| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
1. жид̇д̇уббаад̣̇аган̣д̣о
1. Cittuppādakaṇḍo
д̇игамаад̇игаабад̣̇аван̣н̣анаа
Tikamātikāpadavaṇṇanā
ид̣̇аани
Idāni
ид̇и мз бхаасамаанасса, абхид̇хаммагат̇ам̣ имам̣;
Iti me bhāsamānassa, abhidhammakathaṃ imaṃ;
авигкид̇д̇аа нисаамзт̇а, д̣̇уллабхаа хи аяам̣ гат̇аад̇и.
Avikkhittā nisāmetha, dullabhā hi ayaṃ kathāti.
звам̣ бадин̃н̃аад̇ааяа абхид̇хаммагат̇ааяа гат̇аногаасо самбад̇д̇о. д̇ад̇т̇а яасмаа абхид̇хаммо наама д̇хаммасан̇г̇ан̣ийаад̣̇ийни сад̇д̇аббагаран̣аани; д̇хаммасан̇г̇ан̣ийби жид̇д̇уббаад̣̇аган̣д̣аад̣̇ийнам̣ васзна жад̇д̇аари ган̣д̣аани; жид̇д̇уббаад̣̇аган̣д̣амби маад̇игаабад̣̇абхааж̇анийяавасзна д̣̇увид̇хам̣; д̇ад̇т̇а маад̇игаа аад̣̇и; сааби д̇игамаад̇игаа д̣̇угамаад̇игаад̇и д̣̇увид̇хаа; д̇ад̇т̇а д̇игамаад̇игаа аад̣̇и; д̇игамаад̇игааяаби гусалад̇д̇игам̣ гусалад̇д̇игзби гусалаа д̇хаммаад̇и ид̣̇ам̣ бад̣̇ам̣; д̇асмаа –
Evaṃ paṭiññātāya abhidhammakathāya kathanokāso sampatto. Tattha yasmā abhidhammo nāma dhammasaṅgaṇīādīni sattappakaraṇāni; dhammasaṅgaṇīpi cittuppādakaṇḍādīnaṃ vasena cattāri kaṇḍāni; cittuppādakaṇḍampi mātikāpadabhājanīyavasena duvidhaṃ; tattha mātikā ādi; sāpi tikamātikā dukamātikāti duvidhā; tattha tikamātikā ādi; tikamātikāyapi kusalattikaṃ kusalattikepi kusalā dhammāti idaṃ padaṃ; tasmā –
ид̇о бадтааяа г̇амбхийрам̣, абхид̇хаммагат̇ам̣ имам̣;
Ito paṭṭhāya gambhīraṃ, abhidhammakathaṃ imaṃ;
вужжамаанам̣ нисаамзт̇а, згаг̇г̇аа саад̇ху саад̇хавод̇и.
Vuccamānaṃ nisāmetha, ekaggā sādhu sādhavoti.
1. ‘‘гусалаа д̇хаммаа, агусалаа д̇хаммаа, аб̣яаагад̇аа д̇хаммаа’’д̇и аяам̣ д̇аава аад̣̇ибад̣̇зна лад̣̇д̇ханаамо гусалад̇д̇иго наама. ‘‘сукааяа взд̣̇анааяа самбаяуд̇д̇аа д̇хаммаа, д̣̇угкааяа взд̣̇анааяа самбаяуд̇д̇аа д̇хаммаа, ад̣̇угкамасукааяа взд̣̇анааяа самбаяуд̇д̇аа д̇хаммаа’’д̇и аяам̣ саб̣б̣абад̣̇зхи лад̣̇д̇ханаамо взд̣̇анаад̇д̇иго наама. звам̣ аад̣̇ибад̣̇авасзна ваа саб̣б̣абад̣̇авасзна ваа саб̣б̣зсамби д̇игад̣̇угаанам̣ наамам̣ взд̣̇ид̇аб̣б̣ам̣ . саб̣б̣зва жзд̇з бан̃жад̣̇асахи барижчзд̣̇зхи вавад̇т̇ид̇аа. д̇игаанан̃хи зго барижчзд̣̇о, д̣̇угаанам̣ жад̇уд̣̇д̣̇аса. ‘‘хзд̇уу д̇хаммаа, нахзд̇уу д̇хаммаа’’д̇иаад̣̇аяо хи ча д̣̇угаа г̇ант̇ад̇о жа ад̇т̇ад̇о жа ан̃н̃аман̃н̃асамб̣анд̇хзна ган̣н̣игаа вияа гхадаа вияа худ̇ваа тид̇ад̇д̇аа ‘хзд̇уг̇ожчаго’д̇и вужжад̇и. д̇ад̇о абарз ‘‘саббажжаяаа д̇хаммаа аббажжаяаа д̇хаммаа’’д̇иаад̣̇аяо сад̇д̇а д̣̇угаа, ан̃н̃аман̃н̃ам̣ асамб̣анд̇хаа, гзвалам̣ д̣̇угасааман̃н̃ад̇о ужжинид̇ваа ужжинид̇ваа висум̣ висум̣ г̇ожчаганд̇арз табид̇ад̇д̇аа ан̃н̃зхи жа маханд̇арад̣̇угзхи жуул̣агад̇д̇аа ‘жуул̣анд̇арад̣̇угаа’д̇и взд̣̇ид̇аб̣б̣аа. д̇ад̇о барам̣ аасавад̣̇угаад̣̇ийнам̣ чаннам̣ васзна ‘аасаваг̇ожчаго’ ; д̇ат̇аа сам̣яож̇анад̣̇угаад̣̇ийнам̣ васзна ‘сам̣яож̇анаг̇ожчаго’; д̇ат̇аа г̇ант̇аогхаяог̇анийваран̣ад̣̇угаад̣̇ийнам̣ васзна ‘г̇ант̇аогхаяог̇анийваран̣аг̇ожчагаа’; бараамаасад̣̇угаад̣̇ийнам̣ бан̃жаннам̣ васзна ‘бараамаасаг̇ожчаго’д̇и. саб̣б̣зби сад̇д̇а г̇ожчагаа взд̣̇ид̇аб̣б̣аа. д̇ад̇о барам̣ ‘‘саарамман̣аа д̇хаммаа’’д̇иаад̣̇аяо жад̇уд̣̇д̣̇аса д̣̇угаа ‘маханд̇арад̣̇угаа’ наама. д̇ад̇о убаад̣̇аанад̣̇угаад̣̇аяо ча д̣̇угаа ‘убаад̣̇аанаг̇ожчаго’ наама. д̇ад̇о гилзсад̣̇угаад̣̇аяо адта д̣̇угаа ‘гилзсаг̇ожчаго’ наама. д̇ад̇о барам̣ д̣̇ассанзнабахаад̇аб̣б̣ад̣̇угаад̣̇аяо адтаараса д̣̇угаа абхид̇хаммамаад̇игааяа барияосаанз табид̇ад̇д̇аа ‘бидтид̣̇угаа’ наама. ‘‘виж̇ж̇аабхааг̇ино д̇хаммаа авиж̇ж̇аабхааг̇ино д̇хаммаа’’д̇иаад̣̇аяо бана д̣̇ваажад̇д̇аалийса д̣̇угаа ‘суд̇д̇анд̇игад̣̇угаа’ наама. звам̣ саб̣б̣збзд̇з бан̃жад̣̇асахи барижчзд̣̇зхи вавад̇т̇ид̇аад̇и взд̣̇ид̇аб̣б̣аа.
1. ‘‘Kusalā dhammā, akusalā dhammā, abyākatā dhammā’’ti ayaṃ tāva ādipadena laddhanāmo kusalattiko nāma. ‘‘Sukhāya vedanāya sampayuttā dhammā, dukkhāya vedanāya sampayuttā dhammā, adukkhamasukhāya vedanāya sampayuttā dhammā’’ti ayaṃ sabbapadehi laddhanāmo vedanāttiko nāma. Evaṃ ādipadavasena vā sabbapadavasena vā sabbesampi tikadukānaṃ nāmaṃ veditabbaṃ . Sabbeva cete pañcadasahi paricchedehi vavatthitā. Tikānañhi eko paricchedo, dukānaṃ catuddasa. ‘‘Hetū dhammā, nahetū dhammā’’tiādayo hi cha dukā ganthato ca atthato ca aññamaññasambandhena kaṇṇikā viya ghaṭā viya hutvā ṭhitattā ‘hetugocchako’ti vuccati. Tato apare ‘‘sappaccayā dhammā appaccayā dhammā’’tiādayo satta dukā, aññamaññaṃ asambandhā, kevalaṃ dukasāmaññato uccinitvā uccinitvā visuṃ visuṃ gocchakantare ṭhapitattā aññehi ca mahantaradukehi cūḷakattā ‘cūḷantaradukā’ti veditabbā. Tato paraṃ āsavadukādīnaṃ channaṃ vasena ‘āsavagocchako’ ; tathā saṃyojanadukādīnaṃ vasena ‘saṃyojanagocchako’; tathā ganthaoghayoganīvaraṇadukādīnaṃ vasena ‘ganthaoghayoganīvaraṇagocchakā’; parāmāsadukādīnaṃ pañcannaṃ vasena ‘parāmāsagocchako’ti. Sabbepi satta gocchakā veditabbā. Tato paraṃ ‘‘sārammaṇā dhammā’’tiādayo catuddasa dukā ‘mahantaradukā’ nāma. Tato upādānadukādayo cha dukā ‘upādānagocchako’ nāma. Tato kilesadukādayo aṭṭha dukā ‘kilesagocchako’ nāma. Tato paraṃ dassanenapahātabbadukādayo aṭṭhārasa dukā abhidhammamātikāya pariyosāne ṭhapitattā ‘piṭṭhidukā’ nāma. ‘‘Vijjābhāgino dhammā avijjābhāgino dhammā’’tiādayo pana dvācattālīsa dukā ‘suttantikadukā’ nāma. Evaṃ sabbepete pañcadasahi paricchedehi vavatthitāti veditabbā.
звам̣ вавад̇т̇ид̇аа банзд̇з саббад̣̇зсаниббад̣̇зсавасзна д̣̇вз годтаасаа хонд̇и. д̇зсу хи нава д̇игаа згасад̇д̇ад̇и жа д̣̇угаа саббад̣̇зсаанам̣ руубааруубад̇хаммаанам̣ бариг̇г̇ахид̇ад̇д̇аа саббад̣̇зсаа наама. авасзсаа д̇зраса д̇игаа згасад̇д̇ад̇и жа д̣̇угаа ниббад̣̇зсаа наама. д̇ад̇т̇а д̇игзсу д̇аава взд̣̇анаад̇д̇иго вид̇аггад̇д̇иго бийд̇ид̇д̇иго уббаннад̇д̇иго ад̇ийд̇ад̇д̇иго жад̇д̇ааро аарамман̣ад̇д̇игаад̇и имз нава д̇игаа саббад̣̇зсаа наама. д̣̇угзсу хзд̇уг̇ожчагаад̣̇ийнам̣ убаад̣̇аанаг̇ожчагабарияосаанаанам̣ наваннам̣ г̇ожчагаанам̣ барияосаанз д̇аяо д̇аяо д̣̇угаа, гилзсаг̇ожчагабарияосаанз жад̇д̇ааро д̣̇угаа, ‘‘жид̇д̇асамбаяуд̇д̇аа д̇хаммаа, жид̇д̇авиббаяуд̇д̇аа д̇хаммаа’’‘‘жид̇д̇асам̣садтаа д̇хаммаа, жид̇д̇ависам̣садтаа д̇хаммаа’’д̇и д̣̇вз маханд̇арад̣̇угаа, суд̇д̇анд̇игад̣̇угзсу ад̇хиважанад̣̇угам̣ нируд̇д̇ид̣̇угам̣ бан̃н̃ад̇д̇ид̣̇угам̣ наамаруубад̣̇уганд̇и имз жад̇д̇ааро д̣̇угз табзд̇ваа авасзсаа адтад̇им̣са д̣̇угаа жаад̇и зд̇з саббад̣̇зсаа наама. вуд̇д̇аавасзсаа д̇игад̣̇угаа саб̣б̣зби ниббад̣̇зсаад̇и взд̣̇ид̇аб̣б̣аа.
Evaṃ vavatthitā panete sappadesanippadesavasena dve koṭṭhāsā honti. Tesu hi nava tikā ekasattati ca dukā sappadesānaṃ rūpārūpadhammānaṃ pariggahitattā sappadesā nāma. Avasesā terasa tikā ekasattati ca dukā nippadesā nāma. Tattha tikesu tāva vedanāttiko vitakkattiko pītittiko uppannattiko atītattiko cattāro ārammaṇattikāti ime nava tikā sappadesā nāma. Dukesu hetugocchakādīnaṃ upādānagocchakapariyosānānaṃ navannaṃ gocchakānaṃ pariyosāne tayo tayo dukā, kilesagocchakapariyosāne cattāro dukā, ‘‘cittasampayuttā dhammā, cittavippayuttā dhammā’’‘‘cittasaṃsaṭṭhā dhammā, cittavisaṃsaṭṭhā dhammā’’ti dve mahantaradukā, suttantikadukesu adhivacanadukaṃ niruttidukaṃ paññattidukaṃ nāmarūpadukanti ime cattāro duke ṭhapetvā avasesā aṭṭhatiṃsa dukā cāti ete sappadesā nāma. Vuttāvasesā tikadukā sabbepi nippadesāti veditabbā.
ид̣̇аани гусалаа д̇хаммаад̇иаад̣̇ийнам̣ маад̇игаабад̣̇аанам̣ аяаманубуб̣б̣абад̣̇аван̣н̣анаа – ‘гусала’-сад̣̇д̣̇о д̇аава аарог̇яаанаваж̇ж̇ачзгасукавибаагзсу д̣̇иссад̇и. аяан̃хи ‘‘гажжи ну бход̇о гусалам̣, гажжи бход̇о анаамаяа’’нд̇иаад̣̇ийсу (ж̇аа. 1.15.146; 2.20.129) аарог̇яз д̣̇иссад̇и. ‘‘гад̇амо бана, бханд̇з, гааяасамаажааро гусало? яо ко, махаарааж̇а, гааяасамаажааро анаваж̇ж̇о’’д̇и (ма. ни. 2.361) жа, ‘‘абарам̣ бана, бханд̇з, зд̇ад̣̇аануд̇д̇арияам̣ яат̇аа бхаг̇аваа д̇хаммам̣ д̣̇зсзд̇и гусалзсу д̇хаммзсуу’’д̇и (д̣̇ий. ни. 3.145) жа звамаад̣̇ийсу анаваж̇ж̇з. ‘‘гусало д̇вам̣ рат̇асса ан̇г̇абажжан̇г̇аанам̣’’ (ма. ни. 2.87), ‘‘гусалаа нажжаг̇ийд̇асса сигкид̇аа жаад̇урид̇т̇ияо’’д̇иаад̣̇ийсу (ж̇аа. 2.22.94) чзгз. ‘‘гусалаанам̣, бхигкавз, д̇хаммаанам̣ самаад̣̇аанахзд̇у’’ (д̣̇ий. ни. 3.80), ‘‘гусаласса гаммасса гад̇ад̇д̇аа убажид̇ад̇д̇аа’’д̇иаад̣̇ийсу (д̇ха. са. 431) сукавибаагз. свааяамид̇ха аарог̇язби анаваж̇ж̇зби сукавибаагзби вад̇д̇ад̇и.
Idāni kusalā dhammātiādīnaṃ mātikāpadānaṃ ayamanupubbapadavaṇṇanā – ‘kusala’-saddo tāva ārogyaanavajjachekasukhavipākesu dissati. Ayañhi ‘‘kacci nu bhoto kusalaṃ, kacci bhoto anāmaya’’ntiādīsu (jā. 1.15.146; 2.20.129) ārogye dissati. ‘‘Katamo pana, bhante, kāyasamācāro kusalo? Yo kho, mahārāja, kāyasamācāro anavajjo’’ti (ma. ni. 2.361) ca, ‘‘aparaṃ pana, bhante, etadānuttariyaṃ yathā bhagavā dhammaṃ deseti kusalesu dhammesū’’ti (dī. ni. 3.145) ca evamādīsu anavajje. ‘‘Kusalo tvaṃ rathassa aṅgapaccaṅgānaṃ’’ (ma. ni. 2.87), ‘‘kusalā naccagītassa sikkhitā cāturitthiyo’’tiādīsu (jā. 2.22.94) cheke. ‘‘Kusalānaṃ, bhikkhave, dhammānaṃ samādānahetu’’ (dī. ni. 3.80), ‘‘kusalassa kammassa katattā upacitattā’’tiādīsu (dha. sa. 431) sukhavipāke. Svāyamidha ārogyepi anavajjepi sukhavipākepi vattati.
д̇хаммасад̣̇д̣̇о банааяам̣ барияад̇д̇ихзд̇уг̇ун̣аниссад̇д̇аниж̇ж̇ийвад̇аад̣̇ийсу д̣̇иссад̇и. аяан̃хи ‘‘д̇хаммам̣ барияаабун̣аад̇и суд̇д̇ам̣ г̇зяяа’’нд̇иаад̣̇ийсу (а. ни. 4.102) барияад̇д̇ияам̣ д̣̇иссад̇и. ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 720) хзд̇умхи.
Dhammasaddo panāyaṃ pariyattihetuguṇanissattanijjīvatādīsu dissati. Ayañhi ‘‘dhammaṃ pariyāpuṇāti suttaṃ geyya’’ntiādīsu (a. ni. 4.102) pariyattiyaṃ dissati. ‘‘Hetumhi ñāṇaṃ dhammapaṭisambhidā’’tiādīsu (vibha. 720) hetumhi.
‘‘на хи д̇хаммо ад̇хаммо жа, убхо самавибаагино;
‘‘Na hi dhammo adhammo ca, ubho samavipākino;
ад̇хаммо нираяам̣ нзд̇и, д̇хаммо баабзд̇и суг̇г̇ад̇и’’нд̇и. (т̇зраг̇аа. 304; ж̇аа. 1.15.386) –
Adhammo nirayaṃ neti, dhammo pāpeti suggati’’nti. (theragā. 304; jā. 1.15.386) –
аад̣̇ийсу г̇ун̣з. ‘‘д̇асмим̣ ко бана самаяз д̇хаммаа хонд̇и’’ (д̇ха. са. 121), ‘‘д̇хаммзсу д̇хаммаанубассий вихарад̇ий’’д̇иаад̣̇ийсу (д̣̇ий. ни. 2.373) ниссад̇д̇аниж̇ж̇ийвад̇ааяам̣. свааяамид̇хааби ниссад̇д̇аниж̇ж̇ийвад̇ааяамзва ваддад̇и.
Ādīsu guṇe. ‘‘Tasmiṃ kho pana samaye dhammā honti’’ (dha. sa. 121), ‘‘dhammesu dhammānupassī viharatī’’tiādīsu (dī. ni. 2.373) nissattanijjīvatāyaṃ. Svāyamidhāpi nissattanijjīvatāyameva vaṭṭati.
важанад̇т̇о банзд̇т̇а – гужчид̇з баабагз д̇хаммз салаяанд̇и жалаяанд̇и гамбзнд̇и вид̣̇д̇хам̣сзнд̇ийд̇и гусалаа. гужчид̇зна ваа аагаарзна саяанд̇ийд̇и гусаа. д̇з агусаласан̇каад̇з гусз лунанд̇и чинд̣̇анд̇ийд̇и гусалаа. гужчид̇аанам̣ ваа саанад̇о д̇анугаран̣ад̇о осаанагаран̣ад̇о н̃аан̣ам̣ гусам̣ наама. д̇зна гусзна лаад̇аб̣б̣аад̇и гусалаа; г̇ахзд̇аб̣б̣аа бавад̇д̇зд̇аб̣б̣аад̇и ад̇т̇о. яат̇аа ваа гусаа убхаяабхааг̇аг̇ад̇ам̣ хад̇т̇аббад̣̇зсам̣ лунанд̇и, звамимзби уббаннаануббаннабхаавзна убхаяабхааг̇аг̇ад̇ам̣ гилзсабагкам̣ лунанд̇и. д̇асмаа гусаа вияа лунанд̇ийд̇иби гусалаа. ад̇д̇ано бана сабхаавам̣ д̇хаарзнд̇ийд̇и д̇хаммаа. д̇хаарияанд̇и ваа бажжаязхи, д̇хаарийяанд̇и ваа яат̇аасабхаавад̇од̇и д̇хаммаа. на гусалаа агусалаа. мид̇д̇абадибагкаа амид̇д̇аа вияа, лобхаад̣̇ибадибагкаа алобхаад̣̇аяо вияа жа, гусалабадибагкаад̇и ад̇т̇о. на б̣яаагад̇аад̇и аб̣яаагад̇аа, гусалаагусалабхаавзна агат̇ид̇аад̇и ад̇т̇о. д̇зсу бана анаваж̇ж̇асукавибаагалагкан̣аа гусалаа, сааваж̇ж̇ад̣̇угкавибаагалагкан̣аа агусалаа, авибаагалагкан̣аа аб̣яаагад̇аа.
Vacanattho panettha – kucchite pāpake dhamme salayanti calayanti kampenti viddhaṃsentīti kusalā. Kucchitena vā ākārena sayantīti kusā. Te akusalasaṅkhāte kuse lunanti chindantīti kusalā. Kucchitānaṃ vā sānato tanukaraṇato osānakaraṇato ñāṇaṃ kusaṃ nāma. Tena kusena lātabbāti kusalā; gahetabbā pavattetabbāti attho. Yathā vā kusā ubhayabhāgagataṃ hatthappadesaṃ lunanti, evamimepi uppannānuppannabhāvena ubhayabhāgagataṃ kilesapakkhaṃ lunanti. Tasmā kusā viya lunantītipi kusalā. Attano pana sabhāvaṃ dhārentīti dhammā. Dhāriyanti vā paccayehi, dhārīyanti vā yathāsabhāvatoti dhammā. Na kusalā akusalā. Mittapaṭipakkhā amittā viya, lobhādipaṭipakkhā alobhādayo viya ca, kusalapaṭipakkhāti attho. Na byākatāti abyākatā, kusalākusalabhāvena akathitāti attho. Tesu pana anavajjasukhavipākalakkhaṇā kusalā, sāvajjadukkhavipākalakkhaṇā akusalā, avipākalakkhaṇā abyākatā.
гим̣ банзд̇аани ‘гусалаа’д̇и ваа ‘д̇хаммаа’д̇и ваад̇иаад̣̇ийни згад̇т̇аани уд̣̇ааху наанад̇т̇аанийд̇и? гин̃жзд̇т̇а? яад̣̇и д̇аава згад̇т̇аани ‘гусалаа д̇хаммаа’д̇и ид̣̇ам̣ ‘гусалаагусалаа’д̇ивуд̇д̇асад̣̇исам̣ ход̇и. ат̇а наанад̇т̇аани д̇игад̣̇угаанам̣ чаггажад̇уггабхааво аабаж̇ж̇ад̇и бад̣̇аанан̃жа асамб̣анд̇хо.
Kiṃ panetāni ‘kusalā’ti vā ‘dhammā’ti vātiādīni ekatthāni udāhu nānatthānīti? Kiñcettha? Yadi tāva ekatthāni ‘kusalā dhammā’ti idaṃ ‘kusalākusalā’tivuttasadisaṃ hoti. Atha nānatthāni tikadukānaṃ chakkacatukkabhāvo āpajjati padānañca asambandho.
яат̇аа хи ‘гусалаа’ ‘руубам̣’‘жагкумаа’д̇и вуд̇д̇з ад̇т̇авасзна ан̃н̃аман̃н̃ам̣ анологзнд̇аанам̣ бад̣̇аанам̣ на гожи самб̣анд̇хо, звамид̇хааби бад̣̇аанам̣ асамб̣анд̇хо аабаж̇ж̇ад̇и. буб̣б̣аабарасамб̣анд̇харахид̇аани жа бад̣̇аани ниббаяож̇анаани наама хонд̇и. яааби жзсаа барад̇о ‘гад̇амз д̇хаммаа гусалаа’д̇и бужчаа, д̇ааяаби сад̣̇д̇хим̣ вирод̇хо аабаж̇ж̇ад̇и. нзва хи д̇хаммаа гусалаа; ат̇а жа банид̣̇ам̣ вужжад̇и – гад̇амз д̇хаммаа ‘гусалаа’д̇и. абаро наяо – яад̣̇и зд̇аани згад̇т̇аани, д̇ин̣н̣ам̣ ‘д̇хаммаанам̣’ згад̇д̇аа гусалаад̣̇ийнамби згад̇д̇ам̣ аабаж̇ж̇ад̇и. гусалаад̣̇ибараанан̃хи д̇ин̣н̣амби ‘д̇хаммаанам̣’ д̇хаммабхаавзна згад̇д̇ам̣. д̇асмаа д̇хаммад̇д̇аязна сад̣̇д̇хим̣ ад̇т̇ад̇о ниннаанад̇т̇аанам̣ гусалаад̣̇ийнамби згад̇д̇ам̣ аабаж̇ж̇ад̇и. ‘яад̣̇зва гусалам̣, д̇ам̣ агусалам̣, д̇ам̣ аб̣яаагад̇а’нд̇и. ‘ат̇ааби д̇ин̣н̣ам̣ д̇хаммаанам̣ згад̇д̇ам̣ на самбадижчат̇а, ан̃н̃ова гусалабаро д̇хаммо, ан̃н̃о агусалабаро д̇хаммо, ан̃н̃о аб̣яаагад̇абаро д̇хаммод̇и вад̣̇ат̇а, звам̣ санд̇з д̇хаммо наама бхааво, бхаавад̇о жа ан̃н̃о абхаавод̇и гусалабараа бхаавасан̇каад̇аа д̇хаммаа ан̃н̃о агусалабаро д̇хаммо абхааво сияаа, д̇ат̇аа аб̣яаагад̇абаро. д̇зхи жа ан̃н̃о гусалабароби. звам̣ абхаавад̇д̇ам̣ аабаннзхи д̇хаммзхи анан̃н̃з гусалаад̣̇аяоби абхаавааязва сияу’нд̇и.
Yathā hi ‘kusalā’ ‘rūpaṃ’‘cakkhumā’ti vutte atthavasena aññamaññaṃ anolokentānaṃ padānaṃ na koci sambandho, evamidhāpi padānaṃ asambandho āpajjati. Pubbāparasambandharahitāni ca padāni nippayojanāni nāma honti. Yāpi cesā parato ‘katame dhammā kusalā’ti pucchā, tāyapi saddhiṃ virodho āpajjati. Neva hi dhammā kusalā; atha ca panidaṃ vuccati – katame dhammā ‘kusalā’ti. Aparo nayo – yadi etāni ekatthāni, tiṇṇaṃ ‘dhammānaṃ’ ekattā kusalādīnampi ekattaṃ āpajjati. Kusalādiparānañhi tiṇṇampi ‘dhammānaṃ’ dhammabhāvena ekattaṃ. Tasmā dhammattayena saddhiṃ atthato ninnānatthānaṃ kusalādīnampi ekattaṃ āpajjati. ‘Yadeva kusalaṃ, taṃ akusalaṃ, taṃ abyākata’nti. ‘Athāpi tiṇṇaṃ dhammānaṃ ekattaṃ na sampaṭicchatha, aññova kusalaparo dhammo, añño akusalaparo dhammo, añño abyākataparo dhammoti vadatha, evaṃ sante dhammo nāma bhāvo, bhāvato ca añño abhāvoti kusalaparā bhāvasaṅkhātā dhammā añño akusalaparo dhammo abhāvo siyā, tathā abyākataparo. Tehi ca añño kusalaparopi. Evaṃ abhāvattaṃ āpannehi dhammehi anaññe kusalādayopi abhāvāyeva siyu’nti.
саб̣б̣амзд̇ам̣ агааран̣ам̣. гасмаа? яат̇аанумад̇ивохаарасид̣̇д̇хид̇од̇и. вохааро хи яат̇аа яат̇аа ад̇т̇зсу анумад̇о самбадижчид̇о д̇ат̇аа д̇ат̇зва сид̣̇д̇хо. на жааяам̣ ‘‘гусалаа д̇хаммаа’’д̇иаад̣̇ийсу гусалабуб̣б̣о д̇хаммаабхилаабо д̇хаммабаро жа гусалаабхилаабо, яат̇аа ‘гусалаа гусалаа’д̇и звам̣, ад̇д̇ано ад̇т̇ависзсаабхаавзна бан̣д̣ид̇зхи самбадижчид̇о; на жа ‘гусалаа’ ‘руубам̣’жагкумаасад̣̇д̣̇аа вияа ан̃н̃аман̃н̃ам̣ анологид̇ад̇т̇абхаавзна. ‘гусала’-сад̣̇д̣̇о банзд̇т̇а анаваж̇ж̇асукавибаагасан̇каад̇асса ад̇т̇асса ж̇од̇агабхаавзна самбадижчид̇о, ‘агусала’-сад̣̇д̣̇о сааваж̇ж̇ад̣̇угкавибаагад̇т̇аж̇од̇агад̇д̇зна, ‘аб̣яаагад̇а’-сад̣̇д̣̇о авибаагад̇т̇аж̇од̇агад̇д̇зна, ‘д̇хамма’-сад̣̇д̣̇о сабхаавад̇хааран̣аад̣̇иад̇т̇аж̇од̇агад̇д̇зна. со зд̇зсам̣ ан̃н̃ад̇араананд̇арз вужжамаано ад̇д̇ано ад̇т̇асааман̃н̃ам̣ д̣̇ийбзд̇и. саб̣б̣зва хи зд̇з сабхаавад̇хааран̣аад̣̇инаа лагкан̣зна д̇хаммаа. гусалаад̣̇исад̣̇д̣̇аа жааби д̇хаммасад̣̇д̣̇асса бурад̇о вужжамаанаа ад̇д̇ано ад̇д̇ано ад̇т̇ависзсам̣ д̇асса д̣̇ийбзнд̇и. д̇хаммо хи гусало ваа ход̇и агусало ваа аб̣яаагад̇о ваа. звамзд̇з висум̣ висум̣ вужжамаанаа ад̇д̇ано ад̇д̇ано ад̇т̇амад̇д̇ад̣̇ийбагад̇д̇зна самбадижчид̇аа. д̇хаммасад̣̇д̣̇зна саха вужжамаанаа ад̇д̇ано ад̇д̇ано ад̇т̇асааман̃н̃ам̣ ад̇т̇ависзсам̣ ваа д̣̇ийбагад̇д̇зна логз бан̣д̣ид̇зхи самбадижчид̇аа. д̇асмаа яад̣̇зд̇амзд̇т̇а згад̇т̇анаанаад̇т̇ад̇ам̣ вигаббзд̇ваа д̣̇осааробанагааран̣ам̣ вуд̇д̇ам̣ саб̣б̣амзд̇ам̣ агааран̣ам̣. аяам̣ д̇аава гусалад̇д̇игасса анубуб̣б̣абад̣̇аван̣н̣анаа. иминаава наязна сзсад̇игад̣̇угаанамби наяо взд̣̇ид̇аб̣б̣о. ид̇о барам̣ бана висзсамад̇д̇амзва вагкаама.
Sabbametaṃ akāraṇaṃ. Kasmā? Yathānumativohārasiddhitoti. Vohāro hi yathā yathā atthesu anumato sampaṭicchito tathā tatheva siddho. Na cāyaṃ ‘‘kusalā dhammā’’tiādīsu kusalapubbo dhammābhilāpo dhammaparo ca kusalābhilāpo, yathā ‘kusalā kusalā’ti evaṃ, attano atthavisesābhāvena paṇḍitehi sampaṭicchito; na ca ‘kusalā’ ‘rūpaṃ’cakkhumāsaddā viya aññamaññaṃ anolokitatthabhāvena. ‘Kusala’-saddo panettha anavajjasukhavipākasaṅkhātassa atthassa jotakabhāvena sampaṭicchito, ‘akusala’-saddo sāvajjadukkhavipākatthajotakattena, ‘abyākata’-saddo avipākatthajotakattena, ‘dhamma’-saddo sabhāvadhāraṇādiatthajotakattena. So etesaṃ aññatarānantare vuccamāno attano atthasāmaññaṃ dīpeti. Sabbeva hi ete sabhāvadhāraṇādinā lakkhaṇena dhammā. Kusalādisaddā cāpi dhammasaddassa purato vuccamānā attano attano atthavisesaṃ tassa dīpenti. Dhammo hi kusalo vā hoti akusalo vā abyākato vā. Evamete visuṃ visuṃ vuccamānā attano attano atthamattadīpakattena sampaṭicchitā. Dhammasaddena saha vuccamānā attano attano atthasāmaññaṃ atthavisesaṃ vā dīpakattena loke paṇḍitehi sampaṭicchitā. Tasmā yadetamettha ekatthanānātthataṃ vikappetvā dosāropanakāraṇaṃ vuttaṃ sabbametaṃ akāraṇaṃ. Ayaṃ tāva kusalattikassa anupubbapadavaṇṇanā. Imināva nayena sesatikadukānampi nayo veditabbo. Ito paraṃ pana visesamattameva vakkhāma.
2. сукааяа взд̣̇анааяаад̇иаад̣̇ийсу ‘сука’-сад̣̇д̣̇о д̇аава сукавзд̣̇анаасукамууласукаарамман̣асукахзд̇усукабажжаяадтаанааб̣яааб̣аж̇жханиб̣б̣аанаад̣̇ийсу д̣̇иссад̇и. аяан̃хи ‘‘сукасса жа бахаанаа’’д̇иаад̣̇ийсу (д̣̇ий. ни. 1.232) сукавзд̣̇анааяам̣ д̣̇иссад̇и. ‘‘суко б̣уд̣̇д̇хаанам̣ уббаад̣̇о’’ (д̇ха. ба. 194), ‘‘сукаа вирааг̇ад̇аа логз’’д̇иаад̣̇ийсу (уд̣̇аа. 11; махаава. 5) сукамуулз ‘‘яасмаа жа ко, махаали, руубам̣ сукам̣ сукаанубад̇ид̇ам̣ сукаавагганд̇а’’нд̇иаад̣̇ийсу (сам̣. ни. 3.60) сукаарамман̣з. ‘‘сукассзд̇ам̣, бхигкавз, ад̇хиважанам̣ яад̣̇ид̣̇ам̣ бун̃н̃ааний’’д̇иаад̣̇ийсу (а. ни. 7.62) сукахзд̇умхи. ‘‘яааван̃жид̣̇ам̣, бхигкавз, на сугарам̣ агкаанзна баабун̣ид̇ум̣ яаава сукаа саг̇г̇аа’’ (ма. ни. 3.255), ‘‘на д̇з сукам̣ баж̇аананд̇и яз на бассанд̇и нанд̣̇ана’’нд̇иаад̣̇ийсу (сам̣. ни. 1.11) сукабажжаяадтаанз. ‘‘д̣̇идтад̇хаммасукавихаараа зд̇з д̇хаммаа’’д̇иаад̣̇ийсу (ма. ни. 1.82) аб̣яааб̣аж̇жхз. ‘‘ниб̣б̣аанам̣ барамам̣ сука’’нд̇иаад̣̇ису (д̇ха. ба. 203-204) ниб̣б̣аанз. ид̇ха банааяам̣ сукавзд̣̇анааяамзва д̣̇адтаб̣б̣о. ‘взд̣̇анаа’-сад̣̇д̣̇о ‘‘вид̣̇ид̇аа взд̣̇анаа уббаж̇ж̇анд̇ий’’д̇иаад̣̇ийсу (ма. ни. 3.208) взд̣̇аяид̇асмим̣язва вад̇д̇ад̇и.
2. Sukhāya vedanāyātiādīsu ‘sukha’-saddo tāva sukhavedanāsukhamūlasukhārammaṇasukhahetusukhapaccayaṭṭhānaabyābajjhanibbānādīsu dissati. Ayañhi ‘‘sukhassa ca pahānā’’tiādīsu (dī. ni. 1.232) sukhavedanāyaṃ dissati. ‘‘Sukho buddhānaṃ uppādo’’ (dha. pa. 194), ‘‘sukhā virāgatā loke’’tiādīsu (udā. 11; mahāva. 5) sukhamūle ‘‘yasmā ca kho, mahāli, rūpaṃ sukhaṃ sukhānupatitaṃ sukhāvakkanta’’ntiādīsu (saṃ. ni. 3.60) sukhārammaṇe. ‘‘Sukhassetaṃ, bhikkhave, adhivacanaṃ yadidaṃ puññānī’’tiādīsu (a. ni. 7.62) sukhahetumhi. ‘‘Yāvañcidaṃ, bhikkhave, na sukaraṃ akkhānena pāpuṇituṃ yāva sukhā saggā’’ (ma. ni. 3.255), ‘‘na te sukhaṃ pajānanti ye na passanti nandana’’ntiādīsu (saṃ. ni. 1.11) sukhapaccayaṭṭhāne. ‘‘Diṭṭhadhammasukhavihārā ete dhammā’’tiādīsu (ma. ni. 1.82) abyābajjhe. ‘‘Nibbānaṃ paramaṃ sukha’’ntiādisu (dha. pa. 203-204) nibbāne. Idha panāyaṃ sukhavedanāyameva daṭṭhabbo. ‘Vedanā’-saddo ‘‘viditā vedanā uppajjantī’’tiādīsu (ma. ni. 3.208) vedayitasmiṃyeva vattati.
‘д̣̇угка’-сад̣̇д̣̇о д̣̇угкавзд̣̇анаад̣̇угкавад̇т̇уд̣̇угкаарамман̣ад̣̇угкабажжаяад̣̇угкабажжаяадтаанаад̣̇ийсу д̣̇иссад̇и. аяан̃хи ‘‘д̣̇угкасса жа бахаанаа’’д̇иаад̣̇ийсу д̣̇угкавзд̣̇анааяам̣ д̣̇иссад̇и. ‘‘ж̇аад̇иби д̣̇угкаа’’д̇иаад̣̇ийсу (д̣̇ий. ни. 2.387; вибха. 190) д̣̇угкавад̇т̇усмим̣. ‘‘яасмаа жа ко, махаали, руубам̣ д̣̇угкам̣ д̣̇угкаанубад̇ид̇ам̣ д̣̇угкаавагганд̇а’’нд̇иаад̣̇ийсу д̣̇угкаарамман̣з. ‘‘д̣̇угко баабасса ужжаяо’’д̇иаад̣̇ийсу (д̇ха. ба. 117) д̣̇угкабажжаяз. ‘‘яааван̃жид̣̇ам̣, бхигкавз, на сугарам̣ агкаанзна баабун̣ид̇ум̣ яаава д̣̇угкаа нираяаа’’д̇иаад̣̇ийсу (ма. ни. 3.250) д̣̇угкабажжаяадтаанз. ид̇ха банааяам̣ д̣̇угкавзд̣̇анааяамзва д̣̇адтаб̣б̣о.
‘Dukkha’-saddo dukkhavedanādukkhavatthudukkhārammaṇadukkhapaccayadukkhapaccayaṭṭhānādīsu dissati. Ayañhi ‘‘dukkhassa ca pahānā’’tiādīsu dukkhavedanāyaṃ dissati. ‘‘Jātipi dukkhā’’tiādīsu (dī. ni. 2.387; vibha. 190) dukkhavatthusmiṃ. ‘‘Yasmā ca kho, mahāli, rūpaṃ dukkhaṃ dukkhānupatitaṃ dukkhāvakkanta’’ntiādīsu dukkhārammaṇe. ‘‘Dukkho pāpassa uccayo’’tiādīsu (dha. pa. 117) dukkhapaccaye. ‘‘Yāvañcidaṃ, bhikkhave, na sukaraṃ akkhānena pāpuṇituṃ yāva dukkhā nirayā’’tiādīsu (ma. ni. 3.250) dukkhapaccayaṭṭhāne. Idha panāyaṃ dukkhavedanāyameva daṭṭhabbo.
важанад̇т̇о банзд̇т̇а – сукаяад̇ийд̇и сукаа. д̣̇угкаяад̇ийд̇и д̣̇угкаа. на д̣̇угкаа на сукаад̇и ад̣̇угкамасукаа. ‘ма-гааро бад̣̇асанд̇хивасзна вуд̇д̇о. саб̣б̣ааби аарамман̣арасам̣ взд̣̇аяанд̇и анубхаванд̇ийд̇и взд̣̇анаа. д̇аасу идтаанубхаваналагкан̣аа сукаа, анидтаанубхаваналагкан̣аа д̣̇угкаа, убхаяавибарийд̇аанубхаваналагкан̣аа ад̣̇угкамасукаа. яобанааяам̣ д̇ийсуби бад̣̇зсу ‘самбаяуд̇д̇а’-сад̣̇д̣̇о, д̇ассад̇т̇о – самам̣ багаарзхи яуд̇д̇аад̇и самбаяуд̇д̇аа. гад̇арзхи багаарзхийд̇и? згуббаад̣̇ад̇аад̣̇ийхи. ‘‘над̇т̇и гзжи д̇хаммаа гзхижи д̇хаммзхи самбаяуд̇д̇аад̇и? ааманд̇аа’’д̇и хи имасса бан̃хасса бадигкзбз ‘‘нану ад̇т̇и гзжи д̇хаммаа гзхижи д̇хаммзхи сахаг̇ад̇аа сахаж̇аад̇аа сам̣садтаа згуббаад̣̇аа зганирод̇хаа згавад̇т̇угаа згаарамман̣аа’’д̇и (гат̇аа. 473) звам̣ згуббаад̣̇ад̇аад̣̇ийнам̣ васзна самбаяог̇ад̇т̇о вуд̇д̇о. ид̇и имзхи згуббаад̣̇ад̇аад̣̇ийхи самам̣ багаарзхи яуд̇д̇аад̇и самбаяуд̇д̇аа.
Vacanattho panettha – sukhayatīti sukhā. Dukkhayatīti dukkhā. Na dukkhā na sukhāti adukkhamasukhā. ‘Ma-kāro padasandhivasena vutto. Sabbāpi ārammaṇarasaṃ vedayanti anubhavantīti vedanā. Tāsu iṭṭhānubhavanalakkhaṇā sukhā, aniṭṭhānubhavanalakkhaṇā dukkhā, ubhayaviparītānubhavanalakkhaṇā adukkhamasukhā. Yopanāyaṃ tīsupi padesu ‘sampayutta’-saddo, tassattho – samaṃ pakārehi yuttāti sampayuttā. Katarehi pakārehīti? Ekuppādatādīhi. ‘‘Natthi keci dhammā kehici dhammehi sampayuttāti? Āmantā’’ti hi imassa pañhassa paṭikkhepe ‘‘nanu atthi keci dhammā kehici dhammehi sahagatā sahajātā saṃsaṭṭhā ekuppādā ekanirodhā ekavatthukā ekārammaṇā’’ti (kathā. 473) evaṃ ekuppādatādīnaṃ vasena sampayogattho vutto. Iti imehi ekuppādatādīhi samaṃ pakārehi yuttāti sampayuttā.
3. вибаагад̇д̇игз ан̃н̃аман̃н̃ависидтаанам̣ гусалаагусалаанам̣ баагаад̇и вибаагаа. вибаггабхаавамаабаннаанам̣ аруубад̇хаммаанамзд̇ам̣ ад̇хиважанам̣. вибаагад̇хаммад̇хаммаад̇и вибаагасабхаавад̇хаммаа. яат̇аа ж̇аад̇иж̇араасабхааваа ж̇аад̇иж̇араабагад̇игаа сад̇д̇аа ж̇аад̇ид̇хаммаа ж̇араад̇хаммаад̇и вужжанд̇и звам̣ вибаагаж̇анагадтзна вибаагасабхааваа вибаагабагад̇игаа д̇хаммаад̇и ад̇т̇о. д̇ад̇ияабад̣̇ам̣ убхаяасабхаавабадигкзбавасзна вуд̇д̇ам̣.
3. Vipākattike aññamaññavisiṭṭhānaṃ kusalākusalānaṃ pākāti vipākā. Vipakkabhāvamāpannānaṃ arūpadhammānametaṃ adhivacanaṃ. Vipākadhammadhammāti vipākasabhāvadhammā. Yathā jātijarāsabhāvā jātijarāpakatikā sattā jātidhammā jarādhammāti vuccanti evaṃ vipākajanakaṭṭhena vipākasabhāvā vipākapakatikā dhammāti attho. Tatiyapadaṃ ubhayasabhāvapaṭikkhepavasena vuttaṃ.
4. убаад̣̇иннубаад̣̇аанияад̇д̇игз аарамман̣агаран̣авасзна д̇ан̣хаад̣̇идтийхи убзд̇зна гаммунаа аад̣̇иннаа, палабхаавзна г̇ахид̇аад̇и убаад̣̇иннаа. аарамман̣абхаавам̣ убаг̇анд̇ваа убаад̣̇аанасамб̣анд̇хзна убаад̣̇аанаанам̣ хид̇аад̇и убаад̣̇аанияаа. убаад̣̇аанасса аарамман̣абажжаяабхууд̇аанамзд̇ам̣ ад̇хиважанам̣. убаад̣̇ин̣н̣аа жа д̇з убаад̣̇аанияаа жаад̇и убаад̣̇ин̣н̣убаад̣̇аанияаа; саасавагамманиб̣б̣ад̇д̇аанам̣ руубааруубад̇хаммаанамзд̇ам̣ ад̇хиважанам̣. ид̇и иминаа наязна сзсабад̣̇ад̣̇ваязби бадисзд̇хасахид̇о ад̇т̇о взд̣̇ид̇аб̣б̣о.
4. Upādinnupādāniyattike ārammaṇakaraṇavasena taṇhādiṭṭhīhi upetena kammunā ādinnā, phalabhāvena gahitāti upādinnā. Ārammaṇabhāvaṃ upagantvā upādānasambandhena upādānānaṃ hitāti upādāniyā. Upādānassa ārammaṇapaccayabhūtānametaṃ adhivacanaṃ. Upādiṇṇā ca te upādāniyā cāti upādiṇṇupādāniyā; sāsavakammanibbattānaṃ rūpārūpadhammānametaṃ adhivacanaṃ. Iti iminā nayena sesapadadvayepi paṭisedhasahito attho veditabbo.
5. сам̣гилидтасам̣гилзсигад̇д̇игз сам̣гилзсзд̇ийд̇и сам̣гилзсо, виб̣аад̇хад̇и, убад̇аабзд̇и жаад̇и ад̇т̇о. сам̣гилзсзна саманнааг̇ад̇аад̇и сам̣гилидтаа. ад̇д̇аанам̣ аарамман̣ам̣ гад̇ваа бавад̇д̇анзна сам̣гилзсам̣ араханд̇и , сам̣гилзсз ваа нияуд̇д̇аа, д̇асса аарамман̣абхааваанад̇иггаманад̇од̇и сам̣гилзсигаа. сам̣гилзсасса аарамман̣абажжаяабхууд̇аанамзд̇ам̣ ад̇хиважанам̣. сам̣гилидтаа жа д̇з сам̣гилзсигаа жаад̇и сам̣гилидтасам̣гилзсигаа. сзсабад̣̇ад̣̇ваяамби буримад̇д̇игз вуд̇д̇анаязнзва взд̣̇ид̇аб̣б̣ам̣.
5. Saṃkiliṭṭhasaṃkilesikattike saṃkilesetīti saṃkileso, vibādhati, upatāpeti cāti attho. Saṃkilesena samannāgatāti saṃkiliṭṭhā. Attānaṃ ārammaṇaṃ katvā pavattanena saṃkilesaṃ arahanti , saṃkilese vā niyuttā, tassa ārammaṇabhāvānatikkamanatoti saṃkilesikā. Saṃkilesassa ārammaṇapaccayabhūtānametaṃ adhivacanaṃ. Saṃkiliṭṭhā ca te saṃkilesikā cāti saṃkiliṭṭhasaṃkilesikā. Sesapadadvayampi purimattike vuttanayeneva veditabbaṃ.
6. вид̇аггад̇д̇игз самбаяог̇авасзна вад̇д̇амаанзна саха вид̇аггзна савид̇аггаа. саха вижаарзна савижаараа. савид̇аггаа жа д̇з савижаараа жаад̇и савид̇аггасавижаараа. убхаяарахид̇аа авид̇аггаавижаараа. вид̇аггавижаарзсу вижаарова мад̇д̇аа, бамаан̣ам̣, зд̇зсанд̇и вижаарамад̇д̇аа. вижаарад̇о уд̇д̇ари вид̇аггзна сад̣̇д̇хим̣ самбаяог̇ам̣ на г̇ажчанд̇ийд̇и ад̇т̇о. авид̇аггаа жа д̇з вижаарамад̇д̇аа жаад̇и авид̇аггавижаарамад̇д̇аа.
6. Vitakkattike sampayogavasena vattamānena saha vitakkena savitakkā. Saha vicārena savicārā. Savitakkā ca te savicārā cāti savitakkasavicārā. Ubhayarahitā avitakkaavicārā. Vitakkavicāresu vicārova mattā, pamāṇaṃ, etesanti vicāramattā. Vicārato uttari vitakkena saddhiṃ sampayogaṃ na gacchantīti attho. Avitakkā ca te vicāramattā cāti avitakkavicāramattā.
7. бийд̇ид̇д̇игз бийд̇ияаа саха згуббаад̣̇аад̣̇ибхаавам̣ г̇ад̇аад̇и бийд̇исахаг̇ад̇аа, бийд̇исамбаяуд̇д̇аад̇и ад̇т̇о. сзсабад̣̇ад̣̇ваязби зсзва наяо. убзгкаад̇и жзд̇т̇а ад̣̇угкамасукаа взд̣̇анаа вуд̇д̇аа. саа хи сукад̣̇угкаагаараббавад̇д̇им̣ убзгкад̇и, маж̇жхад̇д̇аагаарасан̣тид̇ад̇д̇аа д̇знаагаарзна бавад̇д̇ад̇ийд̇и убзгкаа. ид̇и взд̣̇анаад̇д̇игад̇о бад̣̇ад̣̇ваяамзва г̇ахзд̇ваа ниббийд̇игасса сукасса саббийд̇игасукад̇о висзсад̣̇ассанавасзна аяам̣ д̇иго вуд̇д̇о.
7. Pītittike pītiyā saha ekuppādādibhāvaṃ gatāti pītisahagatā, pītisampayuttāti attho. Sesapadadvayepi eseva nayo. Upekkhāti cettha adukkhamasukhā vedanā vuttā. Sā hi sukhadukkhākārappavattiṃ upekkhati, majjhattākārasaṇṭhitattā tenākārena pavattatīti upekkhā. Iti vedanāttikato padadvayameva gahetvā nippītikassa sukhassa sappītikasukhato visesadassanavasena ayaṃ tiko vutto.
8. д̣̇ассанад̇д̇игз д̣̇ассанзнаад̇и сод̇аабад̇д̇имаг̇г̇зна. со хи батамам̣ ниб̣б̣аанам̣ д̣̇ассанад̇о д̣̇ассананд̇и вуд̇д̇о. г̇од̇рабху бана гин̃жааби батамад̇арам̣ бассад̇и, яат̇аа бана ран̃н̃о санд̇игам̣ гзнажид̣̇зва гаран̣ийязна ааг̇ад̇о бурисо д̣̇уурад̇ова рат̇игааяа жаранд̇ам̣ хад̇т̇игканд̇хаг̇ад̇ам̣ рааж̇аанам̣ д̣̇исвааби ‘д̣̇идто д̇з рааж̇аа’д̇и будто д̣̇исвааби гад̇д̇аб̣б̣агижжасса агад̇ад̇д̇аа ‘на бассаамий’д̇и ааха. звамзва ниб̣б̣аанам̣ д̣̇исвааби гад̇д̇аб̣б̣асса гилзсаббахаанассаабхааваа на д̣̇ассананд̇и вужжад̇и. д̇ан̃хи н̃аан̣ам̣ маг̇г̇асса ааваж̇ж̇анадтаанз д̇идтад̇и. бхааванааяаад̇и сзсамаг̇г̇ад̇д̇аязна. сзсамаг̇г̇ад̇д̇аяан̃хи батамамаг̇г̇зна д̣̇идтасмим̣язва д̇хаммз бхааванаавасзна уббаж̇ж̇ад̇и, ад̣̇идтабуб̣б̣ам̣ гин̃жи на бассад̇и, д̇асмаа бхааванаад̇и вужжад̇и. д̇ад̇ияабад̣̇ам̣ убхаяабадигкзбавасзна вуд̇д̇ам̣.
8. Dassanattike dassanenāti sotāpattimaggena. So hi paṭhamaṃ nibbānaṃ dassanato dassananti vutto. Gotrabhu pana kiñcāpi paṭhamataraṃ passati, yathā pana rañño santikaṃ kenacideva karaṇīyena āgato puriso dūratova rathikāya carantaṃ hatthikkhandhagataṃ rājānaṃ disvāpi ‘diṭṭho te rājā’ti puṭṭho disvāpi kattabbakiccassa akatattā ‘na passāmī’ti āha. Evameva nibbānaṃ disvāpi kattabbassa kilesappahānassābhāvā na dassananti vuccati. Tañhi ñāṇaṃ maggassa āvajjanaṭṭhāne tiṭṭhati. Bhāvanāyāti sesamaggattayena. Sesamaggattayañhi paṭhamamaggena diṭṭhasmiṃyeva dhamme bhāvanāvasena uppajjati, adiṭṭhapubbaṃ kiñci na passati, tasmā bhāvanāti vuccati. Tatiyapadaṃ ubhayapaṭikkhepavasena vuttaṃ.
9. д̇ад̣̇ананд̇арад̇д̇игз д̣̇ассанзна бахаад̇аб̣б̣о хзд̇у зд̇зсанд̇и д̣̇ассанзна бахаад̇аб̣б̣ахзд̇угаа. д̣̇уд̇ияабад̣̇зби зсзва наяо. д̇ад̇ияабад̣̇з нзва д̣̇ассанзна на бхааванааяа бахаад̇аб̣б̣о хзд̇у зд̇зсанд̇и звамад̇т̇ам̣ аг̇г̇ахзд̇ваа нзва д̣̇ассанзна на бхааванааяа бахаад̇аб̣б̣о хзд̇у зд̇зсам̣ ад̇т̇ийд̇и звамад̇т̇о г̇ахзд̇аб̣б̣о . ид̇арат̇аа хи ахзд̇угаанам̣ аг̇г̇ахан̣ам̣ бхавзяяа; хзд̇уязва хи д̇зсам̣ над̇т̇и яо д̣̇ассанабхааванаахи бахаад̇аб̣б̣о сияаа. сахзд̇угзсуби хзд̇уваж̇ж̇аанам̣ бахаанам̣ аабаж̇ж̇ад̇и, на хзд̇уунам̣; хзд̇уязва хи зд̇зсам̣ ‘нзва д̣̇ассанзна на бхааванааяа бахаад̇аб̣б̣о’д̇и вуд̇д̇о, на д̇з д̇хаммаа. убхаяамби жзд̇ам̣ анад̇хиббзд̇ам̣. д̇асмаа нзва д̣̇ассанзна на бхааванааяа бахаад̇аб̣б̣о хзд̇у зд̇зсам̣ ад̇т̇ийд̇и нзвад̣̇ассанзна набхааванааяа бахаад̇аб̣б̣ахзд̇угаад̇и аяамад̇т̇о г̇ахзд̇аб̣б̣о.
9. Tadanantarattike dassanena pahātabbo hetu etesanti dassanena pahātabbahetukā. Dutiyapadepi eseva nayo. Tatiyapade neva dassanena na bhāvanāya pahātabbo hetu etesanti evamatthaṃ aggahetvā neva dassanena na bhāvanāya pahātabbo hetu etesaṃ atthīti evamattho gahetabbo . Itarathā hi ahetukānaṃ aggahaṇaṃ bhaveyya; hetuyeva hi tesaṃ natthi yo dassanabhāvanāhi pahātabbo siyā. Sahetukesupi hetuvajjānaṃ pahānaṃ āpajjati, na hetūnaṃ; hetuyeva hi etesaṃ ‘neva dassanena na bhāvanāya pahātabbo’ti vutto, na te dhammā. Ubhayampi cetaṃ anadhippetaṃ. Tasmā neva dassanena na bhāvanāya pahātabbo hetu etesaṃ atthīti nevadassanena nabhāvanāya pahātabbahetukāti ayamattho gahetabbo.
10. аажаяаг̇аамид̇д̇игз гаммагилзсзхи аажияад̇ийд̇и аажаяо. бадисанд̇хижуд̇иг̇ад̇иббавад̇д̇аанам̣ зд̇ам̣ наамам̣. д̇асса гааран̣ам̣ худ̇ваа нибпаад̣̇анагабхаавзна д̇ам̣ аажаяам̣ г̇ажчанд̇и, яасса ваа бавад̇д̇анд̇и д̇ам̣ буг̇г̇алам̣ яат̇аавуд̇д̇амзва аажаяам̣ г̇амзнд̇ийд̇иби аажаяаг̇аамино; саасавагусалаагусалаанам̣ зд̇ам̣ ад̇хиважанам̣. д̇ад̇о зва аажаяасан̇каад̇аа жаяаа абзд̇ад̇д̇аа, ниб̣б̣аанам̣ абзд̇ам̣ жаяаад̇и абажаяо. д̇ам̣ аарамман̣ам̣ гад̇ваа бавад̇д̇анад̇о абажаяам̣ г̇ажчанд̇ийд̇и абажаяаг̇аамино; арияамаг̇г̇аанамзд̇ам̣ ад̇хиважанам̣. абижа баагаарам̣ идтагавад̣дхагий вияа бавад̇д̇ам̣ аажинанд̇аа г̇ажчанд̇ийд̇и аажаяаг̇аамино. д̇зна жид̇ам̣ жид̇ам̣ идтагам̣ вид̣̇д̇хам̣саяамаано бурисо вияа д̇ад̣̇зва бавад̇д̇ам̣ абажинанд̇аа г̇ажчанд̇ийд̇и абажаяаг̇аамино. д̇ад̇ияабад̣̇ам̣ убхаяабадигкзбзна вуд̇д̇ам̣.
10. Ācayagāmittike kammakilesehi āciyatīti ācayo. Paṭisandhicutigatippavattānaṃ etaṃ nāmaṃ. Tassa kāraṇaṃ hutvā nipphādanakabhāvena taṃ ācayaṃ gacchanti, yassa vā pavattanti taṃ puggalaṃ yathāvuttameva ācayaṃ gamentītipi ācayagāmino; sāsavakusalākusalānaṃ etaṃ adhivacanaṃ. Tato eva ācayasaṅkhātā cayā apetattā, nibbānaṃ apetaṃ cayāti apacayo. Taṃ ārammaṇaṃ katvā pavattanato apacayaṃ gacchantīti apacayagāmino; ariyamaggānametaṃ adhivacanaṃ. Apica pākāraṃ iṭṭhakavaḍḍhakī viya pavattaṃ ācinantā gacchantīti ācayagāmino. Tena citaṃ citaṃ iṭṭhakaṃ viddhaṃsayamāno puriso viya tadeva pavattaṃ apacinantā gacchantīti apacayagāmino. Tatiyapadaṃ ubhayapaṭikkhepena vuttaṃ.
11. сзгкад̇д̇игз д̇ийсу сигкаасу ж̇аад̇аад̇и сзгкаа. сад̇д̇аннам̣ сзгкаанам̣ зд̇зд̇иби сзгкаа. абарияосид̇асигкад̇д̇аа саяамзва сигканд̇ийд̇иби сзгкаа . убари сигкид̇аб̣б̣аабхаавад̇о на сзгкаад̇и асзгкаа. вуд̣дхиббад̇д̇аа ваа сзгкаад̇иби асзгкаа. арахад̇д̇апалад̇хаммаанам̣ зд̇ам̣ ад̇хиважанам̣. д̇ад̇ияабад̣̇ам̣ убхаяабадигкзбзна вуд̇д̇ам̣.
11. Sekkhattike tīsu sikkhāsu jātāti sekkhā. Sattannaṃ sekkhānaṃ etetipi sekkhā. Apariyositasikkhattā sayameva sikkhantītipi sekkhā. Upari sikkhitabbābhāvato na sekkhāti asekkhā. Vuḍḍhippattā vā sekkhātipi asekkhā. Arahattaphaladhammānaṃ etaṃ adhivacanaṃ. Tatiyapadaṃ ubhayapaṭikkhepena vuttaṃ.
12. барид̇д̇ад̇д̇игз саманд̇ад̇о кан̣д̣ид̇ад̇д̇аа аббамад̇д̇агам̣ барид̇д̇анд̇и вужжад̇и; ‘барид̇д̇ам̣ г̇омаяабин̣д̣а’нд̇иаад̣̇ийсу (сам̣. ни. 3.96) вияа. имзби аббаанубхаавад̇ааяа барид̇д̇аа вияаад̇и барид̇д̇аа; гаамааважарад̇хаммаанамзд̇ам̣ ад̇хиважанам̣. гилзсавигкамбханасамад̇т̇ад̇ааяа вибулапалад̇ааяа д̣̇ийгхасанд̇аанад̇ааяа жа маханд̇абхаавам̣ г̇ад̇аа, маханд̇зхи ваа ул̣ааражчанд̣̇авийрияажид̇д̇абан̃н̃зхи г̇ад̇аа бадибаннаад̇иби махаг̇г̇ад̇аа. бамаан̣агараа д̇хаммаа рааг̇аад̣̇аяо бамаан̣ам̣ наама. аарамман̣ад̇о ваа самбаяог̇ад̇о ваа над̇т̇и зд̇зсам̣ бамаан̣ам̣, бамаан̣асса жа бадибагкаад̇и аббамаан̣аа.
12. Parittattike samantato khaṇḍitattā appamattakaṃ parittanti vuccati; ‘parittaṃ gomayapiṇḍa’ntiādīsu (saṃ. ni. 3.96) viya. Imepi appānubhāvatāya parittā viyāti parittā; kāmāvacaradhammānametaṃ adhivacanaṃ. Kilesavikkhambhanasamatthatāya vipulaphalatāya dīghasantānatāya ca mahantabhāvaṃ gatā, mahantehi vā uḷāracchandavīriyacittapaññehi gatā paṭipannātipi mahaggatā. Pamāṇakarā dhammā rāgādayo pamāṇaṃ nāma. Ārammaṇato vā sampayogato vā natthi etesaṃ pamāṇaṃ, pamāṇassa ca paṭipakkhāti appamāṇā.
13. барид̇д̇аарамман̣ад̇д̇игз барид̇д̇ам̣ аарамман̣ам̣ зд̇зсанд̇и барид̇д̇аарамман̣аа. сзсабад̣̇ад̣̇ваязби зсзва наяо.
13. Parittārammaṇattike parittaṃ ārammaṇaṃ etesanti parittārammaṇā. Sesapadadvayepi eseva nayo.
14. хийнад̇д̇игз хийнаад̇и лаамагаа агусалаа д̇хаммаа. хийнаббан̣ийд̇аанам̣ маж̇жхз бхаваад̇и маж̇жхимаа. авасзсаа д̇збхуумагаа д̇хаммаа уд̇д̇амадтзна ад̇аббагадтзна жа бан̣ийд̇аа; логуд̇д̇араа д̇хаммаа.
14. Hīnattike hīnāti lāmakā akusalā dhammā. Hīnappaṇītānaṃ majjhe bhavāti majjhimā. Avasesā tebhūmakā dhammā uttamaṭṭhena atappakaṭṭhena ca paṇītā; lokuttarā dhammā.
15. мижчад̇д̇ад̇д̇игз ‘хид̇асукаавахаа мз бхависсанд̇ий’д̇и звам̣ аасийсид̇ааби д̇ат̇аа абхаавад̇о, ‘асубхаад̣̇ийсуязва субха’нд̇иаад̣̇и вибарийд̇аббавад̇д̇ид̇о жа мижчаасабхааваад̇и мижчад̇д̇аа; вибаагад̣̇аанз сад̇и канд̇хабхзд̣̇аананд̇арамзва вибаагад̣̇аанад̇о нияад̇аа; мижчад̇д̇аа жа д̇з нияад̇аа жаад̇и мижчад̇д̇анияад̇аа. вуд̇д̇авибарийд̇зна ад̇т̇зна саммаасабхааваад̇и саммад̇д̇аа; саммад̇д̇аа жа д̇з нияад̇аа жа ананд̇арамзва палад̣̇аанзнаад̇и саммад̇д̇анияад̇аа. убхаяат̇ааби на нияад̇аад̇и анияад̇аа.
15. Micchattattike ‘hitasukhāvahā me bhavissantī’ti evaṃ āsīsitāpi tathā abhāvato, ‘asubhādīsuyeva subha’ntiādi viparītappavattito ca micchāsabhāvāti micchattā; vipākadāne sati khandhabhedānantarameva vipākadānato niyatā; micchattā ca te niyatā cāti micchattaniyatā. Vuttaviparītena atthena sammāsabhāvāti sammattā; sammattā ca te niyatā ca anantarameva phaladānenāti sammattaniyatā. Ubhayathāpi na niyatāti aniyatā.
16. маг̇г̇аарамман̣ад̇д̇игз ниб̣б̣аанам̣ маг̇г̇ад̇и, г̇авзсад̇и, гилзсз ваа маарзнд̇о г̇ажчад̇ийд̇и маг̇г̇о. маг̇г̇о аарамман̣ам̣ зд̇зсанд̇и маг̇г̇аарамман̣аа. адтан̇г̇игоби маг̇г̇о бажжаяадтзна зд̇зсам̣ хзд̇ууд̇и маг̇г̇ахзд̇угаа. маг̇г̇асамбаяуд̇д̇аа ваа хзд̇уу маг̇г̇з ваа хзд̇ууд̇и маг̇г̇ахзд̇уу. д̇з зд̇зсам̣ хзд̇ууд̇иби маг̇г̇ахзд̇угаа. саммаад̣̇идти саяам̣ маг̇г̇о жзва хзд̇у жа. ид̇и маг̇г̇о хзд̇у зд̇зсанд̇иби маг̇г̇ахзд̇угаа. абхибхавид̇ваа бавад̇д̇анадтзна маг̇г̇о ад̇хибад̇и зд̇зсанд̇и маг̇г̇аад̇хибад̇ино.
16. Maggārammaṇattike nibbānaṃ maggati, gavesati, kilese vā mārento gacchatīti maggo. Maggo ārammaṇaṃ etesanti maggārammaṇā. Aṭṭhaṅgikopi maggo paccayaṭṭhena etesaṃ hetūti maggahetukā. Maggasampayuttā vā hetū magge vā hetūti maggahetū. Te etesaṃ hetūtipi maggahetukā. Sammādiṭṭhi sayaṃ maggo ceva hetu ca. Iti maggo hetu etesantipi maggahetukā. Abhibhavitvā pavattanaṭṭhena maggo adhipati etesanti maggādhipatino.
17. уббаннад̇д̇игз уббаад̣̇ад̇о бадтааяа яаава бхан̇г̇аа уд̣̇д̇хам̣ баннаа г̇ад̇аа бавад̇д̇аад̇и уббаннаа. на уббаннаад̇и ануббаннаа. баринидтид̇агааран̣згад̣̇зсад̇д̇аа авассам̣ уббаж̇ж̇иссанд̇ийд̇и уббаад̣̇ино.
17. Uppannattike uppādato paṭṭhāya yāva bhaṅgā uddhaṃ pannā gatā pavattāti uppannā. Na uppannāti anuppannā. Pariniṭṭhitakāraṇekadesattā avassaṃ uppajjissantīti uppādino.
18. ад̇ийд̇ад̇д̇игз ад̇д̇ано сабхаавам̣ уббаад̣̇аад̣̇игкан̣ам̣ ваа бад̇ваа ад̇игганд̇аад̇и ад̇ийд̇аа. д̇ад̣̇убхаяамби на ааг̇ад̇аад̇и анааг̇ад̇аа. д̇ам̣ д̇ам̣ гааран̣ам̣ бадижжа уббаннаад̇и бажжуббаннаа.
18. Atītattike attano sabhāvaṃ uppādādikkhaṇaṃ vā patvā atikkantāti atītā. Tadubhayampi na āgatāti anāgatā. Taṃ taṃ kāraṇaṃ paṭicca uppannāti paccuppannā.
19. ананд̇арад̇д̇игз ад̇ийд̇ам̣ аарамман̣ам̣ зд̇зсанд̇и ад̇ийд̇аарамман̣аа. сзсабад̣̇ад̣̇ваязби зсзва наяо.
19. Anantarattike atītaṃ ārammaṇaṃ etesanti atītārammaṇā. Sesapadadvayepi eseva nayo.
20. аж̇жхад̇д̇ад̇д̇игз ‘звам̣ бавад̇д̇амаанаа маяам̣ ад̇д̇аа’д̇и г̇ахан̣ам̣, ‘г̇амиссаамаа’д̇и иминаа вияа ад̇хиббааязна ад̇д̇аанам̣ ад̇хигаарам̣ гад̇ваа бавад̇д̇аад̇и аж̇жхад̇д̇аа. ‘аж̇жхад̇д̇а’-сад̣̇д̣̇о банааяам̣ г̇ожараж̇жхад̇д̇з нияагаж̇жхад̇д̇з аж̇жхад̇д̇аж̇жхад̇д̇з висаяаж̇жхад̇д̇зд̇и жад̇уусу ад̇т̇зсу д̣̇иссад̇и. ‘‘д̇знаананд̣̇а, бхигкунаа д̇асмим̣язва буримасмим̣ самаад̇хинимид̇д̇з аж̇жхад̇д̇амзва жид̇д̇ам̣ сан̣табзд̇аб̣б̣ам̣’’ (ма. ни. 3.188), ‘‘аж̇жхад̇д̇арад̇о самаахид̇о’’д̇иаад̣̇ийсу (д̇ха. ба. 362) хи аяам̣ г̇ожараж̇жхад̇д̇з д̣̇иссад̇и. ‘‘аж̇жхад̇д̇ам̣ самбасаад̣̇анам̣’’ (д̣̇ий. ни. 1.228; д̇ха. са. 161), ‘‘аж̇жхад̇д̇ам̣ ваа д̇хаммзсу д̇хаммаанубассий вихарад̇ий’’д̇иаад̣̇ийсу (д̣̇ий. ни. 2.373) нияагаж̇жхад̇д̇з. ‘‘ча аж̇жхад̇д̇игаани ааяад̇анааний’’д̇иаад̣̇ийсу (ма. ни. 3.304) аж̇жхад̇д̇аж̇жхад̇д̇з. ‘‘аяам̣ ко банаананд̣̇а, вихааро д̇ат̇ааг̇ад̇зна абхисамб̣уд̣̇д̇хо яад̣̇ид̣̇ам̣ саб̣б̣анимид̇д̇аанам̣ аманасигаараа аж̇жхад̇д̇ам̣ сун̃н̃ад̇ам̣ убасамбаж̇ж̇а вихарад̇ий’’д̇иаад̣̇ийсу (ма. ни. 3.187) висаяаж̇жхад̇д̇з; иссарияадтаанзд̇и ад̇т̇о. паласамаабад̇д̇и хи б̣уд̣̇д̇хаанам̣ иссарияадтаанам̣ наама. ид̇ха бана нияагаж̇жхад̇д̇з ад̇хиббзд̇о. д̇асмаа ад̇д̇ано санд̇аанз бавад̇д̇аа баадибуг̇г̇алигаа д̇хаммаа аж̇жхад̇д̇аад̇и взд̣̇ид̇аб̣б̣аа. д̇ад̇о б̣аахирабхууд̇аа бана инд̣̇рияаб̣ад̣̇д̇хаа ваа анинд̣̇рияаб̣ад̣̇д̇хаа ваа б̣ахид̣̇д̇хаа наама. д̇ад̇ияабад̣̇ам̣ д̇ад̣̇убхаяавасзна вуд̇д̇ам̣.
20. Ajjhattattike ‘evaṃ pavattamānā mayaṃ attā’ti gahaṇaṃ, ‘gamissāmā’ti iminā viya adhippāyena attānaṃ adhikāraṃ katvā pavattāti ajjhattā. ‘Ajjhatta’-saddo panāyaṃ gocarajjhatte niyakajjhatte ajjhattajjhatte visayajjhatteti catūsu atthesu dissati. ‘‘Tenānanda, bhikkhunā tasmiṃyeva purimasmiṃ samādhinimitte ajjhattameva cittaṃ saṇṭhapetabbaṃ’’ (ma. ni. 3.188), ‘‘ajjhattarato samāhito’’tiādīsu (dha. pa. 362) hi ayaṃ gocarajjhatte dissati. ‘‘Ajjhattaṃ sampasādanaṃ’’ (dī. ni. 1.228; dha. sa. 161), ‘‘ajjhattaṃ vā dhammesu dhammānupassī viharatī’’tiādīsu (dī. ni. 2.373) niyakajjhatte. ‘‘Cha ajjhattikāni āyatanānī’’tiādīsu (ma. ni. 3.304) ajjhattajjhatte. ‘‘Ayaṃ kho panānanda, vihāro tathāgatena abhisambuddho yadidaṃ sabbanimittānaṃ amanasikārā ajjhattaṃ suññataṃ upasampajja viharatī’’tiādīsu (ma. ni. 3.187) visayajjhatte; issariyaṭṭhāneti attho. Phalasamāpatti hi buddhānaṃ issariyaṭṭhānaṃ nāma. Idha pana niyakajjhatte adhippeto. Tasmā attano santāne pavattā pāṭipuggalikā dhammā ajjhattāti veditabbā. Tato bāhirabhūtā pana indriyabaddhā vā anindriyabaddhā vā bahiddhā nāma. Tatiyapadaṃ tadubhayavasena vuttaṃ.
21. ананд̇арад̇д̇иго д̇зязва д̇иббагаарзби д̇хаммз аарамман̣ам̣ гад̇ваа бавад̇д̇анавасзна вуд̇д̇о.
21. Anantarattiko teyeva tippakārepi dhamme ārammaṇaṃ katvā pavattanavasena vutto.
22. санид̣̇ассанад̇д̇игз д̣̇адтаб̣б̣абхаавасан̇каад̇зна саха нид̣̇ассанзнаад̇и санид̣̇ассанаа. бадихананабхаавасан̇каад̇зна саха бадигхзнаад̇и саббадигхаа. санид̣̇ассанаа жа д̇з саббадигхаа жаад̇и санид̣̇ассанасаббадигхаа. над̇т̇и зд̇зсам̣ д̣̇адтаб̣б̣абхаавасан̇каад̇ам̣ нид̣̇ассананд̇и анид̣̇ассанаа. анид̣̇ассанаа жа д̇з вуд̇д̇анаязнзва саббадигхаа жаад̇и анид̣̇ассанасаббадигхаа. д̇ад̇ияабад̣̇ам̣ убхаяабадигкзбзна вуд̇д̇ам̣. аяам̣ д̇аава д̇игамаад̇игааяа анубуб̣б̣абад̣̇аван̣н̣анаа.
22. Sanidassanattike daṭṭhabbabhāvasaṅkhātena saha nidassanenāti sanidassanā. Paṭihananabhāvasaṅkhātena saha paṭighenāti sappaṭighā. Sanidassanā ca te sappaṭighā cāti sanidassanasappaṭighā. Natthi etesaṃ daṭṭhabbabhāvasaṅkhātaṃ nidassananti anidassanā. Anidassanā ca te vuttanayeneva sappaṭighā cāti anidassanasappaṭighā. Tatiyapadaṃ ubhayapaṭikkhepena vuttaṃ. Ayaṃ tāva tikamātikāya anupubbapadavaṇṇanā.
д̇игамаад̇игаабад̣̇аван̣н̣анаа нидтид̇аа.
Tikamātikāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / 1. д̇игамаад̇игаа • 1. Tikamātikā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇игамаад̇игаабад̣̇аван̣н̣анаа • Tikamātikāpadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇игамаад̇игаабад̣̇аван̣н̣анаа • Tikamātikāpadavaṇṇanā
