| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨੬. ਥੋਮਕવਗ੍ਗੋ
26. Thomakavaggo
੧-੧੦. ਥੋਮਕਤ੍ਥੇਰਅਪਦਾਨਾਦਿવਣ੍ਣਨਾ
1-10. Thomakattheraapadānādivaṇṇanā
ਛਬ੍ਬੀਸਤਿਮੇ વਗ੍ਗੇ ਪਠਮਾਪਦਾਨਂ ਉਤ੍ਤਾਨਮੇવ।
Chabbīsatime vagge paṭhamāpadānaṃ uttānameva.
੫-੬. ਦੁਤਿਯਾਪਦਾਨੇ વਿਜਹਿਤ੍વਾ ਦੇવવਣ੍ਣਨ੍ਤਿ ਦੇવਤਾ ਸਰੀਰਂ વਿਜਹਿਤ੍વਾ ਛਡ੍ਡੇਤ੍વਾ, ਮਨੁਸ੍ਸਸਰੀਰਂ ਨਿਮ੍ਮਿਨਿਤ੍વਾਤਿ ਅਤ੍ਥੋ। ਅਧਿਕਾਰਂ ਕਤ੍ਤੁਕਾਮੋਤਿ ਅਧਿਕਕਿਰਿਯਂ ਪੁਞ੍ਞਸਮ੍ਭਾਰਂ ਕਤ੍ਤੁਕਾਮੋ ਦੇવਰੋ ਨਾਮ ਅਹਂ ਦੇવਰਾਜਾ ਭਰਿਯਾਯ ਸਹ ਬੁਦ੍ਧਸੇਟ੍ਠਸ੍ਸ ਸਾਸਨੇ ਸਾਦਰਤਾਯ ਇਧ ਇਮਸ੍ਮਿਂ ਮਨੁਸ੍ਸਲੋਕੇ ਆਗਮਿਂ ਆਗਤੋਤਿ ਅਤ੍ਥੋ। ਤਸ੍ਸ ਭਿਕ੍ਖਾ ਮਯਾ ਦਿਨ੍ਨਾਤਿ ਪਦੁਮੁਤ੍ਤਰਸ੍ਸ ਭਗવਤੋ ਯੋ ਨਾਮੇਨ ਦੇવਲੋ ਨਾਮ ਸਾવਕੋ ਅਹੋਸਿ, ਤਸ੍ਸ ਸਾવਕਸ੍ਸ ਮਯਾ વਿਪ੍ਪਸਨ੍ਨੇਨ ਚੇਤਸਾ ਭਿਕ੍ਖਾ ਦਿਨ੍ਨਾ ਪਿਣ੍ਡਪਾਤੋ ਦਿਨ੍ਨੋਤਿ ਅਤ੍ਥੋ।
5-6. Dutiyāpadāne vijahitvā devavaṇṇanti devatā sarīraṃ vijahitvā chaḍḍetvā, manussasarīraṃ nimminitvāti attho. Adhikāraṃ kattukāmoti adhikakiriyaṃ puññasambhāraṃ kattukāmo devaro nāma ahaṃ devarājā bhariyāya saha buddhaseṭṭhassa sāsane sādaratāya idha imasmiṃ manussaloke āgamiṃ āgatoti attho. Tassa bhikkhā mayā dinnāti padumuttarassa bhagavato yo nāmena devalo nāma sāvako ahosi, tassa sāvakassa mayā vippasannena cetasā bhikkhā dinnā piṇḍapāto dinnoti attho.
੯-੧੦. ਤਤਿਯਾਪਦਾਨੇ ਆਨਨ੍ਦੋ ਨਾਮ ਸਮ੍ਬੁਦ੍ਧੋਤਿ ਆਨਨ੍ਦਂ ਤੁਟ੍ਠਿਂ ਜਨਨਤੋ ਆਨਨ੍ਦੋ ਨਾਮ ਪਚ੍ਚੇਕਬੁਦ੍ਧੋਤਿ ਅਤ੍ਥੋ। ਅਮਨੁਸ੍ਸਮ੍ਹਿ ਕਾਨਨੇਤਿ ਅਮਨੁਸ੍ਸਪਰਿਗ੍ਗਹੇ ਕਾਨਨੇ ਮਹਾਅਰਞ੍ਞੇ ਪਰਿਨਿਬ੍ਬਾਯਿ ਅਨੁਪਾਦਿਸੇਸਨਿਬ੍ਬਾਨਧਾਤੁਯਾ ਅਨ੍ਤਰਧਾਯਿ, ਅਦਸ੍ਸਨਂ ਅਗਮਾਸੀਤਿ ਅਤ੍ਥੋ। ਸਰੀਰਂ ਤਤ੍ਥ ਝਾਪੇਸਿਨ੍ਤਿ ਅਹਂ ਦੇવਲੋਕਾ ਇਧਾਗਨ੍ਤ੍વਾ ਤਸ੍ਸ ਭਗવਤੋ ਸਰੀਰਂ ਤਤ੍ਥ ਅਰਞ੍ਞੇ ਝਾਪੇਸਿਂ ਦਹਨਂ ਅਕਾਸਿਨ੍ਤਿ ਅਤ੍ਥੋ।
9-10. Tatiyāpadāne ānando nāma sambuddhoti ānandaṃ tuṭṭhiṃ jananato ānando nāma paccekabuddhoti attho. Amanussamhi kānaneti amanussapariggahe kānane mahāaraññe parinibbāyi anupādisesanibbānadhātuyā antaradhāyi, adassanaṃ agamāsīti attho. Sarīraṃ tattha jhāpesinti ahaṃ devalokā idhāgantvā tassa bhagavato sarīraṃ tattha araññe jhāpesiṃ dahanaṃ akāsinti attho.
ਚਤੁਤ੍ਥਪਞ੍ਚਮਾਪਦਾਨਾਨਿ ਉਤ੍ਤਾਨਾਨੇવ।
Catutthapañcamāpadānāni uttānāneva.
੨੦. ਛਟ੍ਠਾਪਦਾਨੇ ਅਹੋਸਿਂ ਚਨ੍ਦਨੋ ਨਾਮਾਤਿ ਨਾਮੇਨ ਪਣ੍ਣਤ੍ਤਿવਸੇਨ ਚਨ੍ਦਨੋ ਨਾਮ। ਸਮ੍ਬੁਦ੍ਧਸ੍ਸਤ੍ਰਜੋਤਿ ਪਚ੍ਚੇਕਸਮ੍ਬੁਦ੍ਧਭੂਤਤੋ ਪੁਬ੍ਬੇ ਤਸ੍ਸ ਅਤ੍ਰਜੋ ਪੁਤ੍ਤੋ ਅਹਂ। ਏਕੋਪਾਹਨੋ ਮਯਾ ਦਿਨ੍ਨੋਤਿ ਏਕਂ ਉਪਾਹਨਯੁਗਂ ਮਯਾ ਦਿਨ੍ਨਂ। ਬੋਧਿਂ ਸਮ੍ਪਜ੍ਜ ਮੇ ਤੁવਨ੍ਤਿ ਤੇਨ ਉਪਾਹਨਯੁਗੇਨ ਮੇ ਮਯ੍ਹਂ ਸਾવਕਬੋਧਿਂ ਤੁવਂ ਸਮ੍ਪਜ੍ਜ ਨਿਪ੍ਫਾਦੇਹੀਤਿ ਅਤ੍ਥੋ।
20. Chaṭṭhāpadāne ahosiṃ candano nāmāti nāmena paṇṇattivasena candano nāma. Sambuddhassatrajoti paccekasambuddhabhūtato pubbe tassa atrajo putto ahaṃ. Ekopāhano mayā dinnoti ekaṃ upāhanayugaṃ mayā dinnaṃ. Bodhiṃ sampajja me tuvanti tena upāhanayugena me mayhaṃ sāvakabodhiṃ tuvaṃ sampajja nipphādehīti attho.
੨੩-੨੪. ਸਤ੍ਤਮਾਪਦਾਨੇ ਮਞ੍ਜਰਿਕਂ ਕਰਿਤ੍વਾਨਾਤਿ ਮਞ੍ਜੇਟ੍ਠਿਪੁਪ੍ਫਂ ਹਰਿਤਚਙ੍ਕੋਟਕਂ ਗਹੇਤ੍વਾ ਰਥਿਯਂ વੀਥਿਯਾ ਪਟਿਪਜ੍ਜਿਂ ਅਹਂ ਤਥਾ ਪਟਿਪਨ੍ਨੋવ ਭਿਕ੍ਖੁਸਙ੍ਘਪੁਰਕ੍ਖਤਂ ਭਿਕ੍ਖੁਸਙ੍ਘੇਨ ਪਰਿવੁਤਂ ਸਮਣਾਨਗ੍ਗਂ ਸਮਣਾਨਂ ਭਿਕ੍ਖੂਨਂ ਅਗ੍ਗਂ ਸੇਟ੍ਠਂ ਸਮ੍ਮਾਸਮ੍ਬੁਦ੍ਧਂ ਅਦ੍ਦਸਨ੍ਤਿ ਸਮ੍ਬਨ੍ਧੋ। ਬੁਦ੍ਧਸ੍ਸ ਅਭਿਰੋਪਯਿਨ੍ਤਿ ਦਿਸ੍વਾ ਚ ਪਨ ਤਂ ਪੁਪ੍ਫਂ ਉਭੋਹਿ ਹਤ੍ਥੇਹਿ ਪਗ੍ਗਯ੍ਹ ਉਕ੍ਖਿਪਿਤ੍વਾ ਬੁਦ੍ਧਸ੍ਸ ਫੁਸ੍ਸਸ੍ਸ ਭਗવਤੋ ਅਭਿਰੋਪਯਿਂ ਪੂਜੇਸਿਨ੍ਤਿ ਅਤ੍ਥੋ।
23-24. Sattamāpadāne mañjarikaṃ karitvānāti mañjeṭṭhipupphaṃ haritacaṅkoṭakaṃ gahetvā rathiyaṃ vīthiyā paṭipajjiṃ ahaṃ tathā paṭipannova bhikkhusaṅghapurakkhataṃ bhikkhusaṅghena parivutaṃ samaṇānaggaṃ samaṇānaṃ bhikkhūnaṃ aggaṃ seṭṭhaṃ sammāsambuddhaṃ addasanti sambandho. Buddhassa abhiropayinti disvā ca pana taṃ pupphaṃ ubhohi hatthehi paggayha ukkhipitvā buddhassa phussassa bhagavato abhiropayiṃ pūjesinti attho.
੨੮-੨੯. ਅਟ੍ਠਮਾਪਦਾਨੇ ਅਲੋਣਪਣ੍ਣਭਕ੍ਖੋਮ੍ਹੀਤਿ ਖੀਰਪਣ੍ਣਾਦੀਨਿ ਉਞ੍ਛਾਚਰਿਯਾਯ ਆਹਰਿਤ੍વਾ ਲੋਣવਿਰਹਿਤਾਨਿ ਪਣ੍ਣਾਨਿ ਪਚਿਤ੍વਾ ਭਕ੍ਖਾਮਿ, ਅਲੋਣਪਣ੍ਣਭਕ੍ਖੋ ਅਮ੍ਹਿ ਭવਾਮੀਤਿ ਅਤ੍ਥੋ। ਨਿਯਮੇਸੁ ਚ ਸਂવੁਤੋਤਿ ਨਿਯਮਸਞ੍ਞਿਤੇਸੁ ਪਾਣਾਤਿਪਾਤਾવੇਰਮਣਿਆਦੀਸੁ ਨਿਚ੍ਚਪਞ੍ਚਸੀਲੇਸੁ ਸਂવੁਤੋ ਪਿਹਿਤੋਤਿ ਅਤ੍ਥੋ। ਪਾਤਰਾਸੇ ਅਨੁਪ੍ਪਤ੍ਤੇਤਿ ਪੁਰੇਭਤ੍ਤਕਾਲੇ ਅਨੁਪ੍ਪਤ੍ਤੇ। ਸਿਦ੍ਧਤ੍ਥੋ ਉਪਗਚ੍ਛਿ ਮਨ੍ਤਿ ਮਮ ਸਮੀਪਂ ਸਿਦ੍ਧਤ੍ਥੋ ਭਗવਾ ਉਪਗਞ੍ਛਿ ਸਮ੍ਪਾਪੁਣਿ। ਤਾਹਂ ਬੁਦ੍ਧਸ੍ਸ ਪਾਦਾਸਿਨ੍ਤਿ ਅਹਂ ਤਂ ਅਲੋਣਪਣ੍ਣਂ ਤਸ੍ਸ ਬੁਦ੍ਧਸ੍ਸ ਅਦਾਸਿਨ੍ਤਿ ਅਤ੍ਥੋ।
28-29. Aṭṭhamāpadāne aloṇapaṇṇabhakkhomhīti khīrapaṇṇādīni uñchācariyāya āharitvā loṇavirahitāni paṇṇāni pacitvā bhakkhāmi, aloṇapaṇṇabhakkho amhi bhavāmīti attho. Niyamesu ca saṃvutoti niyamasaññitesu pāṇātipātāveramaṇiādīsu niccapañcasīlesu saṃvuto pihitoti attho. Pātarāse anuppatteti purebhattakāle anuppatte. Siddhattho upagacchi manti mama samīpaṃ siddhattho bhagavā upagañchi sampāpuṇi. Tāhaṃ buddhassa pādāsinti ahaṃ taṃ aloṇapaṇṇaṃ tassa buddhassa adāsinti attho.
ਨવਮਾਪਦਾਨਂ ਉਤ੍ਤਾਨਮੇવ।
Navamāpadānaṃ uttānameva.
੩੭-੩੮. ਦਸਮਾਪਦਾਨੇ ਸਿਖਿਨਂ ਸਿਖਿਨਂ ਯਥਾਤਿ ਸਰੀਰਤੋ ਨਿਕ੍ਖਨ੍ਤਛਬ੍ਬਣ੍ਣਰਂਸੀਹਿ ਓਭਾਸਯਨ੍ਤਂ ਜਲਨ੍ਤਂ ਸਿਖੀਨਂ ਸਿਖੀਭਗવਨ੍ਤਂ ਸਿਖੀਨਂ ਯਥਾ ਜਲਮਾਨਅਗ੍ਗਿਕ੍ਖਨ੍ਧਂ વਿਯ। ਅਗ੍ਗਜਂ ਪੁਪ੍ਫਮਾਦਾਯਾਤਿ ਅਗ੍ਗਜਨਾਮਕਂ ਪੁਪ੍ਫਂ ਗਹੇਤ੍વਾ ਬੁਦ੍ਧਸ੍ਸ ਸਿਖਿਸ੍ਸ ਭਗવਤੋ ਅਭਿਰੋਪਯਿਂ ਪੂਜੇਸਿਨ੍ਤਿ ਅਤ੍ਥੋ।
37-38. Dasamāpadāne sikhinaṃ sikhinaṃ yathāti sarīrato nikkhantachabbaṇṇaraṃsīhi obhāsayantaṃ jalantaṃ sikhīnaṃ sikhībhagavantaṃ sikhīnaṃ yathā jalamānaaggikkhandhaṃ viya. Aggajaṃ pupphamādāyāti aggajanāmakaṃ pupphaṃ gahetvā buddhassa sikhissa bhagavato abhiropayiṃ pūjesinti attho.
ਛਬ੍ਬੀਸਤਿਮવਗ੍ਗવਣ੍ਣਨਾ ਸਮਤ੍ਤਾ।
Chabbīsatimavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi
੨. ਏਕਾਸਨਦਾਯਕਤ੍ਥੇਰਅਪਦਾਨਂ • 2. Ekāsanadāyakattheraapadānaṃ
੩. ਚਿਤਕਪੂਜਕਤ੍ਥੇਰਅਪਦਾਨਂ • 3. Citakapūjakattheraapadānaṃ
੬. ਉਪਾਹਨਦਾਯਕਤ੍ਥੇਰਅਪਦਾਨਂ • 6. Upāhanadāyakattheraapadānaṃ
੭. ਮਞ੍ਜਰਿਪੂਜਕਤ੍ਥੇਰਅਪਦਾਨਂ • 7. Mañjaripūjakattheraapadānaṃ
੮. ਪਣ੍ਣਦਾਯਕਤ੍ਥੇਰਅਪਦਾਨਂ • 8. Paṇṇadāyakattheraapadānaṃ
੧੦. ਅਗ੍ਗਪੁਪ੍ਫਿਯਤ੍ਥੇਰਅਪਦਾਨਂ • 10. Aggapupphiyattheraapadānaṃ
