| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౬. థేయ్యసత్థసిక్ఖాపదవణ్ణనా
6. Theyyasatthasikkhāpadavaṇṇanā
రాజానం వా వఞ్చేత్వాతి రాజానం థేనేత్వా రఞ్ఞో సన్తకం కిఞ్చి గహేత్వా, ‘‘ఇదాని తస్స న దస్సామా’’తి మగ్గప్పటిపన్నా అకతకమ్మా చేవ కతకమ్మా చ చోరాతి వుత్తం హోతి. ఏస నయో సుఙ్కం పరిహరితుకామాతి ఏత్థాపి.
Rājānaṃ vā vañcetvāti rājānaṃ thenetvā rañño santakaṃ kiñci gahetvā, ‘‘idāni tassa na dassāmā’’ti maggappaṭipannā akatakammā ceva katakammāca corāti vuttaṃ hoti. Esa nayo suṅkaṃ pariharitukāmāti etthāpi.
కాలవిసఙ్కేతేనాతి కాలస్స విసఙ్కేతేన, దివసవిసఙ్కేతేనాతి వుత్తం హోతి. మగ్గవిసఙ్కేతేన, పన అటవివిసఙ్కేతేన వా గచ్ఛతో ఆపత్తియేవ.
Kālavisaṅketenāti kālassa visaṅketena, divasavisaṅketenāti vuttaṃ hoti. Maggavisaṅketena, pana aṭavivisaṅketena vā gacchato āpattiyeva.
థేయ్యసత్థసిక్ఖాపదవణ్ణనా నిట్ఠితా.
Theyyasatthasikkhāpadavaṇṇanā niṭṭhitā.
