| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. д̇иган̣н̣асуд̇д̇аван̣н̣анаа
8. Tikaṇṇasuttavaṇṇanā
59. адтамз д̣̇ураасад̣̇аад̇и д̣̇урубасан̇гаманаа. г̇арахаа мужжиссад̇ийд̇и маяи звам̣ гат̇знд̇з саман̣о г̇од̇амо гин̃жи гат̇зссад̇и, звам̣ мз важанамад̇д̇амби на лад̣̇д̇ханд̇и аяам̣ г̇арахаа мужжиссад̇ийд̇и. бан̣д̣ид̇аад̇и бан̣д̣ижжзна саманнааг̇ад̇аа. д̇хийраад̇и д̇хид̇исамбаннаа. б̣яад̇д̇аад̇и бараваад̣̇амад̣̇д̣̇анасамад̇т̇зна взяяад̇д̇иязна саманнааг̇ад̇аа. б̣ахуссуд̇аад̇и б̣аахусажжаванд̇о. ваад̣̇инод̇и ваад̣̇имаг̇г̇агусалаа. саммад̇аад̇и б̣ахуно ж̇анасса саад̇хусаммад̇аа. бан̣д̣ид̇аад̣̇иаагаарабарижчзд̣̇анд̇и д̇зсам̣ д̇звиж̇ж̇аанам̣ бан̣д̣ид̇аагаараад̣̇иаагаарабарижчзд̣̇ам̣. аагаарасад̣̇д̣̇о гааран̣абарияааяо, барижчзд̣̇асад̣̇д̣̇о баримаан̣ад̇т̇од̇и ааха ‘‘зд̇д̇агзна гааран̣знаа’’д̇и.
59. Aṭṭhame durāsadāti durupasaṅkamanā. Garahā muccissatīti mayi evaṃ kathente samaṇo gotamo kiñci kathessati, evaṃ me vacanamattampi na laddhanti ayaṃ garahā muccissatīti. Paṇḍitāti paṇḍiccena samannāgatā. Dhīrāti dhitisampannā. Byattāti paravādamaddanasamatthena veyyattiyena samannāgatā. Bahussutāti bāhusaccavanto. Vādinoti vādimaggakusalā. Sammatāti bahuno janassa sādhusammatā. Paṇḍitādiākāraparicchedanti tesaṃ tevijjānaṃ paṇḍitākārādiākāraparicchedaṃ. Ākārasaddo kāraṇapariyāyo, paricchedasaddo parimāṇatthoti āha ‘‘ettakena kāraṇenā’’ti.
яат̇аад̇и язнаагаарзна, язна гааран̣знаад̇и ад̇т̇о. д̇знааха ‘‘яат̇аад̇и гааран̣аважана’’нд̇и. ‘‘д̣̇вийхиби багкзхий’’д̇и вад̇ваа д̇з багкз саруубад̇о д̣̇ассзнд̇о ‘‘маад̇ид̇о жа бид̇ид̇о жаа’’д̇и ааха. д̇зсам̣ багкаанам̣ васзнасса суж̇аад̇ад̇ам̣ д̣̇ассзд̇ум̣ ‘‘яасса маад̇аа’’д̇иаад̣̇и вуд̇д̇ам̣. ж̇анагаж̇анигаабхаавзна винааби логз маад̇аабид̇усаман̃н̃аа д̣̇иссад̇и, ид̇ха бана саа орасабуд̇д̇авасзнзва ижчид̇аад̇и д̣̇ассзд̇ум̣ ‘‘сам̣суд̣̇д̇хаг̇ахан̣иго’’д̇и вуд̇д̇ам̣. г̇аб̣бхам̣ г̇ан̣хаад̇и д̇хаарзд̇ийд̇и г̇ахан̣ий, г̇аб̣бхаасаяасан̃н̃ид̇о маад̇угужчиббад̣̇зсо. яат̇аабхуд̇д̇асса аахаарасса вибаажанавасзна г̇ан̣ханад̇о ачад̣д̣анад̇о г̇ахан̣ий, гаммаж̇ад̇зж̇од̇хаад̇у.
Yathāti yenākārena, yena kāraṇenāti attho. Tenāha ‘‘yathāti kāraṇavacana’’nti. ‘‘Dvīhipi pakkhehī’’ti vatvā te pakkhe sarūpato dassento ‘‘mātito ca pitito cā’’ti āha. Tesaṃ pakkhānaṃ vasenassa sujātataṃ dassetuṃ ‘‘yassa mātā’’tiādi vuttaṃ. Janakajanikābhāvena vināpi loke mātāpitusamaññā dissati, idha pana sā orasaputtavaseneva icchitāti dassetuṃ ‘‘saṃsuddhagahaṇiko’’ti vuttaṃ. Gabbhaṃ gaṇhāti dhāretīti gahaṇī, gabbhāsayasaññito mātukucchippadeso. Yathābhuttassa āhārassa vipācanavasena gaṇhanato achaḍḍanato gahaṇī, kammajatejodhātu.
бид̇аа жа маад̇аа жа бид̇аро, бид̇уунам̣ бид̇аро бид̇аамахаа, д̇зсам̣ яуг̇о бид̇аамахаяуг̇о, д̇асмаа ‘‘яаава сад̇д̇амаа бид̇аамахаяуг̇аа бид̇аамахад̣̇ванд̣̇аа’’д̇и звамзд̇т̇а ад̇т̇о д̣̇адтаб̣б̣о. адтагат̇ааяам̣ бана д̣̇ванд̣̇ам̣ аг̇г̇ахзд̇ваа ‘‘яуг̇анд̇и ааяуббамаан̣ам̣ вужжад̇ий’’д̇и вуд̇д̇ам̣. яуг̇а-сад̣̇д̣̇асса жа ад̇т̇агат̇аа д̣̇ассид̇аа ‘‘бид̇аамахоязва бид̇аамахаяуг̇а’’нд̇и. буб̣б̣абурисаад̇и бурисаг̇г̇ахан̣ан̃жзд̇т̇а уггадтанид̣̇д̣̇зсавасзна гад̇анд̇и д̣̇адтаб̣б̣ам̣. зван̃хи ‘‘маад̇ид̇о’’д̇и баал̣иважанам̣ самад̇т̇ид̇ам̣ ход̇и. агкид̇д̇од̇и агкзбо. анавагкид̇д̇од̇и сад̣̇д̇хат̇аалибаагаад̣̇ийсу анавагкид̇д̇о на чад̣д̣ид̇о. ж̇аад̇иваад̣̇знаад̇и хзд̇умхи гаран̣аважананд̇и д̣̇ассзд̇ум̣ ‘‘гзна гааран̣знаа’’д̇иаад̣̇и вуд̇д̇ам̣. зд̇т̇а жа ‘‘убхад̇о…бз… бид̇аамахаяуг̇аа’’д̇и зд̇зна б̣раахман̣асса яонид̣̇осаабхааво д̣̇ассид̇о сам̣суд̣̇д̇хаг̇ахан̣игад̇аагид̇д̇анад̇о. ‘‘агкид̇д̇о’’д̇и иминаа гирияаабараад̇хаабхааво. сам̣суд̣̇д̇хаж̇аад̇игааби хи сад̇д̇аа гирияаабараад̇хзна кзбам̣ баабун̣анд̇и. ‘‘анубаггудто’’д̇и иминаа аяуд̇д̇асам̣саг̇г̇аабхааво. аяуд̇д̇асам̣саг̇г̇ан̃хи бадижжа сад̇д̇аа суд̣̇д̇хаж̇аад̇игаа гирияаабараад̇харахид̇ааби аггосам̣ лабханд̇и.
Pitā ca mātā ca pitaro, pitūnaṃ pitaro pitāmahā, tesaṃ yugo pitāmahayugo, tasmā ‘‘yāva sattamā pitāmahayugā pitāmahadvandā’’ti evamettha attho daṭṭhabbo. Aṭṭhakathāyaṃ pana dvandaṃ aggahetvā ‘‘yuganti āyuppamāṇaṃ vuccatī’’ti vuttaṃ. Yuga-saddassa ca atthakathā dassitā ‘‘pitāmahoyevapitāmahayuga’’nti. Pubbapurisāti purisaggahaṇañcettha ukkaṭṭhaniddesavasena katanti daṭṭhabbaṃ. Evañhi ‘‘mātito’’ti pāḷivacanaṃ samatthitaṃ hoti. Akkhittoti akkhepo. Anavakkhittoti saddhathālipākādīsu anavakkhitto na chaḍḍito. Jātivādenāti hetumhi karaṇavacananti dassetuṃ ‘‘kena kāraṇenā’’tiādi vuttaṃ. Ettha ca ‘‘ubhato…pe… pitāmahayugā’’ti etena brāhmaṇassa yonidosābhāvo dassito saṃsuddhagahaṇikatākittanato. ‘‘Akkhitto’’ti iminā kiriyāparādhābhāvo. Saṃsuddhajātikāpi hi sattā kiriyāparādhena khepaṃ pāpuṇanti. ‘‘Anupakkuṭṭho’’ti iminā ayuttasaṃsaggābhāvo. Ayuttasaṃsaggañhi paṭicca sattā suddhajātikā kiriyāparādharahitāpi akkosaṃ labhanti.
д̇анд̇и г̇арахааважанам̣. манд̇з баривад̇д̇зд̇ийд̇и взд̣̇з саж̇жхааяад̇и, барияаабун̣аад̇ийд̇и ад̇т̇о. манд̇з д̇хаарзд̇ийд̇и яат̇ааад̇хийд̇з манд̇з асаммудтз гад̇ваа хад̣̇аяз табзд̇и.
Tanti garahāvacanaṃ. Mante parivattetīti vede sajjhāyati, pariyāpuṇātīti attho. Mante dhāretīti yathāadhīte mante asammuṭṭhe katvā hadaye ṭhapeti.
одтабахад̇агаран̣авасзнаад̇и ад̇т̇аавад̇хааран̣авасзна. санигхан̣д̣угздубхаананд̇и зд̇т̇а важанийяаваажагабхаавзна ад̇т̇ам̣ сад̣̇д̣̇ан̃жа кан̣д̣ад̇и бхинд̣̇ад̇и вибхаж̇ж̇а д̣̇ассзд̇ийд̇и никан̣д̣у, со зва ид̇ха ка-гаарасса гха-гаарам̣ гад̇ваа ‘‘нигхан̣д̣уу’’д̇и вуд̇д̇о. гидад̇и г̇амзд̇и гирияаад̣̇ивибхааг̇ам̣, д̇ам̣ ваа анавасзсабарияаад̣̇аанад̇о г̇амзнд̇о буурзд̇ийд̇и гздубхам̣. взважанаббагаасаганд̇и барияааяасад̣̇д̣̇ад̣̇ийбагам̣, згзгасса ад̇т̇асса анзгабарияааяаважанавибхааваганд̇и ад̇т̇о. нид̣̇ассанамад̇д̇ан̃жзд̇ам̣ анзгзсамби ад̇т̇аанам̣ згасад̣̇д̣̇аважанийяад̇аавибхааванавасзнаби д̇асса г̇ант̇асса бавад̇д̇ад̇д̇аа. важийбхзд̣̇аад̣̇илагкан̣аа гирияаа габбийяад̇и вигаббийяад̇и зд̇знаад̇и гирияаагаббо, со бана ван̣н̣абад̣̇асамб̣анд̇хабад̣̇ад̇т̇аад̣̇ивибхааг̇ад̇о б̣ахугаббод̇и ааха ‘‘гирияаагаббавигаббо’’д̇и. ид̣̇ан̃жа муулагирияаагаббаг̇ант̇ам̣ санд̇хааяа вуд̇д̇ам̣. со хи махаависаяо сад̇асахассабаримаан̣о намаажарияаад̣̇иббагаран̣ам̣. таанагаран̣аад̣̇ивибхааг̇ад̇о ниб̣б̣ажанавибхааг̇ад̇о жа агкараа бабхзд̣̇ийяанд̇и зд̇зхийд̇и агкараббабхзд̣̇аа, сигкаанируд̇д̇ияо. зд̇зсанд̇и жад̇уннам̣ взд̣̇аанам̣.
Oṭṭhapahatakaraṇavasenāti atthāvadhāraṇavasena. Sanighaṇḍukeṭubhānanti ettha vacanīyavācakabhāvena atthaṃ saddañca khaṇḍati bhindati vibhajja dassetīti nikhaṇḍu, so eva idha kha-kārassa gha-kāraṃ katvā ‘‘nighaṇḍū’’ti vutto. Kiṭati gameti kiriyādivibhāgaṃ, taṃ vā anavasesapariyādānato gamento pūretīti keṭubhaṃ. Vevacanappakāsakanti pariyāyasaddadīpakaṃ, ekekassa atthassa anekapariyāyavacanavibhāvakanti attho. Nidassanamattañcetaṃ anekesampi atthānaṃ ekasaddavacanīyatāvibhāvanavasenapi tassa ganthassa pavattattā. Vacībhedādilakkhaṇā kiriyā kappīyati vikappīyati etenāti kiriyākappo, so pana vaṇṇapadasambandhapadatthādivibhāgato bahukappoti āha ‘‘kiriyākappavikappo’’ti. Idañca mūlakiriyākappaganthaṃ sandhāya vuttaṃ. So hi mahāvisayo satasahassaparimāṇo namācariyādippakaraṇaṃ. Ṭhānakaraṇādivibhāgato nibbacanavibhāgato ca akkharā pabhedīyanti etehīti akkharappabhedā, sikkhāniruttiyo. Etesanti catunnaṃ vedānaṃ.
бад̣̇анд̇и жад̇уб̣б̣ид̇хам̣, бан̃жавид̇хам̣ ваа бад̣̇ам̣, д̇ам̣ бад̣̇ам̣ гааяад̇ийд̇и бад̣̇аго, д̇зязва ваа взд̣̇з бад̣̇асо гааяад̇ийд̇и бад̣̇аго. д̇ад̣̇авасзсанд̇и вуд̇д̇аавасзсам̣ ваагяам̣. зд̇д̇аавад̇аа сад̣̇д̣̇аб̣яаагаран̣ам̣ вад̇ваа буна ‘‘б̣яаагаран̣а’’нд̇и ад̇т̇аб̣яаагаран̣амааха. д̇ам̣ д̇ам̣ сад̣̇д̣̇ам̣ д̇ад̣̇ад̇т̇ан̃жа б̣яаагарод̇и б̣яаажигкад̇и зд̇знаад̇и б̣яаагаран̣ам̣, сад̣̇д̣̇асад̇т̇ам̣. ааяад̇им̣ хид̇ам̣ д̇зна лого на яад̇ад̇и на ийхад̇ийд̇и логааяад̇ам̣. д̇ан̃хи г̇ант̇ам̣ ниссааяа сад̇д̇аа бун̃н̃агирияааяа жид̇д̇амби на уббаад̣̇знд̇и.
Padanti catubbidhaṃ, pañcavidhaṃ vā padaṃ, taṃ padaṃ kāyatīti padako, teyeva vā vede padaso kāyatīti padako. Tadavasesanti vuttāvasesaṃ vākyaṃ. Ettāvatā saddabyākaraṇaṃ vatvā puna ‘‘byākaraṇa’’nti atthabyākaraṇamāha. Taṃ taṃ saddaṃ tadatthañca byākaroti byācikkhati etenāti byākaraṇaṃ, saddasatthaṃ. Āyatiṃ hitaṃ tena loko na yatati na īhatīti lokāyataṃ. Tañhi ganthaṃ nissāya sattā puññakiriyāya cittampi na uppādenti.
асийд̇и махаасаавагаад̇и ан̃н̃аасигон̣д̣ан̃н̃о, ваббо, бхад̣̇д̣̇ияо, махаанаамо, ассаж̇и, наал̣аго, яасо, вимало, суб̣ааху, бун̣н̣аж̇и, г̇авамбад̇и, урувзлагассабо, над̣̇ийгассабо, г̇аяаагассабо, саарибуд̇д̇о, махаамог̇г̇аллаано, махаагассабо, махаагажжаано, махаагодтиго, махаагаббино, махаажунд̣̇о, ануруд̣̇д̇хо, ган̇каарзвад̇о, аананд̣̇о, нанд̣̇аго, бхаг̇у, нанд̣̇ияо, гимило, бхад̣̇д̣̇ияо, раахуло, сийвали, убаали, д̣̇аб̣б̣о, убасзно, кад̣̇ираванияарзвад̇о, бун̣н̣о манд̇аанибуд̇д̇о, бун̣н̣о сунаабаранд̇аго, сон̣о гудиган̣н̣о, сон̣о гол̣ивисо, раад̇хо, субхууд̇и, ан̇г̇улимаало, ваггали, гаал̣уд̣̇ааяий, махаауд̣̇ааяий, билинд̣̇аважчо, собхид̇о, гумаарагассабо, радтабаало, ван̇г̇ийсо, сабхияо, сзло, убаваан̣о, мзгхияо, сааг̇ад̇о, нааг̇ид̇о, лагун̣д̣агабхад̣̇д̣̇ияо, бин̣д̣оло бхаарад̣̇вааж̇о, махаабант̇аго, жуул̣абант̇аго, б̣аагуло, гун̣д̣ад̇хаано, д̣̇ааружийрияо, яасож̇о, аж̇ид̇о , д̇иссамзд̇д̇зяяо, бун̣н̣аго, мзд̇д̇аг̇у, д̇ход̇аго, убасийво, нанд̣̇о, хзмаго, д̇од̣̇зяяо, габбо, ж̇ад̇уган̣н̣ий, бхад̣̇раавуд̇хо, уд̣̇аяо, босало, могхарааж̇аа, бин̇г̇ияод̇и зд̇з асийд̇и махаасаавагаа наама.
Asīti mahāsāvakāti aññāsikoṇḍañño, vappo, bhaddiyo, mahānāmo, assaji, nāḷako, yaso, vimalo, subāhu, puṇṇaji, gavampati, uruvelakassapo, nadīkassapo, gayākassapo, sāriputto, mahāmoggallāno, mahākassapo, mahākaccāno, mahākoṭṭhiko, mahākappino, mahācundo, anuruddho, kaṅkhārevato, ānando, nandako, bhagu, nandiyo, kimilo, bhaddiyo, rāhulo, sīvali, upāli, dabbo, upaseno, khadiravaniyarevato, puṇṇo mantāniputto, puṇṇo sunāparantako, soṇo kuṭikaṇṇo, soṇo koḷiviso, rādho, subhūti, aṅgulimālo, vakkali, kāḷudāyī, mahāudāyī, pilindavaccho, sobhito, kumārakassapo, raṭṭhapālo, vaṅgīso, sabhiyo, selo, upavāṇo, meghiyo, sāgato, nāgito, lakuṇḍakabhaddiyo, piṇḍolo bhāradvājo, mahāpanthako, cūḷapanthako, bākulo, kuṇḍadhāno, dārucīriyo, yasojo, ajito , tissametteyyo, puṇṇako, mettagu, dhotako, upasīvo, nando, hemako, todeyyo, kappo, jatukaṇṇī, bhadrāvudho, udayo, posalo, mogharājā, piṅgiyoti ete asīti mahāsāvakā nāma.
гасмаа банзд̇з зва т̇зраа ‘‘махаасаавагаа’’д̇и вужжанд̇ийд̇и? абхинийхаарасса маханд̇абхаавад̇о. д̇ат̇аа хи д̣̇вз аг̇г̇асаавагааби махаасаавагзсу анд̇ог̇ад̇хаа. д̇з хи саавагабаарамин̃аан̣асса мад̇т̇агаббад̇д̇ияаа саавагзсу аг̇г̇ад̇хаммаад̇хиг̇амзна аг̇г̇адтаанз тид̇ааби абхинийхаарамаханд̇ад̇аасааман̃н̃зна ‘‘махаасаавагаа’’д̇иби вужжанд̇и, ид̇арз бана багад̇исаавагзхи саад̇исаяам̣ махаабхинийхаараа. д̇ат̇аа хи д̇з бад̣̇умуд̇д̇арасса бхаг̇авад̇о гаалз гад̇абан̣ид̇хаанаа, д̇ад̇о зва саад̇исаяам̣ абхин̃н̃аасамаабад̇д̇ийсу васино бабхиннаббадисамбхид̣̇аа жа. гаамам̣ саб̣б̣зби араханд̇о сийлависуд̣̇д̇хиаад̣̇игз самбаад̣̇зд̇ваа жад̇уусу сад̇ибадтаанзсу суббад̇идтид̇ажид̇д̇аа сад̇д̇а б̣ож̇жхан̇г̇з яат̇аабхууд̇ам̣ бхаавзд̇ваа маг̇г̇аббадибаадияаа анавасзсад̇о гилзсз кзбзд̇ваа аг̇г̇апалз бад̇идтаханд̇и, д̇ат̇ааби яат̇аа сад̣̇д̇хаавимуд̇д̇ад̇о д̣̇идтиббад̇д̇асса, бан̃н̃аавимуд̇д̇ад̇о жа убхад̇обхааг̇авимуд̇д̇асса буб̣б̣абхааг̇абхааванаависзсасид̣̇д̇хо маг̇г̇абхааванаависзсо, звам̣ абхинийхаарамаханд̇ад̇д̇абуб̣б̣аяог̇амаханд̇ад̇д̇аа хи сасанд̇аанз саад̇исаяасса г̇ун̣ависзсасса нибпаад̣̇ид̇ад̇д̇аа сийлаад̣̇ийхи г̇ун̣зхи маханд̇аа саавагаад̇и махаасаавагаа. д̇зсуязва бана яз б̣од̇хибагкияад̇хаммзсу баамогкабхаавзна д̇хурабхууд̇аанам̣ саммаад̣̇идтисан̇габбаад̣̇ийнам̣ саад̇исаяам̣ гижжаанубхааванибпад̇д̇ияаа гааран̣абхууд̇ааяа д̇аж̇ж̇аабхинийхаараабхинийхадааяа саггажжам̣ ниранд̇арам̣ жирагааласамбхаавид̇ааяа саммаабадибад̇д̇ияаа яат̇ааггамам̣ бан̃н̃ааяа самаад̇хисмин̃жа уггадтабаарамиббад̇д̇ияаа сависзсам̣ саб̣б̣аг̇ун̣зхи аг̇г̇абхаавз тид̇аа, д̇з саарибуд̇д̇амог̇г̇аллаанаа. ид̇арз адтасад̇д̇ад̇и т̇зраа саавагабаарамияаа мад̇т̇агз саб̣б̣асаавагаанам̣ аг̇г̇абхаавзна адтид̇ад̇д̇аа ‘‘махаасаавагаа’’ижжзва вужжанд̇и. багад̇исаавагаа бана абхинийхаарамаханд̇ад̇д̇аабхаавад̇о буб̣б̣аяог̇амаханд̇ад̇д̇аабхаавад̇о жа ‘‘сад̇т̇усаавагаа’’ижжзва вужжанд̇и. д̇з бана аг̇г̇асаавагаа вияа махаасаавагаа вияа жа на баримид̇аа, ат̇а ко анзгасад̇аа анзгасахассаа.
Kasmā panete eva therā ‘‘mahāsāvakā’’ti vuccantīti? Abhinīhārassa mahantabhāvato. Tathā hi dve aggasāvakāpi mahāsāvakesu antogadhā. Te hi sāvakapāramiñāṇassa matthakappattiyā sāvakesu aggadhammādhigamena aggaṭṭhāne ṭhitāpi abhinīhāramahantatāsāmaññena ‘‘mahāsāvakā’’tipi vuccanti, itare pana pakatisāvakehi sātisayaṃ mahābhinīhārā. Tathā hi te padumuttarassa bhagavato kāle katapaṇidhānā, tato eva sātisayaṃ abhiññāsamāpattīsu vasino pabhinnappaṭisambhidā ca. Kāmaṃ sabbepi arahanto sīlavisuddhiādike sampādetvā catūsu satipaṭṭhānesu suppatiṭṭhitacittā satta bojjhaṅge yathābhūtaṃ bhāvetvā maggappaṭipāṭiyā anavasesato kilese khepetvā aggaphale patiṭṭhahanti, tathāpi yathā saddhāvimuttato diṭṭhippattassa, paññāvimuttato ca ubhatobhāgavimuttassa pubbabhāgabhāvanāvisesasiddho maggabhāvanāviseso, evaṃ abhinīhāramahantattapubbayogamahantattā hi sasantāne sātisayassa guṇavisesassa nipphāditattā sīlādīhi guṇehi mahantā sāvakāti mahāsāvakā. Tesuyeva pana ye bodhipakkhiyadhammesu pāmokkhabhāvena dhurabhūtānaṃ sammādiṭṭhisaṅkappādīnaṃ sātisayaṃ kiccānubhāvanipphattiyā kāraṇabhūtāya tajjābhinīhārābhinīhaṭāya sakkaccaṃ nirantaraṃ cirakālasambhāvitāya sammāpaṭipattiyā yathākkamaṃ paññāya samādhismiñca ukkaṭṭhapāramippattiyā savisesaṃ sabbaguṇehi aggabhāve ṭhitā, te sāriputtamoggallānā. Itare aṭṭhasattati therā sāvakapāramiyā matthake sabbasāvakānaṃ aggabhāvena aṭṭhitattā ‘‘mahāsāvakā’’icceva vuccanti. Pakatisāvakā pana abhinīhāramahantattābhāvato pubbayogamahantattābhāvato ca ‘‘satthusāvakā’’icceva vuccanti. Te pana aggasāvakā viya mahāsāvakā viya ca na parimitā, atha kho anekasatā anekasahassā.
ваяад̇ийд̇и ваяо, аад̣̇имаж̇жхабарияосаанзсу гад̇т̇ажи абаригиламанд̇о авид̇т̇ааяанд̇о д̇з г̇ант̇з санд̇аанзд̇и бан̣зд̇ийд̇и ад̇т̇о. д̣̇вз бадисзд̇хаа багад̇им̣ г̇амзнд̇ийд̇и д̣̇ассзд̇ум̣ ‘‘аваяо на ход̇ий’’д̇и вад̇ваа д̇ад̇т̇а аваяам̣ д̣̇ассзд̇ум̣ ‘‘аваяо наама…бз… на саггод̇ий’’д̇и вуд̇д̇ам̣.
Vayatīti vayo, ādimajjhapariyosānesu katthaci aparikilamanto avitthāyanto te ganthe santāneti paṇetīti attho. Dve paṭisedhā pakatiṃ gamentīti dassetuṃ ‘‘avayo na hotī’’ti vatvā tattha avayaṃ dassetuṃ ‘‘avayo nāma…pe… na sakkotī’’ti vuttaṃ.
ид̇хаад̇и имасмим̣ суд̇д̇з. зд̇анд̇и ‘‘вивижжзва гаамзхий’’д̇иаад̣̇иважанам̣. д̇ад̇ияавиж̇ж̇аад̇хиг̇амааяа бадибад̇д̇иггамо висуд̣̇д̇химаг̇г̇з (висуд̣̇д̇хи. 1.70) саад̇исаяам̣ вид̇т̇аарид̇о, д̇ат̇аа ид̇ха авад̇д̇угаамад̇ааяа бхаяабхзравасуд̇д̇аад̣̇ийсу (ма. ни. 1.34 аад̣̇аяо) вияа сан̇кзбад̇о жа вад̇д̇угаамад̇ааяа ‘‘д̣̇виннам̣ виж̇ж̇аана’’мижжзва вуд̇д̇ам̣.
Idhāti imasmiṃ sutte. Etanti ‘‘vivicceva kāmehī’’tiādivacanaṃ. Tatiyavijjādhigamāya paṭipattikkamo visuddhimagge (visuddhi. 1.70) sātisayaṃ vitthārito, tathā idha avattukāmatāya bhayabheravasuttādīsu (ma. ni. 1.34 ādayo) viya saṅkhepato ca vattukāmatāya ‘‘dvinnaṃ vijjāna’’micceva vuttaṃ.
виж̇ж̇аад̇и буб̣б̣зниваасаббадижчаад̣̇агасса мохагканд̇хасса виж̇ж̇анадтзнаби виж̇ж̇аа. мохо бадижчаад̣̇агадтзна д̇амод̇и вужжад̇и д̇амо вияаад̇и гад̇ваа. гаад̇аб̣б̣ад̇о гаран̣ам̣, обхаасова гаран̣ам̣ обхаасагаран̣ам̣, ад̇д̇ано бажжаязхи обхаасабхаавзна ниб̣б̣ад̇д̇зд̇аб̣б̣адтзнаад̇и ад̇т̇о. аяам̣ ад̇т̇од̇и аяамзва ад̇хиббзд̇ад̇т̇о. басам̣сааважананд̇и д̇ассзва ад̇т̇асса т̇оманааважанам̣ бадибагкавид̇хаманабавад̇д̇ивисзсаанам̣ б̣од̇ханад̇о. яож̇анаад̇и басам̣саавасзна вуд̇д̇абад̣̇аанам̣ ад̇т̇ад̣̇ассанавасзна вуд̇д̇абад̣̇асса жа яож̇анаа. авиж̇ж̇аа вихад̇аад̇и зд̇зна виж̇ж̇анадтзна виж̇ж̇аад̇и аяамби ад̇т̇о д̣̇ийбид̇од̇и д̣̇адтаб̣б̣ам̣. яасмаа виж̇ж̇аа уббаннаад̇и зд̇зна виж̇ж̇аабадибагкаа авиж̇ж̇аа, бадибагкад̇аа жассаа бахаад̇аб̣б̣абхаавзна виж̇ж̇ааяа жа бахааяагабхаавзнаад̇и д̣̇ассзд̇и. ид̇арасмимби бад̣̇ад̣̇ваязд̇и ‘‘д̇амо вихад̇о, аалого уббанно’’д̇и бад̣̇ад̣̇ваязби. зсзва наяод̇и яат̇аавуд̇д̇аяож̇анам̣ ад̇ид̣̇исад̇и. д̇ад̇т̇ааяам̣ яож̇анаа – звам̣ ад̇хиг̇ад̇авиж̇ж̇асса д̇амо вихад̇о вид̣̇д̇хасд̇о. гасмаа? яасмаа аалого уббанно н̃аан̣аалого баад̇убхууд̇од̇и. бзсид̇ад̇д̇ассаад̇и яат̇аад̇хиббзд̇ад̇т̇асид̣̇д̇хиббад̇д̇им̣ виссадтажид̇д̇асса, батамавиж̇ж̇аад̇хиг̇амааяа бзсид̇ажид̇д̇ассаад̇и вуд̇д̇ам̣ ход̇и.
Vijjāti pubbenivāsappaṭicchādakassa mohakkhandhassa vijjanaṭṭhenapi vijjā. Moho paṭicchādakaṭṭhena tamoti vuccati tamo viyāti katvā. Kātabbato karaṇaṃ, obhāsova karaṇaṃ obhāsakaraṇaṃ, attano paccayehi obhāsabhāvena nibbattetabbaṭṭhenāti attho. Ayaṃ atthoti ayameva adhippetattho. Pasaṃsāvacananti tasseva atthassa thomanāvacanaṃ paṭipakkhavidhamanapavattivisesānaṃ bodhanato. Yojanāti pasaṃsāvasena vuttapadānaṃ atthadassanavasena vuttapadassa ca yojanā. Avijjā vihatāti etena vijjanaṭṭhena vijjāti ayampi attho dīpitoti daṭṭhabbaṃ. Yasmā vijjā uppannāti etena vijjāpaṭipakkhā avijjā, paṭipakkhatā cassā pahātabbabhāvena vijjāya ca pahāyakabhāvenāti dasseti. Itarasmimpi padadvayeti ‘‘tamo vihato, āloko uppanno’’ti padadvayepi. Eseva nayoti yathāvuttayojanaṃ atidisati. Tatthāyaṃ yojanā – evaṃ adhigatavijjassa tamo vihato viddhasto. Kasmā? Yasmā āloko uppanno ñāṇāloko pātubhūtoti. Pesitattassāti yathādhippetatthasiddhippattiṃ vissaṭṭhacittassa, paṭhamavijjādhigamāya pesitacittassāti vuttaṃ hoti.
вибассанаабаад̣̇аганд̇и иминаа д̇асса жхаанажид̇д̇асса ниб̣б̣зд̇хабхааг̇ияад̇амааха. вибассанаа д̇ивид̇хаа вибассагабуг̇г̇алабхзд̣̇зна. махааб̣од̇хисад̇д̇аанан̃хи бажжзгаб̣од̇хисад̇д̇аанан̃жа вибассанаа жинд̇аамаяан̃аан̣асам̣вад̣дхид̇ад̇д̇аа саяамбхун̃аан̣абхууд̇аа, ид̇арзсам̣ суд̇амаяан̃аан̣асам̣вад̣дхид̇ад̇д̇аа баробад̣̇зсасамбхууд̇аа. саа ‘‘табзд̇ваа нзвасан̃н̃аанаасан̃н̃ааяад̇анам̣ авасзсаруубааруубаж̇жхаанаанам̣ ан̃н̃ад̇арад̇о вудтааяаа’’д̇иаад̣̇инаа анзгад̇хаа аруубамукавасзна жад̇уд̇хаад̇увавад̇т̇аанз вуд̇д̇аанам̣ д̇зсам̣ д̇зсам̣ д̇хаад̇убариг̇г̇ахамукаанам̣ ан̃н̃ад̇арамукавасзна жа анзгад̇хаава висуд̣̇д̇химаг̇г̇з (висуд̣̇д̇хи. 1.306) наанаанаяад̇о вибхаавид̇аа. махааб̣од̇хисад̇д̇аанам̣ бана жад̇увийсад̇игодисад̇асахассамукзна бабхзд̣̇аг̇аманад̇о наанаанаяам̣ саб̣б̣ан̃н̃уд̇ан̃н̃аан̣асанниссаяасса арияамаг̇г̇ан̃аан̣асса ад̇хидтаанабхууд̇ам̣ буб̣б̣абхааг̇ан̃аан̣аг̇аб̣бхам̣ г̇ан̣хаабзнд̇ам̣ барибаагам̣ г̇ажчанд̇ам̣ барамаг̇амбхийрам̣ сан̣хасукумад̇арам̣ анан̃н̃асаад̇хааран̣ам̣ вибассанаан̃аан̣ам̣ ход̇и, яам̣ адтагат̇аасу ‘‘махааваж̇иран̃аан̣а’’нд̇и вужжад̇и. яасса жа бавад̇д̇ивибхааг̇зна жад̇увийсад̇игодисад̇асахассаббабхзд̣̇асса баад̣̇агабхаавзна самаабаж̇ж̇ияамаанаа жад̇увийсад̇игодисад̇асахассасан̇каа д̣̇звасигам̣ сад̇т̇у вал̣ан̃ж̇анагасамаабад̇д̇ияо вужжанд̇и, свааяам̣ б̣уд̣̇д̇хаанам̣ вибассанаажааро барамад̇т̇аман̃ж̇уусааяам̣ висуд̣̇д̇химаг̇г̇асам̣ван̣н̣анааяам̣ (висуд̣̇д̇хи. махаадий. 1.144) д̣̇ассид̇о, ад̇т̇игзхи д̇ад̇о г̇ахзд̇аб̣б̣од̇и. ид̇ха бана саавагаанам̣ вибассанаажаарам̣ санд̇хааяа ‘‘вибассанаабаад̣̇ага’’нд̇и вуд̇д̇ам̣.
Vipassanāpādakanti iminā tassa jhānacittassa nibbedhabhāgiyatamāha. Vipassanā tividhā vipassakapuggalabhedena. Mahābodhisattānañhi paccekabodhisattānañca vipassanā cintāmayañāṇasaṃvaḍḍhitattā sayambhuñāṇabhūtā, itaresaṃ sutamayañāṇasaṃvaḍḍhitattā paropadesasambhūtā. Sā ‘‘ṭhapetvā nevasaññānāsaññāyatanaṃ avasesarūpārūpajjhānānaṃ aññatarato vuṭṭhāyā’’tiādinā anekadhā arūpamukhavasena catudhātuvavatthāne vuttānaṃ tesaṃ tesaṃ dhātupariggahamukhānaṃ aññataramukhavasena ca anekadhāva visuddhimagge (visuddhi. 1.306) nānānayato vibhāvitā. Mahābodhisattānaṃ pana catuvīsatikoṭisatasahassamukhena pabhedagamanato nānānayaṃ sabbaññutaññāṇasannissayassa ariyamaggañāṇassa adhiṭṭhānabhūtaṃ pubbabhāgañāṇagabbhaṃ gaṇhāpentaṃ paripākaṃ gacchantaṃ paramagambhīraṃ saṇhasukhumataraṃ anaññasādhāraṇaṃ vipassanāñāṇaṃ hoti, yaṃ aṭṭhakathāsu ‘‘mahāvajirañāṇa’’nti vuccati. Yassa ca pavattivibhāgena catuvīsatikoṭisatasahassappabhedassa pādakabhāvena samāpajjiyamānā catuvīsatikoṭisatasahassasaṅkhā devasikaṃ satthu vaḷañjanakasamāpattiyo vuccanti, svāyaṃ buddhānaṃ vipassanācāro paramatthamañjūsāyaṃ visuddhimaggasaṃvaṇṇanāyaṃ (visuddhi. mahāṭī. 1.144) dassito, atthikehi tato gahetabboti. Idha pana sāvakānaṃ vipassanācāraṃ sandhāya ‘‘vipassanāpādaka’’nti vuttaṃ.
гаамам̣ хздтимамаг̇г̇ан̃аан̣ааниби аасаваанам̣ кзбанан̃аан̣аани зва, анавасзсад̇о бана д̇зсам̣ кзбанам̣ аг̇г̇амаг̇г̇ан̃аан̣знзваад̇и ааха ‘‘арахад̇д̇амаг̇г̇ан̃аан̣ад̇т̇ааяаа’’д̇и. аасававинаасанад̇од̇и аасаваанам̣ ниссзсам̣ самужчинд̣̇анад̇о. аасаваанам̣ каяз н̃аан̣ам̣ аасавагкаяан̃аан̣анд̇и д̣̇ассзнд̇о ‘‘д̇ад̇ра жзд̇ам̣ н̃аан̣а’’нд̇и вад̇ваа ‘‘каяз’’д̇и аад̇хаарз бхуммам̣, на висаязд̇и д̣̇ассзнд̇о ‘‘д̇ад̇т̇а барияаабаннад̇д̇аа’’д̇и ааха. абхинийхарад̇ийд̇и абхимукам̣ нийхарад̇и, яат̇аа маг̇г̇аабхисамаяо ход̇и, саванам̣ д̇ад̣̇абхимукам̣ бавад̇д̇зд̇и. ид̣̇ам̣ д̣̇угканд̇и д̣̇угкасса арияасажжасса д̇ад̣̇аа бхигкунаа бажжагкад̇о г̇ахид̇абхаавад̣̇ассанам̣. зд̇д̇агам̣ д̣̇угканд̇и д̇асса барижчиж̇ж̇а г̇ахид̇абхаавад̣̇ассанам̣. на ид̇о бхияяод̇и д̇асса анавасзсад̇о г̇ахид̇абхаавад̣̇ассанам̣. д̇знааха ‘‘саб̣б̣амби д̣̇угкасажжа’’нд̇иаад̣̇и. сарасалагкан̣абадивзд̇хзнаад̇и сабхаавасан̇каад̇асса лагкан̣асса асаммохад̇о бадивиж̇жханзна. асаммохабадивзд̇ход̇и жа яат̇аа д̇асмим̣ н̃аан̣з бавад̇д̇з бажчаа д̣̇угкасажжасса саруубаад̣̇ибарижчзд̣̇з саммохо на ход̇и, д̇ат̇аа бавад̇д̇и. д̇знзвааха ‘‘яат̇аабхууд̇ам̣ баж̇аанаад̇ий’’д̇и. д̣̇угкам̣ самуд̣̇зд̇и зд̇асмаад̇и д̣̇угкасамуд̣̇аяо. яам̣ таанам̣ бад̇ваад̇и яам̣ ниб̣б̣аанам̣ маг̇г̇асса аарамман̣абажжаяадтзна гааран̣абхууд̇ам̣ ааг̇амма. бад̇ваад̇и жа д̇ад̣̇убхаяавад̇о буг̇г̇аласса бавад̇д̇ияаад̇и гад̇ваа вуд̇д̇ам̣. бад̇ваад̇и ваа баабун̣анахзд̇у. аббавад̇д̇инд̇и аббавад̇д̇инимид̇д̇ам̣. д̇з ваа на бавад̇д̇анд̇и зд̇т̇аад̇и аббавад̇д̇и, ниб̣б̣аанам̣. д̇ассаад̇и д̣̇угканирод̇хасса. самбаабаганд̇и сажчигирияаавасзна саммад̣̇зва баабагам̣.
Kāmaṃ heṭṭhimamaggañāṇānipi āsavānaṃ khepanañāṇāni eva, anavasesato pana tesaṃ khepanaṃ aggamaggañāṇenevāti āha ‘‘arahattamaggañāṇatthāyā’’ti. Āsavavināsanatoti āsavānaṃ nissesaṃ samucchindanato. Āsavānaṃ khaye ñāṇaṃ āsavakkhayañāṇanti dassento ‘‘tatra cetaṃ ñāṇa’’nti vatvā ‘‘khaye’’ti ādhāre bhummaṃ, na visayeti dassento ‘‘tattha pariyāpannattā’’ti āha. Abhinīharatīti abhimukhaṃ nīharati, yathā maggābhisamayo hoti, savanaṃ tadabhimukhaṃ pavatteti. Idaṃ dukkhanti dukkhassa ariyasaccassa tadā bhikkhunā paccakkhato gahitabhāvadassanaṃ. Ettakaṃ dukkhanti tassa paricchijja gahitabhāvadassanaṃ. Na ito bhiyyoti tassa anavasesato gahitabhāvadassanaṃ. Tenāha ‘‘sabbampi dukkhasacca’’ntiādi. Sarasalakkhaṇapaṭivedhenāti sabhāvasaṅkhātassa lakkhaṇassa asammohato paṭivijjhanena. Asammohapaṭivedhoti ca yathā tasmiṃ ñāṇe pavatte pacchā dukkhasaccassa sarūpādiparicchede sammoho na hoti, tathā pavatti. Tenevāha ‘‘yathābhūtaṃ pajānātī’’ti. Dukkhaṃ samudeti etasmāti dukkhasamudayo. Yaṃ ṭhānaṃ patvāti yaṃ nibbānaṃ maggassa ārammaṇapaccayaṭṭhena kāraṇabhūtaṃ āgamma. Patvāti ca tadubhayavato puggalassa pavattiyāti katvā vuttaṃ. Patvāti vā pāpuṇanahetu. Appavattinti appavattinimittaṃ. Te vā na pavattanti etthāti appavatti, nibbānaṃ. Tassāti dukkhanirodhassa. Sampāpakanti sacchikiriyāvasena sammadeva pāpakaṃ.
гилзсавасзнаад̇и аасавасан̇каад̇агилзсавасзна. яасмаа аасаваанам̣ д̣̇угкасажжабарияааяо д̇аббарияаабаннад̇д̇аа сзсасажжаанан̃жа д̇ам̣самуд̣̇аяаад̣̇ибарияааяо ад̇т̇и, д̇асмаа вуд̇д̇ам̣ ‘‘барияааяад̇о’’д̇и. д̣̇ассзнд̇о сажжаанийд̇и яож̇анаа. аасаваанан̃жзд̇т̇а г̇ахан̣ам̣ ‘‘аасаваанам̣ каяан̃аан̣ааяаа’’д̇и аарад̣̇д̇хад̇д̇аа. д̇ат̇аа хи ‘‘гаамаасавааби жид̇д̇ам̣ вимужжад̇ий’’д̇иаад̣̇инаа аасававимуд̇д̇исийсзнзва саб̣б̣агилзсавимуд̇д̇и вуд̇д̇аа. ‘‘ид̣̇ам̣ д̣̇угканд̇и яат̇аабхууд̇ам̣ баж̇аанаад̇ий’’д̇иаад̣̇инаа миссагамаг̇г̇о ид̇ха гат̇ид̇од̇и ‘‘саха вибассанааяа годиббад̇д̇ам̣ маг̇г̇ам̣ гат̇зсий’’д̇и вуд̇д̇ам̣. ж̇аанад̇о бассад̇од̇и иминаа барин̃н̃аасажчигирияаабхааванаабхисамаяаа вуд̇д̇аа. вимужжад̇ийд̇и иминаа бахаанаабхисамаяо вуд̇д̇од̇и ааха ‘‘иминаа маг̇г̇агкан̣ам̣ д̣̇ассзд̇ий’’д̇и. ж̇аанад̇о бассад̇од̇и ваа хзд̇унид̣̇д̣̇зсо. яам̣ ж̇аананахзд̇у гаамаасавааби жид̇д̇ам̣ вимужжад̇ийд̇и яож̇анаа. д̇хаммаанан̃хи самаанагаалигаанамби бажжаяабажжаяуббаннад̇аа сахаж̇аад̇агодияаа лаб̣бхад̇и. бхаваасаваг̇г̇ахан̣знзва зд̇т̇а бхаварааг̇асса вияа бхавад̣̇идтияааби самаварод̇ход̇и д̣̇идтаасавассаби сан̇г̇ахо д̣̇адтаб̣б̣о.
Kilesavasenāti āsavasaṅkhātakilesavasena. Yasmā āsavānaṃ dukkhasaccapariyāyo tappariyāpannattā sesasaccānañca taṃsamudayādipariyāyo atthi, tasmā vuttaṃ ‘‘pariyāyato’’ti. Dassento saccānīti yojanā. Āsavānañcettha gahaṇaṃ ‘‘āsavānaṃ khayañāṇāyā’’ti āraddhattā. Tathā hi ‘‘kāmāsavāpi cittaṃ vimuccatī’’tiādinā āsavavimuttisīseneva sabbakilesavimutti vuttā. ‘‘Idaṃ dukkhanti yathābhūtaṃ pajānātī’’tiādinā missakamaggo idha kathitoti ‘‘saha vipassanāya koṭippattaṃ maggaṃ kathesī’’ti vuttaṃ. Jānato passatoti iminā pariññāsacchikiriyābhāvanābhisamayā vuttā. Vimuccatīti iminā pahānābhisamayo vuttoti āha ‘‘iminā maggakkhaṇaṃ dassetī’’ti. Jānatopassatoti vā hetuniddeso. Yaṃ jānanahetu kāmāsavāpi cittaṃ vimuccatīti yojanā. Dhammānañhi samānakālikānampi paccayapaccayuppannatā sahajātakoṭiyā labbhati. Bhavāsavaggahaṇeneva ettha bhavarāgassa viya bhavadiṭṭhiyāpi samavarodhoti diṭṭhāsavassapi saṅgaho daṭṭhabbo.
кийн̣аа ж̇аад̇ийд̇иаад̣̇ийхи бад̣̇зхи. д̇ассаад̇и бажжавзгкан̣ан̃аан̣асса. бхууминд̇и бавад̇д̇идтаанам̣. язнаад̇хиббааязна ‘‘гад̇амаа банассаа’’д̇иаад̣̇инаа жод̣̇анаа гад̇аа, д̇ам̣ виваранд̇о ‘‘на д̇аавассаа’’д̇иаад̣̇имааха . д̇ад̇т̇а на д̇аавасса ад̇ийд̇аа ж̇аад̇и кийн̣аа маг̇г̇абхааванааяаад̇и ад̇хиббааяо. д̇ад̇т̇а гааран̣амааха ‘‘буб̣б̣зва кийн̣ад̇д̇аа’’д̇и. на анааг̇ад̇аа асса ж̇аад̇и кийн̣аад̇и яож̇анаа. на анааг̇ад̇аад̇и жа анааг̇ад̇абхаавасааман̃н̃ам̣ г̇ахзд̇ваа лзсзна жод̣̇зд̇и. д̇знааха ‘‘анааг̇ад̇з вааяаамаабхаавад̇о’’д̇и. анааг̇ад̇ависзсо банзд̇т̇а ад̇хиббзд̇о, д̇асса кзбанз вааяаамо лаб̣бхад̇зва. д̇знааха ‘‘яаа бана маг̇г̇ассаа’’д̇иаад̣̇и. згажад̇убан̃жавогаарабхавзсууд̇и бхавад̇д̇аяаг̇г̇ахан̣ам̣ вуд̇д̇анаязна анавасзсад̇о ж̇аад̇ияаа кийн̣абхаавад̣̇ассанад̇т̇ам̣. д̇анд̇и яат̇аавуд̇д̇ам̣ ж̇аад̇им̣. сод̇и кийн̣аасаво бхигку.
Khīṇā jātītiādīhi padehi. Tassāti paccavekkhaṇañāṇassa. Bhūminti pavattiṭṭhānaṃ. Yenādhippāyena ‘‘katamā panassā’’tiādinā codanā katā, taṃ vivaranto ‘‘na tāvassā’’tiādimāha . Tattha na tāvassa atītā jāti khīṇā maggabhāvanāyāti adhippāyo. Tattha kāraṇamāha ‘‘pubbeva khīṇattā’’ti. Na anāgatā assa jāti khīṇāti yojanā. Na anāgatāti ca anāgatabhāvasāmaññaṃ gahetvā lesena codeti. Tenāha ‘‘anāgate vāyāmābhāvato’’ti. Anāgataviseso panettha adhippeto, tassa khepane vāyāmo labbhateva. Tenāha ‘‘yā pana maggassā’’tiādi. Ekacatupañcavokārabhavesūti bhavattayaggahaṇaṃ vuttanayena anavasesato jātiyā khīṇabhāvadassanatthaṃ. Tanti yathāvuttaṃ jātiṃ. Soti khīṇāsavo bhikkhu.
б̣рахмажарияаваасо наама ид̇ха маг̇г̇аб̣рахмажарияасса ниб̣б̣ад̇д̇анамзваад̇и ааха ‘‘баривуд̇т̇а’’нд̇и. саммаад̣̇идтияаа жад̇уусу сажжзсу барин̃н̃аад̣̇игижжасаад̇ханавасзна бавад̇д̇амаанааяа саммаасан̇габбаад̣̇ийнамби д̣̇угкасажжз барин̃н̃аабхисамаяаануг̇ун̣аа бавад̇д̇и, ид̇арзсу жа сажжзсу нзсам̣ бахаанаабхисамаяаад̣̇ивасзна бавад̇д̇и баагадаа зва. д̇зна вуд̇д̇ам̣ ‘‘жад̇уусу сажжзсу жад̇уухи маг̇г̇зхи барин̃н̃аабахаанасажчигирияаабхааванаабхисамаяавасзнаа’’д̇и. бут̇уж̇ж̇анагаляаан̣агаад̣̇аяод̇и аад̣̇и-сад̣̇д̣̇зна сад̇д̇асзкам̣ сан̇г̇ан̣хаад̇и.
Brahmacariyavāso nāma idha maggabrahmacariyassa nibbattanamevāti āha ‘‘parivuttha’’nti. Sammādiṭṭhiyā catūsu saccesu pariññādikiccasādhanavasena pavattamānāya sammāsaṅkappādīnampi dukkhasacce pariññābhisamayānuguṇā pavatti, itaresu ca saccesu nesaṃ pahānābhisamayādivasena pavatti pākaṭā eva. Tena vuttaṃ ‘‘catūsu saccesu catūhi maggehi pariññāpahānasacchikiriyābhāvanābhisamayavasenā’’ti. Puthujjanakalyāṇakādayoti ādi-saddena sattasekhaṃ saṅgaṇhāti.
ид̇т̇ад̇д̇ааяаад̇и имз багаараа ид̇т̇ам̣, д̇аб̣бхааво ид̇т̇ад̇д̇ам̣, д̇ад̣̇ад̇т̇анд̇и вуд̇д̇ам̣ ход̇и. д̇з бана багаараа арияамаг̇г̇аб̣яаабаарабхууд̇аа барин̃н̃аад̣̇аяо ид̇хаад̇хиббзд̇аад̇и ааха ‘‘звам̣сол̣асавид̇хагижжабхаавааяаа’’д̇и. д̇з хи маг̇г̇ам̣ бажжавзгкад̇о маг̇г̇аанубхаавзна баагадаа худ̇ваа убадтаханд̇и, барин̃н̃аад̣̇ийсу жа бахаанамзва бад̇хаанам̣ д̇ад̣̇ад̇т̇ад̇д̇аа ид̇арзсанд̇и ааха ‘‘гилзсагкаяааяа ваа’’д̇и. бахийнагилзсабажжавзгкан̣авасзна ваа зд̇ам̣ вуд̇д̇ам̣. д̣̇уд̇ияавигаббз ид̇т̇ад̇д̇ааяаад̇и ниссаггз самбад̣̇аанаважананд̇и ааха ‘‘ид̇т̇абхаавад̇о’’д̇и . абаранд̇и анааг̇ад̇ам̣. имз бана жаримагад̇д̇абхаавасан̇каад̇аа бан̃жагканд̇хаа. барин̃н̃аад̇аа д̇идтанд̇ийд̇и зд̇зна д̇зсам̣ аббад̇идтад̇ам̣ д̣̇ассзд̇и. абарин̃н̃аамуулагаа хи бад̇идтаа. яат̇ааха ‘‘габ̣ал̣ийгаарз жз, бхигкавз, аахаарз ад̇т̇и рааг̇о, ад̇т̇и нанд̣̇ий, ад̇т̇и д̇ан̣хаа, бад̇идтид̇ам̣ д̇ад̇т̇а вин̃н̃аан̣ам̣ вирул̣ха’’нд̇иаад̣̇и (сам̣. ни. 2.64; гат̇аа. 296; махаани. 7). д̇знзвааха – ‘‘чиннамуулагаа ругкаа вияаа’’д̇иаад̣̇и.
Itthattāyāti ime pakārā itthaṃ, tabbhāvo itthattaṃ, tadatthanti vuttaṃ hoti. Te pana pakārā ariyamaggabyāpārabhūtā pariññādayo idhādhippetāti āha ‘‘evaṃsoḷasavidhakiccabhāvāyā’’ti. Te hi maggaṃ paccavekkhato maggānubhāvena pākaṭā hutvā upaṭṭhahanti, pariññādīsu ca pahānameva padhānaṃ tadatthattā itaresanti āha ‘‘kilesakkhayāya vā’’ti. Pahīnakilesapaccavekkhaṇavasena vā etaṃ vuttaṃ. Dutiyavikappe itthattāyāti nissakke sampadānavacananti āha ‘‘itthabhāvato’’ti . Aparanti anāgataṃ. Ime pana carimakattabhāvasaṅkhātā pañcakkhandhā. Pariññātā tiṭṭhantīti etena tesaṃ appatiṭṭhataṃ dasseti. Apariññāmūlakā hi patiṭṭhā. Yathāha ‘‘kabaḷīkāre ce, bhikkhave, āhāre atthi rāgo, atthi nandī, atthi taṇhā, patiṭṭhitaṃ tattha viññāṇaṃ viruḷha’’ntiādi (saṃ. ni. 2.64; kathā. 296; mahāni. 7). Tenevāha – ‘‘chinnamūlakā rukkhā viyā’’tiādi.
яассаад̇и бут̇уж̇ж̇анасса. д̇асса хи сийлам̣ гад̣̇аажи вад̣дхад̇и, гад̣̇аажи хааяад̇и. сзгкааби бана сийлзсу барибуурагааринова, асзгкзсу вад̇д̇аб̣б̣амзва над̇т̇и. д̇знааха ‘‘кийн̣аасавассаа’’д̇иаад̣̇и. васиббад̇д̇анд̇и васийбхааваббад̇д̇ам̣. судту самаахид̇анд̇и аг̇г̇апаласамаад̇хинаа саммад̣̇зва самаахид̇ам̣. д̇хид̇исамбаннанд̇и аг̇г̇апалад̇хид̇ияаа саманнааг̇ад̇ам̣. мажжум̣ ж̇ахид̇ваа тид̇анд̇и ааяад̇им̣ бунаб̣бхаваабхаавад̇о вуд̇д̇ам̣. гат̇ам̣ бунаб̣бхаваабхаавод̇и ааха ‘‘саб̣б̣з баабад̇хаммз баж̇ахид̇ваа тид̇а’’нд̇и. саб̣б̣ассаби н̃зяяад̇хаммасса жад̇усажжанд̇ог̇ад̇хад̇д̇аа вуд̇д̇ам̣ ‘‘б̣уд̣̇д̇ханд̇и жад̇усажжаб̣уд̣̇д̇ха’’нд̇и. б̣уд̣̇д̇хасаавагаад̇и саавагаб̣уд̣̇д̇хаа намассанд̇и, баг̇зва ид̇араа баж̇аа. ид̇араа хи баж̇аа саавагзби намассанд̇и. ид̇и зд̇д̇агзна таанзна саммаасамб̣уд̣̇д̇хасса васзна г̇аат̇аанам̣ ад̇т̇ам̣ вад̇ваа ид̣̇аани саавагассаби васзна ад̇т̇ам̣ яож̇зд̇ваа д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. саавагоби г̇од̇амо муканиб̣б̣ад̇д̇зна самбад̇д̇зна самб̣анд̇хзна, яад̇о саб̣б̣зби арияасаавагаа бхаг̇авад̇о орасабуд̇д̇аад̇и вужжанд̇ийд̇и.
Yassāti puthujjanassa. Tassa hi sīlaṃ kadāci vaḍḍhati, kadāci hāyati. Sekkhāpi pana sīlesu paripūrakārinova, asekkhesu vattabbameva natthi. Tenāha ‘‘khīṇāsavassā’’tiādi. Vasippattanti vasībhāvappattaṃ. Suṭṭhu samāhitanti aggaphalasamādhinā sammadeva samāhitaṃ. Dhitisampannanti aggaphaladhitiyā samannāgataṃ. Maccuṃ jahitvā ṭhitanti āyatiṃ punabbhavābhāvato vuttaṃ. Kathaṃ punabbhavābhāvoti āha ‘‘sabbe pāpadhamme pajahitvā ṭhita’’nti. Sabbassapi ñeyyadhammassa catusaccantogadhattā vuttaṃ ‘‘buddhanti catusaccabuddha’’nti. Buddhasāvakāti sāvakabuddhā namassanti, pageva itarā pajā. Itarā hi pajā sāvakepi namassanti. Iti ettakena ṭhānena sammāsambuddhassa vasena gāthānaṃ atthaṃ vatvā idāni sāvakassapi vasena atthaṃ yojetvā dassetuṃ ‘‘atha vā’’tiādi vuttaṃ. Sāvakopi gotamo mukhanibbattena sampattena sambandhena, yato sabbepi ariyasāvakā bhagavato orasaputtāti vuccantīti.
нивуссад̇ийд̇и ниваасо, нивуд̇т̇о канд̇хасанд̇аанод̇и ааха ‘‘нивуд̇т̇агканд̇хабарамбара’’нд̇и. авзд̇и, авзд̣̇ийд̇и баатад̣̇ваязнаби буб̣б̣зниваасан̃аан̣асса гижжасид̣̇д̇хим̣язва д̣̇ассзд̇и. згад̇д̇агааяазгад̇д̇асан̃н̃ибхаавасааман̃н̃ад̇о взхабпалааби зд̇т̇зва сан̇г̇ахам̣ г̇ажчанд̇ийд̇и ‘‘ча гаамааважарз, нава б̣рахмалогз’’ижжзва вуд̇д̇ам̣. ид̇арз бана абажурабхаавад̇о на вуд̇д̇аа. згажжаанам̣ ависаяабхаавад̇о жа аважанам̣ д̣̇адтаб̣б̣ам̣. ж̇аад̇и кийяад̇и зд̇знаад̇и ж̇аад̇игкаяо, арахад̇д̇анд̇и ааха ‘‘арахад̇д̇ам̣ бад̇д̇о’’д̇и. ‘‘абхин̃н̃ааяаа’’д̇и вад̇д̇аб̣б̣з яагааралобзна ‘‘абхин̃н̃аа’’д̇и нид̣̇д̣̇зсо гад̇од̇и ааха ‘‘ж̇аанид̇ваа’’д̇и. гижжавосаанзнаад̇и жад̇уухи маг̇г̇зхи гад̇д̇аб̣б̣асса сол̣асавид̇хасса гижжасса барияосаанзна. восид̇од̇и барияосид̇о, нидтид̇од̇и ад̇т̇о. монзяязна саманнааг̇ад̇од̇и гааяамонзяяаад̣̇ийхи саманнааг̇ад̇о. лабид̇ам̣ лабад̇ийд̇и лабид̇алаабано. ад̇д̇абажжагкад̇о н̃ад̇ваад̇и иминаа д̇зсам̣ виж̇ж̇аанам̣ бадилад̣̇д̇хабхаавам̣ д̣̇ийбзд̇и.
Nivussatīti nivāso, nivuttho khandhasantānoti āha ‘‘nivutthakkhandhaparampara’’nti. Aveti, avedīti pāṭhadvayenapi pubbenivāsañāṇassa kiccasiddhiṃyeva dasseti. Ekattakāyaekattasaññibhāvasāmaññato vehapphalāpi ettheva saṅgahaṃ gacchantīti ‘‘cha kāmāvacare, nava brahmaloke’’icceva vuttaṃ. Itare pana apacurabhāvato na vuttā. Ekaccānaṃ avisayabhāvato ca avacanaṃ daṭṭhabbaṃ. Jāti khīyati etenāti jātikkhayo, arahattanti āha ‘‘arahattaṃ patto’’ti. ‘‘Abhiññāyā’’ti vattabbe yakāralopena ‘‘abhiññā’’ti niddeso katoti āha ‘‘jānitvā’’ti. Kiccavosānenāti catūhi maggehi kattabbassa soḷasavidhassa kiccassa pariyosānena. Vositoti pariyosito, niṭṭhitoti attho. Moneyyena samannāgatoti kāyamoneyyādīhi samannāgato. Lapitaṃ lapatīti lapitalāpano. Attapaccakkhato ñatvāti iminā tesaṃ vijjānaṃ paṭiladdhabhāvaṃ dīpeti.
д̇иган̣н̣асуд̇д̇аван̣н̣анаа нидтид̇аа.
Tikaṇṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. д̇иган̣н̣асуд̇д̇ам̣ • 8. Tikaṇṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̇иган̣н̣асуд̇д̇аван̣н̣анаа • 8. Tikaṇṇasuttavaṇṇanā
