| Library / Tipiṭaka / តិបិដក • Tipiṭaka / បញ្ចបករណ-អនុដីកា • Pañcapakaraṇa-anuṭīkā |
៣. តិកនិទ្ទេសវណ្ណនា
3. Tikaniddesavaṇṇanā
៩១. សេសសំវរភេទេនាតិ កាយិកវាចសិកវីតិក្កមតោ សេសេន សំវរវិនាសេន។ សោ បន ទ្វារវសេន វុច្ចមានោ មនោទ្វារិកោ ហោតីតិ អាហ ‘‘មនោសំវរភេទេនា’’តិ។ ឥទានិ តំ បការភេទេន ទស្សេន្តោ ‘‘សតិសំវរាទិភេទេន វា’’តិ អាហ, មុដ្ឋសច្ចាទិប្បវត្តិយាតិ អត្ថោ។ យំ កិញ្ចិ សភាវភូតំ ចរិតម្បិ ‘‘សីល’’ន្តិ វុច្ចតីតិ អកុសលស្សបិ សីលបរិយាយោ វុត្តោ។
91. Sesasaṃvarabhedenāti kāyikavācasikavītikkamato sesena saṃvaravināsena. So pana dvāravasena vuccamāno manodvāriko hotīti āha ‘‘manosaṃvarabhedenā’’ti. Idāni taṃ pakārabhedena dassento ‘‘satisaṃvarādibhedena vā’’ti āha, muṭṭhasaccādippavattiyāti attho. Yaṃ kiñci sabhāvabhūtaṃ caritampi ‘‘sīla’’nti vuccatīti akusalassapi sīlapariyāyo vutto.
៩៤. សមានវិសយានន្តិ បឋមផលាទិកោ សមានោ ឯវរូបោ វិសយោ ឯតេសន្តិ សមានវិសយា, តេសំ។
94. Samānavisayānanti paṭhamaphalādiko samāno evarūpo visayo etesanti samānavisayā, tesaṃ.
១០៧. តទត្ថោ តប្បយោជនោ លោកុត្តរសាធកោតិ អត្ថោ។ តស្ស បរមត្ថសាសនស្ស។ មូលេកទេសត្តាតិ មូលភាវេន ឯកទេសត្តា។
107. Tadattho tappayojano lokuttarasādhakoti attho. Tassa paramatthasāsanassa. Mūlekadesattāti mūlabhāvena ekadesattā.
១១៨. ឧន្នឡោ ឧគ្គតតុច្ឆមានោ។
118. Unnaḷo uggatatucchamāno.
១២៣. សីលស្ស អនុគ្គណ្ហនំ អបរិសុទ្ធិយំ សោធនំ អបារិបូរិយំ បូរណញ្ចាតិ អាហ ‘‘សោធេតព្ពេ ច វឌ្ឍេតព្ពេ ចា’’តិ។ អធិសីលំ និស្សាយាតិ អធិសីលំ និស្សយំ កត្វា ឧប្បន្នបញ្ញាយ។
123. Sīlassa anuggaṇhanaṃ aparisuddhiyaṃ sodhanaṃ apāripūriyaṃ pūraṇañcāti āha ‘‘sodhetabbe ca vaḍḍhetabbe cā’’ti. Adhisīlaṃ nissāyāti adhisīlaṃ nissayaṃ katvā uppannapaññāya.
១២៤. គូថសទិសត្តមេវ ទស្សេតិ, ន គូថកូបសទិសត្តន្តិ អធិប្បាយោ។ គូថវសេនេវ ហិ កូបស្សបិ ជិគុច្ឆនីយតាតិ។ អយញ្ច អត្ថោ គូថរាសិយេវ គូថកូបោតិ ឥមស្មិំ បក្ខេ នវត្តព្ពោ សិយា។
124. Gūthasadisattameva dasseti, na gūthakūpasadisattanti adhippāyo. Gūthavaseneva hi kūpassapi jigucchanīyatāti. Ayañca attho gūtharāsiyeva gūthakūpoti imasmiṃ pakkhe navattabbo siyā.
១៣០. សរភង្គសត្ថារាទយោ រូបភវាទិកាមាទិបរិញ្ញំ កត្វា បញ្ញបេន្តោ លោកិយំ បរិញ្ញំ សម្មទេវ បញ្ញបេន្តីតិ អាហ ‘‘យេភុយ្យេន ន សក្កោន្តី’’តិ។ អសមត្ថភាវំ វា សន្ធាយ នោ ច បញ្ញាបេតុំ សក្កោន្តីតិ វុត្តន្តិ យោជនា។
130. Sarabhaṅgasatthārādayo rūpabhavādikāmādipariññaṃ katvā paññapento lokiyaṃ pariññaṃ sammadeva paññapentīti āha ‘‘yebhuyyena na sakkontī’’ti. Asamatthabhāvaṃ vā sandhāya no ca paññāpetuṃ sakkontīti vuttanti yojanā.
តិកនិទ្ទេសវណ្ណនា និដ្ឋិតា។
Tikaniddesavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / បុគ្គលបញ្ញត្តិបាឡិ • Puggalapaññattipāḷi / ៣. តិកបុគ្គលបញ្ញត្តិ • 3. Tikapuggalapaññatti
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៣. តិកនិទ្ទេសវណ្ណនា • 3. Tikaniddesavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៣. តិកនិទ្ទេសវណ្ណនា • 3. Tikaniddesavaṇṇanā
