| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਤਿਚੀવਰਾਨੁਜਾਨਨਕਥਾ
Ticīvarānujānanakathā
੩੪੬. ਚੀવਰੇਹਿ ਉਬ੍ਭਣ੍ਡਿਕੇਤਿ ਚੀવਰੇਹਿ ਉਬ੍ਭਣ੍ਡੇ ਕਤੇ; ਯਥਾ ਉਕ੍ਖਿਤ੍ਤਭਣ੍ਡਾ ਹੋਨ੍ਤਿ ਏવਂ ਕਤੇ; ਉਕ੍ਖਿਤ੍ਤਭਣ੍ਡਿਕਭਾવਂ ਆਪਾਦਿਤੇਤਿ ਅਤ੍ਥੋ। ਚੀવਰਭਿਸਿਨ੍ਤਿ ਏਤ੍ਥ ਭਿਸੀਤਿ ਦ੍વੇ ਤੀਣਿ ਏਕਤੋ ਕਤ੍વਾ ਭਿਸਿਸਙ੍ਖੇਪੇਨ ਸਂਹਰਿਤਚੀવਰਾਨਿ વੁਤ੍ਤਾਨਿ। ਤੇ ਕਿਰ ਭਿਕ੍ਖੂ ‘‘ਦਕ੍ਖਿਣਾਗਿਰਿਤੋ ਭਗવਾ ਲਹੁਂ ਪਟਿਨਿવਤ੍ਤਿਸ੍ਸਤੀ’’ਤਿ ਤਤ੍ਥ ਗਚ੍ਛਨ੍ਤਾ ਜੀવਕવਤ੍ਥੁਸ੍ਮਿਂ ਲਦ੍ਧਚੀવਰਾਨਿ ਠਪੇਤ੍વਾ ਅਗਮਂਸੁ। ਇਦਾਨਿ ਪਨ ਚਿਰੇਨ ਆਗਮਿਸ੍ਸਤੀਤਿ ਮਞ੍ਞਮਾਨਾ ਆਦਾਯ ਪਕ੍ਕਮਿਂਸੁ। ਅਨ੍ਤਰਟ੍ਠਕਾਸੂਤਿ ਮਾਘਸ੍ਸ ਚ ਫਗ੍ਗੁਣਸ੍ਸ ਚ ਅਨ੍ਤਰਾ ਅਟ੍ਠਸੁ। ਨ ਭਗવਨ੍ਤਂ ਸੀਤਂ ਅਹੋਸੀਤਿ ਭਗવਤੋ ਸੀਤਂ ਨਾਹੋਸਿ। ਏਤਦਹੋਸਿ ਯੇਪਿ ਖੋ ਤੇ ਕੁਲਪੁਤ੍ਤਾਤਿ ਨ ਭਗવਾ ਅਜ੍ਝੋਕਾਸੇ ਅਨਿਸੀਦਿਤ੍વਾ ਏਤਮਤ੍ਥਂ ਨ ਜਾਨਾਤਿ, ਮਹਾਜਨਸਞ੍ਞਾਪਨਤ੍ਥਂ ਪਨ ਏવਮਕਾਸਿ। ਸੀਤਾਲੁਕਾਤਿ ਸੀਤਪਕਤਿਕਾ; ਯੇ ਪਕਤਿਯਾવ ਸੀਤੇਨ ਕਿਲਮਨ੍ਤਿ। ਦਿਗੁਣਂ ਸਙ੍ਘਾਟਿਨ੍ਤਿ ਦੁਪਟ੍ਟਂ ਸਙ੍ਘਾਟਿਂ। ਏਕਚ੍ਚਿਯਨ੍ਤਿ ਏਕਪਟ੍ਟਂ। ਇਤਿ ‘‘ਭਗવਾ ਅਤ੍ਤਨਾ ਚਤੂਹਿ ਚੀવਰੇਹਿ ਯਾਪੇਤਿ, ਅਮ੍ਹਾਕਂ ਪਨ ਤਿਚੀવਰਂ ਅਨੁਜਾਨਾਤੀ’’ਤਿ વਚਨਸ੍ਸ ਓਕਾਸਂ ਉਪਚ੍ਛਿਨ੍ਦਿਤੁਂ ਦਿਗੁਣਂ ਸਙ੍ਘਾਟਿਂ ਅਨੁਜਾਨਾਤਿ, ਏਕਚ੍ਚਿਕੇ ਇਤਰੇ। ਏવਞ੍ਹਿ ਨੇਸਂ ਚਤ੍ਤਾਰਿ ਭવਿਸ੍ਸਨ੍ਤੀਤਿ।
346.Cīvarehiubbhaṇḍiketi cīvarehi ubbhaṇḍe kate; yathā ukkhittabhaṇḍā honti evaṃ kate; ukkhittabhaṇḍikabhāvaṃ āpāditeti attho. Cīvarabhisinti ettha bhisīti dve tīṇi ekato katvā bhisisaṅkhepena saṃharitacīvarāni vuttāni. Te kira bhikkhū ‘‘dakkhiṇāgirito bhagavā lahuṃ paṭinivattissatī’’ti tattha gacchantā jīvakavatthusmiṃ laddhacīvarāni ṭhapetvā agamaṃsu. Idāni pana cirena āgamissatīti maññamānā ādāya pakkamiṃsu. Antaraṭṭhakāsūti māghassa ca phagguṇassa ca antarā aṭṭhasu. Na bhagavantaṃ sītaṃ ahosīti bhagavato sītaṃ nāhosi. Etadahosi yepi kho te kulaputtāti na bhagavā ajjhokāse anisīditvā etamatthaṃ na jānāti, mahājanasaññāpanatthaṃ pana evamakāsi. Sītālukāti sītapakatikā; ye pakatiyāva sītena kilamanti. Diguṇaṃ saṅghāṭinti dupaṭṭaṃ saṅghāṭiṃ. Ekacciyanti ekapaṭṭaṃ. Iti ‘‘bhagavā attanā catūhi cīvarehi yāpeti, amhākaṃ pana ticīvaraṃ anujānātī’’ti vacanassa okāsaṃ upacchindituṃ diguṇaṃ saṅghāṭiṃ anujānāti, ekaccike itare. Evañhi nesaṃ cattāri bhavissantīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੧੭. ਤਿਚੀવਰਾਨੁਜਾਨਨਾ • 217. Ticīvarānujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਤਿਚੀવਰਾਨੁਜਾਨਨਕਥਾવਣ੍ਣਨਾ • Ticīvarānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੧੭. ਤਿਚੀવਰਾਨੁਜਾਨਨਕਥਾ • 217. Ticīvarānujānanakathā
