| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
217. д̇ижийвараануж̇аананагат̇аа
217. Ticīvarānujānanakathā
346. ‘‘угкид̇д̇абхан̣д̣игабхаавам̣ аабаад̣̇ид̇з’’д̇и иминаа уб̣бхан̣д̣ид̇зд̇и зд̇т̇а угкид̇д̇ам̣ бхан̣д̣ам̣ уб̣бхан̣д̣ам̣, уб̣бхан̣д̣абхаавам̣ ид̇аа аабаад̣̇ид̇аад̇и уб̣бхан̣д̣ид̇аад̇и важанад̇т̇ам̣ д̣̇ассзд̇и. д̇з уб̣бхан̣д̣ид̇з бхигкуу ад̣̇д̣̇асаад̇и яож̇анаа. бхисисан̇кзбзнаад̇и бхисияам̣ багкзбзна, бавзсзнаад̇и ад̇т̇о, бхисиаагаарзнаад̇и вуд̇д̇ам̣ ход̇и. д̇ад̇т̇аад̇и д̣̇агкин̣ааг̇ирим̣. г̇ажчанд̇аа д̇з бхигкууд̇и яож̇анаа. ‘‘адтабамаан̣аасуу’’д̇и иминаа анд̇арадтагаасууд̇и зд̇т̇а габажжаяо бамаан̣ад̇т̇з ход̇ийд̇и д̣̇ассзд̇и, гзсужи бод̇т̇агзсу бамаан̣асад̣̇д̣̇о на д̣̇иссад̇и, г̇ал̣ид̇од̇и д̣̇адтаб̣б̣о. рад̇д̇ийсууд̇и самб̣анд̇хо. бхаг̇аванд̇анд̇и зд̇т̇а самбад̣̇аанад̇т̇з убаяог̇аважананд̇и ааха ‘‘бхаг̇авад̇о’’д̇и. сийд̇аалугаад̇и зд̇т̇а сийд̇ам̣ багад̇и зд̇зсанд̇и сийд̇аалуно , д̇зязва сийд̇аалугаад̇и важанад̇т̇ам̣ д̣̇ассзнд̇о ааха ‘‘сийд̇абагад̇игаа’’д̇и . яз гулабуд̇д̇аа багад̇ияаава сийд̇зна гиламанд̇и, д̇з сийд̇аалугаа наамаад̇и яож̇анаа. згажжияанд̇и зд̇т̇а згажжасад̣̇д̣̇о згабарияааяод̇и ааха ‘‘згам̣ бадда’’нд̇и. иминаа згоязва згажжод̇и гад̇ваа сагад̇т̇з ажжабажжаяод̇и д̣̇ассзд̇и. ‘‘бадда’’нд̇и иминаа згажжзна нияуд̇д̇ам̣ згажжияанд̇и важанад̇т̇ам̣ гад̇ваа нияуд̇д̇ад̇т̇з бавад̇д̇асса ияабажжаяасса саруубам̣ д̣̇ассзд̇и. ид̇ийд̇и звам̣. бхаг̇аваа ануж̇аанаад̇ийд̇и самб̣анд̇хо. ид̇арзд̇и сан̇гхаадид̇о ид̇арз уд̇д̇араасан̇г̇аанд̇араваасагз.
346. ‘‘Ukkhittabhaṇḍikabhāvaṃ āpādite’’ti iminā ubbhaṇḍiteti ettha ukkhittaṃ bhaṇḍaṃ ubbhaṇḍaṃ, ubbhaṇḍabhāvaṃ itā āpāditāti ubbhaṇḍitāti vacanatthaṃ dasseti. Te ubbhaṇḍite bhikkhū addasāti yojanā. Bhisisaṅkhepenāti bhisiyaṃ pakkhepena, pavesenāti attho, bhisiākārenāti vuttaṃ hoti. Tatthāti dakkhiṇāgiriṃ. Gacchantā te bhikkhūti yojanā. ‘‘Aṭṭhapamāṇāsū’’ti iminā antaraṭṭhakāsūti ettha kapaccayo pamāṇatthe hotīti dasseti, kesuci potthakesu pamāṇasaddo na dissati, gaḷitoti daṭṭhabbo. Rattīsūti sambandho. Bhagavantanti ettha sampadānatthe upayogavacananti āha ‘‘bhagavato’’ti. Sītālukāti ettha sītaṃ pakati etesanti sītāluno , teyeva sītālukāti vacanatthaṃ dassento āha ‘‘sītapakatikā’’ti . Ye kulaputtā pakatiyāva sītena kilamanti, te sītālukā nāmāti yojanā. Ekacciyanti ettha ekaccasaddo ekapariyāyoti āha ‘‘ekaṃ paṭṭa’’nti. Iminā ekoyeva ekaccoti katvā sakatthe accapaccayoti dasseti. ‘‘Paṭṭa’’nti iminā ekaccena niyuttaṃ ekacciyanti vacanatthaṃ katvā niyuttatthe pavattassa iyapaccayassa sarūpaṃ dasseti. Itīti evaṃ. Bhagavā anujānātīti sambandho. Itareti saṅghāṭito itare uttarāsaṅgaantaravāsake.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 217. д̇ижийвараануж̇аананаа • 217. Ticīvarānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̇ижийвараануж̇аананагат̇аа • Ticīvarānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇ижийвараануж̇аананагат̇ааван̣н̣анаа • Ticīvarānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
