| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
6. ථෙය්‍යසත්‌ථසික්‌ඛාපදවණ්‌ණනා
6. Theyyasatthasikkhāpadavaṇṇanā
409. ථෙය්‍යසත්‌ථො චෙ සුද්‌ධමාතුගාමො ද්‌වෙ ආපත්‌තියො. අථ භික්‌ඛුනියො, සමයො රක්‌ඛති. ථෙය්‍යසත්‌ථභාවස්‌ස ඨානං කත්‌වා රක්‌ඛණීයත්‌තා සහධම්‌මිකානං රක්‌ඛතියෙවාති එකෙ. ථෙය්‍යභාවෙ න සහධම්‌මිකතා, තස්‌මා න රක්‌ඛති එවාති එකෙ. අපාරාජිකථෙය්‍යභාවෙ සති සහධම්‌මිකභාවොති චෙ? ඉතරස්‌මිං ඉතරන්‌ති සමයො අනිස්‌සටො ආපජ්‌ජති. භික්‌ඛු ථෙය්‍යසත්‌ථො චෙ, යථාවත්‌ථුකමෙව. ථෙය්‍යසත්‌ථෙ ථෙය්‍යසත්‌ථසඤ්‌ඤී සද්‌ධිං සංවිධායාති ච. ‘‘සද්‌ධි’’න්‌ති පදං කෙසුචි නත්‌ථි, තං අනනුරූපං. තථා දුතියෙපි.
409. Theyyasattho ce suddhamātugāmo dve āpattiyo. Atha bhikkhuniyo, samayo rakkhati. Theyyasatthabhāvassa ṭhānaṃ katvā rakkhaṇīyattā sahadhammikānaṃ rakkhatiyevāti eke. Theyyabhāve na sahadhammikatā, tasmā na rakkhati evāti eke. Apārājikatheyyabhāve sati sahadhammikabhāvoti ce? Itarasmiṃ itaranti samayo anissaṭo āpajjati. Bhikkhu theyyasattho ce, yathāvatthukameva. Theyyasatthe theyyasatthasaññī saddhiṃ saṃvidhāyāti ca. ‘‘Saddhi’’nti padaṃ kesuci natthi, taṃ ananurūpaṃ. Tathā dutiyepi.
ථෙය්‍යසත්‌ථසික්‌ඛාපදවණ්‌ණනා නිට්‌ඨිතා.
Theyyasatthasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 7. සප්‌පාණකවග්‌ගො • 7. Sappāṇakavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 6. ථෙය්‍යසත්‌ථසික්‌ඛාපදවණ්‌ණනා • 6. Theyyasatthasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 6. ථෙය්‍යසත්‌ථසික්‌ඛාපදවණ්‌ණනා • 6. Theyyasatthasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 6. ථෙය්‍යසත්‌ථසික්‌ඛාපදං • 6. Theyyasatthasikkhāpadaṃ
