| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā |
༣. ཏིཀནིདྡེསཝཎྞནཱ
3. Tikaniddesavaṇṇanā
༩༡. སེསསཾཝརབྷེདེནཱཏི ཀཱཡིཀཝཱཙསིཀཝཱིཏིཀྐམཏོ སེསེན སཾཝརཝིནཱསེན། སོ པན དྭཱརཝསེན ཝུཙྩམཱནོ མནོདྭཱརིཀོ ཧོཏཱིཏི ཨཱཧ ‘‘མནོསཾཝརབྷེདེནཱ’’ཏི། ཨིདཱནི ཏཾ པཀཱརབྷེདེན དསྶེནྟོ ‘‘སཏིསཾཝརཱདིབྷེདེན ཝཱ’’ཏི ཨཱཧ, མུཊྛསཙྩཱདིཔྤཝཏྟིཡཱཏི ཨཏྠོ། ཡཾ ཀིཉྩི སབྷཱཝབྷཱུཏཾ ཙརིཏམྤི ‘‘སཱིལ’’ནྟི ཝུཙྩཏཱིཏི ཨཀུསལསྶཔི སཱིལཔརིཡཱཡོ ཝུཏྟོ།
91. Sesasaṃvarabhedenāti kāyikavācasikavītikkamato sesena saṃvaravināsena. So pana dvāravasena vuccamāno manodvāriko hotīti āha ‘‘manosaṃvarabhedenā’’ti. Idāni taṃ pakārabhedena dassento ‘‘satisaṃvarādibhedena vā’’ti āha, muṭṭhasaccādippavattiyāti attho. Yaṃ kiñci sabhāvabhūtaṃ caritampi ‘‘sīla’’nti vuccatīti akusalassapi sīlapariyāyo vutto.
༩༤. སམཱནཝིསཡཱནནྟི པཋམཕལཱདིཀོ སམཱནོ ཨེཝརཱུཔོ ཝིསཡོ ཨེཏེསནྟི སམཱནཝིསཡཱ, ཏེསཾ།
94. Samānavisayānanti paṭhamaphalādiko samāno evarūpo visayo etesanti samānavisayā, tesaṃ.
༡༠༧. ཏདཏྠོ ཏཔྤཡོཛནོ ལོཀུཏྟརསཱདྷཀོཏི ཨཏྠོ། ཏསྶ པརམཏྠསཱསནསྶ། མཱུལེཀདེསཏྟཱཏི མཱུལབྷཱཝེན ཨེཀདེསཏྟཱ།
107. Tadattho tappayojano lokuttarasādhakoti attho. Tassa paramatthasāsanassa. Mūlekadesattāti mūlabhāvena ekadesattā.
༡༡༨. ཨུནྣལོ༹ ཨུགྒཏཏུཙྪམཱནོ།
118. Unnaḷo uggatatucchamāno.
༡༢༣. སཱིལསྶ ཨནུགྒཎྷནཾ ཨཔརིསུདྡྷིཡཾ སོདྷནཾ ཨཔཱརིཔཱུརིཡཾ པཱུརཎཉྩཱཏི ཨཱཧ ‘‘སོདྷེཏབྦེ ཙ ཝཌྜྷེཏབྦེ ཙཱ’’ཏི། ཨདྷིསཱིལཾ ནིསྶཱཡཱཏི ཨདྷིསཱིལཾ ནིསྶཡཾ ཀཏྭཱ ཨུཔྤནྣཔཉྙཱཡ།
123. Sīlassa anuggaṇhanaṃ aparisuddhiyaṃ sodhanaṃ apāripūriyaṃ pūraṇañcāti āha ‘‘sodhetabbe ca vaḍḍhetabbe cā’’ti. Adhisīlaṃ nissāyāti adhisīlaṃ nissayaṃ katvā uppannapaññāya.
༡༢༤. གཱུཐསདིསཏྟམེཝ དསྶེཏི, ན གཱུཐཀཱུཔསདིསཏྟནྟི ཨདྷིཔྤཱཡོ། གཱུཐཝསེནེཝ ཧི ཀཱུཔསྶཔི ཛིགུཙྪནཱིཡཏཱཏི། ཨཡཉྩ ཨཏྠོ གཱུཐརཱསིཡེཝ གཱུཐཀཱུཔོཏི ཨིམསྨིཾ པཀྑེ ནཝཏྟབྦོ སིཡཱ།
124. Gūthasadisattameva dasseti, na gūthakūpasadisattanti adhippāyo. Gūthavaseneva hi kūpassapi jigucchanīyatāti. Ayañca attho gūtharāsiyeva gūthakūpoti imasmiṃ pakkhe navattabbo siyā.
༡༣༠. སརབྷངྒསཏྠཱརཱདཡོ རཱུཔབྷཝཱདིཀཱམཱདིཔརིཉྙཾ ཀཏྭཱ པཉྙཔེནྟོ ལོཀིཡཾ པརིཉྙཾ སམྨདེཝ པཉྙཔེནྟཱིཏི ཨཱཧ ‘‘ཡེབྷུཡྻེན ན སཀྐོནྟཱི’’ཏི། ཨསམཏྠབྷཱཝཾ ཝཱ སནྡྷཱཡ ནོ ཙ པཉྙཱཔེཏུཾ སཀྐོནྟཱིཏི ཝུཏྟནྟི ཡོཛནཱ།
130. Sarabhaṅgasatthārādayo rūpabhavādikāmādipariññaṃ katvā paññapento lokiyaṃ pariññaṃ sammadeva paññapentīti āha ‘‘yebhuyyena na sakkontī’’ti. Asamatthabhāvaṃ vā sandhāya no ca paññāpetuṃ sakkontīti vuttanti yojanā.
ཏིཀནིདྡེསཝཎྞནཱ ནིཊྛིཏཱ།
Tikaniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / པུགྒལཔཉྙཏྟིཔཱལི༹ • Puggalapaññattipāḷi / ༣. ཏིཀཔུགྒལཔཉྙཏྟི • 3. Tikapuggalapaññatti
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༣. ཏིཀནིདྡེསཝཎྞནཱ • 3. Tikaniddesavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༣. ཏིཀནིདྡེསཝཎྞནཱ • 3. Tikaniddesavaṇṇanā
