| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
217. д̇ижийвараануж̇аананаа
217. Ticīvarānujānanā
346. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна взсаалий д̇зна жааригам̣ баггаами. ад̣̇д̣̇аса ко бхаг̇аваа анд̇араа жа рааж̇аг̇ахам̣ анд̇араа жа взсаалим̣ ад̣̇д̇хаанамаг̇г̇аббадибанно самб̣ахулз бхигкуу жийварзхи уб̣бхан̣д̣ид̇з 1 сийсзби жийварабхисим̣ гарид̇ваа канд̇хзби жийварабхисим̣ гарид̇ваа гадияааби жийварабхисим̣ гарид̇ваа ааг̇ажчанд̇з, д̣̇исваана бхаг̇авад̇о зд̇ад̣̇ахоси – ‘‘ад̇илахум̣ ко имз могхабурисаа жийварз б̣аахуллааяа аавад̇д̇аа . яам̣нуунаахам̣ бхигкуунам̣ жийварз сиймам̣ б̣анд̇хзяяам̣, марияаад̣̇ам̣ табзяяа’’нд̇и. ат̇а ко бхаг̇аваа анубуб̣б̣зна жааригам̣ жарамаано язна взсаалий д̇ад̣̇авасари. д̇ад̇ра суд̣̇ам̣ бхаг̇аваа взсаалияам̣ вихарад̇и г̇од̇амагз жзд̇ияз. д̇зна ко бана самаязна бхаг̇аваа сийд̇аасу хзманд̇игаасу рад̇д̇ийсу анд̇арадтагаасу химабаад̇асамаяз рад̇д̇им̣ аж̇жхогаасз згажийваро нисийд̣̇и. на бхаг̇аванд̇ам̣ сийд̇ам̣ ахоси. нигканд̇з батамз яаамз сийд̇ам̣ бхаг̇аванд̇ам̣ ахоси. д̣̇уд̇ияам̣ бхаг̇аваа жийварам̣ бааруби. на бхаг̇аванд̇ам̣ сийд̇ам̣ ахоси. нигканд̇з маж̇жхимз яаамз сийд̇ам̣ бхаг̇аванд̇ам̣ ахоси. д̇ад̇ияам̣ бхаг̇аваа жийварам̣ бааруби. на бхаг̇аванд̇ам̣ сийд̇ам̣ ахоси. нигканд̇з бажчимз яаамз уд̣̇д̇хасд̇з арун̣з нанд̣̇имукияаа рад̇д̇ияаа сийд̇ам̣ бхаг̇аванд̇ам̣ ахоси. жад̇уд̇т̇ам̣ бхаг̇аваа жийварам̣ бааруби. на бхаг̇аванд̇ам̣ сийд̇ам̣ ахоси. ат̇а ко бхаг̇авад̇о зд̇ад̣̇ахоси – ‘‘язби ко д̇з гулабуд̇д̇аа имасмим̣ д̇хаммавинаяз сийд̇аалугаа сийд̇абхийругаа д̇зби саггонд̇и д̇ижийварзна яаабзд̇ум̣. яам̣нуунаахам̣ бхигкуунам̣ жийварз сиймам̣ б̣анд̇хзяяам̣, марияаад̣̇ам̣ табзяяам̣, д̇ижийварам̣ ануж̇аанзяяа’’нд̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ид̇хаахам̣, бхигкавз, анд̇араа жа рааж̇аг̇ахам̣ анд̇араа жа взсаалим̣ ад̣̇д̇хаанамаг̇г̇аббадибанно ад̣̇д̣̇асам̣ самб̣ахулз бхигкуу жийварзхи уб̣бхан̣д̣ид̇з сийсзби жийварабхисим̣ гарид̇ваа канд̇хзби жийварабхисим̣ гарид̇ваа гадияааби жийварабхисим̣ гарид̇ваа ааг̇ажчанд̇з, д̣̇исваана мз зд̇ад̣̇ахоси – ‘ад̇илахум̣ ко имз могхабурисаа жийварз б̣аахуллааяа аавад̇д̇аа. яам̣нуунаахам̣ бхигкуунам̣ жийварз сиймам̣ б̣анд̇хзяяам̣, марияаад̣̇ам̣ табзяяа’нд̇и. ид̇хаахам̣, бхигкавз, сийд̇аасу хзманд̇игаасу рад̇д̇ийсу анд̇арадтагаасу химабаад̇асамаяз рад̇д̇им̣ аж̇жхогаасз згажийваро нисийд̣̇им̣. на мам̣ сийд̇ам̣ ахоси. нигканд̇з батамз яаамз сийд̇ам̣ мам̣ ахоси. д̣̇уд̇ияаахам̣ жийварам̣ баарубим̣. на мам̣ сийд̇ам̣ ахоси. нигканд̇з маж̇жхимз яаамз сийд̇ам̣ мам̣ ахоси. д̇ад̇ияаахам̣ жийварам̣ баарубим̣. на мам̣ сийд̇ам̣ ахоси. нигканд̇з бажчимз яаамз уд̣̇д̇хасд̇з арун̣з нанд̣̇имукияаа рад̇д̇ияаа сийд̇ам̣ мам̣ ахоси. жад̇уд̇т̇аахам̣ жийварам̣ баарубим̣. на мам̣ сийд̇ам̣ ахоси. д̇асса маяхам̣, бхигкавз, зд̇ад̣̇ахоси – ‘‘язби ко д̇з гулабуд̇д̇аа имасмим̣ д̇хаммавинаяз сийд̇аалугаа сийд̇абхийругаа д̇зби саггонд̇и д̇ижийварзна яаабзд̇ум̣. яам̣нуунаахам̣ бхигкуунам̣ жийварз сиймам̣ б̣анд̇хзяяам̣, марияаад̣̇ам̣ табзяяам̣ , д̇ижийварам̣ ануж̇аанзяяа’нд̇и. ануж̇аанаами, бхигкавз, д̇ижийварам̣ – д̣̇иг̇ун̣ам̣ сан̇гхаадим̣, згажжияам̣ уд̇д̇араасан̇г̇ам̣, згажжияам̣ анд̇араваасага’’нд̇и.
346. Atha kho bhagavā rājagahe yathābhirantaṃ viharitvā yena vesālī tena cārikaṃ pakkāmi. Addasa kho bhagavā antarā ca rājagahaṃ antarā ca vesāliṃ addhānamaggappaṭipanno sambahule bhikkhū cīvarehi ubbhaṇḍite 2 sīsepi cīvarabhisiṃ karitvā khandhepi cīvarabhisiṃ karitvā kaṭiyāpi cīvarabhisiṃ karitvā āgacchante, disvāna bhagavato etadahosi – ‘‘atilahuṃ kho ime moghapurisā cīvare bāhullāya āvattā . Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyya’’nti. Atha kho bhagavā anupubbena cārikaṃ caramāno yena vesālī tadavasari. Tatra sudaṃ bhagavā vesāliyaṃ viharati gotamake cetiye. Tena kho pana samayena bhagavā sītāsu hemantikāsu rattīsu antaraṭṭhakāsu himapātasamaye rattiṃ ajjhokāse ekacīvaro nisīdi. Na bhagavantaṃ sītaṃ ahosi. Nikkhante paṭhame yāme sītaṃ bhagavantaṃ ahosi. Dutiyaṃ bhagavā cīvaraṃ pārupi. Na bhagavantaṃ sītaṃ ahosi. Nikkhante majjhime yāme sītaṃ bhagavantaṃ ahosi. Tatiyaṃ bhagavā cīvaraṃ pārupi. Na bhagavantaṃ sītaṃ ahosi. Nikkhante pacchime yāme uddhaste aruṇe nandimukhiyā rattiyā sītaṃ bhagavantaṃ ahosi. Catutthaṃ bhagavā cīvaraṃ pārupi. Na bhagavantaṃ sītaṃ ahosi. Atha kho bhagavato etadahosi – ‘‘yepi kho te kulaputtā imasmiṃ dhammavinaye sītālukā sītabhīrukā tepi sakkonti ticīvarena yāpetuṃ. Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyyaṃ, ticīvaraṃ anujāneyya’’nti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘idhāhaṃ, bhikkhave, antarā ca rājagahaṃ antarā ca vesāliṃ addhānamaggappaṭipanno addasaṃ sambahule bhikkhū cīvarehi ubbhaṇḍite sīsepi cīvarabhisiṃ karitvā khandhepi cīvarabhisiṃ karitvā kaṭiyāpi cīvarabhisiṃ karitvā āgacchante, disvāna me etadahosi – ‘atilahuṃ kho ime moghapurisā cīvare bāhullāya āvattā. Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyya’nti. Idhāhaṃ, bhikkhave, sītāsu hemantikāsu rattīsu antaraṭṭhakāsu himapātasamaye rattiṃ ajjhokāse ekacīvaro nisīdiṃ. Na maṃ sītaṃ ahosi. Nikkhante paṭhame yāme sītaṃ maṃ ahosi. Dutiyāhaṃ cīvaraṃ pārupiṃ. Na maṃ sītaṃ ahosi. Nikkhante majjhime yāme sītaṃ maṃ ahosi. Tatiyāhaṃ cīvaraṃ pārupiṃ. Na maṃ sītaṃ ahosi. Nikkhante pacchime yāme uddhaste aruṇe nandimukhiyā rattiyā sītaṃ maṃ ahosi. Catutthāhaṃ cīvaraṃ pārupiṃ. Na maṃ sītaṃ ahosi. Tassa mayhaṃ, bhikkhave, etadahosi – ‘‘yepi kho te kulaputtā imasmiṃ dhammavinaye sītālukā sītabhīrukā tepi sakkonti ticīvarena yāpetuṃ. Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyyaṃ , ticīvaraṃ anujāneyya’nti. Anujānāmi, bhikkhave, ticīvaraṃ – diguṇaṃ saṅghāṭiṃ, ekacciyaṃ uttarāsaṅgaṃ, ekacciyaṃ antaravāsaka’’nti.
д̇ижийвараануж̇аананаа нидтид̇аа.
Ticīvarānujānanā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̇ижийвараануж̇аананагат̇аа • Ticīvarānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇ижийвараануж̇аананагат̇ааван̣н̣анаа • Ticīvarānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 217. д̇ижийвараануж̇аананагат̇аа • 217. Ticīvarānujānanakathā
