Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā

    1. жид̇д̇уббаад̣̇аган̣д̣ам̣

    1. Cittuppādakaṇḍaṃ

    д̇игамаад̇игаабад̣̇аван̣н̣анаа

    Tikamātikāpadavaṇṇanā

    ид̣̇аани бадин̃н̃аад̇агат̇ам̣ гаад̇ум̣ ‘‘ид̣̇аани ид̇и мз…бз… гат̇аногаасо самбад̇д̇о’’д̇иаад̣̇имааха. ид̇о бадтааяаад̇и гусалад̇хаммабад̣̇ад̇о бадтааяа.

    Idāni paṭiññātakathaṃ kātuṃ ‘‘idāni iti me…pe… kathanokāso sampatto’’tiādimāha. Ito paṭṭhāyāti kusaladhammapadato paṭṭhāya.

    1. саб̣б̣абад̣̇зхи лад̣̇д̇ханаамод̇и д̇ийсуби бад̣̇зсу взд̣̇анаасад̣̇д̣̇асса виж̇ж̇амаанад̇д̇аа д̇зна лад̣̇д̇ханаамо саб̣б̣абад̣̇зхи лад̣̇д̇ханаамо ход̇и. нану сукааяа взд̣̇анааяа самбаяуд̇д̇аа д̇хаммаад̇и жад̇д̇аари бад̣̇аани, звам̣ сзсзсубийд̇и д̣̇ваад̣̇асзд̇аани бад̣̇аани, на д̇ийн̣ийд̇и взд̣̇анаасад̣̇д̣̇асса бад̣̇ад̇д̇аяааваяавад̇д̇ам̣ санд̇хааяа ‘‘саб̣б̣абад̣̇зхий’’д̇и вужжзяяа, на яуд̇д̇ам̣. ‘‘взд̣̇анааяаа’’д̇и хи висум̣ бад̣̇ам̣ на гассажи бад̣̇асса аваяаво ход̇и, нааби сукаад̣̇ибад̣̇абхаавам̣ бхаж̇ад̇ийд̇и д̇зна лад̣̇д̇ханаамо гат̇ам̣ саб̣б̣абад̣̇зхи лад̣̇д̇ханаамо сияаад̇и? ад̇хиббзд̇аббагаарад̇т̇аг̇амагасса бад̣̇асамуд̣̇ааяасса бад̣̇ад̇д̇аа. баж̇ж̇ад̇и аваб̣уж̇жхийяад̇и зд̇знаад̇и хи бад̣̇ам̣, ‘‘сукааяа взд̣̇анааяа самбаяуд̇д̇аа д̇хаммаа’’д̇и зд̇зна жа бад̣̇асамуд̣̇ааязна яат̇аад̇хиббзд̇о ад̇т̇о самад̇д̇о вин̃н̃ааяад̇и, д̇асмаа со бад̣̇асамуд̣̇ааяо ‘‘бад̣̇а’’нд̇и вужжад̇и. звам̣ ид̇арзби взд̣̇ид̇аб̣б̣аа. д̇асмаа д̇зсам̣ д̇ин̣н̣ам̣ самуд̣̇ааяаанам̣ аваяавзна лад̣̇д̇ханаамо саб̣б̣абад̣̇зхи лад̣̇д̇ханаамод̇и яуд̇д̇о.

    1. Sabbapadehi laddhanāmoti tīsupi padesu vedanāsaddassa vijjamānattā tena laddhanāmo sabbapadehi laddhanāmo hoti. Nanu sukhāya vedanāya sampayuttā dhammāti cattāri padāni, evaṃ sesesupīti dvādasetāni padāni, na tīṇīti vedanāsaddassa padattayāvayavattaṃ sandhāya ‘‘sabbapadehī’’ti vucceyya, na yuttaṃ. ‘‘Vedanāyā’’ti hi visuṃ padaṃ na kassaci padassa avayavo hoti, nāpi sukhādipadabhāvaṃ bhajatīti tena laddhanāmo kathaṃ sabbapadehi laddhanāmo siyāti? Adhippetappakāratthagamakassa padasamudāyassa padattā. Pajjati avabujjhīyati etenāti hi padaṃ, ‘‘sukhāya vedanāya sampayuttā dhammā’’ti etena ca padasamudāyena yathādhippeto attho samatto viññāyati, tasmā so padasamudāyo ‘‘pada’’nti vuccati. Evaṃ itarepi veditabbā. Tasmā tesaṃ tiṇṇaṃ samudāyānaṃ avayavena laddhanāmo sabbapadehi laddhanāmoti yutto.

    г̇ант̇ад̇о жа ад̇т̇ад̇о жаад̇и зд̇т̇а хзд̇убад̣̇асахзд̇угабад̣̇аад̣̇ийхи самб̣анд̇хад̇д̇аа г̇ант̇ад̇о жа хзд̇уад̇т̇асахзд̇угад̇т̇аад̣̇ийхи самб̣анд̇хад̇д̇аа ад̇т̇ад̇о жа ан̃н̃аман̃н̃асамб̣анд̇хо взд̣̇ид̇аб̣б̣о. сахзд̇угахзд̇усамбаяуд̇д̇ад̣̇угаа хи хзд̇уд̣̇угз хзд̇уухи самб̣анд̇хад̇д̇аа хзд̇уд̣̇угасамб̣анд̇хаа, хзд̇усахзд̇угад̣̇уго хзд̇уд̣̇угасахзд̇угад̣̇угасамб̣анд̇хо убхаязгабад̣̇авасзна. д̇ат̇аа хзд̇ухзд̇усамбаяуд̇д̇ад̣̇уго хзд̇уд̣̇угахзд̇усамбаяуд̇д̇ад̣̇угасамб̣анд̇хо , нахзд̇усахзд̇угад̣̇уго згад̣̇вибад̣̇авасзна хзд̇уд̣̇угасахзд̇угад̣̇угасамб̣анд̇ход̇и. ган̣н̣игаа вияаад̇и бубпамаяаган̣н̣игаа вияа. гхадаа вияаад̇и бубпахад̇т̇агаад̣̇ийсу бубпаад̣̇ийнам̣ самуухо вияа. ган̣н̣игаагхадаад̣̇ийсу хи бубпаад̣̇ийни ван̣даад̣̇ийхи ан̃н̃аман̃н̃асамб̣анд̇хаани хонд̇ийд̇и д̇ат̇аасамб̣анд̇хад̇аа зд̇зсам̣ д̣̇угаанам̣ вуд̇д̇аа. д̣̇угасааман̃н̃ад̇од̇и ан̃н̃зхи хзд̇уд̣̇угаад̣̇ийхи д̣̇угавасзна самаанабхааваа. ан̃н̃зхийд̇и саарамман̣ад̣̇угаад̣̇ийхи. асан̇г̇ахид̇о бад̣̇зсо язсам̣ ад̇т̇и, д̇з саббад̣̇зсаа. язсам̣ бана над̇т̇и, д̇з ниббад̣̇зсаа.

    Ganthato ca atthato cāti ettha hetupadasahetukapadādīhi sambandhattā ganthato ca hetuatthasahetukatthādīhi sambandhattā atthato ca aññamaññasambandho veditabbo. Sahetukahetusampayuttadukā hi hetuduke hetūhi sambandhattā hetudukasambandhā, hetusahetukaduko hetudukasahetukadukasambandho ubhayekapadavasena. Tathā hetuhetusampayuttaduko hetudukahetusampayuttadukasambandho , nahetusahetukaduko ekadvipadavasena hetudukasahetukadukasambandhoti. Kaṇṇikā viyāti pupphamayakaṇṇikā viya. Ghaṭā viyāti pupphahatthakādīsu pupphādīnaṃ samūho viya. Kaṇṇikāghaṭādīsu hi pupphādīni vaṇṭādīhi aññamaññasambandhāni hontīti tathāsambandhatā etesaṃ dukānaṃ vuttā. Dukasāmaññatoti aññehi hetudukādīhi dukavasena samānabhāvā. Aññehīti sārammaṇadukādīhi. Asaṅgahito padeso yesaṃ atthi, te sappadesā. Yesaṃ pana natthi, te nippadesā.

    ‘‘гажжи ну бход̇о гусала’’нд̇и звам̣ бужчид̇амзвад̇т̇ам̣ баагадам̣ гад̇ваа бужчид̇ум̣ ‘‘гажжи бход̇о анаамаяа’’нд̇и вуд̇д̇ам̣, д̇асмаа гусаласад̣̇д̣̇о анаамаяад̇т̇о ход̇и. б̣аахид̇игасуд̇д̇з (ма. ни. 2.361) бхаг̇авад̇о гааяасамаажаараад̣̇аяо ван̣н̣знд̇зна д̇хаммабхан̣д̣ааг̇ааригзна ‘‘яо ко, махаарааж̇а, гааяасамаажааро анаваж̇ж̇о’’д̇и гусало гааяасамаажааро вуд̇д̇о. на хи бхаг̇авад̇о сукавибаагам̣ гаммам̣ ад̇т̇ийд̇и саб̣б̣асааваж̇ж̇арахид̇аа гааяасамаажаараад̣̇аяо гусалаад̇и вуд̇д̇аа. гусалзсу д̇хаммзсууд̇и жа б̣од̇хибагкияад̇хаммаа ‘‘гусалаа’’д̇и вуд̇д̇аа. д̇з жа вибассанаамаг̇г̇апаласамбаяуд̇д̇аа на зганд̇зна сукавибаагааязваад̇и анаваж̇ж̇ад̇т̇о гусаласад̣̇д̣̇о. ан̇г̇абажжан̇г̇аананд̇и гусаласад̣̇д̣̇аяог̇зна бхуммад̇т̇з саамиважанам̣, ан̇г̇абажжан̇г̇аанам̣ ваа наамагирияаабаяож̇анаад̣̇ийсууд̇и ад̇т̇о. нажжаг̇ийд̇ассаад̇и жа саамиважанам̣ бхуммад̇т̇з, нажжаг̇ийд̇асса висзсзсууд̇и ваа яож̇зд̇аб̣б̣ам̣. гусалаанам̣ д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇ийд̇и бун̃н̃авибааганиб̣б̣ад̇д̇агагаммам̣ ‘‘гусала’’нд̇и вуд̇д̇ам̣. д̇хаммаа хонд̇ийд̇и сун̃н̃ад̇хаммад̇д̇аа сабхаавамад̇д̇аа хонд̇ийд̇и ад̇т̇о. звам̣ д̇хаммзсу д̇хаммаанубассийд̇и зд̇т̇ааби сун̃н̃ад̇ад̇т̇о д̇хаммасад̣̇д̣̇о д̣̇адтаб̣б̣о.

    ‘‘Kacci nu bhoto kusala’’nti evaṃ pucchitamevatthaṃ pākaṭaṃ katvā pucchituṃ ‘‘kacci bhoto anāmaya’’nti vuttaṃ, tasmā kusalasaddo anāmayattho hoti. Bāhitikasutte (ma. ni. 2.361) bhagavato kāyasamācārādayo vaṇṇentena dhammabhaṇḍāgārikena ‘‘yo kho, mahārāja, kāyasamācāro anavajjo’’ti kusalo kāyasamācāro vutto. Na hi bhagavato sukhavipākaṃ kammaṃ atthīti sabbasāvajjarahitā kāyasamācārādayo kusalāti vuttā. Kusalesu dhammesūti ca bodhipakkhiyadhammā ‘‘kusalā’’ti vuttā. Te ca vipassanāmaggaphalasampayuttā na ekantena sukhavipākāyevāti anavajjattho kusalasaddo. Aṅgapaccaṅgānanti kusalasaddayogena bhummatthe sāmivacanaṃ, aṅgapaccaṅgānaṃ vā nāmakiriyāpayojanādīsūti attho. Naccagītassāti ca sāmivacanaṃ bhummatthe, naccagītassa visesesūti vā yojetabbaṃ. Kusalānaṃ dhammānaṃ samādānahetu evamidaṃ puññaṃ pavaḍḍhatīti puññavipākanibbattakakammaṃ ‘‘kusala’’nti vuttaṃ. Dhammā hontīti suññadhammattā sabhāvamattā hontīti attho. Evaṃ dhammesu dhammānupassīti etthāpi suññatattho dhammasaddo daṭṭhabbo.

    салаяанд̇и…бз… вид̣̇д̇хам̣сзнд̇ийд̇и зд̇т̇а буримасса буримасса бажчимам̣ бажчимам̣ ад̇т̇аважанам̣. ат̇а ваа саланасса ад̇т̇ад̣̇ийбанаани жаланаад̣̇ийни д̇ийн̣и д̇ад̣̇ан̇г̇аббахаанаад̣̇ийхи яож̇зд̇аб̣б̣аани. аббахийнабхаавзна санд̇аанз саяамаанаа агусалаа д̇хаммаа рааг̇аад̣̇иасужисамбаяог̇ад̇о наанаавид̇хад̣̇угкахзд̇уд̇о жа гужчид̇зна аагаарзна саяанд̇и. н̃аан̣авиббаяуд̇д̇аанамби н̃аан̣ам̣ убаниссаяабажжаяо ход̇ийд̇и саб̣б̣зби гусалаа д̇хаммаа гусзна н̃аан̣зна бавад̇д̇зд̇аб̣б̣аад̇и гусалаа. уббаннам̣саануббаннам̣сабхааг̇зсу сан̇г̇ахид̇ад̇д̇аа убхаяабхааг̇аг̇ад̇ам̣ сам̣гилзсабагкам̣ бахаанаануббаад̣̇анзхи лунанд̇и саммаббад̇хаанад̣̇ваяам̣ вияа.

    Salayanti…pe… viddhaṃsentīti ettha purimassa purimassa pacchimaṃ pacchimaṃ atthavacanaṃ. Atha vā salanassa atthadīpanāni calanādīni tīṇi tadaṅgappahānādīhi yojetabbāni. Appahīnabhāvena santāne sayamānā akusalā dhammā rāgādiasucisampayogato nānāvidhadukkhahetuto ca kucchitena ākārena sayanti. Ñāṇavippayuttānampi ñāṇaṃ upanissayapaccayo hotīti sabbepi kusalā dhammā kusena ñāṇena pavattetabbāti kusalā. Uppannaṃsānuppannaṃsabhāgesu saṅgahitattā ubhayabhāgagataṃ saṃkilesapakkhaṃ pahānānuppādanehi lunanti sammappadhānadvayaṃ viya.

    сад̇д̇аад̣̇иг̇аахагаанам̣ жид̇д̇аанам̣ г̇ожараа сад̇д̇аад̣̇аяо вияа бан̃н̃ааяа убабаригкияамаанаа на ниссабхааваа, гинд̇у ад̇д̇ано сабхаавам̣ д̇хаарзнд̇ийд̇и д̇хаммаа. на жа д̇хаарияамаанасабхааваа ан̃н̃о д̇хаммо наама ад̇т̇и. на хи руббанаад̣̇ийхи ан̃н̃з руубаад̣̇аяо, гагкал̣аад̣̇ийхи жа ан̃н̃з бат̇авийаад̣̇аяо д̇хаммаа виж̇ж̇анд̇ийд̇и. ан̃н̃ат̇аа бана аваб̣од̇хзд̇ум̣ на саггаад̇и наамавасзна вин̃н̃аад̇аавин̃н̃аад̇з сабхаавад̇хаммз ан̃н̃з вияа гад̇ваа ‘‘ад̇д̇ано сабхаавам̣ д̇хаарзнд̇ий’’д̇и вуд̇д̇ам̣. саббажжаяад̇хаммзсу висзсам̣ д̣̇ассзнд̇о ‘‘д̇хаарийяанд̇и ваа бажжаязхий’’д̇и ааха. д̇хаарийяанд̇ийд̇и убад̇хаарийяанд̇и, лагкийяанд̇ийд̇и ад̇т̇о.

    Sattādigāhakānaṃ cittānaṃ gocarā sattādayo viya paññāya upaparikkhiyamānā na nissabhāvā, kintu attano sabhāvaṃ dhārentīti dhammā. Na ca dhāriyamānasabhāvā añño dhammo nāma atthi. Na hi ruppanādīhi aññe rūpādayo, kakkhaḷādīhi ca aññe pathavīādayo dhammā vijjantīti. Aññathā pana avabodhetuṃ na sakkāti nāmavasena viññātāviññāte sabhāvadhamme aññe viya katvā ‘‘attano sabhāvaṃ dhārentī’’ti vuttaṃ. Sappaccayadhammesu visesaṃ dassento ‘‘dhārīyanti vā paccayehī’’ti āha. Dhārīyantīti upadhārīyanti, lakkhīyantīti attho.

    агусалаад̇и гусалабадисзд̇ханамад̇д̇ам̣ гусалаабхаавамад̇д̇аважанам̣ д̇ад̣̇ан̃н̃амад̇д̇аважанам̣ ваа зд̇ам̣ на ход̇и, гинд̇у д̇аббадибагкаважананд̇и д̣̇ассзд̇ум̣ ‘‘мид̇д̇абадибагкаа амид̇д̇аа вияаа’’д̇иаад̣̇и вуд̇д̇ам̣. д̇аббадибагкаважанад̇аа жа аб̣яаагад̇ад̇ад̇ияараасиважанзна вин̃н̃ааяад̇и. яад̣̇и хи гусалаабхаавамад̇д̇аважанам̣ агусаласад̣̇д̣̇о, д̇зна на гожи д̇хаммо вуд̇д̇од̇и аб̣яаагад̇аважанзнзва жа д̇ад̇ияо рааси вуд̇д̇о на сияаа, гусалаа жзва д̇хаммаа аб̣яаагад̇аа жаад̇и д̣̇уговааяам̣ аабаж̇ж̇ад̇и, на д̇иго, зван̃жа сад̇и агусалаважанзна на гожи ад̇т̇о. ат̇а сияаа, ‘‘анаб̣яаагад̇аа’’д̇и жа вад̇д̇аб̣б̣ам̣ сияаа гусалаанам̣ вияа аб̣яаагад̇аанан̃жа абхаавамад̇д̇асамбхаваа, д̇асмаа абхаавамад̇д̇аважанз аб̣яаагад̇абхаавамад̇д̇ам̣ вияа гусалаабхаавамад̇д̇ам̣ агусалам̣ на гожи раасийд̇и ‘‘аб̣яаагад̇аа’’д̇и д̇ад̇ияо рааси на сияаа. д̇ад̇ияараасибхаавзна жа аб̣яаагад̇аа вуд̇д̇аад̇и агусало жа зго раасийд̇и вин̃н̃ааяад̇и. д̇асмаа наабхаававажанад̇аа, сабхаавад̇хааран̣аад̣̇иад̇т̇зна д̇хаммасад̣̇д̣̇зна самаанаад̇хигаран̣абхаавад̇о жа агусаласад̣̇д̣̇асса гусалаабхаавамад̇д̇аважанад̇аа на ход̇и, нааби д̇ад̣̇ан̃н̃амад̇д̇аважанад̇аа д̇ад̇ияараасиважанад̇о зва. яад̣̇и хи гусалзхи ан̃н̃з агусалаа жзд̇асигзхи ан̃н̃з ажзд̇асигаа вияа, гусалаагусалаважанзхи саб̣б̣зсам̣ д̇хаммаанам̣ сан̇г̇ахид̇ад̇д̇аа асан̇г̇ахид̇асса д̇ад̇ияараасисса абхааваа жзд̇асигад̣̇уго вияа аяан̃жа д̣̇уго вад̇д̇аб̣б̣о сияаа ‘‘гусалаа д̇хаммаа агусалаа д̇хаммаа’’д̇и, на ‘‘аб̣яаагад̇аа’’д̇и д̇ад̇ияо рааси вад̇д̇аб̣б̣о, вуд̇д̇о жа со, д̇асмаа на д̇ад̣̇ан̃н̃амад̇д̇аважанам̣ агусаласад̣̇д̣̇о, баарисзсзна д̇аббадибагкзсу а-гаарасса баяог̇ад̣̇ассанад̇о логз ‘‘амид̇д̇аа’’д̇и саасанз ‘‘алобхо’’д̇и ид̇хааби д̇аббадибагкаважанад̇аа агусаласад̣̇д̣̇асса сид̣̇д̇хаа, д̇ад̇т̇а нирул̣хад̇д̇аа жа на ид̇араважанад̇аа, д̇аббадибагкабхааво жа вируд̣̇д̇хасабхаавад̇д̇аа д̇аббахзяяабхаавад̇о жа взд̣̇ид̇аб̣б̣о, на гусалавинаасанад̇о. на хи гусалаа агусалзхи бахаад̇аб̣б̣аа, махааб̣алавад̇ааяа бана гусалааязва баяог̇анибпаад̣̇ид̇аа сад̣̇аанусаяид̇з агусалз д̇ад̣̇ан̇г̇авигкамбханасамужчзд̣̇авасзна баж̇аханд̇ийд̇и.

    Akusalāti kusalapaṭisedhanamattaṃ kusalābhāvamattavacanaṃ tadaññamattavacanaṃ vā etaṃ na hoti, kintu tappaṭipakkhavacananti dassetuṃ ‘‘mittapaṭipakkhā amittā viyā’’tiādi vuttaṃ. Tappaṭipakkhavacanatā ca abyākatatatiyarāsivacanena viññāyati. Yadi hi kusalābhāvamattavacanaṃ akusalasaddo, tena na koci dhammo vuttoti abyākatavacaneneva ca tatiyo rāsi vutto na siyā, kusalā ceva dhammā abyākatā cāti dukovāyaṃ āpajjati, na tiko, evañca sati akusalavacanena na koci attho. Atha siyā, ‘‘anabyākatā’’ti ca vattabbaṃ siyā kusalānaṃ viya abyākatānañca abhāvamattasambhavā, tasmā abhāvamattavacane abyākatabhāvamattaṃ viya kusalābhāvamattaṃ akusalaṃ na koci rāsīti ‘‘abyākatā’’ti tatiyo rāsi na siyā. Tatiyarāsibhāvena ca abyākatā vuttāti akusalo ca eko rāsīti viññāyati. Tasmā nābhāvavacanatā, sabhāvadhāraṇādiatthena dhammasaddena samānādhikaraṇabhāvato ca akusalasaddassa kusalābhāvamattavacanatā na hoti, nāpi tadaññamattavacanatā tatiyarāsivacanato eva. Yadi hi kusalehi aññe akusalā cetasikehi aññe acetasikā viya, kusalākusalavacanehi sabbesaṃ dhammānaṃ saṅgahitattā asaṅgahitassa tatiyarāsissa abhāvā cetasikaduko viya ayañca duko vattabbo siyā ‘‘kusalā dhammā akusalā dhammā’’ti, na ‘‘abyākatā’’ti tatiyo rāsi vattabbo, vutto ca so, tasmā na tadaññamattavacanaṃ akusalasaddo, pārisesena tappaṭipakkhesu a-kārassa payogadassanato loke ‘‘amittā’’ti sāsane ‘‘alobho’’ti idhāpi tappaṭipakkhavacanatā akusalasaddassa siddhā, tattha niruḷhattā ca na itaravacanatā, tappaṭipakkhabhāvo ca viruddhasabhāvattā tappaheyyabhāvato ca veditabbo, na kusalavināsanato. Na hi kusalā akusalehi pahātabbā, mahābalavatāya pana kusalāyeva payoganipphāditā sadānusayite akusale tadaṅgavikkhambhanasamucchedavasena pajahantīti.

    на б̣яаагад̇аад̇и агат̇ид̇аа. гат̇ам̣ банзд̇з агат̇ид̇аа хонд̇и, нану ‘‘сукааяа взд̣̇анааяа самбаяуд̇д̇аа’’д̇иаад̣̇ийхи д̇игад̣̇угабад̣̇зхи жагкувин̃н̃аан̣аад̣̇иважанзхи пассаад̣̇иважанзхи жа гат̇ид̇аад̇и? но на гат̇ид̇аа, д̇аани бана важанаани ид̇ха анад̇хиббзд̇аани авуд̇д̇ад̇д̇аа ананувад̇д̇анад̇о. на хи ‘‘сукааяа взд̣̇анааяа самбаяуд̇д̇аа д̇хаммаа’’д̇иаад̣̇им̣ вад̇ваа ‘‘аб̣яаагад̇аа’’д̇и вуд̇д̇ам̣, д̇асмаа на д̇аани ид̇ха анувад̇д̇анд̇ийд̇и д̇аб̣б̣ажанийяабхаавзна агат̇ид̇ад̇аа на ход̇и, гусалаагусалаважанаани бана ид̇ха вуд̇д̇ад̇д̇аа анувад̇д̇анд̇ийд̇и д̇аб̣б̣ажанийяабхаавзна агат̇ид̇ад̇аа н̃ааяад̇ийд̇и ‘‘гусалаагусалабхаавзна агат̇ид̇аад̇и ад̇т̇о’’д̇и ааха. на б̣яаагад̇аад̇и ваа авибаагаа, аб̣яаагад̇аважанзнзва жа авибаагад̇т̇аа н̃ааяанд̇и. на хи бхаг̇авад̇о важанам̣ н̃аабагасаад̇ханийяам̣, аасаяаанусаяажарияаад̣̇игусалзна бхаг̇авад̇аа язсам̣ аваб̣од̇ханад̇т̇ам̣ д̇хаммаа вуд̇д̇аа д̇зсам̣ важанаананд̇арам̣ д̇ад̣̇ад̇т̇абадивзд̇хад̇о, бажчимзхи бана яат̇аа д̇зсам̣ аваб̣од̇ханад̇т̇ам̣ бхаг̇авад̇аа д̇ам̣ д̇ам̣ важанам̣ вуд̇д̇ам̣, яат̇аа жа д̇зхи д̇ад̣̇ад̇т̇о бадивид̣̇д̇хо, д̇ам̣ саб̣б̣ам̣ аажарияз баяирубаасид̇ваа суд̇ваа взд̣̇ид̇аб̣б̣ам̣ ход̇и, д̇асмаа гааран̣ам̣ авад̇ваа ‘‘гусалаагусалабхаавзна агат̇ид̇аад̇и ад̇т̇о’’д̇и ааха. яо жа вад̣̇зяяа ‘‘агусалавибаагабхаавзна агат̇ид̇ад̇д̇аа, гусалаа аб̣яаагад̇аад̇и аабаж̇ж̇анд̇и, гусалавибаагабхаавзна агат̇ид̇ад̇д̇аа агусалаабий’’д̇и, соби ‘‘ан̃н̃аабагасаад̇ханийяаважано бхаг̇аваа’’д̇и ниваарзд̇аб̣б̣о анувад̇д̇амаанаважанаважанийяабхаавзна агат̇ид̇асса жа аб̣яаагад̇абхаавад̇о. на хи авибаагаважанам̣ вуд̇д̇ам̣ гусалаважанан̃жа авуд̇д̇ам̣, яад̇о авибаагаважанасса ад̇хигад̇абхааво гусаласса жа д̇аб̣б̣ажанийяабхаавзна агат̇ид̇абхааво сияаа, д̇асмаа на гусалаанам̣ аб̣яаагад̇ад̇аа, звам̣ агусалаанан̃жа анаб̣яаагад̇абхаавз яож̇анаа гаад̇аб̣б̣аа.

    Nabyākatāti akathitā. Kathaṃ panete akathitā honti, nanu ‘‘sukhāya vedanāya sampayuttā’’tiādīhi tikadukapadehi cakkhuviññāṇādivacanehi phassādivacanehi ca kathitāti? No na kathitā, tāni pana vacanāni idha anadhippetāni avuttattā ananuvattanato. Na hi ‘‘sukhāya vedanāya sampayuttā dhammā’’tiādiṃ vatvā ‘‘abyākatā’’ti vuttaṃ, tasmā na tāni idha anuvattantīti tabbacanīyabhāvena akathitatā na hoti, kusalākusalavacanāni pana idha vuttattā anuvattantīti tabbacanīyabhāvena akathitatā ñāyatīti ‘‘kusalākusalabhāvena akathitāti attho’’ti āha. Na byākatāti vā avipākā, abyākatavacaneneva ca avipākatthā ñāyanti. Na hi bhagavato vacanaṃ ñāpakasādhanīyaṃ, āsayānusayacariyādikusalena bhagavatā yesaṃ avabodhanatthaṃ dhammā vuttā tesaṃ vacanānantaraṃ tadatthapaṭivedhato, pacchimehi pana yathā tesaṃ avabodhanatthaṃ bhagavatā taṃ taṃ vacanaṃ vuttaṃ, yathā ca tehi tadattho paṭividdho, taṃ sabbaṃ ācariye payirupāsitvā sutvā veditabbaṃ hoti, tasmā kāraṇaṃ avatvā ‘‘kusalākusalabhāvena akathitāti attho’’ti āha. Yo ca vadeyya ‘‘akusalavipākabhāvena akathitattā, kusalā abyākatāti āpajjanti, kusalavipākabhāvena akathitattā akusalāpī’’ti, sopi ‘‘aññāpakasādhanīyavacano bhagavā’’ti nivāretabbo anuvattamānavacanavacanīyabhāvena akathitassa ca abyākatabhāvato. Na hi avipākavacanaṃ vuttaṃ kusalavacanañca avuttaṃ, yato avipākavacanassa adhikatabhāvo kusalassa ca tabbacanīyabhāvena akathitabhāvo siyā, tasmā na kusalānaṃ abyākatatā, evaṃ akusalānañca anabyākatabhāve yojanā kātabbā.

    ат̇а ваа ви-сад̣̇д̣̇о вирод̇хаважано, аа-сад̣̇д̣̇о абхимукабхааваббагаасано, д̇асмаа ад̇д̇ано бажжаязхи ан̃н̃аман̃н̃авирод̇хаабхимукаа гад̇аа, лагкан̣авирод̇хад̇о винаасагавинаасид̇аб̣б̣ад̇о жаад̇и б̣яаагад̇аа, гусалаагусалаа. на б̣яаагад̇аад̇и аб̣яаагад̇аа. д̇з хи лагкан̣ад̇о гусалаагусалаа вияа вируд̣̇д̇хаа на хонд̇и. на хи авибаагад̇аа д̣̇угкавибаагад̇аа вияа сукавибаагад̇ааяа сукавибаагад̇аа вияа жа д̣̇угкавибаагад̇ааяа сукад̣̇угкавибаагад̇аахи вируж̇жхад̇ийд̇и нааби д̇з гин̃жи баж̇аханд̇и, на жа д̇з гзнажи бахаад̇аб̣б̣аад̇и аяамзд̇т̇а ад̇д̇аномад̇и.

    Atha vā vi-saddo virodhavacano, ā-saddo abhimukhabhāvappakāsano, tasmā attano paccayehi aññamaññavirodhābhimukhā katā, lakkhaṇavirodhato vināsakavināsitabbato cāti byākatā, kusalākusalā. Na byākatāti abyākatā. Te hi lakkhaṇato kusalākusalā viya viruddhā na honti. Na hi avipākatā dukkhavipākatā viya sukhavipākatāya sukhavipākatā viya ca dukkhavipākatāya sukhadukkhavipākatāhi virujjhatīti nāpi te kiñci pajahanti, na ca te kenaci pahātabbāti ayamettha attanomati.

    анаваж̇ж̇асукавибаагалагкан̣аад̇и зд̇т̇а над̇т̇и зд̇зсам̣ аваж̇ж̇анд̇и анаваж̇ж̇аа, г̇арахид̇аб̣б̣абхааварахид̇аа нид̣̇д̣̇осаад̇и ад̇т̇о. д̇зна нзсам̣ аг̇арахид̇аб̣б̣абхаавам̣ д̣̇ассзд̇и, на г̇аараяхавирахамад̇д̇ам̣ . ан̃н̃зби ад̇т̇и нид̣̇д̣̇осаа аб̣яаагад̇аад̇и анаваж̇ж̇аважанамад̇д̇зна д̇зсамби гусалад̇аабад̇д̇ид̣̇осам̣ д̣̇исваа д̇ам̣ барихарид̇ум̣ сукавибаагаважанам̣ ааха. аваж̇ж̇абадибагкаа ваа ид̇ха анаваж̇ж̇аад̇и вуд̇д̇аа, на б̣аахид̇игасуд̇д̇з (ма. ни. 2.361) вияа бадиббассад̣̇д̇хааваж̇ж̇аа вирахид̇ааваж̇ж̇амад̇д̇аа ваа, д̇асмаа анаваж̇ж̇аважанзна аваж̇ж̇авинаасанабхааво д̣̇ассид̇о. аб̣яаагад̇зхи бана висидтам̣ гусалаагусалаанам̣ саад̇хааран̣ам̣ савибаагад̇аалагкан̣анд̇и д̇асмим̣ лагкан̣з висзсад̣̇ассанад̇д̇ам̣ сукавибаагаважанам̣ авожа. сид̣̇д̇хо хи буримзнзва агусалааб̣яаагад̇зхи гусалаанам̣ висзсод̇и. суко вибааго зд̇зсанд̇и сукавибаагаа. д̇зна гусалаагусалаанам̣ сааман̃н̃з вибаагад̇хаммабхаавз сукавибаагавибажжанасабхаавам̣ д̣̇ассзд̇и, на д̇зсам̣ сукавибаагасаб̣бхаавамзва. анаваж̇ж̇аа жа д̇з сукавибаагаа жаад̇и анаваж̇ж̇асукавибаагаа. гусалаа лагкийяанд̇и зд̇знаад̇и лагкан̣ам̣, анаваж̇ж̇асукавибаагалагкан̣ам̣ зд̇зсанд̇и анаваж̇ж̇асукавибаагалагкан̣аа. нану д̇з зва гусалаа анаваж̇ж̇асукавибаагаа, гат̇ам̣ д̇з саяамзва ад̇д̇ано лагкан̣ам̣ хонд̇ийд̇и? вин̃н̃аад̇аавин̃н̃аад̇асад̣̇д̣̇ад̇т̇абхаавзна лагкан̣алагкид̇аб̣б̣абхааваяуд̇д̇ид̇о. гусаласад̣̇д̣̇ад̇т̇авасзна хи авин̃н̃аад̇аа гусалаа лагкид̇аб̣б̣аа хонд̇и, анаваж̇ж̇асукавибаагасад̣̇д̣̇ад̇т̇абхаавзна вин̃н̃аад̇аа лагкан̣анд̇и яуд̇д̇амзд̇ам̣. ат̇а ваа лагкийяад̇ийд̇и лагкан̣ам̣, сабхааво. анаваж̇ж̇асукавибаагаа жа д̇з лагкан̣ан̃жаад̇и анаваж̇ж̇асукавибаагалагкан̣аа, анаваж̇ж̇асукавибаагаа худ̇ваа лагкияамаанаа сабхааваа гусалаа наамаад̇и ад̇т̇о.

    Anavajjasukhavipākalakkhaṇāti ettha natthi etesaṃ avajjanti anavajjā, garahitabbabhāvarahitā niddosāti attho. Tena nesaṃ agarahitabbabhāvaṃ dasseti, na gārayhavirahamattaṃ . Aññepi atthi niddosā abyākatāti anavajjavacanamattena tesampi kusalatāpattidosaṃ disvā taṃ pariharituṃ sukhavipākavacanaṃ āha. Avajjapaṭipakkhā vā idha anavajjāti vuttā, na bāhitikasutte (ma. ni. 2.361) viya paṭippassaddhāvajjā virahitāvajjamattā vā, tasmā anavajjavacanena avajjavināsanabhāvo dassito. Abyākatehi pana visiṭṭhaṃ kusalākusalānaṃ sādhāraṇaṃ savipākatālakkhaṇanti tasmiṃ lakkhaṇe visesadassanattaṃ sukhavipākavacanaṃ avoca. Siddho hi purimeneva akusalābyākatehi kusalānaṃ visesoti. Sukho vipāko etesanti sukhavipākā. Tena kusalākusalānaṃ sāmaññe vipākadhammabhāve sukhavipākavipaccanasabhāvaṃ dasseti, na tesaṃ sukhavipākasabbhāvameva. Anavajjā ca te sukhavipākā cāti anavajjasukhavipākā. Kusalā lakkhīyanti etenāti lakkhaṇaṃ, anavajjasukhavipākalakkhaṇaṃ etesanti anavajjasukhavipākalakkhaṇā. Nanu te eva kusalā anavajjasukhavipākā, kathaṃ te sayameva attano lakkhaṇaṃ hontīti? Viññātāviññātasaddatthabhāvena lakkhaṇalakkhitabbabhāvayuttito. Kusalasaddatthavasena hi aviññātā kusalā lakkhitabbā honti, anavajjasukhavipākasaddatthabhāvena viññātā lakkhaṇanti yuttametaṃ. Atha vā lakkhīyatīti lakkhaṇaṃ, sabhāvo. Anavajjasukhavipākā ca te lakkhaṇañcāti anavajjasukhavipākalakkhaṇā, anavajjasukhavipākā hutvā lakkhiyamānā sabhāvā kusalā nāmāti attho.

    ат̇а ваа анаваж̇ж̇аважанзна анаваж̇ж̇ад̇д̇ам̣ ааха, сукавибаагаважанзна сукавибаагад̇д̇ам̣, д̇асмаа анаваж̇ж̇ан̃жа сукавибааго жа анаваж̇ж̇асукавибаагам̣, д̇ам̣ лагкан̣ам̣ зд̇зсам̣ гаран̣ад̇т̇з жа гаммад̇т̇з жа лагкан̣асад̣̇д̣̇з сабхаавабхууд̇анд̇и анаваж̇ж̇асукавибаагалагкан̣аа, анаваж̇ж̇асукавибаагасабхаавзна лагкияамаанаа д̇ам̣сабхаававанд̇о жа гусалаад̇и вуд̇д̇ам̣ ход̇и. д̇ад̇т̇а анаваж̇ж̇аважанзна бавад̇д̇исукад̇ам̣ гусалаанам̣ д̣̇ассзд̇и, сукавибаагаважанзна вибаагасукад̇ам̣. буриман̃хи ад̇д̇ано бавад̇д̇исабхаававасзна лагкан̣ад̇ааважанам̣, бажчимам̣ гааланд̇арз вибаагуббаад̣̇анасамад̇т̇ад̇ааяаад̇и. д̇ат̇аа буримзна гусалаанам̣ ад̇д̇асуд̣̇д̇хим̣ д̣̇ассзд̇и , бажчимзна висуд̣̇д̇хавибаагад̇ам̣. буримзна жа гусалам̣ агусаласабхаавад̇о нивад̇д̇зд̇и, бажчимзна аб̣яаагад̇асабхаавад̇о савибаагад̇д̇ад̣̇ийбагад̇д̇аа бажчимасса. буримзна ваа важ̇ж̇абадибагкабхаавад̣̇ассанад̇о гижжадтзна расзна агусалавид̣̇д̇хам̣санарасад̇ам̣ д̣̇ийбзд̇и, бажчимзна самбад̇д̇иад̇т̇зна идтавибаагарасад̇ам̣. буримзна жа убадтаанаагаарадтзна бажжубадтаанзна вод̣̇аанабажжубадтаанад̇ам̣ д̣̇ассзд̇и, бажчимзна палад̇т̇зна сукавибаагабажжубадтаанад̇ам̣. буримзна жа яонисоманасигаарам̣ гусалаанам̣ бад̣̇адтаанам̣ вибхаавзд̇и. д̇ад̇о хи д̇з анаваж̇ж̇аа ж̇аад̇аад̇и. бажчимзна гусалаанам̣ ан̃н̃зсам̣ бад̣̇адтаанабхаавам̣ д̣̇ассзд̇и. д̇з хи сукавибаагасса гааран̣ам̣ хонд̇ийд̇и. зд̇т̇а жа сукавибаагасад̣̇д̣̇з сукасад̣̇д̣̇о идтабарияааяаважананд̇и д̣̇адтаб̣б̣о. идтажад̇угканд̇хавибаагаа хи гусалаа, на сукавзд̣̇анаавибаагаава. сан̇каарад̣̇угкобасамасукавибаагад̇ааяа жа самбхаво зва над̇т̇и. на хи д̇ам̣вибаагод̇и. яад̣̇и бана вибаагасад̣̇д̣̇о палабарияааяаважанам̣, ниссанд̣̇авибаагзна идтаруубзнааби сукавибаагад̇аа яож̇зд̇аб̣б̣аа.

    Atha vā anavajjavacanena anavajjattaṃ āha, sukhavipākavacanena sukhavipākattaṃ, tasmā anavajjañca sukhavipāko ca anavajjasukhavipākaṃ, taṃ lakkhaṇaṃ etesaṃ karaṇatthe ca kammatthe ca lakkhaṇasadde sabhāvabhūtanti anavajjasukhavipākalakkhaṇā, anavajjasukhavipākasabhāvena lakkhiyamānā taṃsabhāvavanto ca kusalāti vuttaṃ hoti. Tattha anavajjavacanena pavattisukhataṃ kusalānaṃ dasseti, sukhavipākavacanena vipākasukhataṃ. Purimañhi attano pavattisabhāvavasena lakkhaṇatāvacanaṃ, pacchimaṃ kālantare vipākuppādanasamatthatāyāti. Tathā purimena kusalānaṃ attasuddhiṃ dasseti , pacchimena visuddhavipākataṃ. Purimena ca kusalaṃ akusalasabhāvato nivatteti, pacchimena abyākatasabhāvato savipākattadīpakattā pacchimassa. Purimena vā vajjapaṭipakkhabhāvadassanato kiccaṭṭhena rasena akusalaviddhaṃsanarasataṃ dīpeti, pacchimena sampattiatthena iṭṭhavipākarasataṃ. Purimena ca upaṭṭhānākāraṭṭhena paccupaṭṭhānena vodānapaccupaṭṭhānataṃ dasseti, pacchimena phalatthena sukhavipākapaccupaṭṭhānataṃ. Purimena ca yonisomanasikāraṃ kusalānaṃ padaṭṭhānaṃ vibhāveti. Tato hi te anavajjā jātāti. Pacchimena kusalānaṃ aññesaṃ padaṭṭhānabhāvaṃ dasseti. Te hi sukhavipākassa kāraṇaṃ hontīti. Ettha ca sukhavipākasadde sukhasaddo iṭṭhapariyāyavacananti daṭṭhabbo. Iṭṭhacatukkhandhavipākā hi kusalā, na sukhavedanāvipākāva. Saṅkhāradukkhopasamasukhavipākatāya ca sambhavo eva natthi. Na hi taṃvipākoti. Yadi pana vipākasaddo phalapariyāyavacanaṃ, nissandavipākena iṭṭharūpenāpi sukhavipākatā yojetabbā.

    сааваж̇ж̇ад̣̇угкавибаагалагкан̣аад̇и зд̇т̇а жа вуд̇д̇авид̇хианусаарзна ад̇т̇о жа яож̇анаа жа яат̇аасамбхавам̣ взд̣̇ид̇аб̣б̣аа. вибаагаарахад̇аа гусалаагусалаанам̣ лагкан̣абхаавзна вуд̇д̇аа, д̇аб̣бхаавзна агат̇ид̇аа аб̣яаагад̇аа авибаагаарахасабхааваа хонд̇ийд̇и ааха ‘‘авибаагалагкан̣аа аб̣яаагад̇аа’’д̇и. яат̇зва хи сукад̣̇угкавибаагаарахаа сукад̣̇угкавибаагаад̇и звам̣лагкан̣ад̇аа гусалаагусалаанам̣ вуд̇д̇аа, звамид̇хааби авибаагаарахаа авибаагаад̇и звам̣лагкан̣ад̇аа аб̣яаагад̇аанам̣ вуд̇д̇аа. д̇асмаа ‘‘ахоси гаммам̣ наахоси гаммавибааго на бхависсад̇и гаммавибааго над̇т̇и гаммавибааго, ад̇т̇и гаммам̣ над̇т̇и гаммавибааго на бхависсад̇и гаммавибааго, бхависсад̇и гаммам̣ на бхависсад̇и гаммавибааго’’д̇и (бади. ма. 1.234) звам̣багаараанам̣ гусалаагусалаанам̣ гусалаагусалабхааваанаабад̇д̇и аб̣яаагад̇абхааваабад̇д̇и ваа на ход̇и. на хи д̇з сукад̣̇угкавибаагаарахаа на хонд̇и вибаагад̇хаммад̇д̇аа, авибаагаарахаа ваа на хонд̇и авибаагад̇хаммад̇д̇аабхааваад̇и.

    Sāvajjadukkhavipākalakkhaṇāti ettha ca vuttavidhianusārena attho ca yojanā ca yathāsambhavaṃ veditabbā. Vipākārahatā kusalākusalānaṃ lakkhaṇabhāvena vuttā, tabbhāvena akathitā abyākatā avipākārahasabhāvā hontīti āha ‘‘avipākalakkhaṇā abyākatā’’ti. Yatheva hi sukhadukkhavipākārahā sukhadukkhavipākāti evaṃlakkhaṇatā kusalākusalānaṃ vuttā, evamidhāpi avipākārahā avipākāti evaṃlakkhaṇatā abyākatānaṃ vuttā. Tasmā ‘‘ahosi kammaṃ nāhosi kammavipāko na bhavissati kammavipāko natthi kammavipāko, atthi kammaṃ natthi kammavipāko na bhavissati kammavipāko, bhavissati kammaṃ na bhavissati kammavipāko’’ti (paṭi. ma. 1.234) evaṃpakārānaṃ kusalākusalānaṃ kusalākusalabhāvānāpatti abyākatabhāvāpatti vā na hoti. Na hi te sukhadukkhavipākārahā na honti vipākadhammattā, avipākārahā vā na honti avipākadhammattābhāvāti.

    гусалаад̇и ваа д̇хаммаад̇и ваад̇иаад̣̇ийнийд̇и гусалад̇хаммабад̣̇аани д̣̇вз, агусалад̇хаммабад̣̇аани д̣̇вз, аб̣яаагад̇ад̇хаммабад̣̇аани д̣̇взд̇и. згад̇т̇анаанад̇т̇аанийд̇и висум̣ висум̣ д̣̇виннам̣ д̣̇виннам̣ ан̃н̃аман̃н̃аабзгкам̣ згад̇т̇анаанад̇т̇ад̇ам̣ жод̣̇зд̇и, на чаннам̣. д̣̇осамзд̇т̇а вад̇д̇угаамо жод̣̇аго бужчад̇ийд̇и н̃ад̇ваа аажарияо ааха ‘‘гин̃жзд̇т̇аа’’д̇и. зд̇т̇а згад̇т̇анаанад̇т̇ад̇ааяам̣ гин̃жи вад̇д̇аб̣б̣ам̣ асамад̇д̇аа д̇з жод̣̇анаа, авасидтам̣ д̇аава б̣руухийд̇и вуд̇д̇ам̣ ход̇и. яад̣̇и згад̇т̇аани инд̣̇асаггасад̣̇д̣̇аанам̣ вияа сад̣̇д̣̇амад̇д̇з зва бхзд̣̇о, звам̣ гусалад̇хаммасад̣̇д̣̇аанам̣, на ад̇т̇зд̇и. яат̇аа ‘‘инд̣̇о сагго’’д̇и вуд̇д̇з ‘‘инд̣̇о инд̣̇о’’д̇и вуд̇д̇асад̣̇исам̣ ход̇и, звам̣ ‘‘гусалаа д̇хаммаа’’д̇и ид̣̇ам̣ важанам̣ ‘‘гусалаа гусалаа’’д̇и вуд̇д̇асад̣̇исам̣ ход̇и. звам̣ ид̇арзсуби ‘‘агусалаа агусалаа’’д̇и вуд̇д̇асад̣̇исад̇аа ‘‘аб̣яаагад̇аа аб̣яаагад̇аа’’д̇и вуд̇д̇асад̣̇исад̇аа жа яож̇зд̇аб̣б̣аа. ат̇а наанад̇т̇аани, инд̣̇агувзрасад̣̇д̣̇аанам̣ вияа сад̣̇д̣̇ад̇о ад̇т̇ад̇о жа гусалад̇хаммасад̣̇д̣̇аанам̣ бхзд̣̇о, д̇ат̇аа агусалад̇хаммасад̣̇д̣̇аад̣̇ийнанд̇и чахи бад̣̇зхи жад̇уухи бад̣̇зхи жа ча жад̇д̇ааро жа ад̇т̇аа бхиннаа вуд̇д̇аад̇и гусалад̇д̇игаад̣̇ийнам̣ гусалачаггаад̣̇ибхааво, хзд̇уд̣̇угаад̣̇ийнан̃жа хзд̇ужад̇уггаад̣̇ибхааво аабаж̇ж̇ад̇ийд̇и.

    Kusalāti vā dhammāti vātiādīnīti kusaladhammapadāni dve, akusaladhammapadāni dve, abyākatadhammapadāni dveti. Ekatthanānatthānīti visuṃ visuṃ dvinnaṃ dvinnaṃ aññamaññāpekkhaṃ ekatthanānatthataṃ codeti, na channaṃ. Dosamettha vattukāmo codako pucchatīti ñatvā ācariyo āha ‘‘kiñcetthā’’ti. Ettha ekatthanānatthatāyaṃ kiñci vattabbaṃ asamattā te codanā, avasiṭṭhaṃ tāva brūhīti vuttaṃ hoti. Yadi ekatthāni indasakkasaddānaṃ viya saddamatte eva bhedo, evaṃ kusaladhammasaddānaṃ, na attheti. Yathā ‘‘indo sakko’’ti vutte ‘‘indo indo’’ti vuttasadisaṃ hoti, evaṃ ‘‘kusalā dhammā’’ti idaṃ vacanaṃ ‘‘kusalā kusalā’’ti vuttasadisaṃ hoti. Evaṃ itaresupi ‘‘akusalā akusalā’’ti vuttasadisatā ‘‘abyākatā abyākatā’’ti vuttasadisatā ca yojetabbā. Atha nānatthāni, indakuverasaddānaṃ viya saddato atthato ca kusaladhammasaddānaṃ bhedo, tathā akusaladhammasaddādīnanti chahi padehi catūhi padehi ca cha cattāro ca atthā bhinnā vuttāti kusalattikādīnaṃ kusalachakkādibhāvo, hetudukādīnañca hetucatukkādibhāvo āpajjatīti.

    нану д̇ин̣н̣ам̣ д̇хаммасад̣̇д̣̇аанам̣ д̇ин̣н̣ам̣ инд̣̇асад̣̇д̣̇аанам̣ вияа руубаабхзд̣̇аа ад̇т̇аабхзд̣̇од̇и чаггабхааво на бхависсад̇и, д̇асмаа звамид̣̇ам̣ вад̇д̇аб̣б̣ам̣ сияаа ‘‘д̇игад̣̇угаанам̣ жад̇уггад̇игабхааво аабаж̇ж̇ад̇ий’’д̇и, на вад̇д̇аб̣б̣ам̣, д̇ин̣н̣ам̣ д̇хаммасад̣̇д̣̇аанам̣ згад̇т̇аанам̣ д̇ин̣н̣ам̣ инд̣̇асад̣̇д̣̇аанам̣ вияа важанз баяож̇анаабхааваа вуд̇д̇аанам̣ д̇зсам̣ маасасад̣̇д̣̇аанам̣ вияа абхиннаруубаанан̃жа ад̇т̇абхзд̣̇о убабаж̇ж̇ад̇ийд̇и, звамаби яат̇аа зго маасасад̣̇д̣̇о абхиннаруубо гаалам̣ абаран̣н̣ависзсам̣ суван̣н̣амаасан̃жа вад̣̇ад̇и, звам̣ д̇хаммасад̣̇д̣̇оби зго бхиннз ад̇т̇з вад̇д̇умарахад̇ийд̇и гаалаад̣̇ийнам̣ маасабад̣̇ад̇т̇ад̇ааяа вияа д̇аб̣б̣ажанийяабхиннад̇т̇аанам̣ д̇хаммабад̣̇ад̇т̇ад̇ааяа абхзд̣̇од̇и жад̇уггад̇игабхааво зва аабаж̇ж̇ад̇ийд̇и, наабаж̇ж̇ад̇и згасса сад̣̇д̣̇асса ж̇аад̇иг̇ун̣агирияаабхиннаанам̣ анабхид̇хаанад̇о. на хи мааса-сад̣̇д̣̇о зго ж̇аад̇ибхиннаанам̣ гаалаад̣̇ийнам̣ анд̇арзна саруубзгасзсам̣ ваажаго ход̇и. ид̇ха жа яад̣̇и саруубзгасзсо гад̇о сияаа, д̣̇уд̇ияо д̇ад̇ияо жа д̇хамма-сад̣̇д̣̇о на вад̇д̇аб̣б̣о сияаа, вуд̇д̇о жа со, д̇асмаа гусалаад̣̇и-сад̣̇д̣̇аа вияа абхиннагусалаад̣̇иж̇аад̇ийсу руубасааман̃н̃зби мааса-сад̣̇д̣̇аа вияа д̇аяо винивад̇д̇аан̃н̃аж̇аад̇ийсу вад̇д̇амаанаа д̇аяо д̣̇вз жа д̇хамма-сад̣̇д̣̇аа аабаннаад̇и д̇игад̣̇угаанам̣ чаггажад̇уггабхааво зва аабаж̇ж̇ад̇ийд̇и.

    Nanu tiṇṇaṃ dhammasaddānaṃ tiṇṇaṃ indasaddānaṃ viya rūpābhedā atthābhedoti chakkabhāvo na bhavissati, tasmā evamidaṃ vattabbaṃ siyā ‘‘tikadukānaṃ catukkatikabhāvo āpajjatī’’ti, na vattabbaṃ, tiṇṇaṃ dhammasaddānaṃ ekatthānaṃ tiṇṇaṃ indasaddānaṃ viya vacane payojanābhāvā vuttānaṃ tesaṃ māsasaddānaṃ viya abhinnarūpānañca atthabhedo upapajjatīti, evamapi yathā eko māsasaddo abhinnarūpo kālaṃ aparaṇṇavisesaṃ suvaṇṇamāsañca vadati, evaṃ dhammasaddopi eko bhinne atthe vattumarahatīti kālādīnaṃ māsapadatthatāya viya tabbacanīyabhinnatthānaṃ dhammapadatthatāya abhedoti catukkatikabhāvo eva āpajjatīti, nāpajjati ekassa saddassa jātiguṇakiriyābhinnānaṃ anabhidhānato. Na hi māsa-saddo eko jātibhinnānaṃ kālādīnaṃ antarena sarūpekasesaṃ vācako hoti. Idha ca yadi sarūpekaseso kato siyā, dutiyo tatiyo ca dhamma-saddo na vattabbo siyā, vutto ca so, tasmā kusalādi-saddā viya abhinnakusalādijātīsu rūpasāmaññepi māsa-saddā viya tayo vinivattaaññajātīsu vattamānā tayo dve ca dhamma-saddā āpannāti tikadukānaṃ chakkacatukkabhāvo eva āpajjatīti.

    бад̣̇аанан̃жа асамб̣анд̇ход̇и гусалад̇хаммабад̣̇аанам̣ ан̃н̃аман̃н̃ам̣ д̇ат̇аа агусалад̇хаммабад̣̇аанам̣ аб̣яаагад̇ад̇хаммабад̣̇аанан̃жа асамб̣анд̇хо аабаж̇ж̇ад̇ийд̇и ад̇т̇о. д̣̇виннам̣ д̣̇виннан̃хи ижчид̇о самб̣анд̇хо, на саб̣б̣зсам̣ чаннам̣ жад̇уннам̣ ваа ан̃н̃аман̃н̃анд̇и. ид̣̇ам̣ бана гасмаа жод̣̇зд̇и, нану наанад̇т̇ад̇д̇з сад̇и ад̇т̇анд̇арад̣̇ассанад̇т̇ам̣ вужжамаанзсу д̇хамма-сад̣̇д̣̇зсу гусалаагусалааб̣яаагад̇а-сад̣̇д̣̇аанам̣ вияа асамб̣анд̇хо вуд̇д̇о яуд̇д̇о зваад̇и? сажжамзд̇ам̣, асамб̣анд̇хам̣ бана сид̣̇д̇хам̣ гад̇ваа буримажод̣̇анаа гад̇аа ‘‘д̇игад̣̇угаанам̣ чаггажад̇уггабхааво аабаж̇ж̇ад̇ий’’д̇и, ид̇ха бана д̇ам̣ асамб̣анд̇хам̣ саад̇хзд̇ум̣ ид̣̇ам̣ жод̣̇ид̇анд̇и взд̣̇ид̇аб̣б̣ам̣. ат̇а ваа звамзд̇т̇а яож̇анаа гаад̇аб̣б̣аа – яад̣̇и бана чаггажад̇уггабхаавам̣ на ижчаси, бад̣̇аанам̣ самб̣анд̇хзна бхавид̇аб̣б̣ам̣ яат̇аавуд̇д̇анаязна, со жа самаанавибхад̇д̇ийнам̣ д̣̇виннам̣ д̣̇виннам̣ самб̣анд̇хо згад̇т̇ад̇д̇з сад̇и яуж̇ж̇зяяа, д̇вам̣ бана наанад̇т̇ад̇ам̣ вад̣̇асийд̇и бад̣̇аанан̃жа д̇з асамб̣анд̇хо аабаж̇ж̇ад̇и, нзва наабаж̇ж̇ад̇ийд̇и. нияаманад̇т̇о жа-сад̣̇д̣̇о. буб̣б̣аабара…бз… ниббаяож̇анаани наама хонд̇ийд̇и чаггажад̇уггабхаавам̣ анижчанд̇асса, наанад̇т̇ад̇ам̣ бана ижчанд̇ассаад̇и ад̇хиббааяо. авассан̃жа самб̣анд̇хо ижчид̇аб̣б̣о буб̣б̣аабаравирод̇хаабад̇д̇ид̇од̇и д̣̇ассзд̇ум̣ ‘‘яааби жзсаа’’д̇иаад̣̇имааха. бужчаа хи бад̣̇авибаллаасагаран̣зна д̇хаммаа зва гусалаад̇и гусалад̇хамма-сад̣̇д̣̇аанам̣ ид̇ха уд̣̇д̣̇идтаанам̣ згад̇т̇ад̇ам̣ д̣̇ийбзд̇и, д̇ава жа наанад̇т̇ад̇ам̣ вад̣̇анд̇асса нзва хи д̇хаммаа гусалаад̇и гад̇ваа д̇ааяаби бужчааяа вирод̇хо аабаж̇ж̇ад̇и, вужжад̇и жа д̇ат̇аа саа бужчаад̇и на наанад̇т̇ад̇аа яуж̇ж̇ад̇и.

    Padānañca asambandhoti kusaladhammapadānaṃ aññamaññaṃ tathā akusaladhammapadānaṃ abyākatadhammapadānañca asambandho āpajjatīti attho. Dvinnaṃ dvinnañhi icchito sambandho, na sabbesaṃ channaṃ catunnaṃ vā aññamaññanti. Idaṃ pana kasmā codeti, nanu nānatthatte sati atthantaradassanatthaṃ vuccamānesu dhamma-saddesu kusalākusalābyākata-saddānaṃ viya asambandho vutto yutto evāti? Saccametaṃ, asambandhaṃ pana siddhaṃ katvā purimacodanā katā ‘‘tikadukānaṃ chakkacatukkabhāvo āpajjatī’’ti, idha pana taṃ asambandhaṃ sādhetuṃ idaṃ coditanti veditabbaṃ. Atha vā evamettha yojanā kātabbā – yadi pana chakkacatukkabhāvaṃ na icchasi, padānaṃ sambandhena bhavitabbaṃ yathāvuttanayena, so ca samānavibhattīnaṃ dvinnaṃ dvinnaṃ sambandho ekatthatte sati yujjeyya, tvaṃ pana nānatthataṃ vadasīti padānañca te asambandho āpajjati, neva nāpajjatīti. Niyamanattho ca-saddo. Pubbāpara…pe… nippayojanāni nāma hontīti chakkacatukkabhāvaṃ anicchantassa, nānatthataṃ pana icchantassāti adhippāyo. Avassañca sambandho icchitabbo pubbāparavirodhāpattitoti dassetuṃ ‘‘yāpi cesā’’tiādimāha. Pucchā hi padavipallāsakaraṇena dhammā eva kusalāti kusaladhamma-saddānaṃ idha uddiṭṭhānaṃ ekatthataṃ dīpeti, tava ca nānatthataṃ vadantassa neva hi dhammā kusalāti katvā tāyapi pucchāya virodho āpajjati, vuccati ca tathā sā pucchāti na nānatthatā yujjati.

    абаро наяод̇и ‘‘гусалаа д̇хаммаа’’д̇иаад̣̇ийнам̣ д̣̇виннам̣ д̣̇виннам̣ згад̇т̇ад̇д̇амзва д̇ин̣н̣ам̣ д̇хаммасад̣̇д̣̇аанам̣ згад̇т̇анаанад̇т̇ад̇д̇зхи жод̣̇зд̇и. д̇ин̣н̣ам̣ д̇хаммаанам̣ згад̇д̇аад̇иаад̣̇имхи яат̇аа д̇ийхи инд̣̇а-сад̣̇д̣̇зхи вужжамаанаанам̣ инд̣̇ад̇т̇аанам̣ инд̣̇абхаавзна згад̇д̇аа д̇ад̇о анан̃н̃зсам̣ саггабуринд̣̇ад̣̇асахассагкасад̣̇д̣̇ад̇т̇аанам̣ згад̇д̇ам̣, звам̣ д̇ин̣н̣ам̣ д̇хамма-сад̣̇д̣̇ад̇т̇аанам̣ д̇хаммабхаавзна згад̇д̇аа д̇ад̇о анан̃н̃зсам̣ гусалаагусалааб̣яаагад̇а-сад̣̇д̣̇ад̇т̇аанам̣ згад̇д̇ам̣ аабаж̇ж̇ад̇ийд̇и ад̇т̇о. д̇хаммо наама бхаавод̇и сабхаавад̇хааран̣аад̣̇инаа ад̇т̇зна д̇хаммод̇и вуд̇д̇о, со жа сабхаавассзва ход̇и, наасабхаавассаад̇и иминаа ад̇хиббааязна вад̣̇ад̇и. ход̇у бхааво, д̇ад̇о гинд̇и? яад̣̇и д̇ин̣н̣ам̣ д̇хаммасад̣̇д̣̇аанам̣ наанад̇т̇ад̇аа, д̇ийсу д̇хаммзсу яо гожи зго д̇хаммо бхааво, д̇ад̇о анан̃н̃ам̣ гусалам̣ агусалам̣ аб̣яаагад̇ам̣ ваа згзгамзва бхааво. бхаавабхууд̇аа бана д̇хаммаа ан̃н̃з д̣̇вз абхааваа хонд̇ийд̇и д̇зхи анан̃н̃з гусалаад̣̇ийсу д̣̇вз яз гзжи абхааваа. яоби жа со зго д̇хаммо бхаавод̇и г̇ахид̇о, соби самаанаруубзсу д̇ийсу д̇хаммасад̣̇д̣̇зсу аяамзва бхаавад̇т̇о ход̇ийд̇и нияамасса абхааваа ан̃н̃асса бхаавад̇т̇ад̇д̇з сад̇и абхааво ход̇ийд̇и д̇ад̇о анан̃н̃ассаби абхаавад̇д̇ам̣ аабаннанд̇и гусалаад̣̇ийнам̣ саб̣б̣зсамби абхаавад̇д̇аабад̇д̇и ход̇и. на хи инд̣̇асса амануссад̇д̇з д̇ад̇о анан̃н̃зсам̣ саггаад̣̇ийнам̣ мануссад̇д̇ам̣ ад̇т̇ийд̇и.

    Aparo nayoti ‘‘kusalā dhammā’’tiādīnaṃ dvinnaṃ dvinnaṃ ekatthattameva tiṇṇaṃ dhammasaddānaṃ ekatthanānatthattehi codeti. Tiṇṇaṃ dhammānaṃ ekattātiādimhi yathā tīhi inda-saddehi vuccamānānaṃ indatthānaṃ indabhāvena ekattā tato anaññesaṃ sakkapurindadasahassakkhasaddatthānaṃ ekattaṃ, evaṃ tiṇṇaṃ dhamma-saddatthānaṃ dhammabhāvena ekattā tato anaññesaṃ kusalākusalābyākata-saddatthānaṃ ekattaṃ āpajjatīti attho. Dhammo nāma bhāvoti sabhāvadhāraṇādinā atthena dhammoti vutto, so ca sabhāvasseva hoti, nāsabhāvassāti iminā adhippāyena vadati. Hotu bhāvo, tato kinti? Yadi tiṇṇaṃ dhammasaddānaṃ nānatthatā, tīsu dhammesu yo koci eko dhammo bhāvo, tato anaññaṃ kusalaṃ akusalaṃ abyākataṃ vā ekekameva bhāvo. Bhāvabhūtā pana dhammā aññe dve abhāvā hontīti tehi anaññe kusalādīsu dve ye keci abhāvā. Yopi ca so eko dhammo bhāvoti gahito, sopi samānarūpesu tīsu dhammasaddesu ayameva bhāvattho hotīti niyamassa abhāvā aññassa bhāvatthatte sati abhāvo hotīti tato anaññassapi abhāvattaṃ āpannanti kusalādīnaṃ sabbesampi abhāvattāpatti hoti. Na hi indassa amanussatte tato anaññesaṃ sakkādīnaṃ manussattaṃ atthīti.

    нану звамаби згасса бхаавад̇д̇ам̣ винаа ан̃н̃зсам̣ абхаавад̇д̇ам̣ на саггаа вад̇д̇ум̣, д̇ад̇т̇а жа згзнзва бхаавзна бхавид̇аб̣б̣анд̇и нияамаабхаавад̇о д̇ин̣н̣амби бхаавад̇д̇з сид̣̇д̇хз д̇зхи анан̃н̃зсам̣ гусалаад̣̇ийнамби бхаавад̇д̇ам̣ сид̣̇д̇хам̣ ход̇ийд̇и? на ход̇и д̇ин̣н̣ам̣ д̇хамма-сад̣̇д̣̇аанам̣ наанад̇т̇абхаавасса анун̃н̃аад̇ад̇д̇аа. на хи д̇ин̣н̣ам̣ бхаавад̇д̇з наанад̇т̇ад̇аа ад̇т̇и, анун̃н̃аад̇аа жа саа д̇аяаад̇и. нану д̇ин̣н̣ам̣ д̇хаммаанам̣ абхаавад̇д̇зби наанад̇т̇ад̇аа на сияаад̇и? маа ход̇у наанад̇т̇ад̇аа, д̇ава бана наанад̇т̇ад̇ам̣ бадиж̇аананд̇асса ‘‘зсо д̣̇осо’’д̇и вад̣̇аами, на бана маяаа наанад̇т̇ад̇аа згад̇т̇ад̇аа ваа анун̃н̃аад̇аад̇и гуд̇о мз вирод̇хо сияаад̇и. ат̇а ваа абхаавад̇д̇ам̣ аабаннзхи д̇хаммзхи анан̃н̃з гусалаад̣̇аяоби абхааваа зва сияунд̇и ид̣̇ам̣ важанам̣ анияамзна яз гзжи д̣̇вз д̇хаммаа абхаавад̇д̇ам̣ аабаннаа, д̇зхи анан̃н̃зсам̣ гусалаад̣̇ийсу язсам̣ гзсан̃жи д̣̇виннам̣ гусалаад̣̇ийнам̣ абхаавад̇д̇аабад̇д̇им̣ санд̇хааяа вуд̇д̇ам̣ згасса бхаавад̇д̇аа. яамби вуд̇д̇ам̣ ‘‘д̇зхи жа ан̃н̃о гусалабароби абхааво сияаа’’д̇и, д̇ам̣ анияамад̣̇ассанад̇т̇ам̣ вуд̇д̇ам̣, на саб̣б̣зсам̣ абхаавасаад̇ханад̇т̇ам̣. аяан̃хи д̇ад̇т̇а ад̇т̇о агусалабарасса ваа аб̣яаагад̇абарасса ваа д̇хаммасса бхаавад̇д̇з сад̇и д̇зхи ан̃н̃о гусалабароби абхааво сияаад̇и.

    Nanu evamapi ekassa bhāvattaṃ vinā aññesaṃ abhāvattaṃ na sakkā vattuṃ, tattha ca ekeneva bhāvena bhavitabbanti niyamābhāvato tiṇṇampi bhāvatte siddhe tehi anaññesaṃ kusalādīnampi bhāvattaṃ siddhaṃ hotīti? Na hoti tiṇṇaṃ dhamma-saddānaṃ nānatthabhāvassa anuññātattā. Na hi tiṇṇaṃ bhāvatte nānatthatā atthi, anuññātā ca sā tayāti. Nanu tiṇṇaṃ dhammānaṃ abhāvattepi nānatthatā na siyāti? Mā hotu nānatthatā, tava pana nānatthataṃ paṭijānantassa ‘‘eso doso’’ti vadāmi, na pana mayā nānatthatā ekatthatā vā anuññātāti kuto me virodho siyāti. Atha vā abhāvattaṃ āpannehi dhammehi anaññe kusalādayopi abhāvā eva siyunti idaṃ vacanaṃ aniyamena ye keci dve dhammā abhāvattaṃ āpannā, tehi anaññesaṃ kusalādīsu yesaṃ kesañci dvinnaṃ kusalādīnaṃ abhāvattāpattiṃ sandhāya vuttaṃ ekassa bhāvattā. Yampi vuttaṃ ‘‘tehi ca añño kusalaparopi abhāvo siyā’’ti, taṃ aniyamadassanatthaṃ vuttaṃ, na sabbesaṃ abhāvasādhanatthaṃ. Ayañhi tattha attho akusalaparassa vā abyākataparassa vā dhammassa bhāvatte sati tehi añño kusalaparopi abhāvo siyāti.

    саб̣б̣амзд̇ам̣ агааран̣анд̇и зд̇т̇а гааран̣ам̣ наама яуд̇д̇и. гусалагусаласад̣̇д̣̇аанам̣ вияа зганд̇азгад̇т̇ад̇ам̣, гусаларуубажагкума-сад̣̇д̣̇аанам̣ вияа зганд̇анаанад̇т̇ад̇ан̃жа вигаббзд̇ваа яааяам̣ бунаруд̇д̇и чаггажад̇уггаабад̇д̇и асамб̣анд̇хавирод̇хаабхааваабад̇д̇и д̣̇осааробанаяуд̇д̇и вуд̇д̇аа, саб̣б̣аа саа аяуд̇д̇и, д̇ат̇аа згад̇т̇анаанад̇т̇ад̇аабхаавад̇од̇и вуд̇д̇ам̣ ход̇и. яаа яаа анумад̇и яат̇аанумад̇и анумад̇ияаа анумад̇ияаа вохаарасид̣̇д̇хид̇о. анумад̇ияаа ануруубам̣ ваа яат̇аанумад̇и, яат̇аа анумад̇и бавад̇д̇аа, д̇ат̇аа д̇ад̣̇ануруубам̣ вохаарасид̣̇д̇хид̇од̇и ад̇т̇о. анумад̇и хи висзсанависзсид̇аб̣б̣аабхаавад̇о ажжанд̇амабхиннзсу гад̇т̇ажи гирияааг̇ун̣аад̣̇ибариг̇г̇ахависзсзна авивадасад̣̇д̣̇ад̇т̇авиваран̣ад̇т̇ам̣ бавад̇д̇аа яат̇аа ‘‘сагго инд̣̇о буринд̣̇ад̣̇о’’д̇и. гад̇т̇ажи ажжанд̇ам̣ бхиннзсу яат̇аа ‘‘д̇хаво кад̣̇иро балаасо жа аанийяанд̇уу’’д̇и. гад̇т̇ажи висзсанависзсид̇аб̣б̣абхаавад̇о бхзд̣̇аабхзд̣̇аванд̇зсу сзяяат̇ааби ‘‘нийлуббалам̣ бан̣д̣ид̇абурисо’’д̇и, д̇ааяа д̇ааяа анумад̇ияаа д̇ад̣̇ануруубан̃жа д̇з д̇з вохаараа сид̣̇д̇хаа. д̇асмаа ихааби гусалад̇хамма-сад̣̇д̣̇аанам̣ висзсанависзсид̇аб̣б̣абхаавад̇о висзсад̇т̇асааман̃н̃ад̇т̇абариг̇г̇ахзна самаанз ад̇т̇з бхзд̣̇аабхзд̣̇аяуд̇д̇з бавад̇д̇и анумад̇аад̇и д̇ааяа д̇ааяа анумад̇ияаа д̇ад̣̇ануруубан̃жа сид̣̇д̇хо зсо вохааро. д̇асмаа вуд̇д̇ам̣ ‘‘саб̣б̣амзд̇ам̣ агааран̣а’’нд̇и.

    Sabbametaṃ akāraṇanti ettha kāraṇaṃ nāma yutti. Kusalakusalasaddānaṃ viya ekantaekatthataṃ, kusalarūpacakkhuma-saddānaṃ viya ekantanānatthatañca vikappetvā yāyaṃ punarutti chakkacatukkāpatti asambandhavirodhābhāvāpatti dosāropanayutti vuttā, sabbā sā ayutti, tathā ekatthanānatthatābhāvatoti vuttaṃ hoti. Yā yā anumati yathānumati anumatiyā anumatiyā vohārasiddhito. Anumatiyā anurūpaṃ vā yathānumati, yathā anumati pavattā, tathā tadanurūpaṃ vohārasiddhitoti attho. Anumati hi visesanavisesitabbābhāvato accantamabhinnesu katthaci kiriyāguṇādipariggahavisesena avivaṭasaddatthavivaraṇatthaṃ pavattā yathā ‘‘sakko indo purindado’’ti. Katthaci accantaṃ bhinnesu yathā ‘‘dhavo khadiro palāso ca ānīyantū’’ti. Katthaci visesanavisesitabbabhāvato bhedābhedavantesu seyyathāpi ‘‘nīluppalaṃ paṇḍitapuriso’’ti, tāya tāya anumatiyā tadanurūpañca te te vohārā siddhā. Tasmā ihāpi kusaladhamma-saddānaṃ visesanavisesitabbabhāvato visesatthasāmaññatthapariggahena samāne atthe bhedābhedayutte pavatti anumatāti tāya tāya anumatiyā tadanurūpañca siddho eso vohāro. Tasmā vuttaṃ ‘‘sabbametaṃ akāraṇa’’nti.

    ад̇д̇ано ад̇д̇ано ад̇т̇ависзсам̣ д̇асса д̣̇ийбзнд̇ийд̇и ад̇д̇анаа бариг̇г̇ахид̇ам̣ ад̇д̇анаа вужжамаанам̣ анаваж̇ж̇асукавибаагаад̣̇игусалаад̣̇ибхаавам̣ д̇хамма-сад̣̇д̣̇асса д̣̇ийбзнд̇и д̇ад̣̇ад̇т̇асса д̇аб̣бхаавад̣̇ийбанавасзнаад̇и ад̇хиббааяо. на хи д̇хамма-сад̣̇д̣̇о гусалаад̣̇ибхааво ход̇ийд̇и. иминааваад̇и ‘‘д̇хамма-сад̣̇д̣̇о барияад̇д̇иаад̣̇ийсу д̣̇иссад̇ий’’д̇иаад̣̇инаа ‘‘ад̇д̇ано сабхаавам̣ д̇хаарзнд̇ий’’д̇иаад̣̇инаа жа наязна. со хи саб̣б̣ад̇т̇а самаано, на гусала-сад̣̇д̣̇о аарог̇яаад̣̇ийсу д̣̇иссад̇ийд̇и ‘‘гужчид̇з салаяанд̇ий’’д̇иаад̣̇иго, со жа висзсанаяо ‘‘ид̇о барам̣ висзсамад̇д̇амзва вагкаамаа’’д̇и зд̇зна абанийд̇од̇и д̣̇адтаб̣б̣о. на хи гусалаад̣̇ивисзсам̣ г̇ахзд̇ваа бавад̇д̇аа сукааяа взд̣̇анааяа самбаяуд̇д̇аад̇иаад̣̇аяо висзсаад̇и.

    Attano attano atthavisesaṃ tassa dīpentīti attanā pariggahitaṃ attanā vuccamānaṃ anavajjasukhavipākādikusalādibhāvaṃ dhamma-saddassa dīpenti tadatthassa tabbhāvadīpanavasenāti adhippāyo. Na hi dhamma-saddo kusalādibhāvo hotīti. Imināvāti ‘‘dhamma-saddo pariyattiādīsu dissatī’’tiādinā ‘‘attano sabhāvaṃ dhārentī’’tiādinā ca nayena. So hi sabbattha samāno, na kusala-saddo ārogyādīsu dissatīti ‘‘kucchite salayantī’’tiādiko, so ca visesanayo ‘‘ito paraṃ visesamattameva vakkhāmā’’ti etena apanītoti daṭṭhabbo. Na hi kusalādivisesaṃ gahetvā pavattā sukhāya vedanāya sampayuttātiādayo visesāti.

    2. сукасса жа бахаанаад̇и зд̇т̇а сукинд̣̇рияам̣ ‘‘сука’’нд̇и вуд̇д̇ам̣, д̇ан̃жа сукавзд̣̇анаава ход̇ийд̇и ‘‘сукавзд̣̇анааяам̣ д̣̇иссад̇ий’’д̇и вуд̇д̇ам̣, на бана ‘‘д̇иссо имаа, бхигкавз, взд̣̇анаа сукаа взд̣̇анаа’’д̇извамаад̣̇ийсу (сам̣. ни. 4.249 аад̣̇аяо) сука-сад̣̇д̣̇о вияа сукавзд̣̇анаасад̣̇д̣̇зна самаанад̇т̇ад̇д̇аа. аяан̃хи сукинд̣̇рияад̇т̇о сука-сад̣̇д̣̇о гааяасуканам̣ гааяаануг̇г̇ахам̣ саад̇ависзсам̣ г̇ахзд̇ваа бавад̇д̇о, на бана сукаа взд̣̇анаа ‘‘яам̣ гин̃жи взд̣̇анам̣ взд̣̇зд̇и сукам̣ ваа (ма. ни. 1.409), яо сукам̣ д̣̇угкад̇о’’д̇извамаад̣̇ийсу (сам̣. ни. 4.253) сука-сад̣̇д̣̇о вияа саад̇асааман̃н̃ам̣ г̇ахзд̇ваа бавад̇д̇од̇и. яасмим̣ сад̇и сукахзд̇уунам̣ бавад̇д̇и, д̇ам̣ сукамуулам̣. б̣уд̣̇д̇хуббаад̣̇з жа гаамасамад̇иггамаад̣̇игз вирааг̇з жа сад̇и сукахзд̇уунам̣ бун̃н̃абассад̣̇д̇хиаад̣̇ийнам̣ бавад̇д̇и ход̇ийд̇и д̇ам̣ ‘‘сукамуулам̣ сука’’нд̇и вуд̇д̇ам̣. сукасса жа аарамман̣ад̇д̇аа ‘‘руубам̣ сука’’нд̇и вуд̇д̇ам̣. бун̃н̃аанийд̇и яад̣̇ид̣̇ам̣ важанам̣, д̇ам̣ сукасса жа ад̇хиважанам̣ идтавибаагасса ад̇хиважанам̣ д̇ад̣̇ад̇т̇асса идтавибаагавибажжанад̇од̇и ад̇т̇о. сукабажжаяаанам̣ руубаад̣̇ийнам̣ идтаанам̣ таанам̣ огаасо саг̇г̇аа нанд̣̇анан̃жаад̇и ‘‘сукаа саг̇г̇аа сукам̣ нанд̣̇ана’’нд̇и вуд̇д̇ам̣. д̣̇идтад̇хаммзд̇и имасмим̣ ад̇д̇абхаавз. сукавихаараад̇и батамаж̇жхаанавихаараад̣̇ий. нийваран̣аад̣̇иб̣яааб̣аад̇харахид̇ад̇д̇аа ‘‘аб̣яааб̣аж̇жхаа’’д̇и вуд̇д̇аа. саб̣б̣асан̇каарад̣̇угканиб̣б̣аабанад̇о д̇ам̣нирод̇хад̇д̇аа ваа ‘‘ниб̣б̣аанам̣ сука’’нд̇и вуд̇д̇ам̣. аад̣̇и-сад̣̇д̣̇зна ‘‘ад̣̇угкамасукам̣ санд̇ам̣, сукамижжзва бхаасид̇а’’нд̇и ад̣̇угкамасукз. ‘‘д̣̇взби маяаа, аананд̣̇а, взд̣̇анаа вуд̇д̇аа барияааязна сукаа взд̣̇анаа д̣̇угкаа взд̣̇анаа’’д̇и (сам̣. ни. 4.267) сукобзгкаасу жа идтаасууд̇и звамаад̣̇ийсу бавад̇д̇и сан̇г̇ахид̇аа.

    2. Sukhassa ca pahānāti ettha sukhindriyaṃ ‘‘sukha’’nti vuttaṃ, tañca sukhavedanāva hotīti ‘‘sukhavedanāyaṃ dissatī’’ti vuttaṃ, na pana ‘‘tisso imā, bhikkhave, vedanā sukhā vedanā’’tievamādīsu (saṃ. ni. 4.249 ādayo) sukha-saddo viya sukhavedanāsaddena samānatthattā. Ayañhi sukhindriyattho sukha-saddo kāyasukhanaṃ kāyānuggahaṃ sātavisesaṃ gahetvā pavatto, na pana sukhā vedanā ‘‘yaṃ kiñci vedanaṃ vedeti sukhaṃ vā (ma. ni. 1.409), yo sukhaṃ dukkhato’’tievamādīsu (saṃ. ni. 4.253) sukha-saddo viya sātasāmaññaṃ gahetvā pavattoti. Yasmiṃ sati sukhahetūnaṃ pavatti, taṃ sukhamūlaṃ. Buddhuppāde ca kāmasamatikkamādike virāge ca sati sukhahetūnaṃ puññapassaddhiādīnaṃ pavatti hotīti taṃ ‘‘sukhamūlaṃ sukha’’nti vuttaṃ. Sukhassa ca ārammaṇattā ‘‘rūpaṃ sukha’’nti vuttaṃ. Puññānīti yadidaṃ vacanaṃ, taṃ sukhassa ca adhivacanaṃ iṭṭhavipākassa adhivacanaṃ tadatthassa iṭṭhavipākavipaccanatoti attho. Sukhapaccayānaṃ rūpādīnaṃ iṭṭhānaṃ ṭhānaṃ okāso saggā nandanañcāti ‘‘sukhā saggā sukhaṃ nandana’’nti vuttaṃ. Diṭṭhadhammeti imasmiṃ attabhāve. Sukhavihārāti paṭhamajjhānavihārādī. Nīvaraṇādibyābādharahitattā ‘‘abyābajjhā’’ti vuttā. Sabbasaṅkhāradukkhanibbāpanato taṃnirodhattā vā ‘‘nibbānaṃ sukha’’nti vuttaṃ. Ādi-saddena ‘‘adukkhamasukhaṃ santaṃ, sukhamicceva bhāsita’’nti adukkhamasukhe. ‘‘Dvepi mayā, ānanda, vedanā vuttā pariyāyena sukhā vedanā dukkhā vedanā’’ti (saṃ. ni. 4.267) sukhopekkhāsu ca iṭṭhāsūti evamādīsu pavatti saṅgahitā.

    д̣̇угкавад̇т̇ууд̇и д̣̇угкасса огаасо. ад̇д̇ано бажжаязхи уббаж̇ж̇амаанамби хи д̇ам̣ д̣̇угкам̣ ж̇аад̇иаад̣̇ийсу виж̇ж̇амаанзсу д̇аб̣б̣ад̇т̇угам̣ худ̇ваа уббаж̇ж̇ад̇и. д̣̇угкабажжаязд̇и д̣̇угкахзд̇умхи, д̣̇угкасса ж̇анагзд̇и ад̇т̇о. д̣̇угкабажжаяадтаанзд̇и д̣̇угкаж̇анагагаммасса сахааяабхууд̇аанам̣ анидтаруубаад̣̇ибажжаяаанам̣ таанз. бажжаяасад̣̇д̣̇о хи ж̇анагз ж̇анагасахааяз жа бавад̇д̇ад̇ийд̇и. аад̣̇и-сад̣̇д̣̇зна ‘‘яад̣̇анижжам̣ д̇ам̣ д̣̇угка’’нд̇иаад̣̇инаа (сам̣. ни. 3.15, 45-46, 76) сан̇каарад̣̇угкаад̣̇ийсу бавад̇д̇и д̣̇адтаб̣б̣аа. самбаяуд̇д̇з вад̇т̇ун̃жа гараж̇агааяам̣ сукаяад̇и лад̣̇д̇хассаад̣̇з ануг̇г̇ахид̇з гарод̇ийд̇и сукаа. сукаад̇и взд̣̇анаасад̣̇д̣̇амабзгкид̇ваа сукабхаавамад̇д̇асса аббагаасанзна набум̣сагалин̇г̇ад̇аа на гад̇аа. сабхаавад̇о сан̇габбад̇о жа яам̣ идтам̣, д̇ад̣̇анубхаванам̣ идтаагаараанубхаванам̣ ваа идтаанубхаванам̣.

    Dukkhavatthūti dukkhassa okāso. Attano paccayehi uppajjamānampi hi taṃ dukkhaṃ jātiādīsu vijjamānesu tabbatthukaṃ hutvā uppajjati. Dukkhapaccayeti dukkhahetumhi, dukkhassa janaketi attho. Dukkhapaccayaṭṭhāneti dukkhajanakakammassa sahāyabhūtānaṃ aniṭṭharūpādipaccayānaṃ ṭhāne. Paccayasaddo hi janake janakasahāye ca pavattatīti. Ādi-saddena ‘‘yadaniccaṃ taṃ dukkha’’ntiādinā (saṃ. ni. 3.15, 45-46, 76) saṅkhāradukkhādīsu pavatti daṭṭhabbā. Sampayutte vatthuñca karajakāyaṃ sukhayati laddhassāde anuggahite karotīti sukhā. Sukhāti vedanāsaddamapekkhitvā sukhabhāvamattassa appakāsanena napuṃsakaliṅgatā na katā. Sabhāvato saṅkappato ca yaṃ iṭṭhaṃ, tadanubhavanaṃ iṭṭhākārānubhavanaṃ vā iṭṭhānubhavanaṃ.

    саманд̇и ависамам̣. самаа згийбхаавуубаг̇ад̇аа вияа яуд̇д̇аа, самам̣ ваа саха яуд̇д̇аад̇и яож̇зд̇аб̣б̣ам̣. згуббаад̣̇аад̇и зго самаано уббаад̣̇о зд̇зсанд̇и згуббаад̣̇аа, самаанабажжаязхи сахуббад̇д̇игаад̇и ад̇т̇о. сахуббад̇д̇игаанам̣ руубааруубаанан̃жа ан̃н̃аман̃н̃асамбаяуд̇д̇ад̇аа аабаж̇ж̇зяяаад̇и ‘‘зганирод̇хаа’’д̇и вуд̇д̇ам̣, яз самаануббаад̣̇аа самаананирод̇хаа жа, д̇з самбаяуд̇д̇аад̇и руубааруубаанам̣ ан̃н̃аман̃н̃асамбаяог̇о ниваарид̇о ход̇и. звамаби авиниб̣бхог̇аруубаанам̣ ан̃н̃аман̃н̃асамбаяуд̇д̇ад̇аа аабаж̇ж̇зяяаад̇и ‘‘згавад̇т̇угаа’’д̇и вуд̇д̇ам̣, яз згуббаад̣̇аа зганирод̇хаа згавад̇т̇угаа жа, д̇з самбаяуд̇д̇аад̇и. звамаби авиниб̣бхог̇аруубзсу згам̣ махаабхууд̇ам̣ сзсамахаабхууд̇обаад̣̇ааруубаанам̣ ниссаяабажжаяо ход̇ийд̇и д̇зна д̇аани згавад̇т̇угаанийд̇и, жагкаад̣̇иниссаяабхууд̇аани ваа бхууд̇аани згам̣ вад̇т̇у зд̇зсу санниссид̇анд̇и згавад̇т̇угаанийд̇и габбзнд̇асса д̇зсам̣ самбаяуд̇д̇ад̇аабад̇д̇и сияаад̇и д̇аннивааран̣ад̇т̇ам̣ ‘‘згаарамман̣аа’’д̇и вуд̇д̇ам̣, яз згуббаад̣̇аа…бз… згаарамман̣аа жа хонд̇и, д̇з самбаяуд̇д̇аад̇и. бадиломад̇о ваа згаарамман̣аад̇и вуд̇д̇з згавийт̇ияан̃жа бан̃жавин̃н̃аан̣асамбадижчанаанам̣ наанаавийт̇ияам̣ барасанд̇аанз жа згасмим̣ аарамман̣з уббаж̇ж̇амаанаанам̣ бхиннавад̇т̇угаанам̣ самбаяуд̇д̇ад̇аа аабаж̇ж̇зяяаад̇и ‘‘згавад̇т̇угаа’’д̇и вуд̇д̇ам̣, яз згавад̇т̇угаа худ̇ваа згаарамман̣аа, д̇з самбаяуд̇д̇аад̇и. звамаби самбадижчанасанд̇ийран̣аад̣̇ийнам̣ самбаяуд̇д̇ад̇аа аабаж̇ж̇зяяаад̇и ‘‘зганирод̇хаа’’д̇и вуд̇д̇ам̣, яз зганирод̇хаа худ̇ваа згавад̇т̇угаа згаарамман̣аа, д̇з самбаяуд̇д̇аад̇и. гим̣ бана наануббаад̣̇ааби звам̣ д̇ивид̇халагкан̣аа хонд̇и, ат̇а згуббаад̣̇аа зваад̇и вижааран̣ааяа згуббаад̣̇аа зва звам̣ д̇ивид̇халагкан̣аа хонд̇ийд̇и д̣̇ассанад̇т̇ам̣ ‘‘згуббаад̣̇аа’’д̇и вуд̇д̇ам̣.

    Samanti avisamaṃ. Samā ekībhāvūpagatā viya yuttā, samaṃ vā saha yuttāti yojetabbaṃ. Ekuppādāti eko samāno uppādo etesanti ekuppādā, samānapaccayehi sahuppattikāti attho. Sahuppattikānaṃ rūpārūpānañca aññamaññasampayuttatā āpajjeyyāti ‘‘ekanirodhā’’ti vuttaṃ, ye samānuppādā samānanirodhā ca, te sampayuttāti rūpārūpānaṃ aññamaññasampayogo nivārito hoti. Evamapi avinibbhogarūpānaṃ aññamaññasampayuttatā āpajjeyyāti ‘‘ekavatthukā’’ti vuttaṃ, ye ekuppādā ekanirodhā ekavatthukā ca, te sampayuttāti. Evamapi avinibbhogarūpesu ekaṃ mahābhūtaṃ sesamahābhūtopādārūpānaṃ nissayapaccayo hotīti tena tāni ekavatthukānīti, cakkhādinissayabhūtāni vā bhūtāni ekaṃ vatthu etesu sannissitanti ekavatthukānīti kappentassa tesaṃ sampayuttatāpatti siyāti tannivāraṇatthaṃ ‘‘ekārammaṇā’’ti vuttaṃ, ye ekuppādā…pe… ekārammaṇā ca honti, te sampayuttāti. Paṭilomato vā ekārammaṇāti vutte ekavīthiyañca pañcaviññāṇasampaṭicchanānaṃ nānāvīthiyaṃ parasantāne ca ekasmiṃ ārammaṇe uppajjamānānaṃ bhinnavatthukānaṃ sampayuttatā āpajjeyyāti ‘‘ekavatthukā’’ti vuttaṃ, ye ekavatthukā hutvā ekārammaṇā, te sampayuttāti. Evamapi sampaṭicchanasantīraṇādīnaṃ sampayuttatā āpajjeyyāti ‘‘ekanirodhā’’ti vuttaṃ, ye ekanirodhā hutvā ekavatthukā ekārammaṇā, te sampayuttāti. Kiṃ pana nānuppādāpi evaṃ tividhalakkhaṇā honti, atha ekuppādā evāti vicāraṇāya ekuppādā eva evaṃ tividhalakkhaṇā hontīti dassanatthaṃ ‘‘ekuppādā’’ti vuttaṃ.

    3. вибаггабхаавамаабаннаанам̣ аруубад̇хаммаананд̇и яат̇аа саалиб̣ийж̇аад̣̇ийнам̣ палаани д̇ам̣сад̣̇исаани ниб̣б̣ад̇д̇аани вибаггаани наама хонд̇и, вибааганируд̇д̇ин̃жа лабханд̇и, на муулан̇гурабад̇д̇аканд̇ханаал̣аани, звам̣ гусалаагусалаанам̣ палаани аруубад̇хаммабхаавзна саарамман̣абхаавзна суггаган̣хаад̣̇ибхаавзна жа д̇ам̣сад̣̇исаани вибаггабхаавамаабаннаанийд̇и вибааганируд̇д̇им̣ лабханд̇и, на руубад̇хаммаа гамманиб̣б̣ад̇д̇ааби гаммаасад̣̇исаад̇и д̣̇ассзд̇ум̣ вуд̇д̇ам̣. ж̇аад̇иж̇араасабхааваад̇и ж̇ааяанаж̇ийран̣асабхааваа. вибаагабагад̇игаад̇и вибажжанабагад̇игаа. вибажжанасабхаавад̇аа жа анубажчиннаавиж̇ж̇аад̇ан̣хаамаанасанд̇аанз саб̣яаабаарад̇аа, д̇зна абхин̃н̃аад̣̇игусалаанам̣ бхааванааяабахаад̇аб̣б̣аад̣̇иагусалаанан̃жа вибаагаануббаад̣̇анзби вибаагад̇хаммад̇аа сид̣̇д̇хаа ход̇и. вибаггабхааванд̇и жзд̇т̇а бхаава-сад̣̇д̣̇зна сабхааво зва вуд̇д̇о. д̇ам̣ яат̇аавуд̇д̇ам̣ вибаггасабхаавам̣ д̣̇уд̇ияасса вуд̇д̇ам̣ вибажжанасабхааван̃жа г̇ахзд̇ваа ‘‘убхаяасабхаавабадигкзбавасзнаа’’д̇и ааха.

    3. Vipakkabhāvamāpannānaṃ arūpadhammānanti yathā sālibījādīnaṃ phalāni taṃsadisāni nibbattāni vipakkāni nāma honti, vipākaniruttiñca labhanti, na mūlaṅkurapattakhandhanāḷāni, evaṃ kusalākusalānaṃ phalāni arūpadhammabhāvena sārammaṇabhāvena sukkakaṇhādibhāvena ca taṃsadisāni vipakkabhāvamāpannānīti vipākaniruttiṃ labhanti, na rūpadhammā kammanibbattāpi kammāsadisāti dassetuṃ vuttaṃ. Jātijarāsabhāvāti jāyanajīraṇasabhāvā. Vipākapakatikāti vipaccanapakatikā. Vipaccanasabhāvatā ca anupacchinnāvijjātaṇhāmānasantāne sabyāpāratā, tena abhiññādikusalānaṃ bhāvanāyapahātabbādiakusalānañca vipākānuppādanepi vipākadhammatā siddhā hoti. Vipakkabhāvanti cettha bhāva-saddena sabhāvo eva vutto. Taṃ yathāvuttaṃ vipakkasabhāvaṃ dutiyassa vuttaṃ vipaccanasabhāvañca gahetvā ‘‘ubhayasabhāvapaṭikkhepavasenā’’ti āha.

    4. убзд̇зна аад̣̇иннаа убаад̣̇иннаа. гим̣ бана д̇ам̣ убзд̇ам̣, гзна жа убзд̇ам̣, гат̇ан̃жа убзд̇ам̣, гз жа д̇зна аад̣̇иннаад̇и? сад̇и жа логуд̇д̇араанам̣ гзсан̃жи аарамман̣абхаавз д̇аннивад̇д̇анад̇т̇ам̣ убзд̇асад̣̇д̣̇асамб̣анд̇хинаа убаяа-сад̣̇д̣̇зна вужжамаанаахи жад̇уб̣б̣ид̇хубаад̣̇аанабхууд̇аахи д̇ан̣хаад̣̇идтийхи убзд̇ам̣, д̇зхи жа аарамман̣агаран̣авасзна убзд̇ам̣, на саманнааг̇амавасзна. сад̇и жа саб̣б̣ад̇збхуумагад̇хаммаанам̣ убаад̣̇аанаарамман̣ад̇д̇з язхи вибаагагадад̇д̇ааруубаани амхзхи ниб̣б̣ад̇д̇ад̇д̇аа амхаагам̣ зд̇аани палаанийд̇и г̇ан̣ханд̇зхи вияа аад̣̇иннаани, д̇аани д̇збхуумагагаммаани гаммабхаавзна згад̇д̇ам̣ убанзд̇ваа убзд̇анд̇и ид̇ха г̇ахид̇аани. д̇зхи жа ниб̣б̣ад̇д̇аани вибаагагадад̇д̇ааруубаани убаад̣̇иннаа д̇хаммаад̇и саб̣б̣амзд̇ам̣ д̣̇ассзд̇ум̣ ‘‘аарамман̣агаран̣авасзнаа’’д̇иаад̣̇и вуд̇д̇ам̣. аяан̃жа ад̇т̇анаяо яат̇аасамбхавам̣ яож̇зд̇аб̣б̣о, на важанаанубуб̣б̣знаад̇и. зд̇т̇ааха – яад̣̇и аарамман̣агаран̣авасзна д̇ан̣хаад̣̇идтийхи убзд̇зна аад̣̇иннаа убаад̣̇иннаа, саб̣б̣ад̇збхуумагад̇хаммаа жа д̇ан̣хаад̣̇ийнам̣ аарамман̣аа хонд̇и, на жа убзд̇асад̣̇д̣̇о гаммз зва нирул̣хо, д̇зна гаммассзва г̇ахан̣з гааран̣ам̣ над̇т̇и, д̇асмаа саб̣б̣ад̇збхуумагад̇хаммабажжаяуббаннаанам̣ авиж̇ж̇аад̣̇ихзд̇уухи ниб̣б̣ад̇д̇аанам̣ сан̇каараад̣̇ипалаанам̣ убаад̣̇иннад̇д̇ам̣ аабаж̇ж̇ад̇и д̇зсамби д̇зхипалабхаавзна г̇ахид̇ад̇д̇аа. уба-сад̣̇д̣̇зна жа убзд̇ад̇аамад̇д̇ам̣ ж̇од̇ид̇ам̣, на аарамман̣агаран̣ам̣ саманнааг̇аманивад̇д̇агам̣, аад̣̇инна-сад̣̇д̣̇зна жа г̇ахид̇ад̇аамад̇д̇ам̣ вуд̇д̇ам̣, на гаммасамудтаанад̇аависзсо. д̇асмаа саб̣б̣абажжаяуббаннаанам̣ убаад̣̇иннад̇д̇ам̣ аабаж̇ж̇ад̇ийд̇и? наабаж̇ж̇ад̇и б̣од̇ханзяяаж̇жхаасаяавасзна д̣̇зсанаабавад̇д̇ид̇о. язсан̃хи б̣од̇ханад̇т̇ам̣ ‘‘убаад̣̇иннаа’’д̇и зд̇ам̣ вуд̇д̇ам̣, д̇з д̇знзва важанзна яат̇аавуд̇д̇аббагаарз д̇хаммз б̣уж̇жхим̣су, зд̇арахи бана д̇аавад̇аа б̣уж̇жхид̇ум̣ асаггонд̇зна суд̇ваа д̇ад̣̇ад̇т̇о взд̣̇ид̇аб̣б̣од̇и зсаа ад̇т̇авибхааванаа гад̇аа ‘‘гаммунаа’’д̇и.

    4. Upetena ādinnā upādinnā. Kiṃ pana taṃ upetaṃ, kena ca upetaṃ, kathañca upetaṃ, ke ca tena ādinnāti? Sati ca lokuttarānaṃ kesañci ārammaṇabhāve tannivattanatthaṃ upetasaddasambandhinā upaya-saddena vuccamānāhi catubbidhupādānabhūtāhi taṇhādiṭṭhīhi upetaṃ, tehi ca ārammaṇakaraṇavasena upetaṃ, na samannāgamavasena. Sati ca sabbatebhūmakadhammānaṃ upādānārammaṇatte yehi vipākakaṭattārūpāni amhehi nibbattattā amhākaṃ etāni phalānīti gaṇhantehi viya ādinnāni, tāni tebhūmakakammāni kammabhāvena ekattaṃ upanetvā upetanti idha gahitāni. Tehi ca nibbattāni vipākakaṭattārūpāni upādinnā dhammāti sabbametaṃ dassetuṃ ‘‘ārammaṇakaraṇavasenā’’tiādi vuttaṃ. Ayañca atthanayo yathāsambhavaṃ yojetabbo, na vacanānupubbenāti. Etthāha – yadi ārammaṇakaraṇavasena taṇhādiṭṭhīhi upetena ādinnā upādinnā, sabbatebhūmakadhammā ca taṇhādīnaṃ ārammaṇā honti, na ca upetasaddo kamme eva niruḷho, tena kammasseva gahaṇe kāraṇaṃ natthi, tasmā sabbatebhūmakadhammapaccayuppannānaṃ avijjādihetūhi nibbattānaṃ saṅkhārādiphalānaṃ upādinnattaṃ āpajjati tesampi tehiphalabhāvena gahitattā. Upa-saddena ca upetatāmattaṃ jotitaṃ, na ārammaṇakaraṇaṃ samannāgamanivattakaṃ, ādinna-saddena ca gahitatāmattaṃ vuttaṃ, na kammasamuṭṭhānatāviseso. Tasmā sabbapaccayuppannānaṃ upādinnattaṃ āpajjatīti? Nāpajjati bodhaneyyajjhāsayavasena desanāpavattito. Yesañhi bodhanatthaṃ ‘‘upādinnā’’ti etaṃ vuttaṃ, te teneva vacanena yathāvuttappakāre dhamme bujjhiṃsu, etarahi pana tāvatā bujjhituṃ asakkontena sutvā tadattho veditabboti esā atthavibhāvanā katā ‘‘kammunā’’ti.

    аяам̣ бана абаро ад̇т̇о д̣̇адтаб̣б̣о – уба-сад̣̇д̣̇о убзд̇ам̣ д̣̇ийбзд̇и. аяан̃хи уба-сад̣̇д̣̇о самаасз баяуж̇ж̇амаано ‘‘ад̇имаалаа’’д̇иаад̣̇ийсу ад̇и-сад̣̇д̣̇о вияа ад̇иггаманам̣ сасаад̇ханам̣ убаг̇аманам̣ сасаад̇ханам̣ вад̣̇ад̇и, убаг̇аманан̃жа убаад̣̇аанаубаяо, д̇зна убаг̇ад̇ам̣ убзд̇ам̣. гим̣ бана д̇анд̇и? яам̣ асад̇и убаад̣̇аанз на ход̇и, д̇ам̣ ‘‘убаад̣̇аанабажжаяаа бхаво’’д̇и звам̣ вуд̇д̇ам̣ д̇збхуумагагаммам̣ бажжаяабхаавзна буримаж̇аад̇уббаннзна убаад̣̇аанзна убаг̇ад̇ад̇д̇аа ‘‘убзд̇а’’нд̇и вужжад̇и. на хи гожи анубаг̇г̇амма анижчанд̇о гаммам̣ гарод̇ийд̇и. д̇зна убзд̇зна гаммунаа бунаб̣бхавасса аад̣̇аанам̣ ход̇и. гаммунаа хи саасавзна сад̇д̇аа аад̣̇ияанд̇и бунаб̣бхавам̣, д̇асмаа аад̣̇аад̇аб̣б̣абхаавзна баагадо бунаб̣бхаво. со жа убабад̇д̇ибхаво д̇збхуумагавибаагагадад̇д̇ааруубасан̇г̇ахо ‘‘бхавабажжаяаа ж̇аад̇ий’’д̇и зд̇т̇а ж̇аад̇иважанз самаваруд̣̇д̇ход̇и убаад̣̇иннаважанзна убабад̇д̇ибхаво вужжад̇и, убабад̇д̇ибхаво жа д̇збхуумагавибаагагадад̇д̇ааруубаанийд̇и д̇хаад̇угат̇ааяам̣ багаасид̇амзд̇ам̣. д̇асмаа убзд̇зна аад̣̇иннаад̇и д̇з зва д̇хаммаа вужжанд̇ийд̇и сид̣̇д̇хо аяамад̇т̇од̇и. убаад̣̇инна-сад̣̇д̣̇асса ад̇т̇ам̣ вад̇ваа д̇ам̣ виссаж̇ж̇зд̇ваа убаад̣̇аанияа-сад̣̇д̣̇асса висум̣ убаад̣̇иннасад̣̇д̣̇аанабзгкам̣ ад̇т̇ам̣ вад̇д̇ум̣ ‘‘аарамман̣абхаавам̣ убаг̇анд̇ваа’’д̇иаад̣̇имааха. д̇асмаа зва ависзсзд̇ваа ‘‘убаад̣̇аанасса аарамман̣абажжаяабхууд̇аанамзд̇ам̣ ад̇хиважана’’нд̇и вуд̇д̇ам̣. д̇ам̣ бана убаад̣̇аанияам̣ убаад̣̇иннам̣ анубаад̣̇иннанд̇и д̣̇увид̇хам̣. д̇асмаа д̇ам̣ висзсанзна д̣̇ассзнд̇о ‘‘убаад̣̇иннаа жа д̇з убаад̣̇аанияаа жаа’’д̇иаад̣̇имааха.

    Ayaṃ pana aparo attho daṭṭhabbo – upa-saddo upetaṃ dīpeti. Ayañhi upa-saddo samāse payujjamāno ‘‘atimālā’’tiādīsu ati-saddo viya atikkamanaṃ sasādhanaṃ upagamanaṃ sasādhanaṃ vadati, upagamanañca upādānaupayo, tena upagataṃ upetaṃ. Kiṃ pana tanti? Yaṃ asati upādāne na hoti, taṃ ‘‘upādānapaccayā bhavo’’ti evaṃ vuttaṃ tebhūmakakammaṃ paccayabhāvena purimajātuppannena upādānena upagatattā ‘‘upeta’’nti vuccati. Na hi koci anupaggamma anicchanto kammaṃ karotīti. Tena upetena kammunā punabbhavassa ādānaṃ hoti. Kammunā hi sāsavena sattā ādiyanti punabbhavaṃ, tasmā ādātabbabhāvena pākaṭo punabbhavo. So ca upapattibhavo tebhūmakavipākakaṭattārūpasaṅgaho ‘‘bhavapaccayā jātī’’ti ettha jātivacane samavaruddhoti upādinnavacanena upapattibhavo vuccati, upapattibhavo ca tebhūmakavipākakaṭattārūpānīti dhātukathāyaṃ pakāsitametaṃ. Tasmā upetena ādinnāti te eva dhammā vuccantīti siddho ayamatthoti. Upādinna-saddassa atthaṃ vatvā taṃ vissajjetvā upādāniya-saddassa visuṃ upādinnasaddānapekkhaṃ atthaṃ vattuṃ ‘‘ārammaṇabhāvaṃ upagantvā’’tiādimāha. Tasmā eva avisesetvā ‘‘upādānassa ārammaṇapaccayabhūtānametaṃ adhivacana’’nti vuttaṃ. Taṃ pana upādāniyaṃ upādinnaṃ anupādinnanti duvidhaṃ. Tasmā taṃ visesanena dassento ‘‘upādinnā ca te upādāniyā cā’’tiādimāha.

    5. сам̣гилзсод̇и д̣̇аса гилзсавад̇т̇ууни вужжанд̇и. сам̣гилидтаад̇и д̇зхи виб̣аад̇хид̇аа убад̇аабид̇аа жа. д̇з бана яасмаа сам̣гилзсасамбаяуд̇д̇аа згуббаад̣̇аад̣̇ийхи ниннаанад̇д̇аа згийбхаавамива г̇ад̇аа висаад̣̇ийхи вияа саббиаад̣̇аяо вид̣̇уусид̇аа малийнаа виб̣аад̇хид̇аа убад̇аабид̇аа жа наама хонд̇и, д̇асмаа ааха ‘‘сам̣гилзсзна саманнааг̇ад̇аа сам̣гилидтаа’’д̇и. сам̣гилзсам̣ араханд̇ийд̇и сам̣гилзсасса аарамман̣абхаавзна д̇ам̣ лад̣̇д̇хум̣ араханд̇ийд̇и ад̇т̇о. аарамман̣абхааваанад̇иггаманад̇од̇и зд̇зна сам̣гилзсаанад̇иггаманамзва д̣̇ассзд̇и, вад̇т̇аяуг̇игасун̇гасаалигасад̣̇д̣̇аанам̣ вияа сам̣гилзсига-сад̣̇д̣̇асса бавад̇д̇и взд̣̇ид̇аб̣б̣аа.

    5. Saṃkilesoti dasa kilesavatthūni vuccanti. Saṃkiliṭṭhāti tehi vibādhitā upatāpitā ca. Te pana yasmā saṃkilesasampayuttā ekuppādādīhi ninnānattā ekībhāvamiva gatā visādīhi viya sappiādayo vidūsitā malīnā vibādhitā upatāpitā ca nāma honti, tasmā āha ‘‘saṃkilesena samannāgatā saṃkiliṭṭhā’’ti. Saṃkilesaṃ arahantīti saṃkilesassa ārammaṇabhāvena taṃ laddhuṃ arahantīti attho. Ārammaṇabhāvānatikkamanatoti etena saṃkilesānatikkamanameva dasseti, vatthayugikasuṅkasālikasaddānaṃ viya saṃkilesika-saddassa pavatti veditabbā.

    6. саха вид̇аггзна хонд̇ийд̇и важанасзсо яож̇зд̇аб̣б̣о авужжамаанассаби бхавад̇и-ад̇т̇асса вин̃н̃ааяамаанад̇д̇аа. мад̇д̇аад̇и бамаан̣аваажагам̣ згам̣ бад̣̇анд̇и г̇ахзд̇ваа ‘‘вижаарова мад̇д̇аа зд̇зса’’нд̇и ад̇т̇о вуд̇д̇о. ан̃н̃ад̇т̇а авиббаяог̇ийсу вид̇аггавижаарзсу вижаарова зд̇зсам̣ мад̇д̇аа, д̇ад̇о уд̣̇д̇хам̣ вид̇аггзна самбаяог̇ам̣ на г̇ажчанд̇ийд̇и ад̇т̇о. аяамабаро ад̇т̇о – мад̇д̇а-сад̣̇д̣̇о висзсанивад̇д̇иад̇т̇о. савид̇аггасавижаараа д̇хаммаа хи вид̇аггависидтзна вижаарзна савижаараа, зд̇з бана вижаарамад̇д̇зна вид̇аггасан̇каад̇ависзсарахид̇зна, д̇асмаа ‘‘вижаарамад̇д̇аа’’д̇и вужжанд̇и, вижаарамад̇д̇аванд̇од̇и ад̇т̇о. вижаарамад̇д̇аважанзна авид̇аггад̇д̇з сид̣̇д̇хз авид̇аггаанам̣ ан̃н̃зсамби ад̇т̇ибхааваж̇од̇анад̇т̇ам̣ авид̇аггаважанам̣. авид̇аггаа хи вижаарамад̇д̇аа жа санд̇и авижаараа жаад̇и нивад̇д̇зд̇аб̣б̣аа г̇ахзд̇аб̣б̣аа жа хонд̇и, д̇зсу авужжамаанзсу нивад̇д̇зд̇аб̣б̣аг̇ахзд̇аб̣б̣асса ад̣̇ассид̇ад̇д̇аа вижаарамад̇д̇ааваавид̇аггаад̇и аабаж̇ж̇зяяаад̇и. висзсанависзсид̇аб̣б̣абхааво бана яат̇аагаамам̣ ход̇ийд̇и сааман̃н̃зна авид̇аггабхаавзна саха вижаарамад̇д̇ад̇ааяа д̇хаммависзсанабхаавам̣ д̣̇ассзд̇ум̣ ‘‘авид̇аггавижаарамад̇д̇аа’’д̇и бад̣̇аануггамо гад̇о.

    6. Saha vitakkena hontīti vacanaseso yojetabbo avuccamānassapi bhavati-atthassa viññāyamānattā. Mattāti pamāṇavācakaṃ ekaṃ padanti gahetvā ‘‘vicārova mattā etesa’’nti attho vutto. Aññattha avippayogīsu vitakkavicāresu vicārova etesaṃ mattā, tato uddhaṃ vitakkena sampayogaṃ na gacchantīti attho. Ayamaparo attho – matta-saddo visesanivattiattho. Savitakkasavicārā dhammā hi vitakkavisiṭṭhena vicārena savicārā, ete pana vicāramattena vitakkasaṅkhātavisesarahitena, tasmā ‘‘vicāramattā’’ti vuccanti, vicāramattavantoti attho. Vicāramattavacanena avitakkatte siddhe avitakkānaṃ aññesampi atthibhāvajotanatthaṃ avitakkavacanaṃ. Avitakkā hi vicāramattā ca santi avicārā cāti nivattetabbā gahetabbā ca honti, tesu avuccamānesu nivattetabbagahetabbassa adassitattā vicāramattāvaavitakkāti āpajjeyyāti. Visesanavisesitabbabhāvo pana yathākāmaṃ hotīti sāmaññena avitakkabhāvena saha vicāramattatāya dhammavisesanabhāvaṃ dassetuṃ ‘‘avitakkavicāramattā’’ti padānukkamo kato.

    ат̇а ваа савижаараа д̣̇увид̇хаа савид̇аггаа авид̇аггаа жа, д̇зсу авид̇аггз нивад̇д̇зд̇ум̣ аад̣̇ибад̣̇ам̣ вуд̇д̇ам̣. авижаараа жа д̣̇увид̇хаа савид̇аггаа авид̇аггаа жа, д̇зсу савид̇аггз нивад̇д̇зд̇ум̣ д̇ад̇ияабад̣̇ам̣ вуд̇д̇ам̣. яз бана д̣̇вийхиби нивад̇д̇ид̇аа авид̇аггаа савид̇аггаа жа савижаараа авижаараа жа, д̇зсу ан̃н̃ад̇арад̣̇ассанам̣ ваа гад̇д̇аб̣б̣ам̣ сияаа убхаяад̣̇ассанам̣ ваа. убхаяад̣̇ассанз гарияамаанз яад̣̇и ‘‘савид̇аггасавижаараа’’д̇и вужжзяяа, аад̣̇ибад̣̇ад̇т̇ад̇аава аабаж̇ж̇ад̇и. ат̇а ‘‘авид̇аггаавижаараа’’д̇и вужжзяяа, анд̇абад̣̇ад̇т̇ад̇аа. ат̇а бана ‘‘авид̇аггасавижаараа савид̇аггаавижаараа’’д̇и вужжзяяа, аж̇жхад̇д̇аб̣ахид̣̇д̇хаанам̣ вияа ад̇т̇анд̇араабхааво ваа сан̇гарад̣̇осо ваа згассзва савид̇аггаавид̇аггад̇аасавижаараавижаарад̇аавирод̇хо ваа аабаж̇ж̇зяяа, д̇асмаа ан̃н̃ад̇арад̣̇ассанзна ид̇арамби багаасзд̇ум̣ авид̇аггаважанзна д̣̇виббагаарзсу вад̇д̇аб̣б̣зсу савид̇аггаавижаарз нивад̇д̇зд̇ваа авид̇аггасавижаарз д̣̇ассзнд̇о ааха ‘‘авид̇аггавижаарамад̇д̇аа’’д̇и. ат̇а ваа вид̇аггаабхаавзна зд̇з вижаарамад̇д̇аа, на вижаарад̇о ан̃н̃асса гассажи д̇хаммасса абхааваад̇и д̣̇ассзд̇ум̣ авид̇аггаважанзна вижаарамад̇д̇аа висзсид̇аа.

    Atha vā savicārā duvidhā savitakkā avitakkā ca, tesu avitakke nivattetuṃ ādipadaṃ vuttaṃ. Avicārā ca duvidhā savitakkā avitakkā ca, tesu savitakke nivattetuṃ tatiyapadaṃ vuttaṃ. Ye pana dvīhipi nivattitā avitakkā savitakkā ca savicārā avicārā ca, tesu aññataradassanaṃ vā kattabbaṃ siyā ubhayadassanaṃ vā. Ubhayadassane kariyamāne yadi ‘‘savitakkasavicārā’’ti vucceyya, ādipadatthatāva āpajjati. Atha ‘‘avitakkaavicārā’’ti vucceyya, antapadatthatā. Atha pana ‘‘avitakkasavicārā savitakkaavicārā’’ti vucceyya, ajjhattabahiddhānaṃ viya atthantarābhāvo vā saṅkaradoso vā ekasseva savitakkāvitakkatāsavicārāvicāratāvirodho vā āpajjeyya, tasmā aññataradassanena itarampi pakāsetuṃ avitakkavacanena dvippakāresu vattabbesu savitakkaavicāre nivattetvā avitakkasavicāre dassento āha ‘‘avitakkavicāramattā’’ti. Atha vā vitakkābhāvena ete vicāramattā, na vicārato aññassa kassaci dhammassa abhāvāti dassetuṃ avitakkavacanena vicāramattā visesitā.

    7. убзгкад̇ийд̇и взд̣̇аяамаанааби маж̇жхад̇д̇авзд̣̇анаа сукаагаарз д̣̇угкаагаарз жа уд̣̇аасинаа ход̇ийд̇и ад̇т̇о. ат̇а ваа убзд̇аа яуд̇д̇аа сукад̣̇угкаанам̣ авируд̣̇д̇хаа игкаа анубхаванам̣ убзгкаа. висзсад̣̇ассанавасзнаад̇и наанад̇д̇ад̣̇ассанавасзна. яад̣̇и хи бийд̇исахаг̇ад̇аа зва сукасахаг̇ад̇аа сияум̣, ‘‘бийд̇исахаг̇ад̇аа’’д̇и зд̇знзва сид̣̇д̇хад̇д̇аа ‘‘сукасахаг̇ад̇аа’’д̇и ид̣̇ам̣ на вад̇д̇аб̣б̣ам̣ сияаа, ‘‘сукасахаг̇ад̇аа’’д̇и ваа вужжамаанз ‘‘бийд̇исахаг̇ад̇аа’’д̇и на вад̇д̇аб̣б̣ам̣, д̇ад̇о д̇игам̣ буурзнд̇зна д̣̇угкасахаг̇ад̇абад̣̇ам̣ вад̇д̇аб̣б̣ам̣ сияаа, зван̃жа сад̇и ‘‘взд̣̇анаад̇д̇иго звааяа’’нд̇и вуд̇д̇аважанам̣ аабаж̇ж̇ад̇и, д̇асмаа ‘‘бийд̇исахаг̇ад̇аа’’д̇и вад̇ваа ‘‘сукасахаг̇ад̇аа’’д̇и вад̣̇анд̇о бийд̇ивиббаяуд̇д̇амби сукам̣ ад̇т̇ийд̇и д̇ад̇ияаж̇жхаанагааяавин̃н̃аан̣асамбаяуд̇д̇ам̣ сукам̣ саббийд̇игасукад̇о бхиннам̣ гад̇ваа д̣̇ассзд̇ийд̇и ад̇хиббааяо. ат̇а ваа бийд̇исукаанам̣ д̣̇уб̣б̣ин̃н̃зяяанаанад̇д̇аанам̣ наанад̇д̇ад̣̇ассанад̇т̇ам̣ аяам̣ д̇иго вуд̇д̇о. ‘‘бийд̇исахаг̇ад̇аа’’д̇и зд̇т̇а хи сукзгад̣̇зсо сан̇г̇ахид̇о, на бийд̇и. ‘‘сукасахаг̇ад̇аа’’д̇и зд̇т̇а бийд̇и сан̇г̇ахид̇аа, на сукам̣. бийд̇ивиббаяуд̇д̇асукасахаг̇ад̇аа жа буримзна асан̇г̇ахид̇аа бажчимзна сан̇г̇ахид̇аад̇и сид̣̇д̇хо бийд̇исукаанам̣ висзсод̇и.

    7. Upekkhatīti vedayamānāpi majjhattavedanā sukhākāre dukkhākāre ca udāsinā hotīti attho. Atha vā upetā yuttā sukhadukkhānaṃ aviruddhā ikkhā anubhavanaṃ upekkhā. Visesadassanavasenāti nānattadassanavasena. Yadi hi pītisahagatā eva sukhasahagatā siyuṃ, ‘‘pītisahagatā’’ti eteneva siddhattā ‘‘sukhasahagatā’’ti idaṃ na vattabbaṃ siyā, ‘‘sukhasahagatā’’ti vā vuccamāne ‘‘pītisahagatā’’ti na vattabbaṃ, tato tikaṃ pūrentena dukkhasahagatapadaṃ vattabbaṃ siyā, evañca sati ‘‘vedanāttiko evāya’’nti vuttavacanaṃ āpajjati, tasmā ‘‘pītisahagatā’’ti vatvā ‘‘sukhasahagatā’’ti vadanto pītivippayuttampi sukhaṃ atthīti tatiyajjhānakāyaviññāṇasampayuttaṃ sukhaṃ sappītikasukhato bhinnaṃ katvā dassetīti adhippāyo. Atha vā pītisukhānaṃ dubbiññeyyanānattānaṃ nānattadassanatthaṃ ayaṃ tiko vutto. ‘‘Pītisahagatā’’ti ettha hi sukhekadeso saṅgahito, na pīti. ‘‘Sukhasahagatā’’ti ettha pīti saṅgahitā, na sukhaṃ. Pītivippayuttasukhasahagatā ca purimena asaṅgahitā pacchimena saṅgahitāti siddho pītisukhānaṃ visesoti.

    8. ниб̣б̣аанам̣ д̣̇ассанад̇од̇и ниб̣б̣аанаарамман̣ад̇ам̣ санд̇хааяааха. ат̇а ваа д̇хаммажагку бунаббунам̣ ниб̣б̣ад̇д̇анзна бхааванаабхаавам̣ аббад̇д̇ам̣ д̣̇ассанам̣ наама, д̇хаммажагку жа барин̃н̃аад̣̇игижжагаран̣зна жад̇усажжад̇хаммад̣̇ассанам̣ д̇ад̣̇ад̇исаяо, д̇асмаа над̇т̇зд̇т̇а г̇од̇рабхусса д̣̇ассанабхааваабад̇д̇ийд̇и. убхаяабадигкзбавасзнаад̇и д̣̇вийхи бад̣̇зхи вуд̇д̇ад̇хаммабадигкзбавасзна, на бахааяагабадигкзбавасзна. д̇ат̇аа хи сад̇и д̣̇ассанабхааванаахи ан̃н̃о самужчзд̣̇авасзна бахааяаго ад̇т̇и, д̇зна бахаад̇аб̣б̣аа нзва д̣̇ассанзна на бхааванааяа бахаад̇аб̣б̣аад̇и аяамад̇т̇о аабаж̇ж̇ад̇и, на жа ан̃н̃о бахааяаго ад̇т̇и ан̃н̃зхи вигкамбхид̇аанан̃жа бунаббавад̇д̇исаб̣бхааваа, нааби бахаад̇аб̣б̣аа д̇ад̇ияабад̣̇зна сан̇г̇аяханд̇и, гинд̇у аббахаад̇аб̣б̣аа зваад̇и. д̇асмаа бахаад̇аб̣б̣абад̣̇ам̣ бажжзгам̣ яож̇зд̇ваа нзва д̣̇ассанзна бахаад̇аб̣б̣аа на бхааванааяа бахаад̇аб̣б̣аад̇и д̣̇ассанзна бхааванааяа бахаад̇аб̣б̣зхи ан̃н̃з г̇ахид̇аад̇и взд̣̇ид̇аб̣б̣аа.

    8. Nibbānaṃ dassanatoti nibbānārammaṇataṃ sandhāyāha. Atha vā dhammacakkhu punappunaṃ nibbattanena bhāvanābhāvaṃ appattaṃ dassanaṃ nāma, dhammacakkhu ca pariññādikiccakaraṇena catusaccadhammadassanaṃ tadatisayo, tasmā natthettha gotrabhussa dassanabhāvāpattīti. Ubhayapaṭikkhepavasenāti dvīhi padehi vuttadhammapaṭikkhepavasena, na pahāyakapaṭikkhepavasena. Tathā hi sati dassanabhāvanāhi añño samucchedavasena pahāyako atthi, tena pahātabbā neva dassanena na bhāvanāya pahātabbāti ayamattho āpajjati, na ca añño pahāyako atthi aññehi vikkhambhitānañca punappavattisabbhāvā, nāpi pahātabbā tatiyapadena saṅgayhanti, kintu appahātabbā evāti. Tasmā pahātabbapadaṃ paccekaṃ yojetvā neva dassanena pahātabbā na bhāvanāya pahātabbāti dassanena bhāvanāya pahātabbehi aññe gahitāti veditabbā.

    9. звамад̇т̇ам̣ аг̇г̇ахзд̇ваад̇и ад̇т̇ааяуд̇д̇ид̇о жа сад̣̇д̣̇ааяуд̇д̇ид̇о жа аг̇г̇ахзд̇аб̣б̣ад̇ам̣ д̣̇ассзд̇и. д̣̇ассанабхааванаахи аббахаад̇аб̣б̣ахзд̇умад̇д̇зсу хи г̇аяхамаанзсу ахзд̇угаа асан̇г̇ахид̇аад̇и яат̇аад̇хиббзд̇асса ад̇т̇асса абарибун̣н̣ад̇д̇аа ад̇т̇ааяуд̇д̇и, бахаад̇аб̣б̣асад̣̇д̣̇асса нижжасаабзгкад̇д̇з жа сад̇и на самб̣анд̇хийсад̣̇д̣̇ад̇о бахааяагад̇о ан̃н̃ам̣ бадисзд̇хам̣ абзгкамаанасса хзд̇усад̣̇д̣̇зна самаасо убабаж̇ж̇ад̇ийд̇и сад̣̇д̣̇ааяуд̇д̇и жа взд̣̇ид̇аб̣б̣аа. звамад̇т̇о г̇ахзд̇аб̣б̣од̇и бахаад̇аб̣б̣а-сад̣̇д̣̇ам̣ бадисзд̇хзна аяож̇зд̇ваа язсам̣ ан̃н̃абад̣̇ад̇т̇з самаасо, д̇аб̣б̣исзсанам̣ ад̇т̇ийд̇и ид̣̇ам̣ бадисзд̇хзна яож̇зд̇ваа д̣̇ассанабхааванаахи бахаад̇аб̣б̣о хзд̇у зд̇зсам̣ нзвад̇т̇ийд̇и ад̇т̇о г̇ахзд̇аб̣б̣од̇и вуд̇д̇ам̣ ход̇и. зван̃жа сад̇и яат̇аад̇хиббзд̇ад̇т̇о саб̣б̣о сан̇г̇ахид̇од̇и. ад̇т̇ааяуд̇д̇и маа ход̇у, сад̣̇д̣̇о бана ид̇хааби на яуд̇д̇о. зганд̇аяог̇ийнам̣ ад̇т̇и-сад̣̇д̣̇амзва хи абзгкамаанаанам̣ убхиннам̣ бахаад̇аб̣б̣ахзд̇у-сад̣̇д̣̇аанам̣ самаасо яуд̇д̇о, на бадисзд̇хам̣ абзгкамаанаананд̇и, д̇асмаа г̇ахзд̇аб̣б̣ад̇т̇ад̣̇ассанамад̇д̇ам̣ зд̇ам̣ гад̇ам̣, сад̣̇д̣̇о бана яат̇аа яуж̇ж̇ад̇и, д̇ат̇аа яож̇зд̇аб̣б̣о. звам̣ бана яуж̇ж̇ад̇и – бахаад̇аб̣б̣о хзд̇у зд̇зсам̣ ад̇т̇ийд̇и бахаад̇аб̣б̣ахзд̇угаа. гзна бахаад̇аб̣б̣од̇и? д̣̇ассанзна бхааванааяа жа. д̇аяид̣̇ам̣ бахаад̇аб̣б̣ахзд̇угабад̣̇ам̣ д̣̇ассанабхааванаабад̣̇зхи висум̣ висум̣ яож̇зд̇ваа д̇зхи яуд̇д̇зна яз д̣̇ассанзна бахаад̇аб̣б̣ахзд̇угаа нзва хонд̇и, бхааванааяа бахаад̇аб̣б̣ахзд̇угаа жа на хонд̇ийд̇и бадисзд̇хан̃жа висум̣ висум̣ яож̇зд̇ваа д̇з нзва д̣̇ассанзна на бхааванааяа бахаад̇аб̣б̣ахзд̇угаад̇и вужжанд̇и. нзвавибааганавибаагад̇хаммад̇хаммаважанам̣ вияа хи буримабад̣̇ад̣̇ваяасан̇г̇ахид̇ад̇хаммабадисзд̇ханзна д̇ад̣̇ан̃н̃ад̇хамманид̣̇ассанамзд̇ам̣ ход̇и, на ахзд̇угабад̣̇ам̣ вияа хзд̇увирахаббагаасанзнаад̇и. зван̃жа гад̇ваа д̣̇вз бадисзд̇хаа яуд̇д̇аа хонд̇и.

    9. Evamatthaṃ aggahetvāti atthāyuttito ca saddāyuttito ca aggahetabbataṃ dasseti. Dassanabhāvanāhi appahātabbahetumattesu hi gayhamānesu ahetukā asaṅgahitāti yathādhippetassa atthassa aparipuṇṇattā atthāyutti, pahātabbasaddassa niccasāpekkhatte ca sati na sambandhīsaddato pahāyakato aññaṃ paṭisedhaṃ apekkhamānassa hetusaddena samāso upapajjatīti saddāyutti ca veditabbā. Evamattho gahetabboti pahātabba-saddaṃ paṭisedhena ayojetvā yesaṃ aññapadatthe samāso, tabbisesanaṃ atthīti idaṃ paṭisedhena yojetvā dassanabhāvanāhi pahātabbo hetu etesaṃ nevatthīti attho gahetabboti vuttaṃ hoti. Evañca sati yathādhippetattho sabbo saṅgahitoti. Atthāyutti mā hotu, saddo pana idhāpi na yutto. Ekantayogīnaṃ atthi-saddameva hi apekkhamānānaṃ ubhinnaṃ pahātabbahetu-saddānaṃ samāso yutto, na paṭisedhaṃ apekkhamānānanti, tasmā gahetabbatthadassanamattaṃ etaṃ kataṃ, saddo pana yathā yujjati, tathā yojetabbo. Evaṃ pana yujjati – pahātabbo hetu etesaṃ atthīti pahātabbahetukā. Kena pahātabboti? Dassanena bhāvanāya ca. Tayidaṃ pahātabbahetukapadaṃ dassanabhāvanāpadehi visuṃ visuṃ yojetvā tehi yuttena ye dassanena pahātabbahetukā neva honti, bhāvanāya pahātabbahetukā ca na hontīti paṭisedhañca visuṃ visuṃ yojetvā te neva dassanena na bhāvanāya pahātabbahetukāti vuccanti. Nevavipākanavipākadhammadhammavacanaṃ viya hi purimapadadvayasaṅgahitadhammapaṭisedhanena tadaññadhammanidassanametaṃ hoti, na ahetukapadaṃ viya hetuvirahappakāsanenāti. Evañca katvā dve paṭisedhā yuttā honti.

    хзд̇уязва хи д̇зсам̣ над̇т̇и, яо д̣̇ассанабхааванаахи бахаад̇аб̣б̣о сияаад̇и буримасмин̃хи ад̇т̇з хзд̇уунам̣ д̣̇ассанабхааванаахи бахаад̇аб̣б̣ад̇аа бадигкид̇д̇аа, бадигкзбо жа бахаад̇аб̣б̣аасан̇гаасаб̣бхаавз ход̇и, бахаад̇аб̣б̣аасан̇гаа жа хзд̇умхи сад̇и сияаа, д̇зсам̣ бана ахзд̇угаанам̣ хзд̇уязва над̇т̇и, яо д̣̇ассанабхааванаахи бахаад̇аб̣б̣о сияаа, д̇ад̣̇абхааваа бахаад̇аб̣б̣аасан̇гаа над̇т̇ийд̇и д̇ам̣нивааран̣ад̇т̇о бадигкзбо на самбхавад̇и, д̇асмаа ‘‘нзвад̣̇ассанзна на бхааванааяа бахаад̇аб̣б̣о хзд̇у зд̇зса’’нд̇и звам̣ ахзд̇угаанам̣ г̇ахан̣ам̣ на бхавзяяаад̇и ад̇т̇о. ат̇а ваа ид̇арат̇аа хи ахзд̇угаанам̣ аг̇г̇ахан̣ам̣ бхавзяяаад̇и ад̇т̇асса баагадад̇д̇аа на гааран̣асаад̇ханийяо зсод̇и г̇ахзд̇аб̣б̣ад̇т̇ассзва гааран̣ам̣ вад̣̇анд̇о ‘‘хзд̇уязва хи д̇зсам̣ над̇т̇ий’’д̇иаад̣̇имааха. д̇зсан̃хи нзвад̣̇ассанзна на бхааванааяабахаад̇аб̣б̣ахзд̇угабад̣̇аважанийяаанам̣ яо д̣̇ассанабхааванаахи бахаад̇аб̣б̣о сияаа, со звам̣багааро хзд̇у над̇т̇и. д̇з хи анзгаббагаараа сахзд̇угаа ахзд̇угаа жаад̇и, д̇асмаа нзвад̣̇ассанзна на бхааванааяа бахаад̇аб̣б̣о хзд̇у зд̇зсам̣ ад̇т̇ийд̇и аяамад̇т̇о г̇ахзд̇аб̣б̣од̇и ад̇т̇о.

    Hetuyeva hi tesaṃ natthi, yo dassanabhāvanāhi pahātabbo siyāti purimasmiñhi atthe hetūnaṃ dassanabhāvanāhi pahātabbatā paṭikkhittā, paṭikkhepo ca pahātabbāsaṅkāsabbhāve hoti, pahātabbāsaṅkā ca hetumhi sati siyā, tesaṃ pana ahetukānaṃ hetuyeva natthi, yo dassanabhāvanāhi pahātabbo siyā, tadabhāvā pahātabbāsaṅkā natthīti taṃnivāraṇattho paṭikkhepo na sambhavati, tasmā ‘‘nevadassanena na bhāvanāya pahātabbo hetu etesa’’nti evaṃ ahetukānaṃ gahaṇaṃ na bhaveyyāti attho. Atha vā itarathā hi ahetukānaṃ aggahaṇaṃ bhaveyyāti atthassa pākaṭattā na kāraṇasādhanīyo esoti gahetabbatthasseva kāraṇaṃ vadanto ‘‘hetuyeva hi tesaṃ natthī’’tiādimāha. Tesañhi nevadassanena na bhāvanāyapahātabbahetukapadavacanīyānaṃ yo dassanabhāvanāhi pahātabbo siyā, so evaṃpakāro hetu natthi. Te hi anekappakārā sahetukā ahetukā cāti, tasmā nevadassanena na bhāvanāya pahātabbo hetu etesaṃ atthīti ayamattho gahetabboti attho.

    10. д̇ам̣ аарамман̣ам̣ гад̇ваад̇и ид̣̇ам̣ жад̇угижжасаад̇ханавасзна аарамман̣агаран̣ам̣ санд̇хааяа вуд̇д̇анд̇и взд̣̇ид̇аб̣б̣ам̣. ан̃н̃ат̇аа г̇од̇рабхупалабажжавзгкан̣аад̣̇ийнамби абажаяаг̇аамид̇аа аабаж̇ж̇зяяаад̇и. ат̇а ваа хзд̇убхаавзна абажаяам̣ ниб̣б̣аанам̣ г̇ажчанд̇ийд̇и абажаяаг̇аамино. ниб̣б̣аанасса хи аниб̣б̣ад̇д̇анияад̇д̇зби самуд̣̇аяаббахаанасамуд̣̇аяанирод̇хаанам̣ ад̇хиг̇амаад̇хиг̇анд̇аб̣б̣абхаавад̇о хзд̇ухзд̇упалабхааво маг̇г̇аниб̣б̣аанаанам̣ яуж̇ж̇ад̇и. яат̇ааха ‘‘д̣̇угканирод̇хз н̃аан̣ам̣ ад̇т̇абадисамбхид̣̇аа, д̣̇угканирод̇хаг̇ааминияаа бадибад̣̇ааяа н̃аан̣ам̣ д̇хаммабадисамбхид̣̇аа’’д̇и (вибха. 719). ад̇т̇од̇и хи хзд̇упалам̣. д̇хаммод̇и хзд̇ууд̇и. буримабажчимаанам̣ буримз сасамбаяуд̇д̇аа вуд̇д̇аа, бажчимз гзвалаа. буримз вияа бана бажчимз ад̇т̇зби арияамаг̇г̇асийсзна саб̣б̣алогуд̇д̇арагусалажид̇д̇уббаад̣̇аа г̇ахзд̇аб̣б̣аа. д̣̇уд̇ияз ад̇т̇авигаббз ‘‘аажаяам̣ г̇аамино’’д̇и вад̇д̇аб̣б̣з анунаасигалобо гад̇од̇и д̣̇адтаб̣б̣о. аажинанд̇ийд̇и ваа аажаяаа, аажаяаа худ̇ваа г̇ажчанд̇и бавад̇д̇анд̇ийд̇иби ад̇т̇о д̣̇адтаб̣б̣о.

    10. Taṃ ārammaṇaṃ katvāti idaṃ catukiccasādhanavasena ārammaṇakaraṇaṃ sandhāya vuttanti veditabbaṃ. Aññathā gotrabhuphalapaccavekkhaṇādīnampi apacayagāmitā āpajjeyyāti. Atha vā hetubhāvena apacayaṃ nibbānaṃ gacchantīti apacayagāmino. Nibbānassa hi anibbattaniyattepi samudayappahānasamudayanirodhānaṃ adhigamaadhigantabbabhāvato hetuhetuphalabhāvo magganibbānānaṃ yujjati. Yathāha ‘‘dukkhanirodhe ñāṇaṃ atthapaṭisambhidā, dukkhanirodhagāminiyā paṭipadāya ñāṇaṃ dhammapaṭisambhidā’’ti (vibha. 719). Atthoti hi hetuphalaṃ. Dhammoti hetūti. Purimapacchimānaṃ purime sasampayuttā vuttā, pacchime kevalā. Purime viya pana pacchime atthepi ariyamaggasīsena sabbalokuttarakusalacittuppādā gahetabbā. Dutiye atthavikappe ‘‘ācayaṃ gāmino’’ti vattabbe anunāsikalopo katoti daṭṭhabbo. Ācinantīti vā ācayā, ācayā hutvā gacchanti pavattantītipi attho daṭṭhabbo.

    11. сад̇д̇а бана сзгкаа сигканасийлаад̇и сзгкаа, д̇зсам̣ имзд̇и сзгкаа, ан̃н̃аасаад̇хааран̣аа маг̇г̇апалад̇д̇аяад̇хаммаа. саяамзва сигканд̇ийд̇и сигканасийлаанамзд̇ам̣ нид̣̇ассанам̣. яз хи д̇хаммаа сигканд̇и, д̇з сигканасийлаа хонд̇ийд̇и. агкарад̇т̇о бана сигкаа зд̇зсам̣ сийланд̇и сзгкаад̇и. на сзгкаад̇и яад̇т̇а сзгкабхааваасан̇гаа ад̇т̇и, д̇ад̇т̇ааяам̣ бадисзд̇ход̇и логияаниб̣б̣аанзсу асзгкабхааваанаабад̇д̇и д̣̇адтаб̣б̣аа. сийласамаад̇хибан̃н̃аасан̇каад̇аа хи сигкаа ад̇д̇ано бадибагкагилзсзхи виббамуд̇д̇аа барисуд̣̇д̇хаа убаггилзсаанам̣ аарамман̣абхаавамби анубаг̇аманад̇о зд̇аа сигкаад̇и вад̇д̇ум̣ яуд̇д̇аа адтасу маг̇г̇апалзсу виж̇ж̇анд̇и, д̇асмаа жад̇умаг̇г̇ахздтимапалад̇д̇аяад̇хаммаа вияа арахад̇д̇апалад̇хаммааби д̇аасу сигкаасу ж̇аад̇аад̇и жа, д̇ам̣сигкаасаман̇г̇ино арахад̇о ид̇арзсам̣ вияа сзгкад̇д̇з сад̇и сзгкасса зд̇зд̇и жа, сигкаа сийлам̣ зд̇зсанд̇и жа сзгкаад̇и аасан̇гид̇аб̣б̣аа сияунд̇и д̇ад̣̇аасан̇гаанивад̇д̇анад̇т̇ам̣ ‘‘асзгкаа’’д̇и яат̇аавуд̇д̇асзгкабхаавабадисзд̇хо гад̇о. арахад̇д̇апалз хи бавад̇д̇амаанаа сигкаа баринидтид̇асигкаагижжад̇д̇аа на сигкаагижжам̣ гаронд̇и, гзвалам̣ сигкаапалабхаавзнзва бавад̇д̇анд̇и, д̇асмаа д̇аа на сигкааважанам̣ араханд̇и, нааби д̇ам̣саман̇г̇ино сзгкаважанам̣, на жа д̇ам̣самбаяуд̇д̇аа сигканасийлаад̇и сигкаасу ж̇аад̇аад̇иаад̣̇иад̇т̇зхи аг̇г̇апалад̇хаммаа сзгкаа на хонд̇и, хздтимапалзсу бана сигкаа сагад̣̇ааг̇аамимаг̇г̇авибассанаад̣̇ийнам̣ убаниссаяабхаавад̇о сигкаагижжам̣ гаронд̇ийд̇и сигкааважанам̣ араханд̇и, д̇ам̣саман̇г̇ино жа сзгкаважанам̣, д̇ам̣самбаяуд̇д̇аа жа сигканасийлавуд̇д̇ийд̇и д̇ад̇т̇а д̇хаммаа яат̇аавуд̇д̇зхи ад̇т̇зхи сзгкаа хонд̇и зва.

    11. Satta pana sekkhā sikkhanasīlāti sekkhā, tesaṃ imeti sekkhā, aññāsādhāraṇā maggaphalattayadhammā. Sayameva sikkhantīti sikkhanasīlānametaṃ nidassanaṃ. Ye hi dhammā sikkhanti, te sikkhanasīlā hontīti. Akkharattho pana sikkhā etesaṃ sīlanti sekkhāti. Na sekkhāti yattha sekkhabhāvāsaṅkā atthi, tatthāyaṃ paṭisedhoti lokiyanibbānesu asekkhabhāvānāpatti daṭṭhabbā. Sīlasamādhipaññāsaṅkhātā hi sikkhā attano paṭipakkhakilesehi vippamuttā parisuddhā upakkilesānaṃ ārammaṇabhāvampi anupagamanato etā sikkhāti vattuṃ yuttā aṭṭhasu maggaphalesu vijjanti, tasmā catumaggaheṭṭhimaphalattayadhammā viya arahattaphaladhammāpi tāsu sikkhāsu jātāti ca, taṃsikkhāsamaṅgino arahato itaresaṃ viya sekkhatte sati sekkhassa eteti ca, sikkhā sīlaṃ etesanti ca sekkhāti āsaṅkitabbā siyunti tadāsaṅkānivattanatthaṃ ‘‘asekkhā’’ti yathāvuttasekkhabhāvapaṭisedho kato. Arahattaphale hi pavattamānā sikkhā pariniṭṭhitasikkhākiccattā na sikkhākiccaṃ karonti, kevalaṃ sikkhāphalabhāveneva pavattanti, tasmā tā na sikkhāvacanaṃ arahanti, nāpi taṃsamaṅgino sekkhavacanaṃ, na ca taṃsampayuttā sikkhanasīlāti sikkhāsu jātātiādiatthehi aggaphaladhammā sekkhā na honti, heṭṭhimaphalesu pana sikkhā sakadāgāmimaggavipassanādīnaṃ upanissayabhāvato sikkhākiccaṃ karontīti sikkhāvacanaṃ arahanti, taṃsamaṅgino ca sekkhavacanaṃ, taṃsampayuttā ca sikkhanasīlavuttīti tattha dhammā yathāvuttehi atthehi sekkhā honti eva.

    сзгкаад̇и ваа абарияосид̇асигкаа д̣̇ассид̇аа. ананд̇арамзва ‘‘асзгкаа’’д̇и важанам̣ барияосид̇асигкаанам̣ д̣̇ассананд̇и на логияаниб̣б̣аанаанам̣ асзгкад̇аабад̇д̇и. вуд̣̇д̇хиббад̇д̇аа ваа сзгкаад̇и зд̇асмим̣ ад̇т̇з сзгкад̇хаммзсу зва гзсан̃жи вуд̣̇д̇хиббад̇д̇аанам̣ асзгкад̇аа аабаж̇ж̇ад̇и, д̇зна арахад̇д̇амаг̇г̇ад̇хаммаа вуд̣̇д̇хиббад̇д̇аа жа яат̇аавуд̇д̇зхи жа ад̇т̇зхи сзгкаад̇и гад̇ваа асзгкаа аабаннаад̇и? на, д̇ам̣сад̣̇исзсу д̇аб̣б̣охаараа. арахад̇д̇амаг̇г̇ад̇о хи ниннаанаагаран̣ам̣ арахад̇д̇апалам̣ табзд̇ваа барин̃н̃аад̣̇игижжагаран̣ам̣ вибаагабхааван̃жа, д̇асмаа д̇з зва сзгкаа д̇хаммаа арахад̇д̇апалабхаавам̣ аабаннаад̇и саггаа вад̇д̇ум̣, гусаласукад̇о жа вибаагасукам̣ санд̇ад̇арад̇ааяа бан̣ийд̇ад̇аранд̇и вуд̣̇д̇хиббад̇д̇аа жа д̇з д̇хаммаа хонд̇ийд̇и асзгкаад̇и вужжанд̇ийд̇и.

    Sekkhāti vā apariyositasikkhā dassitā. Anantarameva ‘‘asekkhā’’ti vacanaṃ pariyositasikkhānaṃ dassananti na lokiyanibbānānaṃ asekkhatāpatti. Vuddhippattā vā sekkhāti etasmiṃ atthe sekkhadhammesu eva kesañci vuddhippattānaṃ asekkhatā āpajjati, tena arahattamaggadhammā vuddhippattā ca yathāvuttehi ca atthehi sekkhāti katvā asekkhā āpannāti? Na, taṃsadisesu tabbohārā. Arahattamaggato hi ninnānākaraṇaṃ arahattaphalaṃ ṭhapetvā pariññādikiccakaraṇaṃ vipākabhāvañca, tasmā te eva sekkhā dhammā arahattaphalabhāvaṃ āpannāti sakkā vattuṃ, kusalasukhato ca vipākasukhaṃ santataratāya paṇītataranti vuddhippattā ca te dhammā hontīti asekkhāti vuccantīti.

    12. гилзсавигкамбханаасамад̇т̇ад̇аад̣̇ийхи барид̇д̇аа. ‘‘гилзса…бз… д̇ааяаа’’д̇и ад̇т̇ад̇д̇аяамби гусалзсу яуж̇ж̇ад̇и, вибаагагириязсу д̣̇ийгхасанд̇аанад̇аава. бамаан̣агарзхи ваа ол̣ааригзхи гаамад̇ан̣хаад̣̇ийхи барижчиннаа барид̇д̇аа. д̇зхи абарижчиннад̇д̇аа сукумзхи руубад̇ан̣хаад̣̇ийхи барижчиннаа бамаан̣амахад̇д̇ам̣ г̇ад̇аад̇и махаг̇г̇ад̇аа. абарижчиннаа аббамаан̣аа.

    12. Kilesavikkhambhanāsamatthatādīhi parittā. ‘‘Kilesa…pe… tāyā’’ti atthattayampi kusalesu yujjati, vipākakiriyesu dīghasantānatāva. Pamāṇakarehi vā oḷārikehi kāmataṇhādīhi paricchinnā parittā. Tehi aparicchinnattā sukhumehi rūpataṇhādīhi paricchinnā pamāṇamahattaṃ gatāti mahaggatā. Aparicchinnā appamāṇā.

    14. ад̇аббагадтзнаад̇и д̣̇ивасамби бажжавзгкияамаанаа логуд̇д̇арад̇хаммаа д̇ид̇д̇им̣ на ж̇анзнд̇и самаабаж̇ж̇ияамаанааби палад̇хаммаад̇и.

    14. Atappakaṭṭhenāti divasampi paccavekkhiyamānā lokuttaradhammā tittiṃ na janenti samāpajjiyamānāpi phaladhammāti.

    15. маад̇угхаад̇аад̣̇ийсу бавад̇д̇амаанааби хид̇асукам̣ ижчанд̇аава бавад̇д̇анд̇ийд̇и д̇з д̇хаммаа хид̇асукаавахаа мз бхависсанд̇ийд̇и аасийсид̇аа хонд̇и, д̇ат̇аа асубхаасукаанижжаанад̇д̇зсу субхаад̣̇ивибарияаасад̣̇ал̣хад̇ааяа аананд̇арияагамманияад̇амижчаад̣̇идтийсу бавад̇д̇и ход̇ийд̇и д̇з д̇хаммаа асубхаад̣̇ийсу субхаад̣̇ивибарийд̇аббавад̇д̇игаа хонд̇и. мижчаасабхааваад̇и мусаасабхааваа. анзгзсу аананд̇ариязсу гад̇зсу яам̣ д̇ад̇т̇а б̣алавам̣, д̇ам̣ вибажжад̇и, на ид̇араанийд̇и зганд̇авибаагаж̇анагад̇ааяа нияад̇ад̇аа на саггаа вад̇д̇унд̇и ‘‘вибаагад̣̇аанз сад̇ий’’д̇иаад̣̇имааха. д̇ад̇т̇а канд̇хабхзд̣̇аананд̇аранд̇и жуд̇иананд̇арам̣. жуд̇и хи маран̣анид̣̇д̣̇зсз (вибха. 193) ‘‘канд̇хаанам̣ бхзд̣̇о’’д̇и вуд̇д̇аад̇и. зд̇зна важанзна сад̇и палад̣̇аанз жуд̇иананд̇аро зва, на ан̃н̃о зд̇зсам̣ палагаалод̇и палагааланияамзнзва нияад̇ад̇аа вуд̇д̇аа ход̇и, на палад̣̇аананияамзнаад̇и нияад̇апалагаалаанам̣ ан̃н̃зсамби убабаж̇ж̇авзд̣̇анийяаанам̣ д̣̇идтад̇хаммавзд̣̇анийяаанамби нияад̇ад̇аа аабаж̇ж̇ад̇и, д̇асмаа вибаагад̇хаммад̇хаммаанам̣ бажжаяанд̇аравигалад̇аад̣̇ийхи авибажжамаанаанамби ад̇д̇ано сабхаавзна вибаагад̇хаммад̇аа вияа б̣алавад̇аа аананд̇ариязна вибаагз д̣̇иннз авибажжамаанаанамби аананд̇арияаанам̣ палад̣̇аанз нияад̇асабхааваа аананд̇арияасабхааваа жа бавад̇д̇ийд̇и ад̇д̇ано сабхаавзна палад̣̇аананияамзнзва нияад̇ад̇аа аананд̇арияад̇аа жа взд̣̇ид̇аб̣б̣аа. авассан̃жа нияад̇асабхааваа аананд̇арияасабхааваа жа д̇зсам̣ бавад̇д̇ийд̇и самбадижчид̇аб̣б̣амзд̇ам̣ ан̃н̃асса б̣алавад̇о аананд̇арияасса абхаавз жуд̇иананд̇арам̣ зганд̇зна палад̣̇аанад̇о.

    15. Mātughātādīsu pavattamānāpi hitasukhaṃ icchantāva pavattantīti te dhammā hitasukhāvahā me bhavissantīti āsīsitā honti, tathā asubhāsukhāniccānattesu subhādivipariyāsadaḷhatāya ānantariyakammaniyatamicchādiṭṭhīsu pavatti hotīti te dhammā asubhādīsu subhādiviparītappavattikā honti. Micchāsabhāvāti musāsabhāvā. Anekesu ānantariyesu katesu yaṃ tattha balavaṃ, taṃ vipaccati, na itarānīti ekantavipākajanakatāya niyatatā na sakkā vattunti ‘‘vipākadāne satī’’tiādimāha. Tattha khandhabhedānantaranti cutianantaraṃ. Cuti hi maraṇaniddese (vibha. 193) ‘‘khandhānaṃ bhedo’’ti vuttāti. Etena vacanena sati phaladāne cutianantaro eva, na añño etesaṃ phalakāloti phalakālaniyameneva niyatatā vuttā hoti, na phaladānaniyamenāti niyataphalakālānaṃ aññesampi upapajjavedanīyānaṃ diṭṭhadhammavedanīyānampi niyatatā āpajjati, tasmā vipākadhammadhammānaṃ paccayantaravikalatādīhi avipaccamānānampi attano sabhāvena vipākadhammatā viya balavatā ānantariyena vipāke dinne avipaccamānānampi ānantariyānaṃ phaladāne niyatasabhāvā ānantariyasabhāvā ca pavattīti attano sabhāvena phaladānaniyameneva niyatatā ānantariyatā ca veditabbā. Avassañca niyatasabhāvā ānantariyasabhāvā ca tesaṃ pavattīti sampaṭicchitabbametaṃ aññassa balavato ānantariyassa abhāve cutianantaraṃ ekantena phaladānato.

    нану звам̣ ан̃н̃зсамби убабаж̇ж̇авзд̣̇анийяаанам̣ ан̃н̃асмим̣ вибаагад̣̇ааяагз асад̇и жуд̇иананд̇арамзва зганд̇зна палад̣̇аанад̇о аананд̇арияасабхааваа нияад̇асабхааваа жа бавад̇д̇и аабаж̇ж̇ад̇ийд̇и? наабаж̇ж̇ад̇и асамаанаж̇аад̇игзна жзд̇обан̣ид̇хивасзна убагхаад̇агзна жа нивад̇д̇зд̇аб̣б̣авибаагад̇д̇аа ананд̇арзганд̇апалад̣̇ааяагад̇д̇аабхааваа, на бана аананд̇арияагаанам̣ батамаж̇жхаанаад̣̇ийнам̣ д̣̇уд̇ияаж̇жхаанаад̣̇ийни вияа асамаанаж̇аад̇игам̣ паланивад̇д̇агам̣ ад̇т̇и саб̣б̣аананд̇арияагаанам̣ авийжипалад̇д̇аа, на жа хздтубабад̇д̇им̣ ижчад̇о сийлавад̇о жзд̇обан̣ид̇хи вияа убаруубабад̇д̇иж̇анагагаммапалам̣ аананд̇арияагапалам̣ нивад̇д̇зд̇ум̣ самад̇т̇о жзд̇обан̣ид̇хи ад̇т̇и анижчанд̇ассзва авийжибаад̇анад̇о, на жа аананд̇арияагобагхаад̇агам̣ гин̃жи гаммам̣ ад̇т̇и, д̇асмаа д̇зсам̣язва ананд̇арзганд̇авибаагаж̇анагасабхааваа бавад̇д̇ийд̇и.

    Nanu evaṃ aññesampi upapajjavedanīyānaṃ aññasmiṃ vipākadāyake asati cutianantarameva ekantena phaladānato ānantariyasabhāvā niyatasabhāvā ca pavatti āpajjatīti? Nāpajjati asamānajātikena cetopaṇidhivasena upaghātakena ca nivattetabbavipākattā anantarekantaphaladāyakattābhāvā, na pana ānantariyakānaṃ paṭhamajjhānādīnaṃ dutiyajjhānādīni viya asamānajātikaṃ phalanivattakaṃ atthi sabbānantariyakānaṃ avīciphalattā, na ca heṭṭhupapattiṃ icchato sīlavato cetopaṇidhi viya uparūpapattijanakakammaphalaṃ ānantariyakaphalaṃ nivattetuṃ samattho cetopaṇidhi atthi anicchantasseva avīcipātanato, na ca ānantariyakopaghātakaṃ kiñci kammaṃ atthi, tasmā tesaṃyeva anantarekantavipākajanakasabhāvā pavattīti.

    анзгаани жа аананд̇арияагаани гад̇аани зганд̇з вибаагз саннияад̇ад̇д̇аа убарад̇аавибажжанасабхааваасан̇гад̇д̇аа нижчид̇аани сабхаавад̇о нияад̇аанзва. жуд̇иананд̇арам̣ бана палам̣ ананд̇арам̣ наама д̇асмим̣ ананд̇арз нияуд̇д̇аани д̇анниб̣б̣ад̇д̇анзна ананд̇арагаран̣асийлаани ананд̇араббаяож̇анаани жаад̇и сабхаавад̇о аананд̇арияагаанзва жа хонд̇и. д̇зсу бана самаанасабхаавзсу згзна вибаагз д̣̇иннз ид̇араани ад̇д̇анаа гад̇д̇аб̣б̣асса гижжасса д̇знзва гад̇ад̇д̇аа на д̣̇уд̇ияам̣ д̇ад̇ияамби жа бадисанд̇хим̣ гаронд̇и, на самад̇т̇ад̇аавигхаад̇ад̇д̇аад̇и над̇т̇и д̇зсам̣ нияад̇аананд̇арияад̇аанивад̇д̇ийд̇и. на хи самаанасабхаавам̣ самаанасабхаавасса самад̇т̇ад̇ам̣ виханад̇ийд̇и. згасса бана ан̃н̃ааниби убад̇т̇амбхагаани хонд̇ийд̇и д̣̇адтаб̣б̣аанийд̇и. саммаа сабхааваад̇и сажжасабхааваа.

    Anekāni ca ānantariyakāni katāni ekante vipāke sanniyatattā uparatāvipaccanasabhāvāsaṅkattā nicchitāni sabhāvato niyatāneva. Cutianantaraṃ pana phalaṃ anantaraṃ nāma tasmiṃ anantare niyuttāni tannibbattanena anantarakaraṇasīlāni anantarappayojanāni cāti sabhāvato ānantariyakāneva ca honti. Tesu pana samānasabhāvesu ekena vipāke dinne itarāni attanā kattabbassa kiccassa teneva katattā na dutiyaṃ tatiyampi ca paṭisandhiṃ karonti, na samatthatāvighātattāti natthi tesaṃ niyatānantariyatānivattīti. Na hi samānasabhāvaṃ samānasabhāvassa samatthataṃ vihanatīti. Ekassa pana aññānipi upatthambhakāni hontīti daṭṭhabbānīti. Sammā sabhāvāti saccasabhāvā.

    16. барибун̣н̣амаг̇г̇агижжад̇д̇аа жад̇д̇ааро арияамаг̇г̇аава ид̇ха ‘‘маг̇г̇аа’’д̇и вуд̇д̇аа. бажжаяадтзнаад̇и маг̇г̇абажжаяадтзна. нигкзбаган̣д̣зби хи яз маг̇г̇абажжаяам̣ лабханд̇и, на бана саяам̣ маг̇г̇абажжаяабхаавам̣ г̇ажчанд̇и, д̇з маг̇г̇ахзд̇угаад̇и д̣̇ассзд̇ум̣ ‘‘арияамаг̇г̇асаман̇г̇исса маг̇г̇ан̇г̇аани табзд̇ваа’’д̇иаад̣̇и (д̇ха. са. 1039) вуд̇д̇ам̣. яо бана д̇ад̇т̇зва ‘‘арияамаг̇г̇асаман̇г̇исса алобхо ад̣̇осо амохо, имз д̇хаммаа маг̇г̇ахзд̇уу’’д̇и аад̣̇инаяо вуд̇д̇о, д̇ам̣ д̣̇ассзд̇ум̣ ‘‘маг̇г̇асамбаяуд̇д̇аа ваа’’д̇иаад̣̇и вуд̇д̇ам̣. ‘‘арияамаг̇г̇асаман̇г̇исса саммаад̣̇идти маг̇г̇о жзва хзд̇у жаа’’д̇иаад̣̇инаа бана вуд̇д̇анаяам̣ д̣̇ассзд̇ум̣ ‘‘саммаад̣̇идти саяа’’нд̇иаад̣̇имааха. д̇ад̇т̇а бана асан̇г̇ахид̇асан̇г̇ан̣ханавасзна бадибаадияаа д̇аяо наяаа вуд̇д̇аа, хзд̇уб̣ахуд̇аавасзна д̇ад̇ияо наяо ид̇ха д̣̇уд̇ияо вуд̇д̇о.

    16. Paripuṇṇamaggakiccattā cattāro ariyamaggāva idha ‘‘maggā’’ti vuttā. Paccayaṭṭhenāti maggapaccayaṭṭhena. Nikkhepakaṇḍepi hi ye maggapaccayaṃ labhanti, na pana sayaṃ maggapaccayabhāvaṃ gacchanti, te maggahetukāti dassetuṃ ‘‘ariyamaggasamaṅgissa maggaṅgāni ṭhapetvā’’tiādi (dha. sa. 1039) vuttaṃ. Yo pana tattheva ‘‘ariyamaggasamaṅgissa alobho adoso amoho, ime dhammā maggahetū’’ti ādinayo vutto, taṃ dassetuṃ ‘‘maggasampayuttā vā’’tiādi vuttaṃ. ‘‘Ariyamaggasamaṅgissa sammādiṭṭhi maggo ceva hetu cā’’tiādinā pana vuttanayaṃ dassetuṃ ‘‘sammādiṭṭhi saya’’ntiādimāha. Tattha pana asaṅgahitasaṅgaṇhanavasena paṭipāṭiyā tayo nayā vuttā, hetubahutāvasena tatiyo nayo idha dutiyo vutto.

    абхибхавид̇ваа бавад̇д̇анадтзнаад̇и сахаж̇аад̇аад̇хибад̇иби буб̣б̣аабхисан̇кааравасзна ж̇здтагабхаавз бавад̇д̇амаано сахаж̇аад̇з ад̇д̇ано васз анувад̇д̇аяамаано д̇з абхибхавид̇ваа бавад̇д̇ад̇и, аарамман̣аад̇хибад̇иби д̇ад̣̇аарамман̣з д̇хаммз д̇ат̇зва ад̇д̇аанам̣ анувад̇д̇аяамаано д̇з д̇хаммз абхибхавид̇ваа аарамман̣абхаавзна бавад̇д̇ад̇и, на бажжуббаннабхаавзна, д̇асмаа ад̇хибад̇ид̣̇ваяамби сан̇г̇ахид̇анд̇и взд̣̇ид̇аб̣б̣ам̣. ‘‘маг̇г̇о ад̇хибад̇и зд̇зса’’нд̇и аяан̃жа ад̇т̇о нигкзбаган̣д̣з уд̣̇аахаран̣авасзна ааг̇ад̇ам̣ ад̇т̇анаяам̣ г̇ахзд̇ваа вуд̇д̇о. яасмаа бана бадтаанз (бадтаа. 2.16.11) ‘‘маг̇г̇аад̇хибад̇им̣ д̇хаммам̣ бадижжа маг̇г̇аад̇хибад̇и д̇хаммо уббаж̇ж̇ад̇и наад̇хибад̇ибажжаяаа, маг̇г̇аад̇хибад̇ий канд̇хз бадижжа маг̇г̇аад̇хибад̇и ад̇хибад̇ий’’д̇и вуд̇д̇ам̣, д̇асмаа маг̇г̇о ад̇хибад̇и маг̇г̇аад̇хибад̇ийд̇и аяамби ад̇т̇о баал̣ияам̣ саруубзгасзсавасзна самаанасад̣̇д̣̇ад̇т̇авасзна ваа сан̇г̇ахид̇од̇и взд̣̇ид̇аб̣б̣о.

    Abhibhavitvā pavattanaṭṭhenāti sahajātādhipatipi pubbābhisaṅkhāravasena jeṭṭhakabhāve pavattamāno sahajāte attano vase anuvattayamāno te abhibhavitvā pavattati, ārammaṇādhipatipi tadārammaṇe dhamme tatheva attānaṃ anuvattayamāno te dhamme abhibhavitvā ārammaṇabhāvena pavattati, na paccuppannabhāvena, tasmā adhipatidvayampi saṅgahitanti veditabbaṃ. ‘‘Maggo adhipati etesa’’nti ayañca attho nikkhepakaṇḍe udāharaṇavasena āgataṃ atthanayaṃ gahetvā vutto. Yasmā pana paṭṭhāne (paṭṭhā. 2.16.11) ‘‘maggādhipatiṃ dhammaṃ paṭicca maggādhipati dhammo uppajjati nādhipatipaccayā, maggādhipatī khandhe paṭicca maggādhipati adhipatī’’ti vuttaṃ, tasmā maggo adhipati maggādhipatīti ayampi attho pāḷiyaṃ sarūpekasesavasena samānasaddatthavasena vā saṅgahitoti veditabbo.

    17. ануббаннаад̇и зд̇зна саб̣б̣о уббаннабхааво бадисид̣̇д̇хо, на уббаннад̇хаммабхааво зваад̇и д̇зна уббаннаа виг̇ад̇аа ад̇ийд̇ааби на сан̇г̇ахид̇аад̇и д̣̇адтаб̣б̣аа. яад̣̇и хи сан̇г̇ахид̇аа сияум̣, ‘‘ануббанно д̇хаммо уббаннасса д̇хаммасса ананд̇арабажжаязна бажжаяо’’д̇извамаад̣̇и вужжзяяа, на д̇у вуд̇д̇анд̇и. анааг̇ад̇аани вибаагагадад̇д̇ааруубаани ад̇ийд̇з анааг̇ад̇з ваа гаммз буриманибпаннз зва уббаж̇ж̇иссанд̇и , наанибпаннзд̇и баринидтид̇агааран̣згад̣̇зсаанзва хонд̇и, д̇асмаа д̇аани ‘‘авассам̣ уббаж̇ж̇иссанд̇ийд̇и уббаад̣̇ино д̇хаммаа’’д̇и вужжанд̇и.

    17. Anuppannāti etena sabbo uppannabhāvo paṭisiddho, na uppannadhammabhāvo evāti tena uppannā vigatā atītāpi na saṅgahitāti daṭṭhabbā. Yadi hi saṅgahitā siyuṃ, ‘‘anuppanno dhammo uppannassa dhammassa anantarapaccayena paccayo’’tievamādi vucceyya, na tu vuttanti. Anāgatāni vipākakaṭattārūpāni atīte anāgate vā kamme purimanipphanne eva uppajjissanti , nānipphanneti pariniṭṭhitakāraṇekadesāneva honti, tasmā tāni ‘‘avassaṃ uppajjissantīti uppādino dhammā’’ti vuccanti.

    18. ад̇д̇ано сабхааванд̇и гагкал̣апусанаад̣̇исабхаавам̣.

    18. Attano sabhāvanti kakkhaḷaphusanādisabhāvaṃ.

    20. звам̣ бавад̇д̇амаанаад̇и звам̣ жагкаад̣̇ибхаавзна пусанаад̣̇ибхаавзна жа згасанд̇ад̇ибарияаабаннад̇аавасзна бавад̇д̇амаанаа. ад̇д̇аанам̣ ад̇хи аж̇жхад̇д̇аад̇и ад̇хи-сад̣̇д̣̇о самаасависаяз ад̇хигаарад̇т̇ам̣ бавад̇д̇иад̇т̇ан̃жа г̇ахзд̇ваа бавад̇д̇ад̇ийд̇и ад̇д̇аанам̣ ад̇хигижжа уд̣̇д̣̇исса бавад̇д̇аа аж̇жхад̇д̇аа. д̇знаад̇и яасса жхаанаа вудтахид̇ваа аж̇жхад̇д̇ам̣ б̣ахид̣̇д̇хаа аж̇жхад̇д̇аб̣ахид̣̇д̇хаа жа сун̃н̃ад̇ам̣ аанзн̃ж̇ан̃жа манасигарод̇о аж̇жхад̇д̇асун̃н̃ад̇аад̣̇ийсу жид̇д̇ам̣ на багканд̣̇ад̇и на басийд̣̇ад̇и на санд̇идтад̇и наад̇химужжад̇и, яо жа ид̇иха д̇ад̇т̇а самбаж̇аано, д̇зна бхигкунаа. д̇асмим̣язва буримасмим̣ самаад̇хинимид̇д̇зд̇и батамаж̇жхаанаад̣̇исамаад̇хинимид̇д̇з. аж̇жхад̇д̇амзваад̇и жхаанаг̇ожарз гасин̣аад̣̇имхи. жид̇д̇ам̣ сан̣табзд̇аб̣б̣анд̇и батамаж̇жхаанаад̣̇ижид̇д̇ам̣ сан̣табзд̇аб̣б̣ам̣. аж̇жхад̇д̇арад̇од̇и г̇ожараж̇жхад̇д̇з ниб̣б̣аанз рад̇о, самаад̇хиг̇ожарз гаммадтаанз ваа рад̇о. ‘‘самаахид̇о зго санд̇усид̇о д̇амааху бхигку’’нд̇и (д̇ха. ба. 362) г̇аат̇аасзсо.

    20. Evaṃ pavattamānāti evaṃ cakkhādibhāvena phusanādibhāvena ca ekasantatipariyāpannatāvasena pavattamānā. Attānaṃ adhi ajjhattāti adhi-saddo samāsavisaye adhikāratthaṃ pavattiatthañca gahetvā pavattatīti attānaṃ adhikicca uddissa pavattā ajjhattā. Tenāti yassa jhānā vuṭṭhahitvā ajjhattaṃ bahiddhā ajjhattabahiddhā ca suññataṃ āneñjañca manasikaroto ajjhattasuññatādīsu cittaṃ na pakkhandati na pasīdati na santiṭṭhati nādhimuccati, yo ca itiha tattha sampajāno, tena bhikkhunā. Tasmiṃyeva purimasmiṃ samādhinimitteti paṭhamajjhānādisamādhinimitte. Ajjhattamevāti jhānagocare kasiṇādimhi. Cittaṃ saṇṭhapetabbanti paṭhamajjhānādicittaṃ saṇṭhapetabbaṃ. Ajjhattaratoti gocarajjhatte nibbāne rato, samādhigocare kammaṭṭhāne vā rato. ‘‘Samāhito eko santusito tamāhu bhikkhu’’nti (dha. pa. 362) gāthāseso.

    аж̇жхад̇д̇ам̣ самбасаад̣̇ананд̇и зд̇т̇а жхаанам̣ сагасанд̇ад̇ибарияаабаннад̇д̇аа ‘‘аж̇жхад̇д̇а’’нд̇и вуд̇д̇анд̇и нияагаж̇жхад̇д̇ад̇т̇о аж̇жхад̇д̇а-сад̣̇д̣̇о ход̇и. аж̇жхад̇д̇анд̇и сагасанд̇ад̇инияагам̣. аж̇жхад̇д̇з бхаваа аж̇жхад̇д̇игаад̇и нияагаж̇жхад̇д̇зсуби аб̣бханд̇араа жагкаад̣̇аяо вужжанд̇и. зд̇т̇а бана аж̇жхад̇д̇ига-сад̣̇д̣̇о жагкаад̣̇ийсу бавад̇д̇амаано д̣̇ассид̇о , на аж̇жхад̇д̇асад̣̇д̣̇о, ад̇т̇и жа аж̇жхад̇д̇ааж̇жхад̇д̇игасад̣̇д̣̇аанам̣ б̣ахид̣̇д̇хааб̣аахира-сад̣̇д̣̇аанам̣ вияа висзсо. аж̇жхад̇д̇игасад̣̇д̣̇о хи сабарасанд̇аанигзсу саб̣б̣зсу жагкаад̣̇ийсу руубаад̣̇ийсу б̣аахира-сад̣̇д̣̇о вияа бавад̇д̇ад̇и, аж̇жхад̇д̇а-сад̣̇д̣̇о бана сагасанд̇аанигзсвзва жагкуруубаад̣̇ийсу д̇ад̇о ан̃н̃зсвзва б̣ахид̣̇д̇хаа-сад̣̇д̣̇о вияа бавад̇д̇ад̇ийд̇и д̇асмаа сад̣̇д̣̇ад̇о ад̇т̇ад̇о жа асамаанад̇д̇аа на ид̣̇амзд̇т̇а уд̣̇аахаран̣ам̣ яуд̇д̇анд̇и. аяам̣ банзд̇т̇а ад̇хиббааяо д̣̇адтаб̣б̣о – аж̇жхад̇д̇з бхаваа аж̇жхад̇д̇игаад̇и аяан̃хи важанад̇т̇о. яан̃жа аж̇жхад̇д̇з бхавам̣, д̇зна аж̇жхад̇д̇знзва бхавид̇аб̣б̣ам̣, д̇зна д̇ам̣ваажагасса аж̇жхад̇д̇а-сад̣̇д̣̇асса аж̇жхад̇д̇ига-сад̣̇д̣̇асса жа самаанад̇т̇ад̇аа. убхиннамби сад̣̇д̣̇аанам̣ самаанад̇т̇абхаавад̇о аж̇жхад̇д̇аж̇жхад̇д̇з бавад̇д̇амаанз аж̇жхад̇д̇ига-сад̣̇д̣̇з аж̇жхад̇д̇а-сад̣̇д̣̇о д̇ад̇т̇а бавад̇д̇од̇и саггаа вад̇д̇унд̇и.

    Ajjhattaṃ sampasādananti ettha jhānaṃ sakasantatipariyāpannattā ‘‘ajjhatta’’nti vuttanti niyakajjhattattho ajjhatta-saddo hoti. Ajjhattanti sakasantatiniyakaṃ. Ajjhatte bhavā ajjhattikāti niyakajjhattesupi abbhantarā cakkhādayo vuccanti. Ettha pana ajjhattika-saddo cakkhādīsu pavattamāno dassito , na ajjhattasaddo, atthi ca ajjhattaajjhattikasaddānaṃ bahiddhābāhira-saddānaṃ viya viseso. Ajjhattikasaddo hi saparasantānikesu sabbesu cakkhādīsu rūpādīsu bāhira-saddo viya pavattati, ajjhatta-saddo pana sakasantānikesveva cakkhurūpādīsu tato aññesveva bahiddhā-saddo viya pavattatīti tasmā saddato atthato ca asamānattā na idamettha udāharaṇaṃ yuttanti. Ayaṃ panettha adhippāyo daṭṭhabbo – ajjhatte bhavā ajjhattikāti ayañhi vacanattho. Yañca ajjhatte bhavaṃ, tena ajjhatteneva bhavitabbaṃ, tena taṃvācakassa ajjhatta-saddassa ajjhattika-saddassa ca samānatthatā. Ubhinnampi saddānaṃ samānatthabhāvato ajjhattajjhatte pavattamāne ajjhattika-sadde ajjhatta-saddo tattha pavattoti sakkā vattunti.

    аяам̣ ко банаананд̣̇а, вихаарод̇и вихаарасун̃н̃ад̇аасуд̇д̇з (ма. ни. 3.187) сан̇г̇ан̣игаараамад̇ааяа руубаад̣̇ирад̇ияаа жа аад̣̇ийнавам̣ вад̇ваа д̇аббадибагкавихаарад̣̇ассанад̇т̇ам̣ вуд̇д̇ам̣. аж̇жхад̇д̇ам̣ сун̃н̃ад̇анд̇и висаяабхууд̇ам̣ иссарияадтаанабхууд̇ам̣ сун̃н̃ад̇ам̣, сун̃н̃ад̇аапаласамаабад̇д̇инд̇и ад̇т̇о. жид̇д̇иссараа хи б̣уд̣̇д̇хаа бхаг̇аванд̇о д̇хаммам̣ д̣̇зсзнд̇ааби яам̣ мухуд̇д̇ам̣ д̇ун̣хий бхавид̇аб̣б̣ам̣ ход̇и, д̇ам̣ мухуд̇д̇ам̣ паласамаабад̇д̇им̣ самаабаж̇ж̇анд̇и, баг̇зва ан̃н̃асмим̣ гаалз, д̇асмаа саб̣б̣ад̇т̇ааби иссарияаанам̣ б̣ахулам̣ паласамаабад̇д̇ияам̣ иссарияасса бавад̇д̇анад̇о паласамаабад̇д̇и ‘‘иссарияадтаана’’нд̇и вуд̇д̇аа. арахад̇д̇апалаад̇хиг̇амзна ваа д̇ат̇ааг̇ад̇аанам̣ иссарияам̣ ниб̣б̣ад̇д̇ам̣ д̇ам̣ж̇анагзнзва маг̇г̇знаад̇и д̇ам̣ д̇зсам̣ иссарияадтаанам̣. висаяо жа анан̃н̃ад̇т̇абхаавова яат̇аа ‘‘аагаасз сагун̣аа уд̣̇агз мажчаа’’д̇и, б̣уд̣̇д̇хаа жа ан̃н̃ад̇т̇а д̣̇иссамаанааби вивзгабаб̣бхаарад̇ааяа паласамаабад̇д̇ининнаава, д̇зна д̇ассаа д̇ассаа гирияааяа ананд̇арам̣ паласамаабад̇д̇ияам̣язва бхаванд̇ийд̇и саа д̇зсам̣ висаяо, д̇аб̣б̣исаяад̇аа жа сажжагасуд̇д̇зна (ма. ни. 1.364 аад̣̇аяо) д̣̇ийбзд̇аб̣б̣аа.

    Ayaṃkho panānanda, vihāroti vihārasuññatāsutte (ma. ni. 3.187) saṅgaṇikārāmatāya rūpādiratiyā ca ādīnavaṃ vatvā tappaṭipakkhavihāradassanatthaṃ vuttaṃ. Ajjhattaṃ suññatanti visayabhūtaṃ issariyaṭṭhānabhūtaṃ suññataṃ, suññatāphalasamāpattinti attho. Cittissarā hi buddhā bhagavanto dhammaṃ desentāpi yaṃ muhuttaṃ tuṇhī bhavitabbaṃ hoti, taṃ muhuttaṃ phalasamāpattiṃ samāpajjanti, pageva aññasmiṃ kāle, tasmā sabbatthāpi issariyānaṃ bahulaṃ phalasamāpattiyaṃ issariyassa pavattanato phalasamāpatti ‘‘issariyaṭṭhāna’’nti vuttā. Arahattaphalādhigamena vā tathāgatānaṃ issariyaṃ nibbattaṃ taṃjanakeneva maggenāti taṃ tesaṃ issariyaṭṭhānaṃ. Visayo ca anaññatthabhāvova yathā ‘‘ākāse sakuṇā udake macchā’’ti, buddhā ca aññattha dissamānāpi vivekapabbhāratāya phalasamāpattininnāva, tena tassā tassā kiriyāya anantaraṃ phalasamāpattiyaṃyeva bhavantīti sā tesaṃ visayo, tabbisayatā ca saccakasuttena (ma. ni. 1.364 ādayo) dīpetabbā.

    22. язсам̣ д̣̇адтаб̣б̣абхааво ад̇т̇и, д̇з санид̣̇ассанаа. жагкувин̃н̃аан̣аг̇ожарабхаавова д̣̇адтаб̣б̣абхааво, д̇асса руубааяад̇анаа анан̃н̃ад̇д̇зби ан̃н̃зхи д̇хаммзхи руубааяад̇анам̣ висзсзд̇ум̣ ан̃н̃ам̣ вияа гад̇ваа ‘‘саха нид̣̇ассанзнаад̇и санид̣̇ассанаа’’д̇и вуд̇д̇ам̣. д̇хаммасабхаавасааман̃н̃зна хи згийбхууд̇зсу д̇хаммзсу яо наанад̇д̇агаро сабхааво, со ан̃н̃о вияа гад̇ваа убажарид̇ум̣ яуд̇д̇о . зван̃хи ад̇т̇ависзсааваб̣од̇хо ход̇ийд̇и. саяан̃жа ниссаяавасзна жа самбад̇д̇аанам̣ асамбад̇д̇аанан̃жа бадимукабхааво ан̃н̃аман̃н̃абад̇анам̣ бадихананабхааво, язна б̣яаабаараад̣̇ивигаарабажжаяанд̇арасахид̇зсу жагкаад̣̇ийнам̣ висаязсу вигааруббад̇д̇и.

    22. Yesaṃ daṭṭhabbabhāvo atthi, te sanidassanā. Cakkhuviññāṇagocarabhāvova daṭṭhabbabhāvo, tassa rūpāyatanā anaññattepi aññehi dhammehi rūpāyatanaṃ visesetuṃ aññaṃ viya katvā ‘‘saha nidassanenāti sanidassanā’’ti vuttaṃ. Dhammasabhāvasāmaññena hi ekībhūtesu dhammesu yo nānattakaro sabhāvo, so añño viya katvā upacarituṃ yutto . Evañhi atthavisesāvabodho hotīti. Sayañca nissayavasena ca sampattānaṃ asampattānañca paṭimukhabhāvo aññamaññapatanaṃ paṭihananabhāvo, yena byāpārādivikārapaccayantarasahitesu cakkhādīnaṃ visayesu vikāruppatti.

    д̇игамаад̇игаабад̣̇аван̣н̣анаа нидтид̇аа.

    Tikamātikāpadavaṇṇanā niṭṭhitā.




    Next: д̣̇угамаад̇игаабад̣̇аван̣н̣анаа • Dukamātikāpadavaṇṇanā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / 1. д̇игамаад̇игаа • 1. Tikamātikā

    адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇игамаад̇игаабад̣̇аван̣н̣анаа • Tikamātikāpadavaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇игамаад̇игаабад̣̇аван̣н̣анаа • Tikamātikāpadavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact