| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. ඨිතඤ්‌ජලියත්‌ථෙරඅපදානං
9. Ṭhitañjaliyattheraapadānaṃ
42.
42.
‘‘මිගලුද්‌දො පුරෙ ආසිං, අරඤ්‌ඤෙ කානනෙ අහං;
‘‘Migaluddo pure āsiṃ, araññe kānane ahaṃ;
තත්‌ථ අද්‌දසං 1 සම්‌බුද්‌ධං, බාත්‌තිංසවරලක්‌ඛණං.
Tattha addasaṃ 2 sambuddhaṃ, bāttiṃsavaralakkhaṇaṃ.
43.
43.
‘‘තත්‌ථාහං අඤ්‌ජලිං කත්‌වා, පක්‌කාමිං පාචිනාමුඛො;
‘‘Tatthāhaṃ añjaliṃ katvā, pakkāmiṃ pācināmukho;
අවිදූරෙ නිසින්‌නස්‌ස, නියකෙ පණ්‌ණසන්‌ථරෙ.
Avidūre nisinnassa, niyake paṇṇasanthare.
44.
44.
‘‘තතො මෙ අසනීපාතො, මත්‌ථකෙ නිපතී තදා;
‘‘Tato me asanīpāto, matthake nipatī tadā;
සොහං මරණකාලම්‌හි, අකාසිං පුනරඤ්‌ජලිං.
Sohaṃ maraṇakālamhi, akāsiṃ punarañjaliṃ.
45.
45.
‘‘ද්‌වෙනවුතෙ ඉතො කප්‌පෙ, අඤ්‌ජලිං අකරිං තදා;
‘‘Dvenavute ito kappe, añjaliṃ akariṃ tadā;
දුග්‌ගතිං නාභිජානාමි, අඤ්‌ජලිස්‌ස ඉදං ඵලං.
Duggatiṃ nābhijānāmi, añjalissa idaṃ phalaṃ.
46.
46.
‘‘චතුපණ්‌ණාසකප්‌පම්‌හි, මිගකෙතුසනාමකො;
‘‘Catupaṇṇāsakappamhi, migaketusanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
47.
47.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ඨිතඤ්‌ජලියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ṭhitañjaliyo thero imā gāthāyo abhāsitthāti.
ඨිතඤ්‌ජලියත්‌ථෙරස්‌සාපදානං නවමං.
Ṭhitañjaliyattherassāpadānaṃ navamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 9. ඨිතඤ්‌ජලියත්‌ථෙරඅපදානවණ්‌ණනා • 9. Ṭhitañjaliyattheraapadānavaṇṇanā
