| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
6. ථෙය්‍යසත්‌ථසික්‌ඛාපදවණ්‌ණනා
6. Theyyasatthasikkhāpadavaṇṇanā
රාජානං වා වඤ්‌චෙත්‌වාති රාජානං ථෙනෙත්‌වා රඤ්‌ඤො සන්‌තකං කිඤ්‌චි ගහෙත්‌වා, ‘‘ඉදානි තස්‌ස න දස්‌සාමා’’ති මග්‌ගප්‌පටිපන්‌නා අකතකම්‌මා චෙව කතකම්‌මා ච චොරාති වුත්‌තං හොති. එස නයො සුඞ්‌කං පරිහරිතුකාමාති එත්‌ථාපි.
Rājānaṃ vā vañcetvāti rājānaṃ thenetvā rañño santakaṃ kiñci gahetvā, ‘‘idāni tassa na dassāmā’’ti maggappaṭipannā akatakammā ceva katakammāca corāti vuttaṃ hoti. Esa nayo suṅkaṃ pariharitukāmāti etthāpi.
කාලවිසඞ්‌කෙතෙනාති කාලස්‌ස විසඞ්‌කෙතෙන, දිවසවිසඞ්‌කෙතෙනාති වුත්‌තං හොති. මග්‌ගවිසඞ්‌කෙතෙන, පන අටවිවිසඞ්‌කෙතෙන වා ගච්‌ඡතො ආපත්‌තියෙව.
Kālavisaṅketenāti kālassa visaṅketena, divasavisaṅketenāti vuttaṃ hoti. Maggavisaṅketena, pana aṭavivisaṅketena vā gacchato āpattiyeva.
ථෙය්‍යසත්‌ථසික්‌ඛාපදවණ්‌ණනා නිට්‌ඨිතා.
Theyyasatthasikkhāpadavaṇṇanā niṭṭhitā.
