Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā)

੪. ਤੀਹਿਧਮ੍ਮੇਹਿਸੁਤ੍ਤਾਦਿવਣ੍ਣਨਾ

4. Tīhidhammehisuttādivaṇṇanā

੨੮੩-੩੦੩. ਚਤੁਤ੍ਥੇ ਮਚ੍ਛੇਰਮਲਪਰਿਯੁਟ੍ਠਿਤੇਨਾਤਿ ਪੁਬ੍ਬਣ੍ਹਸਮਯਸ੍ਮਿਞ੍ਹਿ ਮਾਤੁਗਾਮੋ ਖੀਰਦਧਿਸਙ੍ਗੋਪਨਰਨ੍ਧਨਪਚਨਾਦੀਨਿ ਕਾਤੁਂ ਆਰਦ੍ਧੋ, ਪੁਤ੍ਤਕੇਹਿਪਿ ਯਾਚਿਯਮਾਨੋ ਕਿਞ੍ਚਿ ਦਾਤੁਂ ਨ ਇਚ੍ਛਤਿ। ਤੇਨੇਤਂ વੁਤ੍ਤਂ ‘‘ਪੁਬ੍ਬਣ੍ਹਸਮਯਂ ਮਚ੍ਛੇਰਮਲਪਰਿਯੁਟ੍ਠਿਤੇਨ ਚੇਤਸਾ’’ਤਿ। ਮਜ੍ਝਨ੍ਹਿਕਸਮਯੇ ਪਨ ਮਾਤੁਗਾਮੋ ਕੋਧਾਭਿਭੂਤੋવ ਹੋਤਿ, ਅਨ੍ਤੋਘਰੇ ਕਲਹਂ ਅਲਭਨ੍ਤੋ ਪਟਿવਿਸ੍ਸਕਘਰਮ੍ਪਿ ਗਨ੍ਤ੍વਾ ਕਲਹਂ ਕਰੋਤਿ, ਸਾਮਿਕਸ੍ਸ ਚ ਠਿਤਨਿਸਿਨ੍ਨਟ੍ਠਾਨਾਨਿ વਿਲੋਕੇਨ੍ਤੋ વਿਚਰਤਿ। ਤੇਨ વੁਤ੍ਤਂ ‘‘ਮਜ੍ਝਨ੍ਹਿਕਸਮਯਂ ਇਸ੍ਸਾਪਰਿਯੁਟ੍ਠਿਤੇਨ ਚੇਤਸਾ’’ਤਿ। ਸਾਯਨ੍ਹੇ ਪਨਸ੍ਸਾ ਅਸਦ੍ਧਮ੍ਮਪਟਿਸੇવਨਾਯ ਚਿਤ੍ਤਂ ਨਮਤਿ। ਤੇਨ વੁਤ੍ਤਂ ‘‘ਸਾਯਨ੍ਹਸਮਯਂ ਕਾਮਰਾਗਪਰਿਯੁਟ੍ਠਿਤੇਨ ਚੇਤਸਾ’’ਤਿ। ਪਞ੍ਚਮਾਦੀਨਿ ਉਤ੍ਤਾਨਤ੍ਥਾਨੇવ।

283-303. Catutthe maccheramalapariyuṭṭhitenāti pubbaṇhasamayasmiñhi mātugāmo khīradadhisaṅgopanarandhanapacanādīni kātuṃ āraddho, puttakehipi yāciyamāno kiñci dātuṃ na icchati. Tenetaṃ vuttaṃ ‘‘pubbaṇhasamayaṃ maccheramalapariyuṭṭhitena cetasā’’ti. Majjhanhikasamaye pana mātugāmo kodhābhibhūtova hoti, antoghare kalahaṃ alabhanto paṭivissakagharampi gantvā kalahaṃ karoti, sāmikassa ca ṭhitanisinnaṭṭhānāni vilokento vicarati. Tena vuttaṃ ‘‘majjhanhikasamayaṃ issāpariyuṭṭhitena cetasā’’ti. Sāyanhe panassā asaddhammapaṭisevanāya cittaṃ namati. Tena vuttaṃ ‘‘sāyanhasamayaṃ kāmarāgapariyuṭṭhitena cetasā’’ti. Pañcamādīni uttānatthāneva.

Next: ੩. ਬਲવਗ੍ਗੋ • 3. Balavaggo

ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਤੀਹਿਧਮ੍ਮੇਹਿਸੁਤ੍ਤਾਦਿવਣ੍ਣਨਾ • 4. Tīhidhammehisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact