| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
д̇ижийвараануж̇аананагат̇аа
Ticīvarānujānanakathā
346. жийварзхи уб̣бхан̣д̣игзд̇и жийварзхи уб̣бхан̣д̣з гад̇з; яат̇аа угкид̇д̇абхан̣д̣аа хонд̇и звам̣ гад̇з; угкид̇д̇абхан̣д̣игабхаавам̣ аабаад̣̇ид̇зд̇и ад̇т̇о. жийварабхисинд̇и зд̇т̇а бхисийд̇и д̣̇вз д̇ийн̣и згад̇о гад̇ваа бхисисан̇кзбзна сам̣харид̇ажийвараани вуд̇д̇аани. д̇з гира бхигкуу ‘‘д̣̇агкин̣ааг̇ирид̇о бхаг̇аваа лахум̣ бадинивад̇д̇иссад̇ий’’д̇и д̇ад̇т̇а г̇ажчанд̇аа ж̇ийвагавад̇т̇усмим̣ лад̣̇д̇хажийвараани табзд̇ваа аг̇амам̣су. ид̣̇аани бана жирзна ааг̇амиссад̇ийд̇и ман̃н̃амаанаа аад̣̇ааяа баггамим̣су. анд̇арадтагаасууд̇и маагхасса жа паг̇г̇ун̣асса жа анд̇араа адтасу. на бхаг̇аванд̇ам̣ сийд̇ам̣ ахосийд̇и бхаг̇авад̇о сийд̇ам̣ наахоси. зд̇ад̣̇ахоси язби ко д̇з гулабуд̇д̇аад̇и на бхаг̇аваа аж̇жхогаасз анисийд̣̇ид̇ваа зд̇амад̇т̇ам̣ на ж̇аанаад̇и, махааж̇анасан̃н̃аабанад̇т̇ам̣ бана звамагааси. сийд̇аалугаад̇и сийд̇абагад̇игаа; яз багад̇ияаава сийд̇зна гиламанд̇и. д̣̇иг̇ун̣ам̣ сан̇гхаадинд̇и д̣̇убаддам̣ сан̇гхаадим̣. згажжияанд̇и згабаддам̣. ид̇и ‘‘бхаг̇аваа ад̇д̇анаа жад̇уухи жийварзхи яаабзд̇и, амхаагам̣ бана д̇ижийварам̣ ануж̇аанаад̇ий’’д̇и важанасса огаасам̣ убажчинд̣̇ид̇ум̣ д̣̇иг̇ун̣ам̣ сан̇гхаадим̣ ануж̇аанаад̇и, згажжигз ид̇арз. зван̃хи нзсам̣ жад̇д̇аари бхависсанд̇ийд̇и.
346.Cīvarehiubbhaṇḍiketi cīvarehi ubbhaṇḍe kate; yathā ukkhittabhaṇḍā honti evaṃ kate; ukkhittabhaṇḍikabhāvaṃ āpāditeti attho. Cīvarabhisinti ettha bhisīti dve tīṇi ekato katvā bhisisaṅkhepena saṃharitacīvarāni vuttāni. Te kira bhikkhū ‘‘dakkhiṇāgirito bhagavā lahuṃ paṭinivattissatī’’ti tattha gacchantā jīvakavatthusmiṃ laddhacīvarāni ṭhapetvā agamaṃsu. Idāni pana cirena āgamissatīti maññamānā ādāya pakkamiṃsu. Antaraṭṭhakāsūti māghassa ca phagguṇassa ca antarā aṭṭhasu. Na bhagavantaṃ sītaṃ ahosīti bhagavato sītaṃ nāhosi. Etadahosi yepi kho te kulaputtāti na bhagavā ajjhokāse anisīditvā etamatthaṃ na jānāti, mahājanasaññāpanatthaṃ pana evamakāsi. Sītālukāti sītapakatikā; ye pakatiyāva sītena kilamanti. Diguṇaṃ saṅghāṭinti dupaṭṭaṃ saṅghāṭiṃ. Ekacciyanti ekapaṭṭaṃ. Iti ‘‘bhagavā attanā catūhi cīvarehi yāpeti, amhākaṃ pana ticīvaraṃ anujānātī’’ti vacanassa okāsaṃ upacchindituṃ diguṇaṃ saṅghāṭiṃ anujānāti, ekaccike itare. Evañhi nesaṃ cattāri bhavissantīti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 217. д̇ижийвараануж̇аананаа • 217. Ticīvarānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇ижийвараануж̇аананагат̇ааван̣н̣анаа • Ticīvarānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 217. д̇ижийвараануж̇аананагат̇аа • 217. Ticīvarānujānanakathā
