| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
3. нигкзбаган̣д̣о
3. Nikkhepakaṇḍo
д̇иганигкзбагат̇аа
Tikanikkhepakathā
985. зд̇д̇аавад̇аа гусалад̇д̇иго саб̣б̣зсам̣ гусалаад̣̇ид̇хаммаанам̣ бад̣̇абхааж̇ананаязна вид̇т̇аарид̇о ход̇и. яасмаа бана явааяам̣ гусалад̇д̇игасса вибхаж̇ананаяо вуд̇д̇о, сзсад̇игад̣̇угаанамби зсзва вибхаж̇ананаяо ход̇и – яат̇аа хи зд̇т̇а, звам̣ ‘гад̇амз д̇хаммаа сукааяа взд̣̇анааяа самбаяуд̇д̇аа? яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и соманассасахаг̇ад̇ам̣ н̃аан̣асамбаяуд̇д̇ам̣ руубаарамман̣ам̣ ваа…бз… яз ваа бана д̇асмим̣ самаяз ан̃н̃зби ад̇т̇и бадижжасамуббаннаа аруубино д̇хаммаа табзд̇ваа взд̣̇анааканд̇хам̣, имз д̇хаммаа сукааяа взд̣̇анааяа самбаяуд̇д̇аа’д̇иаад̣̇инаа ануггамзна саб̣б̣ад̇игад̣̇угзсу саггаа бан̣д̣ид̇зхи вибхааж̇ананаяам̣ саллагкзд̇ум̣ – д̇асмаа д̇ам̣ вид̇т̇аарад̣̇зсанам̣ нигкибид̇ваа, ан̃н̃зна наад̇исан̇кзбанаад̇ивид̇т̇ааранаязна саб̣б̣ад̇игад̣̇угад̇хаммавибхааг̇ам̣ д̣̇ассзд̇ум̣ гад̇амз д̇хаммаа гусалаад̇и нигкзбаган̣д̣ам̣ аарад̣̇д̇хам̣. жид̇д̇уббаад̣̇аган̣д̣ан̃хи вид̇т̇аарад̣̇зсанаа, адтагат̇ааган̣д̣ам̣ сан̇кзбад̣̇зсанаа. ид̣̇ам̣ бана нигкзбаган̣д̣ам̣ жид̇д̇уббаад̣̇аган̣д̣ам̣ убаад̣̇ааяа сан̇кзбо, адтагат̇ааган̣д̣ам̣ убаад̣̇ааяа вид̇т̇аарод̇и сан̇кид̇д̇авид̇т̇аарад̇хаад̇угам̣ ход̇и. д̇аяид̣̇ам̣, вид̇т̇аарад̣̇зсанам̣ нигкибид̇ваа д̣̇зсид̇ад̇д̇ааби, хздтаа вуд̇д̇агааран̣авасзнааби, нигкзбаган̣д̣ам̣ наамаад̇и взд̣̇ид̇аб̣б̣ам̣. вуд̇д̇ан̃хзд̇ам̣ –
985. Ettāvatā kusalattiko sabbesaṃ kusalādidhammānaṃ padabhājananayena vitthārito hoti. Yasmā pana yvāyaṃ kusalattikassa vibhajananayo vutto, sesatikadukānampi eseva vibhajananayo hoti – yathā hi ettha, evaṃ ‘katame dhammā sukhāya vedanāya sampayuttā? Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇasampayuttaṃ rūpārammaṇaṃ vā…pe… ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākhandhaṃ, ime dhammā sukhāya vedanāya sampayuttā’tiādinā anukkamena sabbatikadukesu sakkā paṇḍitehi vibhājananayaṃ sallakkhetuṃ – tasmā taṃ vitthāradesanaṃ nikkhipitvā, aññena nātisaṅkhepanātivitthāranayena sabbatikadukadhammavibhāgaṃ dassetuṃ katame dhammā kusalāti nikkhepakaṇḍaṃ āraddhaṃ. Cittuppādakaṇḍañhi vitthāradesanā, aṭṭhakathākaṇḍaṃ saṅkhepadesanā. Idaṃ pana nikkhepakaṇḍaṃ cittuppādakaṇḍaṃ upādāya saṅkhepo, aṭṭhakathākaṇḍaṃ upādāya vitthāroti saṅkhittavitthāradhātukaṃ hoti. Tayidaṃ, vitthāradesanaṃ nikkhipitvā desitattāpi, heṭṭhā vuttakāraṇavasenāpi, nikkhepakaṇḍaṃ nāmāti veditabbaṃ. Vuttañhetaṃ –
муулад̇о канд̇хад̇о жааби, д̣̇ваарад̇о жааби бхуумид̇о;
Mūlato khandhato cāpi, dvārato cāpi bhūmito;
ад̇т̇ад̇о д̇хаммад̇о жааби, наамад̇о жааби лин̇г̇ад̇о;
Atthato dhammato cāpi, nāmato cāpi liṅgato;
нигкибид̇ваа д̣̇зсид̇ад̇д̇аа, нигкзбод̇и бавужжад̇ийд̇и.
Nikkhipitvā desitattā, nikkhepoti pavuccatīti.
ид̣̇ан̃хи д̇ийн̣и гусаламуулаанийд̇иаад̣̇инаа наязна муулад̇о нигкибид̇ваа д̣̇зсид̇ам̣. д̇ам̣самбаяуд̇д̇о взд̣̇анаагканд̇ход̇и канд̇хад̇о. д̇ам̣самудтаанам̣ гааяагамманд̇и д̣̇ваарад̇о. гааяад̣̇ваараббавад̇д̇ан̃хи гаммам̣ гааяагамманд̇и вужжад̇и. сукабхуумияам̣, гаамааважарзд̇и бхуумид̇о нигкибид̇ваа д̣̇зсид̇ам̣. д̇ад̇т̇а д̇ад̇т̇а ад̇т̇ад̇хамманаамалин̇г̇аанам̣ васзна д̣̇зсид̇ад̇д̇аа ад̇т̇аад̣̇ийхи нигкибид̇ваа д̣̇зсид̇ам̣ наамаад̇и взд̣̇ид̇аб̣б̣ам̣.
Idañhi tīṇi kusalamūlānītiādinā nayena mūlato nikkhipitvā desitaṃ. Taṃsampayutto vedanākkhandhoti khandhato. Taṃsamuṭṭhānaṃ kāyakammanti dvārato. Kāyadvārappavattañhi kammaṃ kāyakammanti vuccati. Sukhabhūmiyaṃ, kāmāvacareti bhūmito nikkhipitvā desitaṃ. Tattha tattha atthadhammanāmaliṅgānaṃ vasena desitattā atthādīhi nikkhipitvā desitaṃ nāmāti veditabbaṃ.
д̇ад̇т̇а гусалабад̣̇анид̣̇д̣̇зсз д̇аава д̇ийн̣ийд̇и г̇ан̣анабарижчзд̣̇о. гусалаани жа д̇аани муулаани жа, гусалаанам̣ ваа д̇хаммаанам̣ хзд̇убажжаяабабхаваж̇анагасамудтаананиб̣б̣ад̇д̇агадтзна муулаанийд̇и гусаламуулаани. звам̣ ад̇т̇авасзна д̣̇ассзд̇ваа ид̣̇аани наамавасзна д̣̇ассзд̇ум̣ алобхо ад̣̇осо амоход̇и ааха. зд̇д̇аавад̇аа яасмаа муулзна муд̇д̇ам̣ гусалам̣ наама над̇т̇и, д̇асмаа жад̇убхуумагагусалам̣ д̇ийхи муулзхи барияаад̣̇ияид̇ваа д̣̇ассзси д̇хаммарааж̇аа. д̇ам̣самбаяуд̇д̇од̇и д̇зхи алобхаад̣̇ийхи самбаяуд̇д̇о. д̇ад̇т̇а алобхзна самбаяуд̇д̇з сан̇каарагканд̇хз, ад̣̇осаамохааби алобхзна самбаяуд̇д̇асан̇каарагканд̇хаг̇ан̣анам̣язва г̇ажчанд̇и. сзсад̣̇ваяавасзна самбаяог̇зби зсзва наяо. ид̇и жад̇убхуумагагусалам̣ буна д̇ам̣самбаяуд̇д̇агажад̇угканд̇хавасзна барияаад̣̇ияид̇ваа д̣̇ассзси д̇хаммарааж̇аа. д̇ам̣самудтаананд̇и д̇зхи алобхаад̣̇ийхи самудтид̇ам̣. иминааби наязна д̇ад̣̇зва жад̇убхуумигагусалам̣ д̇ин̣н̣ам̣ гаммад̣̇ваараанам̣ васзна барияаад̣̇ияид̇ваа д̣̇ассзси д̇хаммарааж̇аа. звам̣ д̇аава гусалам̣ д̇ийсу таанзсу барияаад̣̇ияид̇ваа д̣̇ассид̇ам̣.
Tattha kusalapadaniddese tāva tīṇīti gaṇanaparicchedo. Kusalāni ca tāni mūlāni ca, kusalānaṃ vā dhammānaṃ hetupaccayapabhavajanakasamuṭṭhānanibbattakaṭṭhena mūlānīti kusalamūlāni. Evaṃ atthavasena dassetvā idāni nāmavasena dassetuṃ alobho adoso amohoti āha. Ettāvatā yasmā mūlena muttaṃ kusalaṃ nāma natthi, tasmā catubhūmakakusalaṃ tīhi mūlehi pariyādiyitvā dassesi dhammarājā. Taṃsampayuttoti tehi alobhādīhi sampayutto. Tattha alobhena sampayutte saṅkhārakkhandhe, adosāmohāpi alobhena sampayuttasaṅkhārakkhandhagaṇanaṃyeva gacchanti. Sesadvayavasena sampayogepi eseva nayo. Iti catubhūmakakusalaṃ puna taṃsampayuttakacatukkhandhavasena pariyādiyitvā dassesi dhammarājā. Taṃsamuṭṭhānanti tehi alobhādīhi samuṭṭhitaṃ. Imināpi nayena tadeva catubhūmikakusalaṃ tiṇṇaṃ kammadvārānaṃ vasena pariyādiyitvā dassesi dhammarājā. Evaṃ tāva kusalaṃ tīsu ṭhānesu pariyādiyitvā dassitaṃ.
986. агусалзби зсзва наяо. д̣̇ваад̣̇асаннан̃хи агусалажид̇д̇аанам̣ згамби муулзна муд̇д̇ам̣ наама над̇т̇ийд̇и муулзна барияаад̣̇ияид̇ваа д̣̇ассзси д̇хаммарааж̇аа. д̇ам̣самбаяуд̇д̇ажад̇угканд̇хад̇о жа уд̣̇д̇хам̣ агусалам̣ наама над̇т̇ийд̇и д̇аанзва д̣̇ваад̣̇аса агусалажид̇д̇аани жад̇угканд̇хавасзна барияаад̣̇ияид̇ваа д̣̇ассзси. д̇хаммарааж̇аа гааяагаммаад̣̇ивасзна бана нзсам̣ бавад̇д̇исаб̣бхаавад̇о гаммад̣̇вааравасзна барияаад̣̇ияид̇ваа д̣̇ассзси д̇хаммарааж̇аа. яам̣ банзд̇т̇а д̇ад̣̇згадтаа жа гилзсаад̇иаад̣̇и вуд̇д̇ам̣, д̇ад̇т̇а згасмим̣ жид̇д̇з буг̇г̇алз ваа тид̇анд̇и ‘згадтам̣’. д̇ад̇т̇а згасмим̣ жид̇д̇з тид̇ам̣ сахаж̇згадтам̣ наама ход̇и. згасмим̣ буг̇г̇алз тид̇ам̣ бахаанзгадтам̣ наама. д̇зна лобхаад̣̇инаа ан̃н̃зна ваа д̇ад̇т̇а д̇ад̇т̇а нид̣̇д̣̇идтзна саха згасмим̣ тид̇анд̇и д̇ад̣̇згадтам̣. д̇ад̇т̇а ‘гад̇амз д̇хаммаа сам̣гилидтасам̣гилзсигаа? д̇ийн̣и агусаламуулаани – лобхо д̣̇осо мохо, д̇ад̣̇згадтаа жа гилзсаа’д̇и сам̣гилидтад̇д̇игз; ‘гад̇амз д̇хаммаа хийнаа? д̇ийн̣и агусаламуулаани – лобхо д̣̇осо мохо, д̇ад̣̇згадтаа жа гилзсаа’д̇и хийнад̇д̇игз ‘гад̇амз д̇хаммаа агусалаа? д̇ийн̣и агусаламуулаани – лобхо д̣̇осо мохо, д̇ад̣̇згадтаа жа гилзсаа’д̇и имасмим̣ гусалад̇д̇игз; ‘гад̇амз д̇хаммаа сам̣гилидтаа? д̇ийн̣и агусаламуулаани – лобхо д̣̇осо мохо, д̇ад̣̇згадтаа жа гилзсаа’д̇и гилзсаг̇ожчагз ‘гад̇амз д̇хаммаа саран̣аа? д̇ийн̣и агусаламуулаани – лобхо д̣̇осо мохо, д̇ад̣̇згадтаа жа гилзсаад̇и саран̣ад̣̇угз’д̇и – имзсу зд̇д̇агзсу таанзсу ‘сахаж̇згадтам̣’ ааг̇ад̇ам̣.
986. Akusalepi eseva nayo. Dvādasannañhi akusalacittānaṃ ekampi mūlena muttaṃ nāma natthīti mūlena pariyādiyitvā dassesi dhammarājā. Taṃsampayuttacatukkhandhato ca uddhaṃ akusalaṃ nāma natthīti tāneva dvādasa akusalacittāni catukkhandhavasena pariyādiyitvā dassesi. Dhammarājā kāyakammādivasena pana nesaṃ pavattisabbhāvato kammadvāravasena pariyādiyitvā dassesi dhammarājā. Yaṃ panettha tadekaṭṭhā ca kilesātiādi vuttaṃ, tattha ekasmiṃ citte puggale vā ṭhitanti ‘ekaṭṭhaṃ’. Tattha ekasmiṃ citte ṭhitaṃ sahajekaṭṭhaṃ nāma hoti. Ekasmiṃ puggale ṭhitaṃ pahānekaṭṭhaṃ nāma. Tena lobhādinā aññena vā tattha tattha niddiṭṭhena saha ekasmiṃ ṭhitanti tadekaṭṭhaṃ. Tattha ‘katame dhammā saṃkiliṭṭhasaṃkilesikā? Tīṇi akusalamūlāni – lobho doso moho, tadekaṭṭhā ca kilesā’ti saṃkiliṭṭhattike; ‘katame dhammā hīnā? Tīṇi akusalamūlāni – lobho doso moho, tadekaṭṭhā ca kilesā’ti hīnattike ‘katame dhammā akusalā? Tīṇi akusalamūlāni – lobho doso moho, tadekaṭṭhā ca kilesā’ti imasmiṃ kusalattike; ‘katame dhammā saṃkiliṭṭhā? Tīṇi akusalamūlāni – lobho doso moho, tadekaṭṭhā ca kilesā’ti kilesagocchake ‘katame dhammā saraṇā? Tīṇi akusalamūlāni – lobho doso moho, tadekaṭṭhā ca kilesāti saraṇaduke’ti – imesu ettakesu ṭhānesu ‘sahajekaṭṭhaṃ’ āgataṃ.
д̣̇ассанзнабахаад̇аб̣б̣ад̇д̇игз бана ‘имаани д̇ийн̣и сам̣яож̇анаани, д̇ад̣̇згадтаа жа гилзсаа’д̇и, д̣̇ассанзнабахаад̇аб̣б̣ахзд̇угад̇д̇игзби ‘имаани д̇ийн̣и сам̣яож̇анаани, д̇ад̣̇згадтаа жа гилзсаа’д̇и, буна д̇ад̇т̇зва д̇ийн̣и сам̣яож̇анаани – саггааяад̣̇идти вижигижчаа сийлаб̣б̣ад̇абараамаасо, имз д̇хаммаа д̣̇ассанзнабахаад̇аб̣б̣аа; д̇ад̣̇згадто лобхо д̣̇осо мохо, имз д̇хаммаа д̣̇ассанзнабахаад̇аб̣б̣ахзд̇уу; д̇ад̣̇згадтаа жа гилзсаа д̇ам̣самбаяуд̇д̇о взд̣̇анааканд̇хо…бз… вин̃н̃аан̣агканд̇хо, д̇ам̣самудтаанам̣ гааяагаммам̣ важийгаммам̣ маногаммам̣, имз д̇хаммаа д̣̇ассанзнабахаад̇аб̣б̣ахзд̇угаад̇и; саммаббад̇хаанавибхан̇г̇з ‘‘д̇ад̇т̇а гад̇амз баабагаа агусалаа д̇хаммаа? д̇ийн̣и агусаламуулаани – лобхо д̣̇осо мохо, д̇ад̣̇згадтаа жа гилзсаа’’д̇и (вибха. 391) – имзсу бана зд̇д̇агзсу таанзсу ‘бахаанзгадтам̣’ ааг̇ад̇анд̇и взд̣̇ид̇аб̣б̣ам̣.
Dassanenapahātabbattike pana ‘imāni tīṇi saṃyojanāni, tadekaṭṭhā ca kilesā’ti, dassanenapahātabbahetukattikepi ‘imāni tīṇi saṃyojanāni, tadekaṭṭhā ca kilesā’ti, puna tattheva tīṇi saṃyojanāni – sakkāyadiṭṭhi vicikicchā sīlabbataparāmāso, ime dhammā dassanenapahātabbā; tadekaṭṭho lobho doso moho, ime dhammā dassanenapahātabbahetū; tadekaṭṭhā ca kilesā taṃsampayutto vedanākhandho…pe… viññāṇakkhandho, taṃsamuṭṭhānaṃ kāyakammaṃ vacīkammaṃ manokammaṃ, ime dhammā dassanenapahātabbahetukāti; sammappadhānavibhaṅge ‘‘tattha katame pāpakā akusalā dhammā? Tīṇi akusalamūlāni – lobho doso moho, tadekaṭṭhā ca kilesā’’ti (vibha. 391) – imesu pana ettakesu ṭhānesu ‘pahānekaṭṭhaṃ’ āgatanti veditabbaṃ.
987. аб̣яаагад̇абад̣̇анид̣̇д̣̇зсо уд̇д̇аанад̇т̇оязваад̇и. имасмим̣ д̇игз д̇ийн̣и лагкан̣аани д̇иссо бан̃н̃ад̇д̇ияо гасин̣уг̇гхаадимаагаасам̣ аж̇адаагаасам̣ аагин̃жан̃н̃ааяад̇анасса аарамман̣ам̣ нирод̇хасамаабад̇д̇и жа на лаб̣бхад̇ийд̇и вуд̇д̇ам̣.
987. Abyākatapadaniddeso uttānatthoyevāti. Imasmiṃ tike tīṇi lakkhaṇāni tisso paññattiyo kasiṇugghāṭimākāsaṃ ajaṭākāsaṃ ākiñcaññāyatanassa ārammaṇaṃ nirodhasamāpatti ca na labbhatīti vuttaṃ.
988. взд̣̇анаад̇д̇иганид̣̇д̣̇зсз сукабхуумияанд̇и зд̇т̇а яат̇аа д̇амб̣абхууми ган̣хабхуумийд̇и д̇амб̣аган̣хабхуумияова вужжанд̇и, звам̣ сукамби сукабхууми наама. яат̇аа ужчубхууми саалибхуумийд̇и ужчусаалийнам̣ уббаж̇ж̇анадтаанаани вужжанд̇и, звам̣ сукасса уббаж̇ж̇анадтаанам̣ жид̇д̇амби сукабхууми наама. д̇ам̣ ид̇ха ад̇хиббзд̇ам̣. яасмаа бана саа гаамааважарз ваа ход̇и, руубааважараад̣̇ийсу ваа, д̇асмаассаа д̇ам̣ бабхзд̣̇ам̣ д̣̇ассзд̇ум̣ гаамааважарзд̇иаад̣̇и вуд̇д̇ам̣. сукавзд̣̇анам̣ табзд̇ваад̇и яаа саа сукабхуумияам̣ сукавзд̣̇анаа, д̇ам̣ табзд̇ваа. д̇ам̣самбаяуд̇д̇од̇и д̇ааяа табид̇ааяа сукавзд̣̇анааяа самбаяуд̇д̇о. сзсабад̣̇ад̣̇ваязби иминаава наязна ад̇т̇о взд̣̇ид̇аб̣б̣од̇и.
988. Vedanāttikaniddese sukhabhūmiyanti ettha yathā tambabhūmi kaṇhabhūmīti tambakaṇhabhūmiyova vuccanti, evaṃ sukhampi sukhabhūmi nāma. Yathā ucchubhūmi sālibhūmīti ucchusālīnaṃ uppajjanaṭṭhānāni vuccanti, evaṃ sukhassa uppajjanaṭṭhānaṃ cittampi sukhabhūmi nāma. Taṃ idha adhippetaṃ. Yasmā pana sā kāmāvacare vā hoti, rūpāvacarādīsu vā, tasmāssā taṃ pabhedaṃ dassetuṃ kāmāvacaretiādi vuttaṃ. Sukhavedanaṃ ṭhapetvāti yā sā sukhabhūmiyaṃ sukhavedanā, taṃ ṭhapetvā. Taṃsampayuttoti tāya ṭhapitāya sukhavedanāya sampayutto. Sesapadadvayepi imināva nayena attho veditabboti.
имасмим̣ д̇игз д̇иссо взд̣̇анаа, саб̣б̣ам̣ руубам̣, ниб̣б̣аананд̇и ид̣̇амби на лаб̣бхад̇и. аяан̃хи д̇иго гусалад̇д̇игз жа алаб̣бхамаанзхи имзхи жа д̇ийхи годтаасзхи муд̇д̇аго наама. ид̇о барзсу бана д̇игад̣̇угзсу баал̣ид̇о жа ад̇т̇ад̇о жа яам̣ вад̇д̇аб̣б̣ам̣ сияаа д̇ам̣ саб̣б̣ам̣ бад̣̇аануггамзна маад̇игаагат̇ааяан̃жзва гусалаад̣̇ийнам̣ нид̣̇д̣̇зсз жа вуд̇д̇амзва. яам̣ бана яад̇т̇а висзсамад̇д̇ам̣ д̇ад̣̇зва вагкаама.
Imasmiṃ tike tisso vedanā, sabbaṃ rūpaṃ, nibbānanti idampi na labbhati. Ayañhi tiko kusalattike ca alabbhamānehi imehi ca tīhi koṭṭhāsehi muttako nāma. Ito paresu pana tikadukesu pāḷito ca atthato ca yaṃ vattabbaṃ siyā taṃ sabbaṃ padānukkamena mātikākathāyañceva kusalādīnaṃ niddese ca vuttameva. Yaṃ pana yattha visesamattaṃ tadeva vakkhāma.
991. д̇ад̇т̇а вибаагад̇д̇игз д̇аава гин̃жааби аруубад̇хаммаа вияа руубад̇хаммааби гаммасамудтаанаа ад̇т̇и, анаарамман̣ад̇д̇аа бана д̇з гаммасаригкагаа на хонд̇ийд̇и саарамман̣аа аруубад̇хаммаава гаммасаригкагад̇д̇аа вибаагаад̇и вуд̇д̇аа, б̣ийж̇асаригкагам̣ палам̣ вияа. саалиб̣ийж̇асмин̃хи вабид̇з ан̇гурабад̇д̇аад̣̇ийсу нигканд̇зсуби саалипаланд̇и на вужжад̇и. яад̣̇аа бана саалисийсам̣ баггам̣ ход̇и барин̣ад̇ам̣, д̇ад̣̇аа б̣ийж̇асаригкаго саали зва саалипаланд̇и вужжад̇и. ан̇гурабад̇д̇аад̣̇ийни бана б̣ийж̇аж̇аад̇аани б̣ийж̇ад̇о ниб̣б̣ад̇д̇аанийд̇и вужжанд̇и, звамзва руубамби гаммаж̇анд̇и ваа убаад̣̇ин̣н̣анд̇и ваа вад̇д̇ум̣ ваддад̇и.
991. Tattha vipākattike tāva kiñcāpi arūpadhammā viya rūpadhammāpi kammasamuṭṭhānā atthi, anārammaṇattā pana te kammasarikkhakā na hontīti sārammaṇā arūpadhammāva kammasarikkhakattā vipākāti vuttā, bījasarikkhakaṃ phalaṃ viya. Sālibījasmiñhi vapite aṅkurapattādīsu nikkhantesupi sāliphalanti na vuccati. Yadā pana sālisīsaṃ pakkaṃ hoti pariṇataṃ, tadā bījasarikkhako sāli eva sāliphalanti vuccati. Aṅkurapattādīni pana bījajātāni bījato nibbattānīti vuccanti, evameva rūpampi kammajanti vā upādiṇṇanti vā vattuṃ vaṭṭati.
994. убаад̣̇ин̣н̣ад̇д̇игз гин̃жааби кийн̣аасавасса канд̇хаа ‘амхаагам̣ маад̇улад̇т̇зро амхаагам̣ жуул̣абид̇уд̇т̇зро’д̇и вад̣̇анд̇аанам̣ барзсам̣ убаад̣̇аанасса бажжаяаа хонд̇и, маг̇г̇апаланиб̣б̣аанаани бана аг̇г̇ахид̇аани абараамадтаани анубаад̣̇ин̣н̣аанзва. д̇аани хи, яат̇аа д̣̇ивасам̣ санд̇ад̇д̇о аяог̇ул̣о магкигаанам̣ абхинисийд̣̇анасса бажжаяо на ход̇и, звамзва д̇зж̇уссад̣̇ад̇д̇аа д̇ан̣хаамаанад̣̇идтивасзна г̇ахан̣асса бажжаяаа на хонд̇и. д̇зна вуд̇д̇ам̣ – имз д̇хаммаа анубаад̣̇ин̣н̣аанубаад̣̇аанияаад̇и.
994. Upādiṇṇattike kiñcāpi khīṇāsavassa khandhā ‘amhākaṃ mātulatthero amhākaṃ cūḷapitutthero’ti vadantānaṃ paresaṃ upādānassa paccayā honti, maggaphalanibbānāni pana aggahitāni aparāmaṭṭhāni anupādiṇṇāneva. Tāni hi, yathā divasaṃ santatto ayoguḷo makkhikānaṃ abhinisīdanassa paccayo na hoti, evameva tejussadattā taṇhāmānadiṭṭhivasena gahaṇassa paccayā na honti. Tena vuttaṃ – ime dhammā anupādiṇṇaanupādāniyāti.
998. асам̣гилидтаасам̣гилзсигзсуби зсзва наяо.
998. Asaṃkiliṭṭhaasaṃkilesikesupi eseva nayo.
1000. вид̇аггад̇д̇игз вид̇аггасахаж̇аад̇зна вижаарзна сад̣̇д̇хим̣ гусалад̇д̇игз алаб̣бхамаанаава на лаб̣бханд̇и.
1000. Vitakkattike vitakkasahajātena vicārena saddhiṃ kusalattike alabbhamānāva na labbhanti.
1003. бийд̇исахаг̇ад̇ад̇д̇игз бийд̇иаад̣̇аяо ад̇д̇анаа сахаж̇аад̇ад̇хаммаанам̣ бийд̇исахаг̇ад̇аад̣̇ибхаавам̣ д̣̇ад̇ваа саяам̣ бидтиваддагаа ж̇аад̇аа. имасмин̃хи д̇игз д̣̇вз д̣̇оманассасахаг̇ад̇ажид̇д̇уббаад̣̇аа д̣̇угкасахаг̇ад̇ам̣ гааяавин̃н̃аан̣ам̣ убзгкаавзд̣̇анаа руубам̣ ниб̣б̣аананд̇и – ид̣̇амби на лаб̣бхад̇и. аяан̃хи д̇иго гусалад̇д̇игз жа алаб̣бхамаанзхи имзхи жа бан̃жахи годтаасзхи муд̇д̇аго наама.
1003. Pītisahagatattike pītiādayo attanā sahajātadhammānaṃ pītisahagatādibhāvaṃ datvā sayaṃ piṭṭhivaṭṭakā jātā. Imasmiñhi tike dve domanassasahagatacittuppādā dukkhasahagataṃ kāyaviññāṇaṃ upekkhāvedanā rūpaṃ nibbānanti – idampi na labbhati. Ayañhi tiko kusalattike ca alabbhamānehi imehi ca pañcahi koṭṭhāsehi muttako nāma.
1006. д̣̇ассанзнабахаад̇аб̣б̣ад̇д̇игз сан̃н̃ож̇анаанийд̇и б̣анд̇ханаани. саггааяад̣̇идтийд̇и виж̇ж̇амаанадтзна сад̇и канд̇хабан̃жагасан̇каад̇з гааяз; саяам̣ ваа сад̇ий д̇асмим̣ гааяз д̣̇идтийд̇и ‘саггааяад̣̇идти’. сийлзна суж̇жхид̇ум̣ саггаа, вад̇зна суж̇жхид̇ум̣ саггаа, сийлавад̇зхи суж̇жхид̇ум̣ саггаад̇и г̇ахид̇асамаад̣̇аанам̣ бана сийлаб̣б̣ад̇абараамаасо наама.
1006. Dassanenapahātabbattike saññojanānīti bandhanāni. Sakkāyadiṭṭhīti vijjamānaṭṭhena sati khandhapañcakasaṅkhāte kāye; sayaṃ vā satī tasmiṃ kāye diṭṭhīti ‘sakkāyadiṭṭhi’. Sīlena sujjhituṃ sakkā, vatena sujjhituṃ sakkā, sīlavatehi sujjhituṃ sakkāti gahitasamādānaṃ pana sīlabbataparāmāso nāma.
1007. ид̇хаад̇и д̣̇зсаабад̣̇зсз нибаад̇о. свааяам̣ гад̇т̇ажи логам̣ убаад̣̇ааяа вужжад̇и. яат̇ааха – ‘‘ид̇ха д̇ат̇ааг̇ад̇о логз уббаж̇ж̇ад̇ий’’д̇и (д̣̇ий. ни. 1.189). гад̇т̇ажи саасанам̣. яат̇ааха – ‘‘ид̇хзва, бхигкавз, саман̣о ид̇ха д̣̇уд̇ияо саман̣о’’д̇и (ма. ни. 1.139; а. ни. 4.241). гад̇т̇ажи огаасам̣. яат̇ааха –
1007. Idhāti desāpadese nipāto. Svāyaṃ katthaci lokaṃ upādāya vuccati. Yathāha – ‘‘idha tathāgato loke uppajjatī’’ti (dī. ni. 1.189). Katthaci sāsanaṃ. Yathāha – ‘‘idheva, bhikkhave, samaṇo idha dutiyo samaṇo’’ti (ma. ni. 1.139; a. ni. 4.241). Katthaci okāsaṃ. Yathāha –
‘‘ид̇хзва д̇идтамаанасса, д̣̇звабхууд̇асса мз сад̇о;
‘‘Idheva tiṭṭhamānassa, devabhūtassa me sato;
бунарааяу жа мз лад̣̇д̇хо, звам̣ ж̇аанаахи маарисаа’’д̇и. (д̣̇ий. ни. 2.369);
Punarāyu ca me laddho, evaṃ jānāhi mārisā’’ti. (dī. ni. 2.369);
гад̇т̇ажи бад̣̇абууран̣амад̇д̇амзва. яат̇ааха – ‘‘ид̇хаахам̣, бхигкавз, бхуд̇д̇аавий ассам̣ баваарид̇о’’д̇и (ма. ни. 1.30). ид̇ха бана логам̣ убаад̣̇ааяа вуд̇д̇од̇и взд̣̇ид̇аб̣б̣о.
Katthaci padapūraṇamattameva. Yathāha – ‘‘idhāhaṃ, bhikkhave, bhuttāvī assaṃ pavārito’’ti (ma. ni. 1.30). Idha pana lokaṃ upādāya vuttoti veditabbo.
ассуд̇аваа бут̇уж̇ж̇анод̇и зд̇т̇а бана ‘ааг̇амаад̇хиг̇амаабхааваа н̃зяяо ассуд̇аваа ид̇и’. яасса хи канд̇хад̇хаад̇уааяад̇анабажжаяаагаарасад̇ибадтаанаад̣̇ийсу уг̇г̇ахабарибужчаавинижчаяарахид̇ад̇д̇аа д̣̇идтибадисзд̇хаго нзва ‘ааг̇амо’, бадибад̇д̇ияаа ад̇хиг̇анд̇аб̣б̣асса анад̇хиг̇ад̇ад̇д̇аа нзва ‘ад̇хиг̇амо’ ад̇т̇и, со ‘ааг̇амаад̇хиг̇амаабхааваа н̃зяяо ассуд̇аваа ид̇и’. свааяам̣ –
Assutavā puthujjanoti ettha pana ‘āgamādhigamābhāvā ñeyyo assutavā iti’. Yassa hi khandhadhātuāyatanapaccayākārasatipaṭṭhānādīsu uggahaparipucchāvinicchayarahitattā diṭṭhipaṭisedhako neva ‘āgamo’, paṭipattiyā adhigantabbassa anadhigatattā neva ‘adhigamo’ atthi, so ‘āgamādhigamābhāvā ñeyyo assutavā iti’. Svāyaṃ –
бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;
Puthūnaṃ jananādīhi, kāraṇehi puthujjano;
бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и. (д̣̇ий. ни. адта. 1.7; ма. ни. адта. 1.2; а. ни. адта. 1.1.51; бади. ма. адта. 2.1.130; жуул̣ани. адта. 88; нзд̇д̇и. адта. 56);
Puthujjanantogadhattā, puthuvāyaṃ jano iti. (dī. ni. aṭṭha. 1.7; ma. ni. aṭṭha. 1.2; a. ni. aṭṭha. 1.1.51; paṭi. ma. aṭṭha. 2.1.130; cūḷani. aṭṭha. 88; netti. aṭṭha. 56);
со хи бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇ийхи гааран̣зхи бут̇уж̇ж̇ано. яат̇ааха – ‘‘бут̇у гилзсз ж̇анзнд̇ийд̇и бут̇уж̇ж̇анаа. бут̇у авихад̇асаггааяад̣̇идтигаад̇и бут̇уж̇ж̇анаа. бут̇у сад̇т̇аараанам̣ мукуллогигаад̇и бут̇уж̇ж̇анаа. бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа. бут̇у наанаабхисан̇каарз абхисан̇каронд̇ийд̇и бут̇уж̇ж̇анаа. бут̇у наанааогхзхи вуяханд̇ийд̇и бут̇уж̇ж̇анаа. бут̇у наанаасанд̇аабзхи санд̇аббанд̇ийд̇и бут̇уж̇ж̇анаа. бут̇у наанаабарил̣аахзхи барид̣аяханд̇ийд̇и бут̇уж̇ж̇анаа. бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаад̇и бут̇уж̇ж̇анаа. бут̇у бан̃жахи нийваран̣зхи аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и бут̇уж̇ж̇анаа’’д̇и (махаани. 94). бут̇уунам̣ ваа г̇ан̣анабат̇амад̇ийд̇аанам̣ арияад̇хаммабараммукаанам̣ нийжад̇хаммасамаажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇анаа. бут̇у ваа аяам̣ – висум̣язва сан̇кяам̣ г̇ад̇о, висам̣садто сийласуд̇аад̣̇иг̇ун̣аяуд̇д̇зхи ариязхи – ж̇анод̇иби бут̇уж̇ж̇ано. звамзд̇зхи ‘ассуд̇аваа бут̇уж̇ж̇ано’д̇и д̣̇вийхи бад̣̇зхи яз д̇з –
So hi puthūnaṃ nānappakārānaṃ kilesādīnaṃ jananādīhi kāraṇehi puthujjano. Yathāha – ‘‘puthu kilese janentīti puthujjanā. Puthu avihatasakkāyadiṭṭhikāti puthujjanā. Puthu satthārānaṃ mukhullokikāti puthujjanā. Puthu sabbagatīhi avuṭṭhitāti puthujjanā. Puthu nānābhisaṅkhāre abhisaṅkharontīti puthujjanā. Puthu nānāoghehi vuyhantīti puthujjanā. Puthu nānāsantāpehi santappantīti puthujjanā. Puthu nānāpariḷāhehi pariḍayhantīti puthujjanā. Puthu pañcasu kāmaguṇesu rattā giddhā gadhitā mucchitā ajjhosannā laggā laggitā palibuddhāti puthujjanā. Puthu pañcahi nīvaraṇehi āvutā nivutā ovutā pihitā paṭicchannā paṭikujjitāti puthujjanā’’ti (mahāni. 94). Puthūnaṃ vā gaṇanapathamatītānaṃ ariyadhammaparammukhānaṃ nīcadhammasamācārānaṃ janānaṃ antogadhattāpi puthujjanā. Puthu vā ayaṃ – visuṃyeva saṅkhyaṃ gato, visaṃsaṭṭho sīlasutādiguṇayuttehi ariyehi – janotipi puthujjano. Evametehi ‘assutavā puthujjano’ti dvīhi padehi ye te –
‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
‘‘Duve puthujjanā vuttā, buddhenādiccabandhunā;
анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. (д̣̇ий. ни. адта. 1.7; а. ни. адта. 1.1.51; бади. ма. адта. 2.1.130; жуул̣ани. адта. 88);
Andho puthujjano eko, kalyāṇeko puthujjano’’ti. (dī. ni. aṭṭha. 1.7; a. ni. aṭṭha. 1.1.51; paṭi. ma. aṭṭha. 2.1.130; cūḷani. aṭṭha. 88);
д̣̇вз бут̇уж̇ж̇анаа вуд̇д̇аа, д̇зсу анд̇хабут̇уж̇ж̇ано вуд̇д̇о ход̇ийд̇и взд̣̇ид̇аб̣б̣о.
Dve puthujjanā vuttā, tesu andhaputhujjano vutto hotīti veditabbo.
арияаанам̣ ад̣̇ассаавийд̇иаад̣̇ийсу арияаад̇и аарагад̇д̇аа гилзсзхи, анаяз на ирияанад̇о, аяз ирияанад̇о, сад̣̇звагзна логзна жа аран̣ийяад̇о б̣уд̣̇д̇хаа жа бажжзгаб̣уд̣̇д̇хаа жа б̣уд̣̇д̇хасаавагаа жа вужжанд̇и. б̣уд̣̇д̇хаа зва ваа ид̇ха арияаа. яат̇ааха – ‘‘сад̣̇звагз, бхигкавз, логз…бз… д̇ат̇ааг̇ад̇о арияод̇и вужжад̇ий’’д̇и (сам̣. ни. 5.1098).
Ariyānaṃ adassāvītiādīsu ariyāti ārakattā kilesehi, anaye na iriyanato, aye iriyanato, sadevakena lokena ca araṇīyato buddhā ca paccekabuddhā ca buddhasāvakā ca vuccanti. Buddhā eva vā idha ariyā. Yathāha – ‘‘sadevake, bhikkhave, loke…pe… tathāgato ariyoti vuccatī’’ti (saṃ. ni. 5.1098).
саббурисаад̇и зд̇т̇а бана бажжзгаб̣уд̣̇д̇хаа д̇ат̇ааг̇ад̇асаавагаа жа саббурисаад̇и взд̣̇ид̇аб̣б̣аа. д̇з хи логуд̇д̇араг̇ун̣аяог̇зна собханаа бурисаад̇и саббурисаа. саб̣б̣зва ваа зд̇з д̣̇взд̇хааби вуд̇д̇аа. б̣уд̣̇д̇хааби хи арияаа жа саббурисаа жа бажжзгаб̣уд̣̇д̇хаа б̣уд̣̇д̇хасаавагааби. яат̇ааха –
Sappurisāti ettha pana paccekabuddhā tathāgatasāvakā ca sappurisāti veditabbā. Te hi lokuttaraguṇayogena sobhanā purisāti sappurisā. Sabbeva vā ete dvedhāpi vuttā. Buddhāpi hi ariyā ca sappurisā ca paccekabuddhā buddhasāvakāpi. Yathāha –
‘‘яо вз гад̇ан̃н̃уу гад̇авзд̣̇и д̇хийро,
‘‘Yo ve kataññū katavedi dhīro,
галяаан̣амид̇д̇о д̣̇ал̣хабхад̇д̇и жа ход̇и;
Kalyāṇamitto daḷhabhatti ca hoti;
д̣̇укид̇асса саггажжа гарод̇и гижжам̣,
Dukhitassa sakkacca karoti kiccaṃ,
д̇ат̇аавид̇хам̣ саббурисам̣ вад̣̇анд̇ий’’д̇и. (ж̇аа. 2.17.78);
Tathāvidhaṃ sappurisaṃ vadantī’’ti. (jā. 2.17.78);
‘галяаан̣амид̇д̇о д̣̇ал̣хабхад̇д̇и жа ход̇ий’д̇и зд̇д̇аавад̇аа хи б̣уд̣̇д̇хасааваго вуд̇д̇о. гад̇ан̃н̃уд̇аад̣̇ийхи бажжзгаб̣уд̣̇д̇хаа б̣уд̣̇д̇хаад̇и. ид̣̇аани яо д̇зсам̣ арияаанам̣ ад̣̇ассанасийло, на жа д̣̇ассанз саад̇хугаарий, со арияаанам̣ ад̣̇ассаавийд̇и взд̣̇ид̇аб̣б̣о. со жагкунаа ад̣̇ассаавий н̃аан̣зна ад̣̇ассаавийд̇и д̣̇увид̇хо. д̇зсу н̃аан̣зна ад̣̇ассаавий ид̇ха ад̇хиббзд̇о. мам̣сажагкунаа хи д̣̇иб̣б̣ажагкунаа ваа арияаа д̣̇идтааби ад̣̇идтаава хонд̇и, д̇зсам̣ жагкуунам̣ ван̣н̣амад̇д̇аг̇г̇ахан̣ад̇о, на арияабхааваг̇ожарад̇о. сон̣асин̇г̇аалаад̣̇аяоби жагкунаа арияз бассанд̇и, на жа д̇з арияаанам̣ д̣̇ассаавино.
‘Kalyāṇamitto daḷhabhatti ca hotī’ti ettāvatā hi buddhasāvako vutto. Kataññutādīhi paccekabuddhā buddhāti. Idāni yo tesaṃ ariyānaṃ adassanasīlo, na ca dassane sādhukārī, so ariyānaṃ adassāvīti veditabbo. So cakkhunā adassāvī ñāṇena adassāvīti duvidho. Tesu ñāṇena adassāvī idha adhippeto. Maṃsacakkhunā hi dibbacakkhunā vā ariyā diṭṭhāpi adiṭṭhāva honti, tesaṃ cakkhūnaṃ vaṇṇamattaggahaṇato, na ariyabhāvagocarato. Soṇasiṅgālādayopi cakkhunā ariye passanti, na ca te ariyānaṃ dassāvino.
д̇ад̇рид̣̇ам̣ вад̇т̇у – жид̇д̇алабаб̣б̣ад̇аваасино гира кийн̣аасавад̇т̇зрасса убадтааго вуд̣дхабаб̣б̣аж̇ид̇о згад̣̇ивасам̣ т̇зрзна сад̣̇д̇хим̣ бин̣д̣ааяа жарид̇ваа т̇зрасса бад̇д̇ажийварам̣ г̇ахзд̇ваа бидтид̇о ааг̇ажчанд̇о т̇зрам̣ бужчи – ‘арияаа наама бханд̇з гийд̣̇исаа’д̇и? т̇зро ааха – ‘ид̇хзгажжо махаллаго арияаанам̣ бад̇д̇ажийварам̣ г̇ахзд̇ваа вад̇д̇абадибад̇д̇им̣ гад̇ваа саха жаранд̇оби нзва арияз ж̇аанаад̇и, звам̣д̣̇уж̇ж̇аанаавусо, арияаа’д̇и. звам̣ вуд̇д̇зби со нзва ан̃н̃ааси. д̇асмаа на жагкунаа д̣̇ассанам̣ ‘д̣̇ассанам̣’, н̃аан̣ад̣̇ассанамзва ‘д̣̇ассанам̣’. яат̇ааха – ‘‘гим̣ д̇з ваггали иминаа бууд̇игааязна д̣̇идтзна? яо ко, ваггали, д̇хаммам̣ бассад̇и, со мам̣ бассад̇ий’’д̇и (сам̣. ни. 3.87). д̇асмаа жагкунаа бассанд̇оби, н̃аан̣зна ариязхи д̣̇идтам̣ анижжаад̣̇илагкан̣ам̣ абассанд̇о, арияаад̇хиг̇ад̇ан̃жа д̇хаммам̣ анад̇хиг̇ажчанд̇о, арияагарад̇хаммаанам̣ арияабхаавасса жа ад̣̇идтад̇д̇аа, ‘арияаанам̣ ад̣̇ассаавий’д̇и взд̣̇ид̇аб̣б̣о.
Tatridaṃ vatthu – cittalapabbatavāsino kira khīṇāsavattherassa upaṭṭhāko vuḍḍhapabbajito ekadivasaṃ therena saddhiṃ piṇḍāya caritvā therassa pattacīvaraṃ gahetvā piṭṭhito āgacchanto theraṃ pucchi – ‘ariyā nāma bhante kīdisā’ti? Thero āha – ‘idhekacco mahallako ariyānaṃ pattacīvaraṃ gahetvā vattapaṭipattiṃ katvā saha carantopi neva ariye jānāti, evaṃdujjānāvuso, ariyā’ti. Evaṃ vuttepi so neva aññāsi. Tasmā na cakkhunā dassanaṃ ‘dassanaṃ’, ñāṇadassanameva ‘dassanaṃ’. Yathāha – ‘‘kiṃ te vakkali iminā pūtikāyena diṭṭhena? Yo kho, vakkali, dhammaṃ passati, so maṃ passatī’’ti (saṃ. ni. 3.87). Tasmā cakkhunā passantopi, ñāṇena ariyehi diṭṭhaṃ aniccādilakkhaṇaṃ apassanto, ariyādhigatañca dhammaṃ anadhigacchanto, ariyakaradhammānaṃ ariyabhāvassa ca adiṭṭhattā, ‘ariyānaṃ adassāvī’ti veditabbo.
арияад̇хаммасса аговид̣̇од̇и сад̇ибадтаанаад̣̇ибхзд̣̇з арияад̇хаммз агусало. арияад̇хаммз авинийд̇од̇и, зд̇т̇а бана
Ariyadhammassaakovidoti satipaṭṭhānādibhede ariyadhamme akusalo. Ariyadhamme avinītoti, ettha pana
д̣̇увид̇хо винаяо наама, згамзгзд̇т̇а бан̃жад̇хаа;
Duvidho vinayo nāma, ekamekettha pañcadhā;
абхаавад̇о д̇асса аяам̣, авинийд̇од̇и вужжад̇и.
Abhāvato tassa ayaṃ, avinītoti vuccati.
аяан̃хи сам̣варавинаяо бахаанавинаяод̇и д̣̇увид̇хо винаяо. зд̇т̇а жа д̣̇увид̇хзби винаяз згамзго винаяо бан̃жад̇хаа бхиж̇ж̇ад̇и. сам̣варавинаяоби хи сийласам̣варо сад̇исам̣варо н̃аан̣асам̣варо канд̇исам̣варо вийрияасам̣варод̇и бан̃жавид̇хо. бахаанавинаяоби д̇ад̣̇ан̇г̇абахаанам̣ вигкамбханабахаанам̣ самужчзд̣̇абахаанам̣ бадиббассад̣̇д̇хибахаанам̣ ниссаран̣абахаананд̇и бан̃жавид̇хо.
Ayañhi saṃvaravinayo pahānavinayoti duvidho vinayo. Ettha ca duvidhepi vinaye ekameko vinayo pañcadhā bhijjati. Saṃvaravinayopi hi sīlasaṃvaro satisaṃvaro ñāṇasaṃvaro khantisaṃvaro vīriyasaṃvaroti pañcavidho. Pahānavinayopi tadaṅgapahānaṃ vikkhambhanapahānaṃ samucchedapahānaṃ paṭippassaddhipahānaṃ nissaraṇapahānanti pañcavidho.
д̇ад̇т̇а ‘‘иминаа баад̇имогкасам̣варзна убзд̇о ход̇и самубзд̇о’’д̇и (вибха. 511) аяам̣ сийласам̣варо. ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и (д̣̇ий. ни. 1.213; ма. ни. 1.295; сам̣. ни. 4.239; а. ни. 3.16) аяам̣ сад̇исам̣варо.
Tattha ‘‘iminā pātimokkhasaṃvarena upeto hoti samupeto’’ti (vibha. 511) ayaṃ sīlasaṃvaro. ‘‘Rakkhati cakkhundriyaṃ, cakkhundriye saṃvaraṃ āpajjatī’’ti (dī. ni. 1.213; ma. ni. 1.295; saṃ. ni. 4.239; a. ni. 3.16) ayaṃ satisaṃvaro.
‘‘яаани сод̇аани логасмим̣, (аж̇ид̇аад̇и бхаг̇аваа)
‘‘Yāni sotāni lokasmiṃ, (ajitāti bhagavā)
сад̇и д̇зсам̣ нивааран̣ам̣;
Sati tesaṃ nivāraṇaṃ;
сод̇аанам̣ сам̣варам̣ б̣рууми,
Sotānaṃ saṃvaraṃ brūmi,
бан̃н̃ааязд̇з бид̇хийяарз’’д̇и. (су. ни. 1041) –
Paññāyete pidhīyare’’ti. (su. ni. 1041) –
аяам̣ н̃аан̣асам̣варо наама. ‘‘камо ход̇и сийд̇асса ун̣хассаа’’д̇и (ма. ни. 1.24; а. ни. 4.114; 6.58) аяам̣ канд̇исам̣варо. ‘‘уббаннам̣ гаамавид̇аггам̣ наад̇хиваасзд̇ий’’д̇и (ма. ни. 1.26; а. ни. 4.114; 6.58) аяам̣ вийрияасам̣варо. саб̣б̣оби жааяам̣ сам̣варо яат̇аасагам̣ сам̣варид̇аб̣б̣аанам̣ винзд̇аб̣б̣аанан̃жа гааяад̣̇ужжарид̇аад̣̇ийнам̣ сам̣варан̣ад̇о сам̣варо, винаяанад̇о винаяод̇и вужжад̇и. звам̣ д̇аава ‘сам̣варавинаяо’ бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.
Ayaṃ ñāṇasaṃvaro nāma. ‘‘Khamo hoti sītassa uṇhassā’’ti (ma. ni. 1.24; a. ni. 4.114; 6.58) ayaṃ khantisaṃvaro. ‘‘Uppannaṃ kāmavitakkaṃ nādhivāsetī’’ti (ma. ni. 1.26; a. ni. 4.114; 6.58) ayaṃ vīriyasaṃvaro. Sabbopi cāyaṃ saṃvaro yathāsakaṃ saṃvaritabbānaṃ vinetabbānañca kāyaduccaritādīnaṃ saṃvaraṇato saṃvaro, vinayanato vinayoti vuccati. Evaṃ tāva ‘saṃvaravinayo’ pañcadhā bhijjatīti veditabbo.
д̇ат̇аа яам̣ наамаруубабарижчзд̣̇аад̣̇ийсу вибассанаан̃аан̣зсу бадибагкабхаавад̇о, д̣̇ийбаалогзнзва д̇амасса, д̇зна д̇зна вибассанаан̃аан̣зна д̇асса д̇асса анад̇т̇асса бахаанам̣, сзяяат̇ид̣̇ам̣ – наамаруубававад̇т̇аанзна саггааяад̣̇идтияаа, бажжаяабариг̇г̇ахзна ахзд̇увисамахзд̇уд̣̇идтийнам̣, д̇ассзва абарабхааг̇зна ган̇каавид̇аран̣зна гат̇ам̣гат̇ибхаавасса, галаабасаммасанзна ‘ахам̣ мамаа’д̇и г̇аахасса, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанааяа абхирад̇исан̃н̃ааяа, мужжид̇угамяад̇аан̃аан̣зна амужжид̇угаамад̇ааяа, убзгкаан̃аан̣зна анубзгкааяа, ануломзна д̇хаммадтид̇ияам̣ ниб̣б̣аанз жа бадиломабхаавасса, г̇од̇рабхунаа сан̇кааранимид̇д̇аг̇г̇аахасса бахаанам̣, зд̇ам̣ ‘д̇ад̣̇ан̇г̇абахаанам̣’ наама.
Tathā yaṃ nāmarūpaparicchedādīsu vipassanāñāṇesu paṭipakkhabhāvato, dīpālokeneva tamassa, tena tena vipassanāñāṇena tassa tassa anatthassa pahānaṃ, seyyathidaṃ – nāmarūpavavatthānena sakkāyadiṭṭhiyā, paccayapariggahena ahetuvisamahetudiṭṭhīnaṃ, tasseva aparabhāgena kaṅkhāvitaraṇena kathaṃkathibhāvassa, kalāpasammasanena ‘ahaṃ mamā’ti gāhassa, maggāmaggavavatthānena amagge maggasaññāya, udayadassanena ucchedadiṭṭhiyā, vayadassanena sassatadiṭṭhiyā, bhayadassanena sabhaye abhayasaññāya, ādīnavadassanena assādasaññāya, nibbidānupassanāya abhiratisaññāya, muccitukamyatāñāṇena amuccitukāmatāya, upekkhāñāṇena anupekkhāya, anulomena dhammaṭṭhitiyaṃ nibbāne ca paṭilomabhāvassa, gotrabhunā saṅkhāranimittaggāhassa pahānaṃ, etaṃ ‘tadaṅgapahānaṃ’ nāma.
яам̣ бана убажаараббанаабхзд̣̇зна самаад̇хинаа бавад̇д̇ибхааванивааран̣ад̇о, гхадаббахаарзнзва уд̣̇агабидтз сзвааласса, д̇зсам̣ д̇зсам̣ нийваран̣аад̣̇ид̇хаммаанам̣ бахаанам̣, зд̇ам̣ ‘вигкамбханабахаанам̣’ наама. ‘‘яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о ад̇д̇ано ад̇д̇ано санд̇аанз д̣̇идтиг̇ад̇аанам̣ бахаанааяаа’’д̇иаад̣̇инаа (д̇ха. са. 277) наязна вуд̇д̇асса самуд̣̇аяабагкигасса гилзсаг̇ан̣асса ажжанд̇ам̣ аббавад̇д̇ибхаавзна бахаанам̣, ид̣̇ам̣ ‘самужчзд̣̇абахаанам̣’ наама. яам̣ бана палагкан̣з бадиббассад̣̇д̇хад̇д̇ам̣ гилзсаанам̣, зд̇ам̣ ‘бадиббассад̣̇д̇хибахаанам̣’ наама. яам̣ саб̣б̣асан̇кад̇аниссадад̇д̇аа бахийнасаб̣б̣асан̇кад̇ам̣ ниб̣б̣аанам̣, зд̇ам̣ ‘ниссаран̣абахаанам̣’ наама. саб̣б̣амби жзд̇ам̣ бахаанам̣ яасмаа жааг̇адтзна бахаанам̣, винаяанадтзна винаяо, д̇асмаа ‘бахаанавинаяо’д̇и вужжад̇и. д̇ам̣д̇ам̣бахаанавад̇о ваа д̇асса д̇асса винаяасса самбхавад̇обзд̇ам̣ бахаанавинаяод̇и вужжад̇и. звам̣ бахаанавинаяоби бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.
Yaṃ pana upacārappanābhedena samādhinā pavattibhāvanivāraṇato, ghaṭappahāreneva udakapiṭṭhe sevālassa, tesaṃ tesaṃ nīvaraṇādidhammānaṃ pahānaṃ, etaṃ ‘vikkhambhanapahānaṃ’ nāma. ‘‘Yaṃ catunnaṃ ariyamaggānaṃ bhāvitattā taṃtaṃmaggavato attano attano santāne diṭṭhigatānaṃ pahānāyā’’tiādinā (dha. sa. 277) nayena vuttassa samudayapakkhikassa kilesagaṇassa accantaṃ appavattibhāvena pahānaṃ, idaṃ ‘samucchedapahānaṃ’ nāma. Yaṃ pana phalakkhaṇe paṭippassaddhattaṃ kilesānaṃ, etaṃ ‘paṭippassaddhipahānaṃ’ nāma. Yaṃ sabbasaṅkhatanissaṭattā pahīnasabbasaṅkhataṃ nibbānaṃ, etaṃ ‘nissaraṇapahānaṃ’ nāma. Sabbampi cetaṃ pahānaṃ yasmā cāgaṭṭhena pahānaṃ, vinayanaṭṭhena vinayo, tasmā ‘pahānavinayo’ti vuccati. Taṃtaṃpahānavato vā tassa tassa vinayassa sambhavatopetaṃ pahānavinayoti vuccati. Evaṃ pahānavinayopi pañcadhā bhijjatīti veditabbo.
звамаяам̣ сан̇кзбад̇о д̣̇увид̇хо, бхзд̣̇ад̇о жа д̣̇асавид̇хо винаяо, бхиннасам̣варад̇д̇аа, бахаад̇аб̣б̣асса жа аббахийнад̇д̇аа, яасмаа зд̇асса ассуд̇авад̇о бут̇уж̇ж̇анасса над̇т̇и, д̇асмаа абхаавад̇о д̇асса, аяам̣ ‘авинийд̇о’д̇и вужжад̇ийд̇и. зса наяо саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇од̇и зд̇т̇ааби. ниннаанаагаран̣ан̃хзд̇ам̣ ад̇т̇ад̇о. яат̇ааха – ‘‘язва д̇з арияаа д̇зва д̇з саббурисаа, язва д̇з саббурисаа д̇зва д̇з арияаа. яо зва со арияаанам̣ д̇хаммо со зва со саббурисаанам̣ д̇хаммо, яо зва со саббурисаанам̣ д̇хаммо со зва со арияаанам̣ д̇хаммо. язва д̇з арияавинаяаа д̇зва д̇з саббурисавинаяаа, язва д̇з саббурисавинаяаа д̇зва д̇з арияавинаяаа. ариязд̇и ваа саббурисзд̇и ваа, арияад̇хаммзд̇и ваа саббурисад̇хаммзд̇и ваа, арияавинаязд̇и ваа саббурисавинаязд̇и ваа, зсзсз згз згадтз самз самабхааг̇з д̇аж̇ж̇аад̇з д̇ан̃н̃зваа’’д̇и.
Evamayaṃ saṅkhepato duvidho, bhedato ca dasavidho vinayo, bhinnasaṃvarattā, pahātabbassa ca appahīnattā, yasmā etassa assutavato puthujjanassa natthi, tasmā abhāvato tassa, ayaṃ ‘avinīto’ti vuccatīti. Esa nayo sappurisānaṃ adassāvī sappurisadhammassa akovido sappurisadhamme avinītoti etthāpi. Ninnānākaraṇañhetaṃ atthato. Yathāha – ‘‘yeva te ariyā teva te sappurisā, yeva te sappurisā teva te ariyā. Yo eva so ariyānaṃ dhammo so eva so sappurisānaṃ dhammo, yo eva so sappurisānaṃ dhammo so eva so ariyānaṃ dhammo. Yeva te ariyavinayā teva te sappurisavinayā, yeva te sappurisavinayā teva te ariyavinayā. Ariyeti vā sappuriseti vā, ariyadhammeti vā sappurisadhammeti vā, ariyavinayeti vā sappurisavinayeti vā, esese eke ekaṭṭhe same samabhāge tajjāte taññevā’’ti.
руубам̣ ад̇д̇ад̇о саманубассад̇ийд̇и ид̇хзгажжо руубам̣ ад̇д̇ад̇о саманубассад̇и – ‘яам̣ руубам̣ со ахам̣, яо ахам̣ д̇ам̣ рууба’нд̇и руубан̃жа ад̇д̇аанан̃жа ад̣̇ваяам̣ саманубассад̇и. ‘‘сзяяат̇ааби наама д̇злаббад̣̇ийбасса жхааяад̇о яаа ажжи со ван̣н̣о, яо ван̣н̣о саа ажжийд̇и ажжин̃жа ван̣н̣ан̃жа ад̣̇ваяам̣ саманубассад̇и,’’ звамзва ид̇хзгажжо руубам̣ ад̇д̇ад̇о саманубассад̇ийд̇и звам̣ руубам̣ ад̇д̇аад̇и д̣̇идтибассанааяа бассад̇и. руубаванд̇ам̣ ваа ад̇д̇аананд̇и ‘аруубам̣ ад̇д̇аа’д̇и г̇ахзд̇ваа, чааяааванд̇ам̣ ругкам̣ вияа, д̇ам̣ руубаванд̇ам̣ саманубассад̇и. ад̇д̇ани ваа руубанд̇и ‘аруубамзва ад̇д̇аа’д̇и г̇ахзд̇ваа, бубпамхи г̇анд̇хам̣ вияа, ад̇д̇ани руубам̣ саманубассад̇и. руубасмим̣ ваа ад̇д̇аананд̇и ‘аруубамзва ад̇д̇аа’д̇и г̇ахзд̇ваа, гаран̣д̣агз ман̣им̣ вияа, ад̇д̇аанам̣ руубасмим̣ саманубассад̇и. взд̣̇анаад̣̇ийсуби зсзва наяо.
Rūpaṃ attato samanupassatīti idhekacco rūpaṃ attato samanupassati – ‘yaṃ rūpaṃ so ahaṃ, yo ahaṃ taṃ rūpa’nti rūpañca attānañca advayaṃ samanupassati. ‘‘Seyyathāpi nāma telappadīpassa jhāyato yā acci so vaṇṇo, yo vaṇṇo sā accīti acciñca vaṇṇañca advayaṃ samanupassati,’’ evameva idhekacco rūpaṃ attato samanupassatīti evaṃ rūpaṃ attāti diṭṭhipassanāya passati. Rūpavantaṃ vā attānanti ‘arūpaṃ attā’ti gahetvā, chāyāvantaṃ rukkhaṃ viya, taṃ rūpavantaṃ samanupassati. Attani vā rūpanti ‘arūpameva attā’ti gahetvā, pupphamhi gandhaṃ viya, attani rūpaṃ samanupassati. Rūpasmiṃvā attānanti ‘arūpameva attā’ti gahetvā, karaṇḍake maṇiṃ viya, attānaṃ rūpasmiṃ samanupassati. Vedanādīsupi eseva nayo.
д̇ад̇т̇а ‘руубам̣ ад̇д̇ад̇о саманубассад̇ий’д̇и суд̣̇д̇харуубамзва ад̇д̇аад̇и гат̇ид̇ам̣. ‘руубаванд̇ам̣ ваа ад̇д̇аанам̣, ад̇д̇ани ваа руубам̣, руубасмим̣ ваа ад̇д̇аанам̣; взд̣̇анам̣ ад̇д̇ад̇о саманубассад̇и… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ий’д̇и имзсу сад̇д̇асу таанзсу ‘аруубам̣ ад̇д̇аа’д̇и гат̇ид̇ам̣. взд̣̇анааванд̇ам̣ ваа ад̇д̇аанам̣, ад̇д̇ани ваа взд̣̇анам̣, взд̣̇анааяа ваа ад̇д̇аананд̇и звам̣ жад̇уусу канд̇хзсу д̇ин̣н̣ам̣ д̇ин̣н̣ам̣ васзна д̣̇ваад̣̇асасу таанзсу ‘руубааруубамиссаго ад̇д̇аа’ гат̇ид̇о. д̇ад̇т̇а ‘руубам̣ ад̇д̇ад̇о саманубассад̇и взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ий’д̇и имзсу бан̃жасу таанзсу ужчзд̣̇ад̣̇идти гат̇ид̇аа. авасзсзсу сассад̇ад̣̇идти. звамзд̇т̇а баннараса бхавад̣̇идтияо бан̃жа вибхавад̣̇идтияо хонд̇и. д̇аа саб̣б̣ааби маг̇г̇ааваран̣аа, на саг̇г̇ааваран̣аа, батамамаг̇г̇аваж̇жхаад̇и взд̣̇ид̇аб̣б̣аа.
Tattha ‘rūpaṃ attato samanupassatī’ti suddharūpameva attāti kathitaṃ. ‘Rūpavantaṃ vā attānaṃ, attani vā rūpaṃ, rūpasmiṃ vā attānaṃ; vedanaṃ attato samanupassati… saññaṃ… saṅkhāre… viññāṇaṃ attato samanupassatī’ti imesu sattasu ṭhānesu ‘arūpaṃ attā’ti kathitaṃ. Vedanāvantaṃ vā attānaṃ, attani vā vedanaṃ, vedanāya vā attānanti evaṃ catūsu khandhesu tiṇṇaṃ tiṇṇaṃ vasena dvādasasu ṭhānesu ‘rūpārūpamissako attā’ kathito. Tattha ‘rūpaṃ attato samanupassati vedanaṃ… saññaṃ… saṅkhāre… viññāṇaṃ attato samanupassatī’ti imesu pañcasu ṭhānesu ucchedadiṭṭhi kathitā. Avasesesu sassatadiṭṭhi. Evamettha pannarasa bhavadiṭṭhiyo pañca vibhavadiṭṭhiyo honti. Tā sabbāpi maggāvaraṇā, na saggāvaraṇā, paṭhamamaggavajjhāti veditabbā.
1008. сад̇т̇ари ган̇кад̇ийд̇и сад̇т̇у сарийрз ваа г̇ун̣з ваа убхаяад̇т̇а ваа ган̇кад̇и. сарийрз ган̇камаано ‘д̣̇вад̇д̇им̣саваралагкан̣абадиман̣д̣ид̇ам̣ наама сарийрам̣ ад̇т̇и ну ко над̇т̇ий’д̇и ган̇кад̇и. г̇ун̣з ган̇камаано ‘ад̇ийд̇аанааг̇ад̇абажжуббаннаж̇аананасамад̇т̇ам̣ саб̣б̣ан̃н̃уд̇ан̃аан̣ам̣ ад̇т̇и ну ко над̇т̇ий’д̇и ган̇кад̇и. убхаяад̇т̇а ган̇камаано ‘асийд̇иануб̣яан̃ж̇анаб̣яаамаббабхаануран̃ж̇ид̇ааяа сарийранибпад̇д̇ияаа саманнааг̇ад̇о саб̣б̣ан̃зяяаж̇аананасамад̇т̇ам̣ саб̣б̣ан̃н̃уд̇ан̃н̃аан̣ам̣ бадивиж̇жхид̇ваа тид̇о логад̇аараго б̣уд̣̇д̇хо наама ад̇т̇и ну ко над̇т̇ий’д̇и ган̇кад̇и. аяан̃хисса ад̇д̇абхаавз г̇ун̣з ваа ган̇канад̇о убхаяад̇т̇а ган̇кад̇и наама. вижигижчад̇ийд̇и аарамман̣ам̣ нижчзд̇ум̣ асаггонд̇о гижчад̇и гиламад̇и. наад̇химужжад̇ийд̇и д̇ад̇т̇зва ад̇химогкам̣ на лабхад̇и. на самбасийд̣̇ад̇ийд̇и жид̇д̇ам̣ анаавилам̣ гад̇ваа басийд̣̇ид̇ум̣ на саггод̇и, г̇ун̣зсу наббасийд̣̇ад̇и.
1008. Satthari kaṅkhatīti satthu sarīre vā guṇe vā ubhayattha vā kaṅkhati. Sarīre kaṅkhamāno ‘dvattiṃsavaralakkhaṇapaṭimaṇḍitaṃ nāma sarīraṃ atthi nu kho natthī’ti kaṅkhati. Guṇe kaṅkhamāno ‘atītānāgatapaccuppannajānanasamatthaṃ sabbaññutañāṇaṃ atthi nu kho natthī’ti kaṅkhati. Ubhayattha kaṅkhamāno ‘asītianubyañjanabyāmappabhānurañjitāya sarīranipphattiyā samannāgato sabbañeyyajānanasamatthaṃ sabbaññutaññāṇaṃ paṭivijjhitvā ṭhito lokatārako buddho nāma atthi nu kho natthī’ti kaṅkhati. Ayañhissa attabhāve guṇe vā kaṅkhanato ubhayattha kaṅkhati nāma. Vicikicchatīti ārammaṇaṃ nicchetuṃ asakkonto kicchati kilamati. Nādhimuccatīti tattheva adhimokkhaṃ na labhati. Na sampasīdatīti cittaṃ anāvilaṃ katvā pasīdituṃ na sakkoti, guṇesu nappasīdati.
д̇хаммз ган̇кад̇ийд̇иаад̣̇ийсу бана ‘гилзсз баж̇аханд̇аа жад̇д̇ааро арияамаг̇г̇аа, бадиббассад̣̇д̇хагилзсаани жад̇д̇аари сааман̃н̃апалаани, маг̇г̇апалаанам̣ аарамман̣абажжаяабхууд̇ам̣ амад̇ам̣ махааниб̣б̣аанам̣ наама ад̇т̇и ну ко над̇т̇ий’д̇и ган̇канд̇оби ‘аяам̣ д̇хаммо нияяааниго ну ко анияяааниго’д̇и ган̇канд̇оби д̇хаммз ган̇кад̇и наама. ‘жад̇д̇ааро маг̇г̇адтагаа жад̇д̇ааро паладтагаад̇и ид̣̇ам̣ сан̇гхарад̇анам̣ ад̇т̇и ну ко над̇т̇ий’д̇и ган̇канд̇оби, ‘аяам̣ сан̇гхо суббадибанно ну ко д̣̇уббадибанно’д̇и ган̇канд̇оби, ‘зд̇асмим̣ сан̇гхарад̇анз д̣̇иннасса вибаагапалам̣ ад̇т̇и ну ко над̇т̇ий’д̇и ган̇канд̇оби сан̇гхз ган̇кад̇и наама. ‘д̇иссо бана сигкаа ад̇т̇и ну ко над̇т̇ий’д̇и ган̇канд̇оби, ‘д̇иссо сигкаа сигкид̇абажжаязна аанисам̣со ад̇т̇и ну ко над̇т̇ий’д̇и ган̇канд̇оби сигкааяа ган̇кад̇и наама.
Dhamme kaṅkhatītiādīsu pana ‘kilese pajahantā cattāro ariyamaggā, paṭippassaddhakilesāni cattāri sāmaññaphalāni, maggaphalānaṃ ārammaṇapaccayabhūtaṃ amataṃ mahānibbānaṃ nāma atthi nu kho natthī’ti kaṅkhantopi ‘ayaṃ dhammo niyyāniko nu kho aniyyāniko’ti kaṅkhantopi dhamme kaṅkhati nāma. ‘Cattāro maggaṭṭhakā cattāro phalaṭṭhakāti idaṃ saṅgharatanaṃ atthi nu kho natthī’ti kaṅkhantopi, ‘ayaṃ saṅgho suppaṭipanno nu kho duppaṭipanno’ti kaṅkhantopi, ‘etasmiṃ saṅgharatane dinnassa vipākaphalaṃ atthi nu kho natthī’ti kaṅkhantopi saṅghe kaṅkhati nāma. ‘Tisso pana sikkhā atthi nu kho natthī’ti kaṅkhantopi, ‘tisso sikkhā sikkhitapaccayena ānisaṃso atthi nu kho natthī’ti kaṅkhantopi sikkhāya kaṅkhati nāma.
буб̣б̣анд̇о вужжад̇и ад̇ийд̇аани канд̇хад̇хаад̇ааяад̇анаани. абаранд̇о анааг̇ад̇аани. д̇ад̇т̇а ад̇ийд̇зсу канд̇хаад̣̇ийсу ‘ад̇ийд̇аани ну ко, на ну ко’д̇и ган̇канд̇о буб̣б̣анд̇з ган̇кад̇и наама. анааг̇ад̇зсу ‘анааг̇ад̇аани ну ко, на ну ко’д̇и ган̇канд̇о абаранд̇з ган̇кад̇и наама. убхаяад̇т̇а ган̇канд̇о буб̣б̣анд̇аабаранд̇з ган̇кад̇и наама. ‘д̣̇ваад̣̇асабад̣̇игам̣ бажжаяаваддам̣ ад̇т̇и ну ко над̇т̇ий’д̇и ган̇канд̇о ид̣̇аббажжаяад̇аабадижжасамуббаннзсу д̇хаммзсу ган̇кад̇и наама. д̇ад̇рааяам̣ важанад̇т̇о – имзсам̣ ж̇араамаран̣аад̣̇ийнам̣ бажжаяаа ‘ид̣̇аббажжаяаа’. ид̣̇аббажжаяаанам̣ бхааво ‘ид̣̇аббажжаяад̇аа’. ид̣̇аббажжаяаа зва ваа ‘ид̣̇аббажжаяад̇аа’; ж̇аад̇иаад̣̇ийнамзд̇ам̣ ад̇хиважанам̣. ж̇аад̇иаад̣̇ийсу д̇ам̣ д̇ам̣ бадижжа ааг̇амма самуббаннаад̇и ‘бадижжасамуббаннаа’. ид̣̇ам̣ вуд̇д̇ам̣ ход̇и – ид̣̇аббажжаяад̇ааяа жа бадижжасамуббаннзсу жа д̇хаммзсу ган̇кад̇ийд̇и.
Pubbanto vuccati atītāni khandhadhātāyatanāni. Aparanto anāgatāni. Tattha atītesu khandhādīsu ‘atītāni nu kho, na nu kho’ti kaṅkhanto pubbante kaṅkhati nāma. Anāgatesu ‘anāgatāni nu kho, na nu kho’ti kaṅkhanto aparante kaṅkhati nāma. Ubhayattha kaṅkhanto pubbantāparante kaṅkhati nāma. ‘Dvādasapadikaṃ paccayavaṭṭaṃ atthi nu kho natthī’ti kaṅkhanto idappaccayatāpaṭiccasamuppannesu dhammesu kaṅkhati nāma. Tatrāyaṃ vacanattho – imesaṃ jarāmaraṇādīnaṃ paccayā ‘idappaccayā’. Idappaccayānaṃ bhāvo ‘idappaccayatā’. Idappaccayā eva vā ‘idappaccayatā’; jātiādīnametaṃ adhivacanaṃ. Jātiādīsu taṃ taṃ paṭicca āgamma samuppannāti ‘paṭiccasamuppannā’. Idaṃ vuttaṃ hoti – idappaccayatāya ca paṭiccasamuppannesu ca dhammesu kaṅkhatīti.
1009. сийлзнаад̇и г̇осийлаад̣̇инаа. вад̇знаад̇и г̇овад̇аад̣̇инаава. сийлаб̣б̣ад̇знаад̇и д̇ад̣̇убхаязна. суд̣̇д̇хийд̇и гилзсасуд̣̇д̇хи; барамад̇т̇асуд̣̇д̇хибхууд̇ам̣ ваа ниб̣б̣аанамзва. д̇ад̣̇згадтаад̇и ид̇ха бахаанзгадтам̣ д̇хурам̣. имиссаа жа баал̣ияаа д̣̇идтигилзсо вижигижчаагилзсод̇и д̣̇взязва ааг̇ад̇аа. лобхо д̣̇осо мохо маано т̇инам̣ уд̣̇д̇хажжам̣ ахиригам̣ анод̇д̇аббанд̇и имз бана адта анааг̇ад̇аа. аахарид̇ваа бана д̣̇ийбзд̇аб̣б̣аа. зд̇т̇а хи д̣̇идтивижигижчаасу бахийяамаанаасу абааяаг̇аманийяо лобхо д̣̇осо мохо маано т̇инам̣ уд̣̇д̇хажжам̣ ахиригам̣ анод̇д̇аббанд̇и саб̣б̣збимз бахаанзгадтаа худ̇ваа бахийяанд̇и. сахаж̇згадтам̣ бана аахарид̇ваа д̣̇ийбзд̇аб̣б̣ам̣. сод̇аабад̇д̇имаг̇г̇зна хи жад̇д̇аари д̣̇идтисахаг̇ад̇аани вижигижчаасахаг̇ад̇ан̃жаад̇и бан̃жа жид̇д̇аани бахийяанд̇и. д̇ад̇т̇а д̣̇вийсу асан̇кааригад̣̇идтижид̇д̇зсу бахийяанд̇зсу д̇зхи сахаж̇аад̇о лобхо мохо уд̣̇д̇хажжам̣ ахиригам̣ анод̇д̇аббанд̇и имз гилзсаа сахаж̇згадтавасзна бахийяанд̇и. сзсад̣̇идтигилзсо жа вижигижчаагилзсо жа бахаанзгадтавасзна бахийяанд̇и. д̣̇идтиг̇ад̇асамбаяуд̇д̇асасан̇кааригажид̇д̇зсуби бахийяанд̇зсу д̇зхи сахаж̇аад̇о лобхо мохо т̇инам̣ уд̣̇д̇хажжам̣ ахиригам̣ анод̇д̇аббанд̇и имз гилзсаа сахаж̇згадтавасзна бахийяанд̇и. сзсад̣̇идтигилзсо жа вижигижчаагилзсо жа бахаанзгадтавасзна бахийяанд̇и. звам̣ бахаанзгадтасмим̣язва сахаж̇згадтам̣ лаб̣бхад̇ийд̇и ид̣̇ам̣ сахаж̇згадтам̣ аахарид̇ваа д̣̇ийбаяим̣су.
1009. Sīlenāti gosīlādinā. Vatenāti govatādināva. Sīlabbatenāti tadubhayena. Suddhīti kilesasuddhi; paramatthasuddhibhūtaṃ vā nibbānameva. Tadekaṭṭhāti idha pahānekaṭṭhaṃ dhuraṃ. Imissā ca pāḷiyā diṭṭhikileso vicikicchākilesoti dveyeva āgatā. Lobho doso moho māno thinaṃ uddhaccaṃ ahirikaṃ anottappanti ime pana aṭṭha anāgatā. Āharitvā pana dīpetabbā. Ettha hi diṭṭhivicikicchāsu pahīyamānāsu apāyagamanīyo lobho doso moho māno thinaṃ uddhaccaṃ ahirikaṃ anottappanti sabbepime pahānekaṭṭhā hutvā pahīyanti. Sahajekaṭṭhaṃ pana āharitvā dīpetabbaṃ. Sotāpattimaggena hi cattāri diṭṭhisahagatāni vicikicchāsahagatañcāti pañca cittāni pahīyanti. Tattha dvīsu asaṅkhārikadiṭṭhicittesu pahīyantesu tehi sahajāto lobho moho uddhaccaṃ ahirikaṃ anottappanti ime kilesā sahajekaṭṭhavasena pahīyanti. Sesadiṭṭhikileso ca vicikicchākileso ca pahānekaṭṭhavasena pahīyanti. Diṭṭhigatasampayuttasasaṅkhārikacittesupi pahīyantesu tehi sahajāto lobho moho thinaṃ uddhaccaṃ ahirikaṃ anottappanti ime kilesā sahajekaṭṭhavasena pahīyanti. Sesadiṭṭhikileso ca vicikicchākileso ca pahānekaṭṭhavasena pahīyanti. Evaṃ pahānekaṭṭhasmiṃyeva sahajekaṭṭhaṃ labbhatīti idaṃ sahajekaṭṭhaṃ āharitvā dīpayiṃsu.
д̇ам̣самбаяуд̇д̇од̇и д̇зхи д̇ад̣̇згадтзхи адтахи гилзсзхи самбаяуд̇д̇о. виниб̣бхог̇ам̣ ваа гад̇ваа д̇зна лобхзна д̇зна д̣̇осзнаад̇и звам̣ згзгзна самбаяуд̇д̇ад̇аа д̣̇ийбзд̇аб̣б̣аа. д̇ад̇т̇а лобхз г̇ахид̇з, мохо маано т̇инам̣ уд̣̇д̇хажжам̣ ахиригам̣ анод̇д̇аббанд̇и аяам̣ сан̇каарагканд̇хз гилзсаг̇ан̣о лобхасамбаяуд̇д̇о наама. д̣̇осз г̇ахид̇з, мохо т̇инам̣ уд̣̇д̇хажжам̣ ахиригам̣ анод̇д̇аббанд̇и аяам̣ гилзсаг̇ан̣о д̣̇осасамбаяуд̇д̇о наама. мохз г̇ахид̇з, лобхо д̣̇осо маано т̇инам̣ уд̣̇д̇хажжам̣ ахиригам̣ анод̇д̇аббанд̇и аяам̣ гилзсаг̇ан̣о мохасамбаяуд̇д̇о наама. маанз г̇ахид̇з, д̇зна сахуббанно лобхо мохо т̇инам̣ уд̣̇д̇хажжам̣ ахиригам̣ анод̇д̇аббанд̇и аяам̣ гилзсаг̇ан̣о маанасамбаяуд̇д̇о наама. иминаа убааязна д̇зна т̇инзна д̇зна уд̣̇д̇хажжзна д̇зна ахиригзна д̇зна анод̇д̇аббзна самбаяуд̇д̇о д̇ам̣самбаяуд̇д̇од̇и яож̇анаа гаад̇аб̣б̣аа. д̇ам̣самудтаананд̇и д̇зна лобхзна…бз… д̇зна анод̇д̇аббзна самудтид̇анд̇и ад̇т̇о.
Taṃsampayuttoti tehi tadekaṭṭhehi aṭṭhahi kilesehi sampayutto. Vinibbhogaṃ vā katvā tena lobhena tena dosenāti evaṃ ekekena sampayuttatā dīpetabbā. Tattha lobhe gahite, moho māno thinaṃ uddhaccaṃ ahirikaṃ anottappanti ayaṃ saṅkhārakkhandhe kilesagaṇo lobhasampayutto nāma. Dose gahite, moho thinaṃ uddhaccaṃ ahirikaṃ anottappanti ayaṃ kilesagaṇo dosasampayutto nāma. Mohe gahite, lobho doso māno thinaṃ uddhaccaṃ ahirikaṃ anottappanti ayaṃ kilesagaṇo mohasampayutto nāma. Māne gahite, tena sahuppanno lobho moho thinaṃ uddhaccaṃ ahirikaṃ anottappanti ayaṃ kilesagaṇo mānasampayutto nāma. Iminā upāyena tena thinena tena uddhaccena tena ahirikena tena anottappena sampayutto taṃsampayuttoti yojanā kātabbā. Taṃsamuṭṭhānanti tena lobhena…pe… tena anottappena samuṭṭhitanti attho.
имз д̇хаммаа д̣̇ассанзна бахаад̇аб̣б̣аад̇и зд̇т̇а д̣̇ассанам̣ наама сод̇аабад̇д̇имаг̇г̇о; д̇зна бахаад̇аб̣б̣аад̇и ад̇т̇о. ‘гасмаа бана сод̇аабад̇д̇имаг̇г̇о д̣̇ассанам̣ наама ж̇аад̇о’д̇и? ‘батамам̣ ниб̣б̣аанад̣̇ассанад̇о’. ‘нану г̇од̇рабху батамад̇арам̣ бассад̇ий’д̇и ? ‘но на бассад̇и; д̣̇исвааби гад̇д̇аб̣б̣агижжам̣ бана на гарод̇и, сам̣яож̇анаанам̣ аббахаанад̇о. д̇асмаа бассад̇ий’д̇и на вад̇д̇аб̣б̣о. яад̇т̇а гад̇т̇ажи рааж̇аанам̣ д̣̇исвааби бан̣н̣аагаарам̣ д̣̇ад̇ваа гижжанибпад̇д̇ияаа ад̣̇идтад̇д̇аа ‘аж̇ж̇ааби рааж̇аанам̣ на бассаамий’д̇и вад̣̇анд̇о жзд̇т̇а ж̇аанабад̣̇абурисо нид̣̇ассанам̣.
Ime dhammā dassanena pahātabbāti ettha dassanaṃ nāma sotāpattimaggo; tena pahātabbāti attho. ‘Kasmā pana sotāpattimaggo dassanaṃ nāma jāto’ti? ‘Paṭhamaṃ nibbānadassanato’. ‘Nanu gotrabhu paṭhamataraṃ passatī’ti ? ‘No na passati; disvāpi kattabbakiccaṃ pana na karoti, saṃyojanānaṃ appahānato. Tasmā passatī’ti na vattabbo. Yattha katthaci rājānaṃ disvāpi paṇṇākāraṃ datvā kiccanipphattiyā adiṭṭhattā ‘ajjāpi rājānaṃ na passāmī’ti vadanto cettha jānapadapuriso nidassanaṃ.
1011. авасзсо лобход̇и д̣̇ассанзна бахийнаавасзсо. лобхо д̣̇осамохзсуби зсзва наяо. д̣̇ассанзна хи абааяаг̇аманийяаава бахийнаа. д̇зхи бана ан̃н̃з д̣̇ассзд̇ум̣ ид̣̇ам̣ вуд̇д̇ам̣. ‘д̇ад̣̇згадтаа’д̇и д̇зхи баал̣ияам̣ ааг̇ад̇зхи д̇ийхи гилзсзхи самбаяог̇ад̇оби бахаанад̇оби згадтаа бан̃жа гилзсаа. нзва д̣̇ассанзна на бхааванааяаад̇и ид̣̇ам̣ сам̣яож̇анаад̣̇ийнам̣ вияа д̇зхи маг̇г̇зхи аббахаад̇аб̣б̣ад̇ам̣ санд̇хааяа вуд̇д̇ам̣. яам̣ бана ‘‘сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хзна сад̇д̇а бхавз табзд̇ваа анамад̇аг̇г̇з сам̣саараваддз яз уббаж̇ж̇зяяум̣, нааман̃жа руубан̃жа зд̇т̇зд̇з нируж̇жханд̇ий’’д̇иаад̣̇инаа наязна гусалаад̣̇ийнамби бахаанам̣ анун̃н̃аад̇ам̣, д̇ам̣ д̇зсам̣ маг̇г̇аанам̣ абхаавид̇ад̇д̇аа яз уббаж̇ж̇зяяум̣, д̇з убаниссаяабажжаяаанам̣ гилзсаанам̣ бахийнад̇д̇аа бахийнаад̇и имам̣ барияааяам̣ санд̇хааяа вуд̇д̇анд̇и взд̣̇ид̇аб̣б̣ам̣.
1011. Avaseso lobhoti dassanena pahīnāvaseso. Lobho dosamohesupi eseva nayo. Dassanena hi apāyagamanīyāva pahīnā. Tehi pana aññe dassetuṃ idaṃ vuttaṃ. ‘Tadekaṭṭhā’ti tehi pāḷiyaṃ āgatehi tīhi kilesehi sampayogatopi pahānatopi ekaṭṭhā pañca kilesā. Neva dassanena na bhāvanāyāti idaṃ saṃyojanādīnaṃ viya tehi maggehi appahātabbataṃ sandhāya vuttaṃ. Yaṃ pana ‘‘sotāpattimaggañāṇena abhisaṅkhāraviññāṇassa nirodhena satta bhave ṭhapetvā anamatagge saṃsāravaṭṭe ye uppajjeyyuṃ, nāmañca rūpañca etthete nirujjhantī’’tiādinā nayena kusalādīnampi pahānaṃ anuññātaṃ, taṃ tesaṃ maggānaṃ abhāvitattā ye uppajjeyyuṃ, te upanissayapaccayānaṃ kilesānaṃ pahīnattā pahīnāti imaṃ pariyāyaṃ sandhāya vuttanti veditabbaṃ.
1013. д̣̇ассанзнабахаад̇аб̣б̣ахзд̇угад̇д̇игз имз д̇хаммаа д̣̇ассанзна бахаад̇аб̣б̣ахзд̇угаад̇и нидтабзд̇ваа, буна ‘д̇ийн̣и сам̣яож̇анааний’д̇иаад̣̇и бахаад̇аб̣б̣з д̣̇ассзд̇ваа, д̇ад̣̇згадтабхаавзна хзд̇уу жзва сахзд̇угз жа д̣̇ассзд̇ум̣ вуд̇д̇ам̣. д̇ад̇т̇а ‘гин̃жааби д̣̇ассанзна бахаад̇аб̣б̣зсу хзд̇уусу лобхасахаг̇ад̇о мохо лобхзна сахзд̇уго ход̇и, д̣̇осасахаг̇ад̇о мохо д̣̇осзна, лобхад̣̇осаа жа мохзнаад̇и бахаад̇аб̣б̣ахзд̇угабад̣̇збзд̇з сан̇г̇ахам̣ г̇ажчанд̇и, вижигижчаасахаг̇ад̇о бана мохо ан̃н̃асса самбаяуд̇д̇ахзд̇уно абхаавзна хзд̇уязва, на сахзд̇угод̇и д̇асса бахаанам̣ д̣̇ассзд̇ум̣ имз д̇хаммаа д̣̇ассанзна бахаад̇аб̣б̣ахзд̇уу’д̇и вуд̇д̇ам̣.
1013. Dassanenapahātabbahetukattike ime dhammā dassanena pahātabbahetukāti niṭṭhapetvā, puna ‘tīṇi saṃyojanānī’tiādi pahātabbe dassetvā, tadekaṭṭhabhāvena hetū ceva sahetuke ca dassetuṃ vuttaṃ. Tattha ‘kiñcāpi dassanena pahātabbesu hetūsu lobhasahagato moho lobhena sahetuko hoti, dosasahagato moho dosena, lobhadosā ca mohenāti pahātabbahetukapadepete saṅgahaṃ gacchanti, vicikicchāsahagato pana moho aññassa sampayuttahetuno abhāvena hetuyeva, na sahetukoti tassa pahānaṃ dassetuṃ ime dhammā dassanena pahātabbahetū’ti vuttaṃ.
1018. д̣̇уд̇ияабад̣̇з уд̣̇д̇хажжасахаг̇ад̇асса мохасса бахаанам̣ д̣̇ассзд̇ум̣ имз д̇хаммаа бхааванааяа бахаад̇аб̣б̣ахзд̇ууд̇и вуд̇д̇ам̣. со хи ад̇д̇анаа самбаяуд̇д̇ад̇хаммз сахзд̇угз гад̇ваа бидтиваддаго ж̇аад̇о, вижигижчаасахаг̇ад̇о вияа ан̃н̃асса самбаяуд̇д̇ахзд̇уно абхааваа бахаад̇аб̣б̣ахзд̇угабад̣̇ам̣ на бхаж̇ад̇и. д̇ад̇ияабад̣̇з авасзсаа агусалаад̇и буна агусалаг̇г̇ахан̣ам̣ вижигижчуд̣̇д̇хажжасахаг̇ад̇аанам̣ мохаанам̣ сан̇г̇ахад̇т̇ам̣ гад̇ам̣. д̇з хи самбаяуд̇д̇ахзд̇уно абхааваа бахаад̇аб̣б̣ахзд̇угаа наама на хонд̇и.
1018. Dutiyapade uddhaccasahagatassa mohassa pahānaṃ dassetuṃ ime dhammā bhāvanāya pahātabbahetūti vuttaṃ. So hi attanā sampayuttadhamme sahetuke katvā piṭṭhivaṭṭako jāto, vicikicchāsahagato viya aññassa sampayuttahetuno abhāvā pahātabbahetukapadaṃ na bhajati. Tatiyapade avasesā akusalāti puna akusalaggahaṇaṃ vicikicchuddhaccasahagatānaṃ mohānaṃ saṅgahatthaṃ kataṃ. Te hi sampayuttahetuno abhāvā pahātabbahetukā nāma na honti.
1029. барид̇д̇аарамман̣ад̇д̇игз аараб̣бхаад̇и аарамман̣ам̣ гад̇ваа. саяан̃хи барид̇д̇аа ваа хонд̇у махаг̇г̇ад̇аа ваа, барид̇д̇ад̇хаммз аарамман̣ам̣ гад̇ваа уббаннаа барид̇д̇аарамман̣аа, махаг̇г̇ад̇з аарамман̣ам̣ гад̇ваа уббаннаа махаг̇г̇ад̇аарамман̣аа, аббамаан̣з аарамман̣ам̣ гад̇ваа уббаннаа аббамаан̣аарамман̣аа. д̇з бана барид̇д̇ааби хонд̇и махаг̇г̇ад̇ааби аббамаан̣ааби.
1029. Parittārammaṇattike ārabbhāti ārammaṇaṃ katvā. Sayañhi parittā vā hontu mahaggatā vā, parittadhamme ārammaṇaṃ katvā uppannā parittārammaṇā, mahaggate ārammaṇaṃ katvā uppannā mahaggatārammaṇā, appamāṇe ārammaṇaṃ katvā uppannā appamāṇārammaṇā. Te pana parittāpi honti mahaggatāpi appamāṇāpi.
1035. мижчад̇д̇ад̇д̇игз аананд̇аригаанийд̇и ананд̇арааязна палад̣̇ааяагаани; маад̇угхаад̇агагаммаад̣̇ийнамзд̇ам̣ ад̇хиважанам̣. д̇зсу хи згасмимби гаммз гад̇з д̇ам̣ бадиб̣аахид̇ваа ан̃н̃ам̣ гаммам̣ ад̇д̇ано вибаагасса огаасам̣ гаад̇ум̣ на саггод̇и. синзруббамаан̣зби хи суван̣н̣ат̇уубз гад̇ваа жаггаваал̣амад̇д̇ам̣ ваа рад̇анамаяабаагаарам̣ вихаарам̣ гаарзд̇ваа д̇ам̣ буурзд̇ваа нисиннасса б̣уд̣̇д̇хаббамукасса сан̇гхасса яааваж̇ийвам̣ жад̇д̇ааро бажжаяз д̣̇ад̣̇ад̇оби д̇ам̣ гаммам̣ зд̇зсам̣ гаммаанам̣ вибаагам̣ бадиб̣аахзд̇ум̣ на саггод̇и зва. яаа жа мижчаад̣̇идти нияад̇аад̇и ахзд̇угаваад̣̇аагирияаваад̣̇анад̇т̇игаваад̣̇зсу ан̃н̃ад̇араа. д̇ан̃хи г̇ахзд̇ваа тид̇ам̣ буг̇г̇алам̣ б̣уд̣̇д̇хасад̇амби б̣уд̣̇д̇хасахассамби б̣од̇хзд̇ум̣ на саггод̇и.
1035. Micchattattike ānantarikānīti anantarāyena phaladāyakāni; mātughātakakammādīnametaṃ adhivacanaṃ. Tesu hi ekasmimpi kamme kate taṃ paṭibāhitvā aññaṃ kammaṃ attano vipākassa okāsaṃ kātuṃ na sakkoti. Sineruppamāṇepi hi suvaṇṇathūpe katvā cakkavāḷamattaṃ vā ratanamayapākāraṃ vihāraṃ kāretvā taṃ pūretvā nisinnassa buddhappamukhassa saṅghassa yāvajīvaṃ cattāro paccaye dadatopi taṃ kammaṃ etesaṃ kammānaṃ vipākaṃ paṭibāhetuṃ na sakkoti eva. Yā ca micchādiṭṭhi niyatāti ahetukavādaakiriyavādanatthikavādesu aññatarā. Tañhi gahetvā ṭhitaṃ puggalaṃ buddhasatampi buddhasahassampi bodhetuṃ na sakkoti.
1038. маг̇г̇аарамман̣ад̇д̇игз арияамаг̇г̇ам̣ аараб̣бхаад̇и логуд̇д̇арамаг̇г̇ам̣ аарамман̣ам̣ гад̇ваа. д̇з бана барид̇д̇ааби хонд̇и махаг̇г̇ад̇ааби.
1038. Maggārammaṇattike ariyamaggaṃ ārabbhāti lokuttaramaggaṃ ārammaṇaṃ katvā. Te pana parittāpi honti mahaggatāpi.
1039. маг̇г̇ахзд̇уганид̣̇д̣̇зсз батаманаязна бажжаяадтзна хзд̇унаа маг̇г̇асамбаяуд̇д̇аанам̣ канд̇хаанам̣ сахзд̇угабхааво д̣̇ассид̇о. д̣̇уд̇ияанаязна маг̇г̇абхууд̇зна саммаад̣̇идтисан̇каад̇зна хзд̇унаа сзсамаг̇г̇ан̇г̇аанам̣ сахзд̇угабхааво д̣̇ассид̇о. д̇ад̇ияанаязна маг̇г̇з уббаннахзд̇уухи саммаад̣̇идтияаа сахзд̇угабхааво д̣̇ассид̇од̇и взд̣̇ид̇аб̣б̣о.
1039. Maggahetukaniddese paṭhamanayena paccayaṭṭhena hetunā maggasampayuttānaṃ khandhānaṃ sahetukabhāvo dassito. Dutiyanayena maggabhūtena sammādiṭṭhisaṅkhātena hetunā sesamaggaṅgānaṃ sahetukabhāvo dassito. Tatiyanayena magge uppannahetūhi sammādiṭṭhiyā sahetukabhāvo dassitoti veditabbo.
1040. ад̇хибад̇им̣ гарид̇ваад̇и аарамман̣аад̇хибад̇им̣ гад̇ваа. д̇з жа ко барид̇д̇ад̇хаммаава хонд̇и. арияасаавагаанан̃хи ад̇д̇ано маг̇г̇ам̣ г̇арум̣ гад̇ваа бажжавзгкан̣агаалз аарамман̣аад̇хибад̇и лаб̣бхад̇и. жзд̇обарияан̃аан̣зна бана арияасааваго барасса маг̇г̇ам̣ бажжавзгкамаано г̇арум̣ гаронд̇оби ад̇д̇анаа бадивид̣̇д̇хамаг̇г̇ам̣ вияа г̇арум̣ на гарод̇и. ‘яамагабаадихаарияам̣ гаронд̇ам̣ д̇ат̇ааг̇ад̇ам̣ д̣̇исваа д̇асса маг̇г̇ам̣ г̇арум̣ гарод̇и на гарод̇ий’д̇и? гарод̇и, на бана ад̇д̇ано маг̇г̇ам̣ вияа. арахаа на гин̃жи д̇хаммам̣ г̇арум̣ гарод̇и табзд̇ваа маг̇г̇ам̣ палам̣ ниб̣б̣аананд̇и. зд̇т̇ааби аяамзвад̇т̇о. виймам̣саад̇хибад̇зяяанд̇и ид̣̇ам̣ сахаж̇аад̇аад̇хибад̇им̣ д̣̇ассзд̇ум̣ вуд̇д̇ам̣. чанд̣̇ан̃хи ж̇здтагам̣ гад̇ваа маг̇г̇ам̣ бхаавзнд̇асса чанд̣̇о ад̇хибад̇и наама ход̇и, на маг̇г̇о. сзсад̇хаммааби чанд̣̇аад̇хибад̇ино наама хонд̇и, на маг̇г̇аад̇хибад̇ино. жид̇д̇зби зсзва наяо. виймам̣сам̣ бана ж̇здтагам̣ гад̇ваа маг̇г̇ам̣ бхаавзнд̇асса виймам̣саад̇хибад̇и жзва ход̇и маг̇г̇о жаад̇и. сзсад̇хаммаа маг̇г̇аад̇хибад̇ино наама хонд̇и. вийриязби зсзва наяо.
1040. Adhipatiṃ karitvāti ārammaṇādhipatiṃ katvā. Te ca kho parittadhammāva honti. Ariyasāvakānañhi attano maggaṃ garuṃ katvā paccavekkhaṇakāle ārammaṇādhipati labbhati. Cetopariyañāṇena pana ariyasāvako parassa maggaṃ paccavekkhamāno garuṃ karontopi attanā paṭividdhamaggaṃ viya garuṃ na karoti. ‘Yamakapāṭihāriyaṃ karontaṃ tathāgataṃ disvā tassa maggaṃ garuṃ karoti na karotī’ti? Karoti, na pana attano maggaṃ viya. Arahā na kiñci dhammaṃ garuṃ karoti ṭhapetvā maggaṃ phalaṃ nibbānanti. Etthāpi ayamevattho. Vīmaṃsādhipateyyanti idaṃ sahajātādhipatiṃ dassetuṃ vuttaṃ. Chandañhi jeṭṭhakaṃ katvā maggaṃ bhāventassa chando adhipati nāma hoti, na maggo. Sesadhammāpi chandādhipatino nāma honti, na maggādhipatino. Cittepi eseva nayo. Vīmaṃsaṃ pana jeṭṭhakaṃ katvā maggaṃ bhāventassa vīmaṃsādhipati ceva hoti maggo cāti. Sesadhammā maggādhipatino nāma honti. Vīriyepi eseva nayo.
1041. уббаннад̇д̇иганид̣̇д̣̇зсз ж̇аад̇аад̇и ниб̣б̣ад̇д̇аа, бадилад̣̇д̇хад̇д̇абхааваа. бхууд̇аад̇иаад̣̇ийни д̇зсам̣язва взважанаани. ж̇аад̇аа зва хи бхааваббад̇д̇ияаа бхууд̇аа. бажжаяасам̣яог̇з ж̇аад̇ад̇д̇аа сан̃ж̇аад̇аа. ниб̣б̣ад̇д̇илагкан̣аббад̇д̇ад̇д̇аа ниб̣б̣ад̇д̇аа. убасаг̇г̇зна бана бад̣̇ам̣ вад̣дхзд̇ваа абхиниб̣б̣ад̇д̇аад̇и вуд̇д̇аа. баагадийбхууд̇аад̇и баад̇убхууд̇аа. буб̣б̣анд̇ад̇о уд̣̇д̇хам̣ баннаад̇и уббаннаа. убасаг̇г̇зна бад̣̇ам̣ вад̣дхзд̇ваа самуббаннаад̇и вуд̇д̇аа. ниб̣б̣ад̇д̇адтзнзва уд̣̇д̇хам̣ тид̇аад̇и удтид̇аа. бажжаяасам̣яог̇з удтид̇аад̇и самудтид̇аа. буна уббаннаад̇иважанз гааран̣ам̣ хздтаа вуд̇д̇анаязнзва взд̣̇ид̇аб̣б̣ам̣. уббаннам̣сзна сан̇г̇ахид̇аад̇и уббаннагодтаасзна г̇ан̣анам̣ г̇ад̇аа. руубам̣ взд̣̇анаа сан̃н̃аа сан̇каараа вин̃н̃аан̣анд̇и ид̣̇ам̣ нзсам̣ сабхаавад̣̇ассанам̣. д̣̇уд̇ияабад̣̇анид̣̇д̣̇зсо вуд̇д̇абадисзд̇ханаязна взд̣̇ид̇аб̣б̣о. д̇ад̇ияабад̣̇анид̣̇д̣̇зсо уд̇д̇аанад̇т̇оязва.
1041. Uppannattikaniddese jātāti nibbattā, paṭiladdhattabhāvā. Bhūtātiādīni tesaṃyeva vevacanāni. Jātā eva hi bhāvappattiyā bhūtā. Paccayasaṃyoge jātattā sañjātā. Nibbattilakkhaṇappattattā nibbattā. Upasaggena pana padaṃ vaḍḍhetvā abhinibbattāti vuttā. Pākaṭībhūtāti pātubhūtā. Pubbantato uddhaṃ pannāti uppannā. Upasaggena padaṃ vaḍḍhetvā samuppannāti vuttā. Nibbattaṭṭheneva uddhaṃ ṭhitāti uṭṭhitā. Paccayasaṃyoge uṭṭhitāti samuṭṭhitā. Puna uppannātivacane kāraṇaṃ heṭṭhā vuttanayeneva veditabbaṃ. Uppannaṃsena saṅgahitāti uppannakoṭṭhāsena gaṇanaṃ gatā. Rūpaṃ vedanā saññā saṅkhārā viññāṇanti idaṃ nesaṃ sabhāvadassanaṃ. Dutiyapadaniddeso vuttapaṭisedhanayena veditabbo. Tatiyapadaniddeso uttānatthoyeva.
аяам̣ бана д̇иго д̣̇виннам̣ ад̣̇д̇хаанам̣ васзна буурзд̇ваа д̣̇ассид̇о. лад̣̇д̇хогаасасса хи гаммасса вибааго д̣̇увид̇хо – кан̣аббад̇д̇о, жа аббад̇д̇о жа. д̇ад̇т̇а ‘кан̣аббад̇д̇о’ уббанно наама. ‘аббад̇д̇о’ жид̇д̇аананд̇арз ваа уббаж̇ж̇ад̇у, габбасад̇асахассаад̇иггамз ваа. д̇хувабажжаяадтзна над̇т̇и наама на ход̇и, уббаад̣̇ино д̇хаммаа наама ж̇аад̇о. яат̇аа хи – ‘‘д̇идтад̇зва сааяам̣, бодтабаад̣̇а, аруубий ад̇д̇аа сан̃н̃аамаяо . ат̇а имасса бурисасса ан̃н̃аа жа сан̃н̃аа уббаж̇ж̇анд̇и ан̃н̃аа жа сан̃н̃аа нируж̇жханд̇ий’’д̇и (д̣̇ий. ни. 1.419). зд̇т̇а ааруббз гаамааважарасан̃н̃аабавад̇д̇игаалз гин̃жааби муулабхаван̇г̇асан̃н̃аа нируд̣̇д̇хаа гаамааважарасан̃н̃ааяа бана нируд̣̇д̇хагаалз авассам̣ саа уббаж̇ж̇иссад̇ийд̇и аруубасан̇каад̇о ад̇д̇аа над̇т̇ийд̇и сан̇кяам̣ аг̇анд̇ваа ‘д̇идтад̇зва’ наамаад̇и ж̇аад̇о. звамзва лад̣̇д̇хогаасасса гаммасса вибааго д̣̇увид̇хо…бз… д̇хувабажжаяадтзна над̇т̇и наама на ход̇и, уббаад̣̇ино д̇хаммаа наама ж̇аад̇о.
Ayaṃ pana tiko dvinnaṃ addhānaṃ vasena pūretvā dassito. Laddhokāsassa hi kammassa vipāko duvidho – khaṇappatto, ca appatto ca. Tattha ‘khaṇappatto’ uppanno nāma. ‘Appatto’ cittānantare vā uppajjatu, kappasatasahassātikkame vā. Dhuvapaccayaṭṭhena natthi nāma na hoti, uppādino dhammā nāma jāto. Yathā hi – ‘‘tiṭṭhateva sāyaṃ, poṭṭhapāda, arūpī attā saññāmayo . Atha imassa purisassa aññā ca saññā uppajjanti aññā ca saññā nirujjhantī’’ti (dī. ni. 1.419). Ettha āruppe kāmāvacarasaññāpavattikāle kiñcāpi mūlabhavaṅgasaññā niruddhā kāmāvacarasaññāya pana niruddhakāle avassaṃ sā uppajjissatīti arūpasaṅkhāto attā natthīti saṅkhyaṃ agantvā ‘tiṭṭhateva’ nāmāti jāto. Evameva laddhokāsassa kammassa vipāko duvidho…pe… dhuvapaccayaṭṭhena natthi nāma na hoti, uppādino dhammā nāma jāto.
яад̣̇и бана ааяуухид̇ам̣ гусалаагусалагаммам̣ саб̣б̣ам̣ вибаагам̣ д̣̇ад̣̇зяяа, ан̃н̃асса огаасо на бхавзяяа. д̇ам̣ бана д̣̇увид̇хам̣ ход̇и – д̇хувавибаагам̣, ад̇хувавибааган̃жа. д̇ад̇т̇а бан̃жа аананд̇арияагаммаани, адта самаабад̇д̇ияо, жад̇д̇ааро арияамаг̇г̇аад̇и зд̇ам̣ ‘д̇хувавибаагам̣’ наама. д̇ам̣ бана кан̣аббад̇д̇амби ад̇т̇и, аббад̇д̇амби. д̇ад̇т̇а ‘кан̣аббад̇д̇ам̣’ уббаннам̣ наама. ‘аббад̇д̇ам̣’ ануббаннам̣ наама. д̇асса вибааго жид̇д̇аананд̇арз ваа уббаж̇ж̇ад̇у габбасад̇асахассаад̇иггамз ваа. д̇хувабажжаяадтзна ануббаннам̣ наама на ход̇и, уббаад̣̇ино д̇хаммаа наама ж̇аад̇ам̣. мзд̇д̇зяяаб̣од̇хисад̇д̇асса маг̇г̇о ануббанно наама, палам̣ уббаад̣̇ино д̇хаммааязва наама ж̇аад̇ам̣.
Yadi pana āyūhitaṃ kusalākusalakammaṃ sabbaṃ vipākaṃ dadeyya, aññassa okāso na bhaveyya. Taṃ pana duvidhaṃ hoti – dhuvavipākaṃ, adhuvavipākañca. Tattha pañca ānantariyakammāni, aṭṭha samāpattiyo, cattāro ariyamaggāti etaṃ ‘dhuvavipākaṃ’ nāma. Taṃ pana khaṇappattampi atthi, appattampi. Tattha ‘khaṇappattaṃ’ uppannaṃ nāma. ‘Appattaṃ’ anuppannaṃ nāma. Tassa vipāko cittānantare vā uppajjatu kappasatasahassātikkame vā. Dhuvapaccayaṭṭhena anuppannaṃ nāma na hoti, uppādino dhammā nāma jātaṃ. Metteyyabodhisattassa maggo anuppanno nāma, phalaṃ uppādino dhammāyeva nāma jātaṃ.
1044. ад̇ийд̇ад̇д̇иганид̣̇д̣̇зсз ад̇ийд̇аад̇и кан̣ад̇д̇аяам̣ ад̇игганд̇аа. нируд̣̇д̇хаад̇и нирод̇хаббад̇д̇аа. виг̇ад̇аад̇и вибхавам̣ г̇ад̇аа, виг̇ажчид̇аа ваа. вибарин̣ад̇аад̇и багад̇ивиж̇аханзна вибарин̣аамам̣ г̇ад̇аа. нирод̇хасан̇каад̇ам̣ ад̇т̇ам̣ г̇ад̇аад̇и ад̇т̇ан̇г̇ад̇аа. аб̣бхад̇т̇ан̇г̇ад̇аад̇и убасаг̇г̇зна бад̣̇ам̣ вад̣дхид̇ам̣. уббаж̇ж̇ид̇ваа виг̇ад̇аад̇и ниб̣б̣ад̇д̇ид̇ваа виг̇ажчид̇аа. буна ад̇ийд̇аважанз гааран̣ам̣ хздтаа вуд̇д̇амзва. барад̇о анааг̇ад̇аад̣̇ийсуби зсзва наяо. ад̇ийд̇ам̣сзна сан̇г̇ахид̇аад̇и ад̇ийд̇агодтаасзна г̇ан̣анам̣ г̇ад̇аа. гад̇амз д̇зд̇и? руубам̣ взд̣̇анаа сан̃н̃аа сан̇каараа вин̃н̃аан̣ам̣. барад̇о анааг̇ад̇аад̣̇ийсуби зсзва наяо.
1044. Atītattikaniddese atītāti khaṇattayaṃ atikkantā. Niruddhāti nirodhappattā. Vigatāti vibhavaṃ gatā, vigacchitā vā. Vipariṇatāti pakativijahanena vipariṇāmaṃ gatā. Nirodhasaṅkhātaṃ atthaṃ gatāti atthaṅgatā. Abbhatthaṅgatāti upasaggena padaṃ vaḍḍhitaṃ. Uppajjitvā vigatāti nibbattitvā vigacchitā. Puna atītavacane kāraṇaṃ heṭṭhā vuttameva. Parato anāgatādīsupi eseva nayo. Atītaṃsena saṅgahitāti atītakoṭṭhāsena gaṇanaṃ gatā. Katame teti? Rūpaṃ vedanā saññā saṅkhārā viññāṇaṃ. Parato anāgatādīsupi eseva nayo.
1047. ад̇ийд̇аарамман̣ад̇д̇иганид̣̇д̣̇зсз ад̇ийд̇з д̇хаммз аараб̣бхаад̇иаад̣̇ийсу барид̇д̇амахаг̇г̇ад̇аава д̇хаммаа взд̣̇ид̇аб̣б̣аа. д̇з хи ад̇ийд̇аад̣̇ийни аараб̣бха уббаж̇ж̇анд̇и.
1047. Atītārammaṇattikaniddese atīte dhamme ārabbhātiādīsu parittamahaggatāva dhammā veditabbā. Te hi atītādīni ārabbha uppajjanti.
1050. аж̇жхад̇д̇ад̇д̇иганид̣̇д̣̇зсз д̇зсам̣ д̇зсанд̇и бад̣̇ад̣̇ваязна саб̣б̣асад̇д̇з барияаад̣̇ияад̇и. аж̇жхад̇д̇ам̣ бажжад̇д̇анд̇и убхаяам̣ нияагаж̇жхад̇д̇аад̇хиважанам̣. нияад̇аад̇и ад̇д̇ани ж̇аад̇аа. баадибуг̇г̇алигаад̇и баадиязггасса баадиязггасса буг̇г̇аласса санд̇агаа. убаад̣̇ин̣н̣аад̇и сарийрадтагаа. д̇з хи гамманиб̣б̣ад̇д̇аа ваа хонд̇у маа ваа, аад̣̇иннаг̇ахид̇абараамадтавасзна бана ид̇ха убаад̣̇ин̣н̣аад̇и вуд̇д̇аа.
1050. Ajjhattattikaniddese tesaṃ tesanti padadvayena sabbasatte pariyādiyati. Ajjhattaṃ paccattanti ubhayaṃ niyakajjhattādhivacanaṃ. Niyatāti attani jātā. Pāṭipuggalikāti pāṭiyekkassa pāṭiyekkassa puggalassa santakā. Upādiṇṇāti sarīraṭṭhakā. Te hi kammanibbattā vā hontu mā vā, ādinnagahitaparāmaṭṭhavasena pana idha upādiṇṇāti vuttā.
1051. барасад̇д̇аананд̇и ад̇д̇аанам̣ табзд̇ваа авасзсасад̇д̇аанам̣. барабуг̇г̇алаананд̇и д̇ассзва взважанам̣. сзсам̣ хздтаа вуд̇д̇асад̣̇исамзва. д̇ад̣̇убхаяанд̇и д̇ам̣ убхаяам̣.
1051. Parasattānanti attānaṃ ṭhapetvā avasesasattānaṃ. Parapuggalānanti tasseva vevacanaṃ. Sesaṃ heṭṭhā vuttasadisameva. Tadubhayanti taṃ ubhayaṃ.
1053. аж̇жхад̇д̇аарамман̣ад̇д̇игасса батамабад̣̇з барид̇д̇амахаг̇г̇ад̇аа д̇хаммаа взд̣̇ид̇аб̣б̣аа. д̣̇уд̇ияз аббамаан̣ааби. д̇ад̇ияз барид̇д̇амахаг̇г̇ад̇аава. аббамаан̣аа бана гаалзна б̣ахид̣̇д̇хаа гаалзна аж̇жхад̇д̇ам̣ аарамман̣ам̣ на гаронд̇и. санид̣̇ассанад̇д̇иганид̣̇д̣̇зсо уд̇д̇ааноязваад̇и.
1053. Ajjhattārammaṇattikassa paṭhamapade parittamahaggatā dhammā veditabbā. Dutiye appamāṇāpi. Tatiye parittamahaggatāva. Appamāṇā pana kālena bahiddhā kālena ajjhattaṃ ārammaṇaṃ na karonti. Sanidassanattikaniddeso uttānoyevāti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̇иганигкзбам̣ • Tikanikkhepaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇иганигкзбагат̇ааван̣н̣анаа • Tikanikkhepakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇иганигкзбагат̇ааван̣н̣анаа • Tikanikkhepakathāvaṇṇanā
