| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਤਿਕਦੁਕਪਟ੍ਠਾਨવਣ੍ਣਨਾ
4. Tikadukapaṭṭhānavaṇṇanā
ਤਿਕਦੁਕਪਟ੍ਠਾਨੇਪਿ ਕੁਸਲਂ ਹੇਤੁਂ ਧਮ੍ਮਂ ਪਟਿਚ੍ਚ ਕੁਸਲੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾਤਿ ਪਞ੍ਹਾਮਤ੍ਤੁਦ੍ਧਾਰવਸੇਨੇવ ਦੇਸਨਾ ਕਤਾ। ਤਤ੍ਥ ਯਥਾ ਹੇਟ੍ਠਾ ਹੇਤੁਦੁਕੇਨ ਸਦ੍ਧਿਂ ਕੁਸਲਪਦਂ ਯੋਜੇਤ੍વਾ ਸਬ੍ਬਪਚ੍ਚਯવਸੇਨ ਸਬ੍ਬવਾਰੇਸੁ ਸਙ੍ਖੇਪਤੋ ਦੇਸਨਾ ਕਤਾ, ਏવਮਿਧ ਕੁਸਲਤ੍ਤਿਕੇਨ ਸਦ੍ਧਿਂ ਹੇਤੁਪਦਂ ਯੋਜੇਤ੍વਾ ਸਬ੍ਬਪਚ੍ਚਯવਸੇਨ ਸਬ੍ਬવਾਰੇਸੁ ਸਙ੍ਖੇਪਤੋ ਦੇਸਨਾ ਕਤਾ। ਯਥਾ ਚ ਹੇਤੁਪਦਂ, ਏવਂ ਨਹੇਤੁਪਦਮ੍ਪਿ ਕੁਸਲਤ੍ਤਿਕੇਨ ਸਦ੍ਧਿਂ ਯੋਜੇਤ੍વਾ ਕੁਸਲਤ੍ਤਿਕਹੇਤੁਦੁਕਂ ਨਿਟ੍ਠਾਪਿਤਂ। ਤਤੋ ਪਰਂ ਸੁਖਾਯ વੇਦਨਾਯ ਸਮ੍ਪਯੁਤ੍ਤਂ ਹੇਤੁਂ ਧਮ੍ਮਨ੍ਤਿਆਦਿਨਾ ਨਯੇਨ વੇਦਨਾਤ੍ਤਿਕਹੇਤੁਦੁਕਾਦੀਨਿ ਏਕવੀਸਤਿ ਤਿਕਦੁਕਾਨਿ ਦਸ੍ਸਿਤਾਨਿ।
Tikadukapaṭṭhānepi kusalaṃ hetuṃ dhammaṃ paṭicca kusalo hetu dhammo uppajjati hetupaccayāti pañhāmattuddhāravaseneva desanā katā. Tattha yathā heṭṭhā hetudukena saddhiṃ kusalapadaṃ yojetvā sabbapaccayavasena sabbavāresu saṅkhepato desanā katā, evamidha kusalattikena saddhiṃ hetupadaṃ yojetvā sabbapaccayavasena sabbavāresu saṅkhepato desanā katā. Yathā ca hetupadaṃ, evaṃ nahetupadampi kusalattikena saddhiṃ yojetvā kusalattikahetudukaṃ niṭṭhāpitaṃ. Tato paraṃ sukhāya vedanāya sampayuttaṃ hetuṃ dhammantiādinā nayena vedanāttikahetudukādīni ekavīsati tikadukāni dassitāni.
ਏવਂ ਬਾવੀਸਤਿਯਾ ਤਿਕੇਹਿ ਸਦ੍ਧਿਂ ਹੇਤੁਦੁਕਂ ਯੋਜੇਤ੍વਾ ਪੁਨ ਤੇਹਿਯੇવ ਸਦ੍ਧਿਂ ਸਹੇਤੁਕਦੁਕਾਦਯੋ ਸਰਣਦੁਕਪਰਿਯੋਸਾਨਾ ਲਬ੍ਭਮਾਨવਸੇਨ ਸਬ੍ਬਦੁਕਾ ਯੋਜਿਤਾ। ਇਧਾਪਿ ਯਂ ਯਂ ਪਦਂ ਯੋਜਨਂ ਨ ਗਚ੍ਛਤਿ, ਤਂ ਤਂ ਪਾਲ਼ਿਯਂਯੇવ ਪਟਿਕ੍ਖਿਤ੍ਤਂ। ਏવਂ ਦੁਕਸਤਂ ਗਹੇਤ੍વਾ ਦ੍વਾવੀਸਤਿਯਾ ਤਿਕੇਸੁ ਪਕ੍ਖਿਪਿਤ੍વਾ ਤਿਕਦੁਕਪਟ੍ਠਾਨਂ ਨਾਮ ਦੇਸਿਤਂ। ਤਤ੍ਰਾਪਿ ਯੇਨ ਯੇਨ ਨਯੇਨ ਪਾਲ਼ਿ ਸਙ੍ਖਿਤ੍ਤਾ, ਸੋ ਸੋ ਨਯੋ વਿਤ੍ਥਾਰਤੋ વੇਦਿਤਬ੍ਬੋ।
Evaṃ bāvīsatiyā tikehi saddhiṃ hetudukaṃ yojetvā puna tehiyeva saddhiṃ sahetukadukādayo saraṇadukapariyosānā labbhamānavasena sabbadukā yojitā. Idhāpi yaṃ yaṃ padaṃ yojanaṃ na gacchati, taṃ taṃ pāḷiyaṃyeva paṭikkhittaṃ. Evaṃ dukasataṃ gahetvā dvāvīsatiyā tikesu pakkhipitvā tikadukapaṭṭhānaṃ nāma desitaṃ. Tatrāpi yena yena nayena pāḷi saṅkhittā, so so nayo vitthārato veditabbo.
ਤਿਕਦੁਕਪਟ੍ਠਾਨવਣ੍ਣਨਾ।
Tikadukapaṭṭhānavaṇṇanā.
