| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৩. তিকনিদ্দেসৰণ্ণনা
3. Tikaniddesavaṇṇanā
৯১. সেসসংৰরভেদেনাতি কাযিকৰাচসিকৰীতিক্কমতো সেসেন সংৰরৰিনাসেন। সো পন দ্ৰারৰসেন ৰুচ্চমানো মনোদ্ৰারিকো হোতীতি আহ ‘‘মনোসংৰরভেদেনা’’তি। ইদানি তং পকারভেদেন দস্সেন্তো ‘‘সতিসংৰরাদিভেদেন ৰা’’তি আহ, মুট্ঠসচ্চাদিপ্পৰত্তিযাতি অত্থো। যং কিঞ্চি সভাৰভূতং চরিতম্পি ‘‘সীল’’ন্তি ৰুচ্চতীতি অকুসলস্সপি সীলপরিযাযো ৰুত্তো।
91. Sesasaṃvarabhedenāti kāyikavācasikavītikkamato sesena saṃvaravināsena. So pana dvāravasena vuccamāno manodvāriko hotīti āha ‘‘manosaṃvarabhedenā’’ti. Idāni taṃ pakārabhedena dassento ‘‘satisaṃvarādibhedena vā’’ti āha, muṭṭhasaccādippavattiyāti attho. Yaṃ kiñci sabhāvabhūtaṃ caritampi ‘‘sīla’’nti vuccatīti akusalassapi sīlapariyāyo vutto.
৯৪. সমানৰিসযানন্তি পঠমফলাদিকো সমানো এৰরূপো ৰিসযো এতেসন্তি সমানৰিসযা, তেসং।
94. Samānavisayānanti paṭhamaphalādiko samāno evarūpo visayo etesanti samānavisayā, tesaṃ.
১০৭. তদত্থো তপ্পযোজনো লোকুত্তরসাধকোতি অত্থো। তস্স পরমত্থসাসনস্স। মূলেকদেসত্তাতি মূলভাৰেন একদেসত্তা।
107. Tadattho tappayojano lokuttarasādhakoti attho. Tassa paramatthasāsanassa. Mūlekadesattāti mūlabhāvena ekadesattā.
১১৮. উন্নল়ো উগ্গততুচ্ছমানো।
118. Unnaḷo uggatatucchamāno.
১২৩. সীলস্স অনুগ্গণ্হনং অপরিসুদ্ধিযং সোধনং অপারিপূরিযং পূরণঞ্চাতি আহ ‘‘সোধেতব্বে চ ৰড্ঢেতব্বে চা’’তি। অধিসীলং নিস্সাযাতি অধিসীলং নিস্সযং কত্ৰা উপ্পন্নপঞ্ঞায।
123. Sīlassa anuggaṇhanaṃ aparisuddhiyaṃ sodhanaṃ apāripūriyaṃ pūraṇañcāti āha ‘‘sodhetabbe ca vaḍḍhetabbe cā’’ti. Adhisīlaṃ nissāyāti adhisīlaṃ nissayaṃ katvā uppannapaññāya.
১২৪. গূথসদিসত্তমেৰ দস্সেতি, ন গূথকূপসদিসত্তন্তি অধিপ্পাযো। গূথৰসেনেৰ হি কূপস্সপি জিগুচ্ছনীযতাতি। অযঞ্চ অত্থো গূথরাসিযেৰ গূথকূপোতি ইমস্মিং পক্খে নৰত্তব্বো সিযা।
124. Gūthasadisattameva dasseti, na gūthakūpasadisattanti adhippāyo. Gūthavaseneva hi kūpassapi jigucchanīyatāti. Ayañca attho gūtharāsiyeva gūthakūpoti imasmiṃ pakkhe navattabbo siyā.
১৩০. সরভঙ্গসত্থারাদযো রূপভৰাদিকামাদিপরিঞ্ঞং কত্ৰা পঞ্ঞপেন্তো লোকিযং পরিঞ্ঞং সম্মদেৰ পঞ্ঞপেন্তীতি আহ ‘‘যেভুয্যেন ন সক্কোন্তী’’তি। অসমত্থভাৰং ৰা সন্ধায নো চ পঞ্ঞাপেতুং সক্কোন্তীতি ৰুত্তন্তি যোজনা।
130. Sarabhaṅgasatthārādayo rūpabhavādikāmādipariññaṃ katvā paññapento lokiyaṃ pariññaṃ sammadeva paññapentīti āha ‘‘yebhuyyena na sakkontī’’ti. Asamatthabhāvaṃ vā sandhāya no ca paññāpetuṃ sakkontīti vuttanti yojanā.
তিকনিদ্দেসৰণ্ণনা নিট্ঠিতা।
Tikaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পুগ্গলপঞ্ঞত্তিপাল়ি • Puggalapaññattipāḷi / ৩. তিকপুগ্গলপঞ্ঞত্তি • 3. Tikapuggalapaññatti
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৩. তিকনিদ্দেসৰণ্ণনা • 3. Tikaniddesavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. তিকনিদ্দেসৰণ্ণনা • 3. Tikaniddesavaṇṇanā
