| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៥. ថូបារហសុត្តវណ្ណនា
5. Thūpārahasuttavaṇṇanā
២៤៧. បញ្ចមេ រាជា ចក្កវត្តីតិ ឯត្ថ កស្មា ភគវា អគារមជ្ឈេ វសិត្វា កាលកតស្ស រញ្ញោ ថូបករណំ អនុជានាតិ, ន សីលវតោ បុថុជ្ជនភិក្ខុស្សាតិ? អនច្ឆរិយត្តា។ បុថុជ្ជនភិក្ខូនញ្ហិ ថូបេ អនុញ្ញាយមានេ តម្ពបណ្ណិទីបេ តាវ ថូបានំ ឱកាសោ ន ភវេយ្យ, តថា អញ្ញេសុ ឋានេសុ។ តស្មា ‘‘អនច្ឆរិយា តេ ភវិស្សន្តី’’តិ នានុជានាតិ។ ចក្កវត្តី រាជា ឯកោវ និព្ពត្តតិ, តេនស្ស ថូបោ អច្ឆរិយោ ហោតិ។ បុថុជ្ជនសីលវតោ បន បរិនិព្ពុតភិក្ខុនោ វិយ មហន្តម្បិ សក្ការំ កាតុំ វដ្ដតិយេវ។ ឆដ្ឋសត្តមានិ ឧត្តានត្ថានេវ។
247. Pañcame rājā cakkavattīti ettha kasmā bhagavā agāramajjhe vasitvā kālakatassa rañño thūpakaraṇaṃ anujānāti, na sīlavato puthujjanabhikkhussāti? Anacchariyattā. Puthujjanabhikkhūnañhi thūpe anuññāyamāne tambapaṇṇidīpe tāva thūpānaṃ okāso na bhaveyya, tathā aññesu ṭhānesu. Tasmā ‘‘anacchariyā te bhavissantī’’ti nānujānāti. Cakkavattī rājā ekova nibbattati, tenassa thūpo acchariyo hoti. Puthujjanasīlavato pana parinibbutabhikkhuno viya mahantampi sakkāraṃ kātuṃ vaṭṭatiyeva. Chaṭṭhasattamāni uttānatthāneva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៥. ថូបារហសុត្តំ • 5. Thūpārahasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៤-៧. សេយ្យាសុត្តាទិវណ្ណនា • 4-7. Seyyāsuttādivaṇṇanā
