| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੧੭. ਤਿਚੀવਰਾਨੁਜਾਨਨਾ
217. Ticīvarānujānanā
੩੪੬. ਅਥ ਖੋ ਭਗવਾ ਰਾਜਗਹੇ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ વੇਸਾਲੀ ਤੇਨ ਚਾਰਿਕਂ ਪਕ੍ਕਾਮਿ। ਅਦ੍ਦਸ ਖੋ ਭਗવਾ ਅਨ੍ਤਰਾ ਚ ਰਾਜਗਹਂ ਅਨ੍ਤਰਾ ਚ વੇਸਾਲਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਸਮ੍ਬਹੁਲੇ ਭਿਕ੍ਖੂ ਚੀવਰੇਹਿ ਉਬ੍ਭਣ੍ਡਿਤੇ 1 ਸੀਸੇਪਿ ਚੀવਰਭਿਸਿਂ ਕਰਿਤ੍વਾ ਖਨ੍ਧੇਪਿ ਚੀવਰਭਿਸਿਂ ਕਰਿਤ੍વਾ ਕਟਿਯਾਪਿ ਚੀવਰਭਿਸਿਂ ਕਰਿਤ੍વਾ ਆਗਚ੍ਛਨ੍ਤੇ, ਦਿਸ੍વਾਨ ਭਗવਤੋ ਏਤਦਹੋਸਿ – ‘‘ਅਤਿਲਹੁਂ ਖੋ ਇਮੇ ਮੋਘਪੁਰਿਸਾ ਚੀવਰੇ ਬਾਹੁਲ੍ਲਾਯ ਆવਤ੍ਤਾ । ਯਂਨੂਨਾਹਂ ਭਿਕ੍ਖੂਨਂ ਚੀવਰੇ ਸੀਮਂ ਬਨ੍ਧੇਯ੍ਯਂ, ਮਰਿਯਾਦਂ ਠਪੇਯ੍ਯ’’ਨ੍ਤਿ। ਅਥ ਖੋ ਭਗવਾ ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ વੇਸਾਲੀ ਤਦવਸਰਿ। ਤਤ੍ਰ ਸੁਦਂ ਭਗવਾ વੇਸਾਲਿਯਂ વਿਹਰਤਿ ਗੋਤਮਕੇ ਚੇਤਿਯੇ। ਤੇਨ ਖੋ ਪਨ ਸਮਯੇਨ ਭਗવਾ ਸੀਤਾਸੁ ਹੇਮਨ੍ਤਿਕਾਸੁ ਰਤ੍ਤੀਸੁ ਅਨ੍ਤਰਟ੍ਠਕਾਸੁ ਹਿਮਪਾਤਸਮਯੇ ਰਤ੍ਤਿਂ ਅਜ੍ਝੋਕਾਸੇ ਏਕਚੀવਰੋ ਨਿਸੀਦਿ। ਨ ਭਗવਨ੍ਤਂ ਸੀਤਂ ਅਹੋਸਿ। ਨਿਕ੍ਖਨ੍ਤੇ ਪਠਮੇ ਯਾਮੇ ਸੀਤਂ ਭਗવਨ੍ਤਂ ਅਹੋਸਿ। ਦੁਤਿਯਂ ਭਗવਾ ਚੀવਰਂ ਪਾਰੁਪਿ। ਨ ਭਗવਨ੍ਤਂ ਸੀਤਂ ਅਹੋਸਿ। ਨਿਕ੍ਖਨ੍ਤੇ ਮਜ੍ਝਿਮੇ ਯਾਮੇ ਸੀਤਂ ਭਗવਨ੍ਤਂ ਅਹੋਸਿ। ਤਤਿਯਂ ਭਗવਾ ਚੀવਰਂ ਪਾਰੁਪਿ। ਨ ਭਗવਨ੍ਤਂ ਸੀਤਂ ਅਹੋਸਿ। ਨਿਕ੍ਖਨ੍ਤੇ ਪਚ੍ਛਿਮੇ ਯਾਮੇ ਉਦ੍ਧਸ੍ਤੇ ਅਰੁਣੇ ਨਨ੍ਦਿਮੁਖਿਯਾ ਰਤ੍ਤਿਯਾ ਸੀਤਂ ਭਗવਨ੍ਤਂ ਅਹੋਸਿ। ਚਤੁਤ੍ਥਂ ਭਗવਾ ਚੀવਰਂ ਪਾਰੁਪਿ। ਨ ਭਗવਨ੍ਤਂ ਸੀਤਂ ਅਹੋਸਿ। ਅਥ ਖੋ ਭਗવਤੋ ਏਤਦਹੋਸਿ – ‘‘ਯੇਪਿ ਖੋ ਤੇ ਕੁਲਪੁਤ੍ਤਾ ਇਮਸ੍ਮਿਂ ਧਮ੍ਮવਿਨਯੇ ਸੀਤਾਲੁਕਾ ਸੀਤਭੀਰੁਕਾ ਤੇਪਿ ਸਕ੍ਕੋਨ੍ਤਿ ਤਿਚੀવਰੇਨ ਯਾਪੇਤੁਂ। ਯਂਨੂਨਾਹਂ ਭਿਕ੍ਖੂਨਂ ਚੀવਰੇ ਸੀਮਂ ਬਨ੍ਧੇਯ੍ਯਂ, ਮਰਿਯਾਦਂ ਠਪੇਯ੍ਯਂ, ਤਿਚੀવਰਂ ਅਨੁਜਾਨੇਯ੍ਯ’’ਨ੍ਤਿ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਇਧਾਹਂ, ਭਿਕ੍ਖવੇ, ਅਨ੍ਤਰਾ ਚ ਰਾਜਗਹਂ ਅਨ੍ਤਰਾ ਚ વੇਸਾਲਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਅਦ੍ਦਸਂ ਸਮ੍ਬਹੁਲੇ ਭਿਕ੍ਖੂ ਚੀવਰੇਹਿ ਉਬ੍ਭਣ੍ਡਿਤੇ ਸੀਸੇਪਿ ਚੀવਰਭਿਸਿਂ ਕਰਿਤ੍વਾ ਖਨ੍ਧੇਪਿ ਚੀવਰਭਿਸਿਂ ਕਰਿਤ੍વਾ ਕਟਿਯਾਪਿ ਚੀવਰਭਿਸਿਂ ਕਰਿਤ੍વਾ ਆਗਚ੍ਛਨ੍ਤੇ, ਦਿਸ੍વਾਨ ਮੇ ਏਤਦਹੋਸਿ – ‘ਅਤਿਲਹੁਂ ਖੋ ਇਮੇ ਮੋਘਪੁਰਿਸਾ ਚੀવਰੇ ਬਾਹੁਲ੍ਲਾਯ ਆવਤ੍ਤਾ। ਯਂਨੂਨਾਹਂ ਭਿਕ੍ਖੂਨਂ ਚੀવਰੇ ਸੀਮਂ ਬਨ੍ਧੇਯ੍ਯਂ, ਮਰਿਯਾਦਂ ਠਪੇਯ੍ਯ’ਨ੍ਤਿ। ਇਧਾਹਂ, ਭਿਕ੍ਖવੇ, ਸੀਤਾਸੁ ਹੇਮਨ੍ਤਿਕਾਸੁ ਰਤ੍ਤੀਸੁ ਅਨ੍ਤਰਟ੍ਠਕਾਸੁ ਹਿਮਪਾਤਸਮਯੇ ਰਤ੍ਤਿਂ ਅਜ੍ਝੋਕਾਸੇ ਏਕਚੀવਰੋ ਨਿਸੀਦਿਂ। ਨ ਮਂ ਸੀਤਂ ਅਹੋਸਿ। ਨਿਕ੍ਖਨ੍ਤੇ ਪਠਮੇ ਯਾਮੇ ਸੀਤਂ ਮਂ ਅਹੋਸਿ। ਦੁਤਿਯਾਹਂ ਚੀવਰਂ ਪਾਰੁਪਿਂ। ਨ ਮਂ ਸੀਤਂ ਅਹੋਸਿ। ਨਿਕ੍ਖਨ੍ਤੇ ਮਜ੍ਝਿਮੇ ਯਾਮੇ ਸੀਤਂ ਮਂ ਅਹੋਸਿ। ਤਤਿਯਾਹਂ ਚੀવਰਂ ਪਾਰੁਪਿਂ। ਨ ਮਂ ਸੀਤਂ ਅਹੋਸਿ। ਨਿਕ੍ਖਨ੍ਤੇ ਪਚ੍ਛਿਮੇ ਯਾਮੇ ਉਦ੍ਧਸ੍ਤੇ ਅਰੁਣੇ ਨਨ੍ਦਿਮੁਖਿਯਾ ਰਤ੍ਤਿਯਾ ਸੀਤਂ ਮਂ ਅਹੋਸਿ। ਚਤੁਤ੍ਥਾਹਂ ਚੀવਰਂ ਪਾਰੁਪਿਂ। ਨ ਮਂ ਸੀਤਂ ਅਹੋਸਿ। ਤਸ੍ਸ ਮਯ੍ਹਂ, ਭਿਕ੍ਖવੇ, ਏਤਦਹੋਸਿ – ‘‘ਯੇਪਿ ਖੋ ਤੇ ਕੁਲਪੁਤ੍ਤਾ ਇਮਸ੍ਮਿਂ ਧਮ੍ਮવਿਨਯੇ ਸੀਤਾਲੁਕਾ ਸੀਤਭੀਰੁਕਾ ਤੇਪਿ ਸਕ੍ਕੋਨ੍ਤਿ ਤਿਚੀવਰੇਨ ਯਾਪੇਤੁਂ। ਯਂਨੂਨਾਹਂ ਭਿਕ੍ਖੂਨਂ ਚੀવਰੇ ਸੀਮਂ ਬਨ੍ਧੇਯ੍ਯਂ, ਮਰਿਯਾਦਂ ਠਪੇਯ੍ਯਂ , ਤਿਚੀવਰਂ ਅਨੁਜਾਨੇਯ੍ਯ’ਨ੍ਤਿ। ਅਨੁਜਾਨਾਮਿ, ਭਿਕ੍ਖવੇ, ਤਿਚੀવਰਂ – ਦਿਗੁਣਂ ਸਙ੍ਘਾਟਿਂ, ਏਕਚ੍ਚਿਯਂ ਉਤ੍ਤਰਾਸਙ੍ਗਂ, ਏਕਚ੍ਚਿਯਂ ਅਨ੍ਤਰવਾਸਕ’’ਨ੍ਤਿ।
346. Atha kho bhagavā rājagahe yathābhirantaṃ viharitvā yena vesālī tena cārikaṃ pakkāmi. Addasa kho bhagavā antarā ca rājagahaṃ antarā ca vesāliṃ addhānamaggappaṭipanno sambahule bhikkhū cīvarehi ubbhaṇḍite 2 sīsepi cīvarabhisiṃ karitvā khandhepi cīvarabhisiṃ karitvā kaṭiyāpi cīvarabhisiṃ karitvā āgacchante, disvāna bhagavato etadahosi – ‘‘atilahuṃ kho ime moghapurisā cīvare bāhullāya āvattā . Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyya’’nti. Atha kho bhagavā anupubbena cārikaṃ caramāno yena vesālī tadavasari. Tatra sudaṃ bhagavā vesāliyaṃ viharati gotamake cetiye. Tena kho pana samayena bhagavā sītāsu hemantikāsu rattīsu antaraṭṭhakāsu himapātasamaye rattiṃ ajjhokāse ekacīvaro nisīdi. Na bhagavantaṃ sītaṃ ahosi. Nikkhante paṭhame yāme sītaṃ bhagavantaṃ ahosi. Dutiyaṃ bhagavā cīvaraṃ pārupi. Na bhagavantaṃ sītaṃ ahosi. Nikkhante majjhime yāme sītaṃ bhagavantaṃ ahosi. Tatiyaṃ bhagavā cīvaraṃ pārupi. Na bhagavantaṃ sītaṃ ahosi. Nikkhante pacchime yāme uddhaste aruṇe nandimukhiyā rattiyā sītaṃ bhagavantaṃ ahosi. Catutthaṃ bhagavā cīvaraṃ pārupi. Na bhagavantaṃ sītaṃ ahosi. Atha kho bhagavato etadahosi – ‘‘yepi kho te kulaputtā imasmiṃ dhammavinaye sītālukā sītabhīrukā tepi sakkonti ticīvarena yāpetuṃ. Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyyaṃ, ticīvaraṃ anujāneyya’’nti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘idhāhaṃ, bhikkhave, antarā ca rājagahaṃ antarā ca vesāliṃ addhānamaggappaṭipanno addasaṃ sambahule bhikkhū cīvarehi ubbhaṇḍite sīsepi cīvarabhisiṃ karitvā khandhepi cīvarabhisiṃ karitvā kaṭiyāpi cīvarabhisiṃ karitvā āgacchante, disvāna me etadahosi – ‘atilahuṃ kho ime moghapurisā cīvare bāhullāya āvattā. Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyya’nti. Idhāhaṃ, bhikkhave, sītāsu hemantikāsu rattīsu antaraṭṭhakāsu himapātasamaye rattiṃ ajjhokāse ekacīvaro nisīdiṃ. Na maṃ sītaṃ ahosi. Nikkhante paṭhame yāme sītaṃ maṃ ahosi. Dutiyāhaṃ cīvaraṃ pārupiṃ. Na maṃ sītaṃ ahosi. Nikkhante majjhime yāme sītaṃ maṃ ahosi. Tatiyāhaṃ cīvaraṃ pārupiṃ. Na maṃ sītaṃ ahosi. Nikkhante pacchime yāme uddhaste aruṇe nandimukhiyā rattiyā sītaṃ maṃ ahosi. Catutthāhaṃ cīvaraṃ pārupiṃ. Na maṃ sītaṃ ahosi. Tassa mayhaṃ, bhikkhave, etadahosi – ‘‘yepi kho te kulaputtā imasmiṃ dhammavinaye sītālukā sītabhīrukā tepi sakkonti ticīvarena yāpetuṃ. Yaṃnūnāhaṃ bhikkhūnaṃ cīvare sīmaṃ bandheyyaṃ, mariyādaṃ ṭhapeyyaṃ , ticīvaraṃ anujāneyya’nti. Anujānāmi, bhikkhave, ticīvaraṃ – diguṇaṃ saṅghāṭiṃ, ekacciyaṃ uttarāsaṅgaṃ, ekacciyaṃ antaravāsaka’’nti.
ਤਿਚੀવਰਾਨੁਜਾਨਨਾ ਨਿਟ੍ਠਿਤਾ।
Ticīvarānujānanā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਤਿਚੀવਰਾਨੁਜਾਨਨਕਥਾ • Ticīvarānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਤਿਚੀવਰਾਨੁਜਾਨਨਕਥਾવਣ੍ਣਨਾ • Ticīvarānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੧੭. ਤਿਚੀવਰਾਨੁਜਾਨਨਕਥਾ • 217. Ticīvarānujānanakathā
