| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. тид̇ан̃ж̇алияад̇т̇зраабад̣̇аанаван̣н̣анаа
9. Ṭhitañjaliyattheraapadānavaṇṇanā
миг̇алуд̣̇д̣̇о бурз аасинд̇иаад̣̇игам̣ ааяасмад̇о тид̇ан̃ж̇алияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇уббаннабхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз бураагад̇зна згзна гаммажчид̣̇д̣̇зна нзсаад̣̇аяонияам̣ ниб̣б̣ад̇д̇ид̇ваа вин̃н̃уд̇ам̣ бад̇д̇о миг̇асуугараад̣̇аяо маарзд̇ваа нзсаад̣̇агаммзна аран̃н̃з ваасам̣ габбзси. д̇асмим̣ самаяз д̇иссо бхаг̇аваа д̇ассаанугамбааяа химаванд̇ам̣ аг̇амааси. со д̇ам̣ д̣̇вад̇д̇им̣саваралагкан̣зхи асийд̇аануб̣яан̃ж̇анаб̣яаамаббабхаахи жа ж̇аламаанам̣ бхаг̇аванд̇ам̣ д̣̇исваа соманассаж̇аад̇о бан̣аамам̣ гад̇ваа г̇анд̇ваа бан̣н̣асант̇арз нисийд̣̇и. д̇асмим̣ кан̣з д̣̇зво г̇аж̇ж̇анд̇о асани бад̇и, д̇ад̇о маран̣асамаяз б̣уд̣̇д̇хамануссарид̇ваа бунан̃ж̇алимагааси. со д̇зна бун̃н̃зна сукзд̇д̇з гад̇агусалад̇д̇аа агусалавибаагам̣ бадиб̣аахид̇ваа саг̇г̇з ниб̣б̣ад̇д̇о гаамааважарасамбад̇д̇ияо анубхавид̇ваа мануссзсу мануссасамбад̇д̇ияо жа анубхавид̇ваа абарабхааг̇з имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇химанвааяа бураагад̇аваасанааяа сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Migaluddo pure āsintiādikaṃ āyasmato ṭhitañjaliyattherassa apadānaṃ. Ayampi purimabuddhesu katādhikāro tattha tatthuppannabhave vivaṭṭūpanissayāni puññāni upacinanto tissassa bhagavato kāle purākatena ekena kammacchiddena nesādayoniyaṃ nibbattitvā viññutaṃ patto migasūkarādayo māretvā nesādakammena araññe vāsaṃ kappesi. Tasmiṃ samaye tisso bhagavā tassānukampāya himavantaṃ agamāsi. So taṃ dvattiṃsavaralakkhaṇehi asītānubyañjanabyāmappabhāhi ca jalamānaṃ bhagavantaṃ disvā somanassajāto paṇāmaṃ katvā gantvā paṇṇasanthare nisīdi. Tasmiṃ khaṇe devo gajjanto asani pati, tato maraṇasamaye buddhamanussaritvā punañjalimakāsi. So tena puññena sukhette katakusalattā akusalavipākaṃ paṭibāhitvā sagge nibbatto kāmāvacarasampattiyo anubhavitvā manussesu manussasampattiyo ca anubhavitvā aparabhāge imasmiṃ buddhuppāde ekasmiṃ kulagehe nibbatto vuddhimanvāya purākatavāsanāya satthari pasīditvā pabbajito nacirasseva arahā ahosi.
42. со д̇ад̇о барам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о миг̇алуд̣̇д̣̇о бурз аасинд̇иаад̣̇имааха. д̇ад̇т̇а миг̇алуд̣̇д̣̇од̇и миг̇аанам̣ мааран̣ам̣ убаг̇ажчад̇ийд̇и миг̇алуд̣̇д̣̇о. миг̇анд̇и сийгхам̣ ваад̇авзг̇зна г̇ажчанд̇и д̇хааванд̇ийд̇и миг̇аа, д̇зсам̣ миг̇аанам̣ мааран̣з луд̣̇д̣̇о д̣̇аарун̣о лобхийд̇и миг̇алуд̣̇д̣̇о. со ахам̣ бурз бхаг̇авад̇о д̣̇ассанасамаяз миг̇алуд̣̇д̣̇о аасим̣ ахосинд̇и ад̇т̇о . аран̃н̃з гаананзд̇и арад̇и г̇ажчад̇и миг̇асамуухо зд̇т̇аад̇и аран̃н̃ам̣, ат̇а ваа аа саманд̇ад̇о раж̇ж̇анд̇и д̇ад̇т̇а вивзгаабхирад̇аа б̣уд̣̇д̇хабажжзгаб̣уд̣̇д̇хаад̣̇аяо махаасаараббад̇д̇аа саббурисаад̇и аран̃н̃ам̣. гаа гужчид̇аагаарзна ваа бхаяаанагаагаарзна ваа над̣̇анд̇и сад̣̇д̣̇ам̣ гаронд̇и, аананд̇и винд̣̇анд̇ийд̇и ваа гаананам̣, д̇асмим̣ аран̃н̃з гаананз миг̇алуд̣̇д̣̇о бурз аасинд̇и самб̣анд̇хо. д̇ад̇т̇а ад̣̇д̣̇асам̣ самб̣уд̣̇д̇ханд̇и д̇ад̇т̇а д̇асмим̣ аран̃н̃з убаг̇ад̇ам̣ самб̣уд̣̇д̇хам̣ ад̣̇д̣̇асам̣ ад̣̇д̣̇агкинд̇и ад̇т̇о. д̣̇ассанам̣ бурз ахоси авид̣̇уурз, д̇асмаа манод̣̇ваараанусаарзна жагкувин̃н̃аан̣ам̣ бурзжааригам̣ гааяавин̃н̃аан̣асаман̇г̇им̣ баабзд̇и аббзд̇ийд̇и ад̇т̇о.
42. So tato paraṃ attano pubbakammaṃ saritvā somanassajāto pubbacaritāpadānaṃ pakāsento migaluddo pure āsintiādimāha. Tattha migaluddoti migānaṃ māraṇaṃ upagacchatīti migaluddo. Miganti sīghaṃ vātavegena gacchanti dhāvantīti migā, tesaṃ migānaṃ māraṇe luddo dāruṇo lobhīti migaluddo. So ahaṃ pure bhagavato dassanasamaye migaluddo āsiṃ ahosinti attho . Araññe kānaneti arati gacchati migasamūho etthāti araññaṃ, atha vā ā samantato rajjanti tattha vivekābhiratā buddhapaccekabuddhādayo mahāsārappattā sappurisāti araññaṃ. Kā kucchitākārena vā bhayānakākārena vā nadanti saddaṃ karonti, ānanti vindantīti vā kānanaṃ, tasmiṃ araññe kānane migaluddo pure āsinti sambandho. Tattha addasaṃ sambuddhanti tattha tasmiṃ araññe upagataṃ sambuddhaṃ addasaṃ addakkhinti attho. Dassanaṃ pure ahosi avidūre, tasmā manodvārānusārena cakkhuviññāṇaṃ purecārikaṃ kāyaviññāṇasamaṅgiṃ pāpeti appetīti attho.
44. д̇ад̇о мз асанийбаад̇од̇и аа саманд̇ад̇о сананд̇о г̇аж̇ж̇анд̇о бад̇ад̇ийд̇и асани, асанияаа баад̇о бад̇анам̣ асанийбаад̇о, д̣̇звад̣̇ан̣д̣од̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
44.Tato me asanīpātoti ā samantato sananto gajjanto patatīti asani, asaniyā pāto patanaṃ asanīpāto, devadaṇḍoti attho. Sesaṃ sabbattha uttānatthamevāti.
тид̇ан̃ж̇алияад̇т̇зраабад̣̇аанаван̣н̣анаа самад̇д̇аа.
Ṭhitañjaliyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. тид̇ан̃ж̇алияад̇т̇зраабад̣̇аанам̣ • 9. Ṭhitañjaliyattheraapadānaṃ
