| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4-6. திகண்ட³கீஸுத்தாதி³வண்ணனா
4-6. Tikaṇḍakīsuttādivaṇṇanā
144-6. சதுத்தே² படிகூலேதி அமனுஞ்ஞே அனிட்டே². அப்படிகூலஸஞ்ஞீதி இட்டா²காரேனேவ பவத்தசித்தோ. இட்ட²ஸ்மிங் வத்து²ஸ்மிங் அஸுபா⁴ய வா ப²ரதி, அனிச்சதோ வா உபஸங்ஹரதி உபனேதி பவத்தேதி. அனிட்ட²ஸ்மிங் வத்து²ஸ்மிந்தி அனிட்டே² ஸத்தஸஞ்ஞிதே ஆரம்மணே. மெத்தாய வா ப²ரதீதி மெத்தங் ஹிதேஸிதங் உபஸங்ஹரந்தோ ஸப்³ப³த்த²கமேவ வா தத்த² ப²ரதி. தா⁴துதோ வா உபஸங்ஹரதீதி த⁴ம்மஸபா⁴வசிந்தனேன தா⁴துதோ பச்சவெக்க²ணாய தா⁴துமனஸிகாரங் வா தத்த² பவத்தேதி. தது³ப⁴யங் அபி⁴னிவஜ்ஜெத்வாதி ஸபா⁴வதோ ஆனுபா⁴வதோ ச உபதிட்ட²ந்தங் ஆரம்மணே படிகூலபா⁴வங் அப்படிகூலபா⁴வஞ்சாதி தங் உப⁴யங் பஹாய அக்³க³ஹெத்வா, ஸப்³ப³ஸ்மிங் பன தஸ்மிங் மஜ்ஜ²த்தோ ஹுத்வாதி வுத்தங் ஹோதி. மஜ்ஜ²த்தோ ஹுத்வா விஹரிதுகாமோ பன கிங் கரோதீதி? இட்டா²னிட்டே²ஸு ஆபாத²ங் க³தேஸு நேவ ஸோமனஸ்ஸிதோ ஹோதி, ந தோ³மனஸ்ஸிதோ ஹோதி. உபெக்க²கோ விஹரெய்யாதி இட்டே² அரஜ்ஜந்தோ அனிட்டே² அது³ஸ்ஸந்தோ யதா² அஞ்ஞே அஸமபெக்க²னேன மோஹங் உப்பாதெ³ந்தி, ஏவங் அனுப்பாதெ³ந்தோ ச²ஸு ஆரம்மணேஸு ச²ளங்கு³பெக்கா²ய உபெக்க²கோ விஹரெய்ய. தேனேவாஹ ‘‘ச²ளங்கு³பெக்கா²வஸேன பஞ்சமோ’’தி. இட்டா²னிட்ட²ச²ளாரம்மணாபாதே² பரிஸுத்³த⁴பகதிபா⁴வாவிஜஹனலக்க²ணாய ச²ஸு த்³வாரேஸு பவத்தனதோ ‘‘ச²ளங்கு³பெக்கா²’’தி லத்³த⁴னாமாய தத்ரமஜ்ஜ²த்துபெக்கா²ய வஸேன பஞ்சமோ வாரோ வுத்தோதி அத்தோ². பஞ்சமங் ச²ட்ட²ஞ்ச உத்தானமேவ.
144-6. Catutthe paṭikūleti amanuññe aniṭṭhe. Appaṭikūlasaññīti iṭṭhākāreneva pavattacitto. Iṭṭhasmiṃ vatthusmiṃ asubhāya vā pharati, aniccato vā upasaṃharati upaneti pavatteti. Aniṭṭhasmiṃ vatthusminti aniṭṭhe sattasaññite ārammaṇe. Mettāya vā pharatīti mettaṃ hitesitaṃ upasaṃharanto sabbatthakameva vā tattha pharati. Dhātuto vā upasaṃharatīti dhammasabhāvacintanena dhātuto paccavekkhaṇāya dhātumanasikāraṃ vā tattha pavatteti. Tadubhayaṃ abhinivajjetvāti sabhāvato ānubhāvato ca upatiṭṭhantaṃ ārammaṇe paṭikūlabhāvaṃ appaṭikūlabhāvañcāti taṃ ubhayaṃ pahāya aggahetvā, sabbasmiṃ pana tasmiṃ majjhatto hutvāti vuttaṃ hoti. Majjhatto hutvā viharitukāmo pana kiṃ karotīti? Iṭṭhāniṭṭhesu āpāthaṃ gatesu neva somanassito hoti, na domanassito hoti. Upekkhako vihareyyāti iṭṭhe arajjanto aniṭṭhe adussanto yathā aññe asamapekkhanena mohaṃ uppādenti, evaṃ anuppādento chasu ārammaṇesu chaḷaṅgupekkhāya upekkhako vihareyya. Tenevāha ‘‘chaḷaṅgupekkhāvasena pañcamo’’ti. Iṭṭhāniṭṭhachaḷārammaṇāpāthe parisuddhapakatibhāvāvijahanalakkhaṇāya chasu dvāresu pavattanato ‘‘chaḷaṅgupekkhā’’ti laddhanāmāya tatramajjhattupekkhāya vasena pañcamo vāro vuttoti attho. Pañcamaṃ chaṭṭhañca uttānameva.
திகண்ட³கீஸுத்தாதி³வண்ணனா நிட்டி²தா.
Tikaṇḍakīsuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
4. திகண்ட³கீஸுத்தங் • 4. Tikaṇḍakīsuttaṃ
5. நிரயஸுத்தங் • 5. Nirayasuttaṃ
6. மித்தஸுத்தங் • 6. Mittasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
4. திகண்ட³கீஸுத்தவண்ணனா • 4. Tikaṇḍakīsuttavaṇṇanā
6. மித்தஸுத்தவண்ணனா • 6. Mittasuttavaṇṇanā
