| Library / Tipiṭaka / තිපිටක • Tipiṭaka / අපදානපාළි • Apadānapāḷi |
26. ථොමකවග්ගො
26. Thomakavaggo
1. ථොමකත්ථෙරඅපදානං
1. Thomakattheraapadānaṃ
1.
1.
‘‘දෙවලොකෙ ඨිතො සන්තො, විපස්සිස්ස මහෙසිනො;
‘‘Devaloke ṭhito santo, vipassissa mahesino;
ධම්මං සුණිත්වා මුදිතො, ඉමං වාචං අභාසහං.
Dhammaṃ suṇitvā mudito, imaṃ vācaṃ abhāsahaṃ.
2.
2.
‘‘‘නමො තෙ පුරිසාජඤ්ඤ, නමො තෙ පුරිසුත්තම;
‘‘‘Namo te purisājañña, namo te purisuttama;
3.
3.
‘‘එකනවුතිතො කප්පෙ, යං වාචමභණිං තදා;
‘‘Ekanavutito kappe, yaṃ vācamabhaṇiṃ tadā;
දුග්ගතිං නාභිජානාමි, ථොමනාය ඉදං ඵලං.
Duggatiṃ nābhijānāmi, thomanāya idaṃ phalaṃ.
4.
4.
‘‘පටිසම්භිදා චතස්සො, විමොක්ඛාපි ච අට්ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්ඤා සච්ඡිකතා, කතං බුද්ධස්ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්ථං සුදං ආයස්මා ථොමකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā thomako thero imā gāthāyo abhāsitthāti.
ථොමකත්ථෙරස්සාපදානං පඨමං.
Thomakattherassāpadānaṃ paṭhamaṃ.
Footnotes:
