| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. திகண்ட³கீஸுத்தவண்ணனா
4. Tikaṇḍakīsuttavaṇṇanā
144. சதுத்தே² அப்படிகூலேதி அப்படிகூலாரம்மணே. படிகூலஸஞ்ஞீதி படிகூலந்தி ஏவங்ஸஞ்ஞீ. ஏஸ நயோ ஸப்³ப³த்த². கத²ங் பனாயங் ஏவங் விஹரதீதி? இட்ட²ஸ்மிங் வத்து²ஸ்மிங் பன அஸுபா⁴ய வா ப²ரதி, அனிச்சதோ வா உபஸங்ஹரதி. ஏவங் தாவ அப்படிகூலே படிகூலஸஞ்ஞீ விஹரதி. அனிட்ட²ஸ்மிங் வத்து²ஸ்மிங் மெத்தாய வா ப²ரதி, தா⁴துதோ வா உபஸங்ஹரதி. ஏவங் படிகூலே அப்படிகூலஸஞ்ஞீ விஹரதி. உப⁴யஸ்மிங் பன புரிமனயஸ்ஸ ச பச்சி²மனயஸ்ஸ ச வஸேன ததியசதுத்த²வாரா வுத்தா, ச²ளங்கு³பெக்கா²வஸேன பஞ்சமோ. ச²ளங்கு³பெக்கா² சேஸா கீ²ணாஸவஸ்ஸ உபெக்கா²ஸதி³ஸா, ந பன கீ²ணாஸவுபெக்கா². தத்த² உபெக்க²கோ விஹரெய்யாதி மஜ்ஜ²த்தபா⁴வே டி²தோ விஹரெய்ய. க்வசனீதி கிஸ்மிஞ்சி ஆரம்மணே. கத்த²சீதி கிஸ்மிஞ்சி பதே³ஸே. கிஞ்சனதி கோசி அப்பமத்தகோபி. இதி இமஸ்மிங் ஸுத்தே பஞ்சஸு டா²னேஸு விபஸ்ஸனாவ கதி²தா. தங் ஆரத்³த⁴விபஸ்ஸகோ பி⁴க்கு² காதுங் ஸக்கோதி, ஞாணவா பஞ்ஞுத்தரோ ப³ஹுஸ்ஸுதஸமணோபி காதுங் ஸக்கோதி. ஸோதாபன்னஸகதா³கா³மிஅனாகா³மினோ காதுங் ஸக்கொந்தியேவ, கீ²ணாஸவே வத்தப்³ப³மேவ நத்தீ²தி. பஞ்சமங் உத்தானமேவ.
144. Catutthe appaṭikūleti appaṭikūlārammaṇe. Paṭikūlasaññīti paṭikūlanti evaṃsaññī. Esa nayo sabbattha. Kathaṃ panāyaṃ evaṃ viharatīti? Iṭṭhasmiṃ vatthusmiṃ pana asubhāya vā pharati, aniccato vā upasaṃharati. Evaṃ tāva appaṭikūle paṭikūlasaññī viharati. Aniṭṭhasmiṃ vatthusmiṃ mettāya vā pharati, dhātuto vā upasaṃharati. Evaṃ paṭikūle appaṭikūlasaññī viharati. Ubhayasmiṃ pana purimanayassa ca pacchimanayassa ca vasena tatiyacatutthavārā vuttā, chaḷaṅgupekkhāvasena pañcamo. Chaḷaṅgupekkhā cesā khīṇāsavassa upekkhāsadisā, na pana khīṇāsavupekkhā. Tattha upekkhako vihareyyāti majjhattabhāve ṭhito vihareyya. Kvacanīti kismiñci ārammaṇe. Katthacīti kismiñci padese. Kiñcanati koci appamattakopi. Iti imasmiṃ sutte pañcasu ṭhānesu vipassanāva kathitā. Taṃ āraddhavipassako bhikkhu kātuṃ sakkoti, ñāṇavā paññuttaro bahussutasamaṇopi kātuṃ sakkoti. Sotāpannasakadāgāmianāgāmino kātuṃ sakkontiyeva, khīṇāsave vattabbameva natthīti. Pañcamaṃ uttānameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. திகண்ட³கீஸுத்தங் • 4. Tikaṇḍakīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-6. திகண்ட³கீஸுத்தாதி³வண்ணனா • 4-6. Tikaṇḍakīsuttādivaṇṇanā
