| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. தூ²பாரஹஸுத்தவண்ணனா
5. Thūpārahasuttavaṇṇanā
247. பஞ்சமே ராஜா சக்கவத்தீதி எத்த² கஸ்மா ப⁴க³வா அகா³ரமஜ்ஜே² வஸித்வா காலகதஸ்ஸ ரஞ்ஞோ தூ²பகரணங் அனுஜானாதி, ந ஸீலவதோ புது²ஜ்ஜனபி⁴க்கு²ஸ்ஸாதி? அனச்ச²ரியத்தா. புது²ஜ்ஜனபி⁴க்கூ²னஞ்ஹி தூ²பே அனுஞ்ஞாயமானே தம்ப³பண்ணிதீ³பே தாவ தூ²பானங் ஓகாஸோ ந ப⁴வெய்ய, ததா² அஞ்ஞேஸு டா²னேஸு. தஸ்மா ‘‘அனச்ச²ரியா தே ப⁴விஸ்ஸந்தீ’’தி நானுஜானாதி. சக்கவத்தீ ராஜா ஏகோவ நிப்³ப³த்ததி, தேனஸ்ஸ தூ²போ அச்ச²ரியோ ஹோதி. புது²ஜ்ஜனஸீலவதோ பன பரினிப்³பு³தபி⁴க்கு²னோ விய மஹந்தம்பி ஸக்காரங் காதுங் வட்டதியேவ. ச²ட்ட²ஸத்தமானி உத்தானத்தா²னேவ.
247. Pañcame rājā cakkavattīti ettha kasmā bhagavā agāramajjhe vasitvā kālakatassa rañño thūpakaraṇaṃ anujānāti, na sīlavato puthujjanabhikkhussāti? Anacchariyattā. Puthujjanabhikkhūnañhi thūpe anuññāyamāne tambapaṇṇidīpe tāva thūpānaṃ okāso na bhaveyya, tathā aññesu ṭhānesu. Tasmā ‘‘anacchariyā te bhavissantī’’ti nānujānāti. Cakkavattī rājā ekova nibbattati, tenassa thūpo acchariyo hoti. Puthujjanasīlavato pana parinibbutabhikkhuno viya mahantampi sakkāraṃ kātuṃ vaṭṭatiyeva. Chaṭṭhasattamāni uttānatthāneva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. தூ²பாரஹஸுத்தங் • 5. Thūpārahasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-7. ஸெய்யாஸுத்தாதி³வண்ணனா • 4-7. Seyyāsuttādivaṇṇanā
