූරියසඞ්‌ඛාතස්‌ස ආලොකස්‌ස පටිමුඛං ‘‘පටියාලොක’’න්‌ති වුත්‌තෙ පච්‌ඡිමදිසායෙව ගහෙතබ්‌බාති ආහ ‘‘පච්‌ඡිමං දිසන්‌ති අත්‌ථො’’ති. කම්‌මිකාති කම්‌මෙ යුත්‌තා පයුත්‌තා.
407. Chaṭṭhe ‘‘paṭiyāloka’’nti ettha ālokasaddena sūriyo vutto upacārena. Sūriyo hi puratthimadisato uggantvā pacchimadisaṃ gato, tasmā sūriyasaṅkhātassa ālokassa paṭimukhaṃ ‘‘paṭiyāloka’’nti vutte pacchimadisāyeva gahetabbāti āha ‘‘pacchimaṃ disanti attho’’ti. Kammikāti kamme yuttā payuttā.
409. රාජානන්‌ති එත්‌ථ රඤ්‌ඤො සන්‌තකං ‘‘රාජා’’ති වුච්‌චති උපචාරෙන, අථ වා රඤ්‌ඤො එසො ‘‘රාජා’’ති කත්‌වා රඤ්‌ඤො සන්‌තකං ‘‘රාජා’’ති වුච්‌චති. ථෙය්‍යන්‌ති ථෙනෙත්‌වා ‘‘සක්‌කච්‌ච’’න්‌තිආදීසු (පාචි. 606) විය නිග්‌ගහීතාගමො හොති. රාජානං, රඤ්‌ඤො සන්‌තකං වා ථෙය්‍යං ථෙනෙත්‌වා ගච්‌ඡන්‌තීති අත්‌ථො. ඉති ඉමමත්‌ථං දස්‌සෙන්‌තො ආහ ‘‘රාජානං වා ථෙනෙත්‌වා’’තිආදි.
409.Rājānanti ettha rañño santakaṃ ‘‘rājā’’ti vuccati upacārena, atha vā rañño eso ‘‘rājā’’ti katvā rañño santakaṃ ‘‘rājā’’ti vuccati. Theyyanti thenetvā ‘‘sakkacca’’ntiādīsu (pāci. 606) viya niggahītāgamo hoti. Rājānaṃ, rañño santakaṃ vā theyyaṃ thenetvā gacchantīti attho. Iti imamatthaṃ dassento āha ‘‘rājānaṃ vā thenetvā’’tiādi.
411. චතූසු විසඞ්‌කෙතෙසු ද්‌වීහි අනාපත්‌ති, ද්‌වීහි ආපත්‌තියෙවාති. ඡට්‌ඨං.
411. Catūsu visaṅketesu dvīhi anāpatti, dvīhi āpattiyevāti. Chaṭṭhaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 7. සප්‌පාණකවග්‌ගො • 7. Sappāṇakavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 6. ථෙය්‍යසත්‌ථසික්‌ඛාපදවණ්‌ණනා • 6. Theyyasatthasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 6. ථෙය්‍යසත්‌ථසික්‌ඛාපදවණ්‌ණනා • 6. Theyyasatthasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 6. ථෙය්‍යසත්‌ථසික්‌ඛාපදවණ්‌ණනා • 6. Theyyasatthasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 6. ථෙය්‍යසත්‌ථසික්‌ඛාපදවණ්‌ණනා • 6. Theyyasatthasikkhāpadavaṇṇanā
