| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(3.) д̇иганид̣̇д̣̇зсаван̣н̣анаа
(3.) Tikaniddesavaṇṇanā
768. д̇ивид̇хзна н̃аан̣авад̇т̇унид̣̇д̣̇зсз яог̇авихид̇зсууд̇и яог̇о вужжад̇и бан̃н̃аа; бан̃н̃аавихид̇зсу бан̃н̃аабарин̣аамид̇зсууд̇и ад̇т̇о. гаммааяад̇анзсууд̇и зд̇т̇а гаммамзва гаммааяад̇анам̣; ат̇а ваа гамман̃жа д̇ам̣ ааяад̇анан̃жа ааж̇ийваад̣̇ийнанд̇иби гаммааяад̇анам̣. сиббааяад̇анзсуби зсзва наяо. д̇ад̇т̇а д̣̇увид̇хам̣ гаммам̣ – хийнан̃жа уггадтан̃жа. д̇ад̇т̇а хийнам̣ наама вад̣дхагийгаммам̣, бубпачад̣д̣агагамманд̇и звамаад̣̇и. уггадтам̣ наама гаси, ван̣иж̇ж̇аа, г̇орагканд̇и звамаад̣̇и. сиббамби д̣̇увид̇хам̣ хийнан̃жа уггадтан̃жа. д̇ад̇т̇а хийнам̣ сиббам̣ наама нал̣агаарасиббам̣, бзсагаарасиббам̣, гумбхагаарасиббам̣, жаммагаарасиббам̣, нхаабид̇асиббанд̇и звамаад̣̇и. уггадтам̣ наама сиббам̣ муд̣̇д̣̇аа, г̇ан̣анаа, лзкан̃жаад̇и звамаад̣̇и виж̇ж̇аава виж̇ж̇аадтаанам̣. д̇ам̣ д̇хаммигамзва г̇ахид̇ам̣. нааг̇аман̣д̣алабарид̇д̇асад̣̇исам̣, пуд̇хаманагаманд̇асад̣̇исам̣, саалаагияам̣ , саллагад̇д̇ияанд̇иаад̣̇ийни бана взж̇ж̇асад̇т̇аани ‘‘ижчаамахам̣, аажарияа, сиббам̣ сигкид̇у’’нд̇и (махаава. 329) сиббааяад̇анз бавидтад̇д̇аа на г̇ахид̇аани.
768. Tividhena ñāṇavatthuniddese yogavihitesūti yogo vuccati paññā; paññāvihitesu paññāpariṇāmitesūti attho. Kammāyatanesūti ettha kammameva kammāyatanaṃ; atha vā kammañca taṃ āyatanañca ājīvādīnantipi kammāyatanaṃ. Sippāyatanesupi eseva nayo. Tattha duvidhaṃ kammaṃ – hīnañca ukkaṭṭhañca. Tattha hīnaṃ nāma vaḍḍhakīkammaṃ, pupphachaḍḍakakammanti evamādi. Ukkaṭṭhaṃ nāma kasi, vaṇijjā, gorakkhanti evamādi. Sippampi duvidhaṃ hīnañca ukkaṭṭhañca. Tattha hīnaṃ sippaṃ nāma naḷakārasippaṃ, pesakārasippaṃ, kumbhakārasippaṃ, cammakārasippaṃ, nhāpitasippanti evamādi. Ukkaṭṭhaṃ nāma sippaṃ muddā, gaṇanā, lekhañcāti evamādi vijjāva vijjāṭṭhānaṃ. Taṃ dhammikameva gahitaṃ. Nāgamaṇḍalaparittasadisaṃ, phudhamanakamantasadisaṃ, sālākiyaṃ , sallakattiyantiādīni pana vejjasatthāni ‘‘icchāmahaṃ, ācariya, sippaṃ sikkhitu’’nti (mahāva. 329) sippāyatane paviṭṭhattā na gahitāni.
д̇ад̇т̇а зго бан̣д̣ид̇о мануссаанам̣ паасувихаарад̇т̇ааяа ад̇д̇ано жа д̇хаммад̇ааяа г̇зхабаасаад̣̇аяаананааваад̣̇ийни уббаад̣̇зд̇и. со хи ‘имз мануссаа васанадтаанзна винаа д̣̇угкид̇аа’д̇и хид̇агирияааяа тад̇ваа д̣̇ийгхажад̇урассаад̣̇ибхзд̣̇ам̣ г̇зхам̣ уббаад̣̇зд̇и, сийд̇ун̣хабадигхаад̇ад̇т̇ааяа згабхуумигад̣̇вибхуумигаад̣̇ибхзд̣̇з баасаад̣̇з гарод̇и, ‘яаанз асад̇и анусан̃жаран̣ам̣ наама д̣̇угка’нд̇и ж̇ан̇гхаагиламат̇абадивинод̣̇анад̇т̇ааяа ваяхасагадасанд̣̇амаанигаад̣̇ийни уббаад̣̇зд̇и, ‘наавааяа асад̇и самуд̣̇д̣̇аад̣̇ийсу сан̃жааро наама над̇т̇ий’д̇и наанаббагаарам̣ наавам̣ уббаад̣̇зд̇и. со саб̣б̣амбзд̇ам̣ нзва ан̃н̃зхи гаяирамаанам̣ бассад̇и, на гад̇ам̣ уг̇г̇ан̣хаад̇и, на гат̇знд̇аанам̣ сун̣аад̇и, ад̇д̇ано бана д̇хаммад̇ааяа жинд̇ааяа гарод̇и. бан̃н̃авад̇аа хи ад̇д̇ано д̇хаммад̇ааяа гад̇амби ан̃н̃зхи уг̇г̇ан̣хид̇ваа гаронд̇зхи гад̇асад̣̇исамзва ход̇и. аяам̣ д̇аава хийнагаммз наяо.
Tattha eko paṇḍito manussānaṃ phāsuvihāratthāya attano ca dhammatāya gehapāsādayānanāvādīni uppādeti. So hi ‘ime manussā vasanaṭṭhānena vinā dukkhitā’ti hitakiriyāya ṭhatvā dīghacaturassādibhedaṃ gehaṃ uppādeti, sītuṇhapaṭighātatthāya ekabhūmikadvibhūmikādibhede pāsāde karoti, ‘yāne asati anusañcaraṇaṃ nāma dukkha’nti jaṅghākilamathapaṭivinodanatthāya vayhasakaṭasandamānikādīni uppādeti, ‘nāvāya asati samuddādīsu sañcāro nāma natthī’ti nānappakāraṃ nāvaṃ uppādeti. So sabbampetaṃ neva aññehi kayiramānaṃ passati, na kataṃ uggaṇhāti, na kathentānaṃ suṇāti, attano pana dhammatāya cintāya karoti. Paññavatā hi attano dhammatāya katampi aññehi uggaṇhitvā karontehi katasadisameva hoti. Ayaṃ tāva hīnakamme nayo.
уггадтагаммзби ‘гасигаммз асад̇и мануссаанам̣ ж̇ийвид̇ам̣ на бавад̇д̇ад̇ий’д̇и зго бан̣д̣ид̇о мануссаанам̣ паасувихаарад̇т̇ааяа яуг̇анан̇г̇алаад̣̇ийни гасибхан̣д̣аани уббаад̣̇зд̇и; д̇ат̇аа наанаббагаарам̣ ваан̣иж̇агаммам̣ г̇орагкан̃жа уббаад̣̇зд̇и. со саб̣б̣амбзд̇ам̣ нзва ан̃н̃зхи гарияамаанам̣ бассад̇и…бз… гад̇асад̣̇исамзва ход̇и. аяам̣ уггадтагаммз наяо.
Ukkaṭṭhakammepi ‘kasikamme asati manussānaṃ jīvitaṃ na pavattatī’ti eko paṇḍito manussānaṃ phāsuvihāratthāya yuganaṅgalādīni kasibhaṇḍāni uppādeti; tathā nānappakāraṃ vāṇijakammaṃ gorakkhañca uppādeti. So sabbampetaṃ neva aññehi kariyamānaṃ passati…pe… katasadisameva hoti. Ayaṃ ukkaṭṭhakamme nayo.
д̣̇увид̇хзби бана сиббааяад̇анз зго бан̣д̣ид̇о мануссаанам̣ паасувихаарад̇т̇ааяа нал̣агаарасиббаад̣̇ийни хийнасиббаани, хад̇т̇амуд̣̇д̣̇ааяа г̇ан̣анасан̇каад̇ам̣ муд̣̇д̣̇ам̣, ажчиннагасан̇каад̇ам̣ г̇ан̣анам̣, маад̇игааббабхзд̣̇агаад̣̇ибхзд̣̇ан̃жа лзкам̣ уббаад̣̇зд̇и. со саб̣б̣амбзд̇ам̣ нзва ан̃н̃зхи гарияамаанам̣ бассад̇и…бз… гад̇асад̣̇исамзва ход̇и. аяам̣ сиббааяад̇анз наяо.
Duvidhepi pana sippāyatane eko paṇḍito manussānaṃ phāsuvihāratthāya naḷakārasippādīni hīnasippāni, hatthamuddāya gaṇanasaṅkhātaṃ muddaṃ, acchinnakasaṅkhātaṃ gaṇanaṃ, mātikāppabhedakādibhedañca lekhaṃ uppādeti. So sabbampetaṃ neva aññehi kariyamānaṃ passati…pe… katasadisameva hoti. Ayaṃ sippāyatane nayo.
згажжо бана бан̣д̣ид̇о амануссасарийсабаад̣̇ийхи убад̣̇д̣̇уд̇аанам̣ мануссаанам̣ д̇игижчанад̇т̇ааяа д̇хаммигаани нааг̇аман̣д̣аламанд̇аад̣̇ийни виж̇ж̇аадтаанаани уббаад̣̇зд̇и, д̇аани нзва ан̃н̃зхи гарияамаанаани бассад̇и, на гад̇аани уг̇г̇ан̣хаад̇и, на гат̇знд̇аанам̣ сун̣аад̇и, ад̇д̇ано бана д̇хаммад̇ааяа жинд̇ааяа гарод̇и. бан̃н̃авад̇аа хи ад̇д̇ано д̇хаммад̇ааяа гад̇амби ан̃н̃зхи уг̇г̇ан̣хид̇ваа гаронд̇зхи гад̇асад̣̇исамзва ход̇и.
Ekacco pana paṇḍito amanussasarīsapādīhi upaddutānaṃ manussānaṃ tikicchanatthāya dhammikāni nāgamaṇḍalamantādīni vijjāṭṭhānāni uppādeti, tāni neva aññehi kariyamānāni passati, na katāni uggaṇhāti, na kathentānaṃ suṇāti, attano pana dhammatāya cintāya karoti. Paññavatā hi attano dhammatāya katampi aññehi uggaṇhitvā karontehi katasadisameva hoti.
гаммассагад̇ам̣ ваад̇и ‘‘ид̣̇ам̣ гаммам̣ сад̇д̇аанам̣ сагам̣, ид̣̇ам̣ но сага’’нд̇и звам̣ ж̇аананан̃аан̣ам̣. сажжаануломигам̣ ваад̇и вибассанаан̃аан̣ам̣. д̇ан̃хи жад̇уннам̣ сажжаанам̣ ануломанад̇о сажжаануломиганд̇и вужжад̇и. ид̣̇аанисса бавад̇д̇анаагаарам̣ д̣̇ассзд̇ум̣ руубам̣ анижжанд̇и ваад̇иаад̣̇и вуд̇д̇ам̣. зд̇т̇а жа анижжалагкан̣амзва ааг̇ад̇ам̣, на д̣̇угкалагкан̣аанад̇д̇алагкан̣аани, ад̇т̇авасзна бана ааг̇ад̇аанзваад̇и д̣̇адтаб̣б̣аани – яан̃хи анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аад̇и.
Kammassakataṃvāti ‘‘idaṃ kammaṃ sattānaṃ sakaṃ, idaṃ no saka’’nti evaṃ jānanañāṇaṃ. Saccānulomikaṃ vāti vipassanāñāṇaṃ. Tañhi catunnaṃ saccānaṃ anulomanato saccānulomikanti vuccati. Idānissa pavattanākāraṃ dassetuṃ rūpaṃ aniccanti vātiādi vuttaṃ. Ettha ca aniccalakkhaṇameva āgataṃ, na dukkhalakkhaṇaanattalakkhaṇāni, atthavasena pana āgatānevāti daṭṭhabbāni – yañhi aniccaṃ taṃ dukkhaṃ, yaṃ dukkhaṃ tadanattāti.
яам̣ зваруубинд̇и яам̣ звам̣ хздтаа нид̣̇д̣̇идтасабхаавам̣ ануломигам̣. канд̇инд̇иаад̣̇ийни саб̣б̣аани бан̃н̃аавзважанаанзва. саа хи хздтаа вуд̇д̇аанам̣ гаммааяад̇анаад̣̇ийнам̣ бан̃жаннам̣ гааран̣аанам̣ абажжанийгад̣̇ассанзна ануломзд̇ийд̇и ануломигаа. д̇ат̇аа сад̇д̇аанам̣ хид̇ажарияааяа ануломзд̇и, маг̇г̇асажжасса ануломзд̇и, барамад̇т̇асажжасса ниб̣б̣аанасса ануломанад̇о ануломзд̇ийд̇иби ануломигаа. саб̣б̣ааниби зд̇аани гааран̣аани камад̇и сахад̇и д̣̇адтум̣ саггод̇ийд̇и канд̇и, бассад̇ийд̇и д̣̇идти, рожзд̇ийд̇и ружи, муд̣̇ад̇ийд̇и муд̣̇и, бзгкад̇ийд̇и бзгкаа. саб̣б̣збиссаа д̇з гаммааяад̇анаад̣̇аяо д̇хаммаа ниж̇жхаанам̣ каманд̇и, висзсад̇о жа бан̃жагканд̇хасан̇каад̇аа д̇хаммаа бунаббунам̣ анижжад̣̇угкаанад̇д̇авасзна ниж̇жхааяамаанаа д̇ам̣ ниж̇жхаанам̣ каманд̇ийд̇и д̇хамманиж̇жхаанаканд̇ий.
Yaṃ evarūpinti yaṃ evaṃ heṭṭhā niddiṭṭhasabhāvaṃ anulomikaṃ. Khantintiādīni sabbāni paññāvevacanāneva. Sā hi heṭṭhā vuttānaṃ kammāyatanādīnaṃ pañcannaṃ kāraṇānaṃ apaccanīkadassanena anulometīti anulomikā. Tathā sattānaṃ hitacariyāya anulometi, maggasaccassa anulometi, paramatthasaccassa nibbānassa anulomanato anulometītipi anulomikā. Sabbānipi etāni kāraṇāni khamati sahati daṭṭhuṃ sakkotīti khanti, passatīti diṭṭhi, rocetīti ruci, mudatīti mudi, pekkhatīti pekkhā. Sabbepissā te kammāyatanādayo dhammā nijjhānaṃ khamanti, visesato ca pañcakkhandhasaṅkhātā dhammā punappunaṃ aniccadukkhānattavasena nijjhāyamānā taṃ nijjhānaṃ khamantīti dhammanijjhānakhantī.
барад̇о ассуд̇ваа бадилабхад̇ийд̇и ан̃н̃асса убад̣̇зсаважанам̣ ассуд̇ваа саяамзва жинд̇знд̇о бадилабхад̇и. аяам̣ вужжад̇ийд̇и аяам̣ жинд̇аамаяаа бан̃н̃аа наама вужжад̇и. саа банзсаа на язсам̣ гзсан̃жи уббаж̇ж̇ад̇и, абхин̃н̃аад̇аанам̣ бана махаасад̇д̇аанамзва уббаж̇ж̇ад̇и. д̇ад̇т̇ааби сажжаануломиган̃аан̣ам̣ д̣̇виннам̣язва б̣од̇хисад̇д̇аанам̣ уббаж̇ж̇ад̇и. сзсабан̃н̃аа саб̣б̣зсамби буурид̇абаарамийнам̣ махаабан̃н̃аанам̣ уббаж̇ж̇ад̇ийд̇и взд̣̇ид̇аб̣б̣аа.
Parato assutvā paṭilabhatīti aññassa upadesavacanaṃ assutvā sayameva cintento paṭilabhati. Ayaṃ vuccatīti ayaṃ cintāmayā paññā nāma vuccati. Sā panesā na yesaṃ kesañci uppajjati, abhiññātānaṃ pana mahāsattānameva uppajjati. Tatthāpi saccānulomikañāṇaṃ dvinnaṃyeva bodhisattānaṃ uppajjati. Sesapaññā sabbesampi pūritapāramīnaṃ mahāpaññānaṃ uppajjatīti veditabbā.
барад̇о суд̇ваа бадилабхад̇ийд̇и зд̇т̇а гаммааяад̇анаад̣̇ийни барзна гарияамаанаани ваа гад̇аани ваа д̣̇исвааби яасса гассажи гат̇аяамаанасса важанам̣ суд̇вааби аажарияасса санд̇игз уг̇г̇ахзд̇вааби бадилад̣̇д̇хаа саб̣б̣аа барад̇о суд̇вааязва бадилад̣̇д̇хаа наамаад̇и взд̣̇ид̇аб̣б̣аа.
Paratosutvā paṭilabhatīti ettha kammāyatanādīni parena kariyamānāni vā katāni vā disvāpi yassa kassaci kathayamānassa vacanaṃ sutvāpi ācariyassa santike uggahetvāpi paṭiladdhā sabbā parato sutvāyeva paṭiladdhā nāmāti veditabbā.
самаабаннассаад̇и самаабад̇д̇исаман̇г̇исса; анд̇осамаабад̇д̇ияам̣ бавад̇д̇аа бан̃н̃аа бхааванаамаяаа наамаад̇и ад̇т̇о.
Samāpannassāti samāpattisamaṅgissa; antosamāpattiyaṃ pavattā paññā bhāvanāmayā nāmāti attho.
769. д̣̇аанам̣ аараб̣бхаад̇и д̣̇аанам̣ бадижжа; д̣̇аанажзд̇анаабажжаяаад̇и ад̇т̇о. д̣̇аанаад̇хиг̇ажчаад̇и д̣̇аанам̣ ад̇хиг̇ажчанд̇асса; баабун̣анд̇ассаад̇и ад̇т̇о. яаа уббаж̇ж̇ад̇ийд̇и яаа звам̣ д̣̇аанажзд̇анаасамбаяуд̇д̇аа бан̃н̃аа уббаж̇ж̇ад̇и, аяам̣ д̣̇аанамаяаа бан̃н̃аа наама. саа банзсаа ‘д̣̇аанам̣ д̣̇ассаамий’д̇и жинд̇знд̇асса, д̣̇аанам̣ д̣̇знд̇асса, д̣̇аанам̣ д̣̇ад̇ваа д̇ам̣ бажжавзгканд̇асса буб̣б̣ажзд̇анаа, мун̃жажзд̇анаа, абаражзд̇анаад̇и д̇ивид̇хзна уббаж̇ж̇ад̇и.
769. Dānaṃārabbhāti dānaṃ paṭicca; dānacetanāpaccayāti attho. Dānādhigacchāti dānaṃ adhigacchantassa; pāpuṇantassāti attho. Yā uppajjatīti yā evaṃ dānacetanāsampayuttā paññā uppajjati, ayaṃ dānamayā paññā nāma. Sā panesā ‘dānaṃ dassāmī’ti cintentassa, dānaṃ dentassa, dānaṃ datvā taṃ paccavekkhantassa pubbacetanā, muñcacetanā, aparacetanāti tividhena uppajjati.
сийлам̣ аараб̣бха сийлаад̇хиг̇ажчаад̇и ид̇хааби сийлажзд̇анаасамбаяуд̇д̇аава сийламаяаа бан̃н̃аад̇и ад̇хиббзд̇аа. аяамби ‘сийлам̣ буурзссаамий’д̇и жинд̇знд̇асса, сийлам̣ буурзнд̇асса, сийлам̣ буурзд̇ваа д̇ам̣ бажжавзгканд̇асса буб̣б̣ажзд̇анаа, мун̃жажзд̇анаа, абаражзд̇анаад̇и д̇ивид̇хзнзва уббаж̇ж̇ад̇и. бхааванаамаяаа хздтаа вуд̇д̇ааязва.
Sīlaṃ ārabbha sīlādhigacchāti idhāpi sīlacetanāsampayuttāva sīlamayā paññāti adhippetā. Ayampi ‘sīlaṃ pūressāmī’ti cintentassa, sīlaṃ pūrentassa, sīlaṃ pūretvā taṃ paccavekkhantassa pubbacetanā, muñcacetanā, aparacetanāti tividheneva uppajjati. Bhāvanāmayā heṭṭhā vuttāyeva.
770. ад̇хисийлабан̃н̃аад̣̇ийсу сийлаад̣̇ийни д̣̇увид̇хзна взд̣̇ид̇аб̣б̣аани – сийлам̣, ад̇хисийлам̣; жид̇д̇ам̣, ад̇хижид̇д̇ам̣; бан̃н̃аа, ад̇хибан̃н̃аад̇и. д̇ад̇т̇а ‘‘уббаад̣̇аа ваа д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣ тид̇аава саа д̇хаад̇у д̇хаммадтид̇ад̇аа д̇хамманияаамад̇аа’’д̇и (сам̣. ни. 2.20; а. ни. 3.137) имааяа д̇анд̇ияаа сан̇г̇ахид̇авасзна бан̃жаби сийлаани д̣̇асаби сийлаани сийлам̣ наама. д̇ан̃хи д̇ат̇ааг̇ад̇з уббаннзби ануббаннзби ход̇и. ануббаннз гз бан̃н̃аабзнд̇ийд̇и? д̇аабасабариб̣б̣ааж̇агаа, саб̣б̣ан̃н̃уб̣од̇хисад̇д̇аа, жаггавад̇д̇ирааж̇аано жа бан̃н̃аабзнд̇и. уббаннз саммаасамб̣уд̣̇д̇хз бхигкусан̇гхо, бхигкунийсан̇гхо, убаасагаа, убаасигааяо жа бан̃н̃аабзнд̇и. баад̇имогкасам̣варасийлам̣ бана саб̣б̣асийлзхи ад̇хигам̣ уббаннзязва д̇ат̇ааг̇ад̇з уббаж̇ж̇ад̇и, но ануббаннз. саб̣б̣ан̃н̃уб̣уд̣̇д̇хааязва жа нам̣ бан̃н̃аабзнд̇и. ‘‘имасмим̣ вад̇т̇усмим̣ вийд̇иггамз ид̣̇ам̣ наама ход̇ий’’д̇и бан̃н̃аабанан̃хи ан̃н̃зсам̣ ависаяо, б̣уд̣̇д̇хаанам̣язва зса висаяо, б̣уд̣̇д̇хаанам̣ б̣алам̣. ид̇и яасмаа баад̇имогкасам̣варо ад̇хисийлам̣, д̇асмаа д̇ам̣ ад̇хисийлабан̃н̃ам̣ д̣̇ассзд̇ум̣ баад̇имогкасам̣варам̣ сам̣варанд̇ассаад̇иаад̣̇и вуд̇д̇ам̣.
770. Adhisīlapaññādīsu sīlādīni duvidhena veditabbāni – sīlaṃ, adhisīlaṃ; cittaṃ, adhicittaṃ; paññā, adhipaññāti. Tattha ‘‘uppādā vā tathāgatānaṃ anuppādā vā tathāgatānaṃ ṭhitāva sā dhātu dhammaṭṭhitatā dhammaniyāmatā’’ti (saṃ. ni. 2.20; a. ni. 3.137) imāya tantiyā saṅgahitavasena pañcapi sīlāni dasapi sīlāni sīlaṃ nāma. Tañhi tathāgate uppannepi anuppannepi hoti. Anuppanne ke paññāpentīti? Tāpasaparibbājakā, sabbaññubodhisattā, cakkavattirājāno ca paññāpenti. Uppanne sammāsambuddhe bhikkhusaṅgho, bhikkhunīsaṅgho, upāsakā, upāsikāyo ca paññāpenti. Pātimokkhasaṃvarasīlaṃ pana sabbasīlehi adhikaṃ uppanneyeva tathāgate uppajjati, no anuppanne. Sabbaññubuddhāyeva ca naṃ paññāpenti. ‘‘Imasmiṃ vatthusmiṃ vītikkame idaṃ nāma hotī’’ti paññāpanañhi aññesaṃ avisayo, buddhānaṃyeva esa visayo, buddhānaṃ balaṃ. Iti yasmā pātimokkhasaṃvaro adhisīlaṃ, tasmā taṃ adhisīlapaññaṃ dassetuṃ pātimokkhasaṃvaraṃ saṃvarantassātiādi vuttaṃ.
хздтаа вуд̇д̇ааяа зва бана д̇анд̇ияаа сан̇г̇ахид̇авасзна ваддабаад̣̇игаа адта самаабад̇д̇ияо жид̇д̇ам̣ наама. д̇ан̃хи д̇ат̇ааг̇ад̇з уббаннзби ход̇и ануббаннзби. ануббаннз гз ниб̣б̣ад̇д̇знд̇ийд̇и? д̇аабасабариб̣б̣ааж̇агаа жзва саб̣б̣ан̃н̃уб̣од̇хисад̇д̇аа жа жаггавад̇д̇ирааж̇аано жа. уббаннз бхаг̇авад̇и висзсад̇т̇игаа бхигкуаад̣̇аяоби ниб̣б̣ад̇д̇знд̇иязва. вибассанаабаад̣̇игаа бана адта самаабад̇д̇ияо саб̣б̣ажид̇д̇зхи ад̇хигаа, уббаннзязва д̇ат̇ааг̇ад̇з уббаж̇ж̇анд̇и, но ануббаннз. саб̣б̣ан̃н̃уб̣уд̣̇д̇хаа зва жа зд̇аа бан̃н̃аабзнд̇и . ид̇и яасмаа адта самаабад̇д̇ияо ад̇хижид̇д̇ам̣, д̇асмаа ад̇хижид̇д̇абан̃н̃ам̣ д̣̇ассзд̇ум̣ руубааважарааруубааважарасамаабад̇д̇им̣ самаабаж̇ж̇анд̇ассаад̇иаад̣̇и вуд̇д̇ам̣.
Heṭṭhā vuttāya eva pana tantiyā saṅgahitavasena vaṭṭapādikā aṭṭha samāpattiyo cittaṃ nāma. Tañhi tathāgate uppannepi hoti anuppannepi. Anuppanne ke nibbattentīti? Tāpasaparibbājakā ceva sabbaññubodhisattā ca cakkavattirājāno ca. Uppanne bhagavati visesatthikā bhikkhuādayopi nibbattentiyeva. Vipassanāpādikā pana aṭṭha samāpattiyo sabbacittehi adhikā, uppanneyeva tathāgate uppajjanti, no anuppanne. Sabbaññubuddhā eva ca etā paññāpenti . Iti yasmā aṭṭha samāpattiyo adhicittaṃ, tasmā adhicittapaññaṃ dassetuṃ rūpāvacarārūpāvacarasamāpattiṃ samāpajjantassātiādi vuttaṃ.
хздтаа вуд̇д̇ааяа зва бана д̇анд̇ияаа сан̇г̇ахид̇авасзна гаммассагад̇ан̃аан̣ам̣ бан̃н̃аа наама. д̇ан̃хи д̇ат̇ааг̇ад̇з уббаннзби ход̇и ануббаннзби. ануббаннз взлаамад̣̇аанавзссанд̇арад̣̇аанаад̣̇ивасзна уббаж̇ж̇ад̇и; уббаннз д̇зна н̃аан̣зна махаад̣̇аанам̣ бавад̇д̇знд̇аанам̣ бамаан̣ам̣ над̇т̇и. маг̇г̇апалабан̃н̃аа бана саб̣б̣абан̃н̃аахи ад̇хигаа, уббаннзязва д̇ат̇ааг̇ад̇з вид̇т̇ааригаа худ̇ваа бавад̇д̇ад̇и, но ануббаннз. ид̇и яасмаа маг̇г̇апалабан̃н̃аа ад̇хибан̃н̃аа, д̇асмаа ад̇ирзгабан̃н̃ааяа бан̃н̃ам̣ д̣̇ассзд̇ум̣ жад̇уусу маг̇г̇зсууд̇иаад̣̇и вуд̇д̇ам̣.
Heṭṭhā vuttāya eva pana tantiyā saṅgahitavasena kammassakatañāṇaṃ paññā nāma. Tañhi tathāgate uppannepi hoti anuppannepi. Anuppanne velāmadānavessantaradānādivasena uppajjati; uppanne tena ñāṇena mahādānaṃ pavattentānaṃ pamāṇaṃ natthi. Maggaphalapaññā pana sabbapaññāhi adhikā, uppanneyeva tathāgate vitthārikā hutvā pavattati, no anuppanne. Iti yasmā maggaphalapaññā adhipaññā, tasmā atirekapaññāya paññaṃ dassetuṃ catūsu maggesūtiādi vuttaṃ.
д̇ад̇т̇а сияаа – сийлам̣, ад̇хисийлам̣; жид̇д̇ам̣, ад̇хижид̇д̇ам̣; бан̃н̃аа, ад̇хибан̃н̃аад̇и имзсу часу годтаасзсу вибассанаа бан̃н̃аа гад̇арасанниссид̇аад̇и? ад̇хибан̃н̃аасанниссид̇аа. д̇асмаа яат̇аа омагад̇араббамаан̣ам̣ чад̇д̇ам̣ ваа д̇хаж̇ам̣ ваа убаад̣̇ааяа ад̇ирзгаббамаан̣ам̣ ад̇ичад̇д̇ам̣ ад̇ид̇хаж̇од̇и вужжад̇и, звамид̣̇амби бан̃жасийлам̣ д̣̇асасийлам̣ убаад̣̇ааяа баад̇имогкасам̣варасийлам̣ ‘ад̇хисийлам̣’ наама; ваддабаад̣̇игаа адта самаабад̇д̇ияо убаад̣̇ааяа вибассанаабаад̣̇игаа адта самаабад̇д̇ияо ‘ад̇хижид̇д̇ам̣’ наама, гаммассагад̇абан̃н̃ам̣ убаад̣̇ааяа вибассанаабан̃н̃аа жа маг̇г̇абан̃н̃аа жа палабан̃н̃аа жа ‘ад̇хибан̃н̃аа’ наамаад̇и взд̣̇ид̇аб̣б̣аа.
Tattha siyā – sīlaṃ, adhisīlaṃ; cittaṃ, adhicittaṃ; paññā, adhipaññāti imesu chasu koṭṭhāsesu vipassanā paññā katarasannissitāti? Adhipaññāsannissitā. Tasmā yathā omakatarappamāṇaṃ chattaṃ vā dhajaṃ vā upādāya atirekappamāṇaṃ atichattaṃ atidhajoti vuccati, evamidampi pañcasīlaṃ dasasīlaṃ upādāya pātimokkhasaṃvarasīlaṃ ‘adhisīlaṃ’ nāma; vaṭṭapādikā aṭṭha samāpattiyo upādāya vipassanāpādikā aṭṭha samāpattiyo ‘adhicittaṃ’ nāma, kammassakatapaññaṃ upādāya vipassanāpaññā ca maggapaññā ca phalapaññā ca ‘adhipaññā’ nāmāti veditabbā.
771. ааяагосаллаад̣̇инид̣̇д̣̇зсз яасмаа ааяод̇и вуд̣дхи, саа анад̇т̇ахаанид̇о ад̇т̇уббад̇д̇ид̇о жа д̣̇увид̇хаа; абааяод̇и авуд̣дхи, сааби ад̇т̇ахаанид̇о анад̇т̇уббад̇д̇ид̇о жа д̣̇увид̇хаа; д̇асмаа д̇ам̣ д̣̇ассзд̇ум̣ имз д̇хаммз манасигарод̇од̇иаад̣̇и вуд̇д̇ам̣. ид̣̇ам̣ вужжад̇ийд̇и яаа имзсам̣ агусалад̇хаммаанам̣ ануббад̇д̇иббахаанзсу гусалад̇хаммаанан̃жа уббад̇д̇идтид̇ийсу бан̃н̃аа – ид̣̇ам̣ ааяагосаллам̣ наама вужжад̇и. яаа банзсаа гусалад̇хаммаанам̣ ануббаж̇ж̇ананируж̇жханзсу агусалад̇хаммаанан̃жа уббад̇д̇идтид̇ийсу бан̃н̃аа – ид̣̇ам̣ абааяагосаллам̣ наамаад̇и ад̇т̇о. ааяагосаллам̣ д̇аава бан̃н̃аа ход̇у; абааяагосаллам̣ гат̇ам̣ бан̃н̃аа наама ж̇аад̇аад̇и? бан̃н̃авааязва хи ‘маяхам̣ звам̣ манасигарод̇о ануббаннаа гусалаа д̇хаммаа нуббаж̇ж̇анд̇и уббаннаа жа нируж̇жханд̇и; ануббаннаа агусалаа д̇хаммаа уббаж̇ж̇анд̇и, уббаннаа бавад̣дханд̇ий’д̇и баж̇аанаад̇и. со звам̣ н̃ад̇ваа ануббаннаанам̣ агусалаанам̣ д̇хаммаанам̣ уббаж̇ж̇ид̇ум̣ на д̣̇зд̇и, уббаннз баж̇ахад̇и; ануббаннз гусалз уббаад̣̇зд̇и, уббаннз бхааванаабаарибуурим̣ баабзд̇и. звам̣ абааяагосалламби бан̃н̃аа зваад̇и взд̣̇ид̇аб̣б̣ам̣. саб̣б̣ааби д̇ад̇руубааяаа бан̃н̃аа убааяагосалланд̇и ид̣̇ам̣ бана ажжааяигагижжз ваа бхаяз ваа уббаннз д̇асса д̇игижчанад̇т̇ам̣ таануббад̇д̇ияагааран̣аж̇аананавасзнзва взд̣̇ид̇аб̣б̣ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
771. Āyakosallādiniddese yasmā āyoti vuḍḍhi, sā anatthahānito atthuppattito ca duvidhā; apāyoti avuḍḍhi, sāpi atthahānito anatthuppattito ca duvidhā; tasmā taṃ dassetuṃ ime dhamme manasikarototiādi vuttaṃ. Idaṃ vuccatīti yā imesaṃ akusaladhammānaṃ anuppattippahānesu kusaladhammānañca uppattiṭṭhitīsu paññā – idaṃ āyakosallaṃ nāma vuccati. Yā panesā kusaladhammānaṃ anuppajjananirujjhanesu akusaladhammānañca uppattiṭṭhitīsu paññā – idaṃ apāyakosallaṃ nāmāti attho. Āyakosallaṃ tāva paññā hotu; apāyakosallaṃ kathaṃ paññā nāma jātāti? Paññavāyeva hi ‘mayhaṃ evaṃ manasikaroto anuppannā kusalā dhammā nuppajjanti uppannā ca nirujjhanti; anuppannā akusalā dhammā uppajjanti, uppannā pavaḍḍhantī’ti pajānāti. So evaṃ ñatvā anuppannānaṃ akusalānaṃ dhammānaṃ uppajjituṃ na deti, uppanne pajahati; anuppanne kusale uppādeti, uppanne bhāvanāpāripūriṃ pāpeti. Evaṃ apāyakosallampi paññā evāti veditabbaṃ. Sabbāpi tatrūpāyā paññā upāyakosallanti idaṃ pana accāyikakicce vā bhaye vā uppanne tassa tikicchanatthaṃ ṭhānuppattiyakāraṇajānanavaseneva veditabbaṃ. Sesaṃ sabbattha uttānatthamevāti.
д̇иганид̣̇д̣̇зсаван̣н̣анаа.
Tikaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 16. н̃аан̣авибхан̇г̇о • 16. Ñāṇavibhaṅgo
