| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(3.) д̇иганид̣̇д̣̇зсаван̣н̣анаа
(3.) Tikaniddesavaṇṇanā
909. д̇иганид̣̇д̣̇зсз д̇ийхи агусаламуулзхи ваддамууласамуд̣̇аажааро гат̇ид̇о. агусалавид̇аггаад̣̇ийсу вид̇агганавасзна вид̇агго, сан̃ж̇аананавасзна сан̃н̃аа, сабхаавадтзна д̇хаад̇ууд̇и взд̣̇ид̇аб̣б̣аа. д̣̇ужжарид̇анид̣̇д̣̇зсз батаманаяо гаммабат̇авасзна вибхад̇д̇о, д̣̇уд̇ияо саб̣б̣асан̇г̇аахигагаммавасзна, д̇ад̇ияо ниб̣б̣ад̇д̇ид̇ажзд̇анаавасзнзва.
909. Tikaniddese tīhi akusalamūlehi vaṭṭamūlasamudācāro kathito. Akusalavitakkādīsu vitakkanavasena vitakko, sañjānanavasena saññā, sabhāvaṭṭhena dhātūti veditabbā. Duccaritaniddese paṭhamanayo kammapathavasena vibhatto, dutiyo sabbasaṅgāhikakammavasena, tatiyo nibbattitacetanāvaseneva.
914. аасаванид̣̇д̣̇зсз суд̇д̇анд̇абарияааязна д̇аяова аасаваа гат̇ид̇аа.
914. Āsavaniddese suttantapariyāyena tayova āsavā kathitā.
919. зсанаанид̣̇д̣̇зсз сан̇кзбад̇о д̇ад̇т̇а гад̇амаа гаамзсанаад̇и аад̣̇инаа наязна вуд̇д̇о гаамаг̇авзсанарааг̇о гаамзсанаа. яо бхавзсу бхаважчанд̣̇од̇иаад̣̇инаа наязна вуд̇д̇о бхаваг̇авзсанарааг̇о бхавзсанаа. сассад̇о логод̇иаад̣̇инаа наязна вуд̇д̇аа д̣̇идтиг̇ад̇игасаммад̇асса б̣рахмажарияасса г̇авзсанаа д̣̇идти б̣рахмажариязсанаад̇и взд̣̇ид̇аб̣б̣аа. яасмаа жа на гзвалам̣ рааг̇ад̣̇идтияо зва зсанаа, д̇ад̣̇згадтам̣ бана гаммамби зсанаа зва, д̇асмаа д̇ам̣ д̣̇ассзд̇ум̣ д̣̇уд̇ияанаяо вибхад̇д̇о. д̇ад̇т̇а д̇ад̣̇згадтанд̇и самбаяуд̇д̇згадтам̣ взд̣̇ид̇аб̣б̣ам̣. д̇ад̇т̇а гаамарааг̇згадтам̣ гаамааважарасад̇д̇аанамзва бавад̇д̇ад̇и; бхаварааг̇згадтам̣ бана махааб̣рахмаанам̣. самаабад̇д̇ид̇о вудтааяа жан̇гаманд̇аанам̣ жхаанан̇г̇аанам̣ ассаад̣̇анагаалз агусалагааяагаммам̣ ход̇и, ‘ахо сукам̣ ахо сука’нд̇и ваажам̣ бхинд̣̇ид̇ваа ассаад̣̇анагаалз важийгаммам̣, гааяан̇г̇аваажан̇г̇аани ажобзд̇ваа манасаава ассаад̣̇анагаалз маногаммам̣. анд̇аг̇г̇аахигад̣̇идтивасзна саб̣б̣зсамби д̣̇идтиг̇ад̇игаанам̣ жан̇гаманаад̣̇ивасзна д̇аани хонд̇иязва.
919. Esanāniddese saṅkhepato tattha katamā kāmesanāti ādinā nayena vutto kāmagavesanarāgo kāmesanā. Yo bhavesu bhavacchandotiādinā nayena vutto bhavagavesanarāgo bhavesanā. Sassato lokotiādinā nayena vuttā diṭṭhigatikasammatassa brahmacariyassa gavesanā diṭṭhi brahmacariyesanāti veditabbā. Yasmā ca na kevalaṃ rāgadiṭṭhiyo eva esanā, tadekaṭṭhaṃ pana kammampi esanā eva, tasmā taṃ dassetuṃ dutiyanayo vibhatto. Tattha tadekaṭṭhanti sampayuttekaṭṭhaṃ veditabbaṃ. Tattha kāmarāgekaṭṭhaṃ kāmāvacarasattānameva pavattati; bhavarāgekaṭṭhaṃ pana mahābrahmānaṃ. Samāpattito vuṭṭhāya caṅkamantānaṃ jhānaṅgānaṃ assādanakāle akusalakāyakammaṃ hoti, ‘aho sukhaṃ aho sukha’nti vācaṃ bhinditvā assādanakāle vacīkammaṃ, kāyaṅgavācaṅgāni acopetvā manasāva assādanakāle manokammaṃ. Antaggāhikadiṭṭhivasena sabbesampi diṭṭhigatikānaṃ caṅkamanādivasena tāni hontiyeva.
920. вид̇хаанид̣̇д̣̇зсз ‘‘гат̇ам̣вид̇хам̣ сийлаванд̇ам̣ вад̣̇анд̇и, гат̇ам̣вид̇хам̣ бан̃н̃аванд̇ам̣ вад̣̇анд̇ий’’д̇иаад̣̇ийсу (сам̣. ни. 1.95) аагаарасан̣таанам̣ вид̇хаа наама. ‘‘згавид̇хзна н̃аан̣авад̇т̇уу’’д̇иаад̣̇ийсу (вибха. 751) годтаасо. ‘‘вид̇хаасу на вигамбад̇ий’’д̇иаад̣̇ийсу (т̇зраг̇аа. 1079) маано. ид̇хааби маанова вид̇хаа наама. со хи сзяяаад̣̇ивасзна вид̣̇аханад̇о вид̇хаад̇и вужжад̇и. табанадтзна ваа вид̇хаа. д̇асмаа ‘сзяяохамасмий’д̇и звам̣ уббаннаа маанавид̇хаа маанатабанаа сзяяохамасмийд̇и вид̇хаад̇и взд̣̇ид̇аб̣б̣аа. сзсабад̣̇ад̣̇ваязсуби зсзва наяо.
920. Vidhāniddese ‘‘kathaṃvidhaṃ sīlavantaṃ vadanti, kathaṃvidhaṃ paññavantaṃ vadantī’’tiādīsu (saṃ. ni. 1.95) ākārasaṇṭhānaṃ vidhā nāma. ‘‘Ekavidhena ñāṇavatthū’’tiādīsu (vibha. 751) koṭṭhāso. ‘‘Vidhāsu na vikampatī’’tiādīsu (theragā. 1079) māno. Idhāpi mānova vidhā nāma. So hi seyyādivasena vidahanato vidhāti vuccati. Ṭhapanaṭṭhena vā vidhā. Tasmā ‘seyyohamasmī’ti evaṃ uppannā mānavidhā mānaṭhapanā seyyohamasmīti vidhāti veditabbā. Sesapadadvayesupi eseva nayo.
921. бхаяанид̣̇д̣̇зсз ж̇аад̇им̣ бадижжа бхаяанд̇и ж̇аад̇ибажжаяаа уббаннабхаяам̣. бхаяаанаганд̇и аагааранид̣̇д̣̇зсо. чамбхид̇ад̇д̇анд̇и бхаяавасзна г̇ад̇д̇ажаланам̣. ломахам̣сод̇и ломаанам̣ хам̣санам̣, уд̣̇д̇хаг̇г̇абхааво. иминаа бад̣̇ад̣̇ваязна гижжад̇о бхаяам̣ д̣̇ассзд̇ваа буна жзд̇асо уд̇раасод̇и сабхаавад̇о д̣̇ассид̇ам̣.
921. Bhayaniddese jātiṃ paṭicca bhayanti jātipaccayā uppannabhayaṃ. Bhayānakanti ākāraniddeso. Chambhitattanti bhayavasena gattacalanaṃ. Lomahaṃsoti lomānaṃ haṃsanaṃ, uddhaggabhāvo. Iminā padadvayena kiccato bhayaṃ dassetvā puna cetaso utrāsoti sabhāvato dassitaṃ.
922. д̇аманид̣̇д̣̇зсз вижигижчаасийсзна авиж̇ж̇аа гат̇ид̇аа. ‘‘д̇аманд̇хагааро саммохо, авиж̇ж̇огхо махаб̣бхаяо’’д̇и важанад̇о хи авиж̇ж̇аа д̇амо наама. д̇ин̣н̣ам̣ бана ад̣̇д̇хаанам̣ васзна д̣̇зсанаасукад̇ааяа вижигижчаасийсзна д̣̇зсанаа гад̇аа. д̇ад̇т̇а ‘гим̣ ну ко ахам̣ ад̇ийд̇з кад̇д̇ияо ахосим̣ уд̣̇ааху б̣раахман̣о взссо суд̣̇д̣̇о гаал̣о од̣̇аад̇о рассо д̣̇ийгхо’д̇и ган̇канд̇о ад̇ийд̇ам̣ ад̣̇д̇хаанам̣ аараб̣бха ган̇кад̇и наама. ‘гим̣ ну ко ахам̣ анааг̇ад̇з кад̇д̇ияо бхависсаами уд̣̇ааху б̣раахман̣о взссо…бз… д̣̇ийгхо’д̇и ган̇канд̇о анааг̇ад̇ам̣ ад̣̇д̇хаанам̣ аараб̣бха ган̇кад̇и наама. ‘гим̣ ну ко ахам̣ зд̇арахи кад̇д̇ияо уд̣̇ааху б̣раахман̣о взссо суд̣̇д̣̇о; гим̣ ваа ахам̣ руубам̣ уд̣̇ааху взд̣̇анаа сан̃н̃аа сан̇каараа вин̃н̃аан̣а’нд̇и ган̇канд̇о бажжуббаннам̣ ад̣̇д̇хаанам̣ аараб̣бха ган̇кад̇и наама.
922. Tamaniddese vicikicchāsīsena avijjā kathitā. ‘‘Tamandhakāro sammoho, avijjogho mahabbhayo’’ti vacanato hi avijjā tamo nāma. Tiṇṇaṃ pana addhānaṃ vasena desanāsukhatāya vicikicchāsīsena desanā katā. Tattha ‘kiṃ nu kho ahaṃ atīte khattiyo ahosiṃ udāhu brāhmaṇo vesso suddo kāḷo odāto rasso dīgho’ti kaṅkhanto atītaṃ addhānaṃ ārabbha kaṅkhati nāma. ‘Kiṃ nu kho ahaṃ anāgate khattiyo bhavissāmi udāhu brāhmaṇo vesso…pe… dīgho’ti kaṅkhanto anāgataṃ addhānaṃ ārabbha kaṅkhati nāma. ‘Kiṃ nu kho ahaṃ etarahi khattiyo udāhu brāhmaṇo vesso suddo; kiṃ vā ahaṃ rūpaṃ udāhu vedanā saññā saṅkhārā viññāṇa’nti kaṅkhanto paccuppannaṃ addhānaṃ ārabbha kaṅkhati nāma.
д̇ад̇т̇а гин̃жааби кад̇д̇ияо ваа ад̇д̇ано кад̇д̇ияабхаавам̣, б̣раахман̣о ваа б̣раахман̣абхаавам̣, взссо ваа взссабхаавам̣, суд̣̇д̣̇о ваа суд̣̇д̣̇абхаавам̣ аж̇аананаго наама над̇т̇и, ж̇ийвалад̣̇д̇хиго бана сад̇д̇о кад̇д̇ияаж̇ийваад̣̇ийнам̣ ван̣н̣аад̣̇ибхзд̣̇ам̣ суд̇ваа ‘гийд̣̇исо ну ко амхаагам̣ аб̣бханд̇арз ж̇ийво – гим̣ ну ко нийлаго уд̣̇ааху бийд̇аго лохид̇аго од̣̇аад̇о жад̇урам̣со чал̣ам̣со адтам̣со’д̇и ган̇канд̇о звам̣ ган̇кад̇и наама.
Tattha kiñcāpi khattiyo vā attano khattiyabhāvaṃ, brāhmaṇo vā brāhmaṇabhāvaṃ, vesso vā vessabhāvaṃ, suddo vā suddabhāvaṃ ajānanako nāma natthi, jīvaladdhiko pana satto khattiyajīvādīnaṃ vaṇṇādibhedaṃ sutvā ‘kīdiso nu kho amhākaṃ abbhantare jīvo – kiṃ nu kho nīlako udāhu pītako lohitako odāto caturaṃso chaḷaṃso aṭṭhaṃso’ti kaṅkhanto evaṃ kaṅkhati nāma.
923. д̇ид̇т̇ааяад̇анаанийд̇и д̇ид̇т̇абхууд̇аани ааяад̇анаани, д̇ид̇т̇ияаанам̣ ваа ааяад̇анаани. д̇ад̇т̇а д̇ид̇т̇ам̣ наама д̣̇ваасадти д̣̇идтияо. д̇ид̇т̇ияаа наама язсам̣ д̇аа д̣̇идтияо ружжанд̇и каманд̇и. ааяад̇анадто хздтаа вуд̇д̇оязва. д̇ад̇т̇а яасмаа саб̣б̣зби д̣̇идтиг̇ад̇игаа сан̃ж̇ааяамаанаа имзсуязва д̇ийсу таанзсу сан̃ж̇ааяанд̇и, самосарамаанааби зд̇зсуязва самосаранд̇и саннибад̇анд̇и, д̣̇идтиг̇ад̇игабхаавз жа нзсам̣ зд̇ааниязва гааран̣аани, д̇асмаа д̇ид̇т̇аани жа д̇аани сан̃ж̇аад̇аанийд̇иаад̣̇инаа ад̇т̇зна ааяад̇анаани жаад̇и д̇ид̇т̇ааяад̇анаани; д̇знзвад̇т̇зна д̇ид̇т̇ияаанам̣ ааяад̇анаанийд̇иби д̇ид̇т̇ааяад̇анаани. бурисабуг̇г̇алод̇и сад̇д̇о. гааман̃жа бурисод̇иби буг̇г̇алод̇иби вуд̇д̇з сад̇д̇оязва вуд̇д̇о, аяам̣ бана саммуд̇игат̇аа наама яо яат̇аа ж̇аанаад̇и д̇асса д̇ат̇аа вужжад̇и. бадисам̣взд̣̇зд̇ийд̇и ад̇д̇ано санд̇аанз уббаннам̣ ж̇аанаад̇и, бадисам̣вид̣̇ид̇ам̣ гарод̇и анубхавад̇и ваа. буб̣б̣згад̇ахзд̇ууд̇и буб̣б̣з гад̇агааран̣аа, буб̣б̣з гад̇агаммабажжаязнзва бадисам̣взд̣̇зд̇ийд̇и ад̇т̇о. аяам̣ ниг̇ан̣тасамаяо. звам̣ваад̣̇ино бана д̇з гаммавзд̣̇анан̃жа гирияавзд̣̇анан̃жа бадигкибид̇ваа згам̣ вибаагавзд̣̇анамзва самбадижчанд̇и. бид̇д̇асамудтаанаад̣̇ийсу (махаани. 5) жа адтасу ааб̣аад̇хзсу сад̇д̇а бадигкибид̇ваа адтамам̣язва самбадижчанд̇и, д̣̇идтад̇хаммавзд̣̇анийяаад̣̇ийсу жа д̇ийсу гаммзсу д̣̇вз бадигкибид̇ваа згам̣ абараабарияавзд̣̇анийяамзва самбадижчанд̇и, гусалаагусалавибаагагирияасан̇каад̇аасу жа жад̇уусу жзд̇анаасу вибаагажзд̇анам̣язва самбадижчанд̇и.
923. Titthāyatanānīti titthabhūtāni āyatanāni, titthiyānaṃ vā āyatanāni. Tattha titthaṃ nāma dvāsaṭṭhi diṭṭhiyo. Titthiyā nāma yesaṃ tā diṭṭhiyo ruccanti khamanti. Āyatanaṭṭho heṭṭhā vuttoyeva. Tattha yasmā sabbepi diṭṭhigatikā sañjāyamānā imesuyeva tīsu ṭhānesu sañjāyanti, samosaramānāpi etesuyeva samosaranti sannipatanti, diṭṭhigatikabhāve ca nesaṃ etāniyeva kāraṇāni, tasmā titthāni ca tāni sañjātānītiādinā atthena āyatanāni cāti titthāyatanāni; tenevatthena titthiyānaṃ āyatanānītipi titthāyatanāni. Purisapuggaloti satto. Kāmañca purisotipi puggalotipi vutte sattoyeva vutto, ayaṃ pana sammutikathā nāma yo yathā jānāti tassa tathā vuccati. Paṭisaṃvedetīti attano santāne uppannaṃ jānāti, paṭisaṃviditaṃ karoti anubhavati vā. Pubbekatahetūti pubbe katakāraṇā, pubbe katakammapaccayeneva paṭisaṃvedetīti attho. Ayaṃ nigaṇṭhasamayo. Evaṃvādino pana te kammavedanañca kiriyavedanañca paṭikkhipitvā ekaṃ vipākavedanameva sampaṭicchanti. Pittasamuṭṭhānādīsu (mahāni. 5) ca aṭṭhasu ābādhesu satta paṭikkhipitvā aṭṭhamaṃyeva sampaṭicchanti, diṭṭhadhammavedanīyādīsu ca tīsu kammesu dve paṭikkhipitvā ekaṃ aparāpariyavedanīyameva sampaṭicchanti, kusalākusalavipākakiriyasaṅkhātāsu ca catūsu cetanāsu vipākacetanaṃyeva sampaṭicchanti.
иссараниммаанахзд̇ууд̇и иссараниммаанагааран̣аа; б̣рахмунаа ваа баж̇аабад̇инаа ваа иссарзна ниммид̇ад̇д̇аа бадисам̣взд̣̇зд̇ийд̇и ад̇т̇о. аяам̣ б̣раахман̣асамаяо. аяан̃хи нзсам̣ ад̇хиббааяо – имаа д̇иссо взд̣̇анаа бажжуббаннз ад̇д̇анаа гад̇амуулагзна ваа аан̣ад̇д̇имуулагзна ваа буб̣б̣з гад̇зна ваа ахзд̇уаббажжаяаа ваа бадисам̣взд̣̇зд̇ум̣ наама на саггаа; иссараниммаанагааран̣аа зва бана имаа бадисам̣взд̣̇зд̇ийд̇и. звам̣ваад̣̇ино банзд̇з хздтаа вуд̇д̇зсу адтасу ааб̣аад̇хзсу згамби асамбадижчид̇ваа саб̣б̣ам̣ бадиб̣ааханд̇и. д̇ат̇аа д̣̇идтад̇хаммавзд̣̇анийяаад̣̇ийсуби саб̣б̣агодтаасзсу згамби асамбадижчид̇ваа саб̣б̣ам̣ бадиб̣ааханд̇и.
Issaranimmānahetūti issaranimmānakāraṇā; brahmunā vā pajāpatinā vā issarena nimmitattā paṭisaṃvedetīti attho. Ayaṃ brāhmaṇasamayo. Ayañhi nesaṃ adhippāyo – imā tisso vedanā paccuppanne attanā katamūlakena vā āṇattimūlakena vā pubbe katena vā ahetuappaccayā vā paṭisaṃvedetuṃ nāma na sakkā; issaranimmānakāraṇā eva pana imā paṭisaṃvedetīti. Evaṃvādino panete heṭṭhā vuttesu aṭṭhasu ābādhesu ekampi asampaṭicchitvā sabbaṃ paṭibāhanti. Tathā diṭṭhadhammavedanīyādīsupi sabbakoṭṭhāsesu ekampi asampaṭicchitvā sabbaṃ paṭibāhanti.
ахзд̇у аббажжаяаад̇и хзд̇ун̃жа бажжаяан̃жа винаа агааран̣знзва бадисам̣взд̣̇зд̇ийд̇и ад̇т̇о. аяам̣ ааж̇ийвагасамаяо. звам̣ ваад̣̇ино зд̇зби хздтаа вуд̇д̇зсу гааран̣зсу жа б̣яаад̇хийсу жа згамби асамбадижчид̇ваа саб̣б̣ам̣ бадигкибанд̇и.
Ahetu appaccayāti hetuñca paccayañca vinā akāraṇeneva paṭisaṃvedetīti attho. Ayaṃ ājīvakasamayo. Evaṃ vādino etepi heṭṭhā vuttesu kāraṇesu ca byādhīsu ca ekampi asampaṭicchitvā sabbaṃ paṭikkhipanti.
924. гин̃жанаад̇и балиб̣од̇хаа. рааг̇о гин̃жананд̇и рааг̇о уббаж̇ж̇амаано сад̇д̇з б̣анд̇хад̇и балиб̣унд̇хзд̇и, д̇асмаа гин̃жананд̇и вужжад̇и. д̣̇осамохзсуби зсзва наяо. ан̇г̇ан̣аанийд̇и ‘‘уд̣̇ан̇г̇ан̣з д̇ад̇т̇а бабам̣ авинд̣̇у’’нд̇и (ж̇аа. 1.1.2) ааг̇ад̇адтаанз бхуумиббад̣̇зсо ан̇г̇ан̣ам̣. ‘‘д̇ассзва раж̇асса ваа ан̇г̇ан̣асса ваа бахаанааяа вааяамад̇ий’’д̇и (ма. ни. 1.184; а. ни. 10.51) ааг̇ад̇адтаанз яам̣ гин̃жи малам̣ ваа бан̇го ваа. ‘‘саан̇г̇ан̣ова самаано’’д̇и (ма. ни. 1.57) ааг̇ад̇адтаанз наанаббагааро д̇иб̣б̣агилзсо. ид̇хааби д̇ад̣̇зва гилзсан̇г̇ан̣ам̣ ад̇хиббзд̇ам̣. д̇знзва рааг̇о ан̇г̇ан̣анд̇иаад̣̇имааха.
924. Kiñcanāti palibodhā. Rāgo kiñcananti rāgo uppajjamāno satte bandhati palibundheti, tasmā kiñcananti vuccati. Dosamohesupi eseva nayo. Aṅgaṇānīti ‘‘udaṅgaṇe tattha papaṃ avindu’’nti (jā. 1.1.2) āgataṭṭhāne bhūmippadeso aṅgaṇaṃ. ‘‘Tasseva rajassa vā aṅgaṇassa vā pahānāya vāyamatī’’ti (ma. ni. 1.184; a. ni. 10.51) āgataṭṭhāne yaṃ kiñci malaṃ vā paṅko vā. ‘‘Sāṅgaṇova samāno’’ti (ma. ni. 1.57) āgataṭṭhāne nānappakāro tibbakileso. Idhāpi tadeva kilesaṅgaṇaṃ adhippetaṃ. Teneva rāgo aṅgaṇantiādimāha.
малаанийд̇и малинабхаавагаран̣аани. рааг̇о маланд̇и рааг̇о уббаж̇ж̇амаано жид̇д̇ам̣ малинам̣ гарод̇и, малам̣ г̇аахаабзд̇и, д̇асмаа маланд̇и вужжад̇и. ид̇арзсуби д̣̇вийсу зсзва наяо.
Malānīti malinabhāvakaraṇāni. Rāgo malanti rāgo uppajjamāno cittaṃ malinaṃ karoti, malaṃ gāhāpeti, tasmā malanti vuccati. Itaresupi dvīsu eseva nayo.
висаманид̣̇д̣̇зсз яасмаа рааг̇аад̣̇ийсу жзва гааяад̣̇ужжарид̇аад̣̇ийсу жа сад̇д̇аа багкаланд̇и, багкалид̇аа жа бана саасанад̇оби суг̇ад̇ид̇оби бад̇анд̇и, д̇асмаа багкаланабаад̇ахзд̇уд̇о рааг̇о висаманд̇иаад̣̇и вуд̇д̇ам̣.
Visamaniddese yasmā rāgādīsu ceva kāyaduccaritādīsu ca sattā pakkhalanti, pakkhalitā ca pana sāsanatopi sugatitopi patanti, tasmā pakkhalanapātahetuto rāgo visamantiādi vuttaṃ.
аг̇г̇ийд̇и ануд̣̇аханадтзна аг̇г̇и. рааг̇аг̇г̇ийд̇и рааг̇о уббаж̇ж̇амаано сад̇д̇з ануд̣̇ахад̇и жхаабзд̇и, д̇асмаа аг̇г̇ийд̇и вужжад̇и. д̣̇осамохзсуби зсзва наяо. д̇ад̇т̇а вад̇т̇ууни – згаа гира д̣̇ахарабхигкуний жид̇д̇алабаб̣б̣ад̇авихаарз убосат̇ааг̇аарам̣ г̇анд̇ваа д̣̇ваарабаалагаруубам̣ ологаяамаанаа тид̇аа. ат̇ассаа анд̇о рааг̇о уббанно. саа д̇знзва жхааяид̇ваа гааламагааси. бхигкунияо г̇ажчамаанаа ‘аяам̣ д̣̇ахараа тид̇аа, баггосат̇а на’нд̇и аахам̣су. згаа г̇анд̇ваа ‘гасмаа тид̇аасий’д̇и хад̇т̇з г̇ан̣хи. г̇ахид̇амад̇д̇аа баривад̇д̇ид̇ваа бад̇ид̇аа. ид̣̇ам̣ д̇аава рааг̇асса ануд̣̇аханад̇ааяа вад̇т̇у. д̣̇осасса бана ануд̣̇аханад̇ааяа манобад̣̇осигаа д̣̇зваа д̣̇адтаб̣б̣аа. мохасса ануд̣̇аханад̇ааяа кид̣д̣аабад̣̇осигаа д̣̇зваа д̣̇адтаб̣б̣аа. моханавасзна хи д̇зсам̣ сад̇исаммосо ход̇и. д̇асмаа кид̣д̣аавасзна аахаарагаалам̣ ад̇ивад̇д̇ид̇ваа гаалам̣ гаронд̇и. гасааваад̇и гасадаа нирож̇аа. рааг̇аад̣̇ийсу жа гааяад̣̇ужжарид̇аад̣̇ийсу жа згамби бан̣ийд̇ам̣ ож̇аванд̇ам̣ над̇т̇и, д̇асмаа рааг̇о гасаавод̇иаад̣̇и вуд̇д̇ам̣.
Aggīti anudahanaṭṭhena aggi. Rāgaggīti rāgo uppajjamāno satte anudahati jhāpeti, tasmā aggīti vuccati. Dosamohesupi eseva nayo. Tattha vatthūni – ekā kira daharabhikkhunī cittalapabbatavihāre uposathāgāraṃ gantvā dvārapālakarūpaṃ olokayamānā ṭhitā. Athassā anto rāgo uppanno. Sā teneva jhāyitvā kālamakāsi. Bhikkhuniyo gacchamānā ‘ayaṃ daharā ṭhitā, pakkosatha na’nti āhaṃsu. Ekā gantvā ‘kasmā ṭhitāsī’ti hatthe gaṇhi. Gahitamattā parivattitvā patitā. Idaṃ tāva rāgassa anudahanatāya vatthu. Dosassa pana anudahanatāya manopadosikā devā daṭṭhabbā. Mohassa anudahanatāya khiḍḍāpadosikā devā daṭṭhabbā. Mohanavasena hi tesaṃ satisammoso hoti. Tasmā khiḍḍāvasena āhārakālaṃ ativattitvā kālaṃ karonti. Kasāvāti kasaṭā nirojā. Rāgādīsu ca kāyaduccaritādīsu ca ekampi paṇītaṃ ojavantaṃ natthi, tasmā rāgo kasāvotiādi vuttaṃ.
925. ассаад̣̇ад̣̇идтийд̇и ассаад̣̇асамбаяуд̇д̇аа д̣̇идти. над̇т̇и гаамзсу д̣̇осод̇и гилзсагаамзна вад̇т̇угаамабадисзванад̣̇осо над̇т̇ийд̇и вад̣̇ад̇и. баад̇аб̣яад̇анд̇и баад̇аб̣б̣абхаавам̣ барибхун̃ж̇анам̣ аж̇жхохаран̣ам̣. звам̣ваад̣̇ий хи со вад̇т̇угаамзсу гилзсагаамам̣ биванд̇о вияа аж̇жхохаранд̇о вияа барибхун̃ж̇ад̇и. ад̇д̇аануд̣̇идтийд̇и ад̇д̇аанам̣ ануг̇ад̇аа д̣̇идти. мижчаад̣̇идтийд̇и лаамагаа д̣̇идти. ид̣̇аани яасмаа зд̇т̇а батамаа сассад̇ад̣̇идти ход̇и, д̣̇уд̇ияаа саггааяад̣̇идти, д̇ад̇ияаа ужчзд̣̇ад̣̇идти, д̇асмаа д̇амад̇т̇ам̣ д̣̇ассзд̇ум̣ сассад̇ад̣̇идти ассаад̣̇ад̣̇идтийд̇иаад̣̇имааха.
925. Assādadiṭṭhīti assādasampayuttā diṭṭhi. Natthi kāmesu dosoti kilesakāmena vatthukāmapaṭisevanadoso natthīti vadati. Pātabyatanti pātabbabhāvaṃ paribhuñjanaṃ ajjhoharaṇaṃ. Evaṃvādī hi so vatthukāmesu kilesakāmaṃ pivanto viya ajjhoharanto viya paribhuñjati. Attānudiṭṭhīti attānaṃ anugatā diṭṭhi. Micchādiṭṭhīti lāmakā diṭṭhi. Idāni yasmā ettha paṭhamā sassatadiṭṭhi hoti, dutiyā sakkāyadiṭṭhi, tatiyā ucchedadiṭṭhi, tasmā tamatthaṃ dassetuṃ sassatadiṭṭhi assādadiṭṭhītiādimāha.
926. арад̇инид̣̇д̣̇зсо жа вихзсаанид̣̇д̣̇зсо жа вуд̇д̇ад̇т̇оязва. ад̇хаммасса жарияаа ад̇хаммажарияаа, ад̇хаммагаран̣анд̇и ад̇т̇о. висамаа жарияаа, висамасса ваа гаммасса жарияаад̇и висамажарияаа. д̣̇оважассад̇аабаабамид̇д̇ад̇аа нид̣̇д̣̇зсаа вуд̇д̇ад̇т̇аа зва. бут̇унимид̇д̇аарамман̣зсу бавад̇д̇ид̇о наанад̇д̇зсу сан̃н̃аа наанад̇д̇асан̃н̃аа. яасмаа ваа ан̃н̃аава гаамасан̃н̃аа, ан̃н̃аа б̣яаабаад̣̇аад̣̇исан̃н̃аа, д̇асмаа наанад̇д̇аа сан̃н̃аад̇иби наанад̇д̇асан̃н̃аа. госаж̇ж̇абамаад̣̇анид̣̇д̣̇зсзсу бан̃жасу гаамаг̇ун̣зсу виссадтажид̇д̇асса гусалад̇хаммабхааванааяа анануяог̇авасзна лийнавуд̇д̇ид̇аа госаж̇ж̇ам̣, бамаж̇ж̇анавасзна бамад̇д̇абхааво бамаад̣̇од̇и взд̣̇ид̇аб̣б̣о. асанд̇удтид̇аад̣̇инид̣̇д̣̇зсаа вуд̇д̇ад̇т̇аа зва.
926. Aratiniddeso ca vihesāniddeso ca vuttatthoyeva. Adhammassa cariyā adhammacariyā, adhammakaraṇanti attho. Visamā cariyā, visamassa vā kammassa cariyāti visamacariyā. Dovacassatāpāpamittatā niddesā vuttatthā eva. Puthunimittārammaṇesu pavattito nānattesu saññā nānattasaññā. Yasmā vā aññāva kāmasaññā, aññā byāpādādisaññā, tasmā nānattā saññātipi nānattasaññā. Kosajjapamādaniddesesu pañcasu kāmaguṇesu vissaṭṭhacittassa kusaladhammabhāvanāya ananuyogavasena līnavuttitā kosajjaṃ, pamajjanavasena pamattabhāvo pamādoti veditabbo. Asantuṭṭhitādiniddesā vuttatthā eva.
931. анаад̣̇арияанид̣̇д̣̇зсз оваад̣̇асса анаад̣̇ияанавасзна анаад̣̇арабхааво анаад̣̇арияам̣. анаад̣̇арияанаагааро анаад̣̇арад̇аа. саг̇аруваасам̣ авасанадтзна аг̇ааравабхааво аг̇ааравад̇аа. саж̇здтагаваасам̣ авасанадтзна аббад̇иссавад̇аа. анад̣̇д̣̇аад̇и анаад̣̇ияанаа. анад̣̇д̣̇ааяанаад̇и анаад̣̇ияанаагааро. анад̣̇д̣̇ааяа аяид̇асса бхааво анад̣̇д̣̇ааяид̇ад̇д̇ам̣. асийласса бхааво асийляам̣. ажид̇д̇ийгаарод̇и г̇аружид̇д̇ийгаарасса агаран̣ам̣.
931. Anādariyaniddese ovādassa anādiyanavasena anādarabhāvo anādariyaṃ. Anādariyanākāro anādaratā. Sagaruvāsaṃ avasanaṭṭhena agāravabhāvo agāravatā. Sajeṭṭhakavāsaṃ avasanaṭṭhena appatissavatā. Anaddāti anādiyanā. Anaddāyanāti anādiyanākāro. Anaddāya ayitassa bhāvo anaddāyitattaṃ. Asīlassa bhāvo asīlyaṃ. Acittīkāroti garucittīkārassa akaraṇaṃ.
932. ассад̣̇д̇хабхааво ассад̣̇д̇хияам̣. асад̣̇д̣̇аханаагааро асад̣̇д̣̇аханаа. огаббзд̇ваа анубависид̇ваа аг̇г̇ахан̣ам̣ аногаббанаа. аббасийд̣̇анадтзна анабхиббасаад̣̇о.
932. Assaddhabhāvo assaddhiyaṃ. Asaddahanākāro asaddahanā. Okappetvā anupavisitvā aggahaṇaṃ anokappanā. Appasīdanaṭṭhena anabhippasādo.
авад̣̇ан̃н̃уд̇аад̇и т̇ад̣̇д̇хамажчарияавасзна ‘д̣̇зхи, гарохий’д̇и важанасса аж̇аанад̇аа.
Avadaññutāti thaddhamacchariyavasena ‘dehi, karohī’ti vacanassa ajānatā.
934. б̣уд̣̇д̇хаа жа б̣уд̣̇д̇хасаавагаа жаад̇и зд̇т̇а б̣уд̣̇д̇хаг̇г̇ахан̣зна бажжзгаб̣уд̣̇д̇хааби г̇ахид̇аава. асамзд̇угамяад̇аад̇и д̇зсам̣ самийбам̣ аг̇анд̇угаамад̇аа. сад̣̇д̇хаммам̣ асод̇угамяад̇аад̇и сад̇д̇ад̇им̣са б̣од̇хибагкияад̇хаммаа сад̣̇д̇хаммо наама, д̇ам̣ асун̣ид̇угаамад̇аа. ануг̇г̇ахзд̇угамяад̇аад̇и на уг̇г̇ахзд̇угаамад̇аа.
934. Buddhāca buddhasāvakā cāti ettha buddhaggahaṇena paccekabuddhāpi gahitāva. Asametukamyatāti tesaṃ samīpaṃ agantukāmatā. Saddhammaṃ asotukamyatāti sattatiṃsa bodhipakkhiyadhammā saddhammo nāma, taṃ asuṇitukāmatā. Anuggahetukamyatāti na uggahetukāmatā.
убаарамбхажид̇д̇ад̇аад̇и убаарамбхажид̇д̇абхааво. яасмаа бана со ад̇т̇ад̇о убаарамбхова ход̇и, д̇асмаа д̇ам̣ д̣̇ассзд̇ум̣ д̇ад̇т̇а гад̇амо убаарамбход̇иаад̣̇и вуд̇д̇ам̣. д̇ад̇т̇а убаарамбханавасзна убаарамбхо. бунаббунам̣ убаарамбхо анубаарамбхо убаарамбханаагааро убаарамбханаа. бунаббунам̣ убаарамбханаа анубаарамбханаа. анубаарамбхид̇асса бхааво анубаарамбхид̇ад̇д̇ам̣. ун̃н̃аад̇и хздтаа гад̇ваа ж̇аананаа. аван̃н̃аад̇и аваж̇аананаа. барибхаванам̣ барибхаво. ранд̇хасса г̇авзсид̇аа ранд̇хаг̇авзсид̇аа. ранд̇хам̣ ваа г̇авзсад̇ийд̇и ранд̇хаг̇авзсий, д̇асса бхааво ранд̇хаг̇авзсид̇аа. аяам̣ вужжад̇ийд̇и аяам̣ бараваж̇ж̇аанубассаналагкан̣о убаарамбхо наама вужжад̇и, язна саманнааг̇ад̇о буг̇г̇ало, яат̇аа наама д̇уннагааро саадагам̣ басаарзд̇ваа чид̣̇д̣̇амзва ологзд̇и, звамзва барасса саб̣б̣зби г̇ун̣з магкзд̇ваа аг̇ун̣зсуязва бад̇идтаад̇и.
Upārambhacittatāti upārambhacittabhāvo. Yasmā pana so atthato upārambhova hoti, tasmā taṃ dassetuṃ tattha katamo upārambhotiādi vuttaṃ. Tattha upārambhanavasena upārambho. Punappunaṃ upārambho anupārambho upārambhanākāro upārambhanā. Punappunaṃ upārambhanā anupārambhanā. Anupārambhitassa bhāvo anupārambhitattaṃ. Uññāti heṭṭhā katvā jānanā. Avaññāti avajānanā. Paribhavanaṃ paribhavo. Randhassa gavesitā randhagavesitā. Randhaṃ vā gavesatīti randhagavesī, tassa bhāvo randhagavesitā. Ayaṃ vuccatīti ayaṃ paravajjānupassanalakkhaṇo upārambho nāma vuccati, yena samannāgato puggalo, yathā nāma tunnakāro sāṭakaṃ pasāretvā chiddameva oloketi, evameva parassa sabbepi guṇe makkhetvā aguṇesuyeva patiṭṭhāti.
936. аяонисо манасигаарод̇и анубааяаманасигааро. анижжз нижжанд̇и анижжзязва вад̇т̇усмим̣ ‘ид̣̇ам̣ нижжа’нд̇и звам̣ бавад̇д̇о. д̣̇угкз суканд̇иаад̣̇ийсуби зсзва наяо. сажжавиббадигулзна жаад̇и жад̇уннам̣ сажжаанам̣ анануломавасзна. жид̇д̇асса аавадданаад̇иаад̣̇ийни саб̣б̣ааниби ааваж̇ж̇анассзва взважанаанзва. ааваж̇ж̇анан̃хи бхаван̇г̇ажид̇д̇ам̣ ааваддзд̇ийд̇и жид̇д̇асса аавадданаа. ануану ааваддзд̇ийд̇и анаавадданаа. аабхуж̇ад̇ийд̇и аабхог̇о. бхаван̇г̇аарамман̣ад̇о ан̃н̃ам̣ аарамман̣ам̣ саманнаахарад̇ийд̇и саманнаахааро. д̇ад̣̇зваарамман̣ам̣ ад̇д̇аанам̣ ануб̣анд̇хид̇ваа уббаж̇ж̇амаанз манасигарод̇ийд̇и манасигааро. гарод̇ийд̇и табзд̇и. аяам̣ вужжад̇ийд̇и аяам̣ анубааяаманасигааро уббат̇аманасигааралагкан̣о аяонисоманасигааро наама вужжад̇и. д̇асса васзна буг̇г̇ало д̣̇угкаад̣̇ийни сажжаани яаат̇аавад̇о ааваж̇ж̇ид̇ум̣ на саггод̇и.
936. Ayoniso manasikāroti anupāyamanasikāro. Anicce niccanti anicceyeva vatthusmiṃ ‘idaṃ nicca’nti evaṃ pavatto. Dukkhe sukhantiādīsupi eseva nayo. Saccavippaṭikulena cāti catunnaṃ saccānaṃ ananulomavasena. Cittassa āvaṭṭanātiādīni sabbānipi āvajjanasseva vevacanāneva. Āvajjanañhi bhavaṅgacittaṃ āvaṭṭetīti cittassa āvaṭṭanā. Anuanu āvaṭṭetīti anāvaṭṭanā. Ābhujatīti ābhogo. Bhavaṅgārammaṇato aññaṃ ārammaṇaṃ samannāharatīti samannāhāro. Tadevārammaṇaṃ attānaṃ anubandhitvā uppajjamāne manasikarotīti manasikāro. Karotīti ṭhapeti. Ayaṃ vuccatīti ayaṃ anupāyamanasikāro uppathamanasikāralakkhaṇo ayonisomanasikāro nāma vuccati. Tassa vasena puggalo dukkhādīni saccāni yāthāvato āvajjituṃ na sakkoti.
гуммаг̇г̇асзванаанид̣̇д̣̇зсз яам̣ гуммаг̇г̇ам̣ сзвад̇о сзванаа гуммаг̇г̇асзванаад̇и вужжад̇и, д̇ам̣ д̣̇ассзд̇ум̣ д̇ад̇т̇а гад̇амо гуммаг̇г̇од̇и д̣̇уд̇ияабужчаа гад̇аа. сзсам̣ саб̣б̣ад̇т̇а уд̇д̇аанамзваад̇и.
Kummaggasevanāniddese yaṃ kummaggaṃ sevato sevanā kummaggasevanāti vuccati, taṃ dassetuṃ tattha katamo kummaggoti dutiyapucchā katā. Sesaṃ sabbattha uttānamevāti.
д̇иганид̣̇д̣̇зсаван̣н̣анаа нидтид̇аа.
Tikaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
