| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪-৬. তিকণ্ডকীসুত্তাদিৰণ্ণনা
4-6. Tikaṇḍakīsuttādivaṇṇanā
১৪৪-৬. চতুত্থে পটিকূলেতি অমনুঞ্ঞে অনিট্ঠে। অপ্পটিকূলসঞ্ঞীতি ইট্ঠাকারেনেৰ পৰত্তচিত্তো। ইট্ঠস্মিং ৰত্থুস্মিং অসুভায ৰা ফরতি, অনিচ্চতো ৰা উপসংহরতি উপনেতি পৰত্তেতি। অনিট্ঠস্মিং ৰত্থুস্মিন্তি অনিট্ঠে সত্তসঞ্ঞিতে আরম্মণে। মেত্তায ৰা ফরতীতি মেত্তং হিতেসিতং উপসংহরন্তো সব্বত্থকমেৰ ৰা তত্থ ফরতি। ধাতুতো ৰা উপসংহরতীতি ধম্মসভাৰচিন্তনেন ধাতুতো পচ্চৰেক্খণায ধাতুমনসিকারং ৰা তত্থ পৰত্তেতি। তদুভযং অভিনিৰজ্জেত্ৰাতি সভাৰতো আনুভাৰতো চ উপতিট্ঠন্তং আরম্মণে পটিকূলভাৰং অপ্পটিকূলভাৰঞ্চাতি তং উভযং পহায অগ্গহেত্ৰা, সব্বস্মিং পন তস্মিং মজ্ঝত্তো হুত্ৰাতি ৰুত্তং হোতি। মজ্ঝত্তো হুত্ৰা ৰিহরিতুকামো পন কিং করোতীতি? ইট্ঠানিট্ঠেসু আপাথং গতেসু নেৰ সোমনস্সিতো হোতি, ন দোমনস্সিতো হোতি। উপেক্খকো ৰিহরেয্যাতি ইট্ঠে অরজ্জন্তো অনিট্ঠে অদুস্সন্তো যথা অঞ্ঞে অসমপেক্খনেন মোহং উপ্পাদেন্তি, এৰং অনুপ্পাদেন্তো ছসু আরম্মণেসু ছল়ঙ্গুপেক্খায উপেক্খকো ৰিহরেয্য। তেনেৰাহ ‘‘ছল়ঙ্গুপেক্খাৰসেন পঞ্চমো’’তি। ইট্ঠানিট্ঠছল়ারম্মণাপাথে পরিসুদ্ধপকতিভাৰাৰিজহনলক্খণায ছসু দ্ৰারেসু পৰত্তনতো ‘‘ছল়ঙ্গুপেক্খা’’তি লদ্ধনামায তত্রমজ্ঝত্তুপেক্খায ৰসেন পঞ্চমো ৰারো ৰুত্তোতি অত্থো। পঞ্চমং ছট্ঠঞ্চ উত্তানমেৰ।
144-6. Catutthe paṭikūleti amanuññe aniṭṭhe. Appaṭikūlasaññīti iṭṭhākāreneva pavattacitto. Iṭṭhasmiṃ vatthusmiṃ asubhāya vā pharati, aniccato vā upasaṃharati upaneti pavatteti. Aniṭṭhasmiṃ vatthusminti aniṭṭhe sattasaññite ārammaṇe. Mettāya vā pharatīti mettaṃ hitesitaṃ upasaṃharanto sabbatthakameva vā tattha pharati. Dhātuto vā upasaṃharatīti dhammasabhāvacintanena dhātuto paccavekkhaṇāya dhātumanasikāraṃ vā tattha pavatteti. Tadubhayaṃ abhinivajjetvāti sabhāvato ānubhāvato ca upatiṭṭhantaṃ ārammaṇe paṭikūlabhāvaṃ appaṭikūlabhāvañcāti taṃ ubhayaṃ pahāya aggahetvā, sabbasmiṃ pana tasmiṃ majjhatto hutvāti vuttaṃ hoti. Majjhatto hutvā viharitukāmo pana kiṃ karotīti? Iṭṭhāniṭṭhesu āpāthaṃ gatesu neva somanassito hoti, na domanassito hoti. Upekkhako vihareyyāti iṭṭhe arajjanto aniṭṭhe adussanto yathā aññe asamapekkhanena mohaṃ uppādenti, evaṃ anuppādento chasu ārammaṇesu chaḷaṅgupekkhāya upekkhako vihareyya. Tenevāha ‘‘chaḷaṅgupekkhāvasena pañcamo’’ti. Iṭṭhāniṭṭhachaḷārammaṇāpāthe parisuddhapakatibhāvāvijahanalakkhaṇāya chasu dvāresu pavattanato ‘‘chaḷaṅgupekkhā’’ti laddhanāmāya tatramajjhattupekkhāya vasena pañcamo vāro vuttoti attho. Pañcamaṃ chaṭṭhañca uttānameva.
তিকণ্ডকীসুত্তাদিৰণ্ণনা নিট্ঠিতা।
Tikaṇḍakīsuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৪. তিকণ্ডকীসুত্তং • 4. Tikaṇḍakīsuttaṃ
৫. নিরযসুত্তং • 5. Nirayasuttaṃ
৬. মিত্তসুত্তং • 6. Mittasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৪. তিকণ্ডকীসুত্তৰণ্ণনা • 4. Tikaṇḍakīsuttavaṇṇanā
৬. মিত্তসুত্তৰণ্ণনা • 6. Mittasuttavaṇṇanā
