| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
3. нигкзбаган̣д̣ам̣
3. Nikkhepakaṇḍaṃ
д̇иганигкзбагат̇ааван̣н̣анаа
Tikanikkhepakathāvaṇṇanā
985. саб̣б̣зсанд̇и жид̇д̇уббаад̣̇авасзна руубаасан̇кад̇авасзна жа бхиннаанам̣ саб̣б̣зсам̣ пассаад̣̇ижагкаад̣̇ибад̣̇абхааж̇ананаязна вид̇т̇аарид̇о. д̇ад̇т̇а бана асан̇кад̇асса бхзд̣̇аабхаавад̇о асан̇кад̇аа д̇хаад̇ууд̇взва бад̣̇абхааж̇анам̣ д̣̇адтаб̣б̣ам̣. язваабанагаанам̣ бана сукумубаад̣̇ааяаруубасса жа инд̣̇рияавигаарабарижчзд̣̇алагкан̣аруубубад̇т̇амбхагабхааварахид̇асса хад̣̇аяавад̇т̇усса бад̣̇уд̣̇д̇хаарзна ид̇ха нид̣̇д̣̇зсаанарахад̇д̇аа нид̣̇д̣̇зсо на гад̇од̇и д̣̇адтаб̣б̣о. на хи д̇ат̇ааг̇ад̇асса д̇хаммзсу аажарияамудти ад̇т̇ийд̇и. нигкибид̇ваад̇и вид̇т̇аарад̣̇зсанам̣ табзд̇ваа, абанзд̇ваад̇и ад̇т̇о, вид̇т̇аарад̣̇зсанам̣ анд̇ог̇ад̇хам̣ гад̇ваад̇и ваа. г̇аат̇аад̇т̇о нид̣̇аанз вуд̇д̇о зва.
985. Sabbesanti cittuppādavasena rūpāsaṅkhatavasena ca bhinnānaṃ sabbesaṃ phassādicakkhādipadabhājananayena vitthārito. Tattha pana asaṅkhatassa bhedābhāvato asaṅkhatā dhātūtveva padabhājanaṃ daṭṭhabbaṃ. Yevāpanakānaṃ pana sukhumupādāyarūpassa ca indriyavikāraparicchedalakkhaṇarūpupatthambhakabhāvarahitassa hadayavatthussa paduddhārena idha niddesānarahattā niddeso na katoti daṭṭhabbo. Na hi tathāgatassa dhammesu ācariyamuṭṭhi atthīti. Nikkhipitvāti vitthāradesanaṃ ṭhapetvā, apanetvāti attho, vitthāradesanaṃ antogadhaṃ katvāti vā. Gāthāttho nidāne vutto eva.
муулавасзна бажжаяабхааво хзд̇убажжаяад̇т̇о. бабхавад̇и зд̇асмаад̇и бабхаво, со зва ‘‘ж̇анаго’’д̇и висзсид̇о. самудтаад̇и зд̇знаад̇и самудтаанам̣, д̇асса висзсанам̣ ниб̣б̣ад̇д̇аганд̇и. саб̣б̣аани ваа зд̇аани барияааяаважанаани. ад̇т̇авасзнаад̇и гасмаа вуд̇д̇ам̣, нану гусаламуулаанам̣ хзд̇убхаавад̇о д̇хаммавасзнаад̇и яуд̇д̇анд̇и? сажжамзд̇ам̣, алобхаад̣̇ийнам̣ бана д̇ин̣н̣ам̣ самаанасса мууладтасса васзна д̣̇ассид̇ад̇ам̣ санд̇хааяа ‘‘ад̇т̇авасзнаа’’д̇и вуд̇д̇ам̣. иминаа д̇хаммод̇и бхааво, ад̇т̇од̇и д̇хаммагижжам̣ ад̇хиббзд̇анд̇и вин̃н̃ааяад̇и. ‘‘алобхо нид̣̇аанам̣ гаммаанам̣ самуд̣̇аяааяаа’’д̇иаад̣̇иважанад̇о (а. ни. 3.34) д̇аани гусаламуулаани самудтаанам̣ зд̇ассаад̇иби д̇ам̣самудтаанам̣. д̇ам̣ бана д̇зхи самудтид̇ам̣ ход̇ийд̇и ‘‘алобхаад̣̇ийхи самудтид̇а’’нд̇и ааха. д̇з гусаламуулад̇ам̣самбаяуд̇д̇аа самудтаанам̣ зд̇ассаад̇иби ад̇т̇о самбхавад̇и. зд̇т̇а бана жзд̇анам̣ табзд̇ваа ан̃н̃з ‘‘д̇ам̣самбаяуд̇д̇аа’’д̇и самудтаанабхаавз вад̇д̇аб̣б̣аа. д̇ад̇т̇а муулзхи ад̇д̇ано бажжаяад̇о гусалз барияаад̣̇ияад̇и, канд̇хзхи сабхаавад̇о , гаммзхи ан̃н̃асса ниб̣б̣ад̇д̇анагижжад̇о. муулзхи жа гусалаанам̣ анаваж̇ж̇ад̇ааяа хзд̇ум̣ д̣̇ассзд̇и, канд̇хзхи д̇ам̣самбаяог̇агад̇ам̣ анаваж̇ж̇асабхаавам̣, гаммзхи сукавибаагад̇ам̣. муулзхи ваа нид̣̇аанасамбад̇д̇ияаа аад̣̇игаляаан̣ад̇ам̣, канд̇хзхи сабхаавасамбад̇д̇ияаа маж̇жхзгаляаан̣ад̇ам̣, гаммзхи ниб̣б̣ад̇д̇исамбад̇д̇ияаа барияосаанагаляаан̣ад̇ам̣.
Mūlavasena paccayabhāvo hetupaccayattho. Pabhavati etasmāti pabhavo, so eva ‘‘janako’’ti visesito. Samuṭṭhāti etenāti samuṭṭhānaṃ, tassa visesanaṃ nibbattakanti. Sabbāni vā etāni pariyāyavacanāni. Atthavasenāti kasmā vuttaṃ, nanu kusalamūlānaṃ hetubhāvato dhammavasenāti yuttanti? Saccametaṃ, alobhādīnaṃ pana tiṇṇaṃ samānassa mūlaṭṭhassa vasena dassitataṃ sandhāya ‘‘atthavasenā’’ti vuttaṃ. Iminā dhammoti bhāvo, atthoti dhammakiccaṃ adhippetanti viññāyati. ‘‘Alobho nidānaṃ kammānaṃ samudayāyā’’tiādivacanato (a. ni. 3.34) tāni kusalamūlāni samuṭṭhānaṃ etassātipi taṃsamuṭṭhānaṃ. Taṃ pana tehi samuṭṭhitaṃ hotīti ‘‘alobhādīhi samuṭṭhita’’nti āha. Te kusalamūlataṃsampayuttā samuṭṭhānaṃ etassātipi attho sambhavati. Ettha pana cetanaṃ ṭhapetvā aññe ‘‘taṃsampayuttā’’ti samuṭṭhānabhāve vattabbā. Tattha mūlehi attano paccayato kusale pariyādiyati, khandhehi sabhāvato , kammehi aññassa nibbattanakiccato. Mūlehi ca kusalānaṃ anavajjatāya hetuṃ dasseti, khandhehi taṃsampayogakataṃ anavajjasabhāvaṃ, kammehi sukhavipākataṃ. Mūlehi vā nidānasampattiyā ādikalyāṇataṃ, khandhehi sabhāvasampattiyā majjhekalyāṇataṃ, kammehi nibbattisampattiyā pariyosānakalyāṇataṃ.
986. д̇ам̣ …бз… уд̣̇д̇хам̣ агусалам̣ наама над̇т̇ийд̇и гасмаа вуд̇д̇ам̣, нану вижигижчуд̣̇д̇хажжасахаг̇ад̇амохо ад̇т̇ийд̇и? сажжамзд̇ам̣, д̇зна бана винаа д̇ам̣самбаяуд̇д̇ад̇аа над̇т̇ийд̇и д̇ам̣самбаяуд̇д̇зсу г̇ахид̇зсу мохо г̇ахид̇о зваад̇и гад̇ваа ‘‘д̇ад̇о уд̣̇д̇хам̣ над̇т̇ий’’д̇и вуд̇д̇ам̣ ан̃н̃ад̇т̇а абхааваа. згасмим̣ тид̇ам̣ згадтам̣, сахаж̇абхаавзна згадтам̣ сахаж̇згадтам̣. бахаад̇аб̣б̣анд̇и бахаанам̣, бахаанабхаавзна згадтам̣ бахаанзгадтам̣. язна хи яам̣ саха бахаад̇аб̣б̣ам̣, д̇зна д̇ам̣ згасмим̣ буг̇г̇алз тид̇ам̣ ход̇и, згасмим̣ самужчиннз асамужчиннз жа ид̇арасса самужчиннад̇ааяа асамужчиннад̇ааяа жа васзна ан̃н̃аман̃н̃аавирахид̇ад̇о.
986. Taṃ…pe… uddhaṃ akusalaṃ nāma natthīti kasmā vuttaṃ, nanu vicikicchuddhaccasahagatamoho atthīti? Saccametaṃ, tena pana vinā taṃsampayuttatā natthīti taṃsampayuttesu gahitesu moho gahito evāti katvā ‘‘tato uddhaṃ natthī’’ti vuttaṃ aññattha abhāvā. Ekasmiṃ ṭhitaṃ ekaṭṭhaṃ, sahajabhāvena ekaṭṭhaṃ sahajekaṭṭhaṃ. Pahātabbanti pahānaṃ, pahānabhāvena ekaṭṭhaṃ pahānekaṭṭhaṃ. Yena hi yaṃ saha pahātabbaṃ, tena taṃ ekasmiṃ puggale ṭhitaṃ hoti, ekasmiṃ samucchinne asamucchinne ca itarassa samucchinnatāya asamucchinnatāya ca vasena aññamaññāvirahitato.
987. д̇ийн̣и лагкан̣аанийд̇и анижжад̣̇угкаанад̇д̇ад̇аа. наамагасин̣асад̇д̇абан̃н̃ад̇д̇ияо д̇иссо бан̃н̃ад̇д̇ияо. барамад̇т̇з амун̃жид̇ваа вохарияамаанаа вихаараман̃жаад̣̇игаа убаад̣̇аабан̃н̃ад̇д̇и сад̇д̇абан̃н̃ад̇д̇иг̇г̇ахан̣зна г̇ахид̇аад̇и взд̣̇ид̇аб̣б̣аа, зд̇аани жа лагкан̣аад̣̇ийни хздтаа д̣̇вийсу ган̣д̣зсу вин̃н̃ад̇д̇иаад̣̇ийни вияа на вуд̇д̇аани, на жа сабхаавад̇хаммаад̇и гад̇ваа на лаб̣бханд̇ийд̇и вуд̇д̇аани. на хи гожи сабхааво гусалад̇д̇игаасан̇г̇ахид̇од̇и вад̇д̇ум̣ яуд̇д̇анд̇и.
987. Tīṇi lakkhaṇānīti aniccadukkhaanattatā. Nāmakasiṇasattapaññattiyo tisso paññattiyo. Paramatthe amuñcitvā vohariyamānā vihāramañcādikā upādāpaññatti sattapaññattiggahaṇena gahitāti veditabbā, etāni ca lakkhaṇādīni heṭṭhā dvīsu kaṇḍesu viññattiādīni viya na vuttāni, na ca sabhāvadhammāti katvā na labbhantīti vuttāni. Na hi koci sabhāvo kusalattikāsaṅgahitoti vattuṃ yuttanti.
988. сукабхуумийд̇и гаамааважараад̣̇аяоби яуж̇ж̇анд̇и. сукасахаг̇ад̇аа хи гаамааважараад̣̇ибхууми сукабхууми. гаамааважараад̣̇ибхуумийд̇и жа гаамааважараад̣̇ид̇ааяа д̇хаммаа зва вужжанд̇ийд̇и гаамааважараад̣̇ижид̇д̇уббаад̣̇зсууд̇и ад̇т̇ад̇о вин̃н̃ааяад̇и. зван̃жа гад̇ваа ‘‘сукабхуумияа’’нд̇и вад̇ваа д̇ассаа зва вибхааг̇ад̣̇ассанад̇т̇ам̣ ‘‘гаамааважарз’’д̇иаад̣̇и вуд̇д̇ам̣. бхууми-сад̣̇д̣̇о жа абхид̇хаммз гаамааважараад̣̇ийсу нирул̣ход̇и ‘‘жад̇уусу бхуумийсу гусала’’нд̇иаад̣̇ийсу (д̇ха. са. 1384) ан̃н̃абхуумиг̇г̇ахан̣ам̣ на ход̇ийд̇и. баал̣ид̇о жаад̇и ‘‘висидтаанам̣ баагаад̇и вибаагаа’’д̇иаад̣̇иважанад̇т̇авибхааванзна баал̣ид̇о. ‘‘вибаггабхаавамаабаннаанам̣ аруубад̇хаммаанамзд̇ам̣ ад̇хиважана’’нд̇иаад̣̇инаа бхаасид̇ад̇т̇авибхааванзна ад̇т̇ад̇о жа. наамабарижчзд̣̇аад̣̇ийхи д̇игад̣̇угаанам̣ вавад̇т̇аанад̣̇ассанзна ваа баал̣ид̇о, д̇ад̣̇ад̇т̇авин̃н̃аабанзна ад̇т̇ад̇о.
988. Sukhabhūmīti kāmāvacarādayopi yujjanti. Sukhasahagatā hi kāmāvacarādibhūmi sukhabhūmi. Kāmāvacarādibhūmīti ca kāmāvacarāditāya dhammā eva vuccantīti kāmāvacarādicittuppādesūti atthato viññāyati. Evañca katvā ‘‘sukhabhūmiya’’nti vatvā tassā eva vibhāgadassanatthaṃ ‘‘kāmāvacare’’tiādi vuttaṃ. Bhūmi-saddo ca abhidhamme kāmāvacarādīsu niruḷhoti ‘‘catūsu bhūmīsu kusala’’ntiādīsu (dha. sa. 1384) aññabhūmiggahaṇaṃ na hotīti. Pāḷito cāti ‘‘visiṭṭhānaṃ pākāti vipākā’’tiādivacanatthavibhāvanena pāḷito. ‘‘Vipakkabhāvamāpannānaṃ arūpadhammānametaṃ adhivacana’’ntiādinā bhāsitatthavibhāvanena atthato ca. Nāmaparicchedādīhi tikadukānaṃ vavatthānadassanena vā pāḷito, tadatthaviññāpanena atthato.
991. саалипаланд̇и саалибаагамааха.
991. Sāliphalanti sālipākamāha.
994. амхаагам̣ маад̇улад̇т̇зрод̇и буг̇г̇алаарамман̣ассаби убаад̣̇аанасса убаад̣̇аанагканд̇хаа зва бажжаяо, на логуд̇д̇араа, го бана ваад̣̇о канд̇хаарамман̣асса. д̇знааха ‘‘аг̇г̇ахид̇ааний’’д̇и.
994. Amhākaṃ mātulattheroti puggalārammaṇassapi upādānassa upādānakkhandhā eva paccayo, na lokuttarā, ko pana vādo khandhārammaṇassa. Tenāha ‘‘aggahitānī’’ti.
998. яат̇аа убаад̣̇аанзхи аг̇г̇ахзд̇аб̣б̣аа анубаад̣̇аанияаа, звам̣ сам̣гилзсзхи аг̇г̇ахзд̇аб̣б̣аа асам̣гилзсигаад̇и гад̇ваа ‘‘асам̣…бз… зсзва наяо’’д̇и ааха.
998. Yathā upādānehi aggahetabbā anupādāniyā, evaṃ saṃkilesehi aggahetabbā asaṃkilesikāti katvā ‘‘asaṃ…pe… eseva nayo’’ti āha.
1006. д̣̇идтияаа г̇ахид̇о ад̇д̇аа на виж̇ж̇ад̇и. язсу бана вибаллад̇т̇аг̇аахо, д̇з убаад̣̇аанагканд̇хаава виж̇ж̇анд̇и. д̇асмаа яасмим̣ авиж̇ж̇амаананижжаад̣̇ивибарияаасаагаараг̇ахан̣ам̣ ад̇т̇и, сова убаад̣̇аанагканд̇хабан̃жагасан̇каад̇о гааяо. д̇ад̇т̇а нижжаад̣̇иаагаарасса авиж̇ж̇амаанад̇аад̣̇ассанад̇т̇ам̣ руббанаад̣̇исабхаавассзва жа виж̇ж̇амаанад̇аад̣̇ассанад̇т̇ам̣ виж̇ж̇амаано гааяод̇и висзсзд̇ваа вуд̇д̇о, логуд̇д̇араа бана на гад̣̇аажи авиж̇ж̇амаанаагаарзна г̇аяханд̇ийд̇и на ид̣̇ам̣ висзсанам̣ араханд̇и. саггааяз д̣̇идти, сад̇ий ваа гааяз д̣̇идти саггааяад̣̇идти. ад̇д̇анаа г̇ахид̇аагаарасса авиж̇ж̇амаанад̇ааяа саяамзва сад̇ий, на д̇ааяа г̇ахид̇о ад̇д̇аа ад̇д̇анияам̣ ваад̇и ад̇т̇о. аяам̣ банад̇т̇о самбхавад̇ийд̇и гад̇ваа вуд̇д̇о, буримо зва бана бад̇хаано. д̣̇уд̇ияз хи д̣̇идтияаа вад̇т̇у ависзсид̇ам̣ ход̇и. гааяод̇и хи канд̇хабан̃жагз вужжамаанз логуд̇д̇араабанаяанам̣ над̇т̇и. на хи логуд̇д̇арзсу гааяа-сад̣̇д̣̇о на вад̇д̇ад̇и. гааяабассад̣̇д̇хиаад̣̇ийсу хи логуд̇д̇арзсу гааяа-сад̣̇д̣̇оби логуд̇д̇арагканд̇хаваажагод̇и. сийлзнаад̇и суд̣̇д̇хияаа ахзд̇убхууд̇зна сийлзна. г̇ахид̇асамаад̣̇аананд̇и уббаад̣̇ид̇абараамаасова. со хи самаад̣̇ияанд̇и зд̇зна гуггурасийлавад̇аад̣̇ийнийд̇и ‘‘самаад̣̇аана’’нд̇и вуд̇д̇о. д̇ад̇т̇а авийд̇иггаманийяад̇ааяа сийлам̣, бхад̇д̇ивасзна сад̇ад̇ам̣ жарид̇аб̣б̣ад̇ааяа вад̇ам̣ д̣̇адтаб̣б̣ам̣.
1006. Diṭṭhiyā gahito attā na vijjati. Yesu pana vipallatthagāho, te upādānakkhandhāva vijjanti. Tasmā yasmiṃ avijjamānaniccādivipariyāsākāragahaṇaṃ atthi, sova upādānakkhandhapañcakasaṅkhāto kāyo. Tattha niccādiākārassa avijjamānatādassanatthaṃ ruppanādisabhāvasseva ca vijjamānatādassanatthaṃ vijjamāno kāyoti visesetvā vutto, lokuttarā pana na kadāci avijjamānākārena gayhantīti na idaṃ visesanaṃ arahanti. Sakkāye diṭṭhi, satī vā kāye diṭṭhi sakkāyadiṭṭhi. Attanā gahitākārassa avijjamānatāya sayameva satī, na tāya gahito attā attaniyaṃ vāti attho. Ayaṃ panattho sambhavatīti katvā vutto, purimo eva pana padhāno. Dutiye hi diṭṭhiyā vatthu avisesitaṃ hoti. Kāyoti hi khandhapañcake vuccamāne lokuttarāpanayanaṃ natthi. Na hi lokuttaresu kāya-saddo na vattati. Kāyapassaddhiādīsu hi lokuttaresu kāya-saddopi lokuttarakkhandhavācakoti. Sīlenāti suddhiyā ahetubhūtena sīlena. Gahitasamādānanti uppāditaparāmāsova. So hi samādiyanti etena kukkurasīlavatādīnīti ‘‘samādāna’’nti vutto. Tattha avītikkamanīyatāya sīlaṃ, bhattivasena satataṃ caritabbatāya vataṃ daṭṭhabbaṃ.
1007. ид̇хзва д̇идтамаанассаад̇и имиссааязва инд̣̇асаалаг̇ухааяам̣ д̇идтамаанасса. ваажуг̇г̇ад̇агаран̣ам̣ уг̇г̇ахо. ад̇т̇абарибужчанам̣ барибужчаа. гусалзхи саха жод̣̇анаабарихаран̣авасзна винижчаяагаран̣ам̣ винижчаяо. б̣ахуунам̣ наанаббагаараанам̣ саггааяад̣̇идтийнам̣ авихад̇ад̇д̇аа д̇аа ж̇анзнд̇и, д̇аахи ж̇анид̇аад̇и ваа бут̇уж̇ж̇анаа. авигхаад̇амзва ваа ж̇ана-сад̣̇д̣̇о вад̣̇ад̇и. бут̇у сад̇т̇аараанам̣ мукуллогигаад̇и зд̇т̇а бут̇уу ж̇анаа зд̇зсанд̇и бут̇уж̇ж̇анаад̇и важанад̇т̇о. бут̇у…бз… авудтид̇аад̇и зд̇т̇а ж̇анзд̇аб̣б̣аа, ж̇ааяанд̇и ваа зд̇т̇аад̇и ж̇анаа, г̇ад̇ияо. бут̇уу ж̇анаа зд̇зсанд̇и бут̇уж̇ж̇анаа. ид̇о барз ж̇ааяанд̇и зд̇зхийд̇и ж̇анаа, абхисан̇каараад̣̇аяо. д̇з зд̇зсам̣ бут̇уу виж̇ж̇анд̇ийд̇и бут̇уж̇ж̇анаа. абхисан̇каран̣аад̣̇иад̇т̇о зва ваа ж̇ана-сад̣̇д̣̇о д̣̇адтаб̣б̣о. рааг̇аг̇г̇иаад̣̇аяо санд̇аабаа. д̇з зва саб̣б̣зби ваа гилзсаа барил̣аахаа. бут̇у бан̃жасу гаамаг̇ун̣зсууд̇и зд̇т̇а ж̇ааяад̇ийд̇и ж̇ано, ‘‘рааг̇о г̇зд̇хо’’д̇и звамаад̣̇иго. бут̇у ж̇ано зд̇зсанд̇и бут̇уж̇ж̇анаа. бут̇уусу ваа ж̇анаа ж̇аад̇аа рад̇д̇аад̇и звам̣ рааг̇аад̣̇иад̇т̇о зва ж̇ана-сад̣̇д̣̇о д̣̇адтаб̣б̣о. балиб̣уд̣̇д̇хаад̇и самб̣ад̣̇д̇хаа убад̣̇д̣̇уд̇аа ваа. ассуд̇аваад̇и зд̇зна анд̇хад̇аа вуд̇д̇аад̇и ‘‘анд̇хабут̇уж̇ж̇ано вуд̇д̇о’’д̇и ааха.
1007. Idheva tiṭṭhamānassāti imissāyeva indasālaguhāyaṃ tiṭṭhamānassa. Vācuggatakaraṇaṃ uggaho. Atthaparipucchanaṃ paripucchā. Kusalehi saha codanāpariharaṇavasena vinicchayakaraṇaṃ vinicchayo. Bahūnaṃ nānappakārānaṃ sakkāyadiṭṭhīnaṃ avihatattā tā janenti, tāhi janitāti vā puthujjanā. Avighātameva vā jana-saddo vadati. Puthu satthārānaṃ mukhullokikāti ettha puthū janā etesanti puthujjanāti vacanattho. Puthu…pe… avuṭṭhitāti ettha janetabbā, jāyanti vā etthāti janā, gatiyo. Puthū janā etesanti puthujjanā. Ito pare jāyanti etehīti janā, abhisaṅkhārādayo. Te etesaṃ puthū vijjantīti puthujjanā. Abhisaṅkharaṇādiattho eva vā jana-saddo daṭṭhabbo. Rāgaggiādayo santāpā. Te eva sabbepi vā kilesā pariḷāhā. Puthu pañcasukāmaguṇesūti ettha jāyatīti jano, ‘‘rāgo gedho’’ti evamādiko. Puthu jano etesanti puthujjanā. Puthūsu vā janā jātā rattāti evaṃ rāgādiattho eva jana-saddo daṭṭhabbo. Palibuddhāti sambaddhā upaddutā vā. Assutavāti etena andhatā vuttāti ‘‘andhaputhujjano vutto’’ti āha.
анаязд̇и авад̣дхияам̣. саб̣б̣ад̇т̇а нируд̇д̇илагкан̣зна бад̣̇асид̣̇д̇хи взд̣̇ид̇аб̣б̣аа. анзгзсу жа габбасад̇асахассзсу гад̇ам̣ ж̇аананд̇и, баагадан̃жа гаронд̇и убагаарам̣ сад̇иж̇ананааамисабадиг̇г̇ахан̣аад̣̇инаа бажжзгасамб̣уд̣̇д̇хаа, д̇ат̇зва д̣̇угкид̇асса саггажжам̣ гаад̇аб̣б̣ам̣ гаронд̇и. саммаасамб̣уд̣̇д̇хо бана асан̇кязяяааббамзяязсуби гад̇ам̣ убагаарам̣ маг̇г̇апалаанам̣ убаниссаяан̃жа ж̇аанаад̇и, баагадан̃жа гарод̇и, сийхо вияа жа ж̇авам̣ саб̣б̣ад̇т̇а саггажжамзва д̇хаммад̣̇зсанам̣ гарод̇и. арияабхаавод̇и язхи яог̇ад̇о арияаа вужжанд̇и, д̇з маг̇г̇апалад̇хаммаа д̣̇адтаб̣б̣аа. арияагарад̇хаммаа анижжад̣̇ассанаад̣̇аяо, вибассияамаанаа ваа анижжаад̣̇аяо.
Anayeti avaḍḍhiyaṃ. Sabbattha niruttilakkhaṇena padasiddhi veditabbā. Anekesu ca kappasatasahassesu kataṃ jānanti, pākaṭañca karonti upakāraṃ satijananaāmisapaṭiggahaṇādinā paccekasambuddhā, tatheva dukkhitassa sakkaccaṃ kātabbaṃ karonti. Sammāsambuddho pana asaṅkhyeyyaappameyyesupi kataṃ upakāraṃ maggaphalānaṃ upanissayañca jānāti, pākaṭañca karoti, sīho viya ca javaṃ sabbattha sakkaccameva dhammadesanaṃ karoti. Ariyabhāvoti yehi yogato ariyā vuccanti, te maggaphaladhammā daṭṭhabbā. Ariyakaradhammā aniccadassanādayo, vipassiyamānā vā aniccādayo.
сод̇аанийд̇и д̇ан̣хаад̣̇идтигилзсад̣̇ужжарид̇аавиж̇ж̇аасод̇аани. ‘‘сод̇аанам̣ сам̣варам̣ б̣руумий’’д̇и вад̇ваа ‘‘бан̃н̃ааязд̇з бид̇хийяарз’’д̇и важанзна сод̇аанам̣ сам̣варо бид̣̇аханам̣ самужчзд̣̇ан̃аан̣анд̇и вин̃н̃ааяад̇и. канд̇ийд̇и ад̇хиваасанаа, саа жа д̇ат̇аабавад̇д̇аа канд̇хаа. бан̃н̃аад̇и згз, ад̣̇осо зва ваа. гааяад̣̇ужжарид̇аад̣̇ийнанд̇и д̣̇уссийляасан̇каад̇аанам̣ гааяаважийд̣̇ужжарид̇аанам̣ мудтассажжасан̇каад̇асса бамаад̣̇асса абхиж̇жхаад̣̇оманассаанам̣ баабагаанам̣ агканд̇иан̃н̃аан̣агосаж̇ж̇аанан̃жа. анубзгкаа сан̇каарзхи авивадданам̣, саалаяад̇аад̇и ад̇т̇о. д̇хаммадтид̇ияам̣ бадижжасамуббаад̣̇з бадиломабхааво сассад̇ужчзд̣̇аг̇аахо, д̇аббадижчаад̣̇агамохо ваа. ниб̣б̣аанз бадиломабхааво сан̇каарзсу рад̇и, ниб̣б̣аанабадижчаад̣̇аго мохо ваа. сан̇кааранимид̇д̇аг̇г̇ааход̇и яаад̣̇исасса гилзсасса аббахийнад̇д̇аа вибассанаа сан̇кааранимид̇д̇ам̣ на мун̃жад̇и, со гилзсо д̣̇адтаб̣б̣о. сан̇кааранимид̇д̇аг̇г̇ахан̣асса ад̇иггаманам̣ ваа бахаанам̣.
Sotānīti taṇhādiṭṭhikilesaduccaritaavijjāsotāni. ‘‘Sotānaṃ saṃvaraṃ brūmī’’ti vatvā ‘‘paññāyete pidhīyare’’ti vacanena sotānaṃ saṃvaro pidahanaṃ samucchedañāṇanti viññāyati. Khantīti adhivāsanā, sā ca tathāpavattā khandhā. Paññāti eke, adoso eva vā. Kāyaduccaritādīnanti dussīlyasaṅkhātānaṃ kāyavacīduccaritānaṃ muṭṭhassaccasaṅkhātassa pamādassa abhijjhādomanassānaṃ pāpakānaṃ akkhantiaññāṇakosajjānañca. Anupekkhā saṅkhārehi avivaṭṭanaṃ, sālayatāti attho. Dhammaṭṭhitiyaṃ paṭiccasamuppāde paṭilomabhāvo sassatucchedagāho, tappaṭicchādakamoho vā. Nibbāne paṭilomabhāvo saṅkhāresu rati, nibbānapaṭicchādako moho vā. Saṅkhāranimittaggāhoti yādisassa kilesassa appahīnattā vipassanā saṅkhāranimittaṃ na muñcati, so kileso daṭṭhabbo. Saṅkhāranimittaggahaṇassa atikkamanaṃ vā pahānaṃ.
жад̇уннам̣ арияамаг̇г̇аанам̣ бхаавид̇ад̇д̇аа ажжанд̇ам̣ аббавад̇д̇ибхаавзна яам̣ бахаананд̇и яож̇анаа взд̣̇ид̇аб̣б̣аа. гзна бана бахаананд̇и? арияамаг̇г̇зхзваад̇и вин̃н̃ааяамаано аяамад̇т̇о д̇зсам̣ бхаавид̇ад̇д̇аа аббавад̇д̇иважанзна. самуд̣̇аяабагкигассаад̇и зд̇т̇а жад̇д̇аароби маг̇г̇аа жад̇усажжаабхисамаяаад̇и гад̇ваа д̇зхи бахаад̇аб̣б̣зна д̇зна д̇зна самуд̣̇аязна саха бахаад̇аб̣б̣ад̇д̇аа самуд̣̇аяасабхааг̇ад̇д̇аа жа сажжавибхан̇г̇з жа саб̣б̣агилзсаанам̣ самуд̣̇аяабхаавасса вуд̇д̇ад̇д̇аа ‘‘самуд̣̇аяабагкигаа’’д̇и д̣̇идтиаад̣̇аяо вужжанд̇и. гааяаваажаажид̇д̇аанам̣ вируубаббавад̇д̇ияаа наяанам̣ абаяаабанам̣, гааяад̣̇ужжарид̇аад̣̇ийнам̣ винаасанаяанам̣ ваа винаяо, д̇зсам̣ ваа ж̇имхаббавад̇д̇им̣ вижчинд̣̇ид̇ваа уж̇уганаяанам̣ винаяанам̣. зсзсзд̇и зсо со зва, ад̇т̇ад̇о анан̃н̃од̇и ад̇т̇о. д̇аж̇ж̇аад̇зд̇и ад̇т̇ад̇о д̇ам̣сабхаавова. саббурисо арияасабхааво, арияо жа саббурисабхаавод̇и ад̇т̇о.
Catunnaṃ ariyamaggānaṃ bhāvitattā accantaṃ appavattibhāvena yaṃ pahānanti yojanā veditabbā. Kena pana pahānanti? Ariyamaggehevāti viññāyamāno ayamattho tesaṃ bhāvitattā appavattivacanena. Samudayapakkhikassāti ettha cattāropi maggā catusaccābhisamayāti katvā tehi pahātabbena tena tena samudayena saha pahātabbattā samudayasabhāgattā ca saccavibhaṅge ca sabbakilesānaṃ samudayabhāvassa vuttattā ‘‘samudayapakkhikā’’ti diṭṭhiādayo vuccanti. Kāyavācācittānaṃ virūpappavattiyā nayanaṃ apayāpanaṃ, kāyaduccaritādīnaṃ vināsanayanaṃ vā vinayo, tesaṃ vā jimhappavattiṃ vicchinditvā ujukanayanaṃ vinayanaṃ. Eseseti eso so eva, atthato anaññoti attho. Tajjāteti atthato taṃsabhāvova. Sappuriso ariyasabhāvo, ariyo ca sappurisabhāvoti attho.
ад̣̇ваяанд̇и д̣̇ваяад̇аарахид̇ам̣, ван̣н̣амзва ‘‘ажжий’’д̇и г̇ахзд̇ваа ажжим̣ ваа ‘‘ван̣н̣о зваа’’д̇и д̇зсам̣ згад̇д̇ам̣ бассанд̇о вияа яат̇аад̇аггид̇ам̣ ад̇д̇аанам̣ ‘‘рууба’’нд̇и, яат̇аад̣̇идтам̣ ваа руубам̣ ‘‘ад̇д̇аа’’д̇и г̇ахзд̇ваа д̇зсам̣ згад̇д̇ам̣ бассанд̇о д̣̇адтаб̣б̣о. зд̇т̇а жа ‘‘руубам̣ ад̇д̇аа’’д̇и имиссаа бавад̇д̇ияаа абхаавзби руубз ад̇д̇аг̇г̇ахан̣ам̣ бавад̇д̇амаанам̣ ажжияам̣ ван̣н̣аг̇г̇ахан̣ам̣ вияа. убамааяо жа анан̃н̃ад̇д̇аад̣̇иг̇г̇ахан̣анид̣̇ассанавасзнзва вуд̇д̇аа, на ван̣н̣аад̣̇ийнам̣ вияа ад̇д̇ано виж̇ж̇амаанад̇д̇асса, ад̇д̇ано вияа ваа ван̣н̣аад̣̇ийнам̣ авиж̇ж̇амаанад̇д̇асса д̣̇ассанад̇т̇ам̣.
Advayanti dvayatārahitaṃ, vaṇṇameva ‘‘accī’’ti gahetvā acciṃ vā ‘‘vaṇṇo evā’’ti tesaṃ ekattaṃ passanto viya yathātakkitaṃ attānaṃ ‘‘rūpa’’nti, yathādiṭṭhaṃ vā rūpaṃ ‘‘attā’’ti gahetvā tesaṃ ekattaṃ passanto daṭṭhabbo. Ettha ca ‘‘rūpaṃ attā’’ti imissā pavattiyā abhāvepi rūpe attaggahaṇaṃ pavattamānaṃ acciyaṃ vaṇṇaggahaṇaṃ viya. Upamāyo ca anaññattādiggahaṇanidassanavaseneva vuttā, na vaṇṇādīnaṃ viya attano vijjamānattassa, attano viya vā vaṇṇādīnaṃ avijjamānattassa dassanatthaṃ.
1008. сарийранибпад̇д̇ияаад̇и сарийрабаарибуурияаа. нижчзд̇ум̣ асаггонд̇о вижинанд̇о гижчад̇ийд̇и вижигижчаа. ид̣̇аббажжаяаанам̣ бхаавод̇и ж̇аад̇иаад̣̇исабхаавамзва ааха, ж̇аад̇иаад̣̇ийнам̣ ваа ж̇араамаран̣аад̣̇иуббаад̣̇анасамад̇т̇ад̇ам̣. саа бана ж̇аад̇иаад̣̇ивинимуд̇д̇аа над̇т̇ийд̇и д̇зсам̣язваад̇хиважанам̣ ход̇и ‘‘ид̣̇аббажжаяад̇аа’’д̇и.
1008. Sarīranipphattiyāti sarīrapāripūriyā. Nicchetuṃ asakkonto vicinanto kicchatīti vicikicchā. Idappaccayānaṃ bhāvoti jātiādisabhāvameva āha, jātiādīnaṃ vā jarāmaraṇādiuppādanasamatthataṃ. Sā pana jātiādivinimuttā natthīti tesaṃyevādhivacanaṃ hoti ‘‘idappaccayatā’’ti.
1009. ид̇ха анааг̇ад̇агилзсаа ‘‘д̇ад̣̇згадтаа гилзсаа’’д̇и вужжанд̇ийд̇и д̇з д̣̇ассзд̇ум̣ ‘‘имиссаа жа баал̣ияаа’’д̇иаад̣̇и аарад̣̇д̇хам̣. сахаж̇згадтавасзнаад̇и д̇ад̇т̇а уббаннад̣̇идтияаа сахаж̇згадтавасзнаад̇и ад̇т̇ад̇о вин̃н̃ааяад̇и. д̇ам̣самбаяуд̇д̇од̇и д̇зхи сам̣яож̇анагилзсзхи самбаяуд̇д̇од̇иби ад̇т̇о яуж̇ж̇ад̇и. д̇ат̇аа д̇з сам̣яож̇анагилзсаа самудтаанам̣ зд̇ассаад̇и д̇ам̣самудтаананд̇и ваа. сам̣яож̇анарахид̇зхи жа бана гилзсзхи самбаяуд̇д̇аанам̣ самудтид̇аанан̃жа саб̣бхаавад̇о гилзсзхзва яож̇анаа гад̇аа.
1009. Idha anāgatakilesā ‘‘tadekaṭṭhā kilesā’’ti vuccantīti te dassetuṃ ‘‘imissā ca pāḷiyā’’tiādi āraddhaṃ. Sahajekaṭṭhavasenāti tattha uppannadiṭṭhiyā sahajekaṭṭhavasenāti atthato viññāyati. Taṃsampayuttoti tehi saṃyojanakilesehi sampayuttotipi attho yujjati. Tathā te saṃyojanakilesā samuṭṭhānaṃ etassāti taṃsamuṭṭhānanti vā. Saṃyojanarahitehi ca pana kilesehi sampayuttānaṃ samuṭṭhitānañca sabbhāvato kileseheva yojanā katā.
1011. сам̣яож̇анаад̣̇ийнам̣ вияаад̇и сам̣яож̇анад̇ад̣̇згадтагилзсаад̣̇ийнам̣ яат̇аавуд̇д̇аанам̣ вияа. д̇зхийд̇и д̣̇ассанабхааванаамаг̇г̇зхи. абхисан̇кааравин̃н̃аан̣ам̣ гусалаагусалам̣, наамаруубан̃жа вибааганд̇и гад̇ваа ‘‘гусалаад̣̇ийнамби бахаанам̣ анун̃н̃аад̇а’’нд̇и ааха.
1011. Saṃyojanādīnaṃ viyāti saṃyojanatadekaṭṭhakilesādīnaṃ yathāvuttānaṃ viya. Tehīti dassanabhāvanāmaggehi. Abhisaṅkhāraviññāṇaṃ kusalākusalaṃ, nāmarūpañca vipākanti katvā ‘‘kusalādīnampi pahānaṃ anuññāta’’nti āha.
1013. хзд̇уу жзваад̇и ‘‘бахаад̇аб̣б̣ахзд̇угаа’’д̇и зд̇асмим̣ самаасабад̣̇з згад̣̇зсзна самаасабад̣̇ад̇т̇ам̣ вад̣̇ад̇и. зд̇т̇а жа буриманаязна ‘‘имз д̇хаммаа д̣̇ассанзнабахаад̇аб̣б̣ахзд̇угаа’’д̇и имзязва д̣̇ассанзнабахаад̇аб̣б̣ахзд̇угаа, на ид̇о ан̃н̃зд̇и аяам̣ нияамо бан̃н̃ааяад̇и, на имз д̣̇ассанзнабахаад̇аб̣б̣ахзд̇угааязваад̇и. д̇асмаа имзсам̣ д̣̇ассанзнабахаад̇аб̣б̣ахзд̇угабхааво анияад̇о вижигижчаасахаг̇ад̇амохасса ахзд̇угад̇д̇аад̇и буриманаяо виваран̣ийяад̇т̇аваа ход̇и. д̇асмаа буриманаязна д̇хаммад̇о д̣̇ассанзнабахаад̇аб̣б̣ахзд̇угз нигкибид̇ваа ад̇т̇ад̇о нигкибид̇ум̣ д̣̇уд̇ияанаяо вуд̇д̇о.
1013. Hetūcevāti ‘‘pahātabbahetukā’’ti etasmiṃ samāsapade ekadesena samāsapadatthaṃ vadati. Ettha ca purimanayena ‘‘ime dhammā dassanenapahātabbahetukā’’ti imeyeva dassanenapahātabbahetukā, na ito aññeti ayaṃ niyamo paññāyati, na ime dassanenapahātabbahetukāyevāti. Tasmā imesaṃ dassanenapahātabbahetukabhāvo aniyato vicikicchāsahagatamohassa ahetukattāti purimanayo vivaraṇīyatthavā hoti. Tasmā purimanayena dhammato dassanenapahātabbahetuke nikkhipitvā atthato nikkhipituṃ dutiyanayo vutto.
1029. махаг̇г̇ад̇аа ваа ид̣̇д̇хивид̇хаад̣̇аяо. аббамаан̣аарамман̣аа махаг̇г̇ад̇аа жзд̇обарияабуб̣б̣зниваасаанааг̇ад̇ам̣сан̃аан̣асамбаяуд̇д̇аа.
1029. Mahaggatā vā iddhividhādayo. Appamāṇārammaṇā mahaggatā cetopariyapubbenivāsānāgataṃsañāṇasampayuttā.
1035. ананд̇арз нияуд̇д̇аани, ананд̇арапалаббаяож̇анаани, ананд̇арапалагаран̣асийлаани ваа аананд̇аригаани. д̇аани бана бадибагкзна анивааран̣ийяапалад̇д̇аа анд̇арааяарахид̇аанийд̇и ‘‘ананд̇арааязна палад̣̇ааяагааний’’д̇и вуд̇д̇ам̣. ананд̇арааяаани ваа аананд̇аригаанийд̇и нируд̇д̇ивасзна бад̣̇асид̣̇д̇хи взд̣̇ид̇аб̣б̣аа. згасмимбийд̇и би-сад̣̇д̣̇зна анзгасмимби ааяуухид̇з вад̇д̇аб̣б̣амзванад̇т̇ийд̇и д̣̇ассзд̇и. на жа д̇зсам̣ ан̃н̃аман̃н̃абадиб̣аахагад̇д̇ам̣ ад̇т̇и аббадибагкад̇д̇аа, аббадибагкад̇аа жа самаанапалад̇д̇аа ануб̣алаббад̣̇аанад̇о жа. ‘‘над̇т̇и хзд̇у над̇т̇и бажжаяо сад̇д̇аанам̣ сам̣гилзсааяаа’’д̇и (д̣̇ий. ни. 1.168) звамаад̣̇иго ахзд̇угаваад̣̇о. ‘‘гарод̇о ко гаараяад̇о чинд̣̇ад̇о чзд̣̇аабаяад̇о…бз… гарод̇о на гарийяад̇и бааба’’нд̇и (д̣̇ий. ни. 1.166) звамаад̣̇иго агирияаваад̣̇о. ‘‘над̇т̇и д̣̇инна’’нд̇и (д̣̇ий. ни. 1.171; ма. ни. 2.94; 3.91) звамаад̣̇иго над̇т̇игаваад̣̇о. зд̇зсу буримаваад̣̇о б̣анд̇хамогкаанам̣ хзд̇ум̣ бадисзд̇хзд̇и, д̣̇уд̇ияо гаммам̣, д̇ад̇ияо вибааганд̇и аяамзд̇зсам̣ висзсо. д̇ан̃хийд̇и ахзд̇угаад̣̇инияад̇амижчаад̣̇идтим̣, на бана нияад̇абхаавам̣ аббад̇д̇ам̣.
1035. Anantare niyuttāni, anantaraphalappayojanāni, anantaraphalakaraṇasīlāni vā ānantarikāni. Tāni pana paṭipakkhena anivāraṇīyaphalattā antarāyarahitānīti ‘‘anantarāyena phaladāyakānī’’ti vuttaṃ. Anantarāyāni vā ānantarikānīti niruttivasena padasiddhi veditabbā. Ekasmimpīti pi-saddena anekasmimpi āyūhite vattabbamevanatthīti dasseti. Na ca tesaṃ aññamaññapaṭibāhakattaṃ atthi appaṭipakkhattā, appaṭipakkhatā ca samānaphalattā anubalappadānato ca. ‘‘Natthi hetu natthi paccayo sattānaṃ saṃkilesāyā’’ti (dī. ni. 1.168) evamādiko ahetukavādo. ‘‘Karoto kho kārayato chindato chedāpayato…pe… karoto na karīyati pāpa’’nti (dī. ni. 1.166) evamādiko akiriyavādo. ‘‘Natthi dinna’’nti (dī. ni. 1.171; ma. ni. 2.94; 3.91) evamādiko natthikavādo. Etesu purimavādo bandhamokkhānaṃ hetuṃ paṭisedheti, dutiyo kammaṃ, tatiyo vipākanti ayametesaṃ viseso. Tañhīti ahetukādiniyatamicchādiṭṭhiṃ, na pana niyatabhāvaṃ appattaṃ.
1039. бажжаяадтзнаад̇и маг̇г̇абажжаяасан̇каад̇зна самбаяог̇ависидтзна бажжаяабхаавзнаад̇и взд̣̇ид̇аб̣б̣ам̣. зд̇т̇а жа маг̇г̇ан̇г̇аанам̣ табанам̣ маг̇г̇абажжаяабхааварахид̇з маг̇г̇ахзд̇угз д̣̇ассзд̇ум̣, д̇зна маг̇г̇ахзд̇угз асан̇гарад̇о вавад̇т̇абзд̇и. сажз бана гожи вад̣̇зяяа ‘‘згзгам̣ ан̇г̇ам̣ табзд̇ваа д̇ам̣д̇ам̣самбаяуд̇д̇аанам̣ маг̇г̇ахзд̇угабхаавзби ‘маг̇г̇ан̇г̇аани табзд̇ваа’д̇и ид̣̇ам̣ важанам̣ яуж̇ж̇ад̇ий’’д̇и. зван̃хи сад̇и д̇ад̇ияанаяз вияа ид̇хааби ‘‘табзд̇ваа’’д̇и на вад̇д̇аб̣б̣ам̣ сияаа, вуд̇д̇ан̃жзд̇ам̣, д̇асмаа вуд̇д̇анаязнзвад̇т̇о взд̣̇ид̇аб̣б̣о. маг̇г̇ан̇г̇аамаг̇г̇ан̇г̇аанан̃хи самбаяуд̇д̇аанам̣ висзсад̣̇ассанад̇т̇о аяам̣ наяод̇и. сзсамаг̇г̇ан̇г̇аанам̣ буб̣б̣з табид̇аананд̇и ад̇хиббааяо. пассаад̣̇ийнан̃хи буриманаязби маг̇г̇ахзд̇угад̇аа сид̣̇д̇хаад̇и.
1039. Paccayaṭṭhenāti maggapaccayasaṅkhātena sampayogavisiṭṭhena paccayabhāvenāti veditabbaṃ. Ettha ca maggaṅgānaṃ ṭhapanaṃ maggapaccayabhāvarahite maggahetuke dassetuṃ, tena maggahetuke asaṅkarato vavatthapeti. Sace pana koci vadeyya ‘‘ekekaṃ aṅgaṃ ṭhapetvā taṃtaṃsampayuttānaṃ maggahetukabhāvepi ‘maggaṅgāni ṭhapetvā’ti idaṃ vacanaṃ yujjatī’’ti. Evañhi sati tatiyanaye viya idhāpi ‘‘ṭhapetvā’’ti na vattabbaṃ siyā, vuttañcetaṃ, tasmā vuttanayenevattho veditabbo. Maggaṅgāmaggaṅgānañhi sampayuttānaṃ visesadassanattho ayaṃ nayoti. Sesamaggaṅgānaṃ pubbe ṭhapitānanti adhippāyo. Phassādīnañhi purimanayepi maggahetukatā siddhāti.
саммаад̣̇идтияаа д̣̇уд̇ияанаязби табид̇ааяа д̇ад̇ияанаяз сахзд̇угабхааво д̣̇ассид̇о. гат̇ам̣ д̣̇ассид̇о, нану арияамаг̇г̇асаман̇г̇исса ‘‘алобхо ад̣̇осо имз д̇хаммаа маг̇г̇ахзд̇уу’’д̇и (д̇ха. са. 1039) авад̇ваа ‘‘алобхо ад̣̇осо амохо имз д̇хаммаа маг̇г̇ахзд̇уу’’д̇и висум̣ саммаад̣̇идтиаад̣̇игз маг̇г̇ахзд̇уу д̣̇ассзд̇ваа ‘‘д̇ам̣самбаяуд̇д̇о…бз… вин̃н̃аан̣агканд̇хо’’д̇и (д̇ха. са. 1039) висум̣ маг̇г̇ахзд̇угаанам̣ д̣̇ассид̇ад̇д̇аа ‘‘маг̇г̇ахзд̇уусу амохо’’д̇и (д̇ха. са. 1039) вуд̇д̇ааяа саммаад̣̇идтияаа маг̇г̇ахзд̇угад̇аа на д̣̇ассид̇аа сияаа? но на д̣̇ассид̇аа. яат̇аа хи д̇ийн̣и сам̣яож̇анаани д̣̇ассзд̇ваа ‘‘д̇ад̣̇згадто лобхо д̣̇осо мохо, имз д̇хаммаа д̣̇ассанзна бахаад̇аб̣б̣ахзд̇уу’’д̇и (д̇ха. са. 1017) висум̣ бахаад̇аб̣б̣ахзд̇уу нияамзд̇ваа ‘‘д̇ад̣̇згадтаа жа гилзсаа’’д̇иаад̣̇иважанзна (д̇ха. са. 1017) лобхад̣̇осамохаа жа ан̃н̃аман̃н̃асахаж̇згадтаа ан̃н̃аман̃н̃асамбаяуд̇д̇аа сан̇каарагканд̇хабхууд̇аа жа д̣̇ассанзнабахаад̇аб̣б̣ахзд̇угаад̇и д̣̇ассид̇аа хонд̇и, звамид̇хааби ‘‘алобхаад̣̇аяо имз д̇хаммаа маг̇г̇ахзд̇уу’’д̇и ниг̇амид̇ааби ан̃н̃аман̃н̃асамбаяуд̇д̇асан̇каарагканд̇хабхаавад̇о д̇ам̣самбаяуд̇д̇асан̇каарагканд̇хаважанзна ‘‘маг̇г̇ахзд̇угаа’’д̇и д̣̇ассид̇аа зваад̇и сид̣̇д̇хам̣ ход̇и, саммаад̣̇идтияааби амоход̇и вуд̇д̇ааяа маг̇г̇ахзд̇угабхаавад̣̇ассанам̣. сажз бана яо д̣̇уд̇ияанаяз маг̇г̇о жзва хзд̇у жаад̇и вуд̇д̇о, д̇ад̇о ан̃н̃ассзва ан̃н̃зна асаад̇хааран̣зна барияааязна маг̇г̇ахзд̇убхаавам̣ д̣̇ассзд̇ваа д̇ам̣самбаяог̇ад̇о саммаад̣̇идтияаа маг̇г̇ахзд̇угабхаавад̣̇ассанад̇т̇о д̇ад̇ияанаяо сияаа. ‘‘арияамаг̇г̇асаман̇г̇исса алобхо ад̣̇осо имз д̇хаммаа маг̇г̇ахзд̇уу’’д̇иаад̣̇и вад̇д̇аб̣б̣ам̣ сияаа. яасмаа бана ‘‘маг̇г̇ахзд̇уу’’д̇и иминаа ан̃н̃зна саад̇хааран̣зна барияааязна язсам̣ маг̇г̇ахзд̇убхааво самбхавад̇и, д̇з саб̣б̣з ‘‘маг̇г̇ахзд̇уу’’д̇и д̣̇ассзд̇ваа д̇ам̣самбаяуд̇д̇аанам̣ д̇зсам̣ ан̃н̃зсан̃жа маг̇г̇ахзд̇угабхаавад̣̇ассанад̇т̇о д̇ад̇ияанаяо, д̇асмаа д̇ад̇т̇а ‘‘амохо’’д̇иби вуд̇д̇ам̣. на хи со маг̇г̇ахзд̇у на ход̇ийд̇и. имз бана д̇аяоби наяаа ад̇т̇ависзсавасзна нигкид̇д̇ад̇д̇аа ад̇т̇ад̇о нигкзбаа д̣̇адтаб̣б̣аа. ат̇а ваа саруубзна важанам̣ д̇хаммад̇о нигкзбо, ад̇т̇зна ад̇т̇ад̇од̇и звамби яож̇анаа самбхавад̇и. д̇ад̇т̇а д̣̇уд̇ияад̇ад̇ияанаяаа саруубад̇о хзд̇ухзд̇уманд̇уд̣̇ассанавасзна д̇хаммад̇о нигкзбо. батаманаяо д̇ат̇ааад̣̇ассанад̇о ад̇т̇зна жа маг̇г̇ан̇г̇ад̇ам̣самбаяуд̇д̇аанам̣ хзд̇ухзд̇уманд̇убхаавааваг̇аманад̇о ад̇т̇ад̇о нигкзбод̇и.
Sammādiṭṭhiyā dutiyanayepi ṭhapitāya tatiyanaye sahetukabhāvo dassito. Kathaṃ dassito, nanu ariyamaggasamaṅgissa ‘‘alobho adoso ime dhammā maggahetū’’ti (dha. sa. 1039) avatvā ‘‘alobho adoso amoho ime dhammā maggahetū’’ti visuṃ sammādiṭṭhiādike maggahetū dassetvā ‘‘taṃsampayutto…pe… viññāṇakkhandho’’ti (dha. sa. 1039) visuṃ maggahetukānaṃ dassitattā ‘‘maggahetūsu amoho’’ti (dha. sa. 1039) vuttāya sammādiṭṭhiyā maggahetukatā na dassitā siyā? No na dassitā. Yathā hi tīṇi saṃyojanāni dassetvā ‘‘tadekaṭṭho lobho doso moho, ime dhammā dassanena pahātabbahetū’’ti (dha. sa. 1017) visuṃ pahātabbahetū niyametvā ‘‘tadekaṭṭhā ca kilesā’’tiādivacanena (dha. sa. 1017) lobhadosamohā ca aññamaññasahajekaṭṭhā aññamaññasampayuttā saṅkhārakkhandhabhūtā ca dassanenapahātabbahetukāti dassitā honti, evamidhāpi ‘‘alobhādayo ime dhammā maggahetū’’ti nigamitāpi aññamaññasampayuttasaṅkhārakkhandhabhāvato taṃsampayuttasaṅkhārakkhandhavacanena ‘‘maggahetukā’’ti dassitā evāti siddhaṃ hoti, sammādiṭṭhiyāpi amohoti vuttāya maggahetukabhāvadassanaṃ. Sace pana yo dutiyanaye maggo ceva hetu cāti vutto, tato aññasseva aññena asādhāraṇena pariyāyena maggahetubhāvaṃ dassetvā taṃsampayogato sammādiṭṭhiyā maggahetukabhāvadassanattho tatiyanayo siyā. ‘‘Ariyamaggasamaṅgissa alobho adoso ime dhammā maggahetū’’tiādi vattabbaṃ siyā. Yasmā pana ‘‘maggahetū’’ti iminā aññena sādhāraṇena pariyāyena yesaṃ maggahetubhāvo sambhavati, te sabbe ‘‘maggahetū’’ti dassetvā taṃsampayuttānaṃ tesaṃ aññesañca maggahetukabhāvadassanattho tatiyanayo, tasmā tattha ‘‘amoho’’tipi vuttaṃ. Na hi so maggahetu na hotīti. Ime pana tayopi nayā atthavisesavasena nikkhittattā atthato nikkhepā daṭṭhabbā. Atha vā sarūpena vacanaṃ dhammato nikkhepo, atthena atthatoti evampi yojanā sambhavati. Tattha dutiyatatiyanayā sarūpato hetuhetumantudassanavasena dhammato nikkhepo. Paṭhamanayo tathāadassanato atthena ca maggaṅgataṃsampayuttānaṃ hetuhetumantubhāvāvagamanato atthato nikkhepoti.
1040. яасмим̣ сабхаавад̇хаммз ниннабон̣абаб̣бхаарабхаавзна жид̇д̇ам̣ бавад̇д̇ад̇и, со д̇асса аарамман̣аад̇хибад̇и взд̣̇ид̇аб̣б̣о. жзд̇обарияан̃аан̣зна ж̇аанид̇ваа бажжавзгкамаано д̇зна бажжавзгкамаанод̇и вуд̇д̇о. зд̇т̇аабийд̇и зд̇асмимби адтагат̇ааважанз, зд̇т̇а ваа бадтаанз маг̇г̇аад̣̇ийни табзд̇ваа ан̃н̃зсам̣ ад̇хибад̇ибажжаяабхаавасса аважанзнзва бадигкзбабаал̣ияам̣. аяамзвад̇т̇од̇и ад̇д̇ано маг̇г̇апалам̣ табзд̇ваад̇и ад̇т̇о. виймам̣саад̇хибад̇зяяанд̇и бад̇хаанзна ад̇хибад̇инаа сахаж̇аад̇аад̇хибад̇и нид̣̇ассид̇о, д̇аяид̣̇ам̣ наяад̣̇ассанамад̇д̇амзва ход̇ийд̇и ан̃н̃оби звам̣багааро сахаж̇аад̇о маг̇г̇аад̇хибад̇и нид̣̇ассид̇о ход̇и, д̇асмаа вийрияаад̇хибад̇зяяанд̇и жа яож̇зд̇аб̣б̣ам̣. ид̣̇амби хи ад̇т̇ад̇о вуд̇д̇амзваад̇и.
1040. Yasmiṃ sabhāvadhamme ninnapoṇapabbhārabhāvena cittaṃ pavattati, so tassa ārammaṇādhipati veditabbo. Cetopariyañāṇena jānitvā paccavekkhamāno tena paccavekkhamānoti vutto. Etthāpīti etasmimpi aṭṭhakathāvacane, ettha vā paṭṭhāne maggādīni ṭhapetvā aññesaṃ adhipatipaccayabhāvassa avacaneneva paṭikkhepapāḷiyaṃ. Ayamevatthoti attano maggaphalaṃ ṭhapetvāti attho. Vīmaṃsādhipateyyanti padhānena adhipatinā sahajātādhipati nidassito, tayidaṃ nayadassanamattameva hotīti aññopi evaṃpakāro sahajāto maggādhipati nidassito hoti, tasmā vīriyādhipateyyanti ca yojetabbaṃ. Idampi hi atthato vuttamevāti.
1041. ад̇д̇ано сабхааво ад̇д̇абхааво. лад̣̇д̇хогаасасса гаммасса вибааго габбасахассаад̇иггамз уббаж̇ж̇ад̇и анзгагаббасахассааяугаанам̣ сад̇д̇аанам̣, габбасахассаад̇иггамзби ваа лад̣̇д̇хогаасам̣ яам̣ бхависсад̇и, д̇ад̣̇аби лад̣̇д̇хогаасамзваад̇и ад̇д̇ано вибаагам̣ санд̇хааяа вужжад̇и. над̇т̇и наама на ход̇ийд̇и ануббанно наама на ход̇ийд̇и ад̇хиббааяо. уббаад̣̇ийсу анд̇ог̇ад̇хад̇д̇аа ‘‘уббаад̣̇ино д̇хаммаа’’д̇и зд̇зна важанзна вужжад̇ийд̇и гад̇ваа ааха ‘‘уббаад̣̇ино д̇хаммаа наама ж̇аад̇о’’д̇и. аруубасан̇каад̇о ад̇д̇аад̇и аруубабхаван̇г̇ам̣ ааха. д̇ад̇т̇а аагаасаанан̃жааяад̇анасан̃н̃аад̣̇имаяо ад̇д̇аад̇и хи ад̇т̇ад̇о вохааро бавад̇д̇од̇и.
1041. Attano sabhāvo attabhāvo. Laddhokāsassa kammassa vipāko kappasahassātikkame uppajjati anekakappasahassāyukānaṃ sattānaṃ, kappasahassātikkamepi vā laddhokāsaṃ yaṃ bhavissati, tadapi laddhokāsamevāti attano vipākaṃ sandhāya vuccati. Natthi nāma na hotīti anuppanno nāma na hotīti adhippāyo. Uppādīsu antogadhattā ‘‘uppādino dhammā’’ti etena vacanena vuccatīti katvā āha ‘‘uppādino dhammā nāma jāto’’ti. Arūpasaṅkhāto attāti arūpabhavaṅgaṃ āha. Tattha ākāsānañcāyatanasaññādimayo attāti hi atthato vohāro pavattoti.
яад̣̇и бана ааяуу…бз… саб̣б̣ам̣ вибаагам̣ д̣̇ад̣̇зяяа, алад̣̇д̇хогаасан̃жа вибаагам̣ д̣̇зд̇ийд̇и гад̇ваа вибаггавибааган̃жа д̣̇ад̣̇зяяа, д̇ад̇о згассзва гаммасса саб̣б̣авибаагзна бхавид̇аб̣б̣анд̇и ан̃н̃асса гаммасса огаасо на бхавзяяа нирад̇т̇агад̇д̇аа , уббад̇д̇ияааязва огаасо на бхавзяяа, уббаннасса ваа палад̣̇аанз. ат̇а ваа алад̣̇д̇хогаасасса вибаагад̣̇аанз бажжаяанд̇арарахид̇ассаби вибаагад̣̇аанам̣ аабаннанд̇и авиж̇ж̇аад̇ан̣хаад̣̇ибажжаяанд̇аракзбагасса ан̃н̃асса абажаяаг̇аамигаммасса гаммагкаяагарасса огаасо на бхавзяяа. бхаавид̇зби маг̇г̇з авиж̇ж̇аад̣̇ибажжаяанд̇арарахид̇асса жа гаммасса вибажжанад̇о самад̇т̇ад̇аа на сияаад̇и ад̇т̇о. саб̣б̣ад̣̇аа ваа вибаагаббавад̇д̇ияаа зва бхавид̇аб̣б̣ад̇д̇аа вибаагад̇о ан̃н̃асса бавад̇д̇иогаасо на бхавзяяа. д̇ам̣ банаад̇и ааяуухид̇ам̣ гаммам̣. ид̣̇ам̣ бана д̇хувавибаагасса вибаагзна ад̇хувавибаагассаби лад̣̇д̇хогаасасса вибаагам̣ уббаад̣̇ийд̇и д̣̇ассзд̇ум̣ аарад̣̇д̇ханд̇и д̣̇адтаб̣б̣ам̣. адта самаабад̇д̇ияо жа б̣алававирахз аг̇г̇амаг̇г̇абхааванаавирахз жа аббахийнасабхаавад̇о д̇хувам̣ вибажжанд̇ийд̇и д̇хувавибаагаад̇и вуд̇д̇аа. ааяуухид̇агаммз вужжамаанз ануббаннам̣ гасмаа вуд̇д̇анд̇и? яам̣ ааяуухид̇ам̣ бхависсад̇и, д̇ад̇т̇ааби ааяуухид̇а-сад̣̇д̣̇аббавад̇д̇исаб̣бхааваа.
Yadi pana āyū…pe… sabbaṃ vipākaṃ dadeyya, aladdhokāsañca vipākaṃ detīti katvā vipakkavipākañca dadeyya, tato ekasseva kammassa sabbavipākena bhavitabbanti aññassa kammassa okāso na bhaveyya niratthakattā , uppattiyāyeva okāso na bhaveyya, uppannassa vā phaladāne. Atha vā aladdhokāsassa vipākadāne paccayantararahitassapi vipākadānaṃ āpannanti avijjātaṇhādipaccayantarakhepakassa aññassa apacayagāmikammassa kammakkhayakarassa okāso na bhaveyya. Bhāvitepi magge avijjādipaccayantararahitassa ca kammassa vipaccanato samatthatā na siyāti attho. Sabbadā vā vipākappavattiyā eva bhavitabbattā vipākato aññassa pavattiokāso na bhaveyya. Taṃ panāti āyūhitaṃ kammaṃ. Idaṃ pana dhuvavipākassa vipākena adhuvavipākassapi laddhokāsassa vipākaṃ uppādīti dassetuṃ āraddhanti daṭṭhabbaṃ. Aṭṭha samāpattiyo ca balavavirahe aggamaggabhāvanāvirahe ca appahīnasabhāvato dhuvaṃ vipaccantīti dhuvavipākāti vuttā. Āyūhitakamme vuccamāne anuppannaṃ kasmā vuttanti? Yaṃ āyūhitaṃ bhavissati, tatthāpi āyūhita-saddappavattisabbhāvā.
1050. убаад̣̇иннаад̇и зд̇т̇а на убзд̇зна аад̣̇иннаад̇и аяамад̇т̇о, убасад̣̇д̣̇о бана убасаг̇г̇амад̇д̇амзва, д̇асмаа убаад̣̇аанаарамман̣аа убаад̣̇аанзхи, ан̃н̃з жа анабхинивзсзна ‘‘ахам̣ маг̇г̇ам̣ бхааваяим̣, мама маг̇г̇о уббанно’’д̇иаад̣̇игзна г̇ахан̣зна аад̣̇иннаа ижжзва убаад̣̇иннаа. убаад̣̇инна-сад̣̇д̣̇зна ваа амаг̇г̇апалад̇хаммааязва вуд̇д̇аа, ид̇арзхи маг̇г̇апалад̇хаммаа жаад̇и взд̣̇ид̇аб̣б̣ам̣.
1050. Upādinnāti ettha na upetena ādinnāti ayamattho, upasaddo pana upasaggamattameva, tasmā upādānārammaṇā upādānehi, aññe ca anabhinivesena ‘‘ahaṃ maggaṃ bhāvayiṃ, mama maggo uppanno’’tiādikena gahaṇena ādinnā icceva upādinnā. Upādinna-saddena vā amaggaphaladhammāyeva vuttā, itarehi maggaphaladhammā cāti veditabbaṃ.
д̇иганигкзбагат̇ааван̣н̣анаа нидтид̇аа.
Tikanikkhepakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̇иганигкзбам̣ • Tikanikkhepaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇иганигкзбагат̇аа • Tikanikkhepakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇иганигкзбагат̇ааван̣н̣анаа • Tikanikkhepakathāvaṇṇanā
