| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੧੭. ਤਿਚੀવਰਾਨੁਜਾਨਨਕਥਾ
217. Ticīvarānujānanakathā
੩੪੬. ‘‘ਉਕ੍ਖਿਤ੍ਤਭਣ੍ਡਿਕਭਾવਂ ਆਪਾਦਿਤੇ’’ਤਿ ਇਮਿਨਾ ਉਬ੍ਭਣ੍ਡਿਤੇਤਿ ਏਤ੍ਥ ਉਕ੍ਖਿਤ੍ਤਂ ਭਣ੍ਡਂ ਉਬ੍ਭਣ੍ਡਂ, ਉਬ੍ਭਣ੍ਡਭਾવਂ ਇਤਾ ਆਪਾਦਿਤਾਤਿ ਉਬ੍ਭਣ੍ਡਿਤਾਤਿ વਚਨਤ੍ਥਂ ਦਸ੍ਸੇਤਿ। ਤੇ ਉਬ੍ਭਣ੍ਡਿਤੇ ਭਿਕ੍ਖੂ ਅਦ੍ਦਸਾਤਿ ਯੋਜਨਾ। ਭਿਸਿਸਙ੍ਖੇਪੇਨਾਤਿ ਭਿਸਿਯਂ ਪਕ੍ਖੇਪੇਨ, ਪવੇਸੇਨਾਤਿ ਅਤ੍ਥੋ, ਭਿਸਿਆਕਾਰੇਨਾਤਿ વੁਤ੍ਤਂ ਹੋਤਿ। ਤਤ੍ਥਾਤਿ ਦਕ੍ਖਿਣਾਗਿਰਿਂ। ਗਚ੍ਛਨ੍ਤਾ ਤੇ ਭਿਕ੍ਖੂਤਿ ਯੋਜਨਾ। ‘‘ਅਟ੍ਠਪਮਾਣਾਸੂ’’ਤਿ ਇਮਿਨਾ ਅਨ੍ਤਰਟ੍ਠਕਾਸੂਤਿ ਏਤ੍ਥ ਕਪਚ੍ਚਯੋ ਪਮਾਣਤ੍ਥੇ ਹੋਤੀਤਿ ਦਸ੍ਸੇਤਿ, ਕੇਸੁਚਿ ਪੋਤ੍ਥਕੇਸੁ ਪਮਾਣਸਦ੍ਦੋ ਨ ਦਿਸ੍ਸਤਿ, ਗਲ਼ਿਤੋਤਿ ਦਟ੍ਠਬ੍ਬੋ। ਰਤ੍ਤੀਸੂਤਿ ਸਮ੍ਬਨ੍ਧੋ। ਭਗવਨ੍ਤਨ੍ਤਿ ਏਤ੍ਥ ਸਮ੍ਪਦਾਨਤ੍ਥੇ ਉਪਯੋਗવਚਨਨ੍ਤਿ ਆਹ ‘‘ਭਗવਤੋ’’ਤਿ। ਸੀਤਾਲੁਕਾਤਿ ਏਤ੍ਥ ਸੀਤਂ ਪਕਤਿ ਏਤੇਸਨ੍ਤਿ ਸੀਤਾਲੁਨੋ , ਤੇਯੇવ ਸੀਤਾਲੁਕਾਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਸੀਤਪਕਤਿਕਾ’’ਤਿ । ਯੇ ਕੁਲਪੁਤ੍ਤਾ ਪਕਤਿਯਾવ ਸੀਤੇਨ ਕਿਲਮਨ੍ਤਿ, ਤੇ ਸੀਤਾਲੁਕਾ ਨਾਮਾਤਿ ਯੋਜਨਾ। ਏਕਚ੍ਚਿਯਨ੍ਤਿ ਏਤ੍ਥ ਏਕਚ੍ਚਸਦ੍ਦੋ ਏਕਪਰਿਯਾਯੋਤਿ ਆਹ ‘‘ਏਕਂ ਪਟ੍ਟ’’ਨ੍ਤਿ। ਇਮਿਨਾ ਏਕੋਯੇવ ਏਕਚ੍ਚੋਤਿ ਕਤ੍વਾ ਸਕਤ੍ਥੇ ਅਚ੍ਚਪਚ੍ਚਯੋਤਿ ਦਸ੍ਸੇਤਿ। ‘‘ਪਟ੍ਟ’’ਨ੍ਤਿ ਇਮਿਨਾ ਏਕਚ੍ਚੇਨ ਨਿਯੁਤ੍ਤਂ ਏਕਚ੍ਚਿਯਨ੍ਤਿ વਚਨਤ੍ਥਂ ਕਤ੍વਾ ਨਿਯੁਤ੍ਤਤ੍ਥੇ ਪવਤ੍ਤਸ੍ਸ ਇਯਪਚ੍ਚਯਸ੍ਸ ਸਰੂਪਂ ਦਸ੍ਸੇਤਿ। ਇਤੀਤਿ ਏવਂ। ਭਗવਾ ਅਨੁਜਾਨਾਤੀਤਿ ਸਮ੍ਬਨ੍ਧੋ। ਇਤਰੇਤਿ ਸਙ੍ਘਾਟਿਤੋ ਇਤਰੇ ਉਤ੍ਤਰਾਸਙ੍ਗਅਨ੍ਤਰવਾਸਕੇ।
346. ‘‘Ukkhittabhaṇḍikabhāvaṃ āpādite’’ti iminā ubbhaṇḍiteti ettha ukkhittaṃ bhaṇḍaṃ ubbhaṇḍaṃ, ubbhaṇḍabhāvaṃ itā āpāditāti ubbhaṇḍitāti vacanatthaṃ dasseti. Te ubbhaṇḍite bhikkhū addasāti yojanā. Bhisisaṅkhepenāti bhisiyaṃ pakkhepena, pavesenāti attho, bhisiākārenāti vuttaṃ hoti. Tatthāti dakkhiṇāgiriṃ. Gacchantā te bhikkhūti yojanā. ‘‘Aṭṭhapamāṇāsū’’ti iminā antaraṭṭhakāsūti ettha kapaccayo pamāṇatthe hotīti dasseti, kesuci potthakesu pamāṇasaddo na dissati, gaḷitoti daṭṭhabbo. Rattīsūti sambandho. Bhagavantanti ettha sampadānatthe upayogavacananti āha ‘‘bhagavato’’ti. Sītālukāti ettha sītaṃ pakati etesanti sītāluno , teyeva sītālukāti vacanatthaṃ dassento āha ‘‘sītapakatikā’’ti . Ye kulaputtā pakatiyāva sītena kilamanti, te sītālukā nāmāti yojanā. Ekacciyanti ettha ekaccasaddo ekapariyāyoti āha ‘‘ekaṃ paṭṭa’’nti. Iminā ekoyeva ekaccoti katvā sakatthe accapaccayoti dasseti. ‘‘Paṭṭa’’nti iminā ekaccena niyuttaṃ ekacciyanti vacanatthaṃ katvā niyuttatthe pavattassa iyapaccayassa sarūpaṃ dasseti. Itīti evaṃ. Bhagavā anujānātīti sambandho. Itareti saṅghāṭito itare uttarāsaṅgaantaravāsake.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੧੭. ਤਿਚੀવਰਾਨੁਜਾਨਨਾ • 217. Ticīvarānujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਤਿਚੀવਰਾਨੁਜਾਨਨਕਥਾ • Ticīvarānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਤਿਚੀવਰਾਨੁਜਾਨਨਕਥਾવਣ੍ਣਨਾ • Ticīvarānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
