| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. д̇иганид̣̇д̣̇зсаван̣н̣анаа
3. Tikaniddesavaṇṇanā
91. д̇иганид̣̇д̣̇зсз – д̣̇уссийлод̇и ниссийло. баабад̇хаммод̇и лаамагад̇хаммо. сийлавибад̇д̇ияаа ваа д̣̇уссийло, д̣̇идтивибад̇д̇ияаа баабад̇хаммо . гааяаважийсам̣варабхзд̣̇зна д̣̇уссийло, сзсасам̣варабхзд̣̇зна баабад̇хаммо. асуд̣̇д̇хабаяог̇ад̇ааяа д̣̇уссийло, асуд̣̇д̇хаасаяад̇ааяа баабад̇хаммо. гусаласийлавирахзна д̣̇уссийло; агусаласийласаманнааг̇амзна баабад̇хаммо. асужийд̇и асужийхи гааяагаммаад̣̇ийхи саманнааг̇ад̇о. сан̇гассарасамаажаарод̇и сан̇гааяа барзхи сарид̇аб̣б̣асамаажааро. гин̃жид̣̇зва асааруббам̣ д̣̇исваа ‘ид̣̇ам̣ иминаа гад̇ам̣ бхависсад̇ий’д̇и звам̣ барзхи аасан̇ганийяасамаажааро, ад̇д̇аноязва ваа сан̇гааяа сарид̇аб̣б̣асамаажааро – саасан̇гасамаажаарод̇и ад̇т̇о. д̇асса хи д̣̇иваадтаанаад̣̇ийсу саннибад̇ид̇ваа гин̃жид̣̇зва манд̇аяанд̇з бхигкуу д̣̇исваа ‘имз згад̇о худ̇ваа манд̇знд̇и, гажжи ну ко маяаа гад̇агаммам̣ ж̇аанид̇ваа манд̇знд̇ий’д̇и звам̣ саасан̇гасамаажааро ход̇и.
91. Tikaniddese – dussīloti nissīlo. Pāpadhammoti lāmakadhammo. Sīlavipattiyā vā dussīlo, diṭṭhivipattiyā pāpadhammo . Kāyavacīsaṃvarabhedena dussīlo, sesasaṃvarabhedena pāpadhammo. Asuddhapayogatāya dussīlo, asuddhāsayatāya pāpadhammo. Kusalasīlavirahena dussīlo; akusalasīlasamannāgamena pāpadhammo. Asucīti asucīhi kāyakammādīhi samannāgato. Saṅkassarasamācāroti saṅkāya parehi saritabbasamācāro. Kiñcideva asāruppaṃ disvā ‘idaṃ iminā kataṃ bhavissatī’ti evaṃ parehi āsaṅkanīyasamācāro, attanoyeva vā saṅkāya saritabbasamācāro – sāsaṅkasamācāroti attho. Tassa hi divāṭṭhānādīsu sannipatitvā kiñcideva mantayante bhikkhū disvā ‘ime ekato hutvā mantenti, kacci nu kho mayā katakammaṃ jānitvā mantentī’ti evaṃ sāsaṅkasamācāro hoti.
бадижчаннагамманд̇од̇и бадижчаад̣̇зд̇аб̣б̣аяуд̇д̇агзна баабагаммзна саманнааг̇ад̇о. ассаман̣о саман̣абадин̃н̃од̇и ассаман̣о худ̇ваава саман̣абад̇ируубагад̇ааяа ‘саман̣о аха’нд̇и звам̣ бадин̃н̃о. аб̣рахмажаарий б̣рахмажаарибадин̃н̃од̇и ан̃н̃з б̣рахмажаарино сунивад̇т̇з субааруд̇з сумбхагабад̇д̇ад̇харз г̇ааманиг̇амаж̇анабад̣̇арааж̇ад̇хаанийсу бин̣д̣ааяа жарид̇ваа ж̇ийвигам̣ габбзнд̇з д̣̇исваа саяамби д̇аад̣̇исзна аагаарзна д̇ат̇аа бадибаж̇ж̇анад̇о ‘ахам̣ б̣рахмажаарий’д̇и бадин̃н̃ам̣ д̣̇знд̇о вияа ход̇и. ‘ахам̣ бхигкуу’д̇и вад̇ваа убосат̇аг̇г̇аад̣̇ийни бависанд̇о бана б̣рахмажаарибадин̃н̃о ход̇иязва, д̇ат̇аа сан̇гхигам̣ лаабхам̣ г̇ан̣ханд̇о. анд̇обууд̇ийд̇и бууд̇инаа гаммзна анд̇о анубавидто, ниг̇г̇ун̣ад̇ааяа ваа г̇ун̣асааравирахид̇ад̇д̇аа анд̇обууд̇и. авассуд̇од̇и рааг̇аад̣̇ийхи д̇инд̇о. гасамб̣уж̇аад̇од̇и сан̃ж̇аад̇арааг̇аад̣̇игажаваро. ат̇а ваа гасамб̣у вужжад̇и д̇инд̇агун̣абаг̇ад̇ам̣ гасадауд̣̇агам̣. имасмин̃жа саасанз д̣̇уссийло наама ж̇иг̇ужчанийяад̇д̇аа д̇инд̇агун̣абагасадауд̣̇агасад̣̇исо. д̇асмаа гасамб̣у вияа ж̇аад̇од̇и гасамб̣уж̇аад̇о.
Paṭicchannakammantoti paṭicchādetabbayuttakena pāpakammena samannāgato. Assamaṇo samaṇapaṭiññoti assamaṇo hutvāva samaṇapatirūpakatāya ‘samaṇo aha’nti evaṃ paṭiñño. Abrahmacārī brahmacāripaṭiññoti aññe brahmacārino sunivatthe supārute sumbhakapattadhare gāmanigamajanapadarājadhānīsu piṇḍāya caritvā jīvikaṃ kappente disvā sayampi tādisena ākārena tathā paṭipajjanato ‘ahaṃ brahmacārī’ti paṭiññaṃ dento viya hoti. ‘Ahaṃ bhikkhū’ti vatvā uposathaggādīni pavisanto pana brahmacāripaṭiñño hotiyeva, tathā saṅghikaṃ lābhaṃ gaṇhanto. Antopūtīti pūtinā kammena anto anupaviṭṭho, nigguṇatāya vā guṇasāravirahitattā antopūti. Avassutoti rāgādīhi tinto. Kasambujātoti sañjātarāgādikacavaro. Atha vā kasambu vuccati tintakuṇapagataṃ kasaṭaudakaṃ. Imasmiñca sāsane dussīlo nāma jigucchanīyattā tintakuṇapakasaṭaudakasadiso. Tasmā kasambu viya jātoti kasambujāto.
д̇асса на звам̣ ход̇ийд̇и гасмаа на ход̇и? яад̇т̇а бад̇идтид̇зна саггаа бхавзяяа арахад̇д̇ам̣ лад̣̇д̇хум̣, д̇ассаа бад̇идтааяа бхиннад̇д̇аа. яат̇аа хи жан̣д̣аалагумаарагасса ‘асуго наама кад̇д̇ияагумааро раж̇ж̇з абхисид̇д̇о’д̇и суд̇вааби, яасмим̣ гулз бажжааж̇аад̇аа абхисзгам̣ баабун̣анд̇и, д̇асмим̣ гулз абажжааж̇аад̇ад̇д̇аа на звам̣ ход̇и – ‘гуд̣̇аассу наамаахамби со кад̇д̇ияагумааро вияа абхисзгам̣ баабун̣зяяа’нд̇и; звамзва д̣̇уссийласса ‘асуго наама бхигку арахад̇д̇ам̣ бад̇д̇о’д̇и суд̇вааби, яасмим̣ сийлз бад̇идтид̇зна арахад̇д̇ам̣ бад̇д̇аб̣б̣ам̣, д̇асса абхаавад̇о ‘гуд̣̇аассу наамаахамби со сийлаваа вияа арахад̇д̇ам̣ баабун̣зяа’нд̇и на звам̣ ход̇и. аяам̣ вужжад̇ийд̇и аяам̣ зваруубо буг̇г̇ало арахад̇д̇аасааяа абхааваа нираасод̇и вужжад̇и.
Tassa na evaṃ hotīti kasmā na hoti? Yattha patiṭṭhitena sakkā bhaveyya arahattaṃ laddhuṃ, tassā patiṭṭhāya bhinnattā. Yathā hi caṇḍālakumārakassa ‘asuko nāma khattiyakumāro rajje abhisitto’ti sutvāpi, yasmiṃ kule paccājātā abhisekaṃ pāpuṇanti, tasmiṃ kule apaccājātattā na evaṃ hoti – ‘kudāssu nāmāhampi so khattiyakumāro viya abhisekaṃ pāpuṇeyya’nti; evameva dussīlassa ‘asuko nāma bhikkhu arahattaṃ patto’ti sutvāpi, yasmiṃ sīle patiṭṭhitena arahattaṃ pattabbaṃ, tassa abhāvato ‘kudāssu nāmāhampi so sīlavā viya arahattaṃ pāpuṇeya’nti na evaṃ hoti. Ayaṃ vuccatīti ayaṃ evarūpo puggalo arahattāsāya abhāvā nirāsoti vuccati.
92. д̇асса звам̣ ход̇ийд̇и гасмаа ход̇и? яасмим̣ бад̇идтид̇зна саггаа бхавзяяа арахад̇д̇ам̣ баабун̣ид̇ум̣, д̇ассаа бад̇идтааяа т̇ирад̇д̇аа. яат̇аа хи суж̇аад̇асса кад̇д̇ияагумаарасса ‘асуго наама кад̇д̇ияагумааро раж̇ж̇з абхисид̇д̇о’д̇и суд̇ваава яасмим̣ гулз бажжааж̇аад̇аа абхисзгам̣ баабун̣анд̇и, д̇асмим̣ бажжааж̇аад̇асса звам̣ ход̇и – ‘гуд̣̇аассу наамаахамби, со гумааро вияа абхисзгам̣ баабун̣зяяа’нд̇и звамзва сийлавад̇о ‘асуго наама бхигку арахад̇д̇ам̣ бад̇д̇о’д̇и суд̇ваава яасмим̣ сийлз бад̇идтид̇зна арахад̇д̇ам̣ бад̇д̇аб̣б̣ам̣, д̇ассаа бад̇идтааяа т̇ирад̇д̇аа – ‘гуд̣̇аассу наамаахамби со бхигку вияа арахад̇д̇ам̣ баабун̣зяяа’нд̇и звам̣ ход̇и. аяам̣ вужжад̇ийд̇и аяам̣ зваруубо буг̇г̇ало аасам̣со наама вужжад̇и. со хи арахад̇д̇ам̣ аасам̣сад̇и бад̇т̇зд̇ийд̇и аасам̣со.
92. Tassa evaṃ hotīti kasmā hoti? Yasmiṃ patiṭṭhitena sakkā bhaveyya arahattaṃ pāpuṇituṃ, tassā patiṭṭhāya thirattā. Yathā hi sujātassa khattiyakumārassa ‘asuko nāma khattiyakumāro rajje abhisitto’ti sutvāva yasmiṃ kule paccājātā abhisekaṃ pāpuṇanti, tasmiṃ paccājātassa evaṃ hoti – ‘kudāssu nāmāhampi, so kumāro viya abhisekaṃ pāpuṇeyya’nti evameva sīlavato ‘asuko nāma bhikkhu arahattaṃ patto’ti sutvāva yasmiṃ sīle patiṭṭhitena arahattaṃ pattabbaṃ, tassā patiṭṭhāya thirattā – ‘kudāssu nāmāhampi so bhikkhu viya arahattaṃ pāpuṇeyya’nti evaṃ hoti. Ayaṃ vuccatīti ayaṃ evarūpo puggalo āsaṃso nāma vuccati. So hi arahattaṃ āsaṃsati patthetīti āsaṃso.
93. яаа хисса буб̣б̣з авимуд̇д̇ассаад̇и яаа д̇асса кийн̣аасавасса буб̣б̣з арахад̇д̇авимуд̇д̇ияаа авимуд̇д̇асса вимуд̇д̇аасаа ахоси, саа бадиббассад̣̇д̇хаа, д̇асмаа на звам̣ ход̇и. яат̇аа хи абхисид̇д̇асса кад̇д̇ияасса ‘асуго наама кад̇д̇ияагумааро раж̇ж̇з абхисид̇д̇о’д̇и суд̇ваа згасса ран̃н̃о д̣̇виннам̣ раж̇ж̇аабхисзгаанам̣ д̣̇виннам̣ сзд̇ажчад̇д̇аанам̣ абхааваа на звам̣ ход̇и – ‘‘гуд̣̇аассу наамаахамби со гумааро вияа абхисзгам̣ баабун̣зяяа’’нд̇и; звамзва кийн̣аасавасса ‘асуго наама бхигку арахад̇д̇ам̣ бад̇д̇о’д̇и суд̇ваа, д̣̇виннам̣ арахад̇д̇аанам̣ абхааваа – ‘гуд̣̇аассу наамаахамби со бхигку вияа арахад̇д̇ам̣ баабун̣зяяа’нд̇и на звам̣ ход̇и. аяам̣ вужжад̇ийд̇и аяам̣ зваруубо буг̇г̇ало арахад̇д̇аасааяа виг̇ад̇ад̇д̇аа виг̇ад̇аасод̇и вужжад̇и.
93. Yā hissa pubbe avimuttassāti yā tassa khīṇāsavassa pubbe arahattavimuttiyā avimuttassa vimuttāsā ahosi, sā paṭippassaddhā, tasmā na evaṃ hoti. Yathā hi abhisittassa khattiyassa ‘asuko nāma khattiyakumāro rajje abhisitto’ti sutvā ekassa rañño dvinnaṃ rajjābhisekānaṃ dvinnaṃ setacchattānaṃ abhāvā na evaṃ hoti – ‘‘kudāssu nāmāhampi so kumāro viya abhisekaṃ pāpuṇeyya’’nti; evameva khīṇāsavassa ‘asuko nāma bhikkhu arahattaṃ patto’ti sutvā, dvinnaṃ arahattānaṃ abhāvā – ‘kudāssu nāmāhampi so bhikkhu viya arahattaṃ pāpuṇeyya’nti na evaṃ hoti. Ayaṃ vuccatīti ayaṃ evarūpo puggalo arahattāsāya vigatattā vigatāsoti vuccati.
94. г̇илаануубаманид̣̇д̣̇зсз – яааяа убамааяа д̇з г̇илаануубамаад̇и вужжанд̇и, д̇ам̣ д̇аава убамам̣ д̣̇ассзд̇ум̣ д̇аяо г̇илаанаад̇иаад̣̇и вуд̇д̇ам̣. д̇ад̇т̇а саббааяаанийд̇и хид̇аани вуд̣̇д̇хигараани. бад̇ируубанд̇и анужчавигам̣. нзва вудтаад̇и д̇амхаа ааб̣аад̇хаад̇и иминаа ад̇згижчзна ваад̇аабамаараад̣̇инаа рог̇зна саманнааг̇ад̇о нидтаббад̇д̇о г̇илаано гат̇ид̇о. вудтаад̇и д̇амхаа ааб̣аад̇хаад̇и иминаа кибид̇агажчуд̇ин̣абубпагаж̇араад̣̇иббабхзд̣̇о аббамад̇д̇агааб̣аад̇хо гат̇ид̇о.
94. Gilānūpamaniddese – yāya upamāya te gilānūpamāti vuccanti, taṃ tāva upamaṃ dassetuṃ tayo gilānātiādi vuttaṃ. Tattha sappāyānīti hitāni vuddhikarāni. Patirūpanti anucchavikaṃ. Neva vuṭṭhāti tamhā ābādhāti iminā atekicchena vātāpamārādinā rogena samannāgato niṭṭhappatto gilāno kathito. Vuṭṭhāti tamhā ābādhāti iminā khipitakacchutiṇapupphakajarādippabhedo appamattakābādho kathito.
лабханд̇о саббааяаани бхож̇анаани но алабханд̇од̇и иминаа бана язсам̣ бадиж̇аг̇г̇анзна паасугам̣ ход̇и, саб̣б̣зби д̇з ааб̣аад̇хаа гат̇ид̇аа. зд̇т̇а жа бад̇ируубо убадтааго наама г̇илаанубадтаагаан̇г̇зхи саманнааг̇ад̇о бан̣д̣ид̇о д̣̇агко аналасо взд̣̇ид̇аб̣б̣о.
Labhantosappāyāni bhojanāni no alabhantoti iminā pana yesaṃ paṭijagganena phāsukaṃ hoti, sabbepi te ābādhā kathitā. Ettha ca patirūpo upaṭṭhāko nāma gilānupaṭṭhākaaṅgehi samannāgato paṇḍito dakkho analaso veditabbo.
г̇илаанубадтааго анун̃н̃аад̇од̇и ‘бхигкусан̇гхзна д̣̇аад̇аб̣б̣о’д̇и анун̃н̃аад̇о. д̇асмин̃хи г̇илаанз ад̇д̇ано д̇хаммад̇ааяа яаабзд̇ум̣ асаггонд̇з бхигкусан̇гхзна д̇асса бхигкуно ‘зго бхигку жа сааман̣зро жа имам̣ бадиж̇аг̇г̇ат̇аа’д̇и абалогзд̇ваа д̣̇аад̇аб̣б̣аа. яаава бана д̇з д̇ам̣ бадиж̇аг̇г̇анд̇и, д̇аава г̇илаанасса жа д̇зсан̃жа д̣̇виннам̣ язнад̇т̇о саб̣б̣ам̣ бхигкусан̇гхассзва бхааро. ан̃н̃зби г̇илаанаа убадтаад̇аб̣б̣аад̇и ид̇арзби д̣̇вз г̇илаанаа убадтаад̇аб̣б̣аа. гим̣ гааран̣аа? яоби хи нидтаббад̇д̇аг̇илаано, со анубадтияамаано ‘сажз мам̣ бадиж̇аг̇г̇зяяум̣, паасугам̣ мз бхавзяяа, на ко бана мам̣ бадиж̇аг̇г̇анд̇ий’д̇и манобад̣̇осам̣ гад̇ваа абааяз ниб̣б̣ад̇д̇зяяа. бадиж̇аг̇г̇ияамаанасса бана звам̣ ход̇и – ‘бхигкусан̇гхзна яам̣ гад̇д̇аб̣б̣ам̣ д̇ам̣ саб̣б̣ам̣ гад̇ам̣, маяхам̣ бана гаммавибааго ийд̣̇исо’д̇и со бхигкусан̇гхз мзд̇д̇ам̣ бажжубадтабзд̇ваа саг̇г̇з ниб̣б̣ад̇д̇ад̇и. яо бана аббамад̇д̇агзна б̣яаад̇хинаа саманнааг̇ад̇о лабханд̇оби алабханд̇оби вудтаад̇иязва, д̇асса винааби бхзсаж̇ж̇зна вуубасаманагаб̣яаад̇хи бхзсаж̇ж̇з гад̇з киббад̇арам̣ вуубасаммад̇и. д̇ад̇о со б̣уд̣̇д̇хаважанам̣ ваа уг̇г̇ан̣хид̇ум̣ саман̣ад̇хаммам̣ ваа гаад̇ум̣ сагкиссад̇и. иминаа гааран̣зна ан̃н̃зби г̇илаанаа убадтаад̇аб̣б̣аад̇и вуд̇д̇ам̣.
Gilānupaṭṭhāko anuññātoti ‘bhikkhusaṅghena dātabbo’ti anuññāto. Tasmiñhi gilāne attano dhammatāya yāpetuṃ asakkonte bhikkhusaṅghena tassa bhikkhuno ‘eko bhikkhu ca sāmaṇero ca imaṃ paṭijaggathā’ti apaloketvā dātabbā. Yāva pana te taṃ paṭijagganti, tāva gilānassa ca tesañca dvinnaṃ yenattho sabbaṃ bhikkhusaṅghasseva bhāro. Aññepi gilānā upaṭṭhātabbāti itarepi dve gilānā upaṭṭhātabbā. Kiṃ kāraṇā? Yopi hi niṭṭhappattagilāno, so anupaṭṭhiyamāno ‘sace maṃ paṭijaggeyyuṃ, phāsukaṃ me bhaveyya, na kho pana maṃ paṭijaggantī’ti manopadosaṃ katvā apāye nibbatteyya. Paṭijaggiyamānassa pana evaṃ hoti – ‘bhikkhusaṅghena yaṃ kattabbaṃ taṃ sabbaṃ kataṃ, mayhaṃ pana kammavipāko īdiso’ti so bhikkhusaṅghe mettaṃ paccupaṭṭhapetvā sagge nibbattati. Yo pana appamattakena byādhinā samannāgato labhantopi alabhantopi vuṭṭhātiyeva, tassa vināpi bhesajjena vūpasamanakabyādhi bhesajje kate khippataraṃ vūpasammati. Tato so buddhavacanaṃ vā uggaṇhituṃ samaṇadhammaṃ vā kātuṃ sakkhissati. Iminā kāraṇena aññepi gilānā upaṭṭhātabbāti vuttaṃ.
нзва оггамад̇ийд̇и нзва бависад̇и. нияаамам̣ гусалзсу д̇хаммзсу саммад̇д̇анд̇и гусалзсу д̇хаммзсу маг̇г̇анияаамасан̇каад̇ам̣ саммад̇д̇ам̣. иминаа бад̣̇абарамо буг̇г̇ало гат̇ид̇о. д̣̇уд̇ияаваарзна уг̇гхадид̇ан̃н̃уу г̇ахид̇о саасанз наал̣агад̇т̇зрасад̣̇исо . б̣уд̣̇д̇ханд̇арз згаваарам̣ бажжзгаб̣уд̣̇д̇хаанам̣ санд̇игз оваад̣̇ам̣ лабхид̇ваа бадивид̣̇д̇хабажжзгаб̣од̇хин̃аан̣о жа. д̇ад̇ияаваарзна вибан̃жид̇ан̃н̃уу буг̇г̇ало гат̇ид̇о. нзяяо бана д̇анниссид̇ова ход̇и.
Neva okkamatīti neva pavisati. Niyāmaṃ kusalesu dhammesu sammattanti kusalesu dhammesu magganiyāmasaṅkhātaṃ sammattaṃ. Iminā padaparamo puggalo kathito. Dutiyavārena ugghaṭitaññū gahito sāsane nāḷakattherasadiso . Buddhantare ekavāraṃ paccekabuddhānaṃ santike ovādaṃ labhitvā paṭividdhapaccekabodhiñāṇo ca. Tatiyavārena vipañcitaññū puggalo kathito. Neyyo pana tannissitova hoti.
д̇хаммад̣̇зсанаа анун̃н̃аад̇аад̇и маасасса адта ваарз д̇хаммагат̇аа анун̃н̃аад̇аа. ан̃н̃зсамби д̇хаммо д̣̇зсзд̇аб̣б̣од̇и ид̇арзсамби д̇хаммо гат̇зд̇аб̣б̣о. гим̣ гааран̣аа? бад̣̇абарамасса хи имасмим̣ ад̇д̇абхаавз д̇хаммам̣ бадивиж̇жхид̇ум̣ асаггонд̇ассааби анааг̇ад̇з бажжаяо бхависсад̇и. яо бана д̇ат̇ааг̇ад̇асса руубад̣̇ассанам̣ лабханд̇оби алабханд̇оби д̇хаммавинаяан̃жа саванааяа лабханд̇оби алабханд̇оби д̇хаммам̣ абхисамзд̇и; со алабханд̇о на д̇аава абхисамзд̇и, лабханд̇о бана киббамзва абхисамзссад̇ийд̇и иминаа гааран̣зна д̇зсам̣ д̇хаммо д̣̇зсзд̇аб̣б̣о. д̇ад̇ияасса бана бунаббунам̣ д̣̇зсзд̇аб̣б̣ова. гааяасагкид̣̇идтаббад̇д̇асад̣̇д̇хаавимуд̇д̇аа хздтаа гат̇ид̇ааязва.
Dhammadesanā anuññātāti māsassa aṭṭha vāre dhammakathā anuññātā. Aññesampi dhammo desetabboti itaresampi dhammo kathetabbo. Kiṃ kāraṇā? Padaparamassa hi imasmiṃ attabhāve dhammaṃ paṭivijjhituṃ asakkontassāpi anāgate paccayo bhavissati. Yo pana tathāgatassa rūpadassanaṃ labhantopi alabhantopi dhammavinayañca savanāya labhantopi alabhantopi dhammaṃ abhisameti; so alabhanto na tāva abhisameti, labhanto pana khippameva abhisamessatīti iminā kāraṇena tesaṃ dhammo desetabbo. Tatiyassa pana punappunaṃ desetabbova. Kāyasakkhidiṭṭhappattasaddhāvimuttā heṭṭhā kathitāyeva.
98. г̇уут̇абхаан̣ийаад̣̇ийсу – сабхаг̇г̇ад̇од̇и сабхааяам̣ тид̇о. барисаг̇г̇ад̇од̇и г̇аамабарисааяа тид̇о. н̃аад̇имаж̇жхаг̇ад̇од̇и д̣̇ааяаад̣̇аанам̣ маж̇жхз тид̇о. бууг̇амаж̇жхаг̇ад̇од̇и сзн̣ийнам̣ маж̇жхз тид̇о. рааж̇агуламаж̇жхаг̇ад̇од̇и рааж̇агуласса маж̇жхз махаавинижчаяз тид̇о. абхинийд̇од̇и бужчанад̇т̇ааяа нийд̇о. сагкибудтод̇и сагким̣ гад̇ваа бужчид̇о. зхамбхо бурисаад̇и аалабанамзд̇ам̣. ад̇д̇ахзд̇у ваа барахзд̇у ваад̇и ад̇д̇ано ваа барасса ваа хад̇т̇абаад̣̇аад̣̇ихзд̇у ваа д̇ханахзд̇у ваа. аамисагин̃жигкахзд̇у ваад̇и зд̇т̇а аамисанд̇и лаабхо ад̇хиббзд̇о. гин̃жигканд̇и яам̣ ваа д̇ам̣ ваа аббамад̇д̇агам̣. анд̇амасо д̇ид̇д̇ираваддагасаббибин̣д̣анаванийд̇абин̣д̣аад̣̇иаббамад̇д̇агассааби лан̃ж̇асса хзд̇ууд̇и ад̇т̇о. самбаж̇аанамусаа бхаасид̇аа ход̇ийд̇и ж̇аананд̇оязва мусааваад̣̇ам̣ гад̇д̇аа ход̇и. аяам̣ вужжад̇ийд̇и аяам̣ зваруубо буг̇г̇ало г̇уут̇асад̣̇исаважанад̇д̇аа г̇уут̇абхаан̣ийд̇и вужжад̇и. яат̇аа хи г̇уут̇ам̣ наама махааж̇анасса анидтам̣ ход̇и аганд̇ам̣; звамзва имасса буг̇г̇аласса важанам̣ д̣̇звамануссаанам̣ анидтам̣ ход̇и аганд̇ам̣.
98. Gūthabhāṇīādīsu – sabhaggatoti sabhāyaṃ ṭhito. Parisaggatoti gāmaparisāya ṭhito. Ñātimajjhagatoti dāyādānaṃ majjhe ṭhito. Pūgamajjhagatoti seṇīnaṃ majjhe ṭhito. Rājakulamajjhagatoti rājakulassa majjhe mahāvinicchaye ṭhito. Abhinītoti pucchanatthāya nīto. Sakkhipuṭṭhoti sakkhiṃ katvā pucchito. Ehambho purisāti ālapanametaṃ. Attahetu vā parahetu vāti attano vā parassa vā hatthapādādihetu vā dhanahetu vā. Āmisakiñcikkhahetu vāti ettha āmisanti lābho adhippeto. Kiñcikkhanti yaṃ vā taṃ vā appamattakaṃ. Antamaso tittiravaṭṭakasappipiṇḍanavanītapiṇḍādiappamattakassāpi lañjassa hetūti attho. Sampajānamusā bhāsitā hotīti jānantoyeva musāvādaṃ kattā hoti. Ayaṃ vuccatīti ayaṃ evarūpo puggalo gūthasadisavacanattā gūthabhāṇīti vuccati. Yathā hi gūthaṃ nāma mahājanassa aniṭṭhaṃ hoti akantaṃ; evameva imassa puggalassa vacanaṃ devamanussānaṃ aniṭṭhaṃ hoti akantaṃ.
99. аяам̣ вужжад̇ийд̇и аяам̣ зваруубо буг̇г̇ало бубпасад̣̇исаважанад̇д̇аа бубпабхаан̣ийд̇и вужжад̇и. яат̇аа хи пуллаани вассигаани ваа ад̇химуд̇д̇агаани ваа махааж̇анасса идтаани ганд̇аани хонд̇и; звамзва имасса буг̇г̇аласса важанам̣ д̣̇звамануссаанам̣ идтам̣ ход̇и ганд̇ам̣.
99. Ayaṃ vuccatīti ayaṃ evarūpo puggalo pupphasadisavacanattā pupphabhāṇīti vuccati. Yathā hi phullāni vassikāni vā adhimuttakāni vā mahājanassa iṭṭhāni kantāni honti; evameva imassa puggalassa vacanaṃ devamanussānaṃ iṭṭhaṃ hoti kantaṃ.
100. нзлаад̇и злам̣ вужжад̇и д̣̇осо. наассаа зланд̇и нзлаа. нид̣̇д̣̇осаад̇и ад̇т̇о, ‘‘нзлан̇г̇о сзд̇абажчаад̣̇о’’д̇и (уд̣̇аа. 65) зд̇т̇а вуд̇д̇анзлам̣ вияа. ган̣н̣асукаад̇и б̣яан̃ж̇анамад̇хурад̇ааяа ган̣н̣аанам̣ сукаа. сууживиж̇жханам̣ вияа ган̣н̣асуулам̣ на ж̇анзд̇и. ад̇т̇амад̇хурад̇ааяа сагаласарийрз гобам̣ аж̇анзд̇ваа бзмам̣ ж̇анзд̇ийд̇и бзманийяаа. хад̣̇аяам̣ г̇ажчад̇и аббадихан̃н̃амаанаа сукзна жид̇д̇ам̣ бависад̇ийд̇и хад̣̇аяан̇г̇амаа. г̇ун̣абарибун̣н̣ад̇ааяа бурз бхаваад̇и борий. бурз сам̣вад̣дханаарий вияа сугумаараад̇иби борий. бурасса зсаад̇иби борий. наг̇араваасийнам̣ гат̇аад̇и ад̇т̇о. наг̇араваасино хи яуд̇д̇агат̇аа хонд̇и. бид̇имад̇д̇ам̣ бид̇аад̇и, маад̇имад̇д̇ам̣ маад̇аад̇и, бхаад̇имад̇д̇ам̣ бхаад̇аад̇и вад̣̇анд̇и. зваруубий гат̇аа б̣ахуно ж̇анасса ганд̇аа ход̇ийд̇и б̣ахуж̇анаганд̇аа. б̣ахуж̇анасса ганд̇абхаавзнзва б̣ахуно ж̇анасса манаабаа жид̇д̇авуд̣̇д̇хигараад̇и б̣ахуж̇анаманаабаа. аяам̣ вужжад̇ийд̇и аяам̣ зваруубо буг̇г̇ало мад̇хубхаан̣ийд̇и вужжад̇и. муд̣̇убхаан̣ийд̇иби баато. убхаяад̇т̇ааби мад̇хураважанод̇и ад̇т̇о. яат̇аа хи жад̇умад̇хурам̣ наама мад̇хурам̣ бан̣ийд̇ам̣; звамзва имасса буг̇г̇аласса важанам̣ д̣̇звамануссаанам̣ мад̇хурам̣ ход̇и.
100. Nelāti elaṃ vuccati doso. Nāssā elanti nelā. Niddosāti attho, ‘‘nelaṅgo setapacchādo’’ti (udā. 65) ettha vuttanelaṃ viya. Kaṇṇasukhāti byañjanamadhuratāya kaṇṇānaṃ sukhā. Sūcivijjhanaṃ viya kaṇṇasūlaṃ na janeti. Atthamadhuratāya sakalasarīre kopaṃ ajanetvā pemaṃ janetīti pemanīyā. Hadayaṃ gacchati appaṭihaññamānā sukhena cittaṃ pavisatīti hadayaṅgamā. Guṇaparipuṇṇatāya pure bhavāti porī. Pure saṃvaḍḍhanārī viya sukumārātipi porī. Purassa esātipi porī. Nagaravāsīnaṃ kathāti attho. Nagaravāsino hi yuttakathā honti. Pitimattaṃ pitāti, mātimattaṃ mātāti, bhātimattaṃ bhātāti vadanti. Evarūpī kathā bahuno janassa kantā hotīti bahujanakantā. Bahujanassa kantabhāveneva bahuno janassa manāpā cittavuddhikarāti bahujanamanāpā. Ayaṃ vuccatīti ayaṃ evarūpo puggalo madhubhāṇīti vuccati. Mudubhāṇītipi pāṭho. Ubhayatthāpi madhuravacanoti attho. Yathā hi catumadhuraṃ nāma madhuraṃ paṇītaṃ; evameva imassa puggalassa vacanaṃ devamanussānaṃ madhuraṃ hoti.
101. аругуубамажид̇д̇аад̣̇ийсу – абхисаж̇ж̇ад̇ийд̇и лаг̇г̇ад̇и. губбад̇ийд̇и гобавасзна губбад̇и. б̣яаабаж̇ж̇ад̇ийд̇и багад̇ибхаавам̣ баж̇ахад̇и, бууд̇иго ход̇и. бад̇ид̇т̇ийяад̇ийд̇и т̇инабхаавам̣ т̇ад̣̇д̇хабхааван̃жа аабаж̇ж̇ад̇и. гобанд̇и д̣̇уб̣б̣алагод̇хам̣. д̣̇осанд̇и д̣̇уссанавасзна д̇ад̇о б̣алавад̇арам̣. аббажжаяанд̇и ад̇удтаагаарам̣ д̣̇оманассам̣. д̣̇удтааругод̇и бураан̣аван̣о. гадтзнаад̇и д̣̇ан̣д̣агагодияаа. гаталааяаад̇и габаалзна. аасавам̣ д̣̇зд̇ийд̇и абараабарам̣ савад̇и. бураан̣аван̣о хи ад̇д̇ано д̇хаммад̇ааяа зва буб̣б̣ам̣ лохид̇ам̣ яуусанд̇и имаани д̇ийн̣и савад̇и , гхаддид̇о бана д̇аани ад̇хигад̇арам̣ савад̇и. звамзвам̣ код̇и зд̇т̇а ид̣̇ам̣ обаммасам̣санд̣̇анам̣, д̣̇удтааруго вияа хи год̇хано буг̇г̇ало. д̇асса ад̇д̇ано д̇хаммад̇ааяа саванам̣ вияа год̇ханассаби ад̇д̇ано д̇хаммад̇ааяа уд̣̇д̇хумаад̇агасса вияа жан̣д̣игад̇асса жаран̣ам̣. гадтзна ваа гаталааяа ваа гхадданам̣ вияа аббамад̇д̇агамби важанам̣ бхияяосо мад̇д̇ааяа саванам̣ вияа ‘маад̣̇исам̣ наама зса звам̣ вад̣̇ад̇ий’д̇и бхияяосо мад̇д̇ааяа уд̣̇д̇хумааяанабхааво д̣̇адтаб̣б̣о. аяам̣ вужжад̇ийд̇и аяам̣ зваруубо буг̇г̇ало аругуубамажид̇д̇од̇и вужжад̇и. бураан̣аван̣асад̣̇исажид̇д̇од̇и ад̇т̇о.
101. Arukūpamacittādīsu – abhisajjatīti laggati. Kuppatīti kopavasena kuppati. Byāpajjatīti pakatibhāvaṃ pajahati, pūtiko hoti. Patitthīyatīti thinabhāvaṃ thaddhabhāvañca āpajjati. Kopanti dubbalakodhaṃ. Dosanti dussanavasena tato balavataraṃ. Appaccayanti atuṭṭhākāraṃ domanassaṃ. Duṭṭhārukoti purāṇavaṇo. Kaṭṭhenāti daṇḍakakoṭiyā. Kaṭhalāyāti kapālena. Āsavaṃ detīti aparāparaṃ savati. Purāṇavaṇo hi attano dhammatāya eva pubbaṃ lohitaṃ yūsanti imāni tīṇi savati , ghaṭṭito pana tāni adhikataraṃ savati. Evamevaṃ khoti ettha idaṃ opammasaṃsandanaṃ, duṭṭhāruko viya hi kodhano puggalo. Tassa attano dhammatāya savanaṃ viya kodhanassapi attano dhammatāya uddhumātakassa viya caṇḍikatassa caraṇaṃ. Kaṭṭhena vā kaṭhalāya vā ghaṭṭanaṃ viya appamattakampi vacanaṃ bhiyyoso mattāya savanaṃ viya ‘mādisaṃ nāma esa evaṃ vadatī’ti bhiyyoso mattāya uddhumāyanabhāvo daṭṭhabbo. Ayaṃ vuccatīti ayaṃ evarūpo puggalo arukūpamacittoti vuccati. Purāṇavaṇasadisacittoti attho.
102. рад̇д̇анд̇хагаарад̇имисааяаад̇и рад̇д̇им̣ жагкувин̃н̃аан̣уббад̇д̇инивааран̣зна анд̇хабхаавагаран̣з б̣ахалад̇амз. виж̇ж̇анд̇аригааяаад̇и виж̇ж̇уббад̇д̇игкан̣з. ид̇хааби ид̣̇ам̣ обаммасам̣санд̣̇анам̣ – жагкумаа бурисо вияа хи яог̇ааважаро д̣̇адтаб̣б̣о. анд̇хагаарам̣ вияа сод̇аабад̇д̇имаг̇г̇аваж̇жхаа гилзсаа. виж̇ж̇усан̃жаран̣ам̣ вияа сод̇аабад̇д̇имаг̇г̇ан̃аан̣асса уббад̇д̇игаало. виж̇ж̇анд̇аригааяа жагкумад̇о бурисасса сааманд̇аа руубад̣̇ассанам̣ вияа сод̇аабад̇д̇имаг̇г̇агкан̣з ниб̣б̣аанад̣̇ассанам̣. буна анд̇хагаараавад̇т̇аран̣ам̣ вияа сагад̣̇ааг̇аамимаг̇г̇аваж̇жхаа гилзсаа. буна виж̇ж̇усан̃жаран̣ам̣ вияа сагад̣̇ааг̇аамимаг̇г̇ан̃аан̣асса уббаад̣̇о. виж̇ж̇анд̇аригааяа жагкумад̇о бурисасса сааманд̇аа руубад̣̇ассанам̣ вияа сагад̣̇ааг̇аамимаг̇г̇агкан̣з ниб̣б̣аанад̣̇ассанам̣. буна анд̇хагаараавад̇т̇аран̣ам̣ вияа анааг̇аамимаг̇г̇аваж̇жхаа гилзсаа. буна виж̇ж̇усан̃жаран̣ам̣ вияа анааг̇аамимаг̇г̇ан̃аан̣асса уббаад̣̇о. виж̇ж̇анд̇аригааяа жагкумад̇о бурисасса сааманд̇аа руубад̣̇ассанам̣ вияа анааг̇аамимаг̇г̇агкан̣з ниб̣б̣аанад̣̇ассанам̣ взд̣̇ид̇аб̣б̣ам̣. аяам̣ вужжад̇ийд̇и аяам̣ зваруубо буг̇г̇ало виж̇ж̇уубамажид̇д̇од̇и вужжад̇и. ид̇д̇арагаалобхаасзна виж̇ж̇усад̣̇исажид̇д̇од̇и ад̇т̇о.
102. Rattandhakāratimisāyāti rattiṃ cakkhuviññāṇuppattinivāraṇena andhabhāvakaraṇe bahalatame. Vijjantarikāyāti vijjuppattikkhaṇe. Idhāpi idaṃ opammasaṃsandanaṃ – cakkhumā puriso viya hi yogāvacaro daṭṭhabbo. Andhakāraṃ viya sotāpattimaggavajjhā kilesā. Vijjusañcaraṇaṃ viya sotāpattimaggañāṇassa uppattikālo. Vijjantarikāya cakkhumato purisassa sāmantā rūpadassanaṃ viya sotāpattimaggakkhaṇe nibbānadassanaṃ. Puna andhakārāvattharaṇaṃ viya sakadāgāmimaggavajjhā kilesā. Puna vijjusañcaraṇaṃ viya sakadāgāmimaggañāṇassa uppādo. Vijjantarikāya cakkhumato purisassa sāmantā rūpadassanaṃ viya sakadāgāmimaggakkhaṇe nibbānadassanaṃ. Puna andhakārāvattharaṇaṃ viya anāgāmimaggavajjhā kilesā. Puna vijjusañcaraṇaṃ viya anāgāmimaggañāṇassa uppādo. Vijjantarikāya cakkhumato purisassa sāmantā rūpadassanaṃ viya anāgāmimaggakkhaṇe nibbānadassanaṃ veditabbaṃ. Ayaṃ vuccatīti ayaṃ evarūpo puggalo vijjūpamacittoti vuccati. Ittarakālobhāsena vijjusadisacittoti attho.
103. важ̇ируубамажид̇д̇ад̇ааяаби ид̣̇ам̣ обаммасам̣санд̣̇анам̣ – важ̇ирам̣ вияа хи арахад̇д̇амаг̇г̇ан̃аан̣ам̣ д̣̇адтаб̣б̣ам̣. ман̣иг̇ан̣тибаасаан̣аг̇ан̣ти вияа арахад̇д̇амаг̇г̇аваж̇жхаа гилзсаа. важ̇ирасса ман̣иг̇ан̣тим̣ ваа баасаан̣аг̇ан̣тим̣ ваа винивиж̇жхид̇ваа аг̇аманабхаавасса над̇т̇ибхааво вияа арахад̇д̇амаг̇г̇ан̃аан̣зна ажчзж̇ж̇аанам̣ гилзсаанам̣ над̇т̇ибхааво. важ̇ирзна ниб̣б̣ид̣̇д̇хавзд̇хасса буна абадибууран̣ам̣ вияа арахад̇д̇амаг̇г̇зна чиннаанам̣ гилзсаанам̣ буна ануббаад̣̇о д̣̇адтаб̣б̣о. аяам̣ вужжад̇ийд̇и аяам̣ зваруубо буг̇г̇ало важ̇ируубамажид̇д̇од̇и вужжад̇и. гилзсаанам̣ муулагхаад̇агаран̣асамад̇т̇ад̇ааяа важ̇ирзна сад̣̇исажид̇д̇од̇и ад̇т̇о.
103. Vajirūpamacittatāyapi idaṃ opammasaṃsandanaṃ – vajiraṃ viya hi arahattamaggañāṇaṃ daṭṭhabbaṃ. Maṇigaṇṭhipāsāṇagaṇṭhi viya arahattamaggavajjhā kilesā. Vajirassa maṇigaṇṭhiṃ vā pāsāṇagaṇṭhiṃ vā vinivijjhitvā agamanabhāvassa natthibhāvo viya arahattamaggañāṇena acchejjānaṃ kilesānaṃ natthibhāvo. Vajirena nibbiddhavedhassa puna apaṭipūraṇaṃ viya arahattamaggena chinnānaṃ kilesānaṃ puna anuppādo daṭṭhabbo. Ayaṃ vuccatīti ayaṃ evarūpo puggalo vajirūpamacittoti vuccati. Kilesānaṃ mūlaghātakaraṇasamatthatāya vajirena sadisacittoti attho.
104. анд̇хаад̣̇ийсу д̇ат̇ааруубам̣ жагку на ход̇ийд̇и д̇ат̇ааж̇аад̇игам̣ д̇ат̇аасабхаавам̣ бан̃н̃аажагку на ход̇и. паад̇им̣ гарзяяаад̇и пийд̇ам̣ вад̣дхид̇ам̣ гарзяяа. сааваж̇ж̇аанаваж̇ж̇зд̇и сад̣̇осанид̣̇д̣̇осз. хийнаббан̣ийд̇зд̇и ад̇хамуд̇д̇амз. ган̣хасуггасаббадибхааг̇зд̇и ган̣хасуггааязва ан̃н̃аман̃н̃абадиб̣ааханад̇о бадибагкавасзна саббадибхааг̇аад̇и вужжанд̇и. аяам̣ банзд̇т̇а сан̇кзбо – гусалз д̇хаммз ‘гусалаа д̇хаммаа’д̇и язна бан̃н̃аажагкунаа ж̇аанзяяа, агусалз д̇хаммз ‘агусалаа д̇хаммаа’д̇и, сааваж̇ж̇аад̣̇ийсуби зсзва наяо. ган̣хасуггасаббадибхааг̇зсу бана ган̣хад̇хаммз ‘суггасуббадибхааг̇аа’д̇и, суггад̇хаммз ‘ган̣хасаббадибхааг̇аа’д̇и язна бан̃н̃аажагкунаа ж̇аанзяяа. д̇ат̇ааруубамбисса жагку на ход̇ийд̇и иминаа наязна сзсадтаанзсуби ад̇т̇о взд̣̇ид̇аб̣б̣о. аяам̣ вужжад̇ийд̇и аяам̣ зваруубо буг̇г̇ало д̣̇идтад̇хаммигабхог̇асам̣харан̣абан̃н̃аажагкуно жа самбарааяигад̇т̇асод̇ханабан̃н̃аажагкуно жа абхааваа анд̇ход̇и вужжад̇и. д̣̇уд̇ияо д̣̇идтад̇хаммигабхог̇асам̣харан̣абан̃н̃аажагкуно бхааваа, самбарааяигад̇т̇асод̇ханабан̃н̃аажагкуно бана абхааваа згажагкууд̇и вужжад̇и. д̇ад̇ияо д̣̇виннамби бхааваа д̣̇вижагкууд̇и вужжад̇и.
104. Andhādīsu tathārūpaṃ cakkhu na hotīti tathājātikaṃ tathāsabhāvaṃ paññācakkhu na hoti. Phātiṃ kareyyāti phītaṃ vaḍḍhitaṃ kareyya. Sāvajjānavajjeti sadosaniddose. Hīnappaṇīteti adhamuttame. Kaṇhasukkasappaṭibhāgeti kaṇhasukkāyeva aññamaññapaṭibāhanato paṭipakkhavasena sappaṭibhāgāti vuccanti. Ayaṃ panettha saṅkhepo – kusale dhamme ‘kusalā dhammā’ti yena paññācakkhunā jāneyya, akusale dhamme ‘akusalā dhammā’ti, sāvajjādīsupi eseva nayo. Kaṇhasukkasappaṭibhāgesu pana kaṇhadhamme ‘sukkasuppaṭibhāgā’ti, sukkadhamme ‘kaṇhasappaṭibhāgā’ti yena paññācakkhunā jāneyya. Tathārūpampissa cakkhu na hotīti iminā nayena sesaṭṭhānesupi attho veditabbo. Ayaṃ vuccatīti ayaṃ evarūpo puggalo diṭṭhadhammikabhogasaṃharaṇapaññācakkhuno ca samparāyikatthasodhanapaññācakkhuno ca abhāvā andhoti vuccati. Dutiyo diṭṭhadhammikabhogasaṃharaṇapaññācakkhuno bhāvā, samparāyikatthasodhanapaññācakkhuno pana abhāvā ekacakkhūti vuccati. Tatiyo dvinnampi bhāvā dvicakkhūti vuccati.
107. авагуж̇ж̇абан̃н̃аад̣̇ийсу д̇хаммам̣ д̣̇зсзнд̇ийд̇и убаасаго д̇хаммассаванад̇т̇ааяа ааг̇ад̇од̇и ад̇д̇ано гаммам̣ бахааяа д̇хаммам̣ д̣̇зсзнд̇и. аад̣̇игаляаан̣анд̇и аад̣̇имхи галяаан̣ам̣ бхад̣̇д̣̇агам̣ анаваж̇ж̇ам̣ нид̣̇д̣̇осам̣ гад̇ваа д̣̇зсзнд̇и. сзсабад̣̇зсуби зсзва наяо. зд̇т̇а бана аад̣̇ийд̇и буб̣б̣абадтабанаа. маж̇жханд̇и гат̇аавзмаж̇жхам̣. барияосаананд̇и саннидтаанам̣. ид̇исса д̇хаммам̣ гат̇знд̇аа буб̣б̣абадтабанзби галяаан̣ам̣ бхад̣̇д̣̇агам̣ анаваж̇ж̇амзва гад̇ваа гат̇знд̇и, взмаж̇жхзби, барияосаанзби. зд̇т̇а жа ад̇т̇и д̣̇зсанааяа аад̣̇имаж̇жхабарияосаанаани, ад̇т̇и саасанасса. д̇ад̇т̇а д̣̇зсанааяа д̇аава – жад̇уббад̣̇игаг̇аат̇ааяа батамабад̣̇ам̣ аад̣̇и, д̣̇вз бад̣̇аани маж̇жхам̣, авасаанабад̣̇ам̣ барияосаанам̣. згаанусанд̇хигасуд̇д̇асса – нид̣̇аанам̣ аад̣̇и, анусанд̇хи маж̇жхам̣, ид̣̇амавожаад̇и аббанаа барияосаанам̣. анзгаанусанд̇хигасса – батамо анусанд̇хи аад̣̇и , д̇ад̇о барам̣ зго ваа анзгаа ваа маж̇жхам̣, бажчимо барияосаанам̣. аяам̣ д̇аава д̣̇зсанааяа наяо.
107. Avakujjapaññādīsu dhammaṃ desentīti upāsako dhammassavanatthāya āgatoti attano kammaṃ pahāya dhammaṃ desenti. Ādikalyāṇanti ādimhi kalyāṇaṃ bhaddakaṃ anavajjaṃ niddosaṃ katvā desenti. Sesapadesupi eseva nayo. Ettha pana ādīti pubbapaṭṭhapanā. Majjhanti kathāvemajjhaṃ. Pariyosānanti sanniṭṭhānaṃ. Itissa dhammaṃ kathentā pubbapaṭṭhapanepi kalyāṇaṃ bhaddakaṃ anavajjameva katvā kathenti, vemajjhepi, pariyosānepi. Ettha ca atthi desanāya ādimajjhapariyosānāni, atthi sāsanassa. Tattha desanāya tāva – catuppadikagāthāya paṭhamapadaṃ ādi, dve padāni majjhaṃ, avasānapadaṃ pariyosānaṃ. Ekānusandhikasuttassa – nidānaṃ ādi, anusandhi majjhaṃ, idamavocāti appanā pariyosānaṃ. Anekānusandhikassa – paṭhamo anusandhi ādi , tato paraṃ eko vā anekā vā majjhaṃ, pacchimo pariyosānaṃ. Ayaṃ tāva desanāya nayo.
саасанасса бана сийлам̣ аад̣̇и, самаад̇хи маж̇жхам̣, вибассанаа барияосаанам̣. самаад̇хи ваа аад̣̇и, вибассанаа маж̇жхам̣, маг̇г̇о барияосаанам̣. вибассанаа ваа аад̣̇и, маг̇г̇о маж̇жхам̣, палам̣ барияосаанам̣. маг̇г̇о ваа аад̣̇и, палам̣ маж̇жхам̣, ниб̣б̣аанам̣ барияосаанам̣ . д̣̇вз д̣̇вз ваа гарияамаанз сийласамаад̇хаяо аад̣̇и, вибассанаамаг̇г̇аа маж̇жхам̣, паланиб̣б̣аанаани барияосаанам̣. саад̇т̇анд̇и саад̇т̇агам̣ гад̇ваа д̣̇зсзнд̇и. саб̣яан̃ж̇ананд̇и агкарабаарибуурим̣ гад̇ваа д̣̇зсзнд̇и. гзвалабарибун̣н̣анд̇и сагалабарибун̣н̣ам̣ ануунам̣ гад̇ваа д̣̇зсзнд̇и. барисуд̣̇д̇ханд̇и барисуд̣̇д̇хам̣ ниж̇ж̇адам̣ ниг̇г̇ан̣тим̣ гад̇ваа д̣̇зсзнд̇и. б̣рахмажарияам̣ багаасзнд̇ийд̇и звам̣ д̣̇зсзнд̇аа жа сздтажарияабхууд̇ам̣ сигкад̇д̇аяасан̇г̇ахид̇ам̣ арияам̣ адтан̇г̇игам̣ маг̇г̇ам̣ багаасзнд̇и. нзва аад̣̇им̣ манаси гарод̇ийд̇и нзва буб̣б̣абадтабанам̣ манаси гарод̇и. гумбход̇и гхадо. ниггуж̇ж̇од̇и ад̇хомуко табид̇о. звамзванд̇и зд̇т̇а гумбхо ниггуж̇ж̇о вияа авагуж̇ж̇абан̃н̃о буг̇г̇ало д̣̇адтаб̣б̣о. уд̣̇агаасин̃жанагаало вияа д̇хаммад̣̇зсанааяа лад̣̇д̇хагаало. уд̣̇агасса вивадданагаало вияа д̇асмим̣ аасанз нисиннасса уг̇г̇ахзд̇ум̣ асамад̇т̇агаало. уд̣̇агасса асан̣таанагаало вияа удтахид̇ваа асаллагкан̣агаало взд̣̇ид̇аб̣б̣о. аяам̣ вужжад̇ийд̇и аяам̣ зваруубо буг̇г̇ало авагуж̇ж̇абан̃н̃од̇и вужжад̇и. ад̇хомукабан̃н̃од̇и ад̇т̇о.
Sāsanassa pana sīlaṃ ādi, samādhi majjhaṃ, vipassanā pariyosānaṃ. Samādhi vā ādi, vipassanā majjhaṃ, maggo pariyosānaṃ. Vipassanā vā ādi, maggo majjhaṃ, phalaṃ pariyosānaṃ. Maggo vā ādi, phalaṃ majjhaṃ, nibbānaṃ pariyosānaṃ . Dve dve vā kariyamāne sīlasamādhayo ādi, vipassanāmaggā majjhaṃ, phalanibbānāni pariyosānaṃ. Sātthanti sātthakaṃ katvā desenti. Sabyañjananti akkharapāripūriṃ katvā desenti. Kevalaparipuṇṇanti sakalaparipuṇṇaṃ anūnaṃ katvā desenti. Parisuddhanti parisuddhaṃ nijjaṭaṃ niggaṇṭhiṃ katvā desenti. Brahmacariyaṃ pakāsentīti evaṃ desentā ca seṭṭhacariyabhūtaṃ sikkhattayasaṅgahitaṃ ariyaṃ aṭṭhaṅgikaṃ maggaṃ pakāsenti. Neva ādiṃ manasi karotīti neva pubbapaṭṭhapanaṃ manasi karoti. Kumbhoti ghaṭo. Nikkujjoti adhomukho ṭhapito. Evamevanti ettha kumbho nikkujjo viya avakujjapañño puggalo daṭṭhabbo. Udakāsiñcanakālo viya dhammadesanāya laddhakālo. Udakassa vivaṭṭanakālo viya tasmiṃ āsane nisinnassa uggahetuṃ asamatthakālo. Udakassa asaṇṭhānakālo viya uṭṭhahitvā asallakkhaṇakālo veditabbo. Ayaṃ vuccatīti ayaṃ evarūpo puggalo avakujjapaññoti vuccati. Adhomukhapaññoti attho.
108. аагин̣н̣аанийд̇и багкид̇д̇аани. сад̇исаммосаа багирзяяаад̇и мудтассад̇ид̇ааяа вигирзяяа. звамзванд̇и зд̇т̇а ужчан̇г̇о вияа ужчан̇г̇абан̃н̃о буг̇г̇ало д̣̇адтаб̣б̣о. наанаакаж̇ж̇агаани вияа наанаббагаарам̣ б̣уд̣̇д̇хаважанам̣. ужчан̇г̇з наанаакаж̇ж̇агаани каад̣̇анд̇асса нисиннагаало вияа д̇асмим̣ аасанз нисиннасса уг̇г̇ахан̣агаало. вудтаханд̇асса сад̇исаммосаа вигиран̣агаало вияа д̇асмаа аасанаа вудтааяа г̇ажчанд̇асса асаллагкан̣агаало взд̣̇ид̇аб̣б̣о. аяам̣ вужжад̇ийд̇и аяам̣ зваруубо буг̇г̇ало ужчан̇г̇абан̃н̃од̇и вужжад̇и. ужчан̇г̇асад̣̇исабан̃н̃од̇и ад̇т̇о.
108. Ākiṇṇānīti pakkhittāni. Satisammosā pakireyyāti muṭṭhassatitāya vikireyya. Evamevanti ettha ucchaṅgo viya ucchaṅgapañño puggalo daṭṭhabbo. Nānākhajjakāni viya nānappakāraṃ buddhavacanaṃ. Ucchaṅge nānākhajjakāni khādantassa nisinnakālo viya tasmiṃ āsane nisinnassa uggahaṇakālo. Vuṭṭhahantassa satisammosā vikiraṇakālo viya tasmā āsanā vuṭṭhāya gacchantassa asallakkhaṇakālo veditabbo. Ayaṃ vuccatīti ayaṃ evarūpo puggalo ucchaṅgapaññoti vuccati. Ucchaṅgasadisapaññoti attho.
109. уггуж̇ж̇од̇и убаримуко табид̇о. сан̣таад̇ийд̇и бад̇идтахад̇и. звамзва код̇и зд̇т̇а убаримуко табид̇о гумбхо вияа бут̇убан̃н̃о буг̇г̇ало д̣̇адтаб̣б̣о. уд̣̇агасса аасид̇д̇агаало вияа д̣̇зсанааяа лад̣̇д̇хагаало. уд̣̇агасса сан̣таанагаало вияа д̇ад̇т̇а нисиннасса уг̇г̇ахан̣агаало. но вивадданагаало вияа удтааяа г̇ажчанд̇асса саллагкан̣агаало взд̣̇ид̇аб̣б̣о. аяам̣ вужжад̇ийд̇и аяам̣ зваруубо буг̇г̇ало бут̇убан̃н̃од̇и вужжад̇и. вид̇т̇ааригабан̃н̃од̇и ад̇т̇о.
109. Ukkujjoti uparimukho ṭhapito. Saṇṭhātīti patiṭṭhahati. Evameva khoti ettha uparimukho ṭhapito kumbho viya puthupañño puggalo daṭṭhabbo. Udakassa āsittakālo viya desanāya laddhakālo. Udakassa saṇṭhānakālo viya tattha nisinnassa uggahaṇakālo. No vivaṭṭanakālo viya uṭṭhāya gacchantassa sallakkhaṇakālo veditabbo. Ayaṃ vuccatīti ayaṃ evarūpo puggalo puthupaññoti vuccati. Vitthārikapaññoti attho.
110. авийд̇арааг̇аад̣̇ийсу – яат̇аа сод̇аабаннасагад̣̇ааг̇аамино, звам̣ бут̇уж̇ж̇аноби бан̃жасу гаамаг̇ун̣зсу, д̇ийсу жа бхавзсу авийд̇арааг̇о. ад̣̇аб̣б̣ад̇ааяа бана на г̇ахид̇о. яат̇аа хи чзго вад̣дхагий д̣̇аб̣б̣асамбхаарад̇т̇ам̣ ванам̣ бавидто на аад̣̇ид̇о бадтааяа самбад̇д̇асамбад̇д̇аругкз чинд̣̇ад̇и, яз банасса д̣̇аб̣б̣асамбхааруубаг̇аа хонд̇и, д̇зязва чинд̣̇ад̇и; звамид̇хааби бхаг̇авад̇аа д̣̇аб̣б̣аж̇аад̇игаа арияаава г̇ахид̇аа, бут̇уж̇ж̇анаа бана ад̣̇аб̣б̣ад̇ааяа на г̇ахид̇аад̇и взд̣̇ид̇аб̣б̣аа. гаамзсу вийд̇арааг̇од̇и бан̃жасу гаамаг̇ун̣зсу вийд̇арааг̇о. бхавзсу авийд̇арааг̇од̇и руубааруубабхавзсу авийд̇арааг̇о.
110. Avītarāgādīsu – yathā sotāpannasakadāgāmino, evaṃ puthujjanopi pañcasu kāmaguṇesu, tīsu ca bhavesu avītarāgo. Adabbatāya pana na gahito. Yathā hi cheko vaḍḍhakī dabbasambhāratthaṃ vanaṃ paviṭṭho na ādito paṭṭhāya sampattasampattarukkhe chindati, ye panassa dabbasambhārūpagā honti, teyeva chindati; evamidhāpi bhagavatā dabbajātikā ariyāva gahitā, puthujjanā pana adabbatāya na gahitāti veditabbā. Kāmesu vītarāgoti pañcasu kāmaguṇesu vītarāgo. Bhavesu avītarāgoti rūpārūpabhavesu avītarāgo.
113. баасаан̣алзкуубамаад̣̇ийсу – анусзд̇ийд̇и аббахийнад̇ааяа анусзд̇и. на киббам̣ луж̇ж̇ад̇ийд̇и на анд̇араа нассад̇и, габбудтаанзнзва нассад̇и. звамзванд̇и звам̣ д̇ассааби буг̇г̇аласса год̇хо на анд̇араа бунад̣̇ивасз ваа абарад̣̇ивасз ваа ниб̣б̣аад̇и, ад̣̇д̇ханияо бана ход̇и. маран̣знзва ниб̣б̣аад̇ийд̇и ад̇т̇о. аяам̣ вужжад̇ийд̇и аяам̣ зваруубо буг̇г̇ало баасаан̣алзкаа вияа гуж̇жханабхаавзна жирадтид̇игад̇о баасаан̣алзкуубамод̇и вужжад̇и.
113. Pāsāṇalekhūpamādīsu – anusetīti appahīnatāya anuseti. Na khippaṃ lujjatīti na antarā nassati, kappuṭṭhāneneva nassati. Evamevanti evaṃ tassāpi puggalassa kodho na antarā punadivase vā aparadivase vā nibbāti, addhaniyo pana hoti. Maraṇeneva nibbātīti attho. Ayaṃ vuccatīti ayaṃ evarūpo puggalo pāsāṇalekhā viya kujjhanabhāvena ciraṭṭhitikato pāsāṇalekhūpamoti vuccati.
114. со жа квасса год̇ход̇и со аббамад̇д̇агзби гааран̣з сахасаа гуд̣̇д̇хасса год̇хо. на жиранд̇и ажирам̣ аббахийнад̇ааяа наанусзд̇и. яат̇аа бана бат̇авияам̣ аагад̣дхид̇ваа гад̇алзкаа ваад̇аад̣̇ийхи киббам̣ нассад̇и, звамасса сахасаа уббанноби год̇хо киббамзва ниб̣б̣аад̇ийд̇и ад̇т̇о. аяам̣ вужжад̇ийд̇и аяам̣ зваруубо буг̇г̇ало бат̇авияам̣ лзкаа вияа гуж̇жханабхаавзна ажирадтид̇игад̇о бат̇авийлзкуубамод̇и вужжад̇и.
114. So ca khvassa kodhoti so appamattakepi kāraṇe sahasā kuddhassa kodho. Na ciranti aciraṃ appahīnatāya nānuseti. Yathā pana pathaviyaṃ ākaḍḍhitvā katalekhā vātādīhi khippaṃ nassati, evamassa sahasā uppannopi kodho khippameva nibbātīti attho. Ayaṃ vuccatīti ayaṃ evarūpo puggalo pathaviyaṃ lekhā viya kujjhanabhāvena aciraṭṭhitikato pathavīlekhūpamoti vuccati.
115. ааг̇аал̣хзнаад̇и ад̇иг̇аал̣хзна маммажчзд̣̇агзна т̇ад̣̇д̇хаважанзна. парусзнаад̇и на сод̇асукзна. аманаабзнаад̇и на жид̇д̇асукзна. сам̣санд̣̇ад̇ийд̇и згийбхавад̇и. санд̇хияад̇ийд̇и гхадаяад̇и. саммод̣̇ад̇ийд̇и ниранд̇аро ход̇и. ат̇а ваа – сам̣санд̣̇ад̇ийд̇и жид̇д̇агирияаад̣̇ийсу жид̇д̇зна самод̇хаанам̣ г̇ажчад̇и. кийрод̣̇агам̣ вияа згийбхаавам̣ убзд̇ийд̇и ад̇т̇о. санд̇хияад̇ийд̇и таанаг̇аманаад̣̇ийсу гааяагирияаад̣̇ийсу гааязна самод̇хаанам̣ г̇ажчад̇и. д̇илад̇ан̣д̣улаа вияа миссийбхаавам̣ убзд̇ийд̇и ад̇т̇о. саммод̣̇ад̇ийд̇и уд̣̇д̣̇зсабарибужчаад̣̇ийсу важийгирияаасу ваажааяа самод̇хаанам̣ г̇ажчад̇и. виббаваасаг̇ад̇оби бияасахааяаго вияа бияад̇арабхаавам̣ убзд̇ийд̇и ад̇т̇о. абижа – гижжагаран̣ийязсу д̇зхи сад̣̇д̇хим̣ аад̣̇ид̇ова згагирияабхаавам̣ убаг̇ажчанд̇о сам̣санд̣̇ад̇и. яаава маж̇жхаа бавад̇д̇анд̇о санд̇хияад̇и, яаава барияосаанаа анивад̇д̇анд̇о саммод̣̇ад̇ийд̇иби взд̣̇ид̇аб̣б̣о. аяам̣ вужжад̇ийд̇и аяам̣ зваруубо буг̇г̇ало уд̣̇агалзкаа вияа киббам̣ сам̣санд̣̇анад̇о уд̣̇агалзкуубамод̇и вужжад̇и.
115. Āgāḷhenāti atigāḷhena mammacchedakena thaddhavacanena. Pharusenāti na sotasukhena. Amanāpenāti na cittasukhena. Saṃsandatīti ekībhavati. Sandhiyatīti ghaṭayati. Sammodatīti nirantaro hoti. Atha vā – saṃsandatīti cittakiriyādīsu cittena samodhānaṃ gacchati. Khīrodakaṃ viya ekībhāvaṃ upetīti attho. Sandhiyatīti ṭhānagamanādīsu kāyakiriyādīsu kāyena samodhānaṃ gacchati. Tilataṇḍulā viya missībhāvaṃ upetīti attho. Sammodatīti uddesaparipucchādīsu vacīkiriyāsu vācāya samodhānaṃ gacchati. Vippavāsagatopi piyasahāyako viya piyatarabhāvaṃ upetīti attho. Apica – kiccakaraṇīyesu tehi saddhiṃ āditova ekakiriyabhāvaṃ upagacchanto saṃsandati. Yāva majjhā pavattanto sandhiyati, yāva pariyosānā anivattanto sammodatītipi veditabbo. Ayaṃ vuccatīti ayaṃ evarūpo puggalo udakalekhā viya khippaṃ saṃsandanato udakalekhūpamoti vuccati.
116. бод̇т̇агуубамзсу – яааяа убамааяа д̇з бод̇т̇агуубамаад̇и вужжанд̇и, д̇ам̣ д̇аава убамам̣ д̣̇ассзд̇ум̣ д̇аяо бод̇т̇агаад̇иаад̣̇и вуд̇д̇ам̣. д̇ад̇т̇а навод̇и нававааяимо. бод̇т̇агод̇и саан̣аваагасаадаго. д̣̇уб̣б̣ан̣н̣од̇и виван̣н̣о. д̣̇угкасампассод̇и карасампассо. аббаг̇гход̇и ад̇иб̣ахум̣ аг̇гханд̇о гахаабан̣аг̇гханаго ход̇и. маж̇жхимод̇и барибхог̇амаж̇жхимо. со хи навабхаавам̣ ад̇иггамид̇ваа ж̇ин̣н̣абхаавам̣ аббад̇д̇о маж̇жхз барибхог̇агаалзби д̣̇уб̣б̣ан̣н̣о жа д̣̇угкасампассо жа аббаг̇гхоязва жа ход̇и. ад̇иб̣ахум̣ аг̇гханд̇о ад̣дхам̣ аг̇гхад̇и. ж̇ин̣н̣агаалз бана ад̣дхамаасагам̣ ваа гааган̣игам̣ ваа аг̇гхад̇и. угкалибаримаж̇ж̇ананд̇и гаал̣угкалибарибун̃чанам̣.
116. Potthakūpamesu – yāya upamāya te potthakūpamāti vuccanti, taṃ tāva upamaṃ dassetuṃ tayo potthakātiādi vuttaṃ. Tattha navoti navavāyimo. Potthakoti sāṇavākasāṭako. Dubbaṇṇoti vivaṇṇo. Dukkhasamphassoti kharasamphasso. Appagghoti atibahuṃ agghanto kahāpaṇagghanako hoti. Majjhimoti paribhogamajjhimo. So hi navabhāvaṃ atikkamitvā jiṇṇabhāvaṃ appatto majjhe paribhogakālepi dubbaṇṇo ca dukkhasamphasso ca appagghoyeva ca hoti. Atibahuṃ agghanto aḍḍhaṃ agghati. Jiṇṇakāle pana aḍḍhamāsakaṃ vā kākaṇikaṃ vā agghati. Ukkhaliparimajjananti kāḷukkhaliparipuñchanaṃ.
навод̇и убасамбад̣̇ааяа бан̃жавассагаалад̇о хздтаа ж̇аад̇ияаа садтивассоби навоязва. д̣̇уб̣б̣ан̣н̣ад̇ааяаад̇и сарийраван̣н̣знаби г̇ун̣аван̣н̣знаби д̣̇уб̣б̣ан̣н̣ад̇ааяа. д̣̇уссийласса хи барисамаж̇жхз нисиннасса нид̇д̇зж̇ад̇ааяа сарийраван̣н̣оби на самбаж̇ж̇ад̇и, г̇ун̣аван̣н̣з вад̇д̇аб̣б̣амзва над̇т̇и. яз ко банассаад̇и яз ко бана д̇асса убадтаагаа ваа н̃аад̇имид̇д̇аад̣̇аяо ваа зд̇ам̣ буг̇г̇алам̣ сзванд̇и. д̇зсам̣ д̇анд̇и д̇зсам̣ буг̇г̇алаанам̣ ча сад̇т̇аарз сзванд̇аанам̣ мижчаад̣̇идтигаанам̣ вияа, д̣̇звад̣̇ад̇д̇ам̣ сзванд̇аанам̣ гогаалигаад̣̇ийнам̣ вияа жа д̇ам̣ сзванам̣ д̣̇ийгхарад̇д̇ам̣ ахид̇ааяа д̣̇угкааяа ход̇и. маж̇жхимод̇и бан̃жавассагаалад̇о бадтааяа яаава нававассагаалаа маж̇жхимо наама. т̇зрод̇и д̣̇асавассагаалад̇о бадтааяа т̇зро наама. звамаахам̣сууд̇и звам̣ вад̣̇анд̇и. гим̣ ну ко д̇уяханд̇и д̇уяхам̣ б̣ааласса бхан̣ид̇зна го ад̇т̇од̇и вуд̇д̇ам̣ ход̇и. д̇ат̇ааруубанд̇и д̇ат̇ааж̇аад̇игам̣ д̇ат̇аасабхаавам̣ угкзбанийяагаммасса гааран̣абхууд̇ам̣.
Navoti upasampadāya pañcavassakālato heṭṭhā jātiyā saṭṭhivassopi navoyeva. Dubbaṇṇatāyāti sarīravaṇṇenapi guṇavaṇṇenapi dubbaṇṇatāya. Dussīlassa hi parisamajjhe nisinnassa nittejatāya sarīravaṇṇopi na sampajjati, guṇavaṇṇe vattabbameva natthi. Ye kho panassāti ye kho pana tassa upaṭṭhākā vā ñātimittādayo vā etaṃ puggalaṃ sevanti. Tesaṃ tanti tesaṃ puggalānaṃ cha satthāre sevantānaṃ micchādiṭṭhikānaṃ viya, devadattaṃ sevantānaṃ kokālikādīnaṃ viya ca taṃ sevanaṃ dīgharattaṃ ahitāya dukkhāya hoti. Majjhimoti pañcavassakālato paṭṭhāya yāva navavassakālā majjhimo nāma. Theroti dasavassakālato paṭṭhāya thero nāma. Evamāhaṃsūti evaṃ vadanti. Kiṃ nu kho tuyhanti tuyhaṃ bālassa bhaṇitena ko atthoti vuttaṃ hoti. Tathārūpanti tathājātikaṃ tathāsabhāvaṃ ukkhepanīyakammassa kāraṇabhūtaṃ.
117. гаасигавад̇т̇уубамзсу – гаасигавад̇т̇ам̣ наама д̇аяо габбаасам̣суу г̇ахзд̇ваа ганд̇ид̇асуд̇д̇зна вааяид̇ам̣ сукумавад̇т̇ам̣. д̇ам̣ нававааяимам̣ анаг̇гхам̣ ход̇и. барибхог̇амаж̇жхимам̣ вийсамби д̇им̣самби сахассаани аг̇гхад̇и. ж̇ин̣н̣агаалз бана адтаби д̣̇асаби сахассаани аг̇гхад̇и.
117. Kāsikavatthūpamesu – kāsikavatthaṃ nāma tayo kappāsaṃsū gahetvā kantitasuttena vāyitaṃ sukhumavatthaṃ. Taṃ navavāyimaṃ anagghaṃ hoti. Paribhogamajjhimaṃ vīsampi tiṃsampi sahassāni agghati. Jiṇṇakāle pana aṭṭhapi dasapi sahassāni agghati.
д̇зсам̣ д̇ам̣ ход̇ийд̇и д̇зсам̣ саммаасамб̣уд̣̇д̇хаад̣̇аяо сзванд̇аанам̣ вияа д̇ам̣ сзванам̣ д̣̇ийгхарад̇д̇ам̣ хид̇ааяа сукааяа ход̇и. саммаасамб̣уд̣̇д̇хан̃хи згам̣ ниссааяа яааваж̇ж̇агаалаа мужжанагасад̇д̇аанам̣ бамаан̣ам̣ над̇т̇и. д̇ат̇аа саарибуд̇д̇ад̇т̇зрамахаамог̇г̇аллаанад̇т̇зрз авасзсз жа асийд̇имахаасаавагз ниссааяа саг̇г̇ам̣ г̇ад̇асад̇д̇аанам̣ бамаан̣ам̣ над̇т̇и. яааваж̇ж̇агаалаа д̇зсам̣ д̣̇идтаануг̇ад̇им̣ бадибаннасад̇д̇аанамби бамаан̣ам̣ над̇т̇иязва. аад̇хзяяам̣ г̇ажчад̇ийд̇и д̇асса махаат̇зрасса д̇ам̣ ад̇т̇аниссид̇ам̣ важанам̣ яат̇аа г̇анд̇хагаран̣д̣агз гаасигавад̇т̇ам̣ аад̇хаад̇аб̣б̣ад̇ам̣ табзд̇аб̣б̣ад̇ам̣ г̇ажчад̇и, звам̣ уд̇д̇аман̇г̇з сирасмим̣ хад̣̇аяз жа аад̇хаад̇аб̣б̣ад̇ам̣ табзд̇аб̣б̣ад̇амби г̇ажчад̇и. сзсамзд̇т̇а хздтаа вуд̇д̇аанусаарзнзва взд̣̇ид̇аб̣б̣ам̣.
Tesaṃtaṃ hotīti tesaṃ sammāsambuddhādayo sevantānaṃ viya taṃ sevanaṃ dīgharattaṃ hitāya sukhāya hoti. Sammāsambuddhañhi ekaṃ nissāya yāvajjakālā muccanakasattānaṃ pamāṇaṃ natthi. Tathā sāriputtattheramahāmoggallānatthere avasese ca asītimahāsāvake nissāya saggaṃ gatasattānaṃ pamāṇaṃ natthi. Yāvajjakālā tesaṃ diṭṭhānugatiṃ paṭipannasattānampi pamāṇaṃ natthiyeva. Ādheyyaṃ gacchatīti tassa mahātherassa taṃ atthanissitaṃ vacanaṃ yathā gandhakaraṇḍake kāsikavatthaṃ ādhātabbataṃ ṭhapetabbataṃ gacchati, evaṃ uttamaṅge sirasmiṃ hadaye ca ādhātabbataṃ ṭhapetabbatampi gacchati. Sesamettha heṭṭhā vuttānusāreneva veditabbaṃ.
118. суббамзяяаад̣̇ийсу – сукзна бамзд̇аб̣б̣од̇и суббамзяяо. ид̇хаад̇и имасмим̣ сад̇д̇алогз. уд̣̇д̇хад̇од̇и уд̣̇д̇хажжзна саманнааг̇ад̇о. уннал̣од̇и уг̇г̇ад̇анал̣о; д̇ужчамаанам̣ угкибид̇ваа тид̇од̇и ад̇т̇о. жабалод̇и бад̇д̇аман̣д̣анаад̣̇инаа жаабаллзна саманнааг̇ад̇о. мукарод̇и мукакаро. вигин̣н̣аваажод̇и асам̣яад̇аважано. асамаахид̇од̇и жид̇д̇згаг̇г̇ад̇аарахид̇о. виб̣бханд̇ажид̇д̇од̇и бханд̇ажид̇д̇о, бханд̇аг̇аавийбханд̇амиг̇ийсаббадибхааг̇о. баагадинд̣̇рияод̇и вивадинд̣̇рияо. аяам̣ вужжад̇ийд̇и аяам̣ зваруубо буг̇г̇ало ‘суббамзяяо’д̇и вужжад̇и. яат̇аа хи барид̇д̇асса уд̣̇агасса сукзна бамаан̣ам̣ г̇аяхад̇и; звамзва имзхи аг̇ун̣ан̇г̇зхи саманнааг̇ад̇асса сукзна бамаан̣ам̣ г̇аяхад̇и. д̇знзса ‘суббамзяяо’д̇и вуд̇д̇о.
118. Suppameyyādīsu – sukhena pametabboti suppameyyo. Idhāti imasmiṃ sattaloke. Uddhatoti uddhaccena samannāgato. Unnaḷoti uggatanaḷo; tucchamānaṃ ukkhipitvā ṭhitoti attho. Capaloti pattamaṇḍanādinā cāpallena samannāgato. Mukharoti mukhakharo. Vikiṇṇavācoti asaṃyatavacano. Asamāhitoti cittekaggatārahito. Vibbhantacittoti bhantacitto, bhantagāvībhantamigīsappaṭibhāgo. Pākaṭindriyoti vivaṭindriyo. Ayaṃ vuccatīti ayaṃ evarūpo puggalo ‘suppameyyo’ti vuccati. Yathā hi parittassa udakassa sukhena pamāṇaṃ gayhati; evameva imehi aguṇaṅgehi samannāgatassa sukhena pamāṇaṃ gayhati. Tenesa ‘suppameyyo’ti vutto.
119. д̣̇угкзна бамзд̇аб̣б̣од̇и д̣̇уббамзяяо. ануд̣̇д̇хад̇аад̣̇ийни вуд̇д̇абадибагкавасзна взд̣̇ид̇аб̣б̣аани. аяам̣ вужжад̇ийд̇и аяам̣ зваруубо буг̇г̇ало ‘д̣̇уббамзяяо’д̇и вужжад̇и. яат̇аа хи махаасамуд̣̇д̣̇асса д̣̇угкзна бамаан̣ам̣ г̇аяхад̇и; звамзва имзхи г̇ун̣ан̇г̇зхи саманнааг̇ад̇асса д̣̇угкзна бамаан̣ам̣ г̇аяхад̇и. д̇аад̣̇исо ‘анааг̇аамий ну ко, кийн̣аасаво ну ко’д̇и вад̇д̇аб̣б̣ад̇ам̣ г̇ажчад̇и, д̇знзса ‘д̣̇уббамзяяо’д̇и вуд̇д̇о.
119. Dukkhena pametabboti duppameyyo. Anuddhatādīni vuttapaṭipakkhavasena veditabbāni. Ayaṃ vuccatīti ayaṃ evarūpo puggalo ‘duppameyyo’ti vuccati. Yathā hi mahāsamuddassa dukkhena pamāṇaṃ gayhati; evameva imehi guṇaṅgehi samannāgatassa dukkhena pamāṇaṃ gayhati. Tādiso ‘anāgāmī nu kho, khīṇāsavo nu kho’ti vattabbataṃ gacchati, tenesa ‘duppameyyo’ti vutto.
120. на саггаа бамзд̇унд̇и аббамзяяо. яат̇аа хи аагаасасса на саггаа бамаан̣ам̣ г̇ахзд̇ум̣, звам̣ кийн̣аасавасса. д̇знзса ‘аббамзяяо’д̇и вуд̇д̇о.
120. Na sakkā pametunti appameyyo. Yathā hi ākāsassa na sakkā pamāṇaṃ gahetuṃ, evaṃ khīṇāsavassa. Tenesa ‘appameyyo’ti vutto.
121. на сзвид̇аб̣б̣аад̣̇ийсу – на сзвид̇аб̣б̣од̇и на убасан̇гамид̇аб̣б̣о. на бхаж̇ид̇аб̣б̣од̇и на аллийяид̇аб̣б̣о. на баяирубаасид̇аб̣б̣од̇и на санд̇игз нисийд̣̇анавасзна бунаббунам̣ убаасид̇аб̣б̣о. хийно ход̇и сийлзнаад̇иаад̣̇ийсу убаад̣̇ааяубаад̣̇ааяа хийнад̇аа взд̣̇ид̇аб̣б̣аа . яо хи бан̃жа сийлаани рагкад̇и, со д̣̇аса сийлаани рагканд̇зна на сзвид̇аб̣б̣о. яо бана д̣̇аса сийлаани рагкад̇и, со жад̇убаарисуд̣̇д̇хисийлам̣ рагканд̇зна на сзвид̇аб̣б̣о. ан̃н̃ад̇ра ануд̣̇д̣̇аяаа ан̃н̃ад̇ра анугамбаад̇и табзд̇ваа ануд̣̇д̣̇аяан̃жа анугамбан̃жа. ад̇д̇ано ад̇т̇ааяа зва хи зваруубо буг̇г̇ало на сзвид̇аб̣б̣о. ануд̣̇д̣̇аяаанугамбаавасзна бана д̇ам̣ убасан̇гамид̇ум̣ ваддад̇и.
121. Na sevitabbādīsu – na sevitabboti na upasaṅkamitabbo. Na bhajitabboti na allīyitabbo. Na payirupāsitabboti na santike nisīdanavasena punappunaṃ upāsitabbo. Hīnohoti sīlenātiādīsu upādāyupādāya hīnatā veditabbā . Yo hi pañca sīlāni rakkhati, so dasa sīlāni rakkhantena na sevitabbo. Yo pana dasa sīlāni rakkhati, so catupārisuddhisīlaṃ rakkhantena na sevitabbo. Aññatra anuddayā aññatra anukampāti ṭhapetvā anuddayañca anukampañca. Attano atthāya eva hi evarūpo puggalo na sevitabbo. Anuddayānukampāvasena pana taṃ upasaṅkamituṃ vaṭṭati.
122. сад̣̇исо ход̇ийд̇и самаано ход̇и. сийласааман̃н̃аг̇ад̇аанам̣ сад̇анд̇и сийлзна самаанабхаавам̣ г̇ад̇аанам̣ санд̇аанам̣. сийлагат̇аа жа но бхависсад̇ийд̇и звам̣ самаанасийлаанам̣ амхаагам̣ сийламзва аараб̣бха гат̇аа бхависсад̇и. саа жа но паасу бхависсад̇ийд̇и саа жа сийлагат̇аа амхаагам̣ паасувихааро сукавихааро бхависсад̇и. саа жа но бавад̇д̇иний бхависсад̇ийд̇и саа жа амхаагам̣ гат̇аа д̣̇ивасамби гат̇знд̇аанам̣ бавад̇д̇иний бхависсад̇и, на бадихан̃н̃иссад̇и. д̣̇вийсу хи сийлаванд̇зсу згзна сийласса ван̣н̣з гат̇ид̇з ид̇аро анумод̣̇ад̇и; д̇зна д̇зсам̣ гат̇аа паасу жзва ход̇и, бавад̇д̇иний жа. згасмим̣ бана д̣̇уссийлз сад̇и д̣̇уссийласса сийлагат̇аа д̣̇уггат̇аад̇и нзва сийлагат̇аа ход̇и, на паасу ход̇и, на бавад̇д̇иний. самаад̇хибан̃н̃аагат̇аасуби зсзва наяо. д̣̇вз хи самаад̇хилаабхино самаад̇хигат̇ам̣, саббан̃н̃аа жа бан̃н̃аагат̇ам̣ гат̇знд̇аа, рад̇д̇им̣ ваа д̣̇ивасам̣ ваа ад̇игганд̇амби на ж̇аананд̇и.
122. Sadiso hotīti samāno hoti. Sīlasāmaññagatānaṃ satanti sīlena samānabhāvaṃ gatānaṃ santānaṃ. Sīlakathā ca no bhavissatīti evaṃ samānasīlānaṃ amhākaṃ sīlameva ārabbha kathā bhavissati. Sā ca no phāsu bhavissatīti sā ca sīlakathā amhākaṃ phāsuvihāro sukhavihāro bhavissati. Sā ca no pavattinī bhavissatīti sā ca amhākaṃ kathā divasampi kathentānaṃ pavattinī bhavissati, na paṭihaññissati. Dvīsu hi sīlavantesu ekena sīlassa vaṇṇe kathite itaro anumodati; tena tesaṃ kathā phāsu ceva hoti, pavattinī ca. Ekasmiṃ pana dussīle sati dussīlassa sīlakathā dukkathāti neva sīlakathā hoti, na phāsu hoti, na pavattinī. Samādhipaññākathāsupi eseva nayo. Dve hi samādhilābhino samādhikathaṃ, sappaññā ca paññākathaṃ kathentā, rattiṃ vā divasaṃ vā atikkantampi na jānanti.
123. саггад̇ваа г̇арум̣ гад̇ваад̇и саггааран̃жзва г̇аругааран̃жа гарид̇ваа. ад̇хиго ход̇ийд̇и ад̇ирзго ход̇и. сийлагканд̇ханд̇и сийлараасим̣. барибуурзссаамийд̇и д̇ам̣ ад̇ирзгасийлам̣ буг̇г̇алам̣ ниссааяа ад̇д̇ано абарибуурам̣ сийлараасим̣ барибуурам̣ гариссаами. д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и зд̇т̇а сийласса асаббааяз анубагаарад̇хаммз важ̇ж̇зд̇ваа саббааяз убагаарад̇хаммз сзванд̇о д̇асмим̣ д̇асмим̣ таанз сийлагканд̇хам̣ бан̃н̃ааяа ануг̇г̇ан̣хаад̇и наама. самаад̇хибан̃н̃аагканд̇хзсуби зсзва наяо.
123. Sakkatvā garuṃ katvāti sakkārañceva garukārañca karitvā. Adhiko hotīti atireko hoti. Sīlakkhandhanti sīlarāsiṃ. Paripūressāmīti taṃ atirekasīlaṃ puggalaṃ nissāya attano aparipūraṃ sīlarāsiṃ paripūraṃ karissāmi. Tattha tattha paññāya anuggahessāmīti ettha sīlassa asappāye anupakāradhamme vajjetvā sappāye upakāradhamme sevanto tasmiṃ tasmiṃ ṭhāne sīlakkhandhaṃ paññāya anuggaṇhāti nāma. Samādhipaññākkhandhesupi eseva nayo.
124. ж̇иг̇ужчид̇аб̣б̣аад̣̇ийсу – ж̇иг̇ужчид̇аб̣б̣од̇и г̇уут̇ам̣ вияа ж̇иг̇ужчид̇аб̣б̣о. ат̇а ко нанд̇и ат̇а ко асса. гид̇д̇исад̣̇д̣̇од̇и гат̇аасад̣̇д̣̇о. звамзванд̇и зд̇т̇а г̇уут̇агуубо вияа д̣̇уссийляам̣ д̣̇адтаб̣б̣ам̣. г̇уут̇агуубз бад̇ид̇ваа тид̇о д̇хаманийахи вияа д̣̇уссийлабуг̇г̇ало. г̇ут̇агуубад̇о уд̣̇д̇харияамаанзна д̇зна ахинаа бурисасса сарийрам̣ аарул̣хзнааби ад̣̇адтабхааво вияа д̣̇уссийлам̣ сзвамаанассааби д̇асса гирияааяа гааран̣абхааво сарийрам̣ г̇уут̇зна магкзд̇ваа ахино г̇ад̇агаало вияа д̣̇уссийлам̣ сзвамаанасса баабагид̇д̇исад̣̇д̣̇асса аб̣бхуг̇г̇аманагаало взд̣̇ид̇аб̣б̣о.
124. Jigucchitabbādīsu – jigucchitabboti gūthaṃ viya jigucchitabbo. Atha kho nanti atha kho assa. Kittisaddoti kathāsaddo. Evamevanti ettha gūthakūpo viya dussīlyaṃ daṭṭhabbaṃ. Gūthakūpe patitvā ṭhito dhamanīahi viya dussīlapuggalo. Guthakūpato uddhariyamānena tena ahinā purisassa sarīraṃ āruḷhenāpi adaṭṭhabhāvo viya dussīlaṃ sevamānassāpi tassa kiriyāya kāraṇabhāvo sarīraṃ gūthena makkhetvā ahino gatakālo viya dussīlaṃ sevamānassa pāpakittisaddassa abbhuggamanakālo veditabbo.
125. д̇инд̣̇угаалаад̇анд̇и д̇инд̣̇угаругкаалаад̇ам̣. бхияяосо мад̇д̇ааяа жижжидааяад̇ийд̇и д̇ан̃хи жхааяамаанам̣ багад̇ияааби бабадигааяо мун̃жанд̇ам̣ жижжидааяад̇и жидижидаад̇и сад̣̇д̣̇ам̣ гарод̇и. гхаддид̇ам̣ бана ад̇химад̇д̇ам̣ гарод̇ийд̇и ад̇т̇о. звамзванд̇и звамзвам̣ год̇хано ад̇д̇ано д̇хаммад̇ааяаби уд̣̇д̇хад̇о жан̣д̣игад̇о худ̇ваа жарад̇и. аббамад̇д̇агам̣ бана важанам̣ вуд̇д̇агаалз ‘маад̣̇исам̣ наама звам̣ вад̣̇ад̇ий’д̇и ад̇ирзгад̇арам̣ уд̣̇д̇хад̇о жан̣д̣игад̇о худ̇ваа жарад̇и. г̇уут̇агуубод̇и г̇уут̇абун̣н̣агуубо, г̇уут̇араасиязва ваа. обаммасам̣санд̣̇анам̣ банзд̇т̇а буриманаязнзва взд̣̇ид̇аб̣б̣ам̣. д̇асмаа зваруубо буг̇г̇ало аж̇жхубзгкид̇аб̣б̣о, на сзвид̇аб̣б̣од̇и яасмаа год̇хано ад̇исзвияамааноби ад̇иубасан̇гамияамааноби гуж̇жхад̇иязва, ‘гим̣ иминаа’д̇и бадиггаманд̇оби гуж̇жхад̇иязва, д̇асмаа балаалаг̇г̇и вияа аж̇жхубзгкид̇аб̣б̣о, на сзвид̇аб̣б̣о. гим̣ вуд̇д̇ам̣ ход̇и? яо хи балаалаг̇г̇им̣ ад̇иубасан̇гамид̇ваа д̇аббад̇и, д̇асса сарийрам̣ жхааяад̇и. яо ад̇ибадиггамид̇ваа д̇аббад̇и, д̇асса сийд̇ам̣ на вуубасаммад̇и. анубасан̇гамид̇ваа абадиггамид̇ваа бана маж̇жхад̇д̇абхаавзна д̇аббзнд̇асса сийд̇ам̣ вуубасаммад̇и, гааяоби на д̣аяхад̇и. д̇асмаа балаалаг̇г̇и вияа год̇хано буг̇г̇ало маж̇жхад̇д̇абхаавзна аж̇жхубзгкид̇аб̣б̣о, на сзвид̇аб̣б̣о, на бхаж̇ид̇аб̣б̣о, на баяирубаасид̇аб̣б̣о.
125. Tindukālātanti tindukarukkhaalātaṃ. Bhiyyoso mattāya cicciṭāyatīti tañhi jhāyamānaṃ pakatiyāpi papaṭikāyo muñcantaṃ cicciṭāyati ciṭiciṭāti saddaṃ karoti. Ghaṭṭitaṃ pana adhimattaṃ karotīti attho. Evamevanti evamevaṃ kodhano attano dhammatāyapi uddhato caṇḍikato hutvā carati. Appamattakaṃ pana vacanaṃ vuttakāle ‘mādisaṃ nāma evaṃ vadatī’ti atirekataraṃ uddhato caṇḍikato hutvā carati. Gūthakūpoti gūthapuṇṇakūpo, gūtharāsiyeva vā. Opammasaṃsandanaṃ panettha purimanayeneva veditabbaṃ. Tasmā evarūpo puggalo ajjhupekkhitabbo, na sevitabboti yasmā kodhano atiseviyamānopi atiupasaṅkamiyamānopi kujjhatiyeva, ‘kiṃ iminā’ti paṭikkamantopi kujjhatiyeva, tasmā palālaggi viya ajjhupekkhitabbo, na sevitabbo. Kiṃ vuttaṃ hoti? Yo hi palālaggiṃ atiupasaṅkamitvā tappati, tassa sarīraṃ jhāyati. Yo atipaṭikkamitvā tappati, tassa sītaṃ na vūpasammati. Anupasaṅkamitvā apaṭikkamitvā pana majjhattabhāvena tappentassa sītaṃ vūpasammati, kāyopi na ḍayhati. Tasmā palālaggi viya kodhano puggalo majjhattabhāvena ajjhupekkhitabbo, na sevitabbo, na bhajitabbo, na payirupāsitabbo.
126. галяаан̣амид̇д̇од̇и сужимид̇д̇о. галяаан̣асахааяод̇и сужисахааяо. сахааяод̇и сахаг̇аамий сад̣̇д̇хим̣жаро. галяаан̣асамбаван̇год̇и галяаан̣зсу сужибуг̇г̇алзсу самбаван̇го, д̇анниннад̇аббон̣ад̇аббаб̣бхаарамаанасод̇и ад̇т̇о.
126. Kalyāṇamittoti sucimitto. Kalyāṇasahāyoti sucisahāyo. Sahāyoti sahagāmī saddhiṃcaro. Kalyāṇasampavaṅkoti kalyāṇesu sucipuggalesu sampavaṅko, tanninnatappoṇatappabbhāramānasoti attho.
127. сийлзсу барибуурагаарийд̇иаад̣̇ийсу – сийлзсу барибуурагааринод̇и зд̇з арияасаавагаа яаани д̇аани маг̇г̇аб̣рахмажарияасса аад̣̇ибхууд̇аани, аад̣̇иб̣рахмажарияагаани, баарааж̇игасан̇каад̇аани жад̇д̇аари махаасийласигкаабад̣̇аани, д̇зсам̣ авийд̇иггаманад̇о яаани куд̣̇д̣̇аанукуд̣̇д̣̇агаани аабаж̇ж̇анд̇и, д̇зхи жа вудтаанад̇о сийлзсу яам̣ гад̇д̇аб̣б̣ам̣, д̇ам̣ барибуурам̣ самад̇д̇ам̣ гаронд̇ийд̇и ‘сийлзсу барибуурагаарино’д̇и вужжанд̇и. самаад̇хибаариб̣анд̇хагаанам̣ бана гаамарааг̇аб̣яаабаад̣̇аанам̣, бан̃н̃аабаариб̣анд̇хагасса жа сажжабадижчаад̣̇агасса мохасса асамуухад̇ад̇д̇аа, самаад̇хим̣ бан̃н̃ан̃жа бхаавзнд̇ааби самаад̇хибан̃н̃аасу яам̣ гад̇д̇аб̣б̣ам̣ д̇ам̣ мад̇д̇асо бамаан̣зна бад̣̇зсамад̇д̇амзва гаронд̇ийд̇и самаад̇хисмим̣ бан̃н̃ааяа жа мад̇д̇асо гааринод̇и вужжанд̇и. иминаа убааязна ид̇арзсуби д̣̇вийсу наязсу ад̇т̇о взд̣̇ид̇аб̣б̣о.
127. Sīlesu paripūrakārītiādīsu – sīlesu paripūrakārinoti ete ariyasāvakā yāni tāni maggabrahmacariyassa ādibhūtāni, ādibrahmacariyakāni, pārājikasaṅkhātāni cattāri mahāsīlasikkhāpadāni, tesaṃ avītikkamanato yāni khuddānukhuddakāni āpajjanti, tehi ca vuṭṭhānato sīlesu yaṃ kattabbaṃ, taṃ paripūraṃ samattaṃ karontīti ‘sīlesu paripūrakārino’ti vuccanti. Samādhipāribandhakānaṃ pana kāmarāgabyāpādānaṃ, paññāpāribandhakassa ca saccapaṭicchādakassa mohassa asamūhatattā, samādhiṃ paññañca bhāventāpi samādhipaññāsu yaṃ kattabbaṃ taṃ mattaso pamāṇena padesamattameva karontīti samādhismiṃ paññāya ca mattaso kārinoti vuccanti. Iminā upāyena itaresupi dvīsu nayesu attho veditabbo.
д̇ад̇рааяам̣ абароби суд̇д̇анд̇анаяо –
Tatrāyaṃ aparopi suttantanayo –
‘‘ид̇ха, бхигкавз, бхигку сийлзсу барибуурагаарий ход̇и, самаад̇хисмим̣ мад̇д̇асо гаарий, бан̃н̃ааяа мад̇д̇асо гаарий. со яаани д̇аани куд̣̇д̣̇аанукуд̣̇д̣̇агаани сигкаабад̣̇аани д̇аани аабаж̇ж̇ад̇иби, вудтаад̇иби. д̇ам̣ гисса хзд̇у? на хи мзд̇т̇а, бхигкавз, абхаб̣б̣ад̇аа вуд̇д̇аа. яаани жа ко д̇аани сигкаабад̣̇аани аад̣̇иб̣рахмажарияагаани б̣рахмажарияасааруббаани, д̇ад̇т̇а д̇хувасийло жа ход̇и, тид̇асийло жа, самаад̣̇ааяа сигкад̇и сигкаабад̣̇зсу. со д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и, авинибаад̇ад̇хаммо нияад̇о самб̣од̇хибарааяан̣о. ид̇ха бана, бхигкавз, бхигку сийлзсу…бз… со д̇ин̣н̣ам̣ сам̣яож̇анаанам̣ баригкаяаа, рааг̇ад̣̇осамохаанам̣ д̇ануд̇д̇аа, сагад̣̇ааг̇аамий ход̇и; сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и. ид̇ха бана, бхигкавз, бхигку сийлзсу барибуурагаарий ход̇и, самаад̇хисмим̣ барибуурагаарий, бан̃н̃ааяа мад̇д̇асо гаарий. со яаани д̇аани…бз… сигкад̇и сигкаабад̣̇зсу. со бан̃жаннам̣ орамбхааг̇ияаанам̣…бз… анаавад̇д̇ид̇хаммо д̇асмаа логаа. ид̇ха бана, бхигкавз , бхигку сийлзсу барибуурагаарий, самаад̇хисмим̣ барибуурагаарий, бан̃н̃ааяа барибуурагаарий. со яаани д̇аани куд̣̇д̣̇аанукуд̣̇д̣̇агаани…бз… сигкад̇и сигкаабад̣̇зсу. со аасаваанам̣ каяаа…бз… убасамбаж̇ж̇а вихарад̇ий’’д̇и (а. ни. 3.87).
‘‘Idha, bhikkhave, bhikkhu sīlesu paripūrakārī hoti, samādhismiṃ mattaso kārī, paññāya mattaso kārī. So yāni tāni khuddānukhuddakāni sikkhāpadāni tāni āpajjatipi, vuṭṭhātipi. Taṃ kissa hetu? Na hi mettha, bhikkhave, abhabbatā vuttā. Yāni ca kho tāni sikkhāpadāni ādibrahmacariyakāni brahmacariyasāruppāni, tattha dhuvasīlo ca hoti, ṭhitasīlo ca, samādāya sikkhati sikkhāpadesu. So tiṇṇaṃ saṃyojanānaṃ parikkhayā sotāpanno hoti, avinipātadhammo niyato sambodhiparāyaṇo. Idha pana, bhikkhave, bhikkhu sīlesu…pe… so tiṇṇaṃ saṃyojanānaṃ parikkhayā, rāgadosamohānaṃ tanuttā, sakadāgāmī hoti; sakideva imaṃ lokaṃ āgantvā dukkhassantaṃ karoti. Idha pana, bhikkhave, bhikkhu sīlesu paripūrakārī hoti, samādhismiṃ paripūrakārī, paññāya mattaso kārī. So yāni tāni…pe… sikkhati sikkhāpadesu. So pañcannaṃ orambhāgiyānaṃ…pe… anāvattidhammo tasmā lokā. Idha pana, bhikkhave , bhikkhu sīlesu paripūrakārī, samādhismiṃ paripūrakārī, paññāya paripūrakārī. So yāni tāni khuddānukhuddakāni…pe… sikkhati sikkhāpadesu. So āsavānaṃ khayā…pe… upasampajja viharatī’’ti (a. ni. 3.87).
130. сад̇т̇ааранид̣̇д̣̇зсз – барин̃н̃ам̣ бан̃н̃абзд̇ийд̇и бахаанам̣ самад̇иггамам̣ бан̃н̃абзд̇и. д̇ад̇раад̇и д̇зсу д̇ийсу ж̇анзсу. д̇зна д̣̇адтаб̣б̣од̇и д̇зна бан̃н̃аабанзна со сад̇т̇аа руубааважарасамаабад̇д̇ияаа лаабхийд̇и д̣̇адтаб̣б̣од̇и ад̇т̇о. д̣̇уд̇ияаваарзби зсзва наяо. саммаасамб̣уд̣̇д̇хо сад̇т̇аа д̇зна д̣̇адтаб̣б̣од̇и д̇зна д̇ид̇т̇иязхи асаад̇хааран̣зна бан̃н̃аабанзна аяам̣ д̇ад̇ияо сад̇т̇аа саб̣б̣ан̃н̃уб̣уд̣̇д̇хо д̣̇адтаб̣б̣о. д̇ид̇т̇ияаа хи гаамаанам̣ барин̃н̃ам̣ бан̃н̃абзнд̇аа руубабхавам̣ вагканд̇и. руубаанам̣ барин̃н̃ам̣ бан̃н̃абзнд̇аа аруубабхавам̣ вагканд̇и. взд̣̇анаанам̣ барин̃н̃ам̣ бан̃н̃абзнд̇аа асан̃н̃абхавам̣ вагканд̇и. саммаа бан̃н̃абзнд̇аа ‘звам̣ бан̃н̃абзяяум̣’, но жа саммаа бан̃н̃абзд̇ум̣ саггонд̇и. саммаасамб̣уд̣̇д̇хо бана гаамаанам̣ барин̃н̃ам̣ бахаанам̣ анааг̇аамимаг̇г̇зна бан̃н̃абзд̇и . руубавзд̣̇анаанам̣ барин̃н̃ам̣ бахаанам̣ арахад̇д̇амаг̇г̇зна бан̃н̃абзд̇и. имз д̇аяо сад̇т̇аарод̇и имз д̣̇вз ж̇анаа б̣аахирагаа, зго саммаасамб̣уд̣̇д̇ход̇и – имасмим̣ логз д̇аяо сад̇т̇ааро наама.
130. Satthāraniddese – pariññaṃ paññapetīti pahānaṃ samatikkamaṃ paññapeti. Tatrāti tesu tīsu janesu. Tena daṭṭhabboti tena paññāpanena so satthā rūpāvacarasamāpattiyā lābhīti daṭṭhabboti attho. Dutiyavārepi eseva nayo. Sammāsambuddho satthā tena daṭṭhabboti tena titthiyehi asādhāraṇena paññāpanena ayaṃ tatiyo satthā sabbaññubuddho daṭṭhabbo. Titthiyā hi kāmānaṃ pariññaṃ paññapentā rūpabhavaṃ vakkhanti. Rūpānaṃ pariññaṃ paññapentā arūpabhavaṃ vakkhanti. Vedanānaṃ pariññaṃ paññapentā asaññabhavaṃ vakkhanti. Sammā paññapentā ‘evaṃ paññapeyyuṃ’, no ca sammā paññapetuṃ sakkonti. Sammāsambuddho pana kāmānaṃ pariññaṃ pahānaṃ anāgāmimaggena paññapeti . Rūpavedanānaṃ pariññaṃ pahānaṃ arahattamaggena paññapeti. Ime tayo satthāroti ime dve janā bāhirakā, eko sammāsambuddhoti – imasmiṃ loke tayo satthāro nāma.
131. д̣̇уд̇ияз сад̇т̇ааранид̣̇д̣̇зсз – д̣̇идтз жзва д̇хаммзд̇и имасмим̣ ад̇д̇абхаавз. ад̇д̇аанам̣ сажжад̇о т̇зд̇ад̇о бан̃н̃абзд̇ийд̇и ‘‘ад̇д̇аа наамзго ад̇т̇и нижжо д̇хуво сассад̇о’’д̇и бхууд̇ад̇о т̇ирад̇о бан̃н̃абзд̇и. абхисамбарааяан̃жаад̇и абарасмим̣ ад̇д̇абхаавз звамзва бан̃н̃абзд̇и. сзсамзд̇т̇а вуд̇д̇анаязнзва взд̣̇ид̇аб̣б̣анд̇и.
131. Dutiye satthāraniddese – diṭṭhe ceva dhammeti imasmiṃ attabhāve. Attānaṃ saccato thetato paññapetīti ‘‘attā nāmeko atthi nicco dhuvo sassato’’ti bhūtato thirato paññapeti. Abhisamparāyañcāti aparasmiṃ attabhāve evameva paññapeti. Sesamettha vuttanayeneva veditabbanti.
д̇иганид̣̇д̣̇зсаван̣н̣анаа.
Tikaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 3. д̇игабуг̇г̇алабан̃н̃ад̇д̇и • 3. Tikapuggalapaññatti
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. д̇иганид̣̇д̣̇зсаван̣н̣анаа • 3. Tikaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. д̇иганид̣̇д̣̇зсаван̣н̣анаа • 3. Tikaniddesavaṇṇanā
