| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
3. нигкзбаган̣д̣ам̣
3. Nikkhepakaṇḍaṃ
д̇иганигкзбагат̇ааван̣н̣анаа
Tikanikkhepakathāvaṇṇanā
985. яат̇аавуд̇д̇апассабан̃жамагаад̣̇ираасигижжарахид̇ад̇д̇аа гзжи д̇хаммз висум̣ табзд̇ваа соважассад̇аад̣̇иавуд̇д̇ависзсасан̇г̇ан̣ханад̇т̇ан̃жа, взнзяяаж̇жхаасаяавасзна ваа чанд̣̇аад̣̇аяо ‘‘язваабанаа’’д̇и вуд̇д̇аад̇и язваабанагаанам̣ бад̣̇уд̣̇д̇хаарзна нид̣̇д̣̇зсаанарахад̇ааяа гааран̣ам̣ вуд̇д̇анд̇и хад̣̇аяавад̇т̇усса д̇ат̇аа нид̣̇д̣̇зсаанарахад̇ааяа гааран̣ам̣ вад̣̇анд̇о ‘‘сукумубаа…бз… хид̇ассаа’’д̇и ааха. сукумабхаавзби инд̣̇рияаад̣̇исабхааваани убаад̣̇ааяаруубаани аад̇хибажжаад̣̇ивасзна баагадаани хонд̇и, на ад̇ам̣сабхаавам̣ сукумубаад̣̇ааяаруубанд̇и хад̣̇аяавад̇т̇усса бад̣̇уд̣̇д̇хаарзна гусалад̇д̇игабад̣̇абхааж̇анз нид̣̇д̣̇зсаанарахад̇аа вуд̇д̇аа. сукумабхаавад̇оязва хи д̇ам̣ махаабагаран̣зби ‘‘яам̣ руубам̣ ниссааяа манод̇хаад̇у жа мановин̃н̃аан̣ад̇хаад̇у жа вад̇д̇анд̇ий’’д̇и (бадтаа. 1.1.8) ниссид̇ад̇хаммамукзна д̣̇ассид̇анд̇и. взнзяяаж̇жхаасаяавасзна ваа хад̣̇аяавад̇т̇у бад̣̇уд̣̇д̇хаарзна на д̣̇ассид̇анд̇и д̣̇адтаб̣б̣ам̣. язна бана ад̇хиббааязна руубаган̣д̣з хад̣̇аяавад̇т̇у д̣̇увид̇хзна руубасан̇г̇ахаад̣̇ийсу на вуд̇д̇ам̣, со руубаган̣д̣аван̣н̣анааяа вибхаавид̇о зваад̇и. нигкибид̇ваад̇и бад̣̇асса багкибид̇ваад̇и ад̇т̇од̇и ад̇хиббааязна ‘‘вид̇т̇аарад̣̇зсанам̣ анд̇ог̇ад̇хам̣ гад̇ваа’’д̇и вуд̇д̇ам̣. муулаад̣̇ивасзна хи д̣̇зсид̇аа гусалаад̣̇ид̇хаммаа д̇ам̣д̇ам̣жид̇д̇уббаад̣̇аад̣̇ивасзнаби д̣̇зсид̇аа зва наама хонд̇и д̇ам̣сабхааваанад̇ивад̇д̇анад̇од̇и.
985. Yathāvuttaphassapañcamakādirāsikiccarahitattā keci dhamme visuṃ ṭhapetvā sovacassatādiavuttavisesasaṅgaṇhanatthañca, veneyyajjhāsayavasena vā chandādayo ‘‘yevāpanā’’ti vuttāti yevāpanakānaṃ paduddhārena niddesānarahatāya kāraṇaṃ vuttanti hadayavatthussa tathā niddesānarahatāya kāraṇaṃ vadanto ‘‘sukhumupā…pe… hitassā’’ti āha. Sukhumabhāvepi indriyādisabhāvāni upādāyarūpāni ādhipaccādivasena pākaṭāni honti, na ataṃsabhāvaṃ sukhumupādāyarūpanti hadayavatthussa paduddhārena kusalattikapadabhājane niddesānarahatā vuttā. Sukhumabhāvatoyeva hi taṃ mahāpakaraṇepi ‘‘yaṃ rūpaṃ nissāya manodhātu ca manoviññāṇadhātu ca vattantī’’ti (paṭṭhā. 1.1.8) nissitadhammamukhena dassitanti. Veneyyajjhāsayavasena vā hadayavatthu paduddhārena na dassitanti daṭṭhabbaṃ. Yena pana adhippāyena rūpakaṇḍe hadayavatthu duvidhena rūpasaṅgahādīsu na vuttaṃ, so rūpakaṇḍavaṇṇanāya vibhāvito evāti. Nikkhipitvāti padassa pakkhipitvāti atthoti adhippāyena ‘‘vitthāradesanaṃ antogadhaṃ katvā’’ti vuttaṃ. Mūlādivasena hi desitā kusalādidhammā taṃtaṃcittuppādādivasenapi desitā eva nāma honti taṃsabhāvānativattanatoti.
муулавасзнаад̇и суббад̇идтид̇абхаавасаад̇ханавасзна. зд̇аани хзд̇убад̣̇аад̣̇ийни хинод̇и палам̣ зд̇асмаа бавад̇д̇ад̇ийд̇и хзд̇у, бадижжа зд̇асмаа зд̇ийд̇и бажжаяо, ж̇анзд̇ийд̇и ж̇анаго, ниб̣б̣ад̇д̇зд̇ийд̇и ниб̣б̣ад̇д̇агод̇и сзсаанам̣ важанад̇т̇о. ‘‘мууладтасса…бз… вуд̇д̇а’’нд̇и гасмаа вуд̇д̇ам̣, нану ‘‘бийл̣анадто’’д̇иаад̣̇ийсу вияа муулабхааво мууладто, д̇ийн̣и гусаламуулаанийд̇и аяан̃жа муулад̇о нигкзбод̇и? на, мууласса ад̇т̇о мууладто , со зва мууладтод̇и суббад̇идтид̇абхаавасаад̇ханадтзна мууласабхааваанам̣ алобхаад̣̇ид̇хаммаанам̣ гусалад̇хаммзсу гижжависзсасса ад̇хиббзд̇ад̇д̇аа. д̇знзвааха ‘‘ад̇т̇од̇и д̇хаммагижжа’’нд̇и. ат̇а ваа ад̇т̇авасзнаад̇и ‘‘д̇ийн̣и гусаламуулааний’’д̇и вуд̇д̇аанам̣ д̇зсам̣ муулаанам̣ сабхаавасан̇каад̇аад̇т̇авасзна, на г̇аат̇ааяа вуд̇д̇аад̇т̇авасзна. яасмаа бана со мууладтоязва жа ход̇и, д̇асмаа вуд̇д̇ам̣ ‘‘алобхаад̣̇ийна’’нд̇иаад̣̇и. алобхаад̣̇аяо вияа взд̣̇анаагканд̇хаад̣̇аяоби ад̇хигад̇ад̇д̇аа д̇ам̣-сад̣̇д̣̇зна бадинид̣̇д̣̇исид̇аб̣б̣аад̇и вуд̇д̇ам̣ ‘‘д̇з гусаламуулаа д̇ам̣самбаяуд̇д̇аа’’д̇и. д̇зхи алобхаад̣̇ийхийд̇и зд̇т̇а аад̣̇и-сад̣̇д̣̇зна ваа взд̣̇анаагканд̇хаад̣̇аяоби сан̇г̇ахид̇аад̇и д̣̇ассзд̇ум̣ ‘‘д̇з гусаламуулаа д̇ам̣самбаяуд̇д̇аа’’д̇и вуд̇д̇ам̣.
Mūlavasenāti suppatiṭṭhitabhāvasādhanavasena. Etāni hetupadādīni hinoti phalaṃ etasmā pavattatīti hetu, paṭicca etasmā etīti paccayo, janetīti janako, nibbattetīti nibbattakoti sesānaṃ vacanattho. ‘‘Mūlaṭṭhassa…pe… vutta’’nti kasmā vuttaṃ, nanu ‘‘pīḷanaṭṭho’’tiādīsu viya mūlabhāvo mūlaṭṭho, tīṇi kusalamūlānīti ayañca mūlato nikkhepoti? Na, mūlassa attho mūlaṭṭho , so eva mūlaṭṭhoti suppatiṭṭhitabhāvasādhanaṭṭhena mūlasabhāvānaṃ alobhādidhammānaṃ kusaladhammesu kiccavisesassa adhippetattā. Tenevāha ‘‘atthoti dhammakicca’’nti. Atha vā atthavasenāti ‘‘tīṇi kusalamūlānī’’ti vuttānaṃ tesaṃ mūlānaṃ sabhāvasaṅkhātaatthavasena, na gāthāya vuttaatthavasena. Yasmā pana so mūlaṭṭhoyeva ca hoti, tasmā vuttaṃ ‘‘alobhādīna’’ntiādi. Alobhādayo viya vedanākkhandhādayopi adhikatattā taṃ-saddena paṭiniddisitabbāti vuttaṃ ‘‘te kusalamūlā taṃsampayuttā’’ti. Tehi alobhādīhīti ettha ādi-saddena vā vedanākkhandhādayopi saṅgahitāti dassetuṃ ‘‘te kusalamūlā taṃsampayuttā’’ti vuttaṃ.
‘‘гад̇амз д̇хаммаа гусалаа’’д̇и бужчид̇ваа пассаад̣̇ибхзд̣̇ад̇о жад̇д̇ааро канд̇хз д̣̇ассзд̇ваа ‘‘имз д̇хаммаа гусалаа’’д̇и (д̇ха. са. 1) вуд̇д̇ад̇аа канд̇хаа жа гусаланд̇и вуд̇д̇ам̣ ‘‘канд̇хзхи сабхаавад̇о гусалз барияаад̣̇ияад̇ий’’д̇и. взд̣̇анаагканд̇хо ваад̇и гусалам̣…бз… вин̃н̃аан̣агканд̇хо ваад̇и. ан̃н̃асса ад̇д̇ано паласса. муулзхи гусалаанам̣ анаваж̇ж̇ад̇ааяа хзд̇ум̣ д̣̇ассзд̇ийд̇и ид̣̇ам̣ на муулаанам̣ гусаласса анаваж̇ж̇абхаавасаад̇хагад̇д̇аа вуд̇д̇ам̣, ат̇а ко д̇асса анаваж̇ж̇ад̇ааяа суббад̇идтид̇абхаавасаад̇хагад̇д̇аа. яад̣̇и хи муулзхи гад̇о гусалаанам̣ анаваж̇ж̇абхааво бхавзяяа, д̇ам̣самудтаанаруубассаби со бхавзяяа, муулаанам̣ ваа д̇зсам̣ бажжаяабхааво на сияаа, ход̇и жа со. вуд̇д̇ан̃хзд̇ам̣ ‘‘хзд̇уу хзд̇у…бз… бажжаяо’’д̇и (бадтаа. 1.1.1.). гин̃жа бхияяо гусалаанам̣ вияа агусалааб̣яаагад̇аанамби д̇аб̣бхааво муулабадиб̣ад̣̇д̇хо бхавзяяа, д̇ат̇аа сад̇и ахзд̇угаанам̣ агусалааб̣яаагад̇аанам̣ д̇аб̣бхааво на сияаа, д̇асмаа гусалаад̣̇ийнам̣ яонисоманасигаараад̣̇ибадиб̣ад̣̇д̇хо гусалаад̣̇ибхааво, на муулабадиб̣ад̣̇д̇хо, муулаани бана гусалаад̣̇ийнам̣ суббад̇идтид̇абхаавасаад̇ханаанийд̇и взд̣̇ид̇аб̣б̣ам̣. сахзд̇угаа хи д̇хаммаа вирул̣хамуулаа вияа баад̣̇абаа суббад̇идтид̇аа т̇ираа хонд̇и, на д̇ат̇аа ахзд̇угаад̇и. д̇ам̣самбаяог̇агад̇ам̣ анаваж̇ж̇асабхааванд̇и ид̣̇амби на анаваж̇ж̇асабхаавасса д̇ам̣самбаяог̇зна нибпаад̣̇ид̇ад̇д̇аа вуд̇д̇ам̣, анаваж̇ж̇асабхаавам̣ бана висзсзд̇ваа д̣̇ассзд̇ум̣ вуд̇д̇ам̣. алобхаад̣̇исамбаяог̇ад̇о хи гусалаад̣̇ийнам̣ канд̇хаанам̣ анаваж̇ж̇абхааво суббад̇идтид̇о ж̇ааяад̇и, на ахзд̇угааб̣яаагад̇аанам̣ вияа на суббад̇идтид̇од̇и. яад̣̇и звам̣ на д̇зсам̣ канд̇хаанам̣ гусалаад̣̇ибхааво д̣̇ассид̇о сияаа? на, ад̇хигаарад̇о гусалабхаавасса вин̃н̃ааяамаанад̇д̇аа. гамма-сад̣̇д̣̇о вияа вибаагад̇хаммад̇ааваажино на муулагканд̇хасад̣̇д̣̇аа, со жа ид̇ха ависзсад̇о вуд̇д̇од̇и ааха ‘‘гаммзхи сукавибаагад̇ам̣ д̣̇ассзд̇ий’’д̇и. аад̣̇игаляаан̣ад̇ам̣ гусалаанам̣ д̣̇ассзд̇ийд̇и яож̇анаа. анаваж̇ж̇ахзд̇усабхаавасукавибаагабхааванид̣̇аанаад̣̇исамбад̇д̇ияо д̣̇адтаб̣б̣аа, яонисоманасигаарааваж̇ж̇абадибагкад̇ааидтавибаагад̇аавасзнаби нид̣̇аанаад̣̇исамбад̇д̇ияо яож̇зд̇аб̣б̣аа. яонисоманасигаарад̇о хи гусалаа алобхаад̣̇имуулагаа, алобхаад̣̇исамбаяог̇ад̇о жа лобхаад̣̇ибадибагкасукавибаагаава ж̇аад̇аад̇и.
‘‘Katame dhammā kusalā’’ti pucchitvā phassādibhedato cattāro khandhe dassetvā ‘‘ime dhammā kusalā’’ti (dha. sa. 1) vuttatā khandhā ca kusalanti vuttaṃ ‘‘khandhehi sabhāvato kusale pariyādiyatī’’ti. Vedanākkhandho vāti kusalaṃ…pe… viññāṇakkhandho vāti. Aññassa attano phalassa. Mūlehi kusalānaṃ anavajjatāya hetuṃ dassetīti idaṃ na mūlānaṃ kusalassa anavajjabhāvasādhakattā vuttaṃ, atha kho tassa anavajjatāya suppatiṭṭhitabhāvasādhakattā. Yadi hi mūlehi kato kusalānaṃ anavajjabhāvo bhaveyya, taṃsamuṭṭhānarūpassapi so bhaveyya, mūlānaṃ vā tesaṃ paccayabhāvo na siyā, hoti ca so. Vuttañhetaṃ ‘‘hetū hetu…pe… paccayo’’ti (paṭṭhā. 1.1.1.). Kiñca bhiyyo kusalānaṃ viya akusalābyākatānampi tabbhāvo mūlapaṭibaddho bhaveyya, tathā sati ahetukānaṃ akusalābyākatānaṃ tabbhāvo na siyā, tasmā kusalādīnaṃ yonisomanasikārādipaṭibaddho kusalādibhāvo, na mūlapaṭibaddho, mūlāni pana kusalādīnaṃ suppatiṭṭhitabhāvasādhanānīti veditabbaṃ. Sahetukā hi dhammā viruḷhamūlā viya pādapā suppatiṭṭhitā thirā honti, na tathā ahetukāti. Taṃsampayogakataṃ anavajjasabhāvanti idampi na anavajjasabhāvassa taṃsampayogena nipphāditattā vuttaṃ, anavajjasabhāvaṃ pana visesetvā dassetuṃ vuttaṃ. Alobhādisampayogato hi kusalādīnaṃ khandhānaṃ anavajjabhāvo suppatiṭṭhito jāyati, na ahetukābyākatānaṃ viya na suppatiṭṭhitoti. Yadi evaṃ na tesaṃ khandhānaṃ kusalādibhāvo dassito siyā? Na, adhikārato kusalabhāvassa viññāyamānattā. Kamma-saddo viya vipākadhammatāvācino na mūlakkhandhasaddā, so ca idha avisesato vuttoti āha ‘‘kammehi sukhavipākataṃ dassetī’’ti. Ādikalyāṇataṃ kusalānaṃ dassetīti yojanā. Anavajjahetusabhāvasukhavipākabhāvanidānādisampattiyo daṭṭhabbā, yonisomanasikāraavajjapaṭipakkhatāiṭṭhavipākatāvasenapi nidānādisampattiyo yojetabbā. Yonisomanasikārato hi kusalā alobhādimūlakā, alobhādisampayogato ca lobhādipaṭipakkhasukhavipākāva jātāti.
986. ‘‘гасмаа вуд̇д̇а’’нд̇и ануяун̃ж̇ид̇ваа жод̣̇аго ‘‘нануу’’д̇иаад̣̇инаа ад̇д̇ано ад̇хиббааяам̣ виварад̇и. ид̇аро яат̇аавуд̇д̇амохасса ид̇ха самбаяуд̇д̇а-сад̣̇д̣̇зна авужжамаанад̇ам̣ ‘‘сажжамзд̇а’’нд̇и самбадижчид̇ваа ‘‘д̇знаа’’д̇иаад̣̇инаа барихаарамааха. д̇ассад̇т̇о – ‘‘д̇ам̣самбаяуд̇д̇аа’’д̇ибад̣̇зна гин̃жааби яат̇аавуд̇д̇амохо бад̇хаанабхаавзна на г̇ахид̇о, наананд̇арияагад̇ааяа бана г̇ун̣абхаавзна г̇ахид̇од̇и. ан̃н̃ад̇т̇а абхааваад̇и яат̇аавуд̇д̇асамбаяуд̇д̇ад̇о ан̃н̃ад̇т̇а абхааваа. на хи вижигижчуд̣̇д̇хажжасахаг̇ад̇о мохо вижигижчуд̣̇д̇хажжаад̣̇ид̇хаммзхи винаа ход̇ийд̇и.
986. ‘‘Kasmā vutta’’nti anuyuñjitvā codako ‘‘nanū’’tiādinā attano adhippāyaṃ vivarati. Itaro yathāvuttamohassa idha sampayutta-saddena avuccamānataṃ ‘‘saccameta’’nti sampaṭicchitvā ‘‘tenā’’tiādinā parihāramāha. Tassattho – ‘‘taṃsampayuttā’’tipadena kiñcāpi yathāvuttamoho padhānabhāvena na gahito, nānantariyakatāya pana guṇabhāvena gahitoti. Aññattha abhāvāti yathāvuttasampayuttato aññattha abhāvā. Na hi vicikicchuddhaccasahagato moho vicikicchuddhaccādidhammehi vinā hotīti.
987. уббаад̣̇аад̣̇исан̇кад̇алагкан̣авинивад̇д̇анад̇т̇ам̣ ‘‘анижжад̣̇угкаанад̇д̇ад̇аа’’д̇и вуд̇д̇ам̣. уббаад̣̇аад̣̇аяо бана д̇ад̣̇авад̇т̇ад̇хаммавигаарабхаавад̇о д̇ам̣д̇ам̣д̇хаммаг̇г̇ахан̣зна г̇ахид̇ааязва. д̇ат̇аа хи вуд̇д̇ам̣ ‘‘ж̇араамаран̣ам̣ д̣̇вийхи канд̇хзхи сан̇г̇ахид̇а’’нд̇и (д̇хаад̇у. 71), ‘‘руубасса убажаяо’’д̇и жа аад̣̇и. гзсагумбхаад̣̇и саб̣б̣ам̣ наамам̣ наамабан̃н̃ад̇д̇и, руубавзд̣̇анаад̣̇иубаад̣̇аанаа б̣рахмавихаараад̣̇иг̇ожараа убаад̣̇аабан̃н̃ад̇д̇и сад̇д̇абан̃н̃ад̇д̇и, д̇ам̣д̇ам̣бхууд̇анимид̇д̇ам̣ бхааванаависзсан̃жа убаад̣̇ааяа г̇ахзд̇аб̣б̣о жхаанаг̇ожарависзсо гасин̣абан̃н̃ад̇д̇и. барамад̇т̇з амун̃жид̇ваа вохарияамаанаад̇и иминаа вихаараман̃жаад̣̇ибан̃н̃ад̇д̇ийнам̣ сад̇д̇абан̃н̃ад̇д̇исад̣̇исад̇ам̣ д̣̇ассзд̇и, яад̇о д̇аа сад̇д̇абан̃н̃ад̇д̇иг̇г̇ахан̣зна г̇аяханд̇и. худ̇ваа абхаавабадибийл̣анаавасавад̇д̇анаагаарабхаавад̇о сан̇кад̇ад̇хаммаанам̣ аагаарабхаавад̇о сан̇кад̇ад̇хаммаанам̣ аагаарависзсабхууд̇аани лагкан̣аани вин̃н̃ад̇д̇иаад̣̇аяо вияа вад̇д̇аб̣б̣аани сияум̣, д̇аани бана ниссаяаанабзгкам̣ на лаб̣бханд̇ийд̇и бан̃н̃ад̇д̇исабхааваанзва д̇аж̇ж̇аабан̃н̃ад̇д̇ибхаавад̇од̇и на вуд̇д̇аани, сад̇д̇агхадаад̣̇ид̇о висзсад̣̇ассанад̇т̇ам̣ бана адтагат̇ааяам̣ висум̣ вуд̇д̇аанийд̇и. на хи го…бз… вад̇д̇ум̣ яуд̇д̇ам̣ гусалад̇д̇игасса ниббад̣̇зсад̇д̇аа.
987. Uppādādisaṅkhatalakkhaṇavinivattanatthaṃ ‘‘aniccadukkhaanattatā’’ti vuttaṃ. Uppādādayo pana tadavatthadhammavikārabhāvato taṃtaṃdhammaggahaṇena gahitāyeva. Tathā hi vuttaṃ ‘‘jarāmaraṇaṃ dvīhi khandhehi saṅgahita’’nti (dhātu. 71), ‘‘rūpassa upacayo’’ti ca ādi. Kesakumbhādi sabbaṃ nāmaṃ nāmapaññatti, rūpavedanādiupādānā brahmavihārādigocarā upādāpaññatti sattapaññatti, taṃtaṃbhūtanimittaṃ bhāvanāvisesañca upādāya gahetabbo jhānagocaraviseso kasiṇapaññatti. Paramatthe amuñcitvā vohariyamānāti iminā vihāramañcādipaññattīnaṃ sattapaññattisadisataṃ dasseti, yato tā sattapaññattiggahaṇena gayhanti. Hutvā abhāvapaṭipīḷanaavasavattanākārabhāvato saṅkhatadhammānaṃ ākārabhāvato saṅkhatadhammānaṃ ākāravisesabhūtāni lakkhaṇāni viññattiādayo viya vattabbāni siyuṃ, tāni pana nissayānapekkhaṃ na labbhantīti paññattisabhāvāneva tajjāpaññattibhāvatoti na vuttāni, sattaghaṭādito visesadassanatthaṃ pana aṭṭhakathāyaṃ visuṃ vuttānīti. Na hi ko…pe… vattuṃ yuttaṃ kusalattikassa nippadesattā.
988. бхавад̇и зд̇т̇аад̇и бхууми, ниссаяабажжаяабхаавад̇о сукасса бхууми сукабхууми. сукавзд̣̇анаасахид̇ам̣ жид̇д̇ам̣. д̇асса бхуумибхзд̣̇зна нид̣̇д̇хааран̣ад̇т̇ам̣ д̇ам̣ниссаяабхууд̇аа самбаяуд̇д̇ад̇хаммаа ‘‘гаамааважарз’’д̇и вуд̇д̇аа. д̇асса ваа згад̣̇зсабхууд̇асса самуд̣̇ааяабхаавад̇о аад̇хааран̣абхаавзна абзгкид̇ваа д̇ам̣самаанабхууми ‘‘гаамааважарз’’д̇и вуд̇д̇аа. д̇ад̇т̇а ‘‘сукабхуумияам̣ гаамааважарз’’д̇и д̣̇взби бхуммаважанаани бхиннаад̇хигаран̣абхаавзна адтагат̇ааяам̣ вуд̇д̇аанийд̇и убхаязсамби самаанаад̇хигаран̣абхаавзна ад̇т̇аяог̇ам̣ д̣̇ассзд̇ум̣ ‘‘сукабхуумийд̇и гаамааважараад̣̇аяоби яуж̇ж̇анд̇ий’’д̇и вуд̇д̇ам̣. яат̇зва хи жид̇д̇ам̣, звам̣ саб̣б̣зби барид̇д̇асукзна самбаяуд̇д̇аа д̇хаммаа д̇асса ниссаяабхаавад̇о бхууми гаамааважараад̇и. адтагат̇ааяамби ваа аяамад̇т̇о вуд̇д̇оязваад̇и д̣̇адтаб̣б̣ам̣. ‘‘жид̇д̇а’’нд̇и хи жид̇д̇уббаад̣̇оби вужжад̇и. д̇зна вуд̇д̇ам̣ ‘‘жид̇д̇ам̣ уббаннанд̇и зд̇т̇а жид̇д̇амзва аг̇г̇ахзд̇ваа баробан̣н̣аасагусалад̇хаммзхи сад̣̇д̇хим̣язва жид̇д̇ам̣ г̇ахид̇а’’нд̇и. зван̃жа гад̇ваад̇и сукабхуумияанд̇и жид̇д̇уббаад̣̇асса вин̃н̃ааяамаанад̇д̇аа. вибхааг̇ад̣̇ассанам̣ висзсад̣̇ассанам̣. бхаасид̇аб̣б̣ам̣ бхаасид̇ам̣, д̇ад̣̇зва ад̇т̇од̇и бхаасид̇ад̇т̇о. абхид̇хзяяад̇т̇о. д̇ад̣̇ад̇т̇авин̃н̃аабанзнаад̇и д̇игад̣̇угаанам̣ гужчид̇аанам̣ саланаад̣̇иад̇т̇ад̣̇ийбагзна.
988. Bhavati etthāti bhūmi, nissayapaccayabhāvato sukhassa bhūmi sukhabhūmi. Sukhavedanāsahitaṃ cittaṃ. Tassa bhūmibhedena niddhāraṇatthaṃ taṃnissayabhūtā sampayuttadhammā ‘‘kāmāvacare’’ti vuttā. Tassa vā ekadesabhūtassa samudāyabhāvato ādhāraṇabhāvena apekkhitvā taṃsamānabhūmi ‘‘kāmāvacare’’ti vuttā. Tattha ‘‘sukhabhūmiyaṃ kāmāvacare’’ti dvepi bhummavacanāni bhinnādhikaraṇabhāvena aṭṭhakathāyaṃ vuttānīti ubhayesampi samānādhikaraṇabhāvena atthayogaṃ dassetuṃ ‘‘sukhabhūmīti kāmāvacarādayopi yujjantī’’ti vuttaṃ. Yatheva hi cittaṃ, evaṃ sabbepi parittasukhena sampayuttā dhammā tassa nissayabhāvato bhūmi kāmāvacarāti. Aṭṭhakathāyampi vā ayamattho vuttoyevāti daṭṭhabbaṃ. ‘‘Citta’’nti hi cittuppādopi vuccati. Tena vuttaṃ ‘‘cittaṃ uppannanti ettha cittameva aggahetvā paropaṇṇāsakusaladhammehi saddhiṃyeva cittaṃ gahita’’nti. Evañca katvāti sukhabhūmiyanti cittuppādassa viññāyamānattā. Vibhāgadassanaṃ visesadassanaṃ. Bhāsitabbaṃ bhāsitaṃ, tadeva atthoti bhāsitattho. Abhidheyyattho. Tadatthaviññāpanenāti tikadukānaṃ kucchitānaṃ salanādiatthadīpakena.
994. го бана ваад̣̇о канд̇хаарамман̣ассаад̇и буб̣б̣аабарабхаавзна вад̇д̇амаанз арахад̇о канд̇хз згад̇д̇анаяавасзна санд̇аанад̇о ‘‘амхаагам̣ маад̇улад̇т̇зро’’д̇иаад̣̇инаа ааламб̣ид̇ваа бавад̇д̇амаанам̣ убаад̣̇аанам̣ д̇асса убаад̣̇аанагканд̇хзязва г̇ан̣хаад̇и. сад̇иби д̇ам̣санд̇ад̇ибарияаабаннз логуд̇д̇арагканд̇хз д̇ад̇т̇а бавад̇д̇ид̇ум̣ асамад̇т̇абхаавад̇о гаа бана гат̇аа канд̇хз аараб̣бха бавад̇д̇амаанз. зд̇зна над̇т̇и маг̇г̇о висуд̣̇д̇хияаа, над̇т̇и ниб̣б̣аананд̇и звамаад̣̇ивасзна бавад̇д̇аа мижчаад̣̇идтиаад̣̇аяо на маг̇г̇аад̣̇ивисаяаа д̇ам̣д̇ам̣бан̃н̃ад̇д̇ивисаяаад̇и д̣̇ийбид̇ам̣ ход̇и.
994. Ko pana vādo khandhārammaṇassāti pubbāparabhāvena vattamāne arahato khandhe ekattanayavasena santānato ‘‘amhākaṃ mātulatthero’’tiādinā ālambitvā pavattamānaṃ upādānaṃ tassa upādānakkhandheyeva gaṇhāti. Satipi taṃsantatipariyāpanne lokuttarakkhandhe tattha pavattituṃ asamatthabhāvato kā pana kathā khandhe ārabbha pavattamāne. Etena natthi maggo visuddhiyā, natthi nibbānanti evamādivasena pavattā micchādiṭṭhiādayo na maggādivisayā taṃtaṃpaññattivisayāti dīpitaṃ hoti.
998. звам̣ сам̣…бз… лзсигаад̇и анубаад̣̇ааниязхи асам̣гилзсигаанам̣ бхзд̣̇аабхаавамааха.
998. Evaṃ saṃ…pe… lesikāti anupādāniyehi asaṃkilesikānaṃ bhedābhāvamāha.
1006. авиж̇ж̇амаано жа со нижжаад̣̇ивибарияаасаагааро жаад̇и ави…бз… саагаарод̇и бад̣̇ажчзд̣̇о. д̣̇идтияаа нижжаад̣̇иавиж̇ж̇амаанаагаарзна г̇аяхамаанад̇д̇зби на д̇ад̣̇аагааро вияа барамад̇т̇ад̇о авиж̇ж̇амаано, ат̇а ко виж̇ж̇амаано гааяо саггааяод̇и авиж̇ж̇амаананижжаад̣̇ивибарияаасаагаарад̇о висзсананд̇и логуд̇д̇араа на ид̣̇ам̣ висзсанам̣ араханд̇и ‘‘санд̇о виж̇ж̇амаано гааяо саггааяо’’д̇и. вад̇т̇у ависзсид̇ам̣ ход̇ийд̇и ид̣̇ам̣ ‘‘сад̇ий гааяз’’д̇и зд̇т̇а гааяа-сад̣̇д̣̇о самуухад̇т̇ад̇ааяа анаамасид̇ависзсам̣ канд̇хабан̃жагам̣ вад̣̇ад̇ийд̇и ад̇хиббааязна вуд̇д̇ам̣. басаад̣̇агааяо вияа гужчид̇аанам̣ рааг̇аад̣̇ийнам̣ уббад̇д̇идтаанад̇ааяа гааяод̇и вужжад̇ийд̇и звам̣ бана ад̇т̇з сад̇и д̣̇идтияаа вад̇т̇у висзсид̇амзва ход̇ийд̇и логуд̇д̇арааби абанийд̇аа. на хи логуд̇д̇араа канд̇хаа уббад̇д̇идтаанад̇ааяа ‘‘гааяо’’д̇и вужжанд̇ийд̇и. суд̣̇д̇хияаа ахзд̇убхууд̇знаад̇и г̇осийлаад̣̇инаа, логияасийлзна ваа логуд̇д̇арасийласса абад̣̇адтаанзна. ‘‘авийд̇иггаманийяад̇аасад̇ад̇ам̣жарид̇аб̣б̣ад̇аахи ваа сийлам̣, д̇абожаран̣абхаавзна самаад̣̇иннад̇ааяа вад̇ам̣. ад̇д̇ано г̇аваад̣̇ибхааваад̇хидтаанам̣ сийлам̣, г̇ажчанд̇оязва бхагканаад̣̇иг̇аваад̣̇игирияаагаран̣ам̣ вад̇ам̣. агад̇д̇аб̣б̣аабхимад̇ад̇о нивад̇д̇анам̣ ваа сийлам̣, д̇ам̣самаад̣̇аанавад̇о взсабхож̇анагижжажаран̣аад̣̇ивисзсабадибад̇д̇и вад̇а’’нд̇и жа сийлаб̣б̣ад̇аанам̣ висзсам̣ вад̣̇анд̇и.
1006. Avijjamāno ca so niccādivipariyāsākāro cāti avi…pe… sākāroti padacchedo. Diṭṭhiyā niccādiavijjamānākārena gayhamānattepi na tadākāro viya paramatthato avijjamāno, atha kho vijjamāno kāyo sakkāyoti avijjamānaniccādivipariyāsākārato visesananti lokuttarā na idaṃ visesanaṃ arahanti ‘‘santo vijjamāno kāyo sakkāyo’’ti. Vatthu avisesitaṃ hotīti idaṃ ‘‘satī kāye’’ti ettha kāya-saddo samūhatthatāya anāmasitavisesaṃ khandhapañcakaṃ vadatīti adhippāyena vuttaṃ. Pasādakāyo viya kucchitānaṃ rāgādīnaṃ uppattiṭṭhānatāya kāyoti vuccatīti evaṃ pana atthe sati diṭṭhiyā vatthu visesitameva hotīti lokuttarāpi apanītā. Na hi lokuttarā khandhā uppattiṭṭhānatāya ‘‘kāyo’’ti vuccantīti. Suddhiyā ahetubhūtenāti gosīlādinā, lokiyasīlena vā lokuttarasīlassa apadaṭṭhānena. ‘‘Avītikkamanīyatāsatataṃcaritabbatāhi vā sīlaṃ, tapocaraṇabhāvena samādinnatāya vataṃ. Attano gavādibhāvādhiṭṭhānaṃ sīlaṃ, gacchantoyeva bhakkhanādigavādikiriyākaraṇaṃ vataṃ. Akattabbābhimatato nivattanaṃ vā sīlaṃ, taṃsamādānavato vesabhojanakiccacaraṇādivisesapaṭipatti vata’’nti ca sīlabbatānaṃ visesaṃ vadanti.
1007. имассуббаад̣̇аа ид̣̇ам̣ уббаж̇ж̇ад̇ийд̇и уббаад̣̇од̇и на ж̇ананамад̇д̇ам̣ ад̇хиббзд̇ам̣, ат̇а ко анирод̇хобийд̇и ‘‘авигхаад̇ам̣ ж̇анасад̣̇д̣̇о вад̣̇ад̇ий’’д̇и ааха. д̇ад̇т̇ааяам̣ ж̇ана-сад̣̇д̣̇з наяо, ж̇анид̇аад̇и ж̇анаа, авихад̇аад̇и ад̇т̇о. бут̇уу ж̇анаа зд̇зсанд̇и бут̇уж̇ж̇анаад̇и бут̇усад̇т̇умаанино сад̇д̇аа. абхисан̇каран̣аад̣̇иад̇т̇о ваа ж̇ана-сад̣̇д̣̇о анзгад̇т̇ад̇д̇аа д̇хаад̇уунам̣. канд̇хааяад̇анаад̣̇ийнам̣ саванаад̇хийнад̇д̇аа бан̃н̃аажагкубадилаабхасса д̇зсам̣ саванаабхаавад̣̇ийбагам̣ ‘‘ассуд̇аваа’’д̇и ид̣̇ам̣ бад̣̇ам̣ анд̇хад̇ам̣ вад̣̇ад̇и.
1007. Imassuppādā idaṃ uppajjatīti uppādoti na jananamattaṃ adhippetaṃ, atha kho anirodhopīti ‘‘avighātaṃ janasaddo vadatī’’ti āha. Tatthāyaṃ jana-sadde nayo, janitāti janā, avihatāti attho. Puthū janā etesanti puthujjanāti puthusatthumānino sattā. Abhisaṅkharaṇādiattho vā jana-saddo anekatthattā dhātūnaṃ. Khandhāyatanādīnaṃ savanādhīnattā paññācakkhupaṭilābhassa tesaṃ savanābhāvadīpakaṃ ‘‘assutavā’’ti idaṃ padaṃ andhataṃ vadati.
гад̇ам̣ ж̇аананд̇ийд̇и ад̇д̇анаа барзхи жа гад̇ам̣ гусалаагусалам̣ д̇зхи нибпаад̣̇ид̇ам̣ сукад̣̇угкам̣ яаат̇аавад̇о ж̇аананд̇и. барзсам̣ ад̇д̇анаа, ад̇д̇ано жа барзхи гад̇ам̣ убагаарам̣ яат̇аавуд̇д̇аагаарзна баагадам̣ гаронд̇и. б̣яаад̇хиаад̣̇ийхи д̣̇угкид̇асса убадтаанаад̣̇игаад̇аб̣б̣ам̣, сам̣саарад̣̇угкад̣̇угкид̇ассзва ваа яат̇аавуд̇д̇аагаарзна гаад̇аб̣б̣ам̣ гаронд̇и. арияагарад̇хаммаа арияасажжаанийд̇и буримасажжад̣̇ваяавасзна вуд̇д̇ам̣ ‘‘вибассияамаанаа анижжаад̣̇аяо’’д̇и. барин̃н̃аад̣̇ивисзсзна ваа бассияамаанаад̇и ад̇т̇з сад̇и анижжаад̣̇аяод̇и аад̣̇и-сад̣̇д̣̇зна нижжамби ниб̣б̣аанам̣ г̇ахид̇анд̇и жад̇усажжавасзнаби яож̇зд̇аб̣б̣ам̣, анижжад̇д̇аад̣̇аяо ваа ‘‘анижжаад̣̇аяо’’д̇и вуд̇д̇аад̇и д̣̇адтаб̣б̣ам̣.
Kataṃ jānantīti attanā parehi ca kataṃ kusalākusalaṃ tehi nipphāditaṃ sukhadukkhaṃ yāthāvato jānanti. Paresaṃ attanā, attano ca parehi kataṃ upakāraṃ yathāvuttākārena pākaṭaṃ karonti. Byādhiādīhi dukkhitassa upaṭṭhānādikātabbaṃ, saṃsāradukkhadukkhitasseva vā yathāvuttākārena kātabbaṃ karonti. Ariyakaradhammā ariyasaccānīti purimasaccadvayavasena vuttaṃ ‘‘vipassiyamānā aniccādayo’’ti. Pariññādivisesena vā passiyamānāti atthe sati aniccādayoti ādi-saddena niccampi nibbānaṃ gahitanti catusaccavasenapi yojetabbaṃ, aniccattādayo vā ‘‘aniccādayo’’ti vuttāti daṭṭhabbaṃ.
авасзсагилзсаа гилзсасод̇ам̣. н̃аан̣анд̇и яаат̇аавад̇о ж̇аананам̣. яат̇аабхууд̇ааваб̣од̇хзна хи д̇асса д̇аани ануббад̇д̇ид̇хаммад̇ам̣ аабаад̣̇ид̇ад̇ааяа санд̇аанз аббавзсаарахаани ‘‘сам̣вуд̇аани бихид̇ааний’’д̇и жа вужжанд̇и. д̇ат̇аад̇и саб̣б̣асан̇каараанам̣ виббагаарасса каманаагаарзна. авибарийд̇ад̇хаммаа зд̇ааяа ниж̇жхааяам̣ каманд̇ийд̇и бан̃н̃аа канд̇ийд̇и. ад̣̇удтассзва д̇ид̇игкаабхаавад̇о д̇ат̇аабавад̇д̇аа канд̇хаад̇и ад̣̇осаббад̇хаанаа канд̇хаа вуд̇д̇аад̇и ‘‘ад̣̇осо зва ваа’’д̇и д̇ад̇ияо вигаббо вуд̇д̇о. сад̇ибадибагкад̇д̇аа абхиж̇жхаад̣̇оманассаанам̣ ‘‘мудтассажжа’’нд̇и вуд̇д̇аа. агканд̇и д̣̇осо. сассад̇аад̣̇ианд̇авинимуд̇д̇аа д̇хаммадтид̇ийд̇и сассад̇ужчзд̣̇аад̣̇иг̇аахо д̇аббадиломабхааво вуд̇д̇о. д̣̇идтад̇хамманиб̣б̣аанаваад̣̇о ниб̣б̣аанз бадиломабхааво. жаримаануломан̃аан̣аваж̇жхад̇ан̣хаад̣̇иго гилзсод̇и вуд̇д̇о, бадибад̣̇аан̃аан̣ад̣̇ассанан̃аан̣ад̣̇ассанаани вияа г̇од̇рабхун̃аан̣ам̣ гилзсаанам̣ аббавад̇д̇игаран̣абхаавзна вад̇д̇ад̇и, гилзсависаяаад̇илан̇гханабхаавзна бана бавад̇д̇ад̇ийд̇и гад̇ваа вуд̇д̇ам̣ ‘‘сан̇каара…бз… бахаана’’нд̇и.
Avasesakilesā kilesasotaṃ. Ñāṇanti yāthāvato jānanaṃ. Yathābhūtāvabodhena hi tassa tāni anuppattidhammataṃ āpāditatāya santāne appavesārahāni ‘‘saṃvutāni pihitānī’’ti ca vuccanti. Tathāti sabbasaṅkhārānaṃ vippakārassa khamanākārena. Aviparītadhammā etāya nijjhāyaṃ khamantīti paññā khantīti. Aduṭṭhasseva titikkhābhāvato tathāpavattā khandhāti adosappadhānā khandhā vuttāti ‘‘adoso eva vā’’ti tatiyo vikappo vutto. Satipaṭipakkhattā abhijjhādomanassānaṃ ‘‘muṭṭhassacca’’nti vuttā. Akkhanti doso. Sassatādiantavinimuttā dhammaṭṭhitīti sassatucchedādigāho tappaṭilomabhāvo vutto. Diṭṭhadhammanibbānavādo nibbāne paṭilomabhāvo. Carimānulomañāṇavajjhataṇhādiko kilesoti vutto, paṭipadāñāṇadassanañāṇadassanāni viya gotrabhuñāṇaṃ kilesānaṃ appavattikaraṇabhāvena vattati, kilesavisayātilaṅghanabhāvena pana pavattatīti katvā vuttaṃ ‘‘saṅkhāra…pe… pahāna’’nti.
д̣̇идтияаад̣̇ийнам̣ самуд̣̇аяасабхааг̇ад̇аа гаммасса вигуббаад̣̇анз сахагаарийгааран̣абхааво, д̣̇ассанаад̣̇иб̣яаабаарам̣ ваа ад̇д̇аанан̃жа д̣̇ассанаад̣̇игижжам̣ жагкаад̣̇ийнанд̇и зван̃хи яат̇аад̇аггид̇ам̣ ад̇д̇аанам̣ руубанд̇и г̇ан̣хаад̇и. яат̇аад̣̇идтанд̇и д̇аггад̣̇ассанзна яат̇обалад̣̇д̇ханд̇и ад̇хиббааяо. на хи д̣̇идтиг̇ад̇иго руубааяад̇анамзва ад̇д̇аад̇и г̇ан̣хаад̇ийд̇и. имиссаабавад̇д̇ияаад̇и сааман̃н̃зна руубам̣ ад̇д̇аад̇и саб̣б̣асан̇г̇аахагабхууд̇ааяа бавад̇д̇ияаа. руубз…бз… маананд̇и жагкаад̣̇ийсу д̇ам̣сабхааво ад̇д̇аад̇и бавад̇д̇амаанам̣ ад̇д̇аг̇г̇ахан̣ам̣. анан̃н̃ад̇д̇аад̣̇иг̇г̇ахан̣анд̇и анан̃н̃ад̇д̇ам̣ ад̇д̇анияаад̇д̇аниссид̇аад̇д̇аад̇хаарад̇ааг̇ахан̣ам̣. ван̣н̣аад̣̇ийнанд̇и ван̣н̣аругкабубпаман̣ийнам̣. нану жа ругкабубпаман̣ияо барамад̇т̇ад̇о на виж̇ж̇анд̇и? сажжам̣ на виж̇ж̇анд̇и, д̇ад̣̇убаад̣̇аанам̣ бана виж̇ж̇ад̇ийд̇и д̇ам̣ самуд̣̇ид̇аад̣̇иббагаарам̣ ид̇ха ругкаад̣̇ибарияааязна вуд̇д̇анд̇и ругкаад̣̇инид̣̇ассанзби на д̣̇осо чааяааругкаад̣̇ийнам̣ вияа руубасса ад̇д̇ано жа сам̣саамибхааваад̣̇имад̇д̇асса ад̇хиббзд̇ад̇д̇аа.
Diṭṭhiyādīnaṃ samudayasabhāgatā kammassa vikuppādane sahakārīkāraṇabhāvo, dassanādibyāpāraṃ vā attānañca dassanādikiccaṃ cakkhādīnanti evañhi yathātakkitaṃ attānaṃ rūpanti gaṇhāti. Yathādiṭṭhanti takkadassanena yathopaladdhanti adhippāyo. Na hi diṭṭhigatiko rūpāyatanameva attāti gaṇhātīti. Imissāpavattiyāti sāmaññena rūpaṃ attāti sabbasaṅgāhakabhūtāya pavattiyā. Rūpe…pe… mānanti cakkhādīsu taṃsabhāvo attāti pavattamānaṃ attaggahaṇaṃ. Anaññattādiggahaṇanti anaññattaṃ attaniyaattanissitaattādhāratāgahaṇaṃ. Vaṇṇādīnanti vaṇṇarukkhapupphamaṇīnaṃ. Nanu ca rukkhapupphamaṇiyo paramatthato na vijjanti? Saccaṃ na vijjanti, tadupādānaṃ pana vijjatīti taṃ samuditādippakāraṃ idha rukkhādipariyāyena vuttanti rukkhādinidassanepi na doso chāyārukkhādīnaṃ viya rūpassa attano ca saṃsāmibhāvādimattassa adhippetattā.
1008. ж̇аад̇иаад̣̇исабхааванд̇и ж̇аад̇ибхаваад̣̇ийнам̣ ниб̣б̣ад̇д̇иниб̣б̣ад̇д̇анаад̣̇исабхаавам̣, уббаад̣̇анасамад̇т̇ад̇аа бажжаяабхааво.
1008. Jātiādisabhāvanti jātibhavādīnaṃ nibbattinibbattanādisabhāvaṃ, uppādanasamatthatā paccayabhāvo.
1009. сааман̃н̃зна ‘‘д̇ад̣̇згадтаа гилзсаа’’д̇и (д̇ха. са. 1010), барад̇о ‘‘авасзсо лобхо’’д̇иаад̣̇иважанад̇о (д̇ха. са. 1011) баарисзсад̇о саамад̇т̇ияад̇о ваа лаб̣бхамаанад̇ааяа сад̇иби ааг̇ад̇ад̇д̇з саруубзна бабхзд̣̇зна ваа д̣̇идтиаад̣̇аяо вияа анааг̇ад̇ад̇д̇аа лобхаад̣̇аяо ‘‘анааг̇ад̇аа’’д̇и вуд̇д̇аад̇и ааха ‘‘ид̇ха …бз… ссзд̇у’’нд̇и. ад̇т̇ад̇о вин̃н̃ааяад̇и лобхаад̣̇ийхи сахаж̇аад̇аа худ̇ваа д̣̇идтияаа зва баал̣ияам̣ вуд̇д̇агилзсабхаавад̇о. ид̇иби ад̇т̇о яуж̇ж̇ад̇и сам̣яож̇анагилзсаанамби бадинид̣̇д̣̇зсаарахад̇д̇аа самбаяуд̇д̇асамудтаанабхаавад̇о жа. сам̣яож̇анарахид̇зхийд̇и сам̣яож̇анабхааварахид̇зхи т̇инауд̣̇д̇хажжаахиригаанод̇д̇аббзхи, т̇инаахиригаанод̇д̇аббзхи ваа.
1009. Sāmaññena ‘‘tadekaṭṭhā kilesā’’ti (dha. sa. 1010), parato ‘‘avaseso lobho’’tiādivacanato (dha. sa. 1011) pārisesato sāmatthiyato vā labbhamānatāya satipi āgatatte sarūpena pabhedena vā diṭṭhiādayo viya anāgatattā lobhādayo ‘‘anāgatā’’ti vuttāti āha ‘‘idha…pe… ssetu’’nti. Atthato viññāyati lobhādīhi sahajātā hutvā diṭṭhiyā eva pāḷiyaṃ vuttakilesabhāvato. Itipi attho yujjati saṃyojanakilesānampi paṭiniddesārahattā sampayuttasamuṭṭhānabhāvato ca. Saṃyojanarahitehīti saṃyojanabhāvarahitehi thinauddhaccaahirikānottappehi, thinaahirikānottappehi vā.
1013. згад̣̇з…бз… вад̣̇ад̇и аваяавзнаби самуд̣̇ааяо вужжад̇ийд̇и. хзд̇у зд̇зсам̣ ад̇т̇ийд̇и ваа хзд̇угаа. анияад̇од̇и на авад̇хаарид̇о. буримабад̣̇аавад̇хааран̣авасзна г̇ахзд̇аб̣б̣ад̇т̇ад̇д̇аа виваран̣ийяад̇т̇аваа. ад̇т̇ад̇о нигкибид̇унд̇и ‘‘д̇аяо гусалахзд̇уу алобхо ад̣̇осо амохо’’д̇иаад̣̇ийсу (д̇ха. са. 1060) вияа буриманаязна д̣̇ассид̇ад̇хаммзязва хзд̇убахаад̇аб̣б̣ахзд̇угабхзд̣̇ад̇о ад̇т̇ад̣̇ассанавасзна нид̣̇д̣̇исид̇унд̇и ад̇т̇о.
1013. Ekade…pe… vadati avayavenapi samudāyo vuccatīti. Hetu etesaṃ atthīti vā hetukā. Aniyatoti na avadhārito. Purimapadāvadhāraṇavasena gahetabbatthattā vivaraṇīyatthavā. Atthato nikkhipitunti ‘‘tayo kusalahetū alobho adoso amoho’’tiādīsu (dha. sa. 1060) viya purimanayena dassitadhammeyeva hetupahātabbahetukabhedato atthadassanavasena niddisitunti attho.
1029. абхин̃н̃ааяуд̇д̇аваж̇ж̇аанам̣ махаг̇г̇ад̇аанам̣ барид̇д̇аарамман̣ад̇д̇аабхааваа ‘‘махаг̇г̇ад̇аа ваа ид̣̇д̇хивид̇хаад̣̇аяо’’д̇и вуд̇д̇ам̣. ад̇ийд̇ам̣сан̃аан̣асса гаамааважарад̇д̇аа ‘‘жзд̇о…бз… н̃аан̣асамбаяуд̇д̇аа’’д̇и ааха.
1029. Abhiññāyuttavajjānaṃ mahaggatānaṃ parittārammaṇattābhāvā ‘‘mahaggatā vā iddhividhādayo’’ti vuttaṃ. Atītaṃsañāṇassa kāmāvacarattā ‘‘ceto…pe… ñāṇasampayuttā’’ti āha.
1035. ананд̇арз нияуд̇д̇аанийд̇и жуд̇иананд̇арам̣ палам̣ ананд̇арам̣, д̇асмим̣ нияуд̇д̇аани д̇ам̣ зганд̇зна нибпаад̣̇анад̇о анад̇иггаманагаанийд̇и ад̇т̇о. вуд̇д̇аббагаарасса ананд̇арасса гаран̣ам̣ ананд̇арам̣, д̇ам̣ сийлаанийд̇и яож̇зд̇аб̣б̣ам̣. анзгзсу аананд̇ариязсу гад̇зсу гин̃жааби б̣алавад̇оязва бадисанд̇хид̣̇аанам̣, на ид̇арзсам̣, ад̇д̇анаа бана гаад̇аб̣б̣агижжасса д̇знзва гад̇ад̇д̇аа д̇асса вибаагасса убад̇т̇амбханавасзна бавад̇д̇анад̇о на ид̇араани д̇зна ниваарид̇апалаани наама хонд̇и, го бана ваад̣̇о бадибагкзсу гусалзсууд̇и вуд̇д̇ам̣ ‘‘бадибагкзна анивааран̣ийяапалад̇д̇аа’’д̇и. ‘‘анзгасмимби…бз… над̇т̇ий’’д̇и гасмаа вуд̇д̇ам̣, нану анзгзсу аананд̇ариязсу гад̇зсу б̣алавам̣язва бадисанд̇хид̣̇ааяаганд̇и д̇зна ид̇арзсам̣ вибааго бадиб̣аахид̇о ход̇ийд̇и ааха ‘‘на жа д̇зса’’нд̇иаад̣̇и. д̇ан̃жа д̇зсам̣ ан̃н̃аман̃н̃ам̣ аббадиб̣аахагад̇д̇ам̣ маад̇игааван̣н̣анааяам̣ вид̇т̇аарзна вижаарид̇амзва.
1035. Anantare niyuttānīti cutianantaraṃ phalaṃ anantaraṃ, tasmiṃ niyuttāni taṃ ekantena nipphādanato anatikkamanakānīti attho. Vuttappakārassa anantarassa karaṇaṃ anantaraṃ, taṃ sīlānīti yojetabbaṃ. Anekesu ānantariyesu katesu kiñcāpi balavatoyeva paṭisandhidānaṃ, na itaresaṃ, attanā pana kātabbakiccassa teneva katattā tassa vipākassa upatthambhanavasena pavattanato na itarāni tena nivāritaphalāni nāma honti, ko pana vādo paṭipakkhesu kusalesūti vuttaṃ ‘‘paṭipakkhena anivāraṇīyaphalattā’’ti. ‘‘Anekasmimpi…pe… natthī’’ti kasmā vuttaṃ, nanu anekesu ānantariyesu katesu balavaṃyeva paṭisandhidāyakanti tena itaresaṃ vipāko paṭibāhito hotīti āha ‘‘na ca tesa’’ntiādi. Tañca tesaṃ aññamaññaṃ appaṭibāhakattaṃ mātikāvaṇṇanāyaṃ vitthārena vicāritameva.
ад̇т̇ад̇о аабаннам̣ аг̇г̇ахзд̇ваа яат̇ааруд̇авасзнзва баал̣ияаа ад̇т̇ам̣ г̇ахзд̇ваа д̇зсам̣ ваад̣̇аанам̣ д̇аббарабхаавзна бавад̇д̇им̣ санд̇хааяа ахзд̇угаваад̣̇аад̣̇ийнам̣ висзсам̣ д̣̇ассзд̇ум̣ ‘‘буримаваад̣̇о’’д̇иаад̣̇и вуд̇д̇ам̣. анияяааниганияяаанигабхзд̣̇ам̣ бана самбхаарагаммам̣ б̣анд̇хамогкахзд̇ууд̇и б̣анд̇хамогкахзд̇ум̣ бадисзд̇хзнд̇оби гаммам̣ бадисзд̇хзд̇и. суман̇г̇алавилаасинияам̣ бана вибаагасса гаммагилзсасамаад̇хибан̃н̃аанам̣ хзд̇убхаавад̇о вибаагоби б̣анд̇хамогкахзд̇ууд̇и ‘‘над̇т̇и хзд̇ууд̇и вад̣̇анд̇о убхаяам̣ бадиб̣аахад̇ий’’д̇и (д̣̇ий. ни. адта. 1.170-172) вуд̇д̇ам̣. д̇ад̇т̇а гаммам̣ бадисзд̇хзнд̇знаби вибааго бадисзд̇хид̇о ход̇и, вибаагам̣ бадисзд̇хзнд̇знаби гамманд̇и д̇аяоби зд̇з ваад̣̇аа ад̇т̇ад̇о убхаяабадисзд̇хагаад̇и взд̣̇ид̇аб̣б̣аа. нияад̇амижчаад̣̇идтинд̇и ахзд̇угаваад̣̇аад̣̇ибадисам̣яуд̇д̇з асад̣̇д̇хаммз уг̇г̇ахабарибужчаавинижчаяабасуд̇асса ‘‘над̇т̇и хзд̇уу’’д̇иаад̣̇инаа рахо нисийд̣̇ид̇ваа жинд̇знд̇асса д̇асмим̣ аарамман̣з мижчаасад̇и санд̇идтад̇и, жид̇д̇ам̣ згаг̇г̇ам̣ ход̇и, ж̇аванаани ж̇аванд̇и. батамаж̇аванз сад̇згижчо ход̇и, д̇ат̇аа д̣̇уд̇ияаад̣̇ийсу. сад̇д̇амз ад̇згижчабхаавам̣ бад̇д̇о наама ход̇и. яаа звам̣ бавад̇д̇аа д̣̇идти, д̇ам̣ санд̇хааяа вуд̇д̇ам̣ ‘‘нияад̇амижчаад̣̇идти’’нд̇и. д̇ад̇о буримабхааваа анияад̇аа.
Atthato āpannaṃ aggahetvā yathārutavaseneva pāḷiyā atthaṃ gahetvā tesaṃ vādānaṃ tapparabhāvena pavattiṃ sandhāya ahetukavādādīnaṃ visesaṃ dassetuṃ ‘‘purimavādo’’tiādi vuttaṃ. Aniyyānikaniyyānikabhedaṃ pana sambhārakammaṃ bandhamokkhahetūti bandhamokkhahetuṃ paṭisedhentopi kammaṃ paṭisedheti. Sumaṅgalavilāsiniyaṃ pana vipākassa kammakilesasamādhipaññānaṃ hetubhāvato vipākopi bandhamokkhahetūti ‘‘natthi hetūti vadanto ubhayaṃ paṭibāhatī’’ti (dī. ni. aṭṭha. 1.170-172) vuttaṃ. Tattha kammaṃ paṭisedhentenapi vipāko paṭisedhito hoti, vipākaṃ paṭisedhentenapi kammanti tayopi ete vādā atthato ubhayapaṭisedhakāti veditabbā. Niyatamicchādiṭṭhinti ahetukavādādipaṭisaṃyutte asaddhamme uggahaparipucchāvinicchayapasutassa ‘‘natthi hetū’’tiādinā raho nisīditvā cintentassa tasmiṃ ārammaṇe micchāsati santiṭṭhati, cittaṃ ekaggaṃ hoti, javanāni javanti. Paṭhamajavane satekiccho hoti, tathā dutiyādīsu. Sattame atekicchabhāvaṃ patto nāma hoti. Yā evaṃ pavattā diṭṭhi, taṃ sandhāya vuttaṃ ‘‘niyatamicchādiṭṭhi’’nti. Tato purimabhāvā aniyatā.
1039. сахаж̇аад̇а ан̃н̃аман̃н̃а ниссаяа ад̇т̇и авиг̇ад̇аад̣̇ивисидтабхаавзби маг̇г̇абажжаяасса самбаяог̇ависидтад̇аад̣̇ийбанзнзва сахаж̇аад̇аад̣̇ивисидтад̇ааби вин̃н̃ааяад̇ийд̇и баал̣ияам̣ ‘‘самбаяуд̇д̇о’’д̇и вуд̇д̇анд̇и ‘‘самбаяог̇ависидтзнаа’’д̇и вуд̇д̇ам̣. маг̇г̇а…бз… д̣̇ассзд̇ум̣, на бана маг̇г̇ан̇г̇аанам̣ ан̃н̃аман̃н̃ам̣ маг̇г̇абажжаяабхааваабхаавад̇од̇и ад̇хиббааяо. звам̣ сад̇ийд̇и яад̣̇и маг̇г̇ан̇г̇аанам̣ маг̇г̇абажжаяалаабхид̇ааяа багаасано батаманаяо, звам̣ санд̇з. маг̇г̇ан̇г̇ааниби взд̣̇анаад̣̇аяо вияа маг̇г̇ахзд̇угабхаавзна вад̇д̇аб̣б̣ад̇д̇аа амаг̇г̇асабхааваанам̣ алобхаад̣̇ийнам̣ д̇ад̣̇ан̃н̃зсам̣ д̇ад̣̇убхаяасабхааваанам̣ д̇хаммаанам̣ бажжаяабхаавад̣̇ийбанз д̇ад̇ияанаяз вияа на табзд̇аб̣б̣аанийд̇и ааха ‘‘табзд̇ваад̇и на вад̇д̇аб̣б̣ам̣ сияаа’’д̇и. буб̣б̣зд̇и буриманаяз.
1039. Sahajāta aññamañña nissaya atthi avigatādivisiṭṭhabhāvepi maggapaccayassa sampayogavisiṭṭhatādīpaneneva sahajātādivisiṭṭhatāpi viññāyatīti pāḷiyaṃ ‘‘sampayutto’’ti vuttanti ‘‘sampayogavisiṭṭhenā’’ti vuttaṃ. Magga…pe… dassetuṃ, na pana maggaṅgānaṃ aññamaññaṃ maggapaccayabhāvābhāvatoti adhippāyo. Evaṃ satīti yadi maggaṅgānaṃ maggapaccayalābhitāya pakāsano paṭhamanayo, evaṃ sante. Maggaṅgānipi vedanādayo viya maggahetukabhāvena vattabbattā amaggasabhāvānaṃ alobhādīnaṃ tadaññesaṃ tadubhayasabhāvānaṃ dhammānaṃ paccayabhāvadīpane tatiyanaye viya na ṭhapetabbānīti āha ‘‘ṭhapetvāti na vattabbaṃ siyā’’ti. Pubbeti purimanaye.
д̣̇уд̇ияанаязбийд̇и би-сад̣̇д̣̇зна батаманаяам̣ самбин̣д̣зд̇и. д̇зна саммаад̣̇идтияаа буримасмим̣ наяад̣̇ваяз табид̇ад̇д̇аа д̇асса сахзд̇угабхаавад̣̇ассано д̇ад̇ияанаяо аарад̣̇д̇ход̇и д̣̇ассзд̇и. д̇ад̇ияанаяз саммаад̣̇идтияаа сахзд̇угабхаавад̣̇ассанам̣ анижчанд̇о жод̣̇аго ‘‘гат̇ам̣ д̣̇ассид̇о’’д̇и жод̣̇зд̇ваа ‘‘нануу’’д̇иаад̣̇инаа ад̇д̇ано ад̇хиббааяам̣ виварад̇и. ид̇аро ‘‘яат̇аа хий’’д̇иаад̣̇инаа д̣̇ассанзна бахаад̇аб̣б̣ахзд̇убхаавзна вуд̇д̇аанамби лобхаад̣̇ийнам̣ ан̃н̃аман̃н̃ам̣ сахаж̇згадтасамбаяуд̇д̇асан̇каарагканд̇хабарияаабаннад̇о д̣̇ассанзна бахаад̇аб̣б̣ахзд̇угасан̇г̇ахо вияа маг̇г̇ахзд̇убхаавзна вуд̇д̇ааяаби саммаад̣̇идтияаа маг̇г̇ахзд̇угабхаавоби яуж̇ж̇ад̇и маг̇г̇ахзд̇усамбаяуд̇д̇асан̇каарагканд̇хабарияаабаннабхаавад̇од̇и д̣̇ассзд̇и.
Dutiyanayepīti pi-saddena paṭhamanayaṃ sampiṇḍeti. Tena sammādiṭṭhiyā purimasmiṃ nayadvaye ṭhapitattā tassa sahetukabhāvadassano tatiyanayo āraddhoti dasseti. Tatiyanaye sammādiṭṭhiyā sahetukabhāvadassanaṃ anicchanto codako ‘‘kathaṃ dassito’’ti codetvā ‘‘nanū’’tiādinā attano adhippāyaṃ vivarati. Itaro ‘‘yathā hī’’tiādinā dassanena pahātabbahetubhāvena vuttānampi lobhādīnaṃ aññamaññaṃ sahajekaṭṭhasampayuttasaṅkhārakkhandhapariyāpannato dassanena pahātabbahetukasaṅgaho viya maggahetubhāvena vuttāyapi sammādiṭṭhiyā maggahetukabhāvopi yujjati maggahetusampayuttasaṅkhārakkhandhapariyāpannabhāvatoti dasseti.
д̇ад̇о ан̃н̃ассзваад̇и д̇ад̇о саммаад̣̇идтисан̇каад̇ахзд̇уд̇о ан̃н̃асса алобхаад̣̇осассзва. ан̃н̃знаад̇и ‘‘маг̇г̇о хзд̇уу’’д̇и ид̇о ан̃н̃зна. алобхаад̣̇осаанам̣язва ад̇хиббзд̇ад̇д̇аа д̇зсам̣язва аавзн̣игзна маг̇г̇ахзд̇ууд̇и иминаа барияааязна. саад̇хааран̣зна барияааязнаад̇и д̇ин̣н̣амби хзд̇уунам̣ ад̇хиббзд̇ад̇д̇аа маг̇г̇аамаг̇г̇асабхааваанам̣ саад̇хааран̣зна маг̇г̇ахзд̇умаг̇г̇ахзд̇ууд̇и иминаа барияааязна. д̇зсанд̇и хзд̇уунам̣. ан̃н̃зсанд̇и хзд̇усамбаяуд̇д̇аанам̣. ад̇т̇ависзсавасзнаад̇и ‘‘маг̇г̇ахзд̇угаа’’д̇и баал̣ияаа ад̇т̇ависзсавасзна. амохзна алобхаад̣̇осаамохзхи жа сзсад̇хаммаанам̣ сахзд̇угабхаавад̣̇ассанавасзна бавад̇д̇аа д̣̇уд̇ияад̇ад̇ияанаяаа ‘‘саруубад̇о хзд̇ухзд̇уманд̇ад̣̇ассана’’нд̇и вуд̇д̇аа. д̇ат̇ааад̣̇ассанад̇од̇и саруубзна ад̣̇ассанад̇о. ад̇т̇зна…бз… г̇аманад̇од̇и ‘‘маг̇г̇ан̇г̇аани табзд̇ваа д̇ам̣самбаяуд̇д̇о’’д̇и (д̇ха. са. 1039) важанад̇о маг̇г̇асабхааваанам̣ д̇хаммаанам̣ маг̇г̇абажжаяад̇аасан̇каад̇о самбаяуд̇д̇аанам̣ хзд̇убхааво саруубад̇о д̣̇ассид̇о. маг̇г̇ахзд̇убхууд̇ааяа бана саммаад̣̇идтияаа самбаяуд̇д̇аанам̣ хзд̇ухзд̇убхааво ад̇т̇ад̇о н̃аабид̇о ход̇ийд̇и ад̇т̇о.
Tato aññassevāti tato sammādiṭṭhisaṅkhātahetuto aññassa alobhādosasseva. Aññenāti ‘‘maggo hetū’’ti ito aññena. Alobhādosānaṃyeva adhippetattā tesaṃyeva āveṇikena maggahetūti iminā pariyāyena. Sādhāraṇena pariyāyenāti tiṇṇampi hetūnaṃ adhippetattā maggāmaggasabhāvānaṃ sādhāraṇena maggahetumaggahetūti iminā pariyāyena. Tesanti hetūnaṃ. Aññesanti hetusampayuttānaṃ. Atthavisesavasenāti ‘‘maggahetukā’’ti pāḷiyā atthavisesavasena. Amohena alobhādosāmohehi ca sesadhammānaṃ sahetukabhāvadassanavasena pavattā dutiyatatiyanayā ‘‘sarūpato hetuhetumantadassana’’nti vuttā. Tathāadassanatoti sarūpena adassanato. Atthena…pe… gamanatoti ‘‘maggaṅgāni ṭhapetvā taṃsampayutto’’ti (dha. sa. 1039) vacanato maggasabhāvānaṃ dhammānaṃ maggapaccayatāsaṅkhāto sampayuttānaṃ hetubhāvo sarūpato dassito. Maggahetubhūtāya pana sammādiṭṭhiyā sampayuttānaṃ hetuhetubhāvo atthato ñāpito hotīti attho.
1040. асабхаавад̇хаммо г̇аругаад̇аб̣б̣о на ход̇ийд̇и ‘‘сабхаавад̇хаммо’’д̇и вуд̇д̇ам̣. д̇знзва бадтаанаван̣н̣анааяам̣ (бадтаа. адта. 1.3) ‘‘аарамман̣аад̇хибад̇и ж̇аад̇ибхзд̣̇ад̇о гусалаагусалавибаагагирияаруубаниб̣б̣аанавасзна чаб̣б̣ид̇хо’’д̇и вагкад̇и. маг̇г̇аад̣̇ийни табзд̇ваад̇и маг̇г̇аад̣̇ийни бахааяа. ан̃н̃зсанд̇и маг̇г̇аад̣̇ид̇о ан̃н̃зсам̣. ад̇хи…бз… вассаад̇и аарамман̣аад̇хибад̇ибажжаяабхаавасса. бан̃н̃уд̇д̇арад̇д̇аа гусалаанам̣ логуд̇д̇арагат̇ааяа жа бан̃н̃аад̇хурад̇д̇аа виймам̣саад̇хибад̇исса сзсаад̇хибад̇ийнам̣ бад̇хаанад̇аа взд̣̇ид̇аб̣б̣аа.
1040. Asabhāvadhammo garukātabbo na hotīti ‘‘sabhāvadhammo’’ti vuttaṃ. Teneva paṭṭhānavaṇṇanāyaṃ (paṭṭhā. aṭṭha. 1.3) ‘‘ārammaṇādhipati jātibhedato kusalākusalavipākakiriyarūpanibbānavasena chabbidho’’ti vakkhati. Maggādīni ṭhapetvāti maggādīni pahāya. Aññesanti maggādito aññesaṃ. Adhi…pe… vassāti ārammaṇādhipatipaccayabhāvassa. Paññuttarattā kusalānaṃ lokuttarakathāya ca paññādhurattā vīmaṃsādhipatissa sesādhipatīnaṃ padhānatā veditabbā.
1041. бад̣̇зсасад̇д̇ависаяад̇д̇аа батамавигаббасса сагаласад̇д̇авасзна д̣̇ассзд̇ум̣ ‘‘габбасахассаад̇иггамзби ваа’’д̇иаад̣̇и вуд̇д̇ам̣. лад̣̇д̇хогаасам̣ яам̣ бхависсад̇ийд̇и лад̣̇д̇хогаасам̣ яам̣ гаммам̣ баабун̣иссад̇и. габбасахассаад̇иггамз авассам̣ уббаж̇ж̇анавибаагад̇д̇аа д̇ад̣̇аби…бз… вужжад̇ийд̇и. алад̣̇д̇хад̇д̇алаабхад̇ааяа уббаад̣̇аад̣̇игкан̣ам̣ аббад̇д̇асса вибаагасса ануббаннабхааво над̇т̇ибхааво баагадабхааваабхаавад̇од̇и вуд̇д̇ам̣ ‘‘над̇т̇и наама на ход̇ийд̇и ануббанно наама на ход̇ий’’д̇и. д̇ад̇т̇аад̇и аруубабхаван̇г̇з.
1041. Padesasattavisayattā paṭhamavikappassa sakalasattavasena dassetuṃ ‘‘kappasahassātikkamepi vā’’tiādi vuttaṃ. Laddhokāsaṃ yaṃ bhavissatīti laddhokāsaṃ yaṃ kammaṃ pāpuṇissati. Kappasahassātikkame avassaṃ uppajjanavipākattā tadapi…pe… vuccatīti. Aladdhattalābhatāya uppādādikkhaṇaṃ appattassa vipākassa anuppannabhāvo natthibhāvo pākaṭabhāvābhāvatoti vuttaṃ ‘‘natthi nāma na hotīti anuppanno nāma na hotī’’ti. Tatthāti arūpabhavaṅge.
авибаггавибаагам̣ гаммам̣ сахагаарийгааран̣асамавааяаалаабхзна агад̇огаасам̣ вибаагаабхимукабхааваабхаавад̇о вибаггавибаагагаммасаригкаганд̇и вуд̇д̇ам̣ ‘‘алад̣̇д̇хо…бз… д̣̇зяяаа’’д̇и. гижжанибпад̇д̇ияаа асад̇и уббаннамби гаммам̣ ануббаннасамаананд̇и ‘‘огаасо на бхавзяяаа’’д̇и зд̇асса самад̇т̇ад̇аа на сияаад̇и ад̇т̇амааха. д̇зна абажаяаг̇аамигаммагижжасса огаасаабхааво д̣̇ассид̇о. буб̣б̣з нирад̇т̇агад̇д̇аа уббад̇д̇ияаа огаасо на бхавзяяаад̇и баяож̇анаабхаавад̇о гаммуббад̇д̇ияаа огаасаабхааво вуд̇д̇о. ‘‘вибаагад̇о ан̃н̃асса бавад̇д̇иогаасо на бхавзяяаа’’д̇и иминаа асамбхавад̇од̇и аяамзд̇зсам̣ висзсо. д̇хувавибаагасса гаммасса вибаагзна нид̣̇ассанамад̇д̇абхууд̇знаад̇и ад̇хиббааяо. арияамаг̇г̇ааананд̇арияагаммаанам̣ вияа махаг̇г̇ад̇агаммаанам̣ нияад̇асабхаавад̇аабхааваа адтасамаабад̇д̇ийнам̣ ‘‘б̣алававирахз’’д̇иаад̣̇инаа сависзсанад̇хувавибаагад̇аа вуд̇д̇аа. зд̇т̇а жа ‘‘бан̃жа аананд̇арияагаммааний’’д̇и нид̣̇ассанамад̇д̇ам̣ д̣̇адтаб̣б̣ам̣ нияад̇амижчаад̣̇идтияааби д̇хувавибаагад̇д̇аа. яасса гаммасса гад̇ад̇д̇аа яо вибааго нияог̇ад̇о уббаж̇ж̇иссад̇и, со д̇асса анааг̇ад̇агаалзби уббаад̣̇ивохаарам̣ лабхад̇и. со жа уббаад̣̇ивохааро ааяуухид̇агаммавасзна вужжамаано бхаавинаа ааяуухид̇абхаавзна маг̇г̇о ануббаннод̇и зд̇т̇а вуд̇д̇од̇и д̣̇ассзд̇ум̣ ‘‘яам̣ ааяуухид̇ам̣ бхависсад̇ий’’д̇иаад̣̇и вуд̇д̇ам̣.
Avipakkavipākaṃ kammaṃ sahakārīkāraṇasamavāyālābhena akatokāsaṃ vipākābhimukhabhāvābhāvato vipakkavipākakammasarikkhakanti vuttaṃ ‘‘aladdho…pe… deyyā’’ti. Kiccanipphattiyā asati uppannampi kammaṃ anuppannasamānanti ‘‘okāso na bhaveyyā’’ti etassa samatthatā na siyāti atthamāha. Tena apacayagāmikammakiccassa okāsābhāvo dassito. Pubbe niratthakattā uppattiyā okāso na bhaveyyāti payojanābhāvato kammuppattiyā okāsābhāvo vutto. ‘‘Vipākato aññassa pavattiokāso na bhaveyyā’’ti iminā asambhavatoti ayametesaṃ viseso. Dhuvavipākassa kammassa vipākena nidassanamattabhūtenāti adhippāyo. Ariyamaggaānantariyakammānaṃ viya mahaggatakammānaṃ niyatasabhāvatābhāvā aṭṭhasamāpattīnaṃ ‘‘balavavirahe’’tiādinā savisesanadhuvavipākatā vuttā. Ettha ca ‘‘pañca ānantariyakammānī’’ti nidassanamattaṃ daṭṭhabbaṃ niyatamicchādiṭṭhiyāpi dhuvavipākattā. Yassa kammassa katattā yo vipāko niyogato uppajjissati, so tassa anāgatakālepi uppādivohāraṃ labhati. So ca uppādivohāro āyūhitakammavasena vuccamāno bhāvinā āyūhitabhāvena maggo anuppannoti ettha vuttoti dassetuṃ ‘‘yaṃ āyūhitaṃ bhavissatī’’tiādi vuttaṃ.
1050. убаад̣̇аанзхи аад̣̇иннаад̇и самб̣анд̇хо. ан̃н̃зд̇и убаад̣̇аанаарамман̣зхи ан̃н̃з анубаад̣̇аанияаад̇и ад̇т̇о. аад̣̇игзна г̇ахан̣знаад̇и ‘‘ахам̣ палам̣ сажчаагааси’’нд̇и звам̣ бажжавзгкан̣ан̃аан̣асан̇каад̇зна г̇ахан̣зна. ид̣̇аани убзд̇ад̇т̇ад̣̇ийбагасса уба-сад̣̇д̣̇асса васзна убаад̣̇инна-сад̣̇д̣̇асса ад̇т̇ам̣ вад̇д̇ум̣ ‘‘убаад̣̇иннасад̣̇д̣̇зна ваа’’д̇иаад̣̇и вуд̇д̇ам̣. д̇ад̇т̇а ниб̣б̣аанасса анаж̇жхад̇д̇абхаавад̇о ‘‘амаг̇г̇апалад̇хаммааязва вуд̇д̇аа’’д̇и ааха. ид̇арзхийд̇и аж̇жхад̇д̇абад̣̇аад̣̇ийхи.
1050. Upādānehi ādinnāti sambandho. Aññeti upādānārammaṇehi aññe anupādāniyāti attho. Ādikena gahaṇenāti ‘‘ahaṃ phalaṃ sacchākāsi’’nti evaṃ paccavekkhaṇañāṇasaṅkhātena gahaṇena. Idāni upetatthadīpakassa upa-saddassa vasena upādinna-saddassa atthaṃ vattuṃ ‘‘upādinnasaddena vā’’tiādi vuttaṃ. Tattha nibbānassa anajjhattabhāvato ‘‘amaggaphaladhammāyeva vuttā’’ti āha. Itarehīti ajjhattapadādīhi.
д̇иганигкзбагат̇ааван̣н̣анаа нидтид̇аа.
Tikanikkhepakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̇иганигкзбам̣ • Tikanikkhepaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇иганигкзбагат̇аа • Tikanikkhepakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇иганигкзбагат̇ааван̣н̣анаа • Tikanikkhepakathāvaṇṇanā
